اثناء الشرح طالب والطلبة منتبة والفصل هادي اذا بطالب ينادي باعلي صوته يا ماما اننا وقفت في صمت والطلبة ضحكوا عليه لما لقيته اتحرج قلبت الموضوع ضحك وقلت لهم ما انا ماما برضه والطالب اتاسف وقال اصل انا سرحت وتصورت حضرتك ما ما وهم طلبة ثانوى

أنا أستحملت 30دقيقة لانه استاذنا وفى مقام والدى ،والباب أساسا مفتوح فى كل حصصى .
طيب توافق بعد ما يشتمنى نص ساعة كاملة اقوله مع السلامة بالساهل كده !!!!!!!!!
الموضوع كبير .........اشكرك زميلى الكريم على التواصل.
السؤل يعيد طرح نفسه من جديد؟؟؟؟
ماذا تفعل لو كنت مكانى ؟؟؟؟!!!

.

احيكي يا غاليه علي هذا الموضوع

المواقف كثيرة جدا منها ما هو مقبول ومنها غير ذلك واتذكر موقف مضحك لن انساه ابدا كنت بداخل الفصل وفي اثناء الشرح والاندماج والطلاب في حالة ساكنه ومرة وحدة بدات اشم رائحة شياط حاجه غريبه وفجاءة زاد الشياط وبدا يظهر دخان في الفصل وبالاخص من خلال السقف ومرة واحده اخذت لمبات السقف تنفجر لمبات نيلون مثل القنابل الكل هرول من الفصل في منظر كوميدي لان انساه ابدا الغريب هو شكل الانفجار للمبات وبصراحة المنظر كان رهيب وبالاخص من نزل اسف الدرج ومنهم من طار من الباب وكنت اول من فزع ولكن سرعان ما تملكت واخذ اتكلم بصوت عالي ايه فيه ايه عادي خلاص وانا بيني وبينكم كنت هموت من الفزعه اول واحد ههههههههههههههههههههه

مشكورة مرة اخري

سعدت بمشاركه حضرتك
ومنتظرين رد فعل حضرتك لهذا الموقف

أول مرة اضحك متواصل بالشكل ده .
انا متجوز بس بقينا فى الهوا سوا وانت السبب استاذ/شريف .المدام بتتهمنى بالجنون على ضحكى المتواصل من موقفك .
السؤال يطرح نفسة من جديد ؟؟؟؟ ماذا تفعل لو كنت مكانى؟؟؟؟
لو كنت مكانك كنت قلعت الفردتين ومشيت بالشراب احسن .
ربنا يسعدك يا استاذ شريف وتتجوز قريب ونفرحوا فيك وتتهد شوية .

فعلا لو حدث فى تلك الايام
كانت النتيجه ستكون مختلفه تماما
جزاكم الله خيرا على مشاركه حضرتك فى الموضوع
فى امان الله

مشكور على مشاركتك الطيبه

الموقف صعب أمام الطلاب ،وكيفية ردى عليه أصعب ،وأنا منهجى ان احرض طلابى على ان لا يتقبلوا أى أهانة من أى شخص،بشرط ان يحترم الانسان نفسه ويكون على صواب .
بعد ان قال السيد المتابع : خد المسائلة دى عندك .
قلت له: بعد اذن حضرتك (وابتسامتى لا تفارقنى) ان ما قلته من اول الحصةهو كلام انا ارفضه شكلا ومضمونا ،حضرتك قلت يا ابنى قلت فوت دى وقلت يا حبيبى قلت مايهمش وقلت يا ضناية قلت زى بعضة ،وقلت بتستكردنى هو انا مدرس مدرس مجالات ولا تاريخ،مدرس المجالات والتاريخ احسن منى ومنك، كلام حضرتك ليس توجيهات فنية ولكنة ردح لا يليق الا بالتجمعات العشوائية .
وفى الاخر تقولى خد المسائلة دى عندك،والله انا اعرف رياضيات اكتر من 10زيك، وشرع فى الانصراف بعد ان قام بجمع 5 كراسات من الطلاب وقالى لى على باب الفصل انا سوف اوريك، فقمت بادخالة مرة اخرى وسط الفصل وقلت له انا لن اوريك فانا غلبان ولكن القانون هو الفيصل بينى وبينك .
وترك الفصل وقام بعدها الطلاب بحل التمرين بأكثر من طريقة .
وبعد ان انتهاء الحصة وخروجى من الفصل سمعت دويا وهتافا من طلاب الفصل الذى انضم اليهم طلاب فصول اخرى (بالروح بالدم نفديك يا أستاذ).

فى أول بدايات عملى معلما للرياضيات اى منذ ربع قرن تقريبا زار مدرستى موجه عام الرياضيات بالمديرية وكان الكل يشهد له بالعنفوان والشدة وزارنى فى فصل أولى اعدادى وكان الدرس العمليات على الاعداد الطبيعية
فعندما بدأ يسأل التلاميذ كتب مسألة على السبورة وهى 4 ÷ صفر = ............ وطلب من احد التلاميذ الاجابة فوقف التلميذ بتلقائية قائلا : مادام الصفر تحت السرير يبقى الحل ليس له معنى فدهش الموجه العام وطلب تفسيرا اكثر من التلميذ فنظر ناحيتى التلميذ فابتسمت له واومأت له بأن يكمل دون خوف
فاسترسل التلميذ وقال للموجه العام : الآنسة تسعة تزوجت من عمى واحد فكل يوم تضربه ضربا شديدا فذهب يشتكى الى الشيخ صفر امام المسجد فوعده ان يتجه اليها لينصحها وتوجه اليها بالفعل ولكنها لم تستجب له بل قامت بشتمه فحزن حزنا شديدا وقال أنه من الان أصبح محايدا جمعيا بحيث اذا اشتكى له أى عدد لا يستجيب له مثلا 3+صفر=3 أى لايؤثر على اى احد ومرض الشيخ صفر ونام على السرير فعندما يذهب اليه عدد من أعداد قريته يراه بمعنى طالما الصفر فوق السرير يساوى صفر أى صفر ÷ 8 = صفر ولما ذهبت اليه التسعة خاف منها عندما سمع صوتها ونزل تحت السرير ووضع المخدة وغطاها باللحاف فلما دخلت التسعة جلست بجوار السرير تقدم اسفها للشيخ صفر وفجأة اكتشفت ان اللحاف هو الذى يستغطى فقالت الكلام ده ملوش معنى وعليه 4÷ صفر = ليس لها معنى .
وانتهى كلام التلميذ للموجه العام كل هذا وأنا أنظر لملامح وجه الموجه ولم استطع تمييز هل هو زعلان أم سعيد وفجأة طلب الموجه العام من الطلبة أن يصفقوا لزميلهم ثم طلب منهم ان يصفقوا معه لأستاذهم الذى هو انا
وخرج الموجه ليسطر فى سجل الزيارات زيارة الى الآن تاج على رأسى .
الموجه العام رحمه الله والتلميذ أصبح أشهر طبيب جراح فى المنطقة وانا مازلت انتظر زيادة الكادر حتى أستطيع توفير مستلزمات اولادى وخاصة التى فى رابعة طب .

جزاكم الله خيرا
سعدت بمشاركه حضرتك فى الموضوع
فى امان الله

ان شاء الله لما حضرتك تتزوج مش هيتكرر ده تانى
جزاكم الله خيرا
وشكرا على مشاركتك الطيبه
فى امان الله

جزاكم الله خيرا على مشاركتك الطيبه
من الجميل ان ننوع فى اساليب التدريس
ونحاول ان نقرب التدريس الى عقول الطلاب
حتى يتحقق الاستيعاب الكامل
وفى نفس الوقت يكون التعلم متعه للطلاب
فى انتظار باقى مشاركات المعلمين
فى امان الله

لما هتتجوز ان شاء الله يبقي كويس لو لقيت اسود او حي كحلي
هتلاقيهم بيتحدفوا من البلكونه زي صواريخ سكود
ولو حظك كويس هتلاقي مصر كلها بتساعدك في توصيل الاحذيه المتطايره من البلكونه وانت تبتسم لهم ابتسامخ مجامله وتكلمهم برقه ان ده خطا وارد نتيجه عبث الاطفال باحذيتك وربنا يستر والاحذيه بتعتك ماتلبسش في راس جارك اللي تحت وقتها هبقي باشا!!!!!!!!!!!

يا نهار
ليه بس كدا يا مسيو
هوا الزواج بيعمل كدا !!!!!!
الله المستعان
فى امان الله