|
.. .. السلام عليكم .. ..
كل سنه وانت طيب يا استاذ اشرف يعنى الواحد فى العيد كل ما بيكبر مش بيحس بالعيد وكدا انما بعد الصلاة وزى ماقولت بنسلم على اصحابنا ونروح للقرايب وكدا تانى يوم خروج وكدا وان شاء الله عيد مبارك على الكل |
اقتباس:
ربنا يكثر الحجرات عندكم في البيت علشان تخرجي كثير ما دام انك بتطلعي من حجرة لحجرة ربنا يحفظ لكي والدتك وتسعديها بالتفوق في الحاسبات وتكوني مهندسة حاسبات كبيرة وكل عام وانتي بصحة وخير واقرب الى الله |
اقتباس:
اهو قعدله شوية اهوه :078111rg3: |
اقتباس:
و حضرتك بخير ان شاء الله :078111rg3: |
اقتباس:
وانا شايف كدا برضوا وعلشان كدا بعد اذن المشرفة ترافيل هنقل الموضوع للعام تاني |
اقتباس:
طبعا الصلاة اجمل شيء في اليوم وكمان صلة الرحم وكل سنة وانت طيب بس شكل العيد عندك عادي خالص |
اقتباس:
كل بتاع ثانوي بيدلعوا ومش بيعلموا حاجة في البيت بحجة انهم ثانوي عام وبيني وبينك الخروف فعلا اترحم وربنا يكون في عون المدرسين هيسترحوا شويا وكل سنة وانتي بخير وسعادة |
بسم الله الرحمن الرحيم السلام عليكم كل سنه و انتم طيبين كلكم يارب .. و عيد سعيد عليكم ان شاء الله و بأمر الله كلنا نقضي عيد زي الفل :) بالنسبه لي بقى العيد ده انا حاسه انه مختلف عن اي عيد تاني مش عارفه ليه ؟ يمكن عشان ليلى بنت اخويا جت للدنيا ولا عشان العيد الجاي بأمر الله هكون في الجامعه و هستريح من المدرسه اللي اتفصلت منها :d -ان شاء الله- ولا يمكن عشان مش راح اقضيه في بيتنا زي كل سنه :d:d بس اجمل لحظه في العيد بجد .. هي صلاة العيد لإني بنزل قبل الصلاه بخمس دقايق و بتكون الجوامع هتبدأ تصلي و انا ببقى قاعده ادور على مسجد لسه مبدأش خصوصاً و انه مافيش مسجد لازق في بيتي .. تقول ايه في الكسل على ما بصحى :d اما بالنسبه للترويق و الشقه و كده .. الحمد لله خلصنا امبارح بس بعد عناء :slap1qk6: الشقه كنت عايزه ارميها كلها اصلا و ادخل انام :d و كنت بعمل حاجه من هنا و اقرا ورقة فيزيا من الناحيه التانيه .. يعني بذاكر و بعمل الشقه في وقت واحد << قدرات بقى :d يلا كل سنه و انتم طيبين و في صحه و سلامه يارب و ماتنسوش موعد الاستحمام السنوي :d |
كل سنه وانتا بألف صحه وسلامه
والله الواحد كل ما كبر كل ما صغر العيد اهوه زي ما انتا شايف فيه عيد وناس وكلام من دا بس مفيش فرحه زي زمان الواحد بقا يحاول يصنع الفرحه بنفسه علشان يعرف يعيد وكل سنه وانتا طيب |
اقتباس:
الموضوع ابسط من كدا علشان انت معانا بمشاركاتك السنة دي شفت العيد احلي معاك ازاي كل سنة وانت طيب |
اقتباس:
هو انتي لسا بتأخذي عيدية طيب والله كويس تعرفي ان العيدية زمااااان كنا بنفرح بيها وبنعقد نحسب بقي عمي اعطاني كام وسيدي وخالي وهكذا واللي ما يعطنيش عيدية كنت بقول عليه ده جلدة وبخيل وبقول لوالدي ده فلان بخيل ومش عطاني حاجة المهم ربنا يفك الاكتئاب العام اللي عندك ده وتفرحي بالعيد زي كل سنة |
قبل ما ارد على اسئلة حضرتك .. احب اقول ان العنوان بجد صح بكل المقاييس .. اعياد كتير عدت ماكنتش حاسه بفرحة خالص بس بجد العيد ده مختلف احلى كتير .. :av4056bb7jp3: انت ايه حكايتك في العيد وبتعمل ايه في العيد العيد ده لسه مش عارفة بس استحمال اخرج تالت يوم:) والبيت عندكم اتروق ولا لسا لا ومش هيتروق اخواتى يا عينى مطحونين ف المذاكرة والامتحانات :(وطبعا انا ماليش ف الحاجات دى خالص :) والخروف اشتريت ولا هتشتري لحمة لا السنادى مش هندبح هنشترى وكمان اخبار العيد معاك زي زمان وانت صغير ولا خلاص مش بقي ليه طعم معاكوفي النهاية احب اقول لكل اهل غزة احنا فاكرينكم وبنقول لكم كل عيد وانت اصمت واقوي في وجهة الاحتلال وحسبي الله في كل من حرم حجيج غزة من الحج هذا العام حسبى الله ونعم الوكيل .. ربنا يفك اسرهم يارب :( وكمان ايه رايكم في لوجو الموقع بتاع العيد عجبكم جامد جداااااااااااااا |
اقتباس:
وزى ما هو عندك بالظبط لكن مع اختلاف هذا العام ان العيد متزامن مع عيد ميلادى فكان للخرفان وجهة نظر مختلفة فى عيد ميلادى وحاولوا استغلال هذا التزامن مع مصلحتهم http://www6.0zz0.com/2008/12/06/03/968823756.jpg بس على مين تورتة عيد ميلادى السنة دى حتكون ضانى مش كيك ان شاء الله |
احبتى فى الله رئيس مجلس اداره المنتدى والمديران وجميع هيئه الاشراف وجميع الاعضاء
السلام عليكم ورحمه الله وبركاته وكل عام وانتم الى الله اقرب وعلى طاعته ادوم طبعا العيد صلاه كما قلت اخى عبقر لكن عندينا فى القريه الحريم ملهاش مصلى الا ان الجيل الجديد وايضا سكان غير اهل القريه بنات وحريم يخرجون للصلاه خلف الرجال اما انا فالتزم البيت واقوم باعداد اللحمه اللى هاتتاكل بد الصلاه من الزوار وبعدين بنروح البيت الكبير وندبح العجل على الضهر العصر كده فى وسط جمع غفير من الاطفال وشباب وبنات العيله وطبعا البنات والحريم بيتدبسوا فى تنضيف الاحشاء بس انا بهرب من المووضوع دا باستقبالى للضيوف من البنات والحريم طبعا والرجاله بتبقى فى المندره طبعا اغلعيد ده لهطعم تانى لانى السنه دى مشتركه فى اجمل واغلى منتدى والحمد لله منتدى يحوز احترام الجميع وايضا بنتجمع ذى ما قلت بالنسبه للتنضيف باقوم بيه على مراحل دلوقت لسه يادوب مخلصه غسيل هانعمل ايه بقى كسل ربنا يعين بكره ان شاء الله للعباده وتقبل الله منا ومنكم والمسلمين صالح الاعمال اللهم انصر اهل غزه وحرر الاقصى وفلسطين واجعل رايه الاسلام خفاقه عاليه بهمه شباب المسلمين وكل عام وانتم طيبين |
العيد بصراحه أنا مش عيدت من 2 ثانوى لأنى بفضل سهران طول الليل أصلى وأنا سطيحه للضهر أو العصر أصحى بعد العيد وكمان بينى وبينك بخاف أمشى فى الشارع بيبقى حرب العيال الصغيره بالبنادق الخرز مش راحمين حد فبان أحسن :) |
| جميع الأوقات بتوقيت GMT +2. الساعة الآن 05:47 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.