|
اقتباس:
ده بقى معلم بامانه فى مادة المحاسبه دى الورق بتاعه تحفه فنيه الواحد يقراه كان فى حد واقف ادامه بيشرح له مفهتمش المحاسبه غير من ورقه هذه حقيقه تقال |
انا عن نفسى فهمت منه و لكن انا معرفش ليه مستريحتش للدكتور من اول ما انا شفته و حسيت انه داخل مش محترمنا و هو النقيض تماما لدكتور السلوكيه فى الحكايه دى
لكن انا فهمت الكلام اللى قاله ممكن لانى اصلا بحب الاقتصاد بالاخص انه قال ان باقى المحاضرات كلها رياضه و لازم يبقى معانا الكشكول و نشتغل معاه بالورقه و القلمو فعلا انا لما جبت الكتاب لاقيته مليان حل معادلات لكن انا لاحظت حاجه غريبه محتاجه لتفسير ان الكتاب عباره عن 14 فصل بينما الشيت فيه 9 فصول فقط انا عاوز اعرف هل ده معناه انه هيلغى لنا ال5 فصول الاخيره لكن احسن حاجه حكاية الشيت دى و انه هياده مننا لكن انا مش عارف هو هياخده ليه مع ان فيه الاجابه انا افتكرته اساله فقط و احنا هنجواب و نبعتهاله و هو يدينا ال3 درحات لكن العموم لازم بيجى من الشيت اساله فى الامتحانات فادينا ضمنا جزء من الامتحان لو حلينا الشيت و ذاكرناه لكن يا جماعه انا سالت فى مكتبه paper عن المذكرات هتنزل امتى قالوا كمان شهر ازاى معرفش انا عن نفسى قررت انى هعقد اقرا على قد ما اقدر فى كتاب السلوكيه لانى حبيت الماده دى |
انا كمان مرتحتش خالص لولا دكتور اساسا لحد دلوقت ماعدا دكتور السلوكيه مع انه خوفنى بس انا حباه بصراحه وحابه الماده ولما نشوف بقى ماده القانون دى كمان بتاعه بكرة بيقولوا انها ماده جامده قوى ربنا يستر بقى والدكتور يطلع لذيذ
|
على فكرة ياsunsero الاقتصاد لسه فالاول متحاولش تخنق نفسك منه لانى حسيت ان الراجل ده داجل حامى قووى علينا حاول تبقى تركز معاه ده بيقولك ياعم خيخلص فصل فالمحاضرة يعنى لازم تبقى صاحى معاه جداا عشان مفيش حاجه تضيع منك
واعتقد يافرسان الجحيم ان الشيت ده مش شرط يبقى فيه المنهج كله ع مااعتقد يعنى لو تفتكر الترم الاول شيت الاقتصاد مكنش فيه الجزء التانى من الكتاب ومع ذلك متلغاش |
اه فعلا عندك حق لكن حتى عبد السميع و معظم المعيدين التيرم الاول كانوا متوقعين ان الدكتور مش هيشرح الجزء التانى اللى مش موجود فى الشيت و لكنه شرحه لكن ادينا هنشوف هيحصل ايه على فكره الدكتور عبد الحميد بتاع القانون سمعت انه هو نفسه رئيس مجلس التاديب فى الجامعه و اللى بيعمل دوشه كتير فى المحاضره ممكن يتعرض للفصل لعدة ايام
|
و على فكره تقريبا كل الدكاتره اللى بيدونا التيرم ده مفيش منهم خوف يعنى مش مشهورين فى الكليه بامتحاناتهم الصعبه زى المهيلمى و الزهار و عبد الفتاح بتوع الاقتصاد
|
ربنا يستر
عاى فكره يا جماعه انا عضو جديد في المنتدى وبرضه في تجاره المنصوره يعني اللي محتاج اي حاجه ياريت ماينكسفش ويطلب علطول احنا في الاول والاخر اخوات وزملاء في نفس ذات الوقت ولا ايه ؟؟؟؟؟؟؟ |
اقتباس:
|
ميه ميه والله يا جماعة ..
عاملين احلي شغل انتوا معا بعض هنا في الموضوع يالا ربنا يوفقكوا .. |
اقتباس:
|
اقتباس:
|
اقتباس:
|
اولا
الاقتباس طوييييييل جدا ثانيا انا قريت الموضوع من اوله وعارف انه هزار فهزرت عادي ثالثا انت بتقول كان في اسلوب الطف ولازم اعتذر بالنسبه لأول ملحوظه كانت هذار والملحوظه التانيه كانت نصيحه عاديه لأي بنت مش هي بس نصيحه ليك حاول تهدى شويه لانك لما بتكتب وانت متعصب بتتسرع في الكتابه وتغلط في الحروف كتير |
انا اسف جدا
انا شكلي عملت مشاكل كتير بجد انا اسف كنت مخنوق شويه ومعظم كلامي بيكون عباره عن رخامه لما اكون مخنوق اوعدكم اني مش هتكلم كده تاني لو عايزني اسيب المنتدى خالص هسيبه بجد انا اسف تاني انا بتكلم وانا مخنوق اكتر لان هذاري معاكم كان بايخ قوي ياريت تسامحوني |
اقتباس:
بس انا معلشى زعلت عشان انت كنت بتتكلم على بنت |
خلاص انا اسف جدا يا مس a_2007
ومره تانيه متأسف يا مستر sunsero2000 |
انا عن نفسى مش هرد خالص وهعتبر نفسى مقرتش حاجه اصلا عشان انا لو اتكلمت هغلط
بس بجد انا عايزة اعرف راى المشرف بتاعنا لانى هحترم ان لينا كبير ومش هرد بجد خالص |
وانا بجد اسف ومش داخل هنا خالص
علشان ترتاحوا |
اقتباس:
انا ومتاسف جدا مووووووووووووووووت لان الكلام اللى اكتبلك ده ممكن يكون بسببى |
انا اعتذرت قبل كده
اكتر من مره وعايز اعرف امشي ولا هتقبلوني وتسامحوني مستني الردود |
اقتباس:
|
خلاص بقه يا استاذ فامبير
وانا بكرر اسفى لاختنا a2007 لانى انا السبب فى ده كله |
بجد بعد كلام فامبير انا مش متكلمه لانه الوحيد الى عرف يجيبلى حقى انا متشكرا يافامبير ولولا انى قديمه فالمنتدى كنت مش هدخل تانى لانى اول مرة حد يقولى كده بس اعتقد ان موضوع السماح ده حريه شخصيه انا لالاسف مش هقدر اقول سماح ومحدش يزعل منى وشكرا ليك تانى يافامبير
|
انا خلاص سامحتك قدام اعتذرت للناس اللى غلطت فيهم
|
خلاص بقه يا جدعان انسو الحكايه دى بقه
قولى هتعملو ايه فى الدكتور بتاع الفانون ده انا اسمع انه بيسال فى المحاضره |
انا هحاول اركز معاه واجيب الكتاب معايا
وعلى فكره ماده القانون سهله الى حد ما انا فهمتها في المحاضره بس انا هقعد في الاول شويه علشان احاول اركز اكتر بالنسبه للحفظ فهو عندي ضعيف بس محلوله ان شاء الله هحاول اكتب اللي مش عارف احفظه علشان يثبت بالنسبه للباقي هيعملوا ايه |
اقتباس:
|
يا حول الله يا رب فيه ايه اللى بيحصل فى المنتدى ده لازم ننسى كل اللى حصل بينا و نبدا صفحه جديده احنا كلنا هنا بنخاف على بعض و الاخوات بيتخانقوا و يرجعوا كويسين تانوا و يصالحوا بعض يالا نرجع لامور الدراسه و نفكر فى مستقبلنا و منسمحش للشيطان يدخل بينا ابدا و مرحبا بيك يا ra-shere هنا بينا كاخ كريم معانا و شكرا على رايك فيا
|
قولولوى بقى اخبار القانون ايه النهارده
انا شايفه ان الدكتور رزل شويه بس كفايه انه بيشرح انا الصراحه حبيت فكرة اننا نسمع ونتسئل دى وبالنسبه لدكتور محمد عطوة مش عارفه ايه حكايه الاب توبات الترم ده كل واحد هيدخل يجبلنا لاب توب يعقدنا بس برضه لايعلى ع الاب بتاع احمد جاد |
تم حذف جميع المشاركات المتعلقة بالموضوع الخاص بالعضو Ra-Sere والعضوه a_2007
وياريت نرجع لمضمون الموضوع تاني .. ومافيش اي مشاكل |
ايه رأيكم في محاضره القانون النهارده
انا كتبتها بالكامل 3 صفحات ونص والدكتور كان بيسئل نفس الاسئله اللي انا كتبتها وده معناه انه بيجيب فعلا الامتحان من المحاضرات زي ماقال الماده جميله بس المشكله انه بيتكلم بسرعه جدا وعايز الواحد يفهم ويحفظ في الوقت القليل ده بس فعلا لو سألني وشي هيحمر جدا زي عوايده -بس فكره انه يسألنا في المحاضره جميله جدا -بحيث انه خلانا نفكر في ايه اللي هيحصل لينا -وهيخلينا نذاكر خوفا من الاحراج |
ايه رايك يا جماعه فى الدكتوره علا انا راى انها رزله جدا و خنيقه داخله مش محترمانه خالص و بتقلنا انتم عيال و كفايه انها جت لينا بعد ميعاد المحاضره بساعه انا قررت انى مش ههحضر لها تانى لانى اتخنقت منها علشان دكتوره رخمه كده و غتته و لكن انا فهمت اللى قالته كله لكن معدتش حاضر لها لانها داخله كرهانه اساسا لكن الدكتور محمد عطوه دكتور 100% لكن عيبه انه عاوز يتفاخر بنفسه قوى و دى حاجه مش كويسه فى حركة انه يدخل السكرتيره و تعرض الc.v بتاعه و بيتمنظر علينا لكن بامانه شكله دكتور ظريف و هجيب امتحان كويس لكن الدكتوره علا دى انا مخنوق منها على الاخر و كنت بفكر انى اسيب محاضره و اخرج
|
كويس والله اننا راينا واحد فعلا محدش طايقها خالص والمفروض انها تبقى قدوة لينا حتى فالمظهر بس يلا كله عند ربنا
انا كمان معتدش حاضرالها المحاضرة مش ناقصين احنا وجع دماغ ومنظرة الحكايه مش ناقصه خانقه وبجد انا لغايه دلوقت الى عاجبنى ققوووووى دكتور احمد جاد ودكتور محمد عطوة |
اقتباس:
|
اقتباس:
|
هاااااااااااااى ازيكم يا جماعة
انا زميلتكم فى تجارة عربى المنصورة الفرقة الاولى انتوا ايه رايكم فى دكتور عطوة مش عارفة حساه بيترسم جامد بس شرحه جامد اوىىىىى ودكتور احمد جاد ماشاء الله عليه انما دكتور الادارة ده لسه مش حضرتله مااعرفش عنه حاجة اسمه باين احمد غنيم ايه نظامه ده؟؟؟؟؟؟؟؟ وعلا خنيييييييييييقة ورخمة |
اقتباس:
من ناحيه علا انا سمعت انها وحشه وبردو عطوه ده رساااااااااااااااااااااااااااااااااااااااااااااااا اااااام كبييييييييييييييييييييييييييييييييييييييييييييير |
اقتباس:
|
اقتباس:
ثانيا دكتور محمد عطوة شكله واثق من نفسه قووى بس انا الصراحه عجبنى وشرحه كمان جميل جدااا وده المهم ودكتور احمد جاد طبعا ميه ميه اما بقى دكتور الادارة فانا رايى احضريله لانه بيعلم من الكتاب بس انا بصراحه مش حاسه انه كويس يعنى مقارنه بدكتور عبد المحسن فى الشرح يعنى بس برضه احضرى جايز تستفيدى |
انا بامانه شايف كل الدكاتره اللى بيدونا السنه دى كويسين جدا ما عدا د\علا و د\سعد الشريف بتاع الاقتصاد حاس انه شرحه كويس و لكن شكله مش محترمنا و مش مرتاح له و د\عبد الحميد بتاع القانون حسيت فى اول محاضره له انه حاسس اننا اغبيه عكس الدكتور \محمد فريد اللى قعد يحمسنا و يقول علينا كتاكيت المستقبل ولا مش فاكر كان بيقول ايه و الدكتور عطوه ده حاجه كبيره على فكره فى الكليه و معروف و بامانه مسالتش عليه حد الا شكر لى فيه لكن عيبه حركتين المنظره اللى عملهم دول لكن على فكره لسه دكتورين مشفنهمش الدكتوره \عزه بتاعة الاداره و الدكتور \احمد يحي بتاع السلوكيه لكن انا متفائل خير و حاسس انهم كويسين بردو و الله يا جماعه انا رجعت تانى احب الجامعه علشان الدكاتره اللى بيدونا دول و علشان الاصحاب
اهلا بيكى يا beauty_andy معانا هنا فى المنتدى و الله كويس كل شويه عددنا بيزداد و شكلنا احنا اللى هنسيطر على القسم لكنبرده مفيش حد من الفرق التنيه و الثلثه و لا الرابعه كله من اولى فقط لاغير |
اولا احب ارحب بزميلتنا الجديده beauty_andy
شكلنا فعلا يا ميجا هنسيطر على المنتدى ده وممكن نعمل مظاهره ونستقل بقسم منفرد بالنسبه لرأيي في الدكاتره انا بحب د/ محمد فريد بحس معاه بحماسه جامده قوي وكل الدكاتره كويسين بس دكتور الاداره عايزنا نحفظ وانا في الحفظ ( م م) يعني ميئوس منه وبيفضل طول المحاضره انت ياواد يا مشمش وعطوه عاجبني قوي الحكايه اللي دخل بيها لانه كده بيحاول يحسسنا اننا نكون متعودين عليه يعني مايكونش ليه رهبه لكن (نحبه باحترام) والدكتوره علا دي ماقدرش احكم عليها لانها لسه في اول محاضره وماقدرش احكم على حد من اول مره لانه غالبا بيكون حكم متسرع وغير صحيح ودكتور القانون عايز الواحد يكتب اللي بيقوله بالحرف الواحد والاقتصاد الدكتور بيقول اللي مش عايز يجيب الكتاب مش يجيبه واخر المحاضره قال كملوا المحاضره من الكتاب عاجبني قوي الاسلوب ده بس ارجع واقول كلهم كويسين بالمقارنه بالترم اللي فات و عبد المحسن كان شرحه كويس لكن ماصدقش في وعده عن الهدايا ولا لما قال ان الامتحان سهل والهدايا هتشوفوها بنفسكم وانا خايف يكون ضمن "اذا حدث كذب , واذا وعد اخلف" |
السكاشن نزلت النهارده والحمد لله عزمى معانا
انا بجد مكنتش عارفه من غيره هعمل ايه بس الحمد لله هيدينا بس فيه مشكله ان السكاشن معموله عشان انتظام مش انتساب فيبقى متظبط ع جدولهم مش جدولنا احنا وهنا بقى بتظهر المشكله بس انا ان شاء الله هحضر المحاسبه بس فالسكاشن لانى مش عارفه لسه باقى السكاشن نظامها ايه انا والله مجبتش الجدول كله عشان كان زحمه موووت جبت عزمى بس ولما اجيب السكاشن هنزلها باذن الله او لو فى حد جابها ياريت ينزلها |
اقتباس:
|
انا حضرت سكشن عزمى و سكشن سطوحى بامانه الاتنين عشره على شعره و بالتاكيد برده هحضر لعبد السميع و لمحمد بتاع السلوكيه و يائذن الله فى مدخل القانون هسال اصحابى اللى دخلوا حقوق ان كان بيدرسوا الماده دى التيرم ده و لو كانوا بيدرسوها هحضر معاهم سكاشنها و لكن يا جماعه جدول السكاشن هتغير و دى مش شاءعه زى شائعة عزمى و مادة ال icdlههههههه
|
انا غيرت راى عن بداية التيرم ده انا مش هصور من حد محاضرات انا عاوز حد يكون مخطط كتبه مع الدكاتره لانى ناوى هذاكر من الكتب لغاية ما تنزل المذكرات لان يا جماعه ناس كتير حذرونى من التيرم ده لانه صغير مش زى التيرم الاول و انا مش عارف اعمل ايه فى نفسى كل ما اجى اذاكر اشوف الكمبيوتر اسيب المذاكره و اروح على الكمبيوتر
|
لو سمحت يا جماعة كنت عاوزة اعرف فى مادة السلوك ومادة الادارة مين احسن معيدين
انا بحضر لعزمى وعبد السميع بس ناقصلى المادتين التانيين ياريت حد يقولى |
فى مادة الاداره طبعا سطوحى ده مشهور اكتر من نار على علم لكن فى السلوك معرفش لكن عن نفسى هحضر للمعيد اللى اسمه محمد
|
معلش ياجماعه بقالى كتير مش دخلت عشان كان عندى ظروف كده
المهم انتم اخبار الدراسه معاكم ايه؟؟؟ واخبار السكاشن والمحاضرات انا حضرت لعزمى الاسبوع ده وكان سكشن كويس بس المحاسبه شكلها تقيل الترم ده والسلوك حضرت لمحمد وشكله كويس قووى ع فكرة بيتناقش معانا وكده مش داخل يرغى كلمتين وخارج بس الباقى لسه محضرتش وان شاء الله هبقى اكمل الباقى ياريت تقولولى اخبار السكاشن معاكم ايه وياريت ياجماعه ونبى عايزة طلب صغير لو سمحتم الى يقدر يجيبلى اخر محاضرتين فالادارة لانى مش عارفه اجيبهم خالص ياريت ينزلهم عالمنتدى عشان كلنا نستفيد برضه وجزاكم الله كل خير |
الف شكر ليك
بس ياريت لو حد يقولى الدكاترة وصلت لفين فى الجامعة عشان انا لسة محضرتش |
الدكاترة دايسين فالمنهج خالص ولازم تحضر
وابقى هات المحاضرات الى فاتتك من حد من اصحابك لان الترم ده تقييل جدااا وربنا معانا |
| جميع الأوقات بتوقيت GMT +2. الساعة الآن 12:53 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.