طيب اي واحد في كليه علوم لو كان جاب في الثانويه العامه مجموع طب او صيدله كان هيدخل علوم برضه وياريت الرد يكون بامانه من غير نفاق

كل واحد شايف ان كليته احسن كليه يعني اداب حاسس ان كليه اداب احسن كليه زي بتاع علوم الي حاسس ان علوم احسن كليه في الدنيا

وجديده جدا ان شركات الادويه بتاخد علوم اكتر من صيدله بجد بجد حديده علي فكره انا مش ضد علوم ولا حاجه بس حرام تخدع الناس بالاحلام الورديه بتاعتك بجد حرام عليك كليه علوم كليه مصريه زي اي كليه بس مش من كليات القمه المعروفه مع ان كل كليات مصر التعليم فيها اي كلام بس كليه علوم مش الكليه السحريه الي هتدخلها الناس هتاخدك بالاحضان وتشغلك عندها عيشوا الواقع ومتشتغلوش نفسكوا ولل اعرف ناس كتير خريجي علوم ومش بيشتغوا بكليتهم خالص

[على فكرة يا sub-zero كليات الطب و الصيدلة و كمان الهندسة مش بيلاقوا شغل يعنى حدة الشغل دى نصيب .
و انا معاك ان احنا فى مصر
ولو اشتغلوا بيبقى المرتب حوالى 350 -400 اواقل كمان ومعنى كدة ان مش علوم بس هى اللى مش لاقية
وحدة ان مش بيشتغلوا بكليتهم انا مش معاك لان اقل شغلانة فيها هى التدريس ودى بقت مرتبها عالى الايام دى بالاضافة اللى الكادر والدروس الخصصية
و اتمنى ان كلامى يبقى مفهوم
:av4056bb7jp3:

واضح ان فى ناس بتتكلم عن غير فهم ولا وعى :)
عموما مش مهم اى حد الحمد لله اننا مقتنعين بكليتنا وحابينها جدا

عاوز اعرف ايه اقسام كلية علوم رياضة وايه مزاياها

انتو يعني جايين تسيؤو للكلية في القسم بتاعها ؟.
انا لو جالي طب مكنتش هروح علوم (مع اني علمي رياضة).
لكن بأمانة لو صيدلة هفكر لأن انا شايف مصلحتي في كده لأن ليا قرايب في شركات بترول مش واسة ولكن حاجة زي ابناء العاملين.
و للمرة ال100000000000000000000000000
احمد زويل ساب طب و هندسة و صيدلة و راح علوم.
و يا ريت نقفل الموضوع ده ربنا يوفقنا و يوفقكوا و كلنا نلاقي شغل.
خلاص؟!

محمد معلش كان عندى سؤال
هو انا لازم احصل على تقدير عالى فى شعبة جيولوجيا علشان اتخصص جيوفيزيا وابقى مهندش بترول ان شاء الله

انت محددتش جامعة ايه لان الاقسام المتاحة بتختلف من جامعة لجامعة.
قسم الرياضيات و معظم اللي بيبقوا داخلينه بيبقوا هايزين يبقوا معيدين او مدرسين.
الفيزياء معيد او على اجهزة الاشعة او مركز بحوث او مدرس..و ساعات ممكن لو ليك حد في شركة صناعية ليه بس مش علطول.
الحاسب الالي : بتطلع منه مصمم برامج.
الكيمياء: و دي مش متاحة لعلمي رياضة في كل الجامعات و ده طبعا احسن قسم و ليه شغل كتير.
الجيولوجيا و الجيوفيزياء: و دي غالبا شركات بترول.

يا استاذ محمد ارجو الرد
ايه هو تقدير قسم الجيو فيزيا

شوف يا وليد الاقسام دلوقتي بقت زي تنسيق الكليات عرض و طلب.
يعني فيعلوم اسكندرية شعبة الجيولوجيا ليهم جيولوجيا و كيمياء و جيوفيزياء.
مش عارف بقى اقبال الطلبة على انهو اكتر..بس مفتكرش انها عايزة تقدير عالي يعني تقدير معقول.

شكرا يا محمد على الرد
ميرسى جدا

يااااااااا جماااااااعة حد يرد على الموضوع دة
هو انا اللى اختار التخصص ولا بتقدير اول سنة
ولو كان بالتقدير بتتحسب ازاى:006et4:

الله ينور عليك
نقول كلنا طلبة يقول علوم احلى
وتدريس اية
التدريس دا هو اللى وصللك للى انت فية
ووصل العلماء علشان يبقوا علماء
ابقى قول بقا انت هتشتغل انهى شغلانة من مجالات علوم الواسععععه
وهتفيد مين بيها قد المدرس
ما علينا
صحيح اللى ميعرفشي يقول عدس

انتهى الحوار

يا اروبة اية التعبيرات والامثال البيئة اللى بتقوليها انت بجد .................
وتعالى هنا !!!!!
انت بتقولى انها مش بتفيد الناس . امال ا خصائى التحاليل والاشعة بيعملوا اية فى البلد دى
اوعى تقلولى انهم بيلعبوا play station بعد التخرج

ها هاها ها ها
انت بجد صغرتى فى نظرى

يااااااااا جماااااااعة حد يرد على الموضوع دة
هو انا اللى اختار التخصص ولا بتقدير اول سنة
ولو كان بالتقدير بتتحسب ازاى

ع حب
كل جامعة بتختلف
يعنى مثلا القاهرة ع حسب التقدير حلوان مبتتوقفش ع حاجة

شكرا يا بر ا ء ة على الرد