ايوه فعلا في كليات اتلغت فيها و الله معرفش حاجه عن اسنان اسماعيليه اسفه بجد
و اياكم يا قمر بصي اي كليه عمليه محتاجه حفظ و فهم الاتنين مع بعض العملي في كليتنا اكتر بس النظري كتير برضوا بس اغلبوا بيبقي تطبيق للعملي فبيبقي سهل في الحفظ لو فهمتيه كويس و كنتي حايه الشغل او سنه اعدادي في بعض الكليات بتتاخد في علوم و بتبقي نفس مواد ثانويه عامه تقريبا بس بالانجليزي زي الكمياء و فيزياء و علم نبات و علم حيوان و غيره بعض الكليات لغت اعدادي معرفش بقي بياخدوا ايه بالضبط في سنه اولي بس لو كتبتي في جوجل هتلاقي المواد اللي هتاخدوها بالضبط لو انتي داخله اسكندريه اقولهالك بالضبط غير كده معرفش و اي استفسار تاني انا تحت امرك يا جميل
و دي عايزه كلام برضوا اسنااااان طبعا من غير تفكير افضل بكتير من علاج طبيعي حد يجيب مجوموع اسنان و يخش علاج طبيعي برضوا

لو سمحتى هو ازاى احول من علوم لأسنان يعنى اجيب امتياز فى اعدادى و سنة اولى ولا اعمل ايه بالظبط



و شكرا لحضرتك

هو فى حد اعرفه عملها من حوالى 4 سنين كدا بس انا مش عارف النظام ده لسه قائم حتى الان ولا اتلغى


و شكرا لحضرتك :)

هل السفر للخارج بعد التخرج يحتاج لعمل ماجستير ارجو الرد ضرولاى

أنا مجموعى 98,0 % ممكن ألحق طب أسنان اسكندرية......؟
وهو فعلا المواد سهلة و مفيدة فى المذاكرة...؟ ويا ريت أعرف المواعيد سواء الذهاب لللكلية أو الرجوع منها.................على فكرة أنا كتبتها رغبة أولى بس حاسة انى مترددة.......

أنا كمان جايبه 98 % و محتارة اكتب اسنان و لا لأ ... بس ممكن حد يفيدني بخصوص المصاريف ... ضروري بالله عليكو آخر ميعاد لتعديل الرغبات بكره

في ظل ارتفاع المجاميع ده ماحدش قادر يتوقع اي حاجه بصراحه بس لو علي تنسيق السنه اللي فاتت تدخليها
ايوه المواد حلوه لو بتحبي الكليه هتبقي سهله مواعيد الذهاب بتبقي غالبا الساعه 8 و ممكن تتاخر علي حسب مواعيد محاضراتك و سكشنك و مواعيد الرجوع ممكن تتراوح من الساعه 5 الي 2 الي 12 يعني كل يوم مش بيبقي زي تاني علي حسب السكاشن او المحاضرات اللي عندك
مصاريف الكليه زيها زي اي كليه تانيه الفرق في الادوات هي اللي ممكن تكون بتحتاج فلوس بس يعني مش مبالغ كتير بس صرف مستمر دايما بتشتلاي في ادوات اغلي حاجه هتحيبيها هي الهاند بيس و سعرها ما بين 250 جنيه الي 3000 جنيه و انواع كتيررررره و كل نوع له سعر و اي استفسار تاني انا موجوده تحت امركم

أسنان القاهرة ولا المنصورة
وبالنسبة لحكاية القرف دى هتروح بالتعود ولا ايه؟؟
شكرا جزيلا يادوك

معلش اسنان القاهره ولا عين شمس؟؟؟؟؟؟؟؟

مشكووووووووووووووووووووووووووووووووووووووووووووووو ووووووورة على اهتمامك يا ماما ميا ميا
(اللهم عجل بنصر المستضعفين فى سوريا و بورما و فلسطين وكل مكان)
قولوا اااااااااااامين

و الله ما اعرف الفرق بينهم عشان مبحبش افتي معلش كان نفسي افيدك اسفه بجد
يارب امييييييييييين اميييييين بحق هذا الشهر الكريم لاشكر علي واجب يا قمر

معلش سؤال هو ايه الفرق في الاسم بين طب اسنان اي جامعه و اسنان القاهره اللي اسمها " طب فم واسنان القاهرة " ؟؟

يا جماعه السنه اللي فاتت اسنان القاهره وعين شمس دت من 97.8% انا جايبه كده بضبط كده شكلي مش هلحقها السنه دي صح؟؟؟؟؟؟ ولو هكتب حاجه بعديها اكتب صيدله الاول ولا علاج طبيعي

لو انتي عايشه في القاهره و حابه طب علاج طبيعي اكتبيها و لكن انا رائي انو صيدله افضل لانو مجالاتها مفتوحه و كمان بتاخد اكتر اعتقد من علاج طبيعي بس متهيالي صيدله افضل و صلي استخاره و شوفي انتي بتحبي ايه ده اهم حاجه

هااااااااااااى
لو سمحتى عايز اعرف هو انا ممكن احول من جامعه خاصة لاخرى ف طب اسنان بعد سنه اولى ولا لا
والدراسة ف اسنان سهله ولا صعبه
وايه افضل جامعة خاصة من وجهة نظرك ف طب اسنان
شكرا

استفسار ضرورى
 

السلام عليكم
بداية احب اشكرك على المجهود الرائع ومساعدتك للناس ربنا يجازيكى كل خير ان شاء الله
انا كان ليا استفسار بسيط انا مجموعى 96.1 للاسف انا مرحلة تانية وحاسة انى مش هلحق اى حاجة بالمنظر ده
عشان كده انا قدمت على كلية خاصة طب اسنان لان كان نفسى فيها بجد
انا عاملة تظلم ان شاء الله لو جالى درجات ممكن الحق علاج طبيعى او صيدلة مثلا جامعة حكومية
بس اهلى شايفين ان الخاصة احسن بكتير والمعامل نضيفة وامكانيتها كويسة يعنى بجد الواحد هيكون ليه نفس للشغل اكتر
انا عاوزاة استشيرك بس لو جالى صيدلة او علاج طبيعى حكومى ادخلها؟؟ ولا ادخل اسنان خاص؟
وشكرا بجد ليكى واسفة على الاطالة

hiiiiii asa7bty:D
ana gbt 96 3lmy 3lom m4 hl72 7aga tab3n
3ayz rayk eh a7sn asnan wla sydla w eh a7sn gam3a 5asa asnan
w eldrasa f asnan sahla wla eh?
thnxx

مش محتاجه كلام لو جاتلك حكومي احسن من الخاص و في رائي حتي لو التظلم مجابش درجات خشي علوم حكومي احسن الف مره من الخاص و علوم ممكن تاخديها في 3 سنين عشان نظام الساعات المعتمده و ممكن بعدها تخشي اي كليه انتي عايزاها حتي بشري و ممكن تخشي اسنان اربع سنين بس و تاخدي بكالوريوس جامعه حكوميه و هتبقي احسن من اللي متخرجين و معهمش بكالوريوس علوم كمان بس بتدفعي 8 الاف جنيه في السنه في اي كليه هتخشيها بعد علوم
انا مليش ي الجامعات الخاصه بصراحه اوي بس اسنان احسن لو بتحبها و صيدله احسن لو بتحبها شوف انت ميولك ايه

ok thnx asadikty:)

انا مش عارفة حتى لو زدت فى التظلم التنسيق ممكن يبقى عالى جدا وملحقش برده حاجة عشان كده قولت الحق الخاص احسن.. وبالنسبة لاقتراحك هو كويس بس فيه مشكلتين انى ممكن اختصر علوم ف 3 سنين وده هيتطلب جهد عالى اوى عشان اشتغل الساعات المقررة بجانب الاضافية المشكلة التانية انى سمعت ان علوم اصعب من صيدلة بس ممكن اتغلب على الموضوع ده وانا غالبا مش هكتفى بيها وهاخد اسنان 4 سنين بعدها هبقى ضيعت 7 سنين من عمرى كده !!
عموما ياريت التنسيق ييجى كويس وتبقى لسه فى اماكن فى اسنان او صيدلة بعد المرحلة الاولى واشك فى ذلك طبعا
وشكرا لتعبك معانا ياجميل وربنا يوفقكــــ

ربنا يوفقك يا قمر بس علفكره بنات كتير معانا في الدفعه و كانوا في علوم و ناس كتير بتعمل الموضوع ده دلوقتي بقي عادي يعني بس انتي شوفي مصلحتك فين و ربنا يوفقك

:040vk0::mad::mad::oخبر عاااااااااااااااجل:o:mad::mad::040vk0:
الطب98.8%:o
طب الاسنان98%:o
الصيدلة97.5%:o
الهندسة94.5%
الاعلام96.5%
اقتصاد وعلوم سياسية96.5%
حرااااااااااااااااااااااااااااااام وربنااااااااا
يلهوووووووووووووووى انا جايب 96% علمى علوم مش هلحق حاجه كدا:o
يااااااارب الاقى اماااكن اسنان او صيدله خااااص!!:o:angry:

انا من الاخر كدة بكره طب الاسنان ده ومش مقتنع اني هقعد 5 سنين ادرس صفين الاسنان دول !!!!!!
بس التنسيق شكله كدة هيجيبهالي
حضرتك شايفة انه في امل اني لما ادخلها احبها وابقي ناجح فيها و لا لأ ؟؟
مع العلم اني بحب الاحياء جدا جدا بس ما اعرفش اسنان فيها شغل احياء كتير ولا لأ ؟؟

انا ان شاء الله داخله اسنان السنادى بس خاص لانى جبت96 وعملت تظلم وليا 7درجات ونص مش عرفه هخدهم ولا لا معلشى انا طولت عليكى بس كنت عايزة اسال فى حاجه (حضرتك قولتى ان التخصص بيبقى من اول سنه طب ازاى وانا بصراحه لسه مش عرفه عنها حاجه وعن المجالات دى) وعندى سؤال تانى لو فيها غلاسه هى المفروض اسنان 5سنين+سنه امتياز طب واعدادى بتبقى تبع الخمس سنين ولا ايه؟؟ (شكرا لمجهود حضرتك معانا)

اسنان مفيهاص تخصص من اول سنة ولا حتى اخر سنة ..... اسنان خمس سنين +سنة امتياز (اعدادى - اولى - تانية - تالتة - رابعه)

فيه بقى تخصصات معينة ممكن حضرتك تعملى فيها ماجستير بعد اما تخلصى لكن اسنان فيها عشر اقسام المفروض يكون الطالب متخرج ملم بيهم كلهم

لو سمحتم
 

انا طالبه جديده لسه مخلصه ثانويه عامه بمجموع 100.2 %
و من دمنهور بالبحيره

و ان شاء الله كتبت اسنان الاسكندريه اول رغبه و كان عندى بعض الاستفسارات و اتمنى حد يفيدنى للضروره :

1. نتيجه التنسيق غالبا حتطلع بكره ( الاحد ) هل اروح تانى يوم للكليه عشان ادم ورقى ؟ ولا اعد بعدها فتره ؟ ولا ايه النظام ؟

2. السفر افضلى ؟ ولا المدينه الجامعيه افضل ؟

ارجو الرد سريعا للضروره

انا قلقانة جدا ومضطربة كمان محتاجة مساعدتك
انا بفضل ربنا جبت 100.6
وكتبت اسنان رغبة اولى والحمد لله جاتلى
وانا طبعا سألت ناس كتيييييير وناش شكرت فيها
بس كنت كل ما اقول لحد انى دخلت اسنان يبصلى بصة غريبة
ويقولى ازاى تسيبى طب وكده يعنى
المهم انى فضلت ثابتة
بس المشكلة الوقتى انى اتهزيت تانى وخفت تانى
لما لقيت ناس كتير اقل ب7 او 8 درجات وجالهم طب
فقولت هو انا اخترت صح ولا غلط
والشيطان بدأ يلعب ف عقلى
مع انى مقتنعة باسنان وكل حاجة
بس هى النفس البشرية الطامعة
وبلاقى كمان ان معظم اللى دخل اسنان كان كاتب طب رغبة اولى
ممكن بجد تساعدينى وتقوليلى انا اخترت صح ولا ايه ؟ ؟؟
انا بس محتاجة حد يشجعنى
اسفة ع الاطالة ومعلش ازعجتك ..اقبلى ازعاج اختك الصغيرة بقى

انا شوفت كلام حضرتك يا دكتورة فاستدعانى انى ارد عليكى عشان شكل حضرتك على اعصابك
اولا مش كل الناس بتكتب طب رغبة اولى فى ناس بتكتب اسنان وناس اكتر منهم بكتيييييير بيسيبوا الاتنين بتكتب صيدلة فيعنى الموضوع مش غريب خالص
ثانيا حضرتك مسبتيش طب ودخلتى مثلا تجارة دا انتى دخلتى طب اسنان يعنى هتطلعى برضه دكتورة وليكى احترامك وعيادتك لو عاوزة الفرق بس ان حضرتك داخله متخصصه فى مجال معين فمش حاجة تندمى عليها بالعكس اما حضرتك تدخلى اسنان وتكملى فيها وتقارنى نفسك ببتوع طب بالذات البنات وباللى بيشوفوه وتقارنى عدد السنين وتقارنى المجهود والتعب وتقارنى المستقبل هتحمدى ربنا مية مرة انك دخلتى اسنان انا واحد من الناس كنت كاتب صيدلة رغبة اولى وقرايبى فى كلية طب نصحونى انى اكتب اسنان وفعلا حصل ومكتبتش طب خاااااالص الموضوع يعنى مش بعيد لان فى الاخر لو الناس بتبص على المكانة الاجتماعية والالقاب ففى الاخر كلهم التلات كليات بيبقوا دكاترة ولو هتبصى على العمل اسنان وعن خبرة لانى بقف فى عيادة بتكسب ما شاء الله يعنى احسن من اى تخصص تانى هيا بس بتحتاج مجهود شوية وتركيز

موضوع استخسار المجموع دا مبحبوش اصل فى الاخر هوا فرق 2 من عشرة بين الكليتين تخيلى بقى لو حضرتك كنتى حصل ظروف وقليتى ودخلتى اسنان وملحقتيش طب كنتى ساعتها هتبقى سعيدة جداااا مع انها نفس الكلية فاحمدى ربنا لان فى ناس مش لاقية صيدلة حتى

شكرا على الرد
انا بجد والله مقتنعة وكل حاجة
بس زى ما قولت المشكلة فى النفس البشرية انها دائما قلوقة وطامعة
وثانيا فى الاعراف الاجتماعية التى تنظر نظرة خاطئة
بس تمام الحمد لله ان مقتنعة تمام الوقتى
اللهم ثبتنى ووفقنى لما تحبه وترضاه

انا من المنصورة و جايبة 406 وكنت كاتبة صيدلة المنصورة تانى رغبة وجتلى وعاوزة احول لاسنان المنصورة وهى اخدت من406 هل ينفع بالتحويل الالكترونى و نسبة قبوله كام فى المية علشان انا قلقانة ولو حد عارف ان حد عمل التحويل ده قبل كده وقبل يطمنى وفى ناس بتقول ان التحويل الورقى ب1000 ال 5000 هل هذا صحيح يا ريت حد يرد ربنا يطمنكوا

أنــــــآ ع فكرة زيكـ بالظبط .. وكنت قلقان جدآآآآ .. ,والشيطان كانـ عمال يلعب فـ دماغي بردهـ

بس أكتر حاجه طمنتني إن أنـآ طبيعي .. إن التانية ع الجمهورية دخلت أسنان .. بردهـ :)

عمومـآ ربنـآ يوفقنـآ جميعــآ :rolleyes:

انا من المنصورة و جايبة 406 وكنت كاتبة صيدلة المنصورة تانى رغبة وجتلى
وعاوزة احول لاسنان المنصورة وهى اخدت من406
هل ينفع بالتحويل الالكترونى و مضمون بنسبة كام فى المية علشان انا قلقانة
ولو حد عارف ان حد عمل التحويل ده قبل كده وقبل يطمنى
وفى ناس بتقول ان التحويل الورقى ب1000 ال 5000 هل هذا صحيح يا ريت حد يرد ربنا يطمنكوا

لو سمحتى كنت عايز استفسر عن حاجة أنا فى تالتة طب بشرى وعايز احول لطب أسنان لو حولت هابدأ من اعدادى ولا ممكن ابدأ من تانية بما ان معظم مواد أولى احنا درسناها حتى لو هاخد المواد الزايدة معايا فى تانية ؟ ياريت تردى عليا لو سمحتى وتقوليلى ايه رأيك:)

ان شاء الله التحويل لالكتروني يتقبل انا و الله ما اعرف حاجه عن التحويل الورقي هتلاقي في دكتور عامل موضوع اللي عندوا استفسارات في نفس القسم ده اساليه

لا متهيالي هتدخل من اولي تقريبا بس ليه يا دكتور حرام تضيع سنين عمرك بدام دخلت بشري كمل و خلاص

السلام عليكم ورحمه الله وبركاته
انا بشكرك ع الموضوع ده وجزاك الله كل خير

انا عندى استفسار
انا بطبيعتى عصبى وبتوتر بسرعة
وسمعت ان طب الاسنان بيحتاج هدوء وتركيز من الناحية العملية

فهل الناحيةالعملية ف طب الاسنان بتعتمد ع الشخص نفسه ومهارته ولا بتعتمد ع ان الواحد يقدر يكتسب خبرة عن طريق التعود والتكرار وكثرة لممارسة؟؟

معلش انا اللى قلقنى فى الاسنان دى هى الجانب العملى وخصوصا انها بتعتمد على العملى اكثر
فايه هى الشروط اللازمة لانى ابقى بارع فى الناحية العملية؟؟؟
وشكرا

مشكووووووووووووووووورة ع الموضوع :) انا لسة والله داخلة سنة اولى اسنان و لكن عاوزة اعرف الاول انهى الاحسن اسنان عين شمس و لا اسكندرية ؟؟

أنا ناوية ادخل ان شاء الله أسنان
بس كنت عايزة أعرف هل تعرفى نماذج عالمية من أطباء الاسنان
يعنى مين دكتور أسنان عالمى ممكن اخده نموذج اقتدى به اصل انا خايفة ادخلها لانى مش لاقيه ادامى نموذج طبيب اسنان عالمى بس مثلا فى طب فى دكتور مجدى يعقوب ولو دخلت صيدلة فى أحمد زويل فى الكيمياء فكنت عايزة اعرف منك هو في فى أسنان مين ؟
وهل فى مجال للابداع والاكتشاف فى طب أسنان ولا لا يعنى مثلا فى صيدلة فى مجال لاختراع دواء مثلا
عايزة اعرف بقى ايه هى مجالات الابداع فى طب أسنان
معلش ع الاطالة بس بجد نفسى ما اتخرجش واشتغل وبس واطبق اللى بادرسه وبس
عايزة مثلا اكتشف حاجة او ابتدع حاجة فى مجال طب أسنان
وشكرا

انا داخله اولى اسنان السنه دى ومحتاجه ضرورى اعرف
مواقع حلوه تفيدنى فى طب اسنان عاوزه اعرف مصطلحات خاصه بطب الاسنان
وياريت لو فى لينكات لقواميس تنفع اسنان
وجزاكم الله كل خير

:av4056bb7jp3::av4056bb7jp3::av4056bb7jp3:
مش عارفه اذا كان طلبى وصل ولا لأ
انا باذن الله داخله اولى اسنان ومحتاجه اعرف مصطلحات خاصه باسنان
وياريت لو قواميس تنفعنى
ولو ممكن حد من حضراتكم يرشدنى ازاى ابدء اسنان صح لان الكل بيقول ان
اعدادى ليست مقياس وانا جبت جيد فى اعدادى ونفسى احسن شويه
عذرا على الاطاله
وجزاكم الله كل خير
مستنيه الرد :bosyht9::bosyht9: يارب ما تغيبوا عليا:078111rg3::078111rg3::078111rg3: