|
بسجل متابعة |
هو انا تقربيا كنت رديت في الموضوع ده زمان
بس ممكن ارد تاني ؟؟ انا الحمد لله مش بغش خالص وبحب اوي من يتقي الله يجعل له مخرجا والحمد لله عمري مغيشت ولا حتي بغشش وبفضل طول الوقت ببص في ورقتي عشان محرجش نفسي مع اللي جمبي لو بصتله وسألني علي حاجه وبجد بجد فرحه النجاح بمجهودك بس سؤاء نجاح عادي او تقديرات ليها طعم جميل اوي اوي اوي رائع شكرا لموضوعك اوي |
موضوع رائع بارك الله فيك
|
اقتباس:
كويس المتابعة دي ومبروك ع الاسم الجديد:):):) |
اقتباس:
شكرا ع مرورك نورتي الموضوع |
اقتباس:
ميرسي طبعا رائع عشان حضرتك رديت عليه شكرا لحضرتك |
موضوعك بجد روووووووعة و جه فى معاده
لو الواحد فاللجنة قال ل اللى حواليه بلاش غش ....يقوله عليه متخلف و مجنون و عبيط و مبيعرفش يتكلم واما لو قال(تعاونوا على البر والتقوى ولا تعاونوا على الاثم و العدوان) و تخيلوا يقصد ايه بالبر والتقوى ......؟ يقصد الغش الكلمة الدنيئة دى تحل محلالبر والتقوى لا حول ولا قوة الا بالله مش كده وبس لأ .......لو تسالوهم فى غير الامتحانات يقولوا لأ منغشش بس نغشش والمنافقين يدخلوا اللجنة يغشوا وما يغششوش و سبحان الله بيغلطوا ويجيبوا درجات هباب زى عملتهم جزاكى الله خيرا بقدر عملك هذا و يزيد عليه تقبلى مرورى |
يااااااااااااااااااااااااااااه الله يكرمك بجد على التحفه دى ده انا بجد زهقت من المدرسه بسبب الموضوع ده كله عاوز يغش منك ولما تقول لا يحسسوك انك انت الغلطان والمشكله ان فى مدرسين هم اللى ميشجعوهم على كده وكمان الغش بقى مش فى المدارس بس ده بقى فى القرصات كمان انا كنت فى قرص فى مره و المشرف على امتحانا كان فى ناس مأبجاه ( فاهمين يعنى ايه طبعا ) وكام ميطلع عينى كل شويه ييجى عندى ويحاول ياخد منى اجابه اساله بس انا مكنتش مرضى لحد ما فى الاخر زعق لى كان ردى الوحيد وقتها انى ضربته فى وشه ( انا اصلا بوكسير ) ده كان فى نص وقت الامتحان الراجل بعد كده قام وانى اشوف وشه جانبى بعد كده .................. الراجل معتش ميقرب منى خالص وللاسف انا كنت زعلان انى عمات كده بس هو ده الحل الوحيد واللى لاسف نفع معاه انا اتكلمت كتير اوى صح؟ معلش استحملينى بقه ويارب مكنش خلصت الكلام اللى فى الموضوع ههههههههههه تحياتى لك على الموضوع |
اقتباس:
شكرا بجد مشاركتك اسعدتني |
اقتباس:
شكرا ع مشاركتك |
الموضوع جميل اوى
ان مش بغش وبعدين يعنى هو السؤال الى حغشه هو الى حينجحنى بس لم حد يسألنى على سؤال عادى لكن لو الامتحان كله مش عادى |
اقتباس:
لا مش متفقة معاكي بصي يا لارا اللي بيغش زي اللي بيغشش انك كدا بدمري اللي بتديله معلومات هو مش تعب طول السنة زيك وذاكر وبحث وفي الاخر يأخذ كل حاجة كدا جاهرة وعادية ولا كأن اي حاجة اتعملت بس لما انتي ترفضي وغيرك يرفض اكيد هيحس ع دمه ويذاكر وكدا ربنا هيباركلك لان عملتي خير ع العموم شكرا ع مشاركتك |
عنديك حق بس مش بعرف اقول لحد لأ
حيقولوا انى مزودها وطلعه فيها وانا مش كدة |
اقتباس:
حبيبتي اللي يقول يقول مش يهمك حد انا هقول ع موقف حصل معايا في اللجنة انا حكيت عليه بس مش بالتفصيل كنت في الامتحان واللي قاعده ورايا قعدت تقولي السؤال الفلاني في الادب بتاع العربي قلت لها : مش عارفه اقعدت تزن عليه اخر لما زهقت قلتها : لو مش سكتي انا هقول للمراقب المهم بعد اللجنه اخذت تعتبني وانا قلتها انا مش بغشش حد وبعدين جينا في الدراسه كانت معايا في الفصل تصدقي والله معاملتها مش اتغيرت معايا رغم اني عملتها بقسوه في الامتحان وكمان طلبت رقم تليفوني عشان تبقي تطمن عليه لما نخلص ثانوي عشان تعرفي اللي بيرضي ربنا ربنا بيرضي عنه وبيخلي الناس كلها ترضي عنه اما بقي اللي بيغضب ربنا عشان الناس ربنا بيغضب عليه وكان الناس مش بتحبه صدقيني لما بتبقي صاحبه حق عمرك ما بتنضري ابدا ع طول حياتك بتبقي جميلها ربنا يوفقك يارب في حياتك كلها:av4056bb7jp3::av4056bb7jp3: |
عارفه
انا بجد ربنا علمني حاجه جميله اوي و انا في اعدادي مره كان فيه سؤال مش متأكده منه و كتبت اجابته و بعدين سمعت واحده بتغششه للي ورايا فكنت هكتبه (لانه كان غير اجابتي تماما) بس قولت لا مش كاتباه ومش كتبته فعلا و لما طلعت بره و بسأل المستر عن الاجابه (بعد الامتحان) لقيت ان اجابتي هي اللي صح و اني لو كنت كتبت الاجابه اللي سمعتها كان زماني في الباي باي فحمدت ربنا كتييييييير و حسيت ان ربنا عوضني عشان سبت الحكايه دي عشانه و برضو في ثانوي كان نفس الكلام بس قبل ما اغش و او اكتب حاجه (لان كان فيه سؤال صعب اوىىىى في الكيميا و مش عارفاه) سمعت واحد بيقرا قرآن (مدرس في الدور) و كان جاي عالآيه اللي بتقول (ومن يتق الله يجعل له مخرجا و يرزقه من حيث لايحتسب) فرجعت عن قراري ده و قعدت افكر لحد ما جيبت السؤال من دماغي و حليته و الحمد لله رب العالمين طلع صح و من يومها بقى شعاري (ومن يتق الله يجعل له مخرجا و يرزقه من حيث لا يحتسب) لان الايه دي اتحققت معايا و الحمد لله شكراً لموضوعك يا قمر |
اقتباس:
بجد حكايات جميله اوووووووي:022yb4: انا كنت مبسوطة اوووووووي وانا بقرأها ربنا يثبتك ع دينك ياروحي;) ميرسي ع مشاركتك الجميلة اللي اسعدتني بجد |
بصراحه انا بغش بس غش من نوع خاص اسمه غش المنفعه يعنى نفع واستنفع:p يعنى واحد قاعد جنبى اديله سؤال يدينى سؤال كدا يعنى والعمليه بتمشى هقولك على حاجه المشكله عندنا ان ممكن كلمه تغيرلك المسئله فالبتالى لازم نسئل بعض هى كدا ولا لا انا مش عارف انتى فاهمانى ولا لا بس عديها يعنى وبعدين انا هجيبلك من الاخر النجاح فى الكليه بيعتمد ع الحظ والله ممكن ابقى حالل تمام ومظبط العمليه ع الاخر واطلع بمواد برده طيب والله واحد صاحبى محضرش امتحان السيركت (دوائر كهريبه يعنى ) وجاب 30 من ا40 الواد بقى مش مصدق نفسه والله عاتى عاتى مش تخدى فى بالك خالص |
روعه
بصراحه الغش مش بينفع
انا بجاوب من نفسي وبمجهودي وبجيب درجات عاليه والحمد لله حصلت واصحابي قالولي لالالالالا انتي حله غلط انقلي دي وبتاع نقلتها وجبت درجه مش حلوة من ساعتها وانا بدي ومش باخد اللي عاوز حاجه ياخد لكن انا بفضل ثابته ع حلي ده مهما كان غلط وببقي سعيده بالدرجه اللي بجبها حتي ولو كانت وحشه المهم ان ده مجهودي:friendsxs3: :039uw8::028ja7::039uw8: ع فكرة توبيكـ في غايه الروعه:022yb4: مشكورة يا عيوني عليه:022yb4: تحياتي الكـ:022yb4: |
اقتباس:
أنا مش هتكلم من الناحية الدينية لانها معروفة للكل بس هتكلم من الناحية الاجتماعية شوية لو بقيت حسب كليتك اللي انت فيها ( سوري انا مش عارفها) المهم انت كنت بتعمل بلاش نقول غش مقايضات حلوه كدا:d وبعدين ربنا كرمك وبقيت معيد او دكتور تفتكر هتقدر تشرح؟؟ ربنا هيوفقك ؟؟؟ تفتكر هتحس بالناس اللي بتتحب وتجتهد في المذاكرة؟؟؟ لما بتغلط بتتعلم والمعلومة بتبقي في دماخك ع طول وباين ع كليتك انها عملي دا عايز ع طول امكانيات والشخص يكون متمكن في الحاجة دي في النهاية عايز اقول مش مهم هنجيب كام بس المهم كام دي جت ازاي؟؟ لان في مصر الدرجات كلها زي بعضها مقبول =امتياز=جيد =جيدا جدا اما الليبيجتهد هو اللي بيلاقي صدقني ربنا احسن مليون مرة من درجة او درجتين دا وجهه نظري وانا مقتنعه بيه مع احترامي الشديد لرأيك ومش بجبرك طبعا انها تقتنع بوجهه نظري اختلاف الراي لا يفسد للود قضيه شكرا ع مشاركتك:av4056bb7jp3::av4056bb7jp3: |
اقتباس:
شكرا ياروحي ع مشاركتك ربنا يوفقك يارب |
هقولكـ حاجه اخدوا مجهودي اوكـ بس بيكون بارادتي مش غصب عني يعني انا اللي بتنازل عنه بس صدقيني مش بتنازل عنه لاي حد لان مافي حدا يستحق اني اتنازل لكن في ناس انا عارفاهم وعارفه انهم بيتعبو زيي ويمكن اكتر بس ميمنعش انهم بينسو حاجات وفي اللحظه دي انا بتنازل وبديهم ودي مجرد مساعده لاني مقدرة مجهودهم طول السنه ميرسي يا قمر ع ع تعليقك ع ردي |
اقتباس:
بصي ياحبيبتي انت فعلا بتدري باراتك وكل اللي بيغششوا بيعملوا كدا بس المشكلة فعلا انك بتخلي ناس تدخل في مكانها الغلط يعني مثلا انتي اديتي لصاحبتك دي معلومة وهي مكتوب لها انها تدخل كليه تجارة ودخلت عندها عشان درجة دمرتها في هندسه لانها مش متمكنه لكن لو كانت دخلت تجارة كانت ممكن تبقي متفوقه وتفيد البشرية شفت معلومة اللي انتي مستقليه بيها ممكن تعمل ايه؟؟ ع فكرة دي حقيقه مش خيال بصي انتي فعلا بتقول انك بتدي للناس اللي بتتعب وبتذاكر الناس دي ربنا عارف مصلحتهم اكثر من اكيد هو ارحم بنا اكثر من امهاتنا طب ازاي بقي تساعدها سيبيها للي خلقها عشان هو اللي عارف مصلحتها اكثر مني ومنك ومن اي حد ع العموم ياروحي متشكره ع مشاركتك:av4056bb7jp3: وياريت اكون اقدرت اوصلك فعلا اللي انا عايزه:blush: |
كلامك وصلي يا عيوني
بس انا زي قولت بدي اللي يستحقو بجد واللي واثقه من انهم مش محتاجين لمعلومه مني او من غيري لمجرد انهم مش بيذاكرو بس عن ثقه انهم بيذاكرو وممتازين بس نسيو مش اكتر |
اقتباس:
ماشي يابنتي زي ما تحبي دي اجاباتك وانتي حره فيها:p |
هههههههههههه ماشي
بس برده ميرسي ع التوبيكـ |
الموضوع جميل اوى ليا عودة لما ارجع
|
اقتباس:
ربنا يخليك للشعب المصري:d اكيد طبعا هننتظر ردك :bosyht9:(وادي قاعدة:p) |
اقتباس:
أكيد جميل عشان انتي شاركتي فيه شكرا ليكي ياروحي:av4056bb7jp3: |
المشكلة يا سيدي إن المدرس اللي بيرفض حد يغش وهو موجود بيبقي عدو الشعب
ويا سلام لو مدرسته في الأرياف تبقي مزيكا |
اقتباس:
اقتباس:
هو فعلا معظم الناس عايزة تغش بس اللي عنده مبدأ مش يغيره حتي لو حصل ايه !! حضرتك مش يهمك كلام ولا مش كلام اللي بيمشي في الطريق السليم ربنا بيوفقه بس لو مش غششت الناس هتتكلم ولو غششت الناس هتتكلم في كل الاحوال فيه كلام يبقي لازم نخاف من اللي اقوي من الناس ان كلام الناس لا بيقدم ولا بيأخر بالرغم انهم بيقولوا ع اللي بيغشش دا عسول ومش عارفه ايه بس والله جواهم بيقول غير كدا اما اللي مش بيغشش طول عمره الناس بتحترمه انا كنت في مدرسة كلها بنات جين ممن ارياف وعقلهم اصلا مش تعليم مع ذلك كان عندنا استاذه يارب يوفقها في حياتها كلها كانت معلماهم الادب وعمرها ما خلت حد يغش ومع ذلك كلنا بدون ادنا استثناء بنموت فيها ع فكرة انا بنت يعني الكلمة اللي بالاحمر دي ع ما اظن خطأ :d شكرا ع مشاركته حضرتك:av4056bb7jp3: |
حلو الموضوع والحمدلله أنا أصلا مبعرفش أغش ولا أغشش وزميلى بيقولوا عليا معقدا ورخمه يلا بقى ربنا يسمحهم ويسمحنا
كلنا شكرا تقبلى مرورى |
اقتباس:
شكرا ياحبيبتي ع ردك اللي اسعدني:blush: |
اقتباس:
وانا قريت معظم الردود وحسيت زي ما بيقولوا ان لسه الدنيا بخير بس الرد ده حبيت اعقب عليه .استاذي الفاضل حتي المدرسين بقوا بيغشوا والله ,المدرس اللي هو المفروض قدوتك واللي علمك ان الغش حرام واول واحد سمعت منه جمله من غشنا فليس منا .حضرتك لو امتحنت امتحانات الكادر واكيد كلكوا عارفنها كنت حتشوف الغش علي اصوله ومش معني كده اني بشجع الغش ولا حاجه انا الحمدلله عمري ما غشيت وطول عمري بطلع من الاوائل في المدرسه وربنا موفقني في الكليه الحمدلله واسفه للاطاله |
اقتباس:
ولا اطاله ولا حاجة ربنا يوفقك يارب شكرا ع مشاركتك:022yb4: |
اقتباس:
اولا اسف ع التاخير انا فى كليه هندسه (حد لسه ميعرفش خالووود فى كليه ايه) هسامحك المرادى:d المهم بقى طبعا انا عارف ان الغش حرام والله وغلط بس المشكله ان الواحد ساعتها مش بيفكر فى حلال ولا حرام دا الواحد وهو ماسك الورقه بيحس انه داخل النار مستنى اى مساعده من حد ما علينا اممممممم طبعا اللى بيغش دا عمره ما هيبقى دكتور على فكره لان العيال الدحيحه دى بتبقى مش محتاجه غش اصلا فى ايه تانى يا واد يا خالد فى ايه تانى اه المشكله مش زى مانتى بتقولى انى جبت كام واقول جبتهم منين لا طبعا انا مش معاكى فى دى خاااااااااااااالص دا احنا بلدنا دى ماشيه بالورق ياعم الحج (شوفتى عم الحج دى:p) المهم عندنا طبعا مقبول غير جيد مش زى مانتى بتقولى خالص فعشان كدا كله بيدور على اجيب كام ومش مهم منين!! يارب اكون وصلتلك |
اقتباس:
ياسلام يعني عايز تفهمني ان فيه شغل في البلد دي يعني مثلا اللي جايب مقبول روح يقعد في قهوة بلدي (عاطل عن العمل بقي) والثاني اللي جايب جيد يقعد في كافية في الزمالك(بيدور ع شغل بس مستواه ارقي) محدش بيشتغل الا اللي بيثبت ذاته:006et4::006et4: وبعدين مش كل المهندسين بيشتغول (دا كله من قر الناس ع بتوع هندسه انا مش بعرف اقر بحس بس:blush::blush:) لان مفيش شغل بس احنا عايزين تبقي دكتورة وترفع رايه البلد محدش عارف يمكن في يوم من الايام افتح التليفزيون وشوفك في استضافه بحث علمي جديده للباشمهندس الدكتور KHALOOOD محدش عارف اصلنا في بلد المعجزات ع العموم ربنا بجد يوفقك في حياتك كلها بس بدون مقايضات ولا حاجة:022yb4: |
| جميع الأوقات بتوقيت GMT +2. الساعة الآن 05:38 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.