|
الموضوع أجمل ما فيه لتفاعل معاه
|
أنا و الجحوش مظاليم شايلين هموم غيرنا
الشيل تعب ضهرنا بيروح لمين خيرنا دايقينه من صغرنا و الكل يركبنا و يهزهزوا الرجلين و عصاية تنقرنا |
أنا و الجحوش مظاليم شايلين حمول غيرنا
الشيل تعب ضهرنا بيروح لمين خيرنا دايقينه من صغرنا و الكل يركبنا و يهزهزوا الرجلين و عصاية تنقرنا وقف الحمار إشتكي لجحوش كتير و حمير بني آدم إيه يا جحوش عامل علينا كبير وإن كان ما بينهم غبي بيشبهوه بينا فرحوا الجحوش نهقوا بكره هيبقوا حمير |
حماريات .. السعيد حافظ
أهلا بكل دماغ عاشق لفن الزجل
أكتب علي google حماريات .. السعيد حافظ أدخل هتلاقيني في إنتظارك بالعربي و الإنجليزي السعيد حافظ :مدرس أول لغة إنجليزية و عضو إتحاد كتاب مصر |
إنسان ضعيف منكسر أن مش نبى من فوق
مستغربين دمعتى يملاهـــا حب و شــــــوق و عندى قلب كبيــــــر بيحب كــــل النــــــاس و إللى يهــــــز البشــــــر بيهـــزنى بالزوق |
جميييييييييييييييل روعه
|
تحية احترام وتقدير لحضرتك
اقتباس:
تسلم ايديك |
اقتباس:
بس كلمة بالزوق الصح أنها بالذوق وليس بالزوق دمت مبدعاً |
مهموم فى همى و أمى ف همى تكوينى
ملســـــــــــــوع ببرد الشتا يامين يدفينى و إن هب ريح الصيف بالمـــــــر يسقينى و ابنك يا أمي بيســـــرق ضي من عينى |
اقتباس:
==== وعيونى باتوا حزانى ويامين يصبرنى مهموم وقلبى وحيد يارب قدرنى انسى اللى كان فيه عايش واللى كنت انا فيه وراح وحيرنى استاذى عمى سعيد ياريت يرن العود وتعود بلحن الوفا يمكن يعبرنى |
مشكووووووووووووووووووووووووووووووووووووووووووووووو ووووووووووووووووووووور
|
قلمى بيكتب كلمتى صامد و عمره ما إنكسر
شاعر و بيحب الطرب عاشق بيسهر للقمر إذا تعب القلم منى عودى بيعرف سكته دايس و قايس خطوته و ريشه تكتب ع الوتر |
استاذ السعيد حافظ دمت لنا كثيرا
|
عسكر وحرامية بيلعبوا الاطفال
جر ولطش ما هو كله لعب عيال خرج العجوز يزعق بعزم ما فيه يا هل ترى من الغيرة ولا لراحة البال |
استاذ وقال للطالب قلمك كأنه صاروخ
اكتب وعرف بيه عمرك وكل التاريخ قال الطال يا مستر سورى بى كوز القلم بتاعى انكسر والتاريخ بيشيخ |
مسرح وكان الامل فيه كبير
يحقق الحلم اللى راح وف الطريق بنسير وف ليلة العرض الكبيرة كبر الهرم ضاع الامل اصبح سراب الفنان الاصيل |
ارجو مزيد من التفاعل هيا ننطلق معا ليصبح الموضوع ذا الالف قطعة زجل
هيا نحاول قد ننجح |
السلام عليكم
الموضوع جميل جدا وحبيت اشاركوا كلمة لا وكلمة آه كلمتين ... عندى بحياة لأة ف عفة وف كبرياء آه لحبى ولمنتهاه كلمة لأة كتير حرمانى من إنى اخدك ف أحضانى وتحسى بدفا قلبى وشوقه باين فى شفايفى ولسانى يارب تحجبكم |
إلى عشاق الزجل و الرباعيات... هذا الباب خطير جدا.. تيجوا نعملها مبارزة زجلية... و نرد على بعض برباعية ... و الله العظيم ما هتندموا.. و يا سلام لو فى نفس الموضوع و بنفس البحر و كل فترة نغيره..عموما فكروا.
أنا الأديب الأدباتى مش قرداتى مع الزجل ألقى حياتى تعلا آهاتى و ناس كتير زى حلاتى قاعدة يوماتى و تحرق الدم ليلاتى و تقول أزجال |
رباعيات... وعاوزة ناس قادرة استاذى الكريم / السعيد حافظ فكرتك جميلة جدا واتمنى ان الاعضائ توافق عليهاتنقى أحلى كلام وتركز الفكرة فى معنى جميل...... بلا تطويل تدخل الدنيا ببراعة من خرم إبرة محمد سعيد |
أشكر الاستاذ السعيد حاظ
على مشاركاته الفعالة وبالنسبة للفكرة جميلة جدا بس فيه ناس مش بتعر الاوزان والبحور يعمى بتكتب بتلقائية وموهبة فطرية ممكن تطوير الفكرة الى ان نطرح موضوع ولمدة اسبوع الكل يدخل ويكتب ابداعه وتبقى مبارزة جيدة |
موضوعنا يبقى ( عن الزجل وتيبقى العنوان يا زاجل)
|
أصل الزجل فن و معنى و بيجمعنا
و ناس كتيرة بتسمعنا و تسمعنا حاجات كتيرة بتوجعنا و بتلسعنا كلام كتير بيلسوعنا يتقال موال |
أكيد تفيد الكتابه والوصف والتعبير دا الصمت أكبركآبه بيصيبنا بالتخدير لازمن حروف الحقائق تصرخ وتتكلم طول ماحنا ف التفكير ربك عليه التدبير |
يا اللى أنت فاكر إنك كدة بتعدلنا وموفى حق الفقير واللى بيشتكى منا يبقى أكيد مصرى وإبن ... ومنك آه يا ولينا لما تخلى الكلب بمية صرف للمحاصيل بيرولنا ولما تشوف دم الغلابة وأنت عارف مين همّا لو دة دمنا ؟ عادى هاتقول كلاب ولا تهمنا ! لما واحدة تموت عشان محترمة وعشان دينها بيلزمها عارف لية يا هاكمنا عشان كلة بيحترم مصر ويا خيبتنا مش فاضى بس غير تعمل مؤترررات وإية اللى بيحصل دة انت مش عارف تعمل لبلدك حاجة هوة انت فضلنا ياعم ارحمنا بقى وأعمل حاجة إزاى هايشفعلك نبيك وأنت مش منّا ! الكلام دة عن شخص ما وفى بلد ما وفى حكومة ما ومفيش برسيم :d إحم |
المصرى معروف كلامه بإنه دايما صريح ورث فصاحة لسانه عن الفلاح الفصيح وسلاحه رباعية... برصاص معبية يقف بيها فى وش أقواها ريح |
زاجل وكلامى حر
وكلامى حلو ومر ساعات بقول الحق و وساعات بخاف وأهر |
مليون سؤال وسؤال جوايا انا فى بالى اشكى لمين بلوتى واحكى لمين حالى قلت ياالحكيم دلنى ورد لى سؤالى غضب الحكيم وانتشى وقال وانا مالى |
أخاف أكتم ف أحلامى تعبت أنصح و أتكـلم
تطول السكة قدامى و طول العمــــــر بتعلـم لا ييجى للكلام آخر و لا السكـة بتتاخــــــر و مش لاقى إللى يسمعنى يرد الكلمة و يسلم |
قلم مقصوف بيصرخ خوف وخايف لحظه يتكلم ليسمع واحد جمبه حزين يقول إسمعني بتألم سكت حيران بين جنه ونار أسمع ولا أتكلم فضل يختار وأخد قرار أنا هسكت بس هتعلم |
انا جديدة وعشان كده اعزرونى لو اللى كتبته مش مستوى اللى انتم كتبينه ماشى .
مفيش فى الكلام مايوصف احساسى بيك انت عارف انى بحبك ومتاكد وده اكيد انى بموت لو غبت عنى لو بقيت بعيد خليك حبيبى جنبى ولحضنى قريب. |
اقتباس:
جميل أوى المقطع دة وكفاية أنة أحساس صادق ويارب نشوف منك الجميل والاجمل فى رعاية الله :) |
شكرا جدا انك ردت عليا وكله من ذوقك
|
عاشق أنا من زمان وهوايا لم ينقص جوايا زحمة كلام بس اللسان أخرس وانا خايف أسكت حبيبتي تيأسي مني وخايف أقول ألقى الكلام يرخص |
اقتباس:
|
اقتباس:
اهلا بيكى يا فرعونية |
رحت لحبيبى اعتذر قالى مفيش اعذار
لو حتى دمعك نزل م العيون مدرار ورجعت تانى لكن قلبى حزين مكسور الحب مش سهل الحب دا الحب حيره ونار |
الناس اصناف وفيهم صنف مالو امان
وصنف تانى تقول انسان بمعنى انسان وصنف تات ملوش فى الحياه مبدأ وكل ساعة يتلون مع الا لوان وعجبى |
حاولت ياما افهم اللى حوليا لكن مقدرتش
ده مش ضعف منى بس انا اللى مافهمتش او يمكن مقدرتش اتعلم من اللى بيجرالى او ماستوعبتش المواقف اللى بتحصلى بس اكيد ف يوم هفهم و اتصرف وهاجى و اقف و اقول انا اللى ف يوم من الايام معرفتش _____________________________ حميل اوى التوبيك بجد فكرته هايله ...و ماشاء الله عليكم بجد ..و اكيد ماوصلتش لمستواكم بس ادينى بحاول :):) |
العيب ف مين ؟!!!
ياترا العيب فينا علشان ساكتين و لا العيب ف الدنيا و احنا مش حاسين قاعدين فرحانين ..مبسوطين و غيرنا من الجوع بيموتو مقتولين يا ترا احنا عارفين..فاهميين ..و مطنيشين ولا وصلت بينا الدرجه اننا حتى مش حاسين ياريت نصحى و نفوق ..نتعلم يمكن بشهادتنا نفيد ناس محتاجين الحياه ذى الدايره ...يوم لينا و يوم علينا كفايه قسوه ..كفايه حقد ..كفايه ظلم ياريت نفوق قبل اليوم ده م يجى و يبقى للدعا حتى محتاجين لنظره حب و عطف مستنين |
الأقصى لو له لسان كان نطق و قال
و نسج بخيوط حكايات و قال فى التاريخ موال و احنا ضيعناه .. لا فى يوم جرينا و لا فى يوم حميناه اصل الرجولة فينا ماتت و الاقصى عايز رجال |
الله الله كمان كمان عايزين اكتر
كل الناس منورة الموضوع بابداعتها ننتظر البقية |
وبعدين
وبعدين معاك يااللى تعبنى فى هواك
احبك ولا اعمل ايه معاك كل مااقرب القيك بعيد هناك اقرب كمان القيك ابعد هناااااااااااك اعمل ايه هتجننى معاك خد موقف وانا معاك قول هتعمل ايه وانا وياك. |
شكرا y\mعلى ترحيبك بيا انا مكنتش بدخل وبرافو عليك كتاباتك جميلة جدا وياريت اللاباعية المتواضعة ديه تعجبك بالرغم انها لاتقارن بما تكتبون انتم بس بحاول الحق بالركب بتاعكم
|
حبيتك كتير وانت واحشنى قووووووووى
بتقولى صعب نكون لبعض وده كلام صعب قووى صعب اصدق بعد اللى كان تقولى ده خلاص كان فين الحب الجميل فين احساسنا بالحنين هو فعلا كان كلام والسلام؟؟؟ |
قطرات الماء تتسقط قطرة قطرة . تك قلبى دق ليك
تك قلبى حن ليك تك فاكرك مش ناسيك تك انا مشتاق للمسة ايدك تك يلا بقى الماية هتخلص فين القيك؟ |
انا تهت بين طريقين ما بين خير وشــــر مش عارف هوا فين ع الارض ولا القمر خلاص وامري له خليني انا كــــــــــــدا ولو بقيت شرير يبقي اللي تاه يتــــــــعذر |
اقتباس:
الله عليك يا عم سعيد لا يجيى للكلام آخر ولا السكة بتتاخر ومش لاقى اللى يسمعنى يرد الكلمة ويسلم حبيبى سعيد باشا ربنا يزيدك إبداع كل عام انت بخير |
كل الكلام الحلو طالع هنا وكتير قلت اما احاول انا يمكن اقول زيه بس اعذرونى انا لسة على قدى وكل سكه طويله مبتداها عسير وعجبى |
الله عليكم يا ناس
ابداعات رائعة |
| جميع الأوقات بتوقيت GMT +2. الساعة الآن 07:23 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.