بوابة الثانوية العامة المصرية

اقتباس:

المشاركة الأصلية كتبت بواسطة bosy .. Mostafa (المشاركة 988371)

بسم الله الرحمن الرحيم

بصوا يا جماعه انا فعلا اتخنقت وجبت اخري بقى
ماليش نفس لا اذاكر ولا اعمل اي حاجه في حياتي اصلا
معرفش السنه دي مش متفائله بيها اطلاقاً .. حاسه ان الامتحانات هتبقى اصعب من 2008 و اتعقدت من الناس اللي معايا في الدروس
في درس الفيزيا خصوصاً .. كلهم جايبين 98 و 99 و ارقام فلكيه كده :confused:
و معايا بنت في درس الفيزيا بجد عقدتني كل حصه تجيب للمستر شوية مسائل ماتتحلش و تتمنظر علينا .. و يوم لما يكون المستر عامل لنا امتحان بتيجي بدري و تقعد تقولنا (انا مش مذاكره حاجه .. انا مش عارفه حاجه .. انا هسقط انا انا) لحد ما اخر مره انا انفعلت عليها و قولت لها (طيب معلش انا هقوم اقعد لوحدي شويه لحد ما المتسر ييجي ماعنديش استعداد اسمع كلام غريب)
بجد زهقت خلااااااص
الفيزيا دي حاسه انها عائق بيني و بين اي حاجه .. و مش عايزه اعقد نفسي منها عشان اعرف امشي فيها
و عندي رعب رهيب مايتوصفش زي ما يكون فوبيا كده من امتحان الفيزيا و من الفيزيا نفسها
و خلاص زهقت بجد و بقيت كارهه الدنيا بسببها :slap1qk6:

زهقت خلاص يا جماعه و حاسه اني بضيع و اني مش راح اوصل لحاجه .. ولو جبت 50% يبقى فل الفل
خلاص بجد فاض بيا و بحلم ان الامتحان ييجي دلوقتي قبل اي وقت تاني مع لسه ادامه كتييير (6 شهور)
قولوا لي اعمل ايه .. لما باجي ادعي ربنا يسهلها لي بقول في نفسي ( و هو راح يسهلها ازاي و انا سلبيه كده)

ادعولي بالله عليكم
و اسفه اني عقدتكم

حاولي ان لا تتقعدي وكوني متفائلة واستعيني بالله