|
اقتباس:
وجهة نظر برضوا الحمد لله انه معقول معاكى :022yb4: |
اقتباس:
بص يا أحمد عايز اقولك على حاجة انت تبقى غلطان اوى لو قولت ايام الامتحانات للمراجعة فقط هيا صح بس مش اوى علشان انت بتبقى مذاكر متين مادة والمعلومات كلها بتبقى متخلطبة شوية ايام الامتحانات بقى بتبقى عايز اكثر من يومين علشان ترجع كل الى ذاكرتة لكن عايز تفهمنى انك هتدخل الامتحان على الكلام الى ذاكرتة من شهر يبقى دة رأيك وانا احترمة وكمان بالنسبة للجدول هما كانوا عملوا مادة علمية وبعديها ادبية علمية وبعديها ادبية او العكس يعنى مينفعش مادتين علمى ومادة ادبى او مادتين ادبى ومادة علمى او العكس ومينفعش مادتين علمى ومادتين ادبى المفروض يبقى مادة ادبى ومادة علمى علشان الى واخد علمى يبقى عندة وقت للمادة الثانية والادبى كذلك لكن علشان تفهمنى ان الاقتصاد والاحصاء يبقى بعديهم ب16 ساعة التاريخ ياخى دة لو منمتش مش هتلحق تعمل حاجة اسف دى وجهة نظر والاختلاف فى الرأى لا يفسد للود قضية واوعى تدافع عن وزير التربية والتعليم علشان كفاية اوى المهذلة الى حصلت السنة الى فاتت شكرآ لمرورك ورأيك |
اكيد ظااااااااااااااااالم يا محمد
قولك ليه اولا انا علمى متادب يعنى معايا جيولوجيا وعلوم بيئه ورياضه 2 و علم نفس واجتماع يعنى انا همتحن الانجليزى وبعدها بيومين الجيولوجيا مش عارف ازاى هذاكر الجيولوجيا فى يومين وانت عارف انها 11 باب وكبيره دى حاجه الحاجه التانيه والاهم يوم 27/6 جبر وهندسه ويوم 28/6 علم نفس واجتماع ويوم 29/6 الاستاتيكا واليناميكا حد يوقلى هذاكر علم نفس والاستاتيكا والديناميكا امتى دا كفايه الديناميكا لوحدها داهيه لو تعرف يا محمد تقولى اعمل ايه يا ريت تقولى بجد حسبى الله ونعم الوكيل وربنا ينتقم منهم |
اقتباس:
ايووووووووة لا دة على كدة انا ارحم بقى يامان الصراحة انت علمى متأدب على الاخر (خلى بالك من الهمزة) مش علمى متادب :giljotiiniug3: الصراحة الى يشوف بلوة غيرة دة انت امتحاناتك كلها ورا بعض ربنا يرحمنا برحمتة يامان والله ربنا العالم بينا دة مش كفاية السنة الى فاتت لا عايزين يخلصوا علينا السنة دى ومش كفاية عليك الزمالك يامان هو دمك ناقص حرق :angry2: والله يا مان انا لو اعرف الحل مكنتش بخلتة على نفسى :028ja7: انت الحل الوحيد ليك انك تذاكر شهر متواصل من غير نوم ومن غير اكل ومن غير لا حرام كفاية عليك الصلاة والمذاكرة ;) يا جمل ابو سمانة انت ارحمنا بقى |
ويبقى سلملى على مبدأ تكافؤ الفرص |
انا من رأيى معقول
سيبين لجولجبا يومين ونص وعلم نفس وفلسفه 7 ايام |
اقتباس:
الحمد لله انه معقول بالنسبة ليكى |
الجدول ده ظالم بجد ظالم حراام يسيبولنا نص يوم لعلم النفس و اجتماع و نص يوم لميكانيكا و يوم و نص للجبر بجد ظلم ظلم و بشره خير اوى الجدول ده للامتحانات شكلها جايه زى الفل ربنا يستر و ربنا على الظالم و المفترى .
|
اقتباس:
ده بالنسبة لاول حاجة الحاجة التانية بقى انت بتقول عاوزو مادة ادبية ومادة علمية تمام طيب ازاي بقى لنفترض انى واخد فيزياء واليوم الى بعديه اتبقى مادة ادبية وبرده انا واخدها اعتقد ان تقسيمة الجدول مستحيل تكون مرضية للجميع اقولك بقى تبقى مرضية امتى لو علمى مبتاخدشى مواد ادبية وادبى مبتاخدشى مواد علمية ساعتها بس الجدول ايتظبط وايرضى الكل اقتباس:
بس ه في حل كويس احنا ممكن نعمل كلنا جدول بحيث يكون يرضى الكل ونحاول نرسله للوزارة وممكن يجيب نتيجة ولا ايه رايك في رعاية الله |
اقتباس:
والله احنا مهما اتكلمنا ومهما عملنا ولا حد هيسأل فينا انا معاك فى كل كلامك بس يجوا بعد الجدول دة والامتحانات تبقى صعبة يبقى معندهومش حق انا مش عارف هما بيعملوا فينا كدة لية هو مش كفاية الفقر الى فى البلد دة العالم كله امتحاناتهم اختيارات وصح وغلط يعنى مصر هما العباقرة والى بتخترع النووى والبلاد كلها متخلفة يلا مفيش فايدة ونتكلم لية ونتعب لية ادينا بنعمل اكثر من الى علينا نشوف اخرتها اية انا هقولك ان شاء الله المصرى يبقى معاه بكالوريوس وليسانس ونروح نشتغل ظباط امن ونتضرب على قفانا ولا نبيع فول وبرضوا بيصعبوا الامتحانات ويعلوا التنسيق يلا خلينا فى الموضوع علشان ميقولوش علينا بتوع المعارضة :d |
عندك حق يا محمد الكلام ملهوش فايدة
يلا الواحد ش عاوز يتكلم لاحسن ؟؟؟ في رعاية الله |
انا بجد مخنوقة من ساعة ما عرفت الجدول دة
ومش فاهمة بتاتا لية الجدول جاى علينا كدة رغم ان مفيش الا المرحلة التانية بس (ولو فى اولى فهى اقلية) يعنى مفيش مشقة انهم يوفقوا الجدول بين المرحلتين زى ما بيتحججوا كل سنة اظن انة سهل يخلوا الجدول مناسب لمرحلة واحدة اللى هى التانية بس فى الاخر وعلى راى احمد ادم (هما مش عارفين يقرفونا ازاى دول لو كانوا جايبين يهود مش هيعملوا كدة.....) وتعبت من تطبيق نظرية اللمونة(الليمونة) واعصرى على نفسك لمونة وكلها اقل من شهرين ونخلص وكمان اللمون بقى الكيلو بخمسة حنية اعمل اية يعنى انتحر واموت كافر عشان غلط وكان نفسى اكون حاجة من خلال نظام فاشل اسمة ثانوية عامة |
ظالم
اولا انتوا بتقولو كويس ان فى 4.5 ايام قبل ال english ده بالنسبالكوا احنا الحمد لله الرياضه ناطلنا فى كل حته منتشره فى الجدول ماشاء الله ثانيا جبر وهندسه 27 علم نفس واجتماع 28 ميكانيكا 29 ده على اساس اننا نعمل ايه يعنى اجى اراجع ولا اروح المراجعه ولا اعيط ولا اصوت ولا ايه بالظبط بسسسسسسس خلينا واقعيين الكلام ملوش لزمه احنا نحاول نظبط نفسنا اليومين دول جامد موووت عشان تبقى مراجعه خفيفه قبل الامتحانات وربنا يسهل ان شاء الله وكل حد يدخل الكليه اللى عايزها ان شاء الله |
اقتباس:
ربنا يعديها على خير باذن الله في رعاية الله |
اقتباس:
ربنا يوفقنا جميعا في رعاية الله |
السلام عليكم ورحمة الله
وعليكم السلام ورحمة الله وبركاته يعنى هقولكم مثلآ من العربى للأنجليزى ماشى 5 ايام 4 ونصف أيام مش 5 خليك دقيق:006et4::006et4: ومن يوم الجيولوجيا لغااااااااااااايية يوم الاقتصاد والاحصاء يعنى 12 يوم زى الفل انت أخذت جيولوجيا وتاريخ مع بعض ولا ايه؟؟؟ بس المصيبة ان التاريخ بعدية بيوم يوم ايه بس نصف يوم !!! وانتم عارفين وما ادراكم ما هو التاريخ يبقى اعمل اية بس اخلط الاقتصاد والتاريخ مع بعض فى خلاط واقسمهم على 2 يطلعى الملك فاروق كان مدير بنك فى الاسكندرية;) ههههههههههههههههه مفيش احسن من التاريخ دا:d طب انا هقولك حاجة لو مش عرفت اي سؤال في التاريخ (بعد الشر طبعا) اكتب السؤال وتحته اكتب حسني مبارك ولو عرفت ترسم صورته ارسمها هيحسبوا انك قريبه وهينجحوك ع طول:p:p بعض انا من رأيى ان الجدول دة ظالم بس نعمل اية ربنا على الظالم ومع المظلوم وكدة كدة ميتين ميتين :040vk0: الجدول مش ظالم لأدبي زي ما انت متخيل هي هياها هو بس المطب اللي عندك انك واخذ اقتصاد واحصاء وادام التاريخ نص يوم اما اللي واخذ فلسفة مش مظلوم لان ادام التاريخ 3ونصف ايام نرجع لحاجة تانيه ان ادبي فلسفه هم اتظلموا في المستوي الرفيع والتربيه الوطنيه عشان كدا مش فيه ظلم لانها مش مواد اساسيه اما ادبي احصاء اتظلموا في التاريخ لانه ماده اساسيه ع العموم المظلوم اكثر هم علم رياضه بجد لما تشوف علم رياضه تقول الحمدلله:d:d ع فكرة انا من راي :dأحمد ان احنا نذاكر دلوقتي ووقت الامتحان العمليه هتكون سهله اما العياط ونقول ظلم ومش ظلم عمر الجدول ما هيرضي كل الناس:bosyht9: ع العموم انا مش شايفه انه ظالم ربنا يوفقنا كلنا:022yb4::022yb4: |
شدوا يا شباب كفايه تضيع وقت باقى حوالى 35 يوم بس ممكن نعمل فيهم حجات كتييييييييييير اوى
لازم نشد على اد ما نقدر وربنا هو الى بيوفق اهم حاجه نعمل الى علنا |
احمد قال الى كنت هقولوا ربنا يعديها على خير بس ويارب الحاج الى يجيب الامتحانات المرة دى ميكونش مراتوا ضرباة زى المرة الى فاتت قولوا امين والى بتقول عايزة تنتحر تنتحرى مين يابنتى اسكتى انا بقالى 4 سنين فى الثانوية العامة وعدت سنة من غير اى لازمة يعنى كان زمانى فى كلية وقاعد بتفرج عليكم واقول الحمد لله انى خلعت من الثانوية بس القدر خلانى كدة بقى اعمل اية ولازم احمد ربنا علية لأنى مقدرش اقول غير كدة دة انتى حتة بتتفرجى على افلام كوميدية اهو يبقى عايزة تنتحرى ازاى وكمان دى سنة او سنتين او حتة عشرة مش كدة كدة هنعدى منها بس كل الى نقدر نعملة منرضاش بالظلم مهما كان وفى الاخر مش هنعمل حاجة غير اننا ندعى ربنا ونقول يارب يارب انت الى خلقنا وخلقت الناس دول الى بيحطوا الامتحانات انا مش بتمنى ان الى بيحط الامتحانات والى بيصححوا يكونوا رحماء لا لانك الرحمان الوحيد الى عار احنا بنتعب ازاى وانت قلتها يارب ان الله لا يضيع اجر من احسن عملآ |
4 ونصف أيام مش 5 خليك دقيق:006et4::006et4: دة اية الدقة دى :p 4 وربع ولا يهمك ______________________________________ انت أخذت جيولوجيا وتاريخ مع بعض ولا ايه؟؟؟ اة شفتى بقى ;) محسبتهاش صح يبقى مش هعشها صح :frown: ________________________________ بس المصيبة ان التاريخ بعدية بيوم يوم ايه بس نصف يوم !!! بس يكملوا ربع يوم دة احنا هنصحى الصبح يعنى هنرجع ننام شوية وناكل شوية ونصلى شوية ونتعشى شوية يكون لقيتى نفسك فى اللجنة ________________________________ وانتم عارفين وما ادراكم ما هو التاريخ يبقى اعمل اية بس اخلط الاقتصاد والتاريخ مع بعض فى خلاط واقسمهم على 2 يطلعى الملك فاروق كان مدير بنك فى الاسكندرية;) ههههههههههههههههه مفيش احسن من التاريخ دا:d طب انا هقولك حاجة لو مش عرفت اي سؤال في التاريخ (بعد الشر طبعا) اكتب السؤال وتحته اكتب حسني مبارك ولو عرفت ترسم صورته ارسمها هيحسبوا انك قريبه وهينجحوك ع طول:p:p هههههههههههههههه حلوة الطريقة دى اشجينا اشجينا علشان بعديها بيوم اطلع فى القاهرة اليوم وبرنامج العاشرة ودقيقتين مساء (علشان الاعلانات خليكى دقيقة قصدى دقيقة مهى هيا هيا :d) ___________________________________ الجدول مش ظالم لأدبي زي ما انت متخيل هي هياها هو بس المطب اللي عندك انك واخذ اقتصاد واحصاء وادام التاريخ نص يوم اما اللي واخذ فلسفة مش مظلوم لان ادام التاريخ 3ونصف ايام نرجع لحاجة تانيه ان ادبي فلسفه هم اتظلموا في المستوي الرفيع والتربيه الوطنيه عشان كدا مش فيه ظلم لانها مش مواد اساسيه اما ادبي احصاء اتظلموا في التاريخ لانه ماده اساسيه ع العموم المظلوم اكثر هم علم رياضه بجد لما تشوف علم رياضه تقول الحمدلله:d:d ع فكرة انا من راي :dأحمد ان احنا نذاكر دلوقتي ووقت الامتحان العمليه هتكون سهله اما العياط ونقول ظلم ومش ظلم عمر الجدول ما هيرضي كل الناس:bosyht9: ع العموم انا مش شايفه انه ظالم ربنا يوفقنا كلنا:022yb4::022yb4: امين يارب منقدرش نقول غير يارب وبس وكمان هو احنا منقدرش نعمل اكتر من الى علينا |
انا قولت من الاول الجدول ده دنىء محدش صدقنى طيب كله يهون االا الكيمياء انا بشد فى شعرى الكيميا قبلها يوم ليه يعنى ده السنة اللى فاتت كانوا خمسة و العيال مخلصوش اعمل انا ايه بس و بالنسبة لرياضة 2 كالعاده مطحونين يا حرام و الناس اللى معاهم كيميا و رياضة 2 دول بقى طحن الطحن و كمان المرحلة الاولى قبل الفرنساوى يوم واحد زى السنة اللى فاتت و الله الواحد بيشرب نسكافيه و يتغدى و يصلى يلاقى اليوم خلص كان هيخسر ايه لو مد الجدول لتحت و اخر النتيجة و طلع التنسيق بدرى يلا ربنا يسامحه و ييسر لنا الحال |
اقتباس:
هههههههههههههه لا انا الصراحة بتغدى وبصلى يكون اليوم خلص مبلحقش اشرب النسكافية بصى الدولة دى عايزين كل حاجة بمزاجهم ولو قولتى ازاى كدة عيب لا لا لا دة ظلم هيقولولك احنا كدة ولو مش عاجبك اطلعى براااااااااااااااا ويطلع يقولك نحن نحافظ على مبدأ تكافؤ البرص قصدى الفرص الكلمة دى مخنوووووق منها موت الصراحة ثانية عقدتنا فى الثانوية العامة وربنا يستر على 3 الى احنا فيها ربنا يوفقنا جميعآ يارب |
هههههههههههههههه
No Comment بصراحة الموضوع لغايت دلوقتى مفيد جدا جدا :049gc0: والحمد لله استفدت منه حاجات كتير جدا جدا :040vk0: لا وغير كدة عادى اضيع وقتى مش مشكلة يطقع الثانوية والى ايمتحنها :romarioxp6: يلا كملوا كملوا رايكم ربنا يستر قوموا ذاكروا بقى وكفاية والله حرام كل الوقت الى بيضيع ده معطلكومشى بقى اخليكم تكملوا الدراسة اقصد رايكم في الظلم :078111rg3: في رعاية الله |
حراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا اااااااااااااااااااااااااااااااااااااااام
الاجياء قدامها يومين حراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااام خسبى الله جراااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااام |
شكرااااااااااااااااااااااااااااااااااااااااااااااا ااا
|
حسبى الله ونعم الوكيل بتوع علمى هيعملوا ايه هو الوزير ده ايه انا اتخنقت بجد
ربنا معاكوا ياربومعاناااااا والامتحانات تيجى سهله امين يارب |
طب والله جدول معدي على الأقل لبتاع رياضة اتنين إقتصاد و إحصاء و الطبيعي أصلاً إن رياضة ٢ يكونوا بياخدوا إقتصاد و إحصاء مش يبقى رياضة و خايف من الإحصاء يعني بس فعلاً بتوع علم نفس كمياء أو رياضة ٢ مظلومين أوي
بالتوفيق للكل إن شاء الله |
اقتباس:
خلاص روح ذاكر يا حمادة :slap1qk6: |
بصراحه انتوا صعبانين عليا اوى
بس خليكوا ايجابين شويه يا جماعه قوموا ذاكروا دلوقتى بدل الوقت اللى بيضيع منكوا ده بجد انتوا محتاجين كل دقيقه وكمان انتوا تالته يعنى عايزين كل ربع درجه مش هاقول درجه لان كل دقيقه بتضيعوها بتحدد مصيركوا فى الاخر وهانقعد نقول ظلم ظلم ولا حاجه هاتتغير فريحوا دماغكوا وقوموا ذاكروا احسنلكوا |
بصوا بقى ماتخافوش
ومتقلقوش نفسكم اتوكلوا على الله ولو عملتم اللي عليكم طول السنة متقلقوش طب ما احنا السنة اللي فاتت قعدنا نصوت ونصوصو كمان من امتحان الفيزياء ولا حاجة حصلت !!!!:wacko: يبقى ليه توتروا نفسكم من دلوقتي حاولو تخلصوا وتراجعوا قبل دخول الامتحانات علشان ما تتزنقوش ادعولي بقى امتحاناتي بعد اسبوع في الكلية والمادة 12 كتاب ايه رأيكوا إنتم بقى افقد الامل ؟؟؟؟:bosyht9: ربنا معاكم ومعانا |
السلام عليكم :عاملين ايه يا جماعه مين مش عاجبه الجدول؟؟؟
امال لو كنت ازهر وفى تالته وبتمتحن كل يوم وعشرين ماده كنت قلت ايه انا تانيه ثانوى صحيح انا فى حاجه فى الجدول مش عجبانى لكن اهو ارحم من الازهر الى كل يوم دا انا تعبت تعب فى تالته اعدادى ازهر كان كل يوم بس ربنا ستر وربنا يستر واجيب مجموع فى الثانويه العامه والا همتحن تالته ازهر بقى والامر لله ادعولى يا جماعه اجيب مجموع فى الثانويه العامه علشان مرحش تالته ازهر واخير الحمد لله على كل حال ((استودعكم الله الذى لا تضيع ودائعه))سلاااااام اتمنى التوفيق للجميع |
.. شوفتو جدول الامتحانات الرزل ده .. انتحر انا دلوقتى ولا اعمل ايه بالظبط !! ..
من غير سلام ولا كلام عشان انا مش طايقة نفسى ومش قادرة استحمل اكتر من كدة شوفتو الجدول ؟ اكيد طبعا آه بجد ده غباء !! مش معقول اللى بيحصل ده ازاى هانلحق نراجع الجيولوجيا ف يومين واحنا هانكون سايبين المادة بقالنا شهر ومش باصين فيها دانا لما باسيبها اسبوع بالاقينى ناسية ومش فاكرة حاجة لا وعلمى رياضة كمان ربنا معاهم بجد مش عارفة هايعملوا ايه خصوصا اللى واخدين علم نفس عندهم قبل الانجليش فرق يوم واحد وبعد الفيزيا يوم فاضى تانى يوم جبر تانى يوم علم نفس تانى يوم ميكانيكا بقى الكلام ده يرضى ربنا ؟! حرام اللى بيتعمل فينا ده حرام حرام حرام BRB اما اروح ارمى نفسى من البلكونة وارجعلكو :bosyht9: *** حلو التعقيد اللى فوق ده اى خدمة مش حارماكو من حاجة اسلم بقى .. مساء الخير او صباح النور .. اى حاجة تيجى معاكو يا رب تكونو كويسين ومبسوطين ومش متضايقين ولا مخنوقين دلوقتى يا شباب احنا النهاردة كام 1 / 5 يعنى قدام كل واحد فينا قبل الامتحان 43 يوم الجدول واتحط ومفيش واحد شوفته مبسوط من الجدول وماتتخيلوش اننا لما نقعد نحرق ف دمنا ونتضايق هانلاقى اونكل يسرى جاى يقولنا " سورى يا جماعة انا اسف .. حطوا الجدول اللى انتو عايزينه بنفسكم " :blush: ولا هنلاقى نفسنا صعبنا عاللى حاطين الامتحان ويقولوا " اما نغيرلهم الامتحانات اللى اتحطت بقالها اكتر من 3 شهور ونديهم امتحانات خفيفة ولذيذة عشان حرام .. كفاية عليهم الجدول الظالم ده " :blush: مفيش حد هايتضر غيرنا ومفيش حد اعصابه هاتبوظ غيرنا ومفيش حد دمه هايتحرق غيرنا ونبقى ولا عارفين نراجع ف الشهر ده ولا ف ايام الامتحانات والنتيجة معروفة :angry2: *** يا جماعة الدفعات اللى قبلنا مكانوش احسن مننا ف حاجة ولا كان ليهم دماغين واحنا لينا دماغ واحدة برضو جاتلهم جداول مقرفة وامتحانات زى الزفت وحققوا اهدافهم ودخلوا كلياتهم لمجرد انهم عملوا اللى عليهم وراعوا ربنا ف اللى بيعملوه واللى ماعملش كدة خسر هدفه وابتدى يحاول يدور على هدف تانى من جديد احنا قدامنا 43 يوم بالنسبة للى واخدين جيولوجيا .. من دلوقتى مايخلوش نص كلمة تفوتهم ف المنهج كذلك باقى المواد اعملوا اللى عليكو ف كل حاجة وركزوا اوى اوى ف المواد اللى مضايقاكو ف الجدول بحيث ان ايام الامتحانات تلاقوا نفسكو بتنجزوا ف المراجعة وبجد حالات النسيان دى بتجيلنا كلنا نحس اننا مش فاكرين ولا كلمة بس قدام ورقة الاسئلة كل حاجة بتطلع خليكم ايجابيين واتعبوا ف الشهر ده اوى اوى عشان نفسكم واكيد الكلام ده ليا وليكو وللدفعة اللى بعدنا واللى بعدها اللى برضو هايجيلهم جدول وحش ويعملوا زينا بالظبط :d انا دلوقتى مش مستنية نقاش ف الموضوع بجد بالرغم من انى حاطاه ف العام انا باكتب الكلام ده عشان احتمال يكون سبب ان حد يبقى ايجابى ويحاول من جديد يا جماعة دول 43 يوم ده احنا عبرنا ف 6 ساعات شوفوا بقى هاتعملوا ايه ف 43 يوم :d واللى شايف انى غلطانة ومش بافهم يا ريت يحتفظ برأيه العظيم لنفسه ويحرمنا منه :bosyht9: *** وآسفة انى طولت بس كان لازم اقول كل ده وحاولت اختصر على قد ماقدر لانى رغاية طول عمرى طبعا سلامو عليكو :) |
43 http://img440.imageshack.us/img440/64/58696569yj2.gif يااااااه لسة بادري ربنا يوفقكم بصي يا اخت رحمة انتي وعدتنيا انك تخلصي السنة ديه ونشوف موهبتك we wait u http://www.thanwya.com/vb/showthread.php?t=98116 ده لينك موضوع فيه كله حاجة حصلت ليكم في السنة في رعاية الله |
والله دة حررراااااااااااااااااااااااااام يومين قبل الجيولوجيا
|
اقتباس:
لا طبعا مش لسة بدرى بس الوقت كافى اننا نرتب نفسنا ونظبط مذاكرتنا وخصوصا ف المواد اللى شايفين انها مش واخدة حقها ف الجدول :) اقتباس:
ويوفق حضرتك :) اقتباس:
:p موهبة ايه اساسا وبعدين اصلا اصلا انا مش رحمة هو كل يوم لازم اشوف رد فيه رحمة عشان اقول انى رخااااامة وبابقى منى بعد الضهر كدة :d عموما حااضر بجد وباذن الله لما اخلص هاشارك اقتباس:
اقتباس:
شوفته حلو اوى على فكرة شكرا ليك |
السلام عليكم ورحمة الله وبركاته
ازيك يا اخت مني اخبار المذاكرة ايه ؟ ندخل في الموضوع مش عارف ليه مكبرين الموضوع اوي كده ليه ؟ عن نفسي داخل علم نفس مع رياضة و عارف ان الجدول كده لانه كان كده السنة اللي فاتت مشوفتش حد شاف الجدول و قال الحمد لله او قدر الله ماشاء فعل خلاص الحمد لله علي كل شي يوم واحد تقدري تراجعي فيه المنهج كله انتي مش بتذاكري المنهج من تاني لا انتي مجرد انك بتراجعيه يعني بتفتكريه و علي فكرة لو جيتوا تبصوا بكل النواحي الجدول كويس اوي لكل الشعب ماعدا طبعا رياضة بتوع علم نفس دول حالة شاذة بس انا معاكي انه علي الاقل كان ساوي بين الادبي ورياضة وعلوم في الانجلش ده علي الاقل في الانجلش بس مش احنا يوم ونص و انتوا كام يوم ده ظلم في الحتة دي اه لاننا بنمتحن عربي مع بعض وانجلش مع بعض بارده و بعدين انا عاوز اعرف حاجة ربنا ممكن يسهل والامتحانات دي تيجي سهلة صح ؟ زي واحد صاحبي من اول مشاف الجدول و هو قاعد بيعيط مع انه مش علمي رياضة لا ده علوم و علم نفس يعني احلي جدول فينا كلنا و بيعيط علشان خايف من الامتحانات شوفتي الهنا اللي احنا فيه ؟ و الله يا جماعة سبوها علي الله و اعملوا اللي عليكوا و اللي ربنا كاتبهولكوا هتاخدوا لا اكتر ولا اقل و ربنا يوفقنا جميعا و ندخل الكليات اللي عاوزين ندخلها وفقنا الله و اياكم الي ما يحبه ويرضاه والسلام عليكم ورحمة الله وبركاته في امان الله |
اقتباس:
الحمد لله ماشية كويس يا رب انت كمان تكون بخير والمذاكرة ماشية تمام اقتباس:
ممكن يكون الجدول مش حلو والسنة اللى فاتت مكانش حلو لكن بص للجانب المشرق ( خصوصا للى واخدين رياضة ) هاتقعد من يوم 29 / 6 لحد يوم 6 / 7 تذاكر مستوى رفيع وتربية وطنية :d اكيد مش ده خالص بس لما بيكون الوقت قليل بنبقى متحمسين ننجز عشان نلحق نخلص اما الوقت الطويل بيخلينا ناخد راحتنا ونضيع وقت كتير اقتباس:
اكيد الحمد لله على كل شئ وفعلا معاك حق ان مهما كان الوقت صغير المراجعة مش بتحتاج وقت كبير لو مبنية على اساس صح ومذاكرة كويسة للمادة هاتفتكر بمجرد انك تقرا تانى حتى لو سايب المنهج بقالك شهور مش اسبوعين تلاتة عشان كدة باقول دلوقتى ان قدامنا فرصة اخيرة نظبط فيها مذاكرتنا ف المواد المضغوطة ف الجدول عشان لما نيجى نراجع نفتكر بسهولة ولو فضلنا حاطين ف دماغنا مش هانفتكر ومش هانلحق القلق والخوف هايشغلنا ومش هايخلينا نعرف نتصرف صح اقتباس:
معاك حق المواد بتاعة رياضة مضغوطة كلها ورا بعض احتمال لو كان قبل الانجليش 4 ايام زينا كنتوا قسمتوا وراجعتوا اى حاجة معاه لانى ناوية احاول اعمل كدة ف الجيولوجيا بس ان شاء الله هاتعدى زى ما بتعدى كل سنة ;) اقتباس:
اقتباس:
ولو حتى الامتحانات جت صعبة ما فيه برضو امتحانات جت صعبة السنة اللى فاتت ومعظم الناس دخلت الكليات اللى عايزاها فعلا ولو حد دخل كلية مكانش عايزها ف ده عشان ربنا قدرله الخير هناك وعشان ده احسن ليه بجد الخوف الزايد ده مش كويس ما هو لما نخاف مش هايفيد بحاجة سواء كنا خايفين او قلقانين عاادى زى اى حد او مش هاممنا اصلا هى هى الامتحانات اللى هاتيجى وكل ما نقدر نتحكم ف اعصابنا هانعرف نراجع كويس ونحل كويس اقتباس:
اكيد اللى ربنا عايزه هايكون آميين يا رب وعليكم السلام ورحمة الله وبركاته شكرا لمرورك وردك يا شريف بالتوفيق ان شاء الله ربنا معاك |
امم اهلا استاذة رخامة
انا معرفش الجدول ايه الصراحة (مع العلم انا من بتوع رياضة اللي هايتعقدوا d:) بس اهو انا اعتبر من اكبر المتفائلين في مصر وبقول ان شاء الله هانجح وهاجيب تقدير مش بقول كده ثقة من نفسي والله انا بقول كده عشان التفاؤل بجد بجيب نفسية حلوة على الاقل لو لا قدر الله ما جبتش مجموع هاقول اديني عاديت سنه متافئلة d: بس كده ونقول سلام مؤقت ... |
الجدول حلو بالنسبه لي (علمي علوج قصدي علوم)
بس الخوف من شكل الامتحان ايه تعرفي الامتحان نفسه مش بيكون فيه حاجه الفكره في نفسية الواحد بتكون 100 100 يوم الامتحان (شيلي رقم واحد من الرقم اللي فات ده) يعني امتحان الكيمستري السنه اللي فاتت كان ممكن اقفله بس ربنا يسامح جو اللجنه كلهم كانوا بيشدوا في شعرهم و بيشتموا و يعيطوا و عربيات اسعاف راحه جايه كل ده شتتني بس اقول ايه قدر الله و ماشاء فعل حقتهم يعملوا لي لجنه خاصه في الفيزيكس لو حصلت البلاوي دي تاني !! شكراً يا قمري للموضوع |
على الله بس بعد الجدول الامور ده الامتحانات تيجي عدله !
|
أنا كمان شايفة ان الجدول حلو(أصلي ادبي اللي فضلوه عن العلمي)
بس المشكلة اللي انا زعلانه عليه هو (المستوي الرفيع والتربية الوطنبه) دا ظلم دا افتري هنذكرهم ازاي وانا ادامي نصف يوم وياريته يكمل هههههههههههه بتريق اوعي تأخذي ع كلامي بجد ربنا يوفقنا كلنا وان شاء الله الامتحانات تيجي سهله وحتي لو جت صعبه (بعد الشر طبعا) هنحل بره دا احنا اللي دهنا الهواء دوكوووووووووووووو مش هنحل امتحانات ثانوية عامة ميرسي ياكميلة ع الموضوع |
لاء بجد جدول رخم بالنسبه للجيولوجيا والتربيه الوطنيه والمستوي الرفيع
بس حلو بالنسبه للباقي عموما ربنا يوفقنا ويوفق الجميع اللهم امين |
معاكى حق والله فى كل كلمة
اكيد لسه فى وقت قدامنا مش ينفع نقعد نحبط فى نفسنا ونقول ان خلاص مش هنعرف نعمل حاجة اكيد لو عملنا اللى علينا ربنا هيوقنا ربنا معاكى ومعانا |
انا شايفاه عادى
هو بالنسبالى مفيش الا مشكلة فى الكيميا والاقتصاد والاحصاء لكن بقيت المواد كويسة |
الجدول كويس بالنسبه ليا
فى كل المواد الا الكيميا قدامها يوم ونصف بس هنخلص فيهم ايه بالظبط؟؟؟؟؟؟؟ ربنا يوفقنا يـــــــــــــــارب |
بصوا هو بصراحة جدول جميل جدا
لطلبة علمي وادبي وعلى فكرة ده يعتبر احسن جدول نزل للثانوية العامة لحد دلوقتي بسي انتوا مش فاهميين ان لما يكون الجدول حلو كده اكييد هيبقى الامتحانات زي الزفت وهو ده اللي حصل السنة اللي فاتت جابلهم جدول جميل وظبطهم في الامتحانات اتمنى ان ده ميحصلشي معانا ودي وجهة نظري |
جدول امتحانات الدقهليه
بسم الله الرحمن الرحيم
هذا جدول امتحانات الصف الثالث الاعدادي محافظة الدقهليه |
و الله الجدول ظااااااااااالم جدا لعلمى رياضة اللى اخدين علم نفس
|
انت عندك حق ياحمد انا علمى علوم والجدل تحفه بالنسبه لى انا واخد علم نفس كمان ان شاء الله ع طب ع طول ربنا يخلى الى حاط الجدول ويجيب الامتحانات جميله زى الجدول كده:av4056bb7jp3::av4056bb7jp3::av4056bb7jp3::av40 56bb7jp3::av4056bb7jp3::av4056bb7jp3::av4056bb7jp3 ::av4056bb7jp3::av4056bb7jp3::av4056bb7jp3::av4056 bb7jp3::av4056bb7jp3:
|
ربنا معاكم ويفقكم وينجحكم قولو امين انا لسه فى اولى وخايفه اوى من الزئب التعليمى الثانويه العامه
|
انا كل ال حارق دمى فى الجدول دة ان كل الناس عندها 5ايام قبل الانجلش ماعدا احنا علمى رياضة
طب مش كفاية انهم ظلمونا فى ايام الرياضة يعنى همتحن تلت ايام ورا بعض لا مش مدينا حقنا زى كل الشعب سواء ادبى او علمى علوم فى الانجلش |
| جميع الأوقات بتوقيت GMT +2. الساعة الآن 07:57 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.