|
والله انا مش عارفة اقولك اية
انتى يالمى تقريبا كانك بتكلمى عنى كل كلمة قلتيها انا كمان بمر بيها لدرجة انى بفكر مدخلش الامتحانات واكيد التقصير فينا لان اهالينا موفرينلنا كل حاجة بس للاسف عاملين ضغط كبير قوى علينا وممكن هو دة الى يكون وصلنا لكدة انا تقريبا فى حالة ضياع كنت فاكرة انى خلاص لو جبت مجموع جيد فى تانية القضية هتتحل لكن للاسف انا السنادى ضايعة فى المذاكرة اعصابى باظت دايما شاردة وبفكر فى الايام السودة الى جاية ولولا ان الواحد عارف ربنا كان اذى نفسة انا اسفة انى قلبت عليكى المواجع بس انا بجد تعابنة قوى وربنا معاكى ومعايا ومع الكل وياريت اى حد من الى هيدخلوا الموضوع يلاقو لينا حل |
مش لوحدك يا لمي
انا كمان بدات اتعب ومش مستحمله الضغط من كل ناحيه المذاكره والمطلوب كتير ومش سهل وضغط البيت برده اصعب بس الحمد لله باحاول اني اظبط الامور خلي حد يشجعك شوفي انت وصاحباتك واتفقوا مع بعض علي الاجزاء اللي تخلصوها كل يوم هتلاقي بينكم منافسه لذيذه وممكن تساعدك وبرده قوي صلتك بربنا لان ده فعلا هيساعدك اكتر |
لمى حبيبتى اولا ازيك؟ ثانيا بقى يا قلبى مش توترى نفسك يابنتى انتى كده انتى اللى بتخوفى نفسك الثانوية و الله زيها زى اى سنة المواد سهلة جدا بس احنا اللى بنضخم العملية لان كل حد حوالينا بيضخمها بصى انتى ذاكرى و اعملى اللى عليكى و الباقى ع ربنا ولو حسيتى فى وقت ان عزيمتك ع المذاكرة قلت فكرى فى حاجات تخليكى ترجعى تذاكرى اكتر من الاول مثلا تخيلى لو دخلتى طب و بقيتى دكتورة و فى وقت زى دلوقتى تروحى فلسطين و تنقذى ناس كمان تخيلى تبقى فى اى كلية تانى انا مش هجيبلك امثلة تانى لانى عارفة هدفك صححى نيتك و حطى مامتك ادام عينك و حطى مستقبلك كله ادام عينك شيلى من دماغك اى حاجة ممكن تقلل معدل مذاكرتك طبيعى جدا بييجى وقت بنبقى مخنوقين فيه ومش قادري نفتح كتاب بس مش ينفع الوقت ده يطول و زى ماقلتلك قبل كده الثانوية و الله زيها زى غيرها و الامتحانات اهم حاجة فيها تكون اعصابك جامدة اللى هيحط الامتحانات مش اذكى منك فى حاجة و اقسملك بالله ربنا مش بيساوى بين حد تعب و حد مش بيتعب بصى كانت فى واحد دايما لما قولها بذاكر و انسى تقولى ذاكرى و ارمى فى البحر و ساعة الامتحان ربنا باذن الله هيردلك كل معلومة ذاكرتيها قبل ماتذاكرى بس قولى ادعية المذاكرة و بعد ماتخلصى قولى "اللهم انى استودعتك ما قرات و مافهمت و ماحفظت فرده الى عند حاجتى اليه فانك على كل شئ قدير و بالاجابة جدير" توكلى ع الله يابنتى بس مش تتواكلى و بالراحة ع نفسك اقعدى مع نفسك شوفى ايه اللى مضايقك و حاولى تصلحى امورك بنفسك ومش تعتمدى ع حد غير اللى خلقك ربنا يارب يخفف عنك و يوفقك ياااااااااااااارب |
بني الطالب .... ضع نصب عينيك قول الله تعالى "إن الله لا يضيع أجر من أحسن عملاً" ده كانت جملة كده محطوطة في مذكرة العربي في أحد الدروس بس بجد انتي محتاجة أولاً يوم او يومين راحة متفكريش في حاجة لحد ما تفرغي كل اللى فيكي وتستعيدي الأمل تاني ونصيحتي ليكي حاجة واحدة بس "عليكم بالبرود" وصدقيني برود الاعصاب ده سلاح محدش عارف قيمته يعني انا مثلاً ذاكرت ما قدر لي الله ان اذاكره وبعدين دخلت على امتحان حسيت إني يا إما دخلت امتحان غير امتحاني او إني فعلاً مبفهمش في أي حاجة والمشكلة إنه كل اللى حواليا كانو متميزين وحاسس إني الوحيد اللى مش فاهم حاجة فيهم لدرجة إني وصلت لمرحلة بقيت بذاكر للامتحان الأخير كتأدية واجب مش للحصول على مجموع وعلى الرغم من ذلك حصل كل واحد على درجته طبقاً لذمته في المذاكرة وليس في حله للامتحان ده حسب الاحصائية اللى عملتها على اصحابي شايفة نفسك ملتزمة بكل الحصص وبتابعي فروض كل حصة خلاص ده كفاية مش لازم تذاكري اكتر من مادتك في اليوم بس تكون المذاكرة بذمة ومتفكريش في النت:romarioxp6: لو الامتحان جه من المريخ برده متعملوش اعتبار لأنك مش لوحدك كل الناس زيك المنهج صعب عالجميع مش معنى إنك مش قادرة تتابعي باستمرار يكون الباقي خلص وحفظ المناهج وآسف لو كنت طولت عليكي واتمنى إني أكون ساعدتك ووفقك الله |
اقتباس:
وان كانوا مش عجبين حظرتك نلغيهم من اللغة ولا تزعلي :slap1qk6::slap1qk6:ههههههههههه اسف لو دايقوكي و شكرا عالنصيحة وخلينا نلعب باللغة حبة ما هو ده اللي بيدي للشخصية جانب غامض ازاي ده عند علماء النفس ويطول شرحه بقدر مايقصر :078111rg3::078111rg3::romarioxp6::):):) |
18 - 2 خلي بالك من التاريخ ده
ربنا يوفقك ويزيل عنك الاحزان وانا متاكد باذن الله ان كل ده هيزول فعسى ان تكرهوا شيئا وهو خير لكم مش ممكن ده عشان تتشغلي بيه ن شئ تاني ممكن يتعبك اكتر ويكون اخطر كل يهون ان شاء الله واحنا موجودين جنبك في اي وقت تحتاجينا هتلاقينا ان شاء الله انا لو لي حد يحبني كده كنت فرحت ولا همني واللي يشوف مصيبة غيره تهون عليه مصيبته انتي مسمعتيش بالاستاذ (الطالب اللي ادعى انه استاذ ) و ضيع الاخوة بس المهم انك تضحكي و تورينا الملاك لما بيضحك انا هفضل مستني لما تقولي انك خلاص ماعدش فيه مشاكل وهادخل هنا كل يوم عشان مش هرتاح الا اما اطمن عليكي منكم ولكم وبكم ( زي ما بتوع الانتخابات ما بيقولوا )) بس دي من القلب أحمد great_bono بس مش great عليكم بل بيكم على فكره bono يعني الطيب اللهم كما فرجت عن ادم وبنيه فرج عن اختنا امتك الصالحة واهدها الى ماهو خير لدينها ودنياها اللهم انك من علم ادم الاسماء كلها فعلمها ما فيه صلاحها و ازل همها وفرج كربتها واجعلها سعيدة في الدنيا في طاعتك و في الاخرة في جنة الفردوس اللهم آمين لها و لكل المسلمين فلنقل آمين في صوت واحد |
الحمد لله
انا دلوقتى كويسة اوى كل بقى تمام الحمد لله شكرا جدا لكل الناس بجد ربنا يكرمكم |
اقتباس:
ولا من اي مجرة تانية ماهي ماعدتش فيزياء دا بقا اسمها مادة الثانوية العامة للانتحار اعلان هام لكل من يريد النتحار ولا يجد سببا فلياتي الى امتحان الفيزياء :giljotiiniug3: ولما الفيزياء هي علم الطبيعة وتيجي كده مش عاوزين الطبيعة نفسها تكون اكتر من كده عندما تنتحرمن الدور العاشر فانك تمر بمنهج الفيزياء حيث ارشميدس :stickjo4:والموجات:( واللزوجة :)و النسياب:av4056bb7jp3: و الحرارة في الهواء :angry2:و الي ناقص تتكهرب:abdoog8: تبقى درست المقرر كله مرة واحدة :confused:ودي مسالة سهله شوف اي عمود كهربة انتحر فوقه :078111rg3::078111rg3: غكرة حلوة مين يجرب:slap1qk6: ((((((اوعى حد يصدق ويقول يلا فكرة حلوة وابقا امتحن في النار مع ابو لهب اهو ممكن الواحد يعرف يغش حاجة ))))))))):slap1qk6: |
مستني تقرير عن 18-2
|
يا جماعه الثانويه دى والله سهله لما تطلع الكليه هتحس انك كنت فى جنه وانت الى كنت بتستهتر بالموضوع الكليه الدكتور يدخل يخبط الكلمتين يمكن عندنا مش كده لانها بفلوس بس فى كلتا الحالتين انتا الى لازم تدور على المعلومه وتجيب من هنا وهناك ومش هتلاقى حد بيقولك زاكر انت الى هتعتمد على نفسك المرحله الجايه وعلى فكره الثانويه دى هيه الاساس بتاع حياتك الى هتعيش عليه طول عمرك بجد انتو ممكن تلاقى ناس كتير بتقولك يا عم نفض ندخل تجاره او حقوق او الكلام ده صدقنى مش هتحس بالفرق ده الا لما تدخل الكليه يا ريت تكونو فهمتو كلامى
|
اقتباس:
وتذكروا دائما بسم الله الرحمن الرحيم روائع من ديوان الشافعي ــ .:. الرضى بقضاء الله وقدره .:. ــ ولا تجزع لحادثـة الليالي ـ ـ فما لحوادث الدنيا من بقـاءدع الأيام تفعل مـا تشاء ـ ـ وطب نفسا ً إذا حكم القضاء وكن رجلا ً عن الأهوال جلدا ـ ـ وشيمتك السماحـة والوفـاء وإن كثرت عيوبك في البرايا ـ ـ وسرك يكون لهـا غطـاء ــ .:. شروط تحصيل العلم .:. ــ أخي لن تنال العلم إلا بستة ٍ ـ ـ سأنييك عن تفاصيلها ببيانذكاء وحرص واجتهاد وبلغه ـ ـ وصحبة أستاذ وطول زمان ــ .:. أفضل العلوم .:. ــ علم ما كان فيـه قـال حدثنـا ـ ـ وما سوى ذلك وسواس الشياطينكل العلوم سوى القرآن مشغلـة ـ ـ إلا الحديث وعلم الفقه في الدين ــ .:. البلاء من أنفسنا .:. ــ ونهجوا ذا الزمان بغير ذنب ٍ ـ ـ ولو نطق الزمان لنا هجانانعيب زماننا والعيب فينـا ـ ـ وما لزماننا عيـب سوانـا وليس الذئب يأكل لحم ذئب ٍ ـ ـ ويأكل بعضنا بعضا عيانـا ================================================== ======= |
| جميع الأوقات بتوقيت GMT +2. الساعة الآن 10:15 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.