بوابة الثانوية العامة المصرية - الطب النص كم مع احترامى لكل الدكاتره

بوابة الثانوية العامة المصرية (https://www.thanwya.com/vb/index.php)

- أرشيف المنتدى (https://www.thanwya.com/vb/forumdisplay.php?f=513)

- - الطب النص كم مع احترامى لكل الدكاتره (https://www.thanwya.com/vb/showthread.php?t=83332)

ايه ده
باين كده انا عكيت والله اعلم
اوعى تزعلى منى يا ياسمين بالله عليكى
انا امبارح كنت مخنوقة جدا والله وجت فيكى ومخدتش بالى غير دلوفتى :mellow:

اقتباس:

المشاركة الأصلية كتبت بواسطة براءة (المشاركة 866213)

لا ولا يهمك اى نعم متاخره اوى بس انا بعتلك مع شيرين مش مشكله :)

اقتباس:

توهتيني معاكي يا بنتي في الموضوع ده

معلش بئا:)

اقتباس:

اولا: اعرفك بنفسي...... احمد حسين في كلية الصيدلة جامعة اسكندرية

انتي اتكلمتي في حاجات كتير وحرد عليها كلها على قد ما اقدر

اول حاجة: حال الطب في الوطن العربي مش في مصر بس بقى لايسر عدو ولا حبيب
وده طبعا زي كل المهن التانيه.. مع وضع في الاعتبار بعض الفلتات اللي بتهرب للخارج
وده بيرجع لعدة عوامل اعداد الطلاب الكبيرة لما يبقى 100 طالب على جثة:( وعايزين يتعلموا
وكمان مش اي حد جاب 99 في ثانوي يدخل طب (انا عن نفسي جبت مجموع طب بس مش شايف نفسي طبيب)

اها هو الطب فى البلد ماشاء الله اللهم لا حسد

بس كويس حكايه انك داخل الكليه بمزاجك

اقتباس:

وخلي بالك مش كل الدكاترة دول جراحين..يعني ما يعرفوش يفتحوا جسم بني ادم.. لما اجي اقولك كام دكتور مخ واعصاب في مصر
لكن كام جرااااح؟؟ 250 بس يا سلام

قريت انا ع الحكايه دى قبل كده غير ان الجراحه للبنات هنا مستحيله ماعلينا

اقتباس:

وكمان الناحية التجارية ازاي اجمع فلوس واخد ماجستير ودكتوراه وابقى استشاري واخصائي واخد زماله واجيب
الفيللا والعربية وسيبك ياعم من العيانيين والكلام ده

ده غير عوااااااااااامل تااانية كتير

كلام سليم

اقتباس:

ثانيا: اللي يقول ان مفيش ايدز وفيروسc وكده ده يبقى عبيط.الامراض دي موجودة و بندور لها على علاج
وادي السرطان بيتعالج دلوقتي والايدز نفسه بيتعالج وفيروس سي
سنتين ويبقى زي البرد يتعالج بسهولة

فعلا استعباط جامد الصحافه بتاعتنا دى عثل بجد اى كلام ممكن تنشره المهم تحقق ارباح وخلاص

اقتباس:

نيجي بقى للحتة اللي تبعي شوية يعني طب بديل وكده

مفيش حاجة اسمها طب بديل

اسمها طب تكميلي (يعني كله يكمل بعضه)

بالظبط تكميلى هو ده اللى اقصده مش يكون اعتمدنا كله عليه

اقتباس:

وده موجود بس مش بالطريقة الموجودة دلوقتي

يعني مفيش حاجة اسمه خد بردقوش وزيت حبة البركة وحتخف على طول

الله ينور :)

اقتباس:

انما فيه حاجة اسمها خد قد كده زيت بركه من النوعية الفلانية كام مرة لكام يوم وتاخد معاه كذه وابعد عن كذه

اومال الادوية جت منين؟؟؟

صيادلة خدوا النباتات استخلصوا منها المواد الفعالة وعملوا تجارب على التأثير الجانبي والجرعات وكده
وبعد كده صنعوها وهنا المشكلة التصنيع...... الطبيعي يفرق طبعا
عشان شغل الروابط الكيمائية والتحلل

انتي عارفه علاج اي مرض ليه 3 حاجات حرتبهم حسب الاهمية

النظام الغذائي.. الادوية الطبيعية والاعشاب... الدواء الصناعي بتاع الصيدلية

وكمان مثلا بصي كده حتلاقي الطب الشعبي منتشر ومفيد جدا زي الطب الصيني واليوجا (علاج نفسي)
والابر وكده

يعني اسألي مامتك؟؟ ماما بتعملي القلقاس ازاي؟؟؟؟ حتقولك بقشره و اغسله في ماء وبعد كده ارمي المياه دي خالص

اسأليها ليه؟؟ مش حترد عليك؟؟؟؟؟ انا اقولك القلقاس ده عليه مادة سامه من بره لازم نتخلص منها..متخافيش مش بتموت بس بتقلل فائدته جدااااا

النعناع مثلا؟؟ بتعمله ازاي؟؟ بتغليه ولا تحطيه مع مياة ساخنه

طب ليه فيه دوا اراص وفيه كبسول وفيه حقن وفيه لبوس

فيه ناس درست الكلام ده لسنين وطلعته في مجلات وابحاث

انا بيديني دكتور نبات راجل عالم كبير جدا ومثقف جدا

يقولك ايه ...ورق الزيتون يتجاب ويتغلي ليه فائدة كبيرة جدا ويعالج سكر وضغط وحاجات كتير

عارفه لو روحتي للعطار دلوقتي وقولتيله هات ورق زيتون وغليتيه وشربتيه لمدة........ يجيلك حصوات في الكلى والحالب ويمكن فشل كلوي:(:(

ليه؟؟ لان لازم يبقى اخضر وطازة واول 6-7 ورقات صغيرين من فوق من الشجرة(شغل كيمياء:))

والتوم ده.....جربي تاخدي كل يوم فص على الريق لمدة شهر او تدهني بيه شعرك وادعيلي

الشاي الاخضر.اشربية من2-3 مرات في اليوم منهم مرة على الريق وحتدعيلي برضه

نيجي لنقطة افتكرتها.فيه بحث كنت عامله عن الفيتامينات

عندنا حوالي 13 فيتامين ..كل مشكلة في الجسم من مسبباتها نقص انزيم
سواء في الجلد في الشعر في الاظافر في الشفايف وباقي الجسم

فيتامين بي نقصه يضعف النظر عشان كده يقولك كلي جزر

انا عاوز اثبتلك اهمية الحاجة دي.. وقارني بين اجدادنا اللي كانوا بياكلوا السلطة والخضار والفول والجيل ده بتاع الهامبورجر والبطاطس
والمعلبات

اقتباس:

نا لكيت كتير وشكلي توهتك زي ما توهتيني بس عندي كلام تاني كتيررررررر فانتظرونا.

راجع تاني

:078111rg3::078111rg3:

طب بجد يا احمد والله ردك احسن من الموضوع مليون مره انا عن نفسي استفدت منه

ياريت اللى يدخل يقرا الرد ويقلب الموضوع

بجد نورت:)

اقتباس:

المشاركة الأصلية كتبت بواسطة [ kubeed ] (المشاركة 860939)

يا ياسمين انتي بتعلقي علي الطب بس
فعلا هو عندنا نص كم
مش نص كم
لا البلد كلها بصراحه بحملات وكات
بس زي ما تقولي مش خالف تعرف
زي ما تقولي اللي ميعرفش يقول عدس
عارفه احنا عاملين زي ايه
زي العيل الصغير اللي امه قاعده معاه
فبتسأله بتقوله حل السؤال ده ايه
يقولها لاء دي مخدنهاش
لانه نساها او مش عارفها
فاشل
:d
شكرا للموضوع

وينك يا ابن الحاج رضا بجد المنتدى مضلم من غيرك يلا

ع رأيك البلد بقت كات وحملات

ماشيين بمبدأ غريب اللى عاوز يظهر يمشي عكس التيار

يلا دنيا ولا شكر يا سيدى ع واجب

حمدلله على السلامه يا بنوته:d

هي فعلا مش ف مجال الطب بس
مجالات كتير بقت فاشلة

بس بالنسبة للطب بالذات الوضع بقى مؤسف
انا افتكر مرة رحت لدكتورة عيون
وكانت اول واخر مرة اروحلها
المهم ماكنتش عايزة اكشف نظر
كان عندي مشكلة دماغي بتصدع وكدة
ودي بقى اللي طالع عليها
ماتعملي لنسز
على فكرة دي كويسة اوي
وكمان انتى بنت ازاي تلبسي نضاره :huh:

ماعلينا
المهم ف الاخر تيقنت انها مش عارفة حاجة
لما ملقتش حل تقوله
قعدت تقولي قيسي الضغط وحللي دم
والمشكلة اني كنت لسة محللة وكانت نسبة الهيموجلوبين عندي كويسة :huh:
مرضتش اقولها بقى ماصدقت اني هخلص
ودي حست بارتياح انها لقت مخرج :022yb4:
وقالتلي ابقى هاتي النتايج :d

بس بالنسبة للعلاج بالاعشاب والنباتات موجود فعلا
واحيان كتير بيكون كويس جدا كمان
بس هي المشكلة انه مش اي حد يتكلم فيه

وطبعا حكاية انه مفيش مرض اسمه الايدز والالتهاب الكبدي دة هجص

معلش بقى طولت
اصلي مبقوقة م الست دي
ناس فاضية :d

اقتباس:

هى المشكله كده فى مين
أولاً
الإعلام أهم وأكبر نقطه فى الموضوع لأن هو المروج الأساسى للخرفات والإشاعات

اه الاعلام عندنا مصيبه ميصدقوا يلاقوا حاجه وهاتك يا تأليف

اقتباس:

ثانياً
أنا بجد نادراً لما سمعت حاجه من اللى إنتى بتقوليها دى زى تكذيب الإدز ومرض الكبد الوبائى بجد أنا أول مره أسمعها

الموضوع ده كان فى سنه 2004

اقتباس:

ثالثاً
إحنا اللى بننقل ونروج أكاذيب فى أكاذيب بنعالج خطأ بخطأ أكبر يعنى أنا مثلاً متأكد إن مفيش دكتور مصرى أو أى دكتور خرج قال أى حاجه من المكتوبه لكن الهدف الأول والأخير هو تسوء سمعتهم

فى دكاتره مصريين بيهبلوا كتير مش شرط يكون تسوىء السمعه يعنى هحاول اجيبلك المقاله نفسها لو عرفت مع ان مش ليها لازمه

اقتباس:

زى بالضبط لما يقولك إدخل إطلب حذف الصوره الميئه للرسول عاوزين 10000000000 توقيع ونشيل الصوره
أولاً
إنت كده فرجت الصوره ل 10000000000 فرد
ثانياً
إنت فدت فى المقام الأول الموثع اللى نشر الصوره بسس كميه التسجيل اللى حصلت فيه

يعنى الموضوع من الأول خطأ

نيجى بقه لنقطه تانيه
" إسألو أهل الذكر إن كنتم لا تعلمون "
أنا تعبان وعارف إن ده دكتور ورحت كشف عليا وقالى علاجك قشر بطيخ أكيد هصدقه لأن أنا معرفش حاجه فى المجال ده

آسف لو كنت طولت عليكى بس ياريت تكونى فهمت وجهة نظرى

[

انا معاك فى ان الواحد يسال المختص ده اللى كنت بقوله اصلا مش الواحد يسمع كلام اى حد و السلام

لا ولا طولت ولا حاجه يا حاج محمد الموضوع موضوعك وكويس نقاشك مع الدكتور احمد

:)

اقتباس:

المشاركة الأصلية كتبت بواسطة هاى (المشاركة 865682)

مشكوووره يا بنوته
والله الموضوع ده انتشر اوى فى مصر
بقى اى حد عامل نفسه دكتور دلوقتى
وهو اساسا ميعرفش اى حاجه فى اى حاجه
وبيألف طب جديد على مزاجه
والمشكله بقى الأكبر مش فى الناس دى
المشكله فى الناس اللى بتصدق كده
وكمان الصحافه والأعلام لهم دور كبير اوى فى كده
كل يوم بنسمع عن الأعشاب اللى طالعه جديده
وانها علاج لكل الأمراض..................
والله لو كانت بتشفى كل الأمراض زى ما بيقولوا
كانت الدكاتره تقعد فى بيتهم ومعتش لهم لزمه بقى
وكمان حكاية ان ما فيش مرض الأيدز ده ومرض التهاب الكبد الوبائى
اكيد طبعا دى حاجه محدش يصدقها اصلا
وانا مش سمعت عن حاجه زى دى قبل كده
وتسلمى على الموضوع

لا شكر ع واجب ..
كله فعلا بيألف وبيخترعوا طب جديد

زى الدكتور عادل عبدالعال
وبعد كده يكتشفوا انه مزور شهاده ايه والافلام اللى طلعت عليه دى
فى جمله بتقول
لو بطلنا نسأل البواب عن العلاج ونتأكد من صحه كلامه باستشاره الميكانيكى واللبان سنشفى
او حاجه زى كده
وهو ده النظام اللى ماشيه بيه البلد
كل واحد بيفتى
تسلمى انتى ع مرورك الجميل

اقتباس:

المشاركة الأصلية كتبت بواسطة commando (المشاركة 947960)

حمدلله على السلامه يا بنوته:d

الله يسلمك يا محمد

اقتباس:

المشاركة الأصلية كتبت بواسطة taleba me7tasa (المشاركة 949220)

هي فعلا مش ف مجال الطب بس
مجالات كتير بقت فاشلة

بس بالنسبة للطب بالذات الوضع بقى مؤسف
انا افتكر مرة رحت لدكتورة عيون
وكانت اول واخر مرة اروحلها
المهم ماكنتش عايزة اكشف نظر
كان عندي مشكلة دماغي بتصدع وكدة
ودي بقى اللي طالع عليها
ماتعملي لنسز
على فكرة دي كويسة اوي
وكمان انتى بنت ازاي تلبسي نضاره :huh:
هههههههههههههههههههه
مين الاخت وهى مالها نضاره ولا لينسز اللى يريحك انتى ماعلينا

ماعلينا
المهم ف الاخر تيقنت انها مش عارفة حاجة
لما ملقتش حل تقوله
قعدت تقولي قيسي الضغط وحللي دم
والمشكلة اني كنت لسة محللة وكانت نسبة الهيموجلوبين عندي كويسة :huh:
مرضتش اقولها بقى ماصدقت اني هخلص
ودي حست بارتياح انها لقت مخرج :022yb4:
وقالتلي ابقى هاتي النتايج :d

نتايج ايه بئا تنسي مش ناقصين صداع

بس بالنسبة للعلاج بالاعشاب والنباتات موجود فعلا
واحيان كتير بيكون كويس جدا كمان
بس هي المشكلة انه مش اي حد يتكلم فيه

وطبعا حكاية انه مفيش مرض اسمه الايدز والالتهاب الكبدي دة هجص

معلش بقى طولت
اصلي مبقوقة م الست دي
ناس فاضية :d

هههههههههه مبقوقه ولا يهمك يا باشا انتى تدخلى تطلعى اللى انتى عيزاه هو علاج الاعشاب مفيد بس مش بالشكل اللى يكون علاج شافىى وافى يعنى نورتى يا جميل