الاخوة الاعزاء الاستاذ محمد عبد العظيم وسيه مريض ادعوا له بالشفاء

والله بحبك يا مصر بس يارب قدرنا ونحل السلبيات الكتير اللي أنتشرت

ويارب أشفي أستاذ محمد وكل أمة محمد اجمعين

احب بلدى لاسباب كثيرة منها سائق التكتك اللى بيخالف الطريق والعربية الكارو اللى بتكسر عربيتى والامن اللىسايب المخدرات تحت بيتى وشاغل نفسه بياانا اللى لا اخرج من بيتى الا لضرورة ملحة وكادر المعلمين اللى حرمونا منه ولو شفتو اللى انا شفته فى الساحل الشمالى القصر ثمنه 6 مليون جنيه ومحقق الشئون القانونية اللى مكتوب اسمه فى اللجنة و لا يحضر اخر تحية كتب فهمى هويدى فى المصرى اليوم اناحد اعضاء مجلس الشعب يوجد فى دايرته الفين شاب بقالهم احد عشر سنة فى المعتقل حد يقوللى ليه انا اقولك امن الدولة خايف عليهم من الانخراط فى صفوف الجماعات الاسلامية فى الصعيد واخر سلام لالف و ثلاثمئة شهيد فى العبارة و السلام ((((((( 98

أخى هانى67 عندك مكان اخر نعيش فيه
 

كلنا بنحب مصر المهم مصر بتحب مين
هذا هوالسؤال

بنحب مصر على ايه؟؟
الحمدلله مصر برغم كل مافيها من تلوث احبها
برغم مابها من اشرار انانين احبها
برغم مابها من سرقة وخطف ومتاجرة فالاعضاء احبها
برغم مابها من ظلم واختلاط الحابل بالنابل احبها
برغم ضياع الحقوق للغلبان ونصرة القوى ذو النفوذ احبها
برغم الحرية التى يتمتع بها المجرمون والاحقار من البشر والقيودالشديدة على الذين يسيرون مع اصوات ضمائرهم احبها
احبها لانكم بها ونتمنى ان نكون رابطة تعمل اى حاجة حلوة لمصر واكيد مصر دايما جميلة بكم وبمن مثلكم وبحبك بحبك بحبك يامصر
احنا دورنا بجد اعظم دور ياريت اننا لانغفل هذا الدور ونستغله فى بث روح الانتماء فى نفوس اباءنا وبناتنا ولازم نعرف اننا علينا مسئولية وربنا هيسالنا على ماقدمناه وشكرا احبكم فى الله

بسم الله الرحمن الرحيم
السلام عليكم ورحمة الله وبركاته
لاشك أننا جميعا مستائين , ومحبطين , ونشعر بالحزن العميق عندما ننظر الى ماأصابنا في كل مناحي الحياة .
وهذا راجع الى الفساد الذي ينهش في قلب وكبد هذه الامة. فالفساد قد أستشرى لأبعد الحدود , الظلم هو المسيطر , الأقوى هو الذي يمتلك ويعيش , الضعيف لا حول له ولاقوة , الفقير ليس له مكان , كل شئ يملكه من له السلطان والنفوذ يسرح ويمرح بطول البلاد وعرضها وكأنهم ورثوها عن أسلافهم غير آبهين بمن هم لايملكون شيئا .
أريد أن أقول بصراحة ........ أن مصر أصبحت لغير أهلها ..........الذين بنوها على أكتافهم ....... الذين دافعوا عنها وقت المحن والشدائد ........ الذين أفنو حياتهم من أجل أن تظل عزيزة كريمة أبيه .
والآن وقد أصبحت غريبا في بلدي ......... حقوقي مسلوبة ........... كرامتي مهانة .........حريتي مصادرة ...
..... آدميتي منتهكه .......... ألخ ....... ولا شك أن جل هذا الشعب مثلي ممن هم مغلوبون على أمرهم
فلماذا أحب مصر ؟
ولكن أعدكم أنني سوف أحب مصر ......... عندما أحصل على رغيــــــــــــــــــــــف الخــــــــــبز الادمي دون عناء يثقل الجبال الرواسي.......... عندما أقول كلمة أو رأي ويستمع لي ........ عندما لا يأتي وزير التعليم ليمتحنني حتى يرى اذا ما كنت أصلح أو لا أصلح للتدريس بعد 25 سنة خبرة .......عندما أدخل الى أي مؤسسة حكومية ويقضى طلبي دون واسطة أو رشوة ........ عندما يتساوى ابني مع ابن الوزير ........ عندما ينظر ضابط الشرطة الى هويتي ويعرف أنني معلم فيحترمني ( أليس لي فضل عليه) ......... عندما يصلني حقي من خيرات هذا البلد بالعدل ............. عنما أكون على يقين بأن الأرض التي أقف عليها هي ملكي لايتهددني فيها أحد ......... عندما أشعر بالأمن على أرضها ........ساعتها هحب مصر وضحي من أجلها

بحبك يا مصر وبحب نيلك لكن لو خرجت منك ( دلوقتى) مش هفكر تانى اجيلك
واللى مش عارف السبب يرجع تانى يسمع خطاب اوباما فى القاهرة
او يقرا الصحف اليومية ليتابع الاحوال فى مصر

لا ارضى لك هذا الاسم لانك مصرى شهم صامد كالجبال
 

هلا حولنا هذا الحب لفلسفة ووفرنا هذا الغزل اللفظى لحوارات هادفة خاصة أننا معلمون نصنع أجيالا ممكن تصعد بمصر للعلا وممكن - لا قدر الله - تهبط بها . . . . . . . . !!
وسأبدأ أن بسؤال أرجو المشاركة فى إجابته !! كيف يمكن للمعلم أن يستثير حماس الطلاب للتعلم فى وقت انشغل فيه الطلاب بطابور طويل من الأمور التى تجعله جيل ( خيخا )؟

غياب القدوة السبب
 

لو عايز تحب مصر

إسمع موسيقات العبقرى عمر خيرت

بعد الساعة 2 بالليل

واسرح

وقوللى حصلك إيه ....

جُبل الإنسان علي حب وطنه , ونموت تموت وتحيا يامصر , ويسقط كل مفسد أساء إليها وخاصة إذا كان من أبنائها

العيب مش فى مصر . مصر من اجمل يلاد الدنيا فيها من كل الخيرات(فقد حباها الله من اسباب الحياة ما يجعل ابنائها يعيشون عيشة راضية) بس والله العظيم العيب فى الهليبة اللى سرقونا وهربوا للخارج والمسئولين اللى مش مهتمين بمصلحة المواطن الغلبان انما مهتمين بمصالحهم الخاصة . وادى اخرة حكومة رجال الاعمال









9










0

يمكن يكون رأي مخالف لكم بس انا هقول اللي مقتنعه فيه بداخلي
الوطن مش اغنية لمدحت صالح حبها زي ماهي بحلوها ومرها
الوطن لازم يكون مسكن وامان واحساس بادمية المواطن وحقوق واجبه كفلها القانون و الانسانية
لو انت في بلدك ومش لك اي حقوق لا صحيه ولا مادية هتحبها ازاي واولادك هيكبرو على المثالية ازاي ؟

بكل صراحة الادمية في بلدي مفقودة فكيف احبها

و مالة يا خوي و مالة نحبها زي بعضة .
 

انت عندك خق ف كلامك وكل الناس عاوزين يسيبوا مصر ويسافروا برة ومخدش فينا عارف قيمة البلد بجد غير الناس اللى ضحوا بعمرهم عشان احنا نعيش دلوقتى واحنا اللى بنبتر ع النعمة اللى احنا فيها ده كل الناس بيموتوا ف مصر بس بجد انا بحبها موووووووووووووووووت ونفسى كل المصريين يحبوها اووووووووى ومش يسبيوها ويهاجروا برة عشااااان البلد ديه محتاجنا احنا وبس ومش حد غريب مصر ام الدنيا

اهو الكلام ده اللي ضيعنا
اتنازل مادام اشتغلت وفوت مادام مرتاح البال وعديها مادام محدش خد باله
ياريت اخي بلاش الشعارات اللي اكل الدهر عليها وشرب
حفظناها بقالنا 25 سنة بيرددوها علينا في الشارع والشغل والتلفزيون والسينما
لحد ماخربت مالطا

[color="blue"]
كنت فاكر انك هاتقولى انت مش اكثر منى وطنية وانا بحب مصر اكثر منك لكن للاسف بتقولى كلام لم اقله وايه رايك لو قلت لك يا أختى أسوانى اكيد كنتى ها تزعلى لذلك اعتذرت لاخى اووووف مقدما فهل هذا عيب فى نظرك يا أختى الشعب المصرى شعب طيب وعطوف واللى فى قلبه على لسانه ياريت كلى المثقفين يدافعوا عنه مش يتريقوا عليه وحرام حملنا مصر اكثر مما تحتمل ومشكورة على اهتمامك بالموضوع[/color]

اي وطنية اخي ومصر الاولى عالميا في نسبة السرطان بسبب فساد وزير زراعه الحكومة تحميهّ !!!!
اي وطنية اخي ومصر اعلى نسبة عالميا في نسبة الفيروس الكبدي لمواطنيه بسبب التلوث في المياة !!!!
اي وطنية اخي واما نروح ننتخب يضربونا البلطجية اللي جايه مخصوص تعكنن على المواطن !!!!
اي وطنية اخي اما اكون بتمشى والاقي صندوق الاقتراع اللي صوت فيه الصبح مرمي في ترعة بليل !!!!
اي وطنية اخي والنفايات المشعه للدول الاخرى تدفن في صحراء مصر !!!
اقول كمان ولا كفاية؟
وعموما انت مواطن زي ليس لك ذنب ولكن ارجوك ملينا من الشعارات بحبك يا مصر حتى لو ضربتيني بقبقاب

و الله يا باشا العيب مش فى البلد العيب فينا إحنا لو كل واحد أخلص فى شغله مكنش ده بقى حالنا

و بعدين ثقافة الشعب المصرى متخلفة للغاية يقولك ايه :

( أبو بلاش كتر منه ) طب كتر منه ليه ما أخذ اللى انا محتاجه بس
( اللى يجيى من الصعايدة فايدة ) ؟؟؟؟؟؟؟؟؟؟؟؟؟؟؟؟؟؟؟؟؟؟

إحنا اللى وحشين يا باشا لما كل أب يربى ولاده و بناته كويس و كل موظف و رجال الدولة يخافوا الله و لقي الوضع زى كده ابقى قولى مصر وحشة

وشكرا على طرحك مثل هذه المواضيع .

الاستاذ الفاضل شكرا لك على هذا الطرح المتميز
و اود ان اقول ان مفيش حد يقدر يفكر ان يكره مصر لان مصر دى ام الدنيا مصر التاريخ مصر الاديان السماوية مصر النور قبل ان يراه العلم و لو قعدت اتكلم عن مصر بلدى فلن اوفيها حقها
لكن تعالى نقول مع بعضنا مصر بتاع مين؟ مصر اللى بيعشقها هم الغلابة مين اللى بينهب خير مصر الغلابة و الاغنياء؟ مين اللى بيبع مصر .......؟
علشان تروح مصلحة ايا كانت لازم تربط على واسطة (كوسة ) .العيب مش فى البلد العيب فى الناس اللى فى البلد
تقعد مع الواحد يكلمك احلى كلام فى الدين و كل واحد يقولك انا عمرى ما اكذب و عمرى ....................
طيب الفساد ده من الناس يخليك تكره الناس و ليس المكان
و فيه مقولة بتقول اسأل عن الجار قبل الدار .
البلد دى بتاع اللى ايده طايلة
دا انت متعرفش تتكلم مع ظابط و لا وكيل نيابة بيحسسوك ان هم من طبقه النبلاء و احنا الحرافيش .
طيب خلى ظابط شرطة و لا وكيل النيابة يروح مصلحة و شوف ايه اللى هيحصل حتلاقى احلى مقابلة و تخلص المصلحة فى لمح البصر و لو انت من الغلابة يبقى حظك مش فايت إزاى تتجرأ و تتطلب اى طلب هو انت نسيت نفسك
و لو انت وقعت مع باشا من رجال الاعمال يقولك انت متعرفش انى انا اقدر اشترى مليون زيك بفلوسى
و نرجع و نقول احبك يا بلدى احبك يا بلدى احبك يا مصر مهما حصل و هيحصل

بسم الله الرحمن الرحيم
السلام عليكم ورحمة الله وبركاته
الى هؤلاء المتشدقين بحب مصر . أنا والله أحب مصر لما كانت أرضي وخيراتها لي . ولكن الآن لا الأرض لي ولا الخيرات . بالله عليكم من الذي يتمتع بخيرات مصر الآن . ومن الذي له الكلمة الاولى والاخيرة في مصر . ياأخي أننا نعيش بالكرباج :abdoog8:ولا يغرنك هؤلاء الذين يتحدثون بكل حرية في الصحافة . هذه واجهة على اننا نعيش في حرية وديمقراطية . بالله عليك هل تستطيع وأنت مواطن بسيط أن تنتقد اي شخصية من الشحصيات المهمة في الدولة علانية . أين قانون ( من أين لك هذا ) اليس هذا القانون مطبق على الغلابه فقط.
أما الحيتان فلا قانون يقف في وجههم
عموما نحن نعرف جيدا أن نفرق بين مصر كأرض وبين مصر كمواطنين . فحب الأرض ينبع من المواطن عندما تكون الأرض التي يمشي عليها ملكه يحس عليها بالأمن والأمان . وعموما ولاتزعل كلنا نحب مصر

انا طبعا مش استاذة
بس الموضوع شدني
بحبك يا مصر

أوحش حاجة فينا كمصريين إننا لما تغلط مانعترفش بغلطنا وما بنحاولش نصلح وعلشان كده أخطائنا كترت أوى ومشاكلنا تعقدت

وعملنا شماعتنا هى الحكومة ومصر وكلنا بنغنى مصر وحشه ومصر ومصر ومصر 000000000000000000000

ونسينا إن مصر أمنا وفرت لنا تراث وتاريخ عظيم وحضارة عريقة واحنا أبنائها فأقل واجب علينا إننا نكون حريصين شويه

عليها وعلى اسمها وحضارتها مش نقعد نقول بنكرهها ومابنحبهاش ونسينا إنه ده هدف أعدائنا

السلام عليكم أخي ( الفارس )
أشكرك على مرورك وردك . وأحب أن أقول لك أنني ما قلت هذا الكلام الا من منطلق حبي العميق لمصر فوالله الذي لا اله غيره أنني أتمنى أن أرى مصر في أحسن حال . وأن غيرتي عليها لاتقل عن أي وطني يحبها.ولكن هذا الطوفان الجارف من الفساد والذي نحن ضحيته جعل الكثيرون يكرهون المعيشة في مصر . وهم الى حد كبير محقين في ذلك فهم مهددون حتى في ارزاقهم التي يحصلون عليها بالكاد
فلقد أصبح في مصر ( طبقتين فقط )
اما غني واما فقير ولا وسط بينهما هل تدري أنه من يمتلك الآن بضع آلاف من الجنيهات فقير وهناك أصحاب المليارات والتي جمعوها في وقت قياسي (كيف ؟) الله أعلم وأيضا يصرفونها في غير مواضعها وأنت والكل يعلم ذلك. والناس من حولهم يتضورون جوعا ولو سلطت الكاميرات لوجدت أن هناك تجمعات بالآلاف لايمتلكون قوت يومهم بل ويعيشون أسوأ الظروف المعيشية . أين (التكافل الاجتماعي) وهذ ليس حقدا على أحد فالارزاق بيد ولكن لاتسرق ولاتستولي ولاتنهب أرزاق الاخرين وتسرح وتمرح أمام أعينهم وكأنهم ليسوا آدميين أوخلقوا من طينة غير طينتهم ( أخي الفارس كلام كثير وكثير أنا وأنت والكل يعلمه) ...................... وبعدين( ولاتزعل هحب مصر حتى لو كرهتني ) على فكرة The Rabbit هذا ليس أهانة لي ولكن هذا الاسم له مناسبة يطول شرحها ..............أخيك ( challenge )