|
تعرفوا طلب الطلب بهدوء بيتحل المشكلة
انما للاسف لسا زي ما انتم بتطلبوا باستفزاز شوفوا كدا المشكلة اللي عرضها الاستاذ مينا ماهر والاستاذ سرور وكيف تم حلها بسهولة انما للاسف واحد زي د احمد هنا بيرد باستفزاز غريب ويقول لك عم اشرف والاخت ترافيل بترد وكأننا بنحب المشاكل وبس ايوه يا ترافيل بنسمع وبنأخذ رأي اسلام والسادات واسئليهم وبناقشهم وربنا يرحمنا ويهديكم ولما تكبروا هتتعبونا وأنا هفتح القسم ليكم واللي محتاج يرجع موضوع يطلب من المشرف الاداري وشكرا للجميع |
اقتباس:
لانه بيعمل كل حاجة بديموقراطية فاحنا بنسوء فى كدة هو فعلا عنده حق فى كل كلمة ياريت نرجوا نراعى فرق السن مثل اخونا الاكبر وانه بيحل كل حاجة بمنتهى الاحترام اعانكم الله وجزاكم الله خيرا |
بسم الله الرحمن الرحيم السلام عليكم ورحمه الله وبركاته أولاً أحب أعتذر للجميع إنى رديت متأخر أووى كده على الموضوع بس ده لأن النت عندى فاصل بقاله تقريباً 3 أيام ومكنتش بقدر أدخل ثانياً هبدأ ردى بطلب ياريت لما نتكلم أو نطلب طلب نطلب الطلب بطريقه أفضل من كده وبلاش نتكلم مع بعض بالإسلوب ده لأنى بجد فى ردود كتير مستفزه فى الموضوع والكلام فيها بلهجه مش كويسه وعلى ما أعتقد إن حضرتك متحبش إن حد يكلمك بالإسلوب ده ثالثاً نرجع للموضوع الأساسى حضرتكم بتستفسرو عن ركن المواضيع المكرره والمحذوفه ليه إتلغى كل الحكايه إن تقريباً فيه سوء فهم حصل فيه فتره كان القسم ده مفتوح للأعضاء والمشرفين ومش بس كده بل بالعكس كانو كمان بيقدرو يردو فيه وفى الوقت ده أنا طلبت من الأستاذ أشرف حجب القسم عن الأعضاء ومنع الرد فيه وده بيتهيألى سببه واضح ومش محتاج تفسير . بعد فتره إتضح إن المشرفين بيقدرو يردو فى القسم ومش بس كده دول كمان بيقدرو يرجعو منه الموضوعات المحذوفه . تعالو نركز على النقطه دى بيقدرو يرجعو الموضوعات المحذوفه هنه بقه كانت نقطه الفهم الخاطىء معنى إن المشرف يقدر يرجع الموضوع من قسم المحذوفات يعنى المشرف يقدر يرجع موضوع اتحذف من قسم تانى يعنى لو مشرف القسم الدينى حذف موضوع يقدر مشرف الركن العام يرجعه وهكذا بقيه المشرفين وكان الطلب حجب الخاصيه . فى نفس الفتره دى كانت تم نقل وحذف جميع مواضيع حجره المديرين وحجره الإدارين والمشرفين فكده أى مشرف هيقدر يطلع على مواضيع من المفترض إنه ميشوفهاش زى قرارت مثلاً خاصه بالإدارين المديرين فيه حاجات مينفعش إنها تتشاف ممكن تكون بالنسبه للى شافها عاديه بس إحنا شايفين إنها المفروض تكون سريه . فكده النقطه الأولى والتانيه كان لازم يتم ليهم حل والحل الأسهل كان حجب الحجره عن المشرفين لكن هو كان من المفترض إن يتم عمل حجره خاصه لنقل مواضيع الإدارين والمديرين ويتم إلغاء خواص المشرف داخل ركن المواضيع المكرره وبكده تكون المشكله إتحلت لكن طبعاً إحنا كمدرين مش واخدين بالنا إن القسم تم حجبه عن المشرف نهائياً ولما حضرتكم إتكلمتو وقولتو إن تم حجبها عنكم تم التصحيح . يعنى الحكايه كلها من الأول غلطه وسوء فهم فترتب عليها اللى حصل قمتو إنتو بقه كبرتو الدور وعملتو من لا مشكله مشكله كبيره جدااااً وحسيت إننا أجرمنا لكن لو كان التوضيح والاستفسار من حضرتكم جه بشكل سلس وبسيط كانت المشكله هتتحل من غير ما حد يحس بينا لكن تقريباً إحنا بنحب كده بنحب المشاكل . ولذلك ده قرار منى كمدير المشرف اللى هيعرض مشكله بإسلوب غير لائق هيتم وقفه وإن إستمر بنفس الإسلوب هيتم رفع إشرافه يعنى نحسن إسلوبنا مع بعض شويه ونحترم بعض وبلاش الإسلوب اللى ملوش أى لزوم ده |
اقتباس:
ربنا يبارك فيكي يا رب والحمد لله تم فتح القسم لجميع المشرفين ويستطيع الجميع الآن التعامل مع القسم من خلال قراءا المواضيع او فتحها او مشاهدة مواضيع القسم ولكن لا يستطيعوا الرد عليها وفي حالة ارجاع اي موضوع يرجى تبليغ المشرف الاداري او المديرين او الادارة |
السلام عليكم ورحمة الله وبركاتة معلش ردى ممكن يزعل بعض الناس بس ياريت محدش يزعل منى اعتقد ان نص الردود مكانش ليها اى لازمة غير انها مستفزة وفقط الى اعرفة ان ترافل عرضت مشكلة والادارة تكرمت وردت مكنش في لازمة للنرفزة خالص ووقف ورفع اشراف وكلام من دة ما علينا اعتقد ان الموضوع خلص بس انا مش هقفلة يمكن يكون لسة حد عاوز يقول حاجة بدل مقفل ويتفتح تانى يبقى ملهاش لازمة ننتظر دخول صاحبة الموضوع وهيا الى تقول لينا ان كان خلص ولا لا شكرا ....... فى امان الله |
اقتباس:
اوك بس على فكره الموضوع دا اتعمل مرتين ومحدش عبرنا واتمسح الموضوع وشكرا لاستجابتك يا استاذ اشرف وياريت حضرتك تسمعنا من الاول |
اقتباس:
اقتباس:
اقتباس:
اقتباس:
انا هقول لحضرتك المرة دى موضوع عادل ( قوانين الركن العام) اتحذف للمرة الرابعة او الخامسة امبارح برضه نقلت موضوع لاهداءات ومناسبات صاحبه اعترض بقوله راجع قوانين الركن العام وجاية احطله اللينك ملاقتش الموضوع يارييت حضرتك تشوف حل المرة دى بجد لان كده مينفعش والله اللى بيحصل ده اقتباس:
انتظر رد مستر/اشرف عليا واقفل الموضوع بعد كده او اقفله وهو يرد بس اخد كلام منه فى الموضوع ده شكرا ليك محمد:) |
اقتباس:
المهم لما راج الاهداءات راح محمد السادات نقله للمكرر والمحذوف توقعا ان حضرتك مش عايزة الموضوع ونقله فيا ريت تبلغي حد من الاداريين يرجعه لو محتاجه في القسم |
انا رجعت الموضوع بتاع عادل تانى والسادات شرح وجهة نظره وقال انه مكنش يقصد بس الموضوع اتنقل من قسم اقتراحات راح المواضيع المكررة لان افتكر ان القوانين هتتعدل من جديد بالنسبة لقسم المواضيع المكررة والمحذوفة انا قولت راى فيه اكتر من مرة وهقوله تانى بس الاول ممكن اسال سوال للسادة المشرفين هيفيدك با ايه قسم لا تقدر ترد فيه ولا ليك صلاحيات فيه نهائى ؟ بمعنى اوضح قسم مواضيعه كلها محذوفة ملكش ادنى سلطة عليه متقدرش ترجع اى موضوع منه ولا تكتب رد فيه ومين يعنى عاقل هيكتب فى قسم مواضيعه محذوفه بس هوجه السوال بشكل تانى ايه الفائدة اللى هتعود عليك فى قسم ملكش اى صلاحيات فيه ومتقدرش ترجع مواضيعه ؟ قسم المحذوفات بيكون فيه مناقشات ومواضيع محذوفة من حجرة الاداريين او المديرين مينفعش حد يشوفها يعنى ممكن يكون فيه تعيين مشرف ادارى جديد ممكن يكون فى مشرف هيتشال ممكن اى حاجة من دى مصيبة انا عاملها وبتحاسب اى حاجة :) وبعد ما بيخلص الموضوع بيتشال ويتنقل المحذوفات هيفيدك فى ايه قسم المحذوفات مدام انتا مش هتقدر لا ترد ولا ترجع موضوع منه عمتا لا زلت عند راى قسم المحذوفات يفضل زى ما هو لا يراه المشرف اقتباس:
اقتباس:
وعجبى :d |
يلا خلاص
بقي نرجع ادوات المشاكل اللي مأجرينها لاصحابها بسرعة علشان كدا هندفع اكثر وكفاية خناقة وهنقفل بقي الفرح هنا قصدي الموضوع وكله يروح |
اقتباس:
اقتباس:
مش فاهم عموما الموضوع بالنسبة لي انتهى شكرا للادارة |
اقتباس:
بكره تعرف ايه اللى حصل المهم المشكلة اتحلت وبقا القسم متاح وبكدا تم غلق الموضوع |
| جميع الأوقات بتوقيت GMT +2. الساعة الآن 10:45 PM. |
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.