|
السلام عليكم ورحمة الله وبركاته كيف حال حضراتكم؟ اتمنى ان تكونوا بخير حال ونعييد نشاط الموضوع مرة اخرى ومع عضو جديد هو ليس بعضو اخ فاضل ماشاء الله عليه على قدر من الالتزام والبر ربنا يبارك فيه لوالديه ومعانا اخونا عبد القادر محمد فى انتظار قصص التزامه وجزاكم الله خيرا |
اقتباس:
ومشكور على الكلام الى حضرتك قولتية فى حقى وان شاء الله اكون على اد الكلام دة والثقة دى وسوف احكى لكم ان شاء الله اليوم او غدا بعض صلاة العشاء بعد الانتهاء من عملى اليوم او بعد العودة غدا من الكلية بعد العشاء فى رعاية الله |
جزاك الله خيرا ايويه
موضوع بجد اكثر من رائع فى انتظار قصة الاستاذ عبد القادر وطبعا أتمنى وأتشرف انى اشارك معاكم واحكى قصة التزامى متابعه ان شاء الله |
:friendsxs3:بسم الله الرحمن الرحيم اولا انا اتشرف ان اكون فى موضوع زى دة بس انا بصراحة مش عارف مرحلة الالتزام وما قبل الالتزام علشان انا كدة علطول بتصرفاتى انا هحكلكم بسرعة عنى وانتوا الى تحكوا علشان مش ينفع الواحد يقول على نفسة كويس او مش كويس هبدا من وانا صغير لحد ما دلوقتى طبعا وكلكم عارفين ان انا عندى 100 سنة :022yb4: يعنى كمان 100 على ما نخلص الحكاية بسم الله نبدا اولا وانا من قرية تبع مركز بلبيس محافظة الشرقية وانا بحمد ربنا ان اكون من قرية لان يوجد فيها عادات وتقاليد كويسة غير المدن فى اتغيرت الا قليل منهم وايضا القرى انا هكلمكم بصراحة انا الولد الوحيد واكبر واحد واخواتى 3 بنات وولدى مدرس ثانوى صناعى وولدتى مدرسة ابتدائى وولدى وحيد ايضا كان لية اخ وتوفى فى حادث يوم العيد فديما محافظ عليا وانا من صغيرى كنت زى الاطفال بنروح الكتاب عادى لاحفظ القران بس لاسف فى الابتدائى سبت الكتاب ودة الى بندم علية الان جدا وديما بدعى ربنا ان يساعدى على حفظة او يرزوقنى زوجة تكون حافظة القران تحفظوا ليا وتشجعنى او حتى تشجعنى فى الحفظ مع بعض بي بدات احفظ من جديد وبهعدين رحت المدرسة الابتدائى وانا فى الصف الثانى جتلى اختى وكنا قريبين من الاجازة فولدتى كانت بتروح المدرسة وانا الى كنت بقعد باختى وكنت بحضرها الرضعة واعملها كل شئ زى ما الام بتعمل للطفلة الصغيرة وكان عمتى بيستغربوا عليا وكنت لو ولدى جة من الشغل كنت بقوم احضر لية الاكل ومش اخلية يعمل شئ واعمل الشاى وكل شئ وبعدها بسنتين اختى التانية شرفت وطبعا بقى على انتين بقعد معاهم واعملهم كل شئ وكنت سعات بقعد مع ولدتى وهى فى المطبخ ابصلها لحد ما خدت منها شوية حجات فى الطبخ ففى يوم اخواتى مش عازين اكل وولدتى اتاخرت دخلت افتكرت ان ولدتى كانت بتعمل الرز وفعملت زى ما انا فاكر بالظبط وتخيلتها واكلتهم وفى مواقف كتير بينى وبين اختى وكنت ديما الاول على المدرسة وعلى القرية وكان كل المدرسين يعرفونى وكل المسابقات لازم اكون فيها وكنت ماسك فريق الكشافة المدرسى وكنا بنروح مسابقات وفى الصف الخامس طلب منى مدرس الى كان ماسك الفريق ان انا اختار فريق واخلية زينا وبالفعل فى اسبوع كان الفريق جاهز وكمل مسيرتنا وطلع معسكر شهر الى كنا بنحلم بية والحمد لله وكنت ديما اتكرم وبحب الهزار جدا انا واصحابى طول ما الهزار بعيد عن الدين خلاص شغلين :028ja7: والعب بلعب كتير حتى الان كورة والعاب كومبيوتر بلاستيشن اى شئ وفى الاعدادى تعرفت على ناس اكتر ومدرسين واتكرمت كتير وكنت الاول على الاولاد فى الاعدادى والثانى على مستوى المدرسة فرق نصف درجة ورحت الثانوى وانتعرفت على جميع المدرسين وفى الثانوى الى عرفنى على المدرسين وجميع المدرسة فى جميع الصفوف موقف حصل لى بس عاوز كل واحد يحط نفسة مكانى ويقول هيعمل اية بصراحة كان اول يوم فى الدراسة فى الثانوى وكنت متحمس جدا فدخلت الفصل والمدرس بدا يشرح عندة ضمير بعد ما اتعرف علينا وعرفنا على نفسة دخل المدير وقال اى حد فى مقعد مكسور يقول فواحد زميلى قالة قالة هات مسمار واعملة فمش خدت بالى مشغول مع المدرس فقمت وقولتلة لو سمحت بعد ازن حضرتك وووقفت طبعا قالى نعم واقعد فى مكانك وكلمنى عادى قعدت وجة كل ما اقف يقعدنى قالى اية عاوز اية قلتلة المقعد مكسور رفع ايدة عليا وبالقلم على وشى وقالى مش سمعتنى قولت اية لزميلك انا سعتها كنت خلااااااااااص :040vk0: قومت من على المقعد ووقفتوبصتلة بصراحة :040vk0: بصة انا بندم عليها لحد الان ان ببص لمدرس للدرجة دى وكنت خلاص حسيت ان دماغى هتولع وعاوز اعملة اى حاجة وقايم وبعد ما وقفت سكت ثوانى لقيت المجرس اتحول شكلة الى صورة ولدى قولت لو ولدى مكانة وولدى مدرس وطالب عمل حاجة انا هزعل دة مديرك وزى ولدك وعندة اولاد متجوزة هتهزقة امام طلبة قولتلة انا اسف الكل استغرب عليا قلتلة كنت مشغول فى الدرس ومش خد بالى ابتسم وقالى وحط ايدة على كتفى مش تزعل قالتلة انت زى ولدى وصارت الصحابة بين الفصل والمدرسة والكل احترمنى من موقف عادى جدا ممكن يكون صعب بس كسبنى اصحاب جمال جدا وبالاخص كسبنى مصاحبة المدرسين روحت البيت وولدى مش يعرف اى حاجة وبعد اسبوع لقيت طالب جاى وقالى كلم ياعبدالقادر كلم المدير عاوزك انا بصراحة قولت فى مصيبة عملتها ولا اية من اول اسبوع اطلب كدة فدخلت لقيتة فى المكتب وقالى اقعد يابنى قلتلة اقعد فين قعدت بعيد قالى اقعد جنبى وقالى انا عارف انك هتعمل شئ بس انت انسان محترم ودليل على تربيتك قلتلة مش تشكر فيا انا مش محترم لو عاوز تشكر اشكر وادعى للى فى البيت ابويا وامى استغرب قلتلة اه لو مش كانوا علمونى كدة كنت حالى اية مش ممكن ضربتك قالى اه عارف وضحك وقضنها هزار انا وهو ربع ساعة واستاذنت علشان الحصة ومن يومها جميع المدرسين اعرفهم والمدير والناظر حتى الان بروح البلد الى كان فيها المدرسة واقابلهم وبالاخص المدرسين واحسن شئ لما قابلهم وابوسهم ويبسونى كان ابويا بالظبط وبحس بسعادة مش اقدر اوصفها ليكم والحمد لله كل الى قابلنى الحمد لله يحبنى حتى لو من الكلام والى يكلمنى مرة واحدة حتى لو على الاميل نكون اصحاب :friendsxs3: وبحب الناس جدا وبالاخص مساعدتهم حتى لو مش اعرفهم بنت اول ولد وبالاخص البنات دى بحبها جدا وبكره اى واحد يضايق بنت او يعاكسها دة الى يعملها وهو معايا من اصحابى يعرف ان همشى مش همشى معاه والشتية وسب الدين مش افتكر مرة قولتها وديما من صغرى لو حد ضايقنى او زعلنى انا بروح ابدا بالصلح واتاسف وهو بحس غلطتة طبعا دة حجات بسيطة وفى حجات كتير ممكن اكمل وممكن انتوا تسالونى اى شؤال براحتكم احب الاول اعرفكم شئ علشان اكون بكلم بصراحة انا سعات بسمع اغانى بس دى قلت جدا من 3 اعدادى بس انا مش بسمعها علشان الرقص وكدة لا بسمعها علشان اشوف الكلمات بتاعتها واضحك على كلمتها سعات وسعات تعجبنى كلمتها واكتبها وبحب القصائد جدا وبالاخص قصيدة ليس الغريب وقصيدة الطفل الاعمى وقصيدة الطفل الاعمى دى روعة ما فيها من كلمت ولو حبتوا اكمل نكمل انا اسف اصل مش بعرف احكى كويس فى رعة الله |
اقتباس:
اكيييد فى مواقف كتيرة عاوزين نسمعها وبجد قصة حضرتك جميلة ومفيدة جداا وبالذات الموقف حد كان مكان حضرتك كان اتععععصب ونسى ان اللى قدامه اكبر منه بس ومما جزاء الاحسان الا الاحسان؟؟ فبكدة تكون راقى باخلاقك ودهم اهم شئ فى انتظار الباقية وجزاكم الله خيرا |
بجد قصة حلوة اوى
والله جميلة جدا يا باشا كمل وانا متابع معاك الموقف الى حصل مع المدير دة موقف يثبت رجولتك على حق ربنا يكرمك ويبارك فيك يارب فى رعاية الله |
اقتباس:
مين عالم يمكن تكونى بعدد اخونا عبد القادر:049gc0: منورة ياقمر وجزاك الله افضل منه على المرور |
السلام عليكم
القصة فعلا حلوة وموقف المدير ده عجبني اوي والله بيدل على مدى اخلاق حضرتك منتظرين البقية ان شاء الله |
نكمل انا عارف ان قلبت دماغكم بالكلام بس انتوا الى طلبتوا انا هحكى كل فترة جزء حتى تقولوا كفاية بسم الله نبدا كنت اتسالت سؤال من اية من الله فى موضوع جربتها ..... وعشقتها ....... من ذاقها عرف السعادة ما تكون . الاستاذة خوخة والسؤال هل تمنيت الموت فى يوم ما؟ولماذا؟ انا لو جيت يوم اتمنى مش هتمناة هو الموت لعبة دة حاجة صعبة جدا جدا انا حصل لى موقف بجد شفت قصة حياتى مرة امامى فى ثوانى والموقف دة قريب وحسيت ان بموت رحت فى عالم تانى والموقف دة انتظروة موقف رهيب جدا لو حد قراة هيخاف بجد من اولة هحكية فى قصة التزامى ان شاء الله اليوم لو كان لينا عمر وهبدا احكيها بسم الله الرحمن الرحيم "الموت " الاول الحكاية بينى وبين صديقى انسان محترم وكويس جدا وانا بحترمة دة انا اعرفة من على الاميل بس كويس ديما وحافط القران وشيخ الحكاية دى من شهر تقريبا الحكاية بدا فى حوار هكتبلكم الحوار السلام عليكم ورحمة الله وبركاتة عليكم السلام ورحمة الله وبركاتة اخبارك ياعبدالقادر الحمد لله تمام وانت اخبارك اية طمنى على نفسك الحمد لله تمام يستاهل الحمد ديما اخبار المذاكرة اية معاك الحمد لله عاوزين مجموع ان شاء الله عبدالقادر نعم كنت عاوز اقولك حاجة خير اتفضل بالتاكيد انا حلمت بيك امبارح ههههه حلمت بيا اوك احكى حلمت هحكى ومش هتزل قولتة احكى ياعم انا مش بزعل من حد وانت تعرف كدة بس بصدق قالى بلاش فسكت شوية وقال انا حلمت انك جتلى لابس جلبية مقطعة وكلها دم وشكلك مخيف جدا اه كمل قالى والناس خايفة منك وبتجرى ومرعوبة وجنبك كلب اسود كبير جدا وقالى ان انا خفت منك وقالى ان هو راح لشيخ وقالة الحلم فقال الشيخ لة الولد دة تعرفة قالة اه قالة بيصلى قال اه قالة بيعمل خير قال اه قالة كويس يعنى قالة كويس جدا قالة غريبة الولد دة من الكلب الكبير واسود يدل على ان زنوبة كتيرة والجلبية المقطعة والدم وخوف الناس منة يدل على انة هيموت مقتول قلة يشوف الذنب الى هو عملة ويحاول يتوب :abdoog8::abdoog8: انا سكت وشريط حياتى والله كل اعمل لى جت فى بالى وشفتها فى لحظات وحسيت بشئ غريب وكل الى انا عملتة خير وشر واول مرة اخاف من الموت واحس برعب الموت الى الناس مش عارفاه وبتستهتر بية فقالى عبده فينك فينك رحت فين قالتلة معاك قالى وخلية يقول اللهم انى اعوز بك من شر الكاميرا الخفية وقالى انا بهزر انت زعلت قلتلة لا مهما تعمل مش بزعل بس كان اصعب هزار عليا بس اتعلمت منة كتير ان الموت مش سهل مهما ان كان الموقف صعب او سهل لازم نتعلم من كل حاجة بس نفسى كل الى يقرا يقول لو حصل موقف زى دة من واحد تثق فية هتعمل اية فى رعاية الله لو نكمل نكمل |
اقتباس:
هههههههههه تصدق موقف جميل فعلاً هو صحيح يخض في البداية بس ممكن يحسس الواحد بتأنيب ضمير فجأة وحتى بعد ما تعرف إنه هزار اكيد بيسيب انطباع لو ده كان حقيقي او ممكن لما يبقى حقيقي مواقفك شيقة جداً وعاجبني إنك متميز كده في جميع المجالات ربنا يوفقك ويبعد عنك الدم والقتل :d |
السلام عليكم
موضوع جميل والقصص جميلة |
السلام عليكم
بجد بجد موضوع جميل وقصة أجمل بجد عجبنى تصرفات الاستاذ عبد القادر ربنا يحمية فى المواقف وفعلا بلاش احط نفسى مكانة لانى ..........أحم أحم خلاص بقى مش مهم المهم القصة شيقة موت انا مستنية الباقى بس يلالالالالا بسرعة عشان انا متشوقة اوى |
اقتباس:
وبردوا فى ترويع للمسلم انا وانا بقراها قلبى اتقبض بجد بس مقلب صعب اوى اوى وفى انتظار تكملة باقى المواقف وجزاكم الله خيرا |
اسف على التاخير
بس كان فى ظروف امبارح مش عرفت ادخل ان شاء الله انا رايح الكلية اول ما ارجع ان شاء الله هكمل |
اقتباس:
مش لازم تتاخد بالمنطق المتعصب ده بس هي كانت مجرد فكرة اكثر واقعية عن موقف آخر ممكن يمر عالواحد وخلاص وحتى لو هو كذب فهو في النهاية صلحها مسابهوش مثلاً يوم ولا يومين كده |
اقتباس:
وان ده هزار زى ما اى اصحاب بيهزروا بس ديننا بيقول ان اى حاجة محصلتش كذب زى النكت السلف قالوا انها حاجات مبتحصلش وبالذات الاحلام ماينفعش خالص الواحد يالف فيها مجرد قال انا حلمت كذا خلاص هو منطلق دينى ليس باكثر وعموما هو عدى خلاص ونسال الله الهداية وجزاكم الله خيرا |
انتظروا فى اقرب وقت
قصتى فى حوار مع احد البنات |
خبر هام بكلية الآداب جامعة الزقازيق
انا اسف جدا على التاخير ان شاء الله انا هكتبها حالا
|
فى انتظار حضرتك
...... وجزاكم الله خيرا |
السلام عليكم ورحمة الله وبركاتة بسم الله الرحمن الرحيم الاول انا بكلم بنات على الاميل بس بنكلم بكل احترام وهما مجموعة محترمة جدا بصراحة زى اخواتى بظبط معايا فى يوم فى اميل كلمنى عاوزى اقبل الاضافة فقبلت الاضافة فبعرف هو مين قالت ممكن اتعرف قولت عبد القادر قالت مش فاكر اسمها فسالتنى اول الكلام على ميك او كاميرا او صورة ليا فرفضت وقلت انا فاصلهم رغم ان موجود كل شئ فقفلت الاول فى اميلين ليا واحد بحط علية اى حد واضيفة علشان بعت من علية رسائل دينية للكل والتانى ناس معية وبعد فترة صورتى من غير ما اقصد اتحطط على الميل فكلمتنى تانى والكلام كان غريب وعازت تتعرف فتعرفت فدار الحوار دة هاااااااااااااى عليكم السلام ورحمة الله وبركاتة ممكن اتعرف ممكن انا عبدالقادر وانا تقريبا سارة انت منين قلتلها الاول انتى عرفتى اميلى منين من على الشات مش انت اى بتدخل على الشات وتكتب حجات دينة اه طيب انت منين من الشرقية ومن غير ما اسلها اى شئ وانا من بنى سويف قرية ........ شارع .......... خلف المعهد الدينى ........ لف وراة هتلاقى حتة واسعة ............ فى بات امامها ..........هتلاقينى لونة مش فاكر هتلاقيى دة بيتنا اول ما قالت كدة بدات استغرب جدا :o قلت خلينا معاها ممكن تحتاج نصيحة قالت انت فين مش بتكلم لية قلتها لا عادى اتكلم اقول اية قلت دى صوررتك وسعتها خت بالى من الصورة قلتها اه اوك قالت انت جميل عندك ميك انا مش بحب اكدب قومت فصلت الميك وقولتها اه عندى بس فصلة اتصلت قالتلى اقبل قولت اقبل وخلاص فقالت اية رايك فى الاغنية حطيت السمعات وسمعت قلتلها لو سمحتى اقفلى قالت مش تحب الاغانى قلتلها بس معها بس مش فى اى وقت انا ديما لما بكلم بكت فى اغلب الاوقات لازم اشغل قران وانا بكلم فغيرتها باسماء الله الحسنى قالت كدة قلتلها كويس فحطيت السماعة وقعت اشوف كلامها واتصر ازاى مع وحدة زى دى وكان كل همى احافظ على نفسى فى اول اختبار هتصرف ازاى فقالتلى هو انت مش بتكلم خالص ساكت كدة قلتلها اتكلم مع بنت اقولها اية قالت اسالك سؤال هو محرج شوية اتفضلى قالت حبيت قبل كدة :o:o:o:o:o فهمت ان هتبدا تلغبط فى الكلام وان فى حاجة فقلت اخلينى معاها قلتلها طبعا حبيت هو الانسان يقدر يعيش من غير حب حبيت الوالدين واخواتى والناس قالت لا قصدى انت حبيت بنت قبل كدة قلتلها مش تقولى كدة طبعا حبيت كتير امى واخواتى البنات وعماتى وخلاتى يييييييييييية لا انتى مشيت مع واحدة قبل كدة طبعا مع امى واخواتى البنات وعماتى وخلاتى طيب خلااااااااااص انا قصدى مشيت مع واحدة صحبتك وكلمتها فى المدرسة قلتلها اه مجموعة من البنات كنا برنوح انا ومجموعة من الاولاد المسابقات مع بعض قالت قصدى كلمت بنت فى كلام حب قلتلها امى ديما بقولها انا بحب وبهزر معاها كتير قصدى فى بنت قالتلك بحبك اه مش بقولك امى واخواتى اصغر منى بيقولولى بنحبك قالت بنت زملتك قالتلك بحبك قلتلها لالالا ولا انت قلتلها قلتلها لا سكتت فترة وقالت بحـــــــــــــــــــــــــــــبــــــــــــــــــ ــــــك بـــحـــــــــــــــــــــــــبــــــــــــــــــك كتبتها كتير فقللتلها لا يهمك انا عارف انك كتبتيها غلط قالت لا كتبتها ليك قلتلها اه ما انتى بتعتبرينى اخوكى الصغير صح قالت انت حبيبى انا حبيتك قلتلها اسالك سؤال وتجوبينى علية قالت اخيرا هتسالنى اتفضل انتى دينتك اية مسلمة ولا اية قالت الحمد لله مسلمة . قلتلها جميل جدا فقالتلى دة رقمى 010......................... قلتلها انا مش باخدج رقم بنات قلتلها انتى مسسلمة وبتعملى كدة مع واحد اضغر منك قالت الحب مجننى قفلتلها حب اية الى مجننك انا لسة صغير وعلى ما افكر فى الحكاية دى هتكونى عجزتى قالت انا جميلة تحب تشوف صورتى قلتلها انا لا طبعا ولو شفت صورتك عاوزة يعنى تخلينى احبك دة ابدا قالت على العموم دة رقمى وكلمنى درورى وانا هبعتلك رصيد كتير قلتلها مش شرط رصيد انا الحمد لله رصيد اية انا نفسى اعرف اية الى تعبك فى حاجة حصلتلك تعباكى قالت اه فعلا قالتها ليكى اخوات اولاد قالت اه بس دة كل واحد فى حالة مش لية دعوة بالتانى قلتلها طيب هو عارف ان بتكلمى اولاد قالت عادى فطلبت رقمى كتير وحصل كلام كتير مش فاكرة فى الاخر قولتها رقمى 107 ممكن ينفعك فقالت هقفل حالا سلام وفى كل مرة تفتح مش اكلمها وبدات ابعت رسايل كتير وعظ قلتلها ممكن تنفعها ومن اسبوع كلمتنى تانى وطلع اخوها اول ما رسالة وصلت ليها قالى انت عاوز اختى قلتله اختك مين قالى اسمها....... قالت لا وانا اعمل بيها اية قال طيب لو عزتها هخليك تكلمها عادى قلتلة انت عندك كام سنة قالى 25 واختة 23 والله كنت ابكى على البنت دى وعلى الناس والله انا ديما بحمد ربنا ان فى قرية فيها بعض العادات لسة كويسة انا قولت الكلام دة علشان الشباب مش ينخدع باكلمة من بنت ولا البنت ايضا الى كان محزنى ان مش قدرت انصحها علشان الوقت كان قليل جدا فى رعاية الله وفى مرة تانية حصل موقف بينى وبين بنت على النت حوار بس كنت وانا بكلمها ببكى على البنت |
ربنا يبارك فى حضرتك
وتبعد البنات عن الميل خالص لانهم فتنة اساسا وفى انتظار باقية المواقف وجزاكم الله خيرا |
اقتباس:
بس والله حضرتك مش تعرفى مدى الخوف وانا بكلم اى بنت انا اخواتى كلها بنات وانا الولد الوحيد واكبر واحد بخاف عليهم جدا ومش عاوز اعمل حاجة ترجعلهم لان كما تدين تدان وجزاكى الله خيرا وعمرى ما اتباهيت ابدا ان اعرف بنات على الاميل هما اخواتى |
ربنا يبارك فيك يا عبد القادر بنات اخر زمن ياعم وربنا لا حول ولا قوة الا بالله اوخوها دا كمان مش بيغير على اختة ؟! والله يا عبد القادر فية فى المدن ناس زى القرى ويمكن احسن بس فى نفس الوقت فية الوحش ودول الفئة الفعالة فى المجتمع كمل يا عبد القادر تسلم على السرد الجميل بجد حلقة متميزة والله متابع معاك بأذن الله فى رعاية الله |
اقتباس:
حتبقى فاكره داخل يشتمك ولا حاجة عشان بتكلم اخته ولا بتعاكس تفاجأ إنه بيعينك عليها :d شكلك طلعت مشهور يا عبدو :d بس انا احييك على موقفك الصراحة بس خاف على نفسك الفترة الجاية لو مشيت كده مش تبقى الصغير كل مرة :d |
السلام عليكم ورحمة الله وبركاتة
انا متاسف جدا على التاخير ولكن دة بسبب ظروف توفى احد اصحاتبى واعز صديق واخويا وايضا توفت خالت ولدى وانا ممكن احكى قصتى مع صديقى باختصار حتى انها مش فى الموضوع بس اتمنى من الكل الدعاء لله انتظروا |
فى انتظار حضرتك
وجزاكم الله خيرا |
بسم الله نبدا انا الاول اصدقائى واقرب صديق اليا هو ولدى وديما مخلينى زى صحبة مش ان والد وابنة لا اصحاب نهزر مع بعض كان صحاب قعدين مع بعض نتناقش فى اى حاجة والثانى مباشرة احمد الله يرحمة انا اعرف احمد منذ الطفولة على الرغم من ان البيت بتعنا بعيد عن بتهم الا ان انا كنت بروح العب معاه فى بيتهم وهو ايضا كان بيجى وهما ناس مبسوطين جدا ومش بيدخلوا اى حد بيتهم كنا انا واحمد اكتر من اخوات انا مش عندى اخوات اولاد لكن احمد دة كان اخويا وصحبى كنا علطول مع بعض فدخلنا الابتدائى مع بعض افتكر ان مش زعلنا من بعض ابدا رغم ان احنا طبعا كان فى شد فى الكلام بس لو زعلنا مش بيدوم الزعل لحظات وبيرجع كل شئ على ما كان علية وكنت بفوت علية وانا رايح المدرسة وكان احمد بيحب يصاحب الناس جدا وايضا كان بينقى الناس الى بيصاحبهم وكل الى يشوفوا يحبة وكان يعتبر اجمل واحد فينا ودخلنا الاعدادى وكان ولدة معنا فى الاعدادية كان مدرس عربى وكان ولدة وولدتة يحبونى جدا كانوا ديما يقولوا انت مش صاحب احمد انت اخوة كان ولدة فى الاعدادى مدرس عربى فاحمد كان فى فصلى وولدة الحظ ان جة فى الفصل وهو مدرس العربى طبعا ولدة دة الى يشوفة فى المدرسة معايا مش يشوفة برة برة اهزر معاه واضحك فى المدرسة حاجة تانية وجة يوم حصل ان ولدة عاوزنى اخد درس عندة عربى وفكنت باخد عن واحد تانى ورفضت فكان طبعا فى الفصل زى ما الكل ممكن يكون جرب وكنت انا بخلية مش يمسك عليا اى شئ المهم جة حصل مرة ان ان اضايقت فبقولة على ابوة قالى كلمة عمرى ما هنساه لة ابدا قالى عبدالقادر احنا اصحاب صح قالتلة اه قالى احنا اكتر من اصحاب احنا اخوات يعنى ابويا الى يعملة مليش دعوة انا بية احنا مع بعض وقالى انت عارف ان ابويا برة بيحبك ازاى قلتلة اه وسكت وزودى تمسكى باحمد وكنا فى كل حتة مع بعض وكان من جمالة وشعرة جميل كنت افتكر عمرى ما عاكست بنت ولا هعاكس ان شاء الله بس كنت بعاكسة انا واصحابى وكان البنات والاولاد تحبة جدا جدا وكان كل ما يتنقل المدرسة فى يوم واحد يكون الكل عرفة واتنقلنا للثانوى وكنا بنروح مع بعض وكان عارف كل مدرسين الثانوى وطبعا اتعرفنا بيهم بس هو فى اول يوم انا بعدها اسبوع على الاقل واتعرفت من موقع المدير فكان بيحب يضحك كتيييييييير والهزار وبالاخص معايا كان من اجمل المواقف ان اكون قاعد جنبة فى عربية ويحصل موقف يضحكنا وهو ضحك انا مش اسكت اضحك واسكت هو يضحك كل ما يسكت اضحك يضحك كتير والناس تضحك على ضحكتة وفى الاخر يضربى علشان اسكت مش اضحكه وانا مفيش فايدة ولو سكت زميلنا تضحك فيضحكوة وكان سعات فى الفصل مدرس هزر وقال كلمة ضحكتنا احنا مش نسكت من الضحك بنخلى المدرس يضحك ووبقول انا مش هقول اى حاجة تضحك هنا بسببكم وفى تانية ثانوى كان ايام الامتحانات كانت بمتحن فى مدرسة فى بلبيس كان يتصل بيا بلبيل ويقولى بابا هيودينا بالعربية اقولة لا علشان مش نتعبة الصبح يجى على البيت ويقولى يلا بابا مستنينا بالعربية على الطريق اقولة ياحمد مش مهم يقولى هو الى بعتنى علشان مش تمشى ويوصلنا وطول الطريق احنا اصحاب ريحين امتحان يعنى شد اعصاب احنا ريحين كاننا ريحين فى خروجة مقضينها ضحك وولدة ينصح ولا احنا هنا ننزل امام المدرسة مش نسكت من الهزار ندخل الامتحان عادى اما فى ثالتة ثانوى فدخلنا الامتحان كنا بنهزر مع المرقبين كنا والله بنذاكر كتييييييير بس بنحب الضحك والهزار فى لحظة نقلب اى شئ ضحك ويوم ما شفنا ام زميلى اضايقنا جدا وانا حصل موقف ممكن مش حد يصدق ان انا جيت فى يوم مادة الفلسقة كنت بذاكر فافتكرت ولدة زميلى وهى عن المدرسة وتبكى علشان عوزة تشوف ابنها ومش عوزاه يجى الامتحان تشوفة بس وطبعا زعلنا جدا وحاولنا ورجعناه الحمد لله فانا يوم مادة الفلسفة فكرت فى الست دى واضايقت جدا وقعت طول اليل افكر فيها الوقت قذف وعدى وباقى ساعة على الامتحان وانا مش رجعت اى شئ دعيت ربنا وبدات اراجع خلصت مراجة المنهج كلة فرحت الامتحان احمد بيقولى ها الاخبار قولتة الحمد لله تمام دخلت اللجنة ودماغى قفلت ابوص للورقة الاسئلة انا عارف الاجابات بس مش فاكؤر اى شئ قةلت للمراقب بعد ازنك اغسل وشى قالى من اولها نزلت وطلعت قعت مش فاكر شئ ابص لزميلى شغلين حل كنت هتهبل قولت انا عاوز انام ونمت قولت للمراقب هنام ساعة وصحينى قالى انت اتهبلت قولتة اعمل اية انا مذاكر بس مش نمت علشان كدة مش فاكر شئ ونمت ساعة وكانت حاجة غريبة تحصل منى وصحيت قولتة اغسل وشى قالى انزل هنشوفك هتعمل اية شك فيا نزل مراقب معايا غسلت وشى وطلعت حليت الامتحان كلة فى ساعة ونمت ساعة كمان وجب فى المنادة دى 46 وبقول لاحمد على الى حصل قالى انت مجنووووووووووووووون فى تصصرفاتك انا مش عارف احكى كويس على احمد اصل والله مهما احكى مش هقدر اقول الله يرحمة توفى فى حادث فظيع جدا جدا كان هو وصحبوا وصحبى ايضا ريحين بلد جنبنا اسمها شبرا بمتوسيكل محمود صحبنا فحصلت ان فى اتنين ركبين متوسكلات مش عاوزين يعدوهم يقلب منور ومهما يعمل مش بيوسعوا معدوا ففى التعدية واحد من الاتنين خبط الالموتوسيل خبط ايد محمود فطبعا المتوسيكل خل توازنة فاحمد الله يرحمة وقع بعيد ففى وقعتة عربية جاية فجة تحت عجل العربية النقل وممحمود المتوسيكل شدة معاه وحرق جسمة التحتانى ونزل تحت عربية تانية بس حرق وكسر واحمد الى توفى ربنا يصبر اهلة طبعا انتوا متخيلين عربية نقل كبيرة تعدى على انسان فامة رحت وشافت الموقف ربنا يصبرها وانا كنت نايم مش اعرف شئ كنت لسة داخل انام بعد العشاء علشان اصحى الساعة 11 اكمل شغلى وسايب ولدى شغال وقلتلة على ما تخلص صحينى فنمت فى اوضة ولدى علشان لما يدخل ينام اصحى فامى جاية تنيم اخى الصغيرة جنبى فصحيت بقولها بابا فين قالت طلع برة بقولهابرة طيب فلقيت فى عنيها دموع بقولها هو فى اية راح فين قالت تعرف احمد نبيل ومحمود السيد بقلها اه مقابل محمود بالمتوسكل الصبح واحمد فكرتينى اقوم اتصل بية علشان يجى يفوت عليا انا المحاضرات هتبدا الساعة 12 انا هروح معاه الحقوق كان امنيتة الحقوق دة طموحة وكيل نيابة وانا الى عملة التنسيق فى البيت عندهم وقلتها واروح الكلية عندة وبعدين اطل على الجامعة اروح كليتى فلقيتها دمعت قلتلها هو فى اية قالت احمد ومحمود عملة حادث وبيقولا احمد مات ومحمود فى حالة خطرة قومت جرى وانا قايم خبط فى الحيطة غسلت وشى ولبست وطلعت على الطريق وكان مشهد ربنا يرحمة وبعدين ساعة الدفنا كان لا احد يمشى فى الجنازة الا وبكى وانا اتذكر ان مش بكيت على اى حد فى الجنازة الا احمد بجد اخ عزيز جدا وانا كدة مش هقدر احكى اى شئ تانى بس الى عندة اى سؤال ليا انا تحت امرة فى رعاية الله |
طبعا فى مواقف كتيييييييييير بينى وبين احمد بس مش قادر اكتها ممكن اى شسؤال اجواب علية عادى
|
انا لله وانا اليه راجعون
ربنا يرحمه يارب ويغفر له ويجعله من اهل الجنة بجد حادث رهيب ربنا يصبر والديه واهله انا من الحكاية بس والله دمعت امال اللى عايشين معاه ربنا يدخله فسيح جناته ويبدله بدار خير من داره ورزقا خير من رزقه وجزاكم الله خيرا |
اقتباس:
هو امتحان المادة دي كان كام ساعة بالظبط دول ممكن تعملهم فيلم :d اقتباس:
انا توقعت إنها تكون حادثة وحادثة عربية بس متوقعتهاش بالبشاعة دي ربنا يصبر اهلهم فعلاً ويصبرك انت كمان ويغفر لصاحبك ويكون من اهل الجنة إن شاء الله وإن شاء الله حالة صاحبكم التالت تتحسن ويرجع زي الاول هو كده فات عالحادثة اسبوع باين |
بجد ربنا يرحمه ويصبر اهله ويدخله الجنه يارب
ويصبر حضرتك شكله كان شحصية طيبة ........... |
دى صور لاحمد الله يرحمة حبيبى واخويا كنا اكتر من اخوات كنت النهاردة عندهم فى البيت لان ولدة وولدتة طلبونى
علشان انا الى كنت بصلح الكومبيوتر وانا الى اخترت كليتة وانا الى كتبت التنسيق وانا كنت معاه حتى لما راح العاشر كلمنى من على الاميل والموبيل دى صورتين وفى صور تانية كتييييييييييييير عندى http://img101.herosh.com/2009/10/27/821597469.jpg http://img101.herosh.com/2009/10/27/293052601.jpg |
| جميع الأوقات بتوقيت GMT +2. الساعة الآن 03:08 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.