ياسلالالالالام

بص يامحمد قبل اي حاجه وقبل ما اقول رأيي في الموضوع ده

عايزه اقول حاجه حصلت معايه شخصيا وربنا شاهد عليها .

في مره من المرات اشتريت منتج وبدون تسميه ومش هقول حتى ايه المنتج ده

بس هو منتج مستورد مش صناعه مصريه ولا حتى صناعه عربيه

واشتريته من مكان كويس جدا يعني مش من بقالة الحاج محمود واولاده

لا مكان كويس وليه اسمه وسمعته

المهم لما رجعت البيت وبالصدفه وانا بقلب بالمنتج ده

اكتشفت ان في ستيكر محطوط ومكتوب عليه تاريخ الانتاج وانتهاء الصلاحيه

شلت الستيكر ده بحذر واتفاجأت بان في تاريخ انتاج وانتهاء صلاحيه تاني تحت الستيكر

وتاريخ الصلاحيه عدى من اكثر من 6 اشهر .

انا افتكرت الموقف الي حصلي ده لما قريت موضوعك

احنا مش عايزين الناس عندنا ترمي المنتجات الي لسه على صلاحيتها سنتين عشان صحة المواطن

يعني مش عايزين نظام ايطاليا ده يتنفذ عندنا لان المختصين والي عملوا مدة الصلاحيه

عارفين ان المنتج ده ممكن استخدامه في مدة كذا

احنا عايزين حل وسط

لا يرموا الحاجه قبل موعد انتهاء صلاحيتها بسنتين و لا يخلونا نستخدم منتجات منتهية الصلاحيه

وكلنا عارفين ان خير الامور اوسطها " وجعلناكم امةً وسطا"

شكرا ليك يامحمد

وتقبل مروري