|
انا عايزة اكمل وبس
فعلا روعة وهو الواحد هيستني الحلقة الجية كتير جزاكم الله خيرا يااستاذ بور سعيدي |
راااااااااااااااااااااااااااااااااااااائع أستاذ بورسعيدي
أسلوب جميل فعلاً و إن شاء الله تعلقي هأنزله عن قريب بس الرد ده بس بصبح يعني عاوزين نعرف هيسأل يقول إيه؟ وآسف ع التأخير كنت وعدت بالمتابعة لكن لا تأتي الرياح بما تشتهي السفن أو تأتي الرياح بما لا تشتهي السفن لا فرق منتظرين الباقي مشكوووووووووووووووووووووووووووووووووووووووووووووور موضوع فعلاً هايل |
ههههههههههههههه هايل يا استاذ بورسعيدى
بس الراجل ده هو اللى جابه لنفسه وياترى الست دى هتساله عن ايه؟؟؟ انا منتظرة الباقى لازم اعرف ههههههه الى الامام يا اسد المنتدى .. |
<div align="center">شكرا للمتابعة وانتظروا الحلقة الجديدة قريبا جدا </div>
|
امتى الحلقة الجديدة
بسرعة أنا عايز اكلمك استاذي |
اليلة ان شاء الله وضع الحلقة الجديدة
وانا معاك سيا زيزو |
منتظرين
|
6)
ولكن عن ماذا يريد أن يسأل رجل فى مثل موقفى ؟ الكثير من الرجال يرواغ فى الأجابة ولا يعطى جوابا يعبر عما يجيش بصدره سيقول معظمهم ( أريد امرأة عاقلة متزنة تراعى شئونى ولا تنشغل عنى بمشاكل البيت و الأولاد وتشاركنى إهتماماتى الثقافية والعلمية ) هذا الرجل- وليعذرنى الرجال و أنا منهم – يكذب طبعا ، فالرجل فى الحقيقة لا يفكر فى الزواج بثانية إلا وخياله سارح فى تلك التفاصيل التى تجول فى خواطر المراهقين والتى يتمنى أن يعيشها مع عروسه الجديده . نعم ... الرجل يبحث عن المتعه ولكن لا أحد يصرح بذلك طبعا ، الرجل أيضا يريد أن يثبت أنه فحل صنديد و أنه فحولته فقط بحاجة الى فرصة جديده لتعلن عن نفسها وليصبح ( فارس نص الليل) . ولأن هذا كان بالضبط ما دار فى خلدى فقد أسقط فى يدى ولم أعرف عن ماذا أسأل قاطع أفكارى صوتها وهى تضغط الحروف بسخرية واضحة ... إيه معندكش أسئله ؟ ...آآآآآآآآ الحقيقة مفيش حاجه معينه حاليا ... طيب براحتك ولو عايز تسأل فى أى وقت حديك الموبايل تكلمنى على طول ... خلاص إتفقنا تبادلنا أرقام الموبايلات و أنا أستشعر سعادة مشوبة بحذر قمت مستاذنا و أنا أدقق النظر من طرف خفى فى بعض التفاصيل التى تهمنى كمراهق جديد عدت إلى منزلى و أنا سارح تماما فى تصور الأيام الجميلة القادمة ، وتهربت من الجلوس مع أحد فى البيت مدعيا أننى أعانى صداعا ولابد أن أنام فى اليوم التالى كنت منتظرا قدوم صلاح و أنا أتحرق شوقا لمعرفة أية اخبار دخل صلاح فقمت اشد على يده محيييا ..... هاه .. إيه الأخبار والدتك معرفتش حاجه عن رأى العروسه ..... أيوه يا سيدى عرفت ... العروسة بتقول أنك رجل محترم وكمان بتقول انك شيك وباين عليك نزيه قلت وقلبى يرقص طربا .... يبشرك بالخير يا أبو صلاح قال وقد تغيرت نبرته قليلا بما يشى بتردد فى الكلام .... بس هى ليها ملاحظه كده .... خير .... يعنى ... الحقيقه هى حاجه بسيطه .... خش فى الموضوع فى إيه ..... بتقول إنك تخين من تحت شويه ولا مؤاخذه ...... نعم ؟ .... متزعلش دى مجرد ملاحظه بسيطه ..... وإيه كمان ..... والله أنا محرج أتكلم ..... يا أخى خلصنى واتكلم ..... هى لاحظت أنك وانت بتشرب العصير إن إيديك بتترعش شويه ..... يعنى إيه ؟ ..... ما أنت عارف الدكاتره بأه ... بتقول إن ده ممكن يكون ... يكون .... سببه ضعف فى الأعصاب فياريت تروح المستشفى اللى بتشتغل فيها علشان تكشف صحت بحنق ..... نعم يا خويا !!! ..... والله ماما قالتلها يا بنتى متخافيش الحاجات دى ليها علاجات دلوقتى بيعلنوا عنها فى التلفزيون ممكن يأخذ منها فقدت التحكم فى أعصابى تماما فقفزت من مكانى صائحا .... إنت بتقول إيه ؟ هى أمك بتبيع تيس ؟ أعصاب إيه وعلاجات إيه ؟ دى ست بجحه وقليلة الأدب ..... طيب بتزعق ليه زاد هياجى وعلا صوتى أكثر وقفزت لأمسك بتلابيبه و أنا اصرخ ..... إسمع ياض ، أنا عارف إن ده مقلب عملته إنت و أمك علشان بتكرهونى من ساعة الترقيه اللى أخذتها منك .... والله لأكون مربيك تقاطر الزملاء للفصل بيننا وهنا أدركت أننى قد فُضحت تماما فلاشك ان صلاح سيحكى لهم كل التفاصيل المقيته عن الموضوع ولاشك أننى سأصبح مضغة فى أفواههم ولا أستبعد أن يصبح إسمى الحركى بينهم ( ابو عصب ) أو ( المرخى ) غادرت عملى محطما مهزوما وقد إنهارت أحلامى السعيده وصحوت على واقعى المؤلم مرة أخرى (يتبع) |
ههههههههههههه
داكترة أخر زمن لازم يفصصوا اللي أدامهم كويس |
ههههههههههههههههههه بجد اكتر حلقة ضحكتنى
دكتورة ايه دى .... وبجد معاك حق يا استاذ مجدى فى كلامك عن اسباب زواج الرجال للمرة الثانية هو ده المنطق المعقول .. احييك على شجاعتك ورايك السديد ده وفى انتظار البقية يا اسد المنتدى . |
شكرا يا زيزو
ولو انى كنت عايز رأيك فى القضية مش مشاركتك بس لزيز مرورك يا نغم فعلا الحلقة دى غالب عليها الطابع الفكاهى كتييييير شكرا لتثبيت الموضوع مين الى ثبته؟؟؟ رغم انى مشرف المنتدى العام بس لم افكر فى تثبيت المسلسل |
مبروك التثبيت يا اسد المنتدى..
|
السلام عليكم مبروووووووووووووووووووووووووووك مبروووووووووووووووووووووووووووك استاذ بورسعيدى على التثبيت فعلا موضوع مهم ويستحق وكلامك منطقى فى الحلقة الماضية وها نحن فى انتظار الحلقة القادمة على شوق لقائك وو يوميات زوج سعيد جدا |
الف الف الف مبروك عليك وعلينا ان الموضوع تثبت يااستاذى معلشى جيت متأخر
|
شكرا يا نغم على المرور
وشكرا يا مهرة على المرور والحمد لله ان الحلقة نالت اعجابك وكما قولت لك فى السابق لا تتعجلى الاحداث اهلا اهلا بالشاعر الكبير نورت المسلسل يا برنس حالا الحلقة الجديدة بس عايز ردود ردود مش اثبات حضور بس؟ |
(7)
عدت إلى المنزل و أنا أحمل أثقال العالم فوق كتفى ، كيف ينهار الحلم فى لحظات وماذا سأفعل الآن ؟ هل أغلق الموضوع ؟ وأكتفى بما حدث لى ؟ هذا الأختيار صعب جدا فتراجعى الآن معناه أن هناك ما أخاف منه وستكون فضيحتى أمام الزملاء – بفضل ذلك الصديق اللعين – فضيحة مدوية وسيفسر التراجع على أنه إقرار بعدم قدرتى على زواج جديد هل استمر ؟ ولكن هذا رضوخ واضح لأمرأة ستصبح زوجتى ؟ كيف ستتعامل معى بعد ذلك ؟ وكيف يصبح موقفى عندما تبتسم وتغمز بعينها لصويحباتها وهى تريهم نتيجة الأختبارات مثلا يا للورطه ويالها من داهيه فتحت دولابى فرايت بدلتى الجديدة وربطة عنقى الفاحشتى الغلاء والتفت فرايت قصة شعرى الحديثة فى المرآة وأخذت أقلب كفى على ما أنفقت فيها لم أنم ليلتى و الافكار تتقاذفنى يمنة ويسرة والخيالات السوداء تتراقص أمامى عن مستقبل حياتى فى الصباح كنت قد حزمت أمرى وقررت الأتصال بمعذبتى الشهرزاديه ، على أجد مخرجا من ورطتى جاءنى صوتها الرخيم ...... الووووووو ...... السلام عليكم ...... وعليكم السلام ....... أيوه ياكتوره إزيك ....... الحمد لله وانت ازيك كويس النهارده أحسست فى نبرتها رنة ساخرة فتوترت أعصابى وقلت ...... كويس النهارده وكل يوم أنا زى الفل ...... طيب الحمد لله ...... بس أنا زعلان شويه ...... ليه ...... يعنى كان يصح برضه الكلام اللى قولتيه عنى لأم صلاح ، ده كلام، برضه ، بعدين أنا أعصابى زى الحديد ...... هههههه ....... بتضحكى على ايه حضرتك ....... طيب وانت متضايق ليه ، دى فحصوات للأطمئنان بس ، ليه الرجال بيأخذوا الأمور دى بحساسية وبيعتبروها إهانه لكرامتهم ...... ايوه بس أنا عارف نفسى ، بعدين يعنى مش معقول يكون معيار الزواج مجرد فحص اللى يعديه يتجوز ...... يا سلام عليكم يا رجاله ، عايزين ست حلوه وفيها كل المواصفات اللى انتو عايزينها ولو فيها حاجه مش على مزاجكم ترموها وتدوروا على غيرها ، لكن أما الست تبص ليكم وتعاملكم بالمثل تقولوا عليها ست مش مؤدبه ، وتطلبوا منها تقبلكم بكل النواقص اللى فيكم ...... نواقص !!!!! ...... أيوه وانا مش حتراجع عن طلبى و أظن من حقى أنى أتأكد من الحاجه اللى حتسعدنى وعن إذنك علشان أنا عندى شغل وأغلقت الخط ( الحاجه اللى حتسعدها ) !!!!!!! من اين سقطت على هذه المرأة ، آآآآآآآآآآآآآآآآآآآآآآآآآآآآآآآآه ما أجملك يا زوجتى الغالية ، ما أكملك و أعقلك ، ما أعظم حيائك وحنانك عدت إلى منزلى مبكرا فلم تكن بى رغبة فى العمل و أحسست أننى أريد أن أكون قريبا من زوجتى دخلت المنزل وانا اتنحنح والقى السلام خرجت من المطبخ مسرعة و اقبلت فى ثوبها الزيتى اللون ذو الأحد عشر ربيعا - فهو من هدايا والدتها فى بداية الزواج – ووجها ينطق بالقلق ...... خير حصل إيه ، جاى بدرى ليه قلت وعيناى تفبضان وجدا وشوقا وهياما ..... أبدا يا حبيبتى ، بس حسيت أنى نفسى أكون معاكى ..... ياه من إمته يعنى ..... ما تسيبى اللى فى إيدك وتيجى نقعد مع بعض وفرصه الأولاد فى المدرسه ..... نقعد مع بعض !!! طيب ومين اللى حيخلى الفراخ اللى ولادك حيكلوها على الغدا أقتربت لأربت على كتفيها ولكنها قالت ..... حاسب أيديه زفره من الفراخ ، بعدين انا مش قلتلك ما تدخلش بالجزمه وتمشى على السجاد ( آآآآآآآآآآآآآآآه يا زوجتى الغاليه ما أروع رومانسيتك ) (يتبع ) |
والله يا استاذ ما اروع ان يحافظ الإنسان على واحدة ويحاول تقريبها منه ولا يلتفت لأخرى وزلكن البشر أنواع
هكذا تعلمنا ولكن على الزوجات ايضا ان يحاولن اسعاد أزواجهن ان يشعروه بالإهتمام والحب والحنان فقد يفتقد الرجل حنان امه ويجده مع زوجته قد يقتقد عطف أبيه فيجده مع زوجته هكذا تكون الحياه جميلة ولن ينظر لغيرها ابد الدهر وهو أيضا لو عاملها كزوجة ويتقي الله فيها وعاملها كاخت يخاف عليها ووعاملها كبنت يحتويها بعطفه صدقوني هتكون حياه نرجسية جميلة يعيشها الجميع في حب وحنان ولن تصير هناك مشاكل ولكن ساعود وأقوللكم كما قلت مسبقا البشر أنواع فلنحاول كلنا أن نكون من النوع الذي ذكرته دمت لنا بالخير دائما استاذي وأنتظر كل ما هو جديد |
الموضوع جميل استاذ بورسعيدي
مع اعتراضي علي بعض الاشياء.. وكمان فيه حاسه تحامل علي شخصية المرأه الطبيبه...في القصه مصورينها باسلوب مش كويس.. :( وبعدين هو ليه اصلا الرجل كده..سمعت ان بعض الرجال مزواجين بطبعهم... ليه ماحاولش يصلح من بيته ...وماذنب زوجته المسكينه حتي يتزوج دون علمها وفيه نقطه كمان <div class='quotetop'>إقتباس</div> اقتباس:
ليه مش بيتقبلوا كده...؟؟ |
لو استطاعت هذه الزوجة ان تقرأ ما بداخل زوجها لاحتوته ولم تتركه لحظة ..ولكن هو لم يحتويها من قبل فكيف يطلب منها مالم يوفره لها من قبل وسؤال ددائما يطرح نفسه كيف نوصل مشاعرنا لمن نحب ..؟ وكيف نجعلهم يشعرون بنا حين نحتاج اليهم ..؟؟ اعتقد الاجابة تكون بقليل من الصراحة وعدم الكبر فلو قال لها .... اشعر باحتياجى لحنانك واحتوائك للى هذه اللحظة ... لتركت الدنيا من اجله يالله ..كم نضيع اجمل ما لدينا بسبب كلمات قليله ممكن ان تزيل جبال من الحواجز بين اى زوجين كم مرة فكر زوج ان يدخل على زوجته حاملا لها باقة ورد كم مرة فكر زوج ان ياخذ زوجته لوحدها دون الاولاد لنزهة كم مرة فكر زوج ان يقضى اجازة مع زوجتة بعيدا عن الاولاد كم مرة فكر زوج ان يشترى لزوجته زجاجة عطر او حتى كيس شبسى يا سبحان الله اين حديث الرسول تهادوا تحابوا بلاش نقول هدايا اين الكلمة الطيبة ...الزوجة تعمل ليل نهار ولا ترى سوى السخرية والتهكم كلمة بسيطة تسعد الزوجين معا شكرا استاذى بورسعيدى على اتاحة مثل هذه اللقاءات المثمرة واعتذر على الاطاله ... |
<div class='quotetop'>إقتباس(zizo2_2 @ Jul 20 2006, 02:22 AM) [snapback]164766[/snapback]</div>
اقتباس:
ولكن لا يمكن ان تكون الحياة نرجسية طول الوقت فلولا تزوقنا المر لما شعرنا بقيهة الحلو هذه حكمة الحياة والمشاكل الزوجية موجوده لا شك فى هذا ولكن الفن فى التعامل مع هذه المشاكل ومواجهتها وهذه ترجع لعدة اشياء منها مثلا قدرة الزوجين على تفادى تلك المشكلات الرغبة منهم فى اذالة اى شيئ من الممكن ان يعكر صفو تلك الحياة الهادئة ولعلمكم جميعا :- الحياة الزوجية بدون مشاكل لا طعم لها اذا تناولتم طعام حلو باستمرار فلاشك انكم ستملون هذا الطعام رغم حلاوته لابد من تزوق بعض( المر) حتى تشتاقوا مرة ثانية الى هذا الطعام اللزيز <div class='quotetop'>إقتباس(Flower @ Jul 20 2006, 02:26 AM) [snapback]164770[/snapback]</div> اقتباس:
اقتباس:
ليه مش بيتقبلوا كده...؟؟ [/b][/quote] والله كلامك منطقى يا فلاور بس لا تنسى ان الزوجه الجديدة هى ايضا من جنسكم يعنى هى ايضا انثى يعنى فرصتكم فى القصة اكبر من الرجل الان فمثلا اذا كانت الزوجه الاولى خاسرة فالثانية رابحه والاثنين من جنسكم كما ذكرت شكرا على مرورك وتعليقك وانتظرى البقية ففيها الكثير والكثير من الاحداث والمفاج......................أت :P |
<div class='quotetop'>إقتباس(مهرة @ Jul 20 2006, 04:38 AM) [snapback]164956[/snapback]</div>
اقتباس:
لن ندخل فى مشاحنات مفادها مين السبب ومين الى يبدأ لان هذه قضية مطروحه من سنين ولم يصل فيها الى حل كبار المفكرين سواء من جنسنا او من جنسكم ولكن انظرى الى ردك وانظرى الى اول حلقة وشوفى بنفسك هل من الممكن ان يقوم الزوج بهذه الافعال تجاه زوجته مع الوضع فى الاعتبار اسلوبها معه فى الحوار ؟ هل تتصورى ان هناك سبئ يشجعه على ان يقوم بمثل تلك الافعال التى تناشدى بها ؟ نحن امام صورة حقيقية لزوجه مهمله فى نفسها وفى زوجها وليس العكس من الممكن ان نقوم فيما بعد بعرض مسلسل نظهر فيه عيوب الزوج وفى هذه الحالة سيكون كلامك صحيح جدا فانا لا احارب المرأة فالمرأة زوجتى وامى واختى( وبنتى) ( ان شاء الله ) واكرر اننى لا اهاجم المرأة ولا عدوها بالعكس بدون المرأة تنعدم الحياة <div class='quotetop'>إقتباس</div> اقتباس:
ولكن بالله عليكى االم يطلب منها الجلوس معه اثناء غياب الاولاد فى الحلقة السابقة ؟؟؟ فماذا فعلت ؟ لقد احبتطه وتسببت فى ان يعود بتفكيرة الى العروسة الجديدة جعلته يندم على اقدامه لهذا الطلب فكيف يفكر ان يأتى لها بباقه ورد او يدعوها الى نزهة ؟ ولا تتأسفى عن الاطالة فانا ارحب بكل رأى واسف على الاطالة |
صراع
هذه هي الحالة السائدة يحاول الجانب الذكوري دائماً أن يأتي بالخطأ ويجعله ملازماً للأنوثة بينما يحاول المعسكر الأنثوي أن يتهم الذكروة بكل شئ بل وربما اتهموم بأنهم السبب فيما نحن فيه من اضطراب وحروب ومجاعات و سوء خلق ........إلخ على أساس أن كل الاختراعات المؤثرة أو القرارات ذات الحجم الكبير التي تؤثر على مستقبل الكرة بأكملها صدرت من ذكور لم يحاول كل طرف أن ينسب الخطأ للطرف الآخر؟ بل إنه قد ظهر طرف ثالث ظريف يدعي أنه محايد فيتهم الإثنان معاً متجاوزاً المشكلة برمتها وبدون توزيع الاتهامات أو بتوزيعها توزيعاً عادلاً تنفيذاً للمساواة فأين الحقيقة؟ ترى أحان الوقت لأعرض رأيي أم يفضل أن يكون نهاية الموضوع أم أنه بلا قيمة أم كما كتب في توقيعي وقالها د.أحمد خالد توفيق و نقلها لنا و ذكرنا بها محمد القباني فإني رأيي إن لم يعرف فهي إهانة و يفضل أن أصمت حسناً قد قررت الصدوح بصوتي حين تنتهي المشاكل الصغيرة وتهل علينا المشكلة العامة الكبرى التي ما إن نستطيع التوصل لحل لبعض المشاكل الصغيرة و التي نضطر لمجابهتها بصفة يومية حتى ننسى كل شئ عن الرجل و عن المرأة و نتذكر أنه قد حان وقت الالتفات لمشاغلنا و أننا قد أمضينا في الحديث عن هذا الفرع كثيراً و لربما تجاهلنا النظر في المشكلة الكبرى لسبب كهذا لذا أقترح أستاذ بورسعيدي أن يقوم أحد الأعضاء -باستثنائي - بفتح موضوع عن المرأة و الرجل كل يقول رأيه ونرفع صوتنا كلنا منبر الثانوية منبر كل الطلاب هههههههههه شكراً مرة تانية ع الموضوع رأيي المتواضع في آخر جزئية فقط إن أنا مستحيل أعمل حاجة أشعر إن مقابلها سوء تفعل خيراً شراً تلقى ولو كنت أنا مسئول إني أغير أخلاق زوجتي كل فترة و أغير طبائعها لكي تتناسب و إياي فلا أظن أن مشروع الزواج هو إحدى المشاريع المرشحة لحياتي المستقبلية هي تراعي زوجها وليس عليها أن تغيره هو كذلك يجد من تحتفظ بمشاعرها من التي تضئ البيت فقط بالشموع أول أسبوع زواج؟ هل هي أم العريس؟ أم العروس؟ العروس فقط لما يكون النور قاطع؟ طبعاً كل ده غلط طب مين اللي بتطلب حاجة الحلويات عشان تعملها لجوزها حبيبها من إيديها طب هوه مش بيجيلها ؟ أمال تبطل تطلب ليه؟ تبطل تعمل حلو ليه؟ ليه دايماً الراجل غلطان لأنه مش هوه اللي بيبدأ؟ ليه تبدأ تدور إزاي تبان بأشيك شكل قدام زميلاتها و صديقاتها و أوقات الخروج بينما هي داخل المنزل الله أعلم !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!! الراجل غلطان برضه في أجزاء بس أنا مش جاي أناقش المشكلة العامة خليها في موضوع لوحدها أنا بناقش موضوع الهدايا عندما يتحدث فإنها تملؤه بالسخرية هل هذا مما يشجع على الكلمة الطيبة أصلاً؟ يبدو أن المرء عليه دائماً أن يتجاهل ما يجعله يبود مخطئاً هكذا جبلنا أو هكذا أحببنا أن نكون أو هكذا صرنا لذا تجدوني قد تجاهلت أخطاء الرجال أو أجلتها أو تناسيتها أو لم ألحظها أساساً وهذا هو أساس الحوار المشترك أنا أبحث عما يخصني و الطرف الآخر يبحث عما يخصه لنتلاقى سوياً حلاً للمشكلة لا لإلقاء وتبادل الاتهامات قد أكون أسهبت و أطلت دونما فائدة لكن يكفي إن الكلام ده أنا متأكد إنه بيتقري وانا حاسس برضه إني نيلت الدنيا لكن أنا كتبت بقى ومش هأراجع نفسي غير لما أسمع آرائكم ودمتم |
انا لسه اول مرة اقرا الحاجات دى دلوقتى
بصراحة عشرة على عشرة اقول فقد لمن يتساءلون عن كيف وكم ولماذا اولا من الملاحظ ان بعض السيدات حاليا قد اخذوا اكثر من حقوقهن ولن نضرب امثله ويقولون حقوق المراة والكلام الذى لاطائل منه ولا علاقة له بالموضوع بالنسبة للحلقة ببساطة فان فترة الخطوبة اللى كلكم عارفينها هى التى يعرف من خلالها خصال رفيقه او رفيقته فاذا ما كان هناك شئ تم فسخها باحترام وبدون ذكر اسباب او ذكر اسباب واهية للتخلص من حرج الموقف ولازم يكون يكون فيه سعة صدر بين اى طرفين وان يوصل الطرف الرسالة للطرف الاخر باقل اضرار ممكنه لان ممكن الصراحة واللباقة سببا فى جمع الشمل اكتر واكتر وشكرا جزيلا يا استاذ بورسعيدى حلقات واقعية جدا وده احلى ما فيها استودعكم الله |
والله ياجماعة المهم هو الرضا والقناعة بين الزوجين وساعتها يكون الحلو حلو ولو لسه آيم من النوم
وربنا يوفق كل الأزواج على فكرة امسكوا الخشب انا متزوج من 24 سنة بصراحة مرت على هذه السنين وكأنها أسبوع من شهر العسل أى لسة بدرى على الملل والمشاكل زوجت بنت خريجة آداب والثانية بكلية الطب والثالثة بالثانوى العام والصغير بالابتدائى وأنا سعيد لأن أنا وزوجتى صديقان وعاشقان |
مشكورين جميعا على متابعتكم ومشاركتكم وآراءكم
والحلقة الجديدة حالا |
هي فين يا استاذ
|
8)
كثيرا ما كنت أسمع عن الوقوع بين شقى الرحى دون ن أحس ذلك المعنى اليوم أحس أننى محاصر ومسحوق بين الرحى حتى النخاع ، فأنا بين ( امرأتين ) كلتاهما مُرُ ، فشهرزاد الجميلة الواعده بالليالى الحالمة تطلب الثمن مقدما تنازلا عن الكرامة وإنقيادا تاما ، وزوجتى عازفة عن إرواء أرضى العطشى لقطرات الحب والحنان. لا زالت أقدم رجلا و أؤخر أخرى حول التنازل عن الفكرة ، فالفكرة نفسها قد أصبحت جنونا مطبقا عندما أحكم عقلى فيها ، ولكن التخلى عنها أيضا يعنى إطفاء شعاع الأمل فى حياة جديده وسعادة منتظره كانت كل تلك الافكار تتقاذفنى عندما رن الموبايل ومعه دق قلبى بعنف عندما ظهر إسم أحمد أبو ليطه على الشاشه من هو أحمد أبو ليطه هذا ؟ .................... .................... .................... ..... شهرزاد بالطبع !!! فقد علمتنى السنون أن زوجتى تراقب الموبايل مراقبة شديدة وتتفحص الأسماء والمكالمات الصادرة والواردة بدقة يحسدها عليها كبار أعضاء السى أى إيه ويقف أعضاء الاف بى أى أمامها عاجزين مشدوهين ، لذا أخترعت هذا الإسم فلن يدور بخلدها أبدا أن ( أبا ليطه ) حسناء مراوغة تتقاذفنى يمينا ويسارا ضغطت على أعصابى بشده كى أدع الموبايل يرن ثلاث مرات حتى لا تعتقد أننى رهن إشارتها ثم أجبت بصوت هامس مرتعش رغم شدة حرصى على أن يبدو قويا متماسكا قائلا ....... أهلا دكتوره جاء الصوت الرخيم المدغدغ ....... أهلا بيك ، فينك ؟ يعنى ما أتصلتش ( ما هذا ؟ إن لهذا الاتصال مغزى لا يخفى على أريب مثلى ، لابد أنها ترانى فرصة تخاف أن تفلت منها ) قلت ومؤشر نفسيتى يتصاعد ..... والله كنت مشغول شويه قالت وضحكة ناعمة مذيبة للصخور تتغلغل فى جسدى ...... وإيه إحنا مش على الجدول سرعان ما تخليت عن حذرى وقد تخدرت اعصابى – كشأن أى رجل أمام صوت رخيم كهذا الذى اسمعة – وقلت ...... معقول دا إنتى قبل الكل ...... لا مش باين ، يعنى ما عرفتش حتعمل إيه فى موضوع التحاليل ...... تحاليل إيه بس ، سيبك علشان خاطرى من حكاية التحاليل دى ، التحاليل دى يعملوها العيال بتوع اليومين دول اللى شعرهم لنص ضهرهم لكن إحنا بالصلاة على النبى فل الفل بس الواحد مش بيتكلم علشان الحاجات دى بتتنظر ....... هئ هئ هئ هئ بتتنظر هئ هئ ، تعرف إن دمك خفيف ....... هو انتى لسه شفتى حاجه دا أنا فرفوش و احب العيشه الحلوه والست اللى معايا تشوف النعيم ألوان ....... طيب عموما حنشوف ...... و أنا جاهز تحبى أوريكى إمتى ...... نعم ؟!!!! ..... قصدى يعنى أوريكى أحلى أيام أول ما نعلى الجواب ...... خلاص قلت وقلبى يرقص الشتشاتشا ........ يعنى أفهم إنك موافقه وحتنسى حكاية التحاليل ....... هئ هئ هئ خلاص مادام إنت واثق من نفسك ....... لا إطمنى خالص دا أنا مضمون مدى الحياه مش 36 ساعه ........ هئ هئ هئ دا إنت مصيبه ......... دى حاجات بسيطه كده ...... طيب عايزين نقعد نتكلم فى التفاصيل ...... انا تحت أمرك ..... خلاص ممكن تزورنا بكره وتتكلم مع ماما وخالى ..... أنا أتكلم مع ماما وخالو وعمو وشيخ القبيلة كمان ..... هئ هئ هئ شيخ القبيلة هئ هئ هئ طيب يا سى عنتر ممكن تيجي على الساعه 7 ..... وهو كذلك ..... طيب باى ..... باى آآآآآآآآه باى باى يا حياتى الرتيبه الممله .......مرحبا شهرزادى الرائعه ( يتبع ) :P :D :P |
انتظرني باكر للقراءة والتمعن
|
ربنا يسترها معاك يا شهرزاد ..وانت كمان يا شهريار ان غدا لناظرة قريب |
السلام عليكم
ممكن اعرف الموضوع كان مغلق ليه؟؟ لو حد معترض على تكميل القصة يقول ويعرض الاسباب وانا موافق |
ياجماعة الخير
فى حاجه غريبة بتحصل !!!!!!!!!!!!!!!!! الموضوع ده كان تعدى ال6 صفحات والان 4 وكمان لما دخلت الموضوع وجدته مغلق مش فاهم اية الى بيحصل الله اعلم يمكن انا الى شارب ومتقل العيار شوية الحلقة الجديدة حالا |
السلام عليكم بالعكس موضوع حلو كتير وياريات تكمل...نحن فى شغف لمعرفة باقى اليوميات ............... |
الحلقة دى مهمة جدا جدا فى بناء الحدوته
(9) ما شاء الله ما أروع هذا النشاط الذى يدب فى أوصالى ، كيف أرى كل شئ حولى جميلا زاهيا ملونا رغم أننى كنت لا أطيقه قبل دقائق فهذه زوجتى تزعق بشدة سائلة ( مين اللى إتنيل دلق عصير برتقان فى الثلاجه ، إنتم حتموتونىىىىىىىىىىىىى) ما أروع هذا العزف الملائكى ، أكاد أحلق قرب النجفة حتى أصل إليها واتناول يدها لأطبع عليها قبلة ورائحة الرنجه الملتصقة بها تنعش صدرى لأقول ( الله الله قوليها تانى حتموتونىىىىىىىىىى ياسلام ما أجمل اللحن و أروع الصوت ) إبنى الصغير يجذب شعر أخته بشده فتصفعه بينما يركلها فى بطنها ويبكيان بحرقة فابتسم و أقول لنفسى ( يا سلام فعلا أحباب الله ) طلبت منى زوجتى أن أحضر خبزا لأنها نسيت أن تطلبه منى عندما كنت اشترى لها ربع الجبن الابيض منذ ساعة تقبلت الأمر و الابتسامة تغمر وجهى وقلت ( من عنيا يا حبيبتى مش عايزه أى حاجه تانى يا عمرى ) هبطت السلم مسرعا وخرجت من باب العمارة كانت الأمطار قد توقفت للتو والشارع ملئ بالمياه أمام العمارة مرت سيارة مسرعة فغمرت المياة المتطايرة جسدى و أخرج شاب راسه من السيارة الهاربة وزعق ( ما تحاسب يا إبن ........ ) تابعت السيارة بعيون حالمه يتقاطر من رموشها الماء و أنا اقول ( معلش ما أخذتش بالى ربنا يستر طريقكم يا اولاد ) كل شئ رائع .... كل شئ جميل ..... كل شئ يبعث فى داخلى السعاده بكل معانيها فى اليوم التالى كان على أن أستعد للقاء الغد مع خال شهرزاد فى بيتهم ، استاذنت من العمل ومررت بالمحل الذى أشتريت منه الملابس التى كلفتنى نصف راتبى وابتعت بدلة وقميصا وربطة عنق ( لا يمكن أن ترانى شهرزاد بنفس الملابس ولا يمكن أن ارتدى بدلة قديمة ) ( يانهار إسود ) كانت تلك الكلمة الطيبة المرحبة هى ما أستقبلتنى به زوجتى عندما وقعت عينيها على الشنطة الخاصة بالبدلة وأكملت ...... إنت جبت بدله تانيه !!!!!!!!! كنت قد أعددت عدتى للموضوع بكذبة تخدم جميع الأغراض فقلت ...... تعالى يا حبيبتى أنا عندى ليكى خبر جميل ..... خبر إيه ...... اصل الراجل بتاع أمريكى حيشغلنى معاه يومين فى الأسبوع ( هنيالك يا شهر مرتين فى الاسبوع ) ...... طيب وشغلك ..... لا دى فتره مسائيه من 8 الى 12 ..... نعم !!!!! 12 فى حد بيشتغل الساعه 12 ..... أيوه اصل الشغل اصلا فى أمريكا وانتى عارفه فرق التوقيت أنا حدخل بالكمبيوتر على النظام هناك فى شركته علشان أعمل له الشغل اللى هوا عايزه ، وربنا يوفقنى و أبسط النظام ..... نعم !!! يعنى إيه تبسط النظام ..... آآ ... إحم .... قصدى أظبط النظام و أروقه يعنى ...... وده حيكون أنهى ايام ...... الخميس اساسى ويوم تانى حسب مزاجه ...... طيب وحيديك كام ( اسقط فى يدى فلم أحسب حساب هذه النقطة ولكن لا مجال للتراجع الآن ) ...... لسه ما أتفقناش بس انا أوريله الشغل وهو لما ينبسط مش حيتأخر ..... والله كويس بس إنت كده حتتعب أوى ...... معلش أهو كله عاشنكم إقتربت منى وطبعت قبلة مفاجئة على خدى وهى تقول بصوت حنون نسيته منذ زمن ..... ربنا يخليك لينا ويقويك إنت طول عمرك بتتعب علشان الأولاد ماهذا ؟ ماهذه اللحظة ؟ وماهذا الشعور الآن ؟ لماذا أحس نقطة حزن شفيف تنبعث داخلى ؟ لماذا كانت عبارتها الأخيره اشبه بوخزة توشك أن توقظنى من أروع الأحلام ؟ تركتها ودخلت إلى غرفة النوم و أنا أحس غصة غريبة جلست قليلا على السرير ورفعت رأسى لأرى صورة زفافنا ، الصورة معلقة منذ زواجنا لكننى لم أرها ولم أتوقف عندها منذ سنوات مالها تجذب ناظرى اليوم ، مالها تثير بداخلى شعورا عجيبا لا استطيع أن افهمه ولكن لا.... لن أدع نفسى للتردد ، لأدفع هذه المشاعر المتخاذلة ولأتذكر ما تفعله بى دوما أخذت استدعى من الذاكرة اشد خلافاتنا وأسوأ تصرفاتها لأقتل هذا الشعور العجيب الذى يتغلغل داخلى والذى يكاد يكون شعورا بالذنب تجاهها استدعيت موقفا تلو موقف ...... لا فائده المواقف تبدو لى الآن-وياللعجب- مواقف عادية ومن الممكن التجاوز عنها بل و الأدهى أننى اخذت أقارن بين مواقفها وبين ما اسمعه من مواقف أخرى من المحيطين بى فاجد ما تفعله هينا وليس كما كنت أراه من قبل . آآآآآآآآآه ماذا أفعل الآن لا بد أن أبحث فى الذاكرة عن مواقف أشد إيلاما حتى أقتل هذا الإحساس لابد ...... لابد اهلا اهلا مهرة عاش من شافك وانا جيت فى الميعاد بس انا عايز اعرف رايك فى الاحداث |
حلقة جميلة استاذ بور سعيدى
يانتظار المزيد على فكرة ( حضرتك مكنتش شارب المنتدى كله كان كده) هو كان مغلق فعلا واهو اتفتح تانى :rolleyes: |
انا اتاخرت في الرد عن حلقتين الموضوع رائع يا استاذ بور سعيدي وبيحلو جدا
واحسن الحمد لله هو طلع ظلمها بالرغم من ان هي كانت صعب شوية لكن والله قلبها ابيض عايز اعرف باقي الحلقات انا لي راي من الصعب ان انسان يكذب او يخون شخص بيحبة بجد ازاي دة حصل ول دي وزة شيطان شكرا مرة تانية استاذ بور سعيدي رحمة |
اتمني ان موقف زوجته يخليه يتراجع شويه عن اللي هيعمله...
انا في حاجات كتير ليا عليها اعتراضات... بس انا هتابع ان شاء الله الموضوع ... لاني حاسه ان هتحصل حاجه او مفاجاه تقلب الاحداث.... وفي انتظار التكمله.. |
<div class='quotetop'>إقتباس(خالدالجن @ Jul 26 2006, 11:19 AM) [snapback]168699[/snapback]</div>
اقتباس:
واوعدك ان البقية من الحقات فيها حاجات كتير حلوة وان شاء الله تعجبك <div class='quotetop'>إقتباس(r.m.h @ Jul 26 2006, 11:25 AM) [snapback]168706[/snapback]</div> اقتباس:
لو تأخرتى تانى سارسل لك خطاب انزار بالفصل على البيت :lol: ولن نقبل تاخير تانى بدون سبب مقبول او شهاده معتمدة من عدد 2 موظفين ندخل بقا فى الموضوع على فكرة الزواج للمرة الثانية لا يعتبر خيانه لانه شرع الله وشيئ حلال وبعدين دى مش وزه شيطان ولا بطة شيطان انتظرى بس البقية وانتى تشوفى ايه الى حصل <div class='quotetop'>إقتباس(Flower @ Jul 26 2006, 07:21 PM) [snapback]169144[/snapback]</div> اقتباس:
بس انا عايزك دائما تقولى اعتراضاتك فى وقتها وبلاش تأجليها الى ما بعد نهاية المسلسل لان فكرة المسلسل انه بيعرض مشاكل عائلية فى اطار كوميدى هادف شكرا لكم جميعا على المشاركة والمتابعة واليكم الحلقة الجديدة حالا |
<div class='quotetop'>إقتباس</div> اقتباس:
شوفت استاذ بورسعيدى شىء بسيط حرك بداخل الزوج مشاعر جميله واحساس بالذنب ده اللى قولته لو هو من حين لاخر اشعرها بامتنانه ليها على ما تقوم به من اجله ومن اجل ابناؤه كانت الحياة بقيت اجمل وها نحن فى انتظار شهريار ... |
<div class='quotetop'>إقتباس(مهرة @ Jul 27 2006, 03:36 AM) [snapback]169704[/snapback]</div>
اقتباس:
اقتباس:
شىء بسيط حرك بداخل الزوج مشاعر جميله واحساس بالذنب ده اللى قولته لو هو من حين لاخر اشعرها بامتنانه ليها على ما تقوم به من اجله ومن اجل ابناؤه كانت الحياة بقيت اجمل وها نحن فى انتظار شهريار ... [/b][/quote] اولا شكرا على مشاركتك ومرورك ثانيا هو لم يقول لها شيئ يجعلها تطبع قبلتها المفاجأة على خده ولكن هى من نفسها فعلت ذلك فلماذا لم تفعلها من اول المسلسل حتى الان ؟ دائما نتحرك بعد فوات الاوان للأسف لقد كانت تلك القبلة متأخرة جدا جدا لذلك هذا القبلة لن تقوم بمنع وقوع الكارثة وهذا ما سنشاهده فى الحلقة التالية ................... حالاً |
شكرا استاذى بورسعيدى على القصه الرائعه
انا اسفه انى مش برد على حضرتك بس المشكله ان انا مش بحب اشارك كتير |
:D كنت أتابع دوما شكاوى النساء فى تلك الصفحات التى تموج بها الصحف والمجلات والتى تتحدث دوما عن خيانة الرجال وزواجهم بأخرى ، ودوما تذكر الزوجة أنها قد ربت الأولاد وأنهم تعلموا أفضل التعليم وأنها وقفت إلى جوار زوجها حتى أصبح ميسور الحال و أنها اتقت الله وحافظت على عرضه و أنها .... وأنها ....ثم تتباكى على الغدر والخيانة
عزيزاتى النساء أنتن مخطئات تماما .... هناك ما يسمى بالنقاط الصغيرة !!!!! ماهى النقاط الصغيرة ؟ قديما كانت بعض الدول تنتهج وسيلة عجيبة لتعذيب المعارضين والاسرى ، لم تكن تلك السياسة تعتمد على الجلد بالسياط أو الكى بالنار أو تقطيع الأعضاء ، لقد كانت وسيلة رهيبة لا تترك أى أثر !!!! كان أولئك البغاة يجعلون السجين يستلقى على ظهره فوق لوح خشبى ويربطون يدىه ويثبتون راسه بواسطة كلابتين فلا يمكنه تحريك رأسه إطلاقا ثم يضعون المسكين تحت حنفية مياه تنزل منها نقطة واحدة كل 10 ثوانى مثلا بحيث تسقط النقطة فى منطقة التقاءالأنف بالجبهة !!!! إنها مجرد نقطة مياة لا يمكن أن تلفت الإنتباه ولكن الرتابة والتكرار المستمر يجعلانها سلاحا مروعا فيجن المسكين خلال يومين على الأكثر ثم ينهار جهازه العصبى ويموت !!!! هذا سيداتى ما تفعلنه بأزواجكن المساكين إنها تلك المشاكل والتعليقات والمواقف التافهة جدا فى حد ذاتها ولكن تكرارها الرهيب يتكاثر عبر السنين حتى يفقد الرجل القدرة على الاحتمال فيجن ويتزوج إرتاحت نفسى لهذا التفسير تماما فلا حاجة لى للبحث عن مواقف ضخمة وخطيرة من زوجتى فهى خير من أتبع سياسة النقط الصغيرة ......... ......... فى اليوم التالى كنت فى منزل شهرزاد والتى إستقبلتنى بابتسامة شهية وفرحة واضحة بوجود خالها ووالدتها تعارفت بخالها وكان رجلا ودودا وسرعان ما أتفقنا على كتب الكتاب بعد يومين فقط بحضور خالها ووالدتها و عدد محدود جدا من أقاربها فى أحد المساجد . طلبت أن نسافر فى بعدها مباشرة إلى إحدى القرى السياحية لنقضى عدة أيام فوافقت شهرزاد بوجه متهلل ..... كان على أن أعد نفسى فأخبرت زوجت بأننى مسافر إلى الصحراء الغربية قالت مندهشه ...... الصحراء الغربية !!!!!! ...... أيوه فى شركة هناك عندها منجم منجنيز وعاملين كامب وعايزين نوصله نظام كمبيوتر ...... وحتقعد أد إيه ...... خمس ايام ..... ليه دا إنت دايما بتكون مأمورياتك يومين بالكثير ...... أيوه بس ده منجم جديد وعايز شغل على رواقه ، لازم أعمل تأسيس كويس للنظام ...... بس الصحرا دى بتكون صعبه والعيش فيها متعبه ...... دعواتك ربنا يقوينى ، هى المشكلة إن ما عندهمش تليفونات لسه والموبايل بيقولوا بيكون إرساله ضعيف وححاول أكلمكم كل ما أقدر ........ إشتريت حقيبة جديدة ووضعتها فى شنطة السيارة وأخذت اضيف إليها إحتياجاتى كعريس جديد فى العمل تحدثت إلى السيد أبو وائل زميلنا على إنفراد قائلا ..... بقولك إيه با أبو وائل أنا دايما بسمعك تشكر فى خلطه كده بتأخذها علشان الفرفشة يعنى ...... آه خلطة أبو العفاريت .... إيه إنت محتاج ولا إيه ....... لا .... لا ... دا واحد صاحبى حيتجوز وبيسأل عن حاجه طبيعية تفرفش المسائل ...... بص يا سيدى دى بيجيبها سالم ....... سالم !!! سالم الساعى ؟ ....... أيوه ما إنت عارف هو من بدو سيناء وعارفين الأعشاب الطبيعية ....... طيب خلاص حكلمه ناديت سالم أثناء إنصراف الموظفين وأخذت أشغله حتى إنصرف الجميع ثم قلت بصوت خافت ...... إسمع يا سالم أنا ليه واحد صحبى حيتجوز وكان عايز حاجه لزوم الفرفشه يعنى وعرفت إن عندك خلطه حلوه قال بسخرية ....... ايوه ما كل اللى فى الشركة بيأخذوها لأصحابهم برضه تجاهلت رنة السخرية وتلميحه الوقح وقلت ...... أصله عزيز عليا ويهمنى يكون تمام ..... ولا يهمك يا استاذنا إتفضل أخرج من جيبه كيسا به بعض الأعشاب المطحونه ذات اللون الأخضر وهو يقول ...... شوف يا سيدى معلقتين من دول ويخلى جماعته يدعكوهوم فى زلموكة وزه وبعدين ... ...... نعم !!!!! زلموكة وزه !!!! وكمان الجماعه اللى حيدعكوهوم !!!! مش ظريفه خالص اصل جماعته يعنى طالعين فيها وأكيد هو عايز ما يعرفهمش حاجه ... ما انت عارف بئه ...... طيب خلاص يسف 3 ملاعق ومعاهم معلقتين زبده ( زبده ..... ممكن زبده ) .... طيب الف شكر يا سالم ودول بكام .... 40 بس وطمنى على صاحبك ( وهو يغمز بعينه ) أضفت الكيس إلى محتويات الحقيبة المخبأة فى السيارة وأنا متأكد أننى لست بحاجة إليه .. ولكن من باب الاحتياط فقط عدت إلى منزلى ودخلت إلى السرير مبكرا .... غدا الليله الكبيره ولابد أن أكون فى كامل لياقتى البدنية ( يتبع )</span> كما شاهدنا غدا اليلة الموعوده ولكن ماذا سيحدث ؟ هل ستكتشف امرة زوجته؟ هل يرجع عن قرارة فى آخر لحظة؟ هل الزوجه الجديدة عندها مفاجآت او شرط قبل عقد القران؟ هذا ما سنعرفة فى الحلقة التالية ولكن بعد ان ارى مشاركاتكم ومناقشاتكم على هذه الحلقة والا انتوا هاتتفرجوا وبس؟؟؟ :P :D :P |
<div class='quotetop'>إقتباس</div>
اقتباس:
لا ده شئ طبعا غلط...وبجد ليا اعتراضات كتير.... بس متشوقه اعرف اللي هيحصل بعد كده... |
انا زى ما معترضه على اسلوبه وكدبه على زوجته الاانى مش متصوره ان فى واحده ممكن تكلم زوجها بالطريقه دى
|
فعلا انا مع ولاء وفلورا يا استاذ بور سعيدي
|
<div class='quotetop'>إقتباس(Flower @ Jul 27 2006, 04:12 AM) [snapback]169751[/snapback]</div>
اقتباس:
اقتباس:
لا ده شئ طبعا غلط...وبجد ليا اعتراضات كتير.... بس متشوقه اعرف اللي هيحصل بعد كده... [/b][/quote] طيب مين السبب فى انه يكذب؟ وهل هى تستاهل والا لاء؟ .......... طبعا بنات جنسها هايتفقوا على انها لا تستاهل وهل ياترى انتى عاجبك اسلوبها معاه؟ ثم انه لم يقدم على شيئ حرام ومنتظر عرض اعتراضاتك كى نتناقش فيها <div class='quotetop'>إقتباس(ولاء @ Jul 27 2006, 04:18 AM) [snapback]169756[/snapback]</div> اقتباس:
انتى ليه مش بتحبى تشاركى كتير؟؟ امال نتعرف عليكى وعلى افكارك ازاى؟ اوجه لك نفس الكلام الذى وجهته لفلاور فى ردى عليها <div class='quotetop'>إقتباس(r.m.h @ Jul 27 2006, 07:22 PM) [snapback]170233[/snapback]</div> اقتباس:
ولكن لماذا لا تحتول ان تصلح من نفسها -------------------------------------- اقول لكم على حاجه لو ست البيت لم يكن فيها تلك العيوب لا اظن ان الرجل ممكن ان يفكر فى ان يتزوج عليها او ينظر لغيرها او يخونها ولكن لما يشعر الزوج باهمال زوجته اكيد هذا الاهمال بيكون نقطة ضعف فى جدار الحياة الزوجية ومن ثمة يبدأ يفكر فيما لايرضى زوجته او توافق عليه سواء الزواج من غيرها او النظر الى غيرها او خيانتها فكل هذه الافعال عند الزوجه (واحد) حضروا انفسكم للحلقة الجديدة <div align="center">فهى بكل المقاييس قنبلة </div> |
اشعر ان تفكير اصابه الشلل ولكن هل الزوجة فقط هى التى تغيرت ام الزوج ايضا ...؟؟ واذا كان الزوج تغيير ..فلماذا لم تحاول الزوجة تركه وان تبحث عن شخص يعوضها ما فقدته من حب وها انا فى انتظار تكملة اليوميات اقصد فى انتظار القنبله وربنا يستر |
قديما كانت بعض الدول تنتهج وسيلة عجيبة لتعذيب المعارضين والاسرى ، لم تكن تلك السياسة تعتمد على الجلد بالسياط أو الكى بالنار أو تقطيع الأعضاء ، لقد كانت وسيلة رهيبة لا تترك أى أثر !!!!
كان أولئك البغاة يجعلون السجين يستلقى على ظهره فوق لوح خشبى ويربطون يدىه ويثبتون راسه بواسطة كلابتين فلا يمكنه تحريك رأسه إطلاقا ثم يضعون المسكين تحت حنفية مياه تنزل منها نقطة واحدة كل 10 ثوانى مثلا بحيث تسقط النقطة فى منطقة التقاءالأنف بالجبهة !!!! إنها مجرد نقطة مياة لا يمكن أن تلفت الإنتباه ولكن الرتابة والتكرار المستمر يجعلانها سلاحا مروعا فيجن المسكين خلال يومين على الأكثر ثم ينهار جهازه العصبى ويموت !!!! وانا اتفق استاذي مع الاعضاء وأختلف معك الكذب لا يكون له مبرر استاذي ايا كان مهما حدث لا بد ان نكون صادقين |
<div class='quotetop'>إقتباس(مهرة @ Jul 29 2006, 04:12 AM) [snapback]172043[/snapback]</div>
اقتباس:
ثانيا : انتى ليه مش عايزة تعترفى ان اسلوب الزوجة غير لائق بالمرة ؟ هذه الزوجة ربة بيت ....... يعنى مش موظفة ولا بتشارك فى دخل او مصروفات المنزل فما بالك لو كانت موظفة او لها دخل ؟؟ اتكلم عن رأئى الشخصى فى الحالة دى:- انا شايف انه من الضرورى جدا ان يعتمد الزوج على نفسة فى دخل ومصروفات المنزل حتى تكون له الكلمة العيا فى البيت ومش معنى كده انها قاعده ............ لاء طبعا ولكن بعض الزوجات الذين يعملون وينتجون بيكون هذا الوضع دافع لهم فى اعطاء انفسهن حجم اكبر من حجمهة فى مهام البيت وفى اتخاذ بعض القرارات باعتبارهن شريكات ويساعدن فى مصروف او دخل المنزل وفى بعض الحالات يتصورون انهن صاحبات القرار اما تعليقى على هذه العبارة : اذا كان الزوج تغيير ..فلماذا لم تحاول الزوجة تركه وان تبحث عن شخص يعوضها ما فقدته من حب انا اتفق معكى فى هذا بس بشرط ........ اذا كان الله شرع لهن تعدد الازواج فمن حقها طبعا ان تفعل مثلما فعل من حقها ان تبحث لها عن عريس هى كمان ........ مع الاحتفاظ بالزوج الاول اظن الان المسألة محلولة الزوج لم يرتكب حرام ولا عيب بالعكس ذهب الى الزوجه الثانية من الباب وتكلم مع اهلها واتفقوا على كل شيئ وهذه الحالة حلال 100% ولو كانت الزوجه تهذب من اسلوبها شوية مع زوجها اكيد انه لم يكن يقدم على هذه الزوجة الثانية |
الصراحة انا اول مرة اشوف الموضوع الممتاز ده
معرفش كان تايه عنى فين شكرا يا قاهر (استاذ بورسعيدى) على اليوميات العسل دى واحلى ما فيها يتبع الف شكر فى انتظار البقية |
انت اللي متأخر اهو مش انا
|
| جميع الأوقات بتوقيت GMT +2. الساعة الآن 10:56 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.