|
اقتباس:
|
بص يا عم احمد قبل ما اقول اي حاجه انا ارفعلك القبعة علي شجاعتك انك تناقش الموضوع دا
نخش في الموضوع الفيلم دا انا شوفته يوم ماتش مصر وامريكا وكنت عند ابن خالتي كان هو مشغله علي الكمبيوتر وانا بتفرج علي الماتش انا من كتر ما الفيلم قصته شدتي مزعلتش علي الماتش وبعد الجون الاول روحت قافل التليفزيون واتفرجت علي الفيلم مع اني كنت معاهد نفسي مشوفش افلام لخالد يوسف وفعلا يمكن مشوفتلوش غير الفيلم دا الفيلم قصته فوق الرائعة واول فيلم تتفرج عليه متحسش باي نوع من انواع المبالغة فيلم واقعي كانك بتتفرج علي مصر من الشباك بتاع بيتك كنت معترض اتفرج عليه عشان هيفاء وهبي واتفجئت ان الجزء الاول كله مفيهوش اي حاجه خاالص ودخلنا علي الجزء التاني لقيت مشهدين او تلاته فعلا ملهمش اي لزمه ودا نقدي الوحيد ان خالد يوسف استخسر يطلع الفيلم نضيف الفيلم من قوة القصه وواقعيته انا عنيا دمعت في الاخر بالنسبة للناس المعترضه علي الفيلم ومشافتهوش انا عن نفسي كنت عايز افرجه لاهلي بس لولا الكام مشهد اللي في النص دا خالد يوسف مخرج حقير انا معاكوا في كدا بس انا مقدرش انكر انه بعد الفيلم دا يستحق لقب مخرج عبقري بس حقير:d موضوع رائع يا ابو رضا واكيد انا منور :d |
ايوه فعلا هو استخسر يطلع الفيلم نضيف
فعلا بس متبصش بس عاتي غير كده يا ضوء الشارد عاوزه اقول حاجه مافيهاش حاجه لما نتكلم عن بلدنا اننا تعبانين فيها ومش قادرين نعيش اذا كنت قادر فيه غيرك مش قادر فعلا والله انت متعرفش حاجه بجد اللي قدمه خالد يوسف ده اللي بيحصل فعلا وهيحصل حرام بجد انا نفسي اكتئبت من حاجات كتيره كل يوم علي طريق السفر بتاعنا كل يوم حادثه ومستعده اجيبهملك تواريخ كمان انه كل يوم حادثه ومحدش بيعمل حاجه يااما تلاقينا في ترعه يا في شجره يا مطب قلب العربيه دي حاجه في ناس مش لاقيه تاكل حتي العيش الحاف فيهناس بشوفها في الشارع بتمشي حافيه والله بقي هعيط مش هبقي لأ بعيط فعلا علي المنظر لاني مقدرش اتخيل نفسي كده فيه ناس بتتقتل فيه شباب عاوزين يشتغلوا وجواهم طموح كبير قوي قوي بس فين كله في الباباي الاقي واحده تقولي عاوزه اجره المواصلات ست عجوزه لا حول لها ولا قوه تقولي كده الاقي طفل بريء مالهوش ذنب مرمي في الشارع في عز البرد لابس لبس مقطع وبيعيط بذمتك مش حرام انا مش بقولك كده عشان استعطفك انا بقولك حال البلد دلوقتي ربنا يرحمنا برحمته |
اقتباس:
|
يا عم انا مقلتش ثوره ولا يحزنون
هنروح في داهيه:d سلام هكمل بعدين بقي |
نظرة اكتر من رائعه
لو تسمحلي اقول تعليق صغير بس ممكن يكتر مش عارف كلامي هيوصلني لحد فين :) اظن احنا كشعب وصلنا لدرجة من التحضر و التطور ومن الانفتاح اللي يخلينا مش نركز في حاجات صغيرة زي اللي بتحصل اصل يعني حرام نقول علي فيلم زي ده انو مش عاف لقطات حرمانية و مش عارف ايه انا معاكم ان هيفاء وهبي بتزود في العيار اوي و خالد يوسف عنده كل شئ مباح بس احنا المفروض متحررين من الرقابه يعني نتكلم في السياسة في اللقطات الجنسية في كل حاجة لان ده بقي سمه من سمات العصر ولا انتم عاوزين تعيشوا في جحر مع نفسكم؟؟؟لا فيه اللي بيتكلم في السياسة وفيه الجنس وفيه الدين وكل حاجة موجوده احنا لازم نبقي منفتحين شوية مش معقوله هانقف لو شتيمه اتقالت في فيلم او لو ظهر منظر مش كويس و اول سؤال ممكن حد يسالهاولي لو ختك قاعده جنبك وانت بتتفرج علي الفيلم .... الي اخره هاقلكم رد بسيط جدا اشمعني جيتوا عند ديه و وقفتم طيب ماهي الافلام الاجنبي شغاله 24 ساعه و كلها ..... وانتم فاهمين قصدي وبرضو اي فيلم تاني مصري مش اجنبي بيبقي فيه مشاهد من ديه لان الغرض الاساسي من اي فيلم بعد تقديم فكره او مناقشة قضية هو الايرادات وشباك التذاكر باع كام انهارده؟؟!!!وده مش هييجي غير انك تحاول ترضي اكبر عدد من الاذواق وطبعا كل ذوق حسب فكرة مرة منفتح مره ناصري مره اخوان مرة كذا ومره كذا انا اجمل حاجة بتعجبني في خالد يوسف او في مدرسة يوسف شاهين بشكل عام هي فكرة الرمز اللي بجد الواحد بيشوفها بيستعجب من العبقرية اللي عند الناس ديه انا لسه مش شفت الفيلم بس بنقدك ده انت هتخليني اقوم اشوفوا دلوقتي وارجع اديك رايي بس انا حبيت ارد علي كل من هو كاره لخالد يوسف او حاقد علي نجاحة السريع جدا جدا جدا جدا المشكلة ان الناس خلاص اتعودت علي سطحية الموضوع مش بقي عندها فكر انها تدو ايه اساس الفيلم اتعودت خلاص تشغل الغفيلم ايه ده بوشكاش محمد سعد اي بتنجان يلا ورينا الفيلم نضحك شوية طيب والفيلم كان اصلا بيحكي عن ايه اهو واحد بيجري ورا سلسله وتنتهي الاحداث كالعاده بان البطل ينتقم من اجل محبوبته وخلاص شكرا نشوفكم في الحلقة الجاية من سلسلة الضحك علي الدقون >>> حاسس ان السينما المصريه لم تصبح هوليوود الشرق ولكن اصبحت بوليوود الشرق ولمن لا يعرف بوليود فهي السينما الهندية اللي تتسم بثبات القصة في 99.9% من افلامها ده اذا اعتربتوها قصه اساسا ثم التحول الي الرقص الاستعراضي المشهور بدون اي مغزي وهكذا اصبحت السينما المصريه مجرد ضحك علي الدقون وربنا يعين اللي بيفكر امثالك :) معلش طولت عليك وافكار غير مرتبة بس وليدة اللحظة للاسف معلش بس هو كده يعني هاشوف الفيلم وليا رد تاني برب |
بسم الله ما شاء الله 3 صفحات و داخل على الرابع بص يا أستاذ أحمد .. مش هقولك خالد يوسف أفلامه مش كويسة والكلام اللى مش بيأكل عيش ده هو راجل واقعى فعلاً و بيناقش قضايا فعلاً و المستقبل المنتظر لمصر بس هقولك حاجة .. مهما كانت الواقعية والطريقة الهادفة للمخرج .. ماينفعش أبداً نفتح مشاهد بالمنظر ده معظم اللى بيدخلوا سينما مراهقين .. ومش فاهمين غرض المخرج ولا فاهمين قصة الفيلم .. بيتفرجوا وخلاص و أنا عارفة إنك من محبين محمد صبحى .. الراجل ده بحترمه جداً جداً لإن أعماله محترمة .. مافيهاش نوع من التجريح بالمشاعر ولا بالحياء .. راجل واقعى وبيناقض قضايا مهمة و إجتماعية وكمان بيجيب حلول لكن المنظر سورى يعنى القذر ده لعرض الفيلم .. لا هو أخلاق ولا هو هدف ولا هو موضوع ولا تقاليد عرب أبداً و لعلمك أنا متوقعة بالمنظر بتاعة الأفلام المصرى اليومين دول بعد سنتين هتبقى الأفلام سيئة لدرجة فظيعة كل مخرج بقى هيقول يلا نعمل فيلم فيه كذا وكذا وكذا و هتبقى هيصة على الآخر تعرف أنا لما فكرت إنى أدخل سينما من كام يوم الافلام اللى شفتها عربى بجد .. إتكسفت إنى ادخل أتفرج عليها و دخلت فيلم أجنبى تخيل يعنى مافكرتش اصلاً إنى أدخل عربى .. إحترمت الأجنبى عنه و مع إحترامى ليك يا أستاذ أحمد .. كفاية بس إن إعلان الفيلم بيجى على كل القنوات و من الأطفال للعواجيز بيشفوه و محدش يقدر يمنعهم ناقص إيه تانى الأطفال يتعلموه؟؟؟!!! ربنا يهدينا أجمعين .. و يرحمنا برحمته |
اقتباس:
هههههههههههه دي مزبله يااسلام فيه حاجات كتير مكنتش أعرفها بص يااسلام نص الكوبايه المليان لسه موجود ياتشربه ياتكسرها وتريحنا :d الموضوع بقي هزلي جداً بيفكرني بنكته قديمة اب بيقول ابنه كشرت بتمانشنج ولِزاما تبات حديد قاله بابا بابا يعني ايه حديد :d ده شئ طبيعي كل سنة وانت طيب |
اقتباس:
هههههههههههههههههههههه ذكاء السادات في حرب تلاته وسبعين ؟ مجلس قيادة الثورة والمُقربين لعبد الناصر بما فيهم هيكل أثبت بالأدلة القطعية إن حرب 73 كان مُخططلها قبل ما يموت عموماً عشان متفتكرونيش ناصري أنا مش ناصري لكن بشجع الفِكر الناصري جداً بالنسبة للسلبيات لما يبقوا الناس أصلا ً عرفاها تبقي يتقدملها حلول هو بيوجه أنظار الناس ومن ثَمَ التنويه عن خطورة الموقف ده لسه فيه ناس بتقولك الحاجات دي مش في مصر أصلا :d وبعدين عشان تبقي عارفه الهدف من بعض القصص دى هي إثارة الروح الشعبية علي الثورة عالم فاضية علي رأي إسلام شكرا لمرورك وإن شاء الله هنبقي نجبلك سلبيات من غير سلبيات يعني هتبقي الرواية مفيهاش ولا حرف يخدش الحياء :078111rg3: |
اقتباس:
حبيب قلبي بالظبط كدا وانا متفق معاك خالد يوسف زلاته معروفة بس بصراحة مشوفتش فيلم حلو ليه اكتر من الفيلم ده ياراجل ده انا استغربت هو ليه مأفورش زي حين ميسرة وهى فوضي :d |
بخلاف المشاهد الى فيه الفيلم قصته حلوه ويشدك
زى فيلم هى فوضى فيلم فيه مشاهد كتير مش كويسه بس ليه هدف بيوصله للناس وبيخليك تتشد للفيلم وتبقى عايز تتابعه وبعدين مش دول احسن من الافلام الكوميدى التافهه الى بتنزل كل سنه وبتحضك عالناس وخلاص يعنى الفيلم دا عندى احسن من عمر وسلمى بمليون مرة لان ليه قصه وليه رساله بيوصلها بخلاف طبعا المشاهد الى فيه |
اقتباس:
هههههههههههههه مفيش دولة بتفضح نفسها انت بتسمع اي حاجة في الحياة ياالضوء الشارد ؟ ولا بتكتفي بأفلام هنيدي ؟ :d ده نقل صورة للواقع بدون أي رتوش وربنا ياجماعة في اسود من كدا في مجتمعنا بس عشان المعظم ابوه موفرله الأكل والمصروف مش حاسس بحاجة إسلام رد عليك بوقائع متكتبش تخيلات وبعدين لما يسألك كويتي ولا مغربي ابقي قوله لالا ده كذب وإفتراء وبلدنا زي الفل عايشين في يوتيوبيا :d تقول تخيل ويبقي رأيك وشكرا لمرورك :) |
اقتباس:
هتبص للحل :d وبعدين حسب ما قرأت ابقي أقرأ الفيلم من الكاتب بتاعه ولما تقرأه ابقي قولنا وجهه نظرك بدرجة وعيك للعوالم دي :) |
اقتباس:
نقطة المشاهد الحرمانية انا معارضتش فيها لإني لو عملت حساب للدين لازم أوافق إنما نقطة الناس اللي بتتكلم وهيا مش فاهمه حاجة وكأنه فيلم جنسي ده اللي بيتعبني يعني ياريت ياجماعة اللي مش فاهم ف حاجة يتفضل مشكور يقول انا لسه مقرأتش او لسه مشوفتش او يقول انا مليش في السياسة وشغل الأدب والفِكر العالي عشان بس اللي عندهم فكرة يعرفوا يتناقشوا واللي مش عاجبه الفيلم يقرأ الرواية علي الله يفهمها كل واحد هيتحاسب عن نفسه وميقوليش يعني ايه شحاته مينتقمش وتبقي نظرة سطحية بحته :) |
اقتباس:
هههههههههههههههه احمد انتا بجد مصدق العباره دي بزمتك انتا شفت خطه تتحط قبل المعركه بست سنين بص ببساطه اكيد بوادر الخطه اتحطت ف عهد عبد الناصر يعني عبد الناصر بدء حروب الاستنزاف سنة 67 و 68 كان الغرض منها رفع الروح المعنوية للجنود المصريين وتكبيد العدو بعض الخسائر دا طبعا لحد معاهده اونكل روجرز بس اكيد الدور الاكبر ف المعركه كان للرئيس السادات يعني بلاش نسلب للراجل حقه كتوضيح السادات عين الفريق احمد اسماعيل كقائد للقوات العسكرية الراجل ببساطه درس الخطط اللي واضعتها القياده السابقه واستفاد منها بس الخطه اتوضعت ف عهد السادات يعني ممكن كأدله ع الموضوع دا ف نقط * ف عهد السادات قام قسم التاريخ بجامعه الاسكندرية تقريبا بعمل ابحاث عن اهم اعياد اليهود لاخيار الميعاد المناسب وقسم الجغرافيا بابحاث عن حركات المد والجزر للاستفاده منها وعن وضع الشمس ف اوقات النهار ف المنطقه يعني الشمس حتكون امتي ف مواجهة الجنود وامتي حتكون وراهم * تاني نقطه كانت فيه عمليه ايحاء فعهد السادات يعني السادات اعلن ان عام 71 عام الحسم كبدابة وبعدين محصلش حاجه فاعلن عام 72 وهكذا * تالت نقطه ف عمليه اايحاء كان ف ايحاء ان المصريين مش حيهجموا كانت فيه صور للجنود المصريين ع قناه السويس وهما بيمصوا قصب غير ان عمره رمضان ف سنة 73 كانت بتسير بشكل عادي والفريق حسني دا كان ف ليبيا ف الفتره دي ع ما اذكر * ممكن نقول برضه ان طرد السادات للعلماء السوفييت اللي كانوا ف مصر كان ليه هدفين 1 الايحاء برضه 2- جعل السوفييت يشعروا بالقلق اتجاه العلاقات مع مصر دا اللي خلاهم اكثر ليونه ف الصفقات :d مظنش ان دا كله كان مخطط ليه من عصر عبد الناصر اكيد فكره الحرب نفسها كانت موجوده بس الخطه نفسها صعب انسان عاقل يقتنع بكدا بس :d |
اقتباس:
لكن بإخراج ردئ وزي الزفت وكان التركيز علي الجانب الجنسي فيها جامد جداً لكن بخلاف دكات شحاته بجد خالد يُوُسف اتفوق علي نفسه المرادى وقدم حاجة كويسه جداً وزي ما قولت في البداية وإسلام قال اللقطات الساخنه لا تتعدي دقيقة مٌقسمة علي فيلم ساعتين |
اقتباس:
بصي كويس انك فتحتي موضوع جميل هيخلينا نتعرف علي جهل الأهالي اكتر كمان في البداية انا من عشاق محمد صُبحى فعلاً .. بس محمد صبحى مسرح .. والمسرح بيتسم انه بيتكلم بالإيحاءات .. كمان لما بيتكلم بيعرض وجهه نظره فقط مش غرضه إثارة الرأي العام وما إلي ذلك .. يعني الدويتو اللي هوا بيعمله مع لنين الرملي ( ناصري ) ههههههه .. دويتو عبقري وافتكر منه وجهه نظر دى حاجة الحاجة التانيه الإعلان دي طبيعة بروبيجاندا السينما يعني اللقطات اللي اتجابت ببطئ شديد دى أصلا لقطات المونتير مبطئها .. وكل لقطة لم تتعدى زي ما قولتلك كونها ثوانى .. نقطة كمان لما الفيلم وحش أوي كدا ليه كل العالم دى دخلت تتفرج ؟ مش ده جهل من الأهالي وإثبات إن مصر بتبص للعمل نظرة جنسية وكإننا حيوانات متخلقناش غير عشان ناكل ونعيش حياة حيوانية وبس .. كان مفترض عليه إنه يعرض حاجة بالشكل ده عشان .. وبنفس الوقت سحب الناس وقالهم لاء ملكوش عندي لقطات ساخنة .. ليكم عندى قصة .. ولما جيت اسأل الناس اللي دخلوا السينما قبل ما اتفرج عليه يقولي ده فيلم وحش مفيهوش مناظر ياعم زي ما معمول في الإعلانات :d ههههههههه لنا الله والله اللي عنده اطفال ياأسيل يقعد يربيهم ميتفرجش علي قناوت بتعرض حاجات فوق مستوى إدراكهم واللي يعمل غير كدا يبقي جاهل بأصول التربية شكرا لساحة الحوار :) نورتيني |
اقتباس:
هههههههه طبعاً مصدقها يابسام لانها بالنسبالي منطقية جمال عبد الناصر سنة 1970 شهر مايو تحديداً كان وقع علي خطة جرانيت وبتنص علي الآتي "(1) ـ العبور بخمس فرق من غرب القناة إلى شرقها على خمسة محاور والتمسك بخمسة رءوس كبارى فى الشرق ـ قد وضعت فى حياة «جمال عبد الناصر» الذى وضع عليها توقيعه بالاعتماد فى شهر مايو 1970، ثم طلب تطويرها إلى «جرانيت» (2) ـ الوصول إلى المضايق " وخلصت حياته هنا ومكملش واللي كمل الفِكر ده كان السادات وهيكل ( كتب التوجيه الاستراتيجي للسادات وناقشه السادات ووقع عليه في اول اكتوبر 1973 والتوجيه ده كان للفريق " احمد اسماعيل " وكان مُحدد فيه استراتجيات الحرب إذن فالجانب الأكبر في وضع الخطة والأسس لجمال عبد الناصر أما التنفيذ فالراجل مش بايده أصلا ً .. مات عايزين ايه اكتر من كدا :d لذلك فأنا بتكلم عن نقطة يابسام أنا مبسلبش الراجل جزء من حقه في شرف اكتوبر لكن الشرف أكيد مش كله ليه خلينا ندي كل واحد حقه السادات شخصية ذكية ومش فاهم مين اللي بيقول بتكرهوه ومين دول أصلا ؟ :D ههههههه انا فرد مش بكره السادات بس مش حابب الشخصية دي ومن قرارات كتير حصلت بسببه زي ما انا مش راضي عن عبد الناصر ف حاجات كتيرة بردو من ديكتاتورية وبعدين علي فكرة السادات بردو كان بيعتقل مثقفين ومنع هيكل من الكتابة في مصر مش الملاك الديموقراطي يعني ده كان بيضرب الناصريين بس وبيقضي علي الشيوعية والاشتراكية بالجماعات الدينية زي ما مش فاكر مين قال من شوية :d يلا ملناش دعوة مبحبش اتكلم في سيرة حد ههههههه منورني ياحج بسام |
انا من رايى ما كنش المفروض حد من الادراة يحط الموضوع ده ... اى حد هيخرج من الموضوع هيبحث عن الفلم علشان يشوفه يعنى انت دلوقتى لو قلت لحد فلم دكان شحاتة تفكيره كله هياجى فى ................
وعلى فكرة الفلم موجود دى فى دى (dvd) عند صاحبى ومش موافق ان انا اجيبه بس على ما اسمع انه فلم مش كويس فيه مشاهد كتير مش كويسة كفاية ان فيه واحدة زى هيفاء ومخرج غير محترم اسمه خالد يوسف وبعدين ا احنا فى بوابة الثانوية العامة يعنى منتدى طلبة ومدرسين وقليل غير ذلك نا اسف خدعوك فقالو بوابة الثانوية العامة > > > تحياتى |
اقتباس:
محدش يقولى حرب 73 وبتاع انت عارف الجيش المصرى فى حرب 73 المجيدة دخل عمق سيناء بكام كيلو 12 كيلو بس عارف ليه علشان مظلة الصورايخ اللى كانت موجوده عند القناة هى دى قدرتها تغطية 12 كيلو هو ده العمق اللى الجيش المصرى قدر يوصله لان لو كان دخل بعد كده كان الجيش المصرى ابيد من الطيران الاسرائيلى عارف ليه اسرائيل قالت سلام مع مصر علشان اسرائيل كانت واثقة ان اول ما السالدات هيحط ايده فى ايد بيجن القضية هتموت لان اكبر محرك للجماهير واكبر قوة عربية هتكون استسلمت ومدام الكبير سلم الصغير لزم يسلم منك لله ياسادات ضيعت القضية وكله علشان خاطر كارتر زى ما كان السادات بيقول |
ههههههههههههههه
انا مبحبش ارد ردود ملهاش لزمه او من غير فايده بس بما ان الموضوع فيه ردود كتيره مش مهمة فاخد استثناء :d اقتباس:
اكيد كان فيه اعتقالات وكبت ف عهد السادات صحيح مش بنفس الصوره اللي فعهد عبد الناصر بس كانت موجوده واكيد كانت فيه اخطاء بس اهم انجازاته حرب اكتوبر فمينفعش بكل تحيز نخليه انجاز لشخص تاني اكيد زي ما انت قلت بدايه الخطه كانت ف عهد عبد الناصر دا شئ اكيد بس ممكن اقولها تاني الخطه النهائية كانت ف عهد السادات يعني زي نظام وضع الامتحانات ف الكليات كل دكتور بيحط اسئله ف الجزء اللي شرحه رئيس القسم بيشوف الاسئله المناسبه وبيختارها اي خطه او اي حاجه فالدنيا لازم يكون ليها اساس او شئ ابتدت منه بس انا حاسس اني خرجت اوي عن الموضوع :d استحمل اشمعني انا اقتباس:
قرار الحرب نفسه مشملش اكتر من كدا القرار كان تحريك الوضع ف سينا واقامه جسور ع قناة السويس والوصول لمنطقة البحيرات المره ع بعد 12 او 15 كيلو زي ما بتقول الغرض ببساطه لما مصر تتفاوض ع السلام تتفاوض من موقع قوه لانه كان عارف صعوبة انه يحارب اسرائيل ف حرب طويله المدي ومن وراها طبعا الولايات المتحده :d وبعدين لازم نفكر ف النتايج احنا حققنا اللي احنا عايزينه الي حد ما :d لو الحرب كانت استمرت كانت من وجهة نظرك ايه الخساير المتوقعه سواء اقتصادية ودي الاقل اهمية او بشرية ودا الاكتر اهمية :d |
ايه ده فيلم عربي؟!!!!!!!!!!!!!!
بجد والله فيلم عربي انا مش مصدق نفسي بجد!!!!!!!! اخيرا فيلم عربي مش معمول علشان نضحك فيه!!!!بجد والله فيلم عربي قصته مش ان البطل يموت كل الناس ويشد البطلة علي الحصان الابيض و يطير >>> اسف احنا سنة 2008 هيشدها في لادا بيضا لو حالتة صعبة شوية او تويوتا كرولا المهم تكون بيضا انا مش مصدق نفسي ايه الاخراج ده!!!!!!!!!!!!!!!!!!!!! طيب والله معلللللللللللللللللللللللم يا خالد يا يوسف معلم من هنا لبكرة استاذ و رئيس قسم الراجل ده بعت الناس كلها مشوار و جابهم في الاخر علي مزاجة الراجل ده مثال لاي بني ادم ناجح عاوز يوصل لهدفة 1-عاوز يقدم قصة دراميه 2-عاوز يناقش مجموعة قضايا ومشاكل 3-عاوز يعرفنا مستقبلنا رايح علي فين 4-عاوز يعمل ايراد طيب يعمل ايه ماه والناس بتخش علشان السيكو سيكو او الضحك وخلاص طيب خلاص ارمي هيفا طعم السيكو سيكو خش الفيلم هيفا قاعده بقم ةالاحترام ده بوس الواوا كان انيل من الفيلم الصراحه كتبلنا مستقبلنا بطريقة حسستني فعلا الراجل ده بيتكلم بجد مش بيخترع علينا الدراما في الفيلم طبعا واضحه عند شحاته و بيسا و الفيلم العربي اللي كان بينهم وطبعا المشاكل وغيرهم ================================================== ===================== الفلاش باك :- يا نهار ابيض يا جدعان ايه اللي بيحصل ده فلاش باك في فيلم عربي؟؟!!!وصريح عادي كده ايه ده انا حسيت اني باتفرج علي فيلم امريكي اكشن علي حق والله يعني بجد حسسني ان الفيلم ده علي مستوي فيلم Next.حتي فيلم كامب وضح فكرة الفلاش باك بس بطريقة بسيطة اوي انما ده صريح عادي كده اخيرا فيلم مصري صرررررف بيحترم مخي؟!!!! السناب شوتس :- شوفت ساعت لما كان عاوز يورينا مشكلة العيش و الميا والمستشفيات عمل ايه الصور بتتاخد وبتتقلب وكانك في برنامج تلفزيوني بيخليك عايش الموقع وكانوا بيقول حرام عليكم فوقوا الموز هيتباع بالواحده ارحمونا بقي انتم مش عارفين ان شوية وهانبيع النيل وانتم لسه بتشروا ميه فدام المحلات!!!!!!!!!!!1 ================================================== ==================== الصراحه هيفاء وهبي مش كان ليها لازمة في الفيلم غير انها طعم >>> مش اقصد دورها لان دورها اللي يعتبر عليه قايم الفيلم كلوا فكرة ان مفيش انتقام و كده بس انا من رايي المتواضع جدا كان ممكن يستخدم ثمية الخشاب او اي واحده تانية غير هيفاء لان الاداء مش اقتنعت بيه نهاااااااااااااااااااااااااااااااااااااااااااااااا ااااااااااااااائي ================================================== ==================== احمد سعد والله انا عيشت جوا الفيلم بسبب اغانية السيره الهلاليه ديه اللي حدوته والله يعني الصراحه وهي ورا المشاهد كده مدية روح للقصه محسساك اه احنا دول احنا بتوع الربابة واحنا برضو اللي بنسمع ((حبة فوق وحبة تحت)) واحنا برضو اللي هنتخانق علي الميه ربط الحاضر بالماضي بطريقة جميلة اوي ساعه لما عمل الاحداث بالعكس علي الجرايد ================================================== ===================== الفيلم تافه انا اتخايلت بحد بيقول ان الفيلم تافه مش ليه لازمة وبتاه طيب تسمحلي ارد عليك رد بسيط اتمني تقراه ممكن تشوف الفيلم تاني بس هاحرقلك حاجة بسيطة شيل دكان شحاته و حط الوطن العربي شيل شحاته نفسة وحط مصر ... شيل حجاج وحط القومية العربيه((ركز في موضوع ناصر والشرخ كويس اوي)) مش عاوز اقول شيل سالم وحط مين بس اكيد انت هتفهم الباقي انما لو بعد ده كلوا مش فهمت مغزي اليلم يؤسفني اني اقلك ان الفيلم مش موجه ليك اساسا مع احترامي ليك ولشخصك ولفكرك بس ساعتها الفيلم عن جد مش ليك دعوه بيه خالص واتفضل تقدر تتابع اي فيلم تاني بدون رموز الفيلم مافهوش لقطات اباحية نهاااااااااااااااااااااااائي يعني انا مش عارف الدقيقه ديه انت جمعتها عافية علشان مش تكسف حد من الناس ولا ايه؟؟؟ ================================================== ==================== النهاية مش ممكن الطريقه اللي قفل بيها الفيلم اول مرة نهايه مش فيها البطل بيولع في الناس كلها وينقذ حبيبته اخيرا لقيت فيلم اتحرر من فكرة ان البطلة والبطل لازم يعيشوا في تبات ونبات و يخلفوا صبيان وبنات؟؟!!! البرص ده حدوته بقي بجد الواد ده عجبني اوي ورمز لحد مش باين بس اللي عاوز يعرفه يركز في الحته بتاع ةالاغنية الاخيرة يعني يركز في اللي بيحصل في البلد وهو هيفهم ايه موضوع ""ابقي مرة لو خليت حد فيهم عايش" مش عارف اقول ايه غير اشكرك خالد يوسف لانك احترمتني واحترمت تفكيري ================================================== ==================== واحب اقلك انا كان فيه حد بيتفرج معايا علي الفيلم بدون ذكر اسماء او حاجة اول ما الفيلم خلص قاللي هو مش قتل اخواته ليه من الاول؟؟!!!!!!!!!!!!! انا سمعت الكلمة طبعا ومش قادر امسك نفسي من الضحك بس اعمل ايه الافلام الهندي مش بتنقطع من عند الشخص ده اه والله فكرتوني بفيلم هندي واحد لقي طفلة في الشارع اخدها رباها واتخطفت منو و رجعها تاني و كبرها وفي الاخر اكتشف انها امه(والدته يعني) اظن الكلمة الاخيرة مفهومة يعني وعرفنا طبعا انا اقصد ايه شكرا علي النقد الجميل جدا جدا جدا جدا جدا جدا جدا وانا مش عاوز اخش في حوار سياسي معاكم لاني مش عشت لا عصر عبد الناصر ولا عصر السادات انا قريت وشوت عنهم بس انا اتولدت في عهد مبارك وشكلي هاموت في عصر مبارك او جمال!!!!مش فارقة كتير بس انت شفت ساعة الانتخابات الراجل اللي راح لكرم علشان يديلوا الفلوس؟!!!الراجل ده مش بتشبه عليه شبة حد نعرفة؟؟!!! المهم يعني انا واحد من الناس لا تبع ناصر ولا السادات ولا مبارك ولا اي حد انا رئيس جمهورية نفسي >>> وسعت ديه المهم بجد والله انا عارف ان لكل حاكم سقطاته وذلاته بس المهم انو يكون بيعمل للاصلاح اكتر مش يبقي بيفسد ويقلك شفافيه ناصر طبعا مهما كان قصده بالمعتقلات انو يحجم البلد بس برضو لا هو غلط في حرب اليمن شوف خسرنا قد ايه بس مع ذلك معلم وهو ليه يد كبير في موضوع حرب 73 يعني اللي بيدي كل حاجة للسادات لا معلش كل واحد ياخد حقة ناصر حط الاساس صح اوي والسادات كمل ولو الاساس كان غلط كان السادات اتسوح طبعا السادات كان صح بس كامب ديفيد استهبال رسمي لان معناها اه موافقين علي التطبيع وبايعين القضيه!!!!!!!!!!!!! مبارك بقي عامل يدي في ديموقراطيه من هنا و طوارئ من هنا بسم الله ما شاء الله مش محرومين من حاجة الحمد لله الراجل هيقطعع نفسو يعني مش كفاية شايل همنا 25 سنه والبقية تاتي يعني ده من خوفوا علين هيسيبنا في رقبه ولاده يا جماع هراعوا الراجل برضو عايز يسيبنا في ايد امينه؟؟؟بس المشكلة ان محدش لغاية دلوقتي عارف مين امينة هل هي مرات سي السيد ولا امينه غيرها؟؟!!! عموما لازم تاخدوا بالكم من علم السفارة اللي كان علي دكان شحاته وانتم تفهم الرمز الاخير وتشوفوا مين باع القضيةو مين اشتري نفسه ورمي نفسه في وسط العساكر علشان دكان شحااااااته محدش يقول ان الفيلم بيسئ لسمعه مصر بس عفوا الفيلم للي بيفكروا فقط شكرا!!! برب |
اقتباس:
عظيمة يامصر ياأرض الأنن ربنا يطلعنا من اللي جي علي خير والله حسبي الله ونعم الوكيل ظالم شكرا ليك يااسلام |
اقتباس:
الموافقة من الأول علي التطبيع كانت سر الخراب والفساد علي الأقل لو الواحد كان حارب حتي وخسر كان كفاه شرفاً انه عمل اللي عليه ياعم بسام مش قاعد كدا زي دلوقتي يلا الله المستعان شكرا لمرورك |
اقتباس:
تسلم ايدك نظرة جميلة وشاملة منورني ومنور الموضوع :) |
اقتباس:
ربنا يبارك فيك يارب احلي حاجة كدا من قال no comment فقد أفتي :d بحترم اللي زي حضرتك جداً شكرا لمرورك :) |
صباح الخير انا ماسمعتش اسم الفيلم غير لما سمعت الاغنية على اساس انها كلمات جمال بخيت بس ماكنتش اعرف بتاع مين ولا مين الممثلين ولا اى حاجة من الكلام ده ومافهمتش من الكلام حاجة لان مش فيا دماغ اركز او مش عايزة اركز وماكملتش كل الردود فيه حاجات اسلوبها مش عاجبنى بجد لكن واضح ان ده بقى العادى !! :bosyht9: اقتباس:
ضحكت اوى عالجملة دى مع انى مش فاهمة حاجة .. بس ضحكتنى ايه اللى جابنى هنا اصلا :d اقتباس:
او زى ما استاذ احمد قال عشان يجذب الجمهور المصرى .. بتحسسونى ان المصريين دول مجرد حيوانات !! بجد فيه شوية حاجات لما باسمعها باحس انى ماتعاملتش مع مصريين قبل كدة !! بالشفا :bosyht9: لو وصلت ف الاجازة لحالة الملل اللى تخلينى مش لاقية حاجة اعملها هاقرا الرواية كان المفروض انى مش هارد اصلا بس لما حاجة بتستفزنى .. مش باعرف اسكت رغم ان الرد مالوش اى لازمة :d لكن شكرا يا استاذ احمد على الـ ( نظرة ) اللى مش ( دعوة ) !! ومش شكرا على الجمل اللى اتقالت ف نص الكلام !! :bosyht9: |
اقتباس:
هههههههههههه العفو انت تؤمري بس ياريت لما تيجي تبقي تكتبي حاجة مفيدة ( حتي لو مختلفة ) ولو مجيتيش ياريت تشرفينا بوجهه نظرك القائمة علي معرفة بالفيلم أو الرواية بالتحرير ولا حاجة شكرا :) |
انا كتبت رد مطول امبارح بس النت ساعتها فصل للاسف
ما عليك انا من رأيى المتواضع ان الفيلم ده حتى وان كنت شايف انه ايجابى فهو كغيره من افلام تانية كتير غرضها تجارى فى المقام الاول بيحاولوا يضحكوا ع الناس عن طريق ايهامهم بان الفيلم بيناقش معرفش ايه ودى حاجة مهمة هتغير الكون يعنى وبصراحة اساسا الناس بتتلكك تقولها قضية وبتاع ما تصدق تموت هى فى النوع ده يومين بالظبط والايجابيات اللى انت طلعت بيها دى هتتنسي وهيفضل ف دماغك الكام مشهد دول وعموما انا شايفة ان هايفة عملت الفيلم الى نفسها فيه وبعد ما الفيلم اللطيف ده اتعرض .. ممكن تعرفنى يا احمد ايه اللى الفيلم غيره يعنى ايا كانت القضايا الى بيناقشها؟ وطبعا اشكرك ع مجهودك لكتابة الموضوع شكلك تعبان فيه وبعيدا عن اى حاجة لفت نظرى بشكل عام اسلوبك فى كتابة الموضوع ما شاء الله عليه عجبنى |
اقتباس:
أهم حاجة احبها في المناقشة الهدوء ووجهه النظر وده متوافر في ردك ماشاء الله وطبعاً لازم أرد عليكي بنفس المنطق احنا مقولناش إن الإيرادات دى شئ فرعي لاء ده من أساسيات الفيلم بس صدقيني رواية دكان شحاته غير كل الروايات اللي موجودة قبل كدا وتنفيذها كان باستخدام هيفا طعم للناس عشان الايرادات بس صدقيني الكام مشهد دول اقسم بالله ما فاكرهم أصلا مش فاكر غير الجمل الرمزية اللي اتقالت وموت شحاته وكلماته الأخيرة وصوت احمد سعد بالنسبة للي غيره الفيلم فطبعاً أثار طبقة من اللي شافوا الفيلم عاطفياً ووجه انظارهم لقضايا كتير يابراءة انتي مش مقتنعه أصلا ان فيه ناس لغاية دلوقتي فاكره نفسها في يوتيوبيا بجد وعلي الأقل خالص إن مكانش له تأثير فعلي ومرتب فعبر عن وجهه نظره بالنسبة للنظام وده شئ يُحترم عليه فعلاً في نظري رواية رائعة لا شك ولاجدال إنما الفيلم قد نختلف عليه حسب رؤيتنا ياريت تبقي تحاولي تقريها يابراءة إن شاء الله هتعجبك شكرا للمرور الهادئ ده :) |
معلش بقي النظرة التانية للفيلم المرة ديه انا شةفت الفيلم من غير الشخص اللي قلتلكم عليه بس اتفرجت مع والدتي (الناصريه جدا جدا) و اختي اللي مش ليها علاقة بالسياسه نهااااااااااااائي
================================================== ================= المهم يعني انا حاولت افسر رموز زياده في الفيلم يعني ده اولا فهحاول احط لسته كده بكل واحد في الفيلم بيمثل ايه دكان شحاته : الوطن العربي اللي بيجمع الاخوه حجاج : ممكن تقول القومية العربية او ناصر لان اساسا كلنا عارفين ان ناصر اساس القومية العربية شحاته : مصر و الشعب المصري بيسا : حلم شحاته يعني احلام الشعب المصري سالم و طلب : الدول الحاقده (مش عاوز اقول اسماء بس كلوا هيوضح في الجملة اللي جايه) كرم : ممكن تقول الولايات المتحده ممكن ناس تختلف معايا بس لو بصيتلها شوية هتلاقي ان هو اللي معاه حلمنا وهو اللي عمال يتكلم في يموقراطية الانتخابات وهو مش ليه في الموضوع اساسا!!!! الخاتم والساعه : ممكن يكون محدش خد بالة بس الخاتم بتاع سالم ده البترول(سامعين البترووول) و الساعه (قاعده عسكرية امريكيه في دول عربية سالم قايم بدورها)<<< ياتري مين؟؟؟؟ فراج والله مش متاكد من لاسم بس اقصد اللي هو كان معاهم معاهم عليهم عليهم اللي كان مدي الشقة لكرم : ده بيمثل قناة الجزيرة واللي كان مدي فرع لامريكا جوا البلد واللي يفهم براحته الدكتور(عبد العزيز مخيون) : ده بيمثل الحكومه ممكن لان لو بصينا كان بيتكلم مه حجاج(ناصر) بكل حرية ويتناقشوا وكده ابن الدكتور : اولاد كبار رجال الدولة والناس اللي راحت تتعلم برا ونسيت بدلنا علي ايه وباعت القضيه(الدكان) بتمن رخيييييص اوي طلب : ديه دولة عاوزة مصلحتها اولا و بعدين القومية العربية((وضحت اوي في مشهد الموت)) نجاح : ديه ممكن تاخدها بمعاني كتير بس انا عن نفسي حبيت اخدها علي اساس انها مثلا الدولة الاسلاميه اللي عاوزة تضمهم علي بعض طبعا مش محتاج توضيح(هات صورة الريس علي جنب علشان تداري الشرخ) يعني ديه بسطت والدتي اوي الكلمة ديه الباشا بتاع الانتخابات : اظن الصورة مبينه هو مين الدخله البلدي : طبعا ****** الاحلام و الاتجار بيها يعني ده واضح اوي وسط تشجيع من الامم المتحده(كرم) البرص و رجالته : ممكن تاخدها من ناحيتين ممكن تاخدها الامن المركزي اللي يقلبها ضلمه علي اللي ييجي ناحية مصر بس في نفس الوقت كان عاوز يعورة و كان بيطرده من الموقف وممكن تاخدها ان البلطجيه هم اللي هيمسكوا البلد (سواء بلطجيه او متشددين) ازمة العيش و المياه و الموز و غيرها : بيقلكم ان خلاص الناس عدت خط الفقر و داخله انها تعيش في المقابر يعني خلي عندكم دم امممممممم في شخصيات ايه في الفيلم تاني؟؟!!!! اه ساعة القبض عليه بسبب الختم والتزوير ده كان بيوريك ان العبارة بتغرق الموضوع ده والناس طالعه يتفرجوا علي ماتش الاهلي والزمالك >>> خدت بالك من التزامن؟؟!!! العلم الاسرائيلي علي دكان شحاته اترفع يارب الناس تفهم!!!!!!!!! هازود عن كده ايه انت اصلا قايل ده كلوا بس قلت احرق الفيلم خالص ================================================== ===================== للاخت Souhaits الجمهور المصري مش مجرد حيوانات شهوتها بتحركها لا معلش بس ده فيلم (سينماااااااااااااااااااائي) يعني لازم يكون فيه ايرادات ولازم يرضي كل الطبقات طيب المشكلة انك بنت عارفة انتي لو ولد زينا كده وسالتي صحابك قلتيلهم شوفت فيلم دكان شحاته امبارح نصهم هيقلك (وهيفا كانت عامله ايه؟؟) وده اللي اتقاللي بالنص من ناس كتير اوي الا من رحم ربي لان خلاص الناس ديه موجوده فعلا فمش نتهرب من الواقع يبقي لازم نديهم اللي عاوزينو علشان يدونا الايراد ولا احنا هننتج علي الافلام علي حسابنا ومش ناخد اللي صرفناه حتي؟؟!!!!! ================================================== ===================== معلش يا احمد والله انا اسف اني كتبت اكتر من رد و فسرت الفيلم في موضوعك انت بس انا قلت يعني نكمل باب المناقشة سوا واعذرني متابع معاك في الموضوع وعاوز ارد علي اي واحد يشكك في الفيلم ومصداقيته ؟؟تسمحلي؟؟؟؟!!! برب |
اولا عشان انا بنسى شكرا على التوبيك بجد لطيف اوى ثانيا عشان بنسى بردو حضرتك كنت قولت ان فى الاجازة هيبقى فيه برنامج حضرتك عامله و حاجات لطيفة كده ياترى البرنامج هو نقد الافلام و كده هو هيبقى شىء مفيد بالنسبة لى لانى مش بدخل افلام عربى لانى مش بسمع و لا بفهم نص الكلام بس ما علينا يعنى مش قضيتنا بس بجد هل هو ده البرنامج اللى فى دماغ حضرتك؟ ثالثا لو هتكلم عن الفيبلم انا كل معلوماتى عنه هو الكلام اللى حضرتك قولته و دى نظرة زى ما حضرتك قولت و اكيد نظرة شخص عن شخص اخر هتفرق بمعنى انى لو قلت لك(اسمح لى انى اقول من غير حضرتك عشان الوقت و المجهود و تررم)المهم لو قلت لك طلع ميزة فيا ان وجدت هتقول حاجة لكن س قد يقول نفس الحاجة و قد يقول حاجة تانية خالص و كذلك بالنسبة للعيوب يعنى زى المثل ما بيقول صوابعك مش زى بعضها حضرتك واضح انك تؤيد فكر عبد الناصر و ده شىء انا اتفق معاك فيه بس مش معنى انى او ان اى حد تانى مؤيد ل س من الناس يعنى انا ضد ص لان دى مش هتبقى طريقة للتعايش لو كان ا/خالد يوسف ناصرى فايه الداعى اللى يخليه يقول(او بمعنى اصح يومىء)ان السادات دخلنا مشكلة مش هنخرج منها و بعدين احنا ليه اصلا بنعتبر ان التطبيع مشكلة سواء كنت مطيع او غير مطبع فده امر واقع و ازاى بنقول اننا مش عنصريين (ده كلام الحكومة)فى الوقت نفسه اللى بنرفض فيه وجود شعب زى الشعب الاسرائيلى مقدرش انكر كل الحاجات اللى بتحصل لكن ايا كان طالما الناس دول ليهم صفة الادمية يبقى لازم نتعامل معاهم من المنطلق ده "الادمية" تانى بوينت احب اتكلم عنها فكرة انه استخدم ايحاءات و كنايات للاشياء زى المحل و بيسه ..الخ و كمان نقطة سنة 2013 دى هل ده جبن و لا نوع من انواع عديها الناس لبعضيها سورى لو كانت العبارة فجة شويتين متاسفة بجد بس يعنى هو ليه مخلاش كلامه و رجله على الارض ليه ركب الة الزمن و راح بعيد و ايه عرفه اصلا ان الحال هيفضل زى ما هو مش يمكن حاجة تتغير فى ظل ان بقى فيه وعى سياسى الى حد ما و مناخ شكله من برا فيه بربع جنيه حرية يعنى بردو لسه فى امل كفاية كده عشان انا ايدى وجعتنى بصراحة ان شاء الله ان عشت و كان لى عمر هبقى ارجع و اكمل الرد تانى فى امان الله |
اقتباس:
السلام عليكم ورحمة الله وبركاته عشان بنسي انا كمان :d أولا ً : طبعاً ده بعيداً عن البرنامج الثقافي اللي كنت بفكر فيه وللأسف لسه بحاول أجمع البرنامج فمش عارف ايه ظروفه بالنسبة للفيلم خالد يُوُسف له كل الحق إنه يعبر عن فكره زي ما هو عايز المُدافعين عن السادات يقدروا بردو يعملوا فيلم ويدافعوا عنه وينقدوا عبد الناصر دي حرية رأي وعلي فكرة الناس دي لما بتتكلم بتتكلم بناءاً علي وثائق مش بتهجص ياأخت لمى وفعلاً السادات هو أول من باع القضية وأول من وافق علي التطبيع ودخلنا في حوار لغاية دلوقتي ولغاية بعد كدا هنفضل نعاني منه لذلك فدى حرية رأى بناءاً علي وثائق ممنطقة بالنسباله -- بالنسبة للعنصرية فده كلام مين ؟ ده كلام ناس بتتمسح ف العلم والفِكر من بعيد مفيش حاجة اسمها شعب إسرائيلي لو عايزينا نعترف بيهم مش يجوا يسرقوا ارضينا ونقول منبقاش عنصرين ونعترف بيهم لو بلطجية دخلوا بيتك وباباكي خرج وقال ياجماعة نعمل صلح ويقعدوا في البيت معانا هتقولي عنصرية ومش عنصرية بردو ؟ الحكاية ترميز لنفس الحكاية الواقعية يا لمى وبعدين اسألي نفسك مين اللي بيفرض نفسه لما يحاولوا يبيدوا الفلسطنيين والأطفال والأبرياء دي طريقة تستأهل اننا نتعامل معاهم تعامل عادل ونبص لآدميتهم أصلا ؟ -- ههههههههههه تاني بوينت فده انتي ممكن تكوني معذورة فيه ياأخت لمى الأدب والفن مينفعش اوجه حاجة مباشرة فيه حاجة اسمها الترميز .. كل المحاولات الفنية أو الأدبية اللي بتبقي توجيه مُباشر فهى فاشلة فشل ذريع وبتخرج عن نطاق الفنون والآداب لو اهتميتي بالادب شوية هتاخدي بالك من النقطة دى -- بالنسبة لـنقطة 2013 فدي رؤية مُستقبلية خالد يُوُسف والعربية بتاعت الإنتخابات ماشية جاب الناس اللي جايين يزوروا في الانتخابات وفي الخلفية " نعم مبارك " إذن فلازم يتعامل بالإيحاءات مينفعش يتعامل بالمُباشر لان دي دولة متخلفة متفهمش حاجة في حرية الرأى انصحك بمتابعة مجالات الأدب علي الأقل عشان تُدركي معني " الترميز " -- أمل في تلت سنين ؟ دي سُعاد مش أمل :d بصوا للواقع شوية واطلعي فوق سنة واقري مشاركة إسلام بالنسبة لحال البلد وشوفي الاحوال دي وصلنلها في اد ايه امال تصليحها بقي ف اد ايه :d -- شكرا لمناقشتك الهادية مبسوط جداً بيها :) |
احم احم جميل الموضوع ده من اول العرض لغايه الردود صحيح فيها ردود بتورى ضعف فى جوانب كتير عند البعض بس اغلبها بيناقش بفكر و هدوء المهم ندخل فى الموضوع انا صراحه بعد الموضوع روحت قريت نقد عن الفيلم فى حتت كتير بس لاقيتها فعلا ان اغلبها بيشترك فى النقط الاساسيه مع احمد من حيث القصه الممتعه و الايحاءات فى العرض و امكانيات الاخراج كانت الى حد كبير كويسه و شرحه التمثيل كتير لما دخلوا اتفاجأوا بالطريقه الى مثلت بيها هيفاء وهبى الدور كأول عمل سينمائى ليها و بالنظر لتاريخها الفنى المشرف :d .. .. .. .. عامه انا حبقى ادور على الروايه مع ان هنا فى حاله تقشف ثقافى و مش حلاقيها مطبوعه ابقى ادور عليها فى النت بس مش عارفه عندى فضول عجيب ادخله الفيلم ده ذنبى فى رقبتك :d .. .. .. موضوع جميل فعلا و اجمل ما فيه مناقشاتك مع اسلام و بسام مش حزود عليهم حاجه ;) شكرا على الموضوع مع انى اول ما شوفته كان طالب معاايا احذفه :d يلا فى رعايه الله |
اقتباس:
كامب ديفيد = بيع القضيه = التطبيع = بيع فلسطين وسوريا و بيع كل الناس هل ديه عادي كده يعني؟!!!!يعني نبيع القضية اللي ناصر عاش سنين علشان يحلم بيها!!وعملهلنا في الاخر بعد ما عرفنا القضية وشربناها ييجي السادات في يوم وليله يقولوا يلا يا ناصر انت مت وخد معاك احلامك بلا قومية بلا عربيه عنصريه!!!!مين قال عنصرية الشعب الاسرائيلي ده حبيبي حرام عليكي ده شعبان عبد الرحيم الجاااهل قال انا باكرة اسرائيل عيب عليكي وانتي متعلمه تقولي نقبل شعب زي ده الشعب ده ميعرفش يعني ايه عهد والتاريخ من ايام الرسول اخ اسف انا قلت شعب لا ده مش شعب ده مجرد مجموعه افراد مشتتين في الارض تجمعوا علي حلم واحد انا باتهيالي انتي متعرفيش الشعب ده حلمو ايه ارض الميعاد انتي عارف العلم فيه خطين زرق ليه؟!!!! النيل والفرات وافهميها براحتك بقي!!!!!!!!!!!!! صفة الادميه!!!!دول عندهم ادمية؟؟!!!اه يمكن علشان بوش وشعر و فيهم روح زينا؟؟!!!طيب ما الخنازير كده برضو تصدقي؟!!!برضو جسم وروح والله حرام علينا نقول عليهم خنازير ده الخنازي تقرف والله ادمية؟!!!!هما عندهم ادمية هم الاطفال دول دمهم ببلاش الشيوخ والنساء دول ببلاش بقية نقطك احمد (برومثيوس) جاوب بطلاااااااااااقه مقدرش ازود انا اسف لو كنت شديت في الرد ولا حاجة بس علشان دمي بيغلي من كلمة عنصريه ههههههههه يعني انتي متخيله لو احنا عيشنا معاهم في امان هيسيبونا في حالنا؟؟!!!!!! النيل والفرات لسه بيداعب خيالهم ومش هيسكتوا غير لما يوصلولوا ياريت تراجعي حساسباك تاني في وجهة نظر من ناحية حثالة الارض وشكرا برب |
المشاركة الأصلية كتبت بواسطة لمى 2016 http://www.thanwya.com/vb/life/buttons/viewpost.gif
اولا عشان انا بنسى شكرا على التوبيك بجد لطيف اوى ثانيا عشان بنسى بردو حضرتك كنت قولت ان فى الاجازة هيبقى فيه برنامج حضرتك عامله و حاجات لطيفة كده ياترى البرنامج هو نقد الافلام و كده هو هيبقى شىء مفيد بالنسبة لى لانى مش بدخل افلام عربى لانى مش بسمع و لا بفهم نص الكلام بس ما علينا يعنى مش قضيتنا بس بجد هل هو ده البرنامج اللى فى دماغ حضرتك؟ ثالثا لو هتكلم عن الفيبلم انا كل معلوماتى عنه هو الكلام اللى حضرتك قولته و دى نظرة زى ما حضرتك قولت و اكيد نظرة شخص عن شخص اخر هتفرق بمعنى انى لو قلت لك(اسمح لى انى اقول من غير حضرتك عشان الوقت و المجهود و تررم)المهم لو قلت لك طلع ميزة فيا ان وجدت هتقول حاجة لكن س قد يقول نفس الحاجة و قد يقول حاجة تانية خالص و كذلك بالنسبة للعيوب يعنى زى المثل ما بيقول صوابعك مش زى بعضها حضرتك واضح انك تؤيد فكر عبد الناصر و ده شىء انا اتفق معاك فيه بس مش معنى انى او ان اى حد تانى مؤيد ل س من الناس يعنى انا ضد ص لان دى مش هتبقى طريقة للتعايش لو كان ا/خالد يوسف ناصرى فايه الداعى اللى يخليه يقول(او بمعنى اصح يومىء)ان السادات دخلنا مشكلة مش هنخرج منها و بعدين احنا ليه اصلا بنعتبر ان التطبيع مشكلة سواء كنت مطيع او غير مطبع فده امر واقع و ازاى بنقول اننا مش عنصريين (ده كلام الحكومة)فى الوقت نفسه اللى بنرفض فيه وجود شعب زى الشعب الاسرائيلى مقدرش انكر كل الحاجات اللى بتحصل لكن ايا كان طالما الناس دول ليهم صفة الادمية يبقى لازم نتعامل معاهم من المنطلق ده "الادمية" تانى بوينت احب اتكلم عنها فكرة انه استخدم ايحاءات و كنايات للاشياء زى المحل و بيسه ..الخ و كمان نقطة سنة 2013 دى هل ده جبن و لا نوع من انواع عديها الناس لبعضيها سورى لو كانت العبارة فجة شويتين متاسفة بجد بس يعنى هو ليه مخلاش كلامه و رجله على الارض ليه ركب الة الزمن و راح بعيد و ايه عرفه اصلا ان الحال هيفضل زى ما هو مش يمكن حاجة تتغير فى ظل ان بقى فيه وعى سياسى الى حد ما و مناخ شكله من برا فيه بربع جنيه حرية يعنى بردو لسه فى امل كفاية كده عشان انا ايدى وجعتنى بصراحة ان شاء الله ان عشت و كان لى عمر هبقى ارجع و اكمل الرد تانى فى امان الله |
اقتباس:
تصليح ايه يا احمد بص انا جيبلك خبر علشان تعرف انها خربانه اقتباس:
وكانت وراء عزله من وزارة الاسكان فى التعديل الوزاى الاخير يعنى من الاخر مسكه القط مفتاح القرار وعايزها تتصلح دول شلة حرمية فى بعض والله يابنى :d |
مع احترامى ليكم ياجماعة انا مش مأيدة اللى اسمه خالد يوسف
دة خالص طيب شفت حضرتك القطعة اللى هيفاء بتعدى والصوفيه بيقروا قران وبتتعدى عليهم بالفظ وحش جدا ياجماعة بلاش نبقى كدة ايوة القصة هادفة جدا بس مش هيفا اللى تعملها وتعملها كدة بالشكل دة والطريقة دى فعلا وشكرا |
يعم سيبك انت
وربنا انت فنان اجدع صحفى ميعرفش يكتب المقال دا |
اقتباس:
على رأى اللى قال يا ابو حميد سيبك انت الكتيت كتيت :d رغم أنى معترض على رؤيتك للفيلم يا ابو حميد .. بس هو الفيلم ده هو المشكله يعنى ؟!! اعتقد ان رؤية السينما الايام دى نفس الرؤيه اللى مُعترض عليها :( من مشاهد وحاجات تانيه كتير خارجه عن نطاق الأدب والذوق العام .. بس يمكن يكون اعتراض مش اكتر .. يلا هى جات على دى :blush: |
الفيلم رائع للغاية
معظم افلام خالد يوسف لها طابع سياسى بما ان الحكومة شافت الفيلم ( ايام مشكلة الرقابة ) من المنتظر ان تتحرك فى محاولة لانقاذ مصر مما يراة المؤلف والمخرج بل وما يراة المصريين اجمع, اشعار جمال بخيت كانت مؤثرة جدا فى الفيلم والصوت كان رائع. اشكر كل من ساهم فى اخراج مثل هذة الروائع الى الواقع . |
بلا هيفاء وهبي بلا خالد يوسف
الاتنين وحشين ومش بحبهم |
انا سعيد جدا بالمنقشه الطيبه دى بارك الله فيكم جميعا
فى رعاية الله |
اقتباس:
الرأي الصادق الحقيقي اللي انكتب ... والله بحييك عليه |
يعنى الفيلم مدته ساعتين معترضين على مشهدين فى دقيقتين
سبته كل احداث الفيلم وركزته فى المشاهدين مع احترامى للناس اللى سابت كل الفيلم واتكلمت عن المشاهدين دى ناس مش لقيه حاجة تتكلم فيها او مش على مستوى الحوار اصلا علشان تسيب فيلم بالشكل ده مليان زخم من النقاش وغيره ويتكلم فى مشاهدين لهيفاء ما انتوا بتتفرجه على الاعمال الاجنبية وبتكون ماليانه مشاهد ومناظر وبعد الفيلم تقوله كان فيلم رائع فيلم محصلش ولا هنا حصل وهناك محصلش لسه عالم فاضية صحيح |
الفيلم الشئ الوحيد الواقعى فية
البلطجية واذمة الغذاء لكن الاستكانة وباقى الاحداث صعب حدوثها |
ياجماع والله بجد المفروض نشكر احمد رضا بجد فناااااااااااااان والله بجد هو البطل بتاع القاعده دى هههه
والله كلا م جامد عرض فظيع بجد ربنا يعليك يابنى وبعدين فيه حاجه انا سمعت الفيلم وعارف والله ان هيكون فى مشاهد مش كويسهفهتعمل ايه وهتنقد مين ده موضوع خلاص لسه هنقول الفلم فيه وفيه انت متسمعش الفيلم وخلاص بقى معلش كل الافلام كده عربى اجنبى هندى اى حاجه ياراجل دا حتى الاعلانات انت بتكلم من ناحيه الدين يبقى بجد مينفعشى تبص لواحده وهو ده المفروض نتكلم فيه اللى هو الدين لاننا مجتمهناش الا من خلاله ولا عايشين الا عشانه صح ولا ايه لكن انا يعنى الحمد لله ملتزم شويه يعنى سمعت الفيلم ولما تيجى حته كده بروح مقدمه وخلاص يعنى فكره الفيلم مش هتروح يعنى واصلا هى معروفه يلا بقى لينا راى |
اقتباس:
يعني مثلا الكنايات اللي استخدمها في الفيلم ديه مش حقيقية؟؟؟يعني مش السادات وقعنا في مشكلة كبيرة بناعني منا لغاية دلوقتي مش هو اللي دخل علينا فرة التطبيع برضو؟؟!!مش ناصر هو اللي كان دتيما بيداري الشروخ اللي في مجتمعنا وبيحلها من غير فضايح؟!!!! يعني بزمتك مش شايف غير دول بس؟؟يعني مثلا مفيش دول عربية شقييييييييقه بتنهش في احلامنا؟؟؟ برب |
انا مش عارف اقول اية بس ؟! خايف لو اتكلمت انفعل واتجاوز حدودى مع ناس ربما يكونوا صالحين .
اللى ممكن اعمله انى ادعو الله عز وجل : اللهم من اراد بالمسلمين خيرا فأعينه , ومن اراد بالمسلمين شرا فأهلكه |
اقتباس:
ههههههههههههههههههههههههه الله يااسلام احب التفاؤل بتاعك ده كلامك علي رأي كركر :d ربنا يسترها معانا ويستأصلنا من الجهل ييستأصل الجهل منا :d |
| جميع الأوقات بتوقيت GMT +2. الساعة الآن 01:30 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.