لا يا حبيبي أنا عايزك ترد انت هتكروتني

تحليل مواضيعك شيئ مهم جدا
كمان انا بستفيد منك موضوعاتك ومن الحوار معك
واحب اقول لك شيئ مهم
ان الموضوع الحلو بيشدنى ويشجعنى انى اتكلم فيه واناقش واحلل وافتح قلبى واعرض وجهة نظرى واضع كل الاحتمالات الممكنه
واذا كنت باعمل كده
يبقا اكيد الموضوع يستحق

أشكرك أستاذي الفاضل بورسعيدي والله يعلم كم أحب ردودك واحب النقاش فيها فانت تجعلني أكتشف ما بين سطور الموضوع

ماشي انا هرد بس انت المسؤول ههههههههه

الحنــــــان.. يشد من عضد الانسان ويمنحه القوه

دي عجبتني اوي اوي


وسؤال بقي

اجمع مجموعة مشاعر مع بعض وقولي الناتج
مثال مثلا
الحب + الحيرة + الشك " مش انك تشك ان حبيبك بيخونك لا انك تشك انه بيحبك اساسا أو تشك انك انت بتحبه اساسا " + ضيف علي ده كله بقي انك لازم تاخد قرار في موقفك ده


تقدر تقولي المجموع يكون ايه او الانسان اللي جواه كل ده في وقت واحد يقدر يسمي مشاعره في الحاله دي ايه ؟؟؟؟

دي حالة صعبة جدا محتاجة الأستاذ بورسعيدي هو اللي يجاوبك عليها

لا يا حبيبي انا عايزك انت اللي ترد انت هتكروتني


ههههههههههه منتظر رد الاستاذ بورسعيدي او ردك

السلام عليكم
الحب + الحيرة + الشك
من وجهة نظرى لا يجتمعان
واذا اجتمعوا يبقا المصطلحات خاطئة
ممكن اجتماع الشك والحيرة فى وقت واحد وممكن كمان نحط معاهم القلق
لكن الحب الحقيقى ( حب بمعنى الكلمة) ( حب كما ينبغى ان يكون) لا يوجد بصحبتة شك او حيرة
دى وجهه نظرى
واكيد الموضوع مش هايخلص على كده
منتظر رأيكم
شكرا لعزومتى على الموضوع يا فيلسوف

تقريبا درى ورد الفيلسوف واحد
والله لم نتفق على شيئ
الدور عليك يا ميدو

مستنينك يا ميدو

الاول شكرا ليك يا استاذ بورسعيدي

بس يا استاذي خليني اوضح اكتر

الحب بالفعل موجود وإلا فايه معناه انك تكون بتفكر فيه اكتر من نفسك ايه معني انه دايما في خيالك بتنام وانت بتتخيل نفسك معاه وبتصحي أول حاجه علي بالك هو حتي وانت نايم احلامك بتكون بيه هو لو فات يوم مكلمتوش تبقي مش علي بعضك يعني ايه لما متحسش بأي طعم للدنيا غير من خلاله هو يعني لما تكون في قمة سعادتك لمجرد انك معاه وتبقي عايز تفضل معاه دايما ولما يبقي خلاص لازم هتمشوا بتكون مدايق اوي يعني لما تكون الكلمات هوايتك ومعاه كل الكلام بيضيع منك انا متأكد استاذي ان الحب موجود

اقول لحضرتك حاجه ملخص الحكاية انا كنت كتبته في جملتين

ملئنا أشواكا في الطريق إلي وردة ولم تشعر بنا أو انها شعرت ولكنها لم تستطيع أن تميل إلينا لتكون لنا وحدنا ويكون الفؤاد لها تربتها ومنبتها
ولكنها لم تستطع
فأخذنا قرارا بالعودة دونها ولكن التساؤل هنا ماذا لو شعرت الان ومالت فهل سنسلك الطريق اليها من جديد ؟

عرفت بقي الشك والحيره فين استاذي ؟؟

تابعت ردك بعد ما سجلت ردي يا استاذ زيزو

مستني ردودكم

بس أعتقد يا ميدو أن هذا هو ما قبل الحب يعني كل ما ذكرت هو ما قبل الحب الحب لم ياتي بعد عندما ياتي تبدأ الشكوك في الزوال والحيرة تكون في بادي الأمر سرعان ما تنتهي باتخاذك القرار

ولم ينكر أحدنا أن الحب غير متواجد ولكن اجتماع الثلاث جوانب معا أعتقد أنهم بالامر العسير

مستني رد الاستاذ بورسعيدي
وبعدين ارد

انا لم الغى او انكر وجود الحب
كلامك ذات الون الاحمر
هو عبارة عن وصف مشاعر لانسان بيدوب فى حبيبتة
ولن اطيل عليك فى هذا

وتعليقى على الملخص انك لم تتمتع بالحصول على الوردة انت وقلبك وابت الوردة ان تميل
اما كلامك ذات اللون الاحمر هو اقرار منك بالسعادة وممارسة الحب بشكل كامل من جميع الاحاسيس وهذا ما شرحته
والان يوجد مفارقة بين الموقفين فى الموقف الاول انت مع الحبيب وتصف مشاعرك تجاه تلك الحبيبة
وفى الموقف التانى تحكى ان الوردة ابت ان تميل لك انت وقلبك
فى الموقف الاول حب صافى بدون اى مشاكل او تعقيدات
فى الموقف التانى هجر , رفض , كسر قلب , حيرة , شك , ( مافيش حب)
اذا الثلاث مشاعر لايمكن ان تجتمع فى انسان معين تجاه انسان معين