يللا يا محمد كلمة اخيرة منك للمشاهدين؟؟

يااااااااااااااااااااااااااااااااااااااااااااااااا اااااااه لقب جميل قوي قوي قوي قوي شكرا اختي احلام

كم انتي رائعة موضوع شيق ورهيب بجد تستحقين انتي اجمل الالقاب واجمل باقات الورود


اولا اشكر اختي احلام على استضافتي لكني هقول كلمة اخيرة احب اقول الحمد لله اني عرفت اكون ضيف موش تقيل عليكم وان كلماتي الصغيرة اعجبتكم


بس هقول كلمة كم عشقت الشعر وسأظل اعشق الشعر حتى اموت

سألوني عن الشعر ما هو؟

قلت هو صرخة الوجدان ....... منبع الحب والحنان ......... ملتقى قلوب الاحبة على الافنان .....دا معنى الشعر عندي


شكرا ليكم باقة ورد لكل الاعضاء الاخوة وسعدت ان اكون اخ لكم وضمن الاسرة الجميلة المتكاملة

اترككم ي رعاية الله

احبتى الكرام كان هذا لقائى مع الشاعر الجميل صديق الكلمات العذبة ( محمد البرى )

وانتظرو حلقة جديدة مع شاعر جديد

فكونوا معنا وتابعونا

لكم منى ارق التحيات والى اللقاء

( نغم البحر )...

السلام عليكم


كم سعدت بالحوار الراااائع الذى دار بينكما

كم كنت راااائع يا محمد ..ومبروك عليك اللقب ... صديق الكلمات العذبة

وكم كنت محاورة راااائعة حبيبتى احلاااام

بصراحة الموضوع يجنن

ومنتظرين الشاعر القادم




م

mawdo3 akter mn ra2e3 ya a7lam
w shhadaty aked feh magro7a
w bgad mosh kont a3rf an albary sha3er 7lw ked

bgd gzak allah 7"ayran
w rbna ywafa2k ya M.alBary

أيه الجمال ده يا نغم بسم الله ما شاء الله

موضوع بجد رائع جدا جدا جدا جدا

وطبعا استمتعنا جدا بالحوار مع محمد

وشكرا جزيلا يا محمد علي الورد

وإلي الامام يا نغم

ميرسى اوى ليكى يا مهرة انتى وكوركوشا وميدو وجودكم والله زاد الموضوع نجاح وتالق :)

ومن هنا اوجه شكرى لكل من حضر وقرا وعلق

وبقول لصديق الكلمات العذبة محمد البرى اطمن عليا انا بخير اليوم لانى يا جماعة امبارح كنت

بقدم البرنامج وانا تقريبا مدمرة بس محمد عمل معايا مجهود جبار وساعدنى وبالفعل نجحنا اننا نظهر ليكم البرنامج بشكل كويس من غير ما اخلف وعدى و لا اغير معادى مع محمد

وانت يا ميدو يومك قرب يا جميل وان شاء الله وقعتك فل فى البرنامج ههههههههههه

يا ريت تراسلنى لانى معرفش انت بتدخل امتا

وان شاء الله قريب هقدم لكم الضيف الثانى فتابعونا...

ايه الجمال ده برنامج حلو اوى مين الضيف التانى

أيه الجمال ده يا نغم بسم الله ما شاء الله

موضوع بجد رائع جدا جدا جدا جدا

وطبعا كان حوار جميل مع محمد

ربنا يوفقكم يارب

حاجة جميله يا نغم


رينا يوفقك يارب


ويارب يتثيت

ميرسى ليكم يا جماعة ويسمع منك ربنا والمشرفين ويثبتوه يااااااااااااااااااااااااااارب.

والان احبتى الكرام اهديكم هذا الفاصل الشعرى


.... قصيدة .. ماذا اقول له للشاعر (نزار قبانى )


_ ماذا اقول له لو جاء يسالنى ..

_ان كنت اكرهه او كنت اهواه؟

_ ماذا اقول اذا راحت اصابعه..

_ تلملم الليل عن شعرى وترعاه؟

_ وكيف اسمح ان يدنو بمقعده ؟

_ وان تنام على خصرى ذراعاه؟

_ غدا اذا جاء اعطيه رسائله..

_ ونطعم النار احلى ما كتبناه

_ حبيبتى .. هل انا حقا حبيبته؟

_ وهل اصدق بعد الهجر دعواه؟

_ اما انتهت من سنين قصتى معه؟

_ الم تمت كخيوط الشمس ذكراه؟

_ اما كسرنا كؤوس الحب من زمن ؟

_ فكيف نبكى على كأس كسرناه؟

_رباه .. اشياؤه الصغرى تعذبنى..

_ فكيف انجو من الاشياء رباه؟

_ هنا جريدته فى الركن مهملة ..

_ هنا كتاب معا كنا قراناه....

_على المقاعد بعض من سجائره..

_ وفى الزوايا بقايا من بقاياه..

_ مالى احدق فى المرآة .. اسالها,

_ باى ثوب من الاثواب القاه؟؟

_ أأدعى اننى اصبحت اليوم اكرهه ؟

_ وكيف اكره من بالجفن سكناه؟؟

_ وكيف اهرب منه ؟ انه قدرى ..

_ هل يملك النهر تغييرا لمجراه؟

_ احبه .. لست ادرى ما احب به..

_ حتى خطاياه ما عادت خطاياه..

_ الحب فى الارض .. بعض من تخيلنا

_ لو لم نجده عليها ...... لاخترعناه

_ ماذا اقول له .. لو جاء يسالنى ؟؟

_ ان كنت اهواه ..... انى الف اهواه.


.... هذه القصيدة من ديوان .. الرسم بالكلمات للشاعر ( نزار قبانى )

... ( 1966)...




اتمنى ان تنال اعجابكم مع ارق تحياتى والى اللقاء مع ضيف شاعر جديد خلال ساعات

......... فانتظرونا ........

السلام عليكم ورحمة الله وبركاته

مرحبا بكم من جديد فى الحلقة الثانية من لقاء مع شعراء متميزين ويسعدنى اليوم ان اقدم لكم ضيفنا الثانى

وهو شاعر حكيم صاحب راى سليم اسعدنا باشعاره السياسية

اسلوبه امتعنا عشنا مع افكاره الجميلة وسعدنا بكلماته الشجية

ضيفنا من مواليد 19_ 2_ 1967

(برج الدلو )

ضيفنا هو شاعرنا الحكيم الاستاذ ( جمعة الدهشان )


... فتابعونا ....



اولا احب ارحب بحضرتك يا استاذ جمعة فى برنامجنا وطبعا نورتنا بجد

الله يخليك
بس أنا لا شاعر ولا حاجه
وطبعا" أنا لست أهل لهذا الكلام ولا أهل لواحد 1/1000000000000000 منه
بس أنا معاكم هنا عشان بس بحب المشاركة

ازاى بس يا استاذ جمعة انت ماشاء الله عليك اهل الخبرة فينا

يا رب دايما نشوفك بخير ومتالق على صفحات منتدانا

يللا نبدا الفقرة الاولى الاسئلة العامة ها ... مستعد؟؟؟

على بركة الله

يللا نبدا

السؤال الاول .... هواياتك ايه او اهتماماتك عامة ؟؟؟؟؟؟

ليس لى هواية معينه غير أنى أحب أتعرف على البلاد وخصوصا" الريف المصرى وكمان أستمتع كثيرا" برؤية الخضره وجريان والماء فى الأنهار
أهتماتى هى الطلاب وخاصة طلاب الثانوية العامة

عظيم جدا ...

يللا خد السؤال التانى ... ايه اقرب لون لنفسك؟؟؟؟؟؟؟

أقرب لون الأخضر
لكن أحب ألوان أخرى كثير

كنت متوقعة ما دام جبت سيرة الريف

السؤال الثالث... طموحاتك ايه فى الحياة العامة وايه اللى لسه محققتوش من احلامك؟؟؟؟؟؟

طموحى أحسن علاقتى مع ربى حتى أشعر بأنه راض عنى

والذى لم أحققه من أحلامى والله لم أكن أحلم فى يوم غير بأن أكون فى ستر من الله
ولم أتمنى إلا شئ واحد هو أن لا يمتنى الله إلا وهو راض عنى وإلا يعتبنى الله لأن عتابه أشد من عقابه

ما شاء الله اللهم تقبل منا انك انت السميع العليم

السؤال الرابع.. يقول الشاعر الرقيق ( ابى القاسم الشابى )

_ ومن يتهيب صعود الجبال ........ يعش ابد الدهر بين الحفر


علق على هذا البيت ؟؟

أعلق عليه بقول
يفوز بالذتى كل مجازفٍ ********* ويموت بالحصرتى كل جبان

لا انا مش ادك يا استاذ جمعة هههههههههههههههه

السؤال الخامس .. عايزة حضرتك حالا تغمض عينيك وتقوللى خيالك اخدك لفين ولايه؟؟؟؟؟؟

حست بسكون ثم أخذنى للكليه وأيامها وشفت أحد زميلى أتمنى لو أراه فى الحقيقة

ربنا يجمعك بيه فى لقاء خير

السؤال السادس .... تخيل نفسك رسام وفى ايدك فرشاة والوان وامامك لوحة فاضية هترسم ايه؟؟؟

وايه اقرب منظر طبيعى بياثر فيك؟؟؟؟؟؟؟

حرسم شكل لشجرة توت كنت بحبها وأنا صغير وأجلس فى شرفة منزلنا أنظر لها بالساعات وحرسم قطرات الندا على أوراقها فى الصباح الباكر وهى على شاطئ ترعة تجرى فيها المياه والسماء أعلاها بها سحاب يركض والشمس أخذه فى الظهور
حرسم الشكل ده
وجنب كدا طفل بينظر لها وبيقول سبحان الله المصور

يا عينى ع الخيال الخصب حقيقى شاعر

السؤال السابع ..... علاقتك ايه بالاطفال؟؟؟

تعشقهم .. عادى ... ما فيش بينكم تالف؟؟؟

بحبهم وأتمنى ربنا يسعدهم لمَا يكبروا

امين يا رب

ودلوقتى اخر سؤال فى فقرة الاسئلة العامة اليوم

... اخبار قلبك ايه يا استاذ جمعة .. كلمنا عن حياتك العائلية؟؟؟؟؟؟

ههههههههههههههه
متزوج
وعندى خالد وأميرة
أميرة 6 سنين
خالد 18 شهر

ربنا يسعد ايامك يا رب ويفرحك باولادك وتشوفهم احسن الناس

ودلوقتى اعزائى المشاهدين مع فاصل قصير وسنعود للفقرة التالية


.................( المفاجاة ) ...........


فتابعونا..

احبائى الكرام عدنا اليكم ومع سؤال المفاجاة


استاذ جمعة .... لو طلبوا منك تختار منصب من تاتتة

رئيس جمهورية ... طبيب ... معلم

تختار ايه وليه؟؟؟؟؟؟؟؟

فى هذا الزمن أختار معلم
يمكن هى مهنه صعبه بس من خلالها تجدى من يستمع لك ومن خلالها يمكنك بناء الطبيب والرئيس والمهندس وغرس القيم الحميدة بهم

بصراحة اجابة فى الجووووووووووووووووون

احييك عليها يا استاذ جمعة


... والان احبائى وصلنا مع ضيفنا العزيز لفقرة بجد صعبة هى فقرة الارتجال فكونو معنا..

احبائى الكرام .....

سنواصل لقاءنا الجميل مع الاستاذ جمعة غدا ان شاء الله عشان النهاردة النت فصل معانا كتير والسيرفر وقع

باذن الله من غير شر نكمل بكرة

انتظرونا ولكم خالص تحياتى نغم البحر وتحيات الاستاذ جمعة والى اللقاء..

منتظرين البقيه ان شاء الله

السلام عليكم ورحمة الله وبركاته

.. احبتى فى الله

.. ها انا اليوم اضع بيدى نهاية لمشوار بداته ولن استطيع مواصلة السير فيه

.. فيا من احببتكم واحببتمونى اذكرونى دائما بخير فان ذكراى لن تموت


.. وبرنامجكم هذا الذى قد نظمته يوما من اجل ان تعرفوا من هم الشعراء

.. اتركه اليوم فى يد فاضلة متميزة قادرة على المتابعة بشكل افضل منى

.. اننى اتركه فى يد اخى الفاضل الكريم محمد (msamido)

.. فهو احق الناس به .. هو شاعر متميز وانسان له قلب رحيم

.. وانا اعلم ان برنامجكم هذا سيكون افضل على يديه


.. واسالكم الدعاء ..

انتظروا باقى حلقات البرنامج مع شاعركم المتميز ميدو

والسلام عليكم ورحمة الله وبركاته.

رغم انى مليش فى الشعر بس موضوع باين عليه جميل

احبتى الكرام ..


اسعد الله مسائكم بكل خير

عدت اليكم من جديد باحلى ابتسامة وامل جديد

وطبعا لظروف خارجة عن ارادتى تغيبت عن البرنامج ومقدرتش اكمل الحوار مع شاعرنا واستاذنا الاستاذ جمعة

لكن انا بعلن لكم الان انى بمنح الاستاذ جمعة لقب ( رب القلم الحكيم )

مبروك يا استاذ جمعة وطبعا هتحتفظ باللقب على صفحة الشعر وممكن كمان تحطه مكان رتبتك فى الموقع


وانتظرونى مع شاعر جديد

والى لقاء قريب

تقبلوا تحياتى نغم البحر .

حمد الله ع السلامة يا احلام ونورتينا من جديد ويارب الموضوع يكتمل لانه رائع بجد ننتظر منك حوارات جديدة مع شعراء متميزين وانتي ليكي يوم يا احلام وهتقعدي ع الكرسي زينا :P:p

كنت بحسبك لمًا ردت على رسلتك أنك لم تكملى الموضوع
ولو كنت أعرف أنك حتكمله كان ردى أتغير
الظاهر أن حوارك معايه لم يكن له الشعبيه التى كنت تظنيه لكن أنا نبهتك لكدا لأنى والحمد لله أعرف طبائع الناس كويس جدا"
وعلى أية حال أشكرك ولكن أبقى لك اللقب لتمنحيه لفرد غيرى يكون أهلا" له ويكون له مشجعين كثير .
شكرا" جزيلا" لكى مرة أخرى
وربنا يوفقك

مفأجاة اللقاءات قريبا حوار بين محمد البري في دور المحاور ونغم البحر في دور ضيفة الحلقة انتظرونا قريبا جدا جدا جدا جدا

يا استاذ جمعة انا بقول هنا ان حضرتك اكبرنا سنا ومقاما على صفحة الشعر

واللقب ده بتاع حضرتك مش لحد غير

وده اقل شىء ممكن نقدمهولك

وتقبل خالص احترامنا وتحياتنا

بسم الله الرحمن الرحيم


اخوتي واخواتي احب اقدم لكم النهاردة شخصية جميلة قوي بهرتنا بقلمها واسلوبها الجميل شخصية الكل يكن لها الاحترام ويعترف لها بالموهبة الجميلة وكم نشرت لنا هنا دواوين


الاسم : نغم البحر

اسمها الحقيقي : احلام عبد الله

تاريخ الميلاد : 18 -11-1987


البرج : العقرب


اهلا بيكي معانا يا احلام واشرفنا وجودك الجميل وتشريفك لينا انهاردة مستعدة؟

اهلا بيك يا محمد .. حقيقى انا سعيدة انى الضيفة النهاردة وانك انت اللى بتحاورنى

بس ربنا يستر بقى

وعموما انا مستعدة وتوكلنا على الله

اهلا نبدأ بأى بالحوار وهناخدها اقسام من دماغي موش تقسيمك :P


اولا كلمينا عن احلام مين هيه طفولة وكدا احلامها اهدافها المستقبلية ؟ احلامها اللي متحققتش ؟

ياااااااااااااااااه يا محمد انت محاور صعب اوى من اولها كده

عموما احلام يا سيدى بنت بسيطة اوى بتحب الطبيعة والخيال

طفولتى كنت طفلة شقية جدا ومجننة الجيران يعنى يمكن عشان ولادتى كانت بعملية قيصرية ومتعسرة

اما احلامى اللى ما تحققتش اولا كنت بحلم انى ادخل كلية الفنون الجميلة جرافيكس عشان اكون مصممة لرسوم الكارتون

لانى بحب الاطفال اوى بس مافيش نصيب وادينى بدرس بكلية الاداب اثار ودراسات يونانية ورومانية

اما طموحاتى فنفسى اشوف العالم بخير وتنتهى كل الصراعات واشوف المسلمين منتصرين فى شتى بقاع الارض

اما على الصعيد الشخصى نفسى اتخرج بتقدير واكون اسرة سعيدة ويبقى عندى اطفال اعلمهم حجات كتر جميلة اولها الحب والخير والعدل والرحمة

جميل جدا يا احلام ربنا يوفقك وتكوني سعيدة وتحققي كل احلامك



السؤال التاني : ايه هيه هواياتك ؟ وليه فضلتي الشعر؟ وايه اقرب الالوان لقلبك ؟ اقرب الالوان اللي لعيونك بتشدك؟

هواياتى اولا بعش الرسم اوى وبحب كتابة الشعر فضلته لانى بحب اللغة العربية واجدتها من سن مبكرة

كمان بحب المطالعات العامة والموسيقى والغناء والاثار

اقرب الالوان لقلبى اللون الاحمر الداكن ( دم الغزال) لان معناه الحب

اما احب الالوان اللى بتشد عنيا هى اشتقاقات قوس قزح من الالوان الهادية بالاضافة للفضى والذهبى والسكلمان والتركواز