|
اقتباس:
أنا مبكرهش فى حياتى أد الردود السلبيه باب المناقشه مفتوح ومن حق الجميع إبداء رأيه الإداره قالت مقفول لأسباب إداريه لو فعلاً كنتو عاوزين تسكتو كان من بعد الرد ده الموضوع تم إغلاقه لكن بعد الرد إتكلمنا وكل واحد عنده رأى كتبه يبقى خلاص اللى يدخل مكان يكمل للنهايه وإفضلو إتناقشو مع بعض وقدمو إقترحات منها هيترفض ومنها هيتم التصديق عليه وفى النهايه هتقدمو إقتراح شامل جميع الإقترحات خالى من العيوب نسبياً ساعتها ده اللى هيتنفذ يعنى بلاش طاعه أولى الأمر واجب حتى لو كان غلط والكلام ده لأن سيدنا أبو بكر لما إتولى الخلافه وطبعاً سيدنا أبو بكر غنى عن التعريف ويكفى إنه خليل رسول الله قال " لقد وليت عليكم ولست يخيرك فإن أحسنت فأعينونى وإن أسأت فقومونى " يعنى ممكن يكون صح وممكن يكون غلط فنساعده على قيام الحق ونساعده بردو فى تصحيح الخطأ والتصحيح ده عمره ما هيجى بالطرق السلبيه وكل واحد يقول الإداره عاوزه كده ماشى لاء إتكلمو وناقشو وقولو اللى عندكم لكن بإسلوب كويس وطول ما بنتناقش مع بعض كويس إيه اللى هيمنع إننا نطبق الأصح |
انت الي فهمت قصدي غلط
انا تكلمت كثيييييرا وللأسف لا فائدةواستاذ اشرف مش موافق نهائيا وعلى فكرة صاحب الموضوع مش دخل من وقتها لو دخل هيقول ويتكلم واحنا بقالنا اسبوووووووع كامل بنتكلم في الموضوع حتى شريف الخضري في موضوع تاني في ناس قالت فين المجموعات وشريف قاله شفت ان الناس كلها عاوزها ؟؟ واستاذ اشرف اتعصب بسبب كلام شريف وقاله انت غاوي مشاكل ؟؟ بغض النظر عن الموقف احنا اتكلمنا كتيييييييير اوي وقلنا راينا اكتر بس انا مش فاهمة ايه سبب الرفض وارسلت لاستاذ اشرف قلتله عشان تريح الناس ومش تلاقي حد رد رد مستفز قول حضرتك الاسباب ومش معنى ان حضرتك قلت الاسباب انها قابلة للتعديل بس عشان نبقى عرفنا السبب عموما انا مش سلبية ولا حاجة تقدر تسأل الناس الي تعرفني كويس هيقولوا لحضرتك اني سلبية او مش سلبية |
وبعدين انت بتقول بلاش كلام طاعة ولي الامر
لا طبعا واجبة طالما مش في معصية واحنا قلنا اقتراحنا واستاذ اشرف مش وافق عليه يعني لازم نحترم قراره طالما هو شايف كدا يبقى لازم نحترم رايه بس احنا برده بنقول رأينا ومش بنسكت يعني |
اقتباس:
طب كويس إنك عارفه إنها مش معصيه ومش حاجه ضروريه يعنى على العموم أنا بعت للأستاذ أشرف رساله طلبت منه إنه يتناقش وبلاش الرد ده اقتباس:
وربنا يوفق لما فيه الخير |
يا جماعة والله انا مششايف ان المجموعات دى ليها لازمة بتحسسنى ان المنتدى احزاب زى الاحزاب الموجوده فى مجتمعنا الحالى احزاب مؤيدة واحزاب معارضة وبتسبب مشاكل هنا فى الموقع وفعلا اعتبروا نفسكم عل الاستايل القديم ما كنش فيه مجموعات وصدقونى المجموعات دى بتقسم الموقع وده وجهة نطرى للموضوع وشكرا فبلاش منها احسن |
اقتباس:
بعد رد حضرتك أنا فهمت كويس هي ليه إتشالت بس لو باب النقاش مقفول يبقي مفيش فابده و حصل خير و مفيش مجموعات إجتماعية و أعتقد إن مش كل المجموعات كانت أحزاب و السلام عليكم و رحمة الله |
هههههههه
لازم اضحك من تانى انا عملت الموضوع دا قبل كدا ولكنه ذهب مع الريح والسبب ( اسباب ادارية ) مفيش حاجة اسمها نعتبر اننا فى النسخة القديمة الدنيا بتطور يا سادة ونتو لسة بتقولو خليكو ورا ربنا معاكو انا مش هرغى كتير لان الكلام خلص عندى اقتباس:
مكنتيش كدا قبل كدا دمتم فى رعاية الله |
اقتباس:
مش اتغيرت ولا حاجة بس تقدر تقول حالة فقدان امل بتروح وبتيجي هقول ايه يعني ؟؟ كل ما نقول يقولوا اسباب ادارية واظن ان من ضمن اعضاء الادارة استاذ عصام يعني موافق اكيد ولازم نحترم رايه لانه اكبر مننا كلنا ومن استاذ اشرف نفسه وبلاش حكاية اتغيرت دي لاني فاهمة الي ورا الكلمة دي كويس يا محمود اطمن انا هند زي ما انا بس الكلام الكتير زي ما قلت ليك مش ليه فائدة وفي الاول وفي الآخر الي الادارة شيفاه هتعمله الكلام دا تقوله لما اتكلم مرة واحدة واسكت بس انا اتكلمت كتير لحد ما قلت بس والكلام زهق مني بس دا لا يمنع اني هفضل ساكتة بس حتة المجموعات دي خلاص بحاول اتجاوزها لاننا مش هنقف عندها في حاجات كتير عاوزة تتغير سلام |
هوا مش تقريبا والله اعلم .. المجموعات الاجتماعية دي زي ال wall اللي على الفيس بوك ؟؟
تتشال ليه بقىىىىىىىى ؟؟؟ ايه خايفين السايت يتقفل من الحكومة مثلا ؟! اذا كان موقع alltalaba بتاع طلبة جامعة القاهرة .. اللي مسيطرين عليه الاخوان مابيتقفلش روحوا خشوا عليه واتفرجوا ع الكلام اللي فيه .. شتيمة مباشرة في الحكومة .. وعادي جدا مافيش مشاكل !! عايزين تقنعوني ان السايت هنا هايتقفل .. عشان كام رأي ولا كام كلمة هايتقالوا في المجموعات الاجتماعية ؟! وبعدين ايه حكاية اسباب ادارية دي ؟! .. ماهو لو اسباب ادارية يبقي في امكان اي ادمين سواء مستر اشرف او عصام او اي حد يقوم لاغي عضوية البشرية اللي ع السايت كلهم ويقولك اسباب ادارية !! حكاية الاستئثار بالرأي دي غلط وستين غلط .. ماجيش انا كعضو اخش على الموقع وابقي مشارك في المجموعات.. واجي في يوم وليلة الاقي المجموعات ملغية .. واجي اسأل على السبب يقولي اسباب ادارية زي مامستر اشرف قال .. لا وياريت سكت .. دا قال وبدون توضيح تفاصيل .. يعني المفروض يشيل اسباب ادارية دي ويقول بدالها وانتا مالك ؟! .. ويشيل بدون توضيح تفاصيل ويقول بدالها اخبط راسك في الحيط !! |
اقتباس:
ههههههههه مش حكاية رأي ولا حاجة ولا حكومة ولا شتيمة انت فاهم الموضوع غلط هي اسباب ادارية وخلاص يا جماعة ما في مواضيع هنا عن مصر والحكومة عادي جدا نقول ايه الله المستعان:) |
طبعاً أنا اشتركت في المنتدى بعد موضوع المجموعات دا ما اتلغى .. وأنا شايف إن في موضوعات كتيرة في المنتدى تعتبر شات .. وبعدين يا جماعة هو يعني ايه شات .. اعتقد الجميع عارف إن الشات هو المحادثة .. أسف يمكن أنا معنديش فكرة المجموعات دي كان عملها بيتم ازاي .. بس اللي أعرفه إن اللي كان بيتكتب فيها زي اللي ممكن يتكتب هنا هو الموضوع وما فيه تعزيز الرقابة على أي مجموعة مش أكتر .. دي حاجة
الحاجة التانية .. الإدارة ترى أن المجموعات بتقسم المنتدى يعني بتعمل فيه شللية وأحزاب .. بجد لو كان دا بيحصل يبقى قلة المجموعات أحسن .. مع إن برضك في أحزاب في المنتدى .. مثلاً في قسم إبداعات الأعضاء دا حزب الشعراء وفي قسم مثلاً كلية التجارة فيه حزب وهكذا .. عشان ملخبطش في الكلام أنا عاوز أعرف بعد إذنكم المجموعات دي كانت عبارة عن ايه .. وشكراً |
يا جماعة اكيد فى حاجة كبيرة جدا مانعه المستر اشرف من الاجابة على الاسئلة خلاص نسيبه على راحته ديه حرية هو مش عاوز يجاوب خلاص مش نضغط عليه وانا عارف ان فى بعض المجموعات تطرفت شوية
تقبلوا مرورى اخوتى واخواتى |
اقتباس:
ولكن تم السيطرة من جانب الحكومة الادارية وحدوووووووووووووووووووووووووووووووووه |
ههههههههههههههههههههههههههه ماشى يا طه هزر براحتك
|
اقتباس:
بانجو مانجاوي ؟ .. ولا بانجو عرانيس ؟!!!! |
| جميع الأوقات بتوقيت GMT +2. الساعة الآن 02:49 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.