| dedy_dody |
05-11-2008 06:19 PM |
اقولك على حاجة احسن حاجة فى الدنيا الحب والاجمل انك تكون بتحب والاجمل والاجمل ان اللى بتحبه يعرف انك بتحبه والاجمل بقى لو كان هو كمان بيحبك بس فى حالتك انت مش غلطان بالعكس اهم حاجة فى الحب الصراحة وانت صارحتها بس للاسف هى مشاعرها مش زى مشاعرك يبقى بجد لو انت بتحبها تحترم مشاعرها وتحترم صراحتها معاك كان ممكن تقولك وانا كمان بحبك بس تكون الحقيقة مش كده وتعيشك يومين حلوين وتفوق على حرج تقعد تداوى فيه سنين وسنين ومش هتنساه وهيبقى علامه فى حياتك وهيتحول معاك لشك فى اى انسانة تقابلها بعدين وتكون بتحبك بجد وممكن كمان يتحول معاك لرغبة فى الانتقام وتدمر معاك قلوب هتقابلها فى حياتك بعدين احسن حل فى موضوعك ده علشان تحافظ على كرامتك ومتنزلش صورتك من نظرها مهما حصل انك تبعد وانت رافع راسك انت مغلطتش انت حبيت وكنت عايز تضحى وتدى بس وده فى حد ذاته شرف ليك واكيد هتلاقى الانسانة اللى تستاهل بجد حبك الكبير ده يمكن ربنا عمل كده علشان الحب ده مش من حق الانسانة اللى كنت بتحبها دى او علشان يمكن علشان انت تستاهل حد احسن من كده ربنا مبيعملش حاجة وحشة ودايما خليك متفائل ومتندمش على حاجة حصلت صدقنى اللى جاى هيبقى احسن واحسن عارف لو كنت سكت ومقولتلهاش كان ممكن يجى عليك يوم وتندم لكن انت كده عرفت راسك من رجليك زى مابيقولوا والحمد لله ان انت لسه فى الاول وربنا يوفقك ويديلك الانسانة اللى تستاهلك بجد ياارق انسان تمنياتى بالتقدم
|
