بوابة الثانوية العامة المصرية - ؟! عاوز الكل يقول اللى فى نفسه ؟!

السلام عليكم اولا
ثانيا بعيد عن موضوع احمد رضا و محمود الاسطورة
لانى بصراحه معرفش عنهم اى حاجة بسبب غيابى عن المنتدى من فترة بسبب ظروف كدة حصلتلى
عوزة اقلك حاجة يا محمد مفيش حد فينا مش بيغلط يعنى مفيناش لا الملاك الطاهر ولا الحمل الوديع و اتحدى اى واحد فى الدنيا يقلى انوا مغلطش فى حق حد لكن فى حاجة
مش العيب اننا نغلط العيب والغلط نفسه هو استمرارك فى الغلط اكيد كل واحد فى بعض الاوقات بيشوف الغلط صح و الصح غلط و هو مقتنع تماما انوا صح و مبيغلطش لكن لما بيقف مع نفسه و تكون وقفه صح بيعرف ان كل حاجة عملها كانت غلط
ممكن تكون غلط فى حق ناس كتير جرحت ناس كتير ضيعت من اديك قلوب كتير حبتك بجد و بصدق واخلصتلك فعلا
لكن انت فى الوقت دة مشفتش فيه غير نفسك و انت عاوز ايه و بس اكيد دة خلاك تخسر ناس كتير و فى حاجات لما بتخسرها من الصعب اووووووووووى انك ترجعها تانى
لكن كفايه خسارة لحد كدة و حاول ترجع اللى ضاع منك و تكسب منه تانى و بص كويس اوى لعلقتك مع ربنا فى مقوله كدة انا مقتنعه بيها اووووووووووووووى بجد
( من حبه ربه حبب فيه خلقه )
لو لقيت فى وقت كل الناس بتبعد عنك اعرف انك فيك حاجة غلط ولازم تتصلح حاول تغير من نفسك و متخسرش اكتر ما خسرت فى حاجات يا محمد مبترجعش تانى وانا متاكدة مليون الميه لو فعلا غيرت بعض الحاجات فى نفسك هتتغير فى حياتك حاجات كتير
انا مش بقلك زيف ولا غش ولا جامل علشان تعجب الناس بس قبل اى تصرف حاول تحسب دة و شوف دة هيكون تاثيرة ايه على الشخص اللى ادامك و حط نفسك مكانه و شوف لو هو اللى عمل معاك كدة كان هيديقق و يجرحك و يزعلك ولا لاء مش من السهل ابدا تحس بحب الناس اليك و دة لو ضاع منك هتفضل تحزن عليه طول العمر
عرفه انى اتكلمت و رغيت كتير و فعلا لو حبيت اقول كل اللى انا عوزة اقوله مش هخلص بجد فى حاجات كتير نفسى اقلهالك بس خلى كل حاجة لوقتها و انا متاكدة ان جواك كويس حتى لو كان بيصدر منك بعض الحاجات غلط ربنا يوفققك و يهديك و يهدى الجميع
واسفه جدااااااااااااااااااااا انى طولت عليك و اسفه ان كنت ديقتك بكلامى
يلا سلام عليكم