|
اقتباس:
للأكاديمية كاختبار روتينى يضمن معرفة المعلم ببعض المصطلحات والتعبيرات التربوية والمتعلقة بتكنولوجيا التعليم بشكل عام كما فهمت .. يعنى اختبار روتينى أو عابر كما أعتقد لكنه لم يذكر الحصول على شهادة ( التويفل ) من قريب أو بعيد |
اقتباس:
أستاذنا الفاضل أقصد أن الفكرة روادتني في تجميع كل المتعاقدين في صفحة واحدة وربنا أرسل لنا صديق عزيز زاي حضرتك لتنفيذ الفكرة لتعم المنفعة ولا أقصد التقليل من شأن تنفيذ الفكرة إطلاقاً وآسف إذا كنت جرحت إحساسك ولمعرفة المزيد عن أرجو الدخول على هذا الرابط لأستفيد من مشاركاتك وإسهاماتك http://www.thanwya.com/vb/showthread.php?t=133539 |
اقتباس:
والصفحة دى ملك لينا كلنا مش لحد معين وطبعاً كل واحد بيدخل يقول رأى أو معلومة الكل بيستفيد وهو دة الهدف من الصفحة ، التشارك وتبادل الرأى والمعلومة لكل المدرسين المتعاقدين أشكرك أخى العزيز واتمنى لك كل التوفيق ... |
:078111rg3:
اقتباس:
وأنا النهادرة كسبت صديق عزيز وهو طبعاً حضرتك والسبب كانت هذه الصفحة التي جمعت بيننا ولك خالص الشكر والتقدير وأرجو مشاركتك ومساهماتك في صفحة بلدتي لأستفيد أنا والأخرين |
اقتباس:
من عنيا الإتنين مستر عمرو |
والله كل يوم سعادتى تزيد بهذه الصفحة وربنا يجعلها وش الخير علينا جميعا لى ملاحظتين الاولى على مشاركة الاستاذ محمد فوزى(كوماندا) التى يشكك فيها فى تعاقدات الازهر اعتقد ان قصد الشيخ بلا مركزيا يعنى المنطقة هى المسؤلة عن الاعلان والتعاقد وده بيتم من اول مسابقة تعاقد والحمد لله مسابقات الازهر تتسم بالنزاهة الشديدة الا فى نقطة الاحتياطى هى دى اللى فيها اللعب الصح ثانيا على المشاركة الخاصة بالشروط التى وضعها وزير التربية والتعليم فالبرغم انى والحمد لله تتتوافر فى الشروط المطلوبة الا انى ارى نها تعجيزية بعض الشئ ومقصود بها المماطلة قدر الامكان والله اعلم والا فما فائدة اجادة الكمبيوتر مثلا لمدرس فى فصل الدكك فيه مكسرة!!! او اللغة الانجليزية لغير المتخصصين؟!! |
السلام عليكم
اعتقد ان كلام الوزير ممكن يكون صح لانى لما رذهبت للادارة فعلا شفت ورقه لازم كلنا نعملها وانا قلتكم عليها قبل كده وفيها تقرير للموجه اما مرضى او غير مرضى والمدير ايضا وده خطوة جيدة وطبعا لازم icdl ةاللغة بس ياترى هو هيصبر لحد ما نحصل على الشهادات ؟الله اعمل وكمان لسه اختبارات الاكاديمية ودى فيها ل2010وكده كلامه يتفق مع المحاضرين الى كانوا فى التدريب كانوا بيقولوا نمتحن ونتثبت ربنا معانا |
السلام عليكم
اخر خبر كله يروح الادارة ويسجل اسمه فى التطوير للتدريب علىicdlويسجل اسمه التدريب هيبدا 5/8 ان شاء الله وادعوا لناولو حد تبع ادارة ايتاى ياريت يسجل اسمى معاه جزاكم الله كل خير |
يا رب تثبت يا جماعة كلكم
|
السلام عليكم..
بالنسبه اى انا حاصله على ال icdl معتمده من وزارة التعليم العالى واليونسكو ...... يبقى هاخد الكورس تانى ..... كلاكيت تانى مره.......... ولا هيعترفو بيه ده معترف بالشهاده دوليا.... ولى skill card باسمى والرقم القومى بتاعى ..... اعمل ايه أرجو المساعده....... |
اقتباس:
طالما معتمدة من اليونسكو .. أكيد هيعترفوا بيها ! لا أعتقد أننا بمثل هذا التخلف وإلا فعلى الدنيا السلام :blush: |
السلام عليكم ورحمة الله وبركاته
أخواني أعرض عليكم مشكلتي التي كسرتني وهزمتني نفسيا فأنا خريج أداب 2000 قسم جغرافيا ودبلوم دراسات عليا تربوي عام 2003 ومعي معهد كمبيوتر 2002 والكثير من دورات الحاسب واللغات وقد عملت في المدارس الخاصة الإعدادية كمدرس دراسات اجتماعية لمدة 4 أعوام ثم مدرس للحاسب الآلي في المدارس الحكومية الإعدادية بالأجر لمدة ثلاث أعوام وجائني التعاقد في 1 / 1 / 2009 من الإدارة التعليمية التي أتبع لها حيث أخذ توجيه الحاسب الآلي أوراقنا وهم من قدموها وجاؤا لنا بالتعاقدات أتدرون جاء التعاقد بمسمى معلم مساعد فصل ( فصــــــــــــــــــــل ) وسألت كيف فهذا لا يتناسب مع مؤهلاتي العلمية ولا العملية وكذلك لا يتناسب مع خبراتي العملية وأنتم من قدمت لنا للحصول على التعاقد من توجيه الحاسب الآلي فكيف يكون التعاقد مدرس فصل ؟؟؟؟؟؟؟؟؟؟؟؟ قالوا هكذا جاء قرارك الوزاري فماذا أفعل بالله عليكم أرجو الإفادة |
هو احنا كمتعاقدين مينفعش نرفع شكوى مباشرة لسيادة الرئيس حسنى مبارك برفع الظلم عنا وتثبيتنا بدون هذه الإجراءات التعجيزية المستحيلة ؟! خاصة ان سيادة الريس معروف عنه الإستجابة الفورية لكل مشكلة خاصة بالمواطن أصل واضح يا جماعة ان التعاقد انكتب علينا طول حياتنا الفكرة مطروحة للتعليق |
السلام عليكم أمثالى من المطحونيييييييين
أولا: أنا متفائل جداااااااااا ثانيا : الشكوى لغير الله مذله, وإحنا مش ناقصين ثالثا: الوزير قال تعيييين وليس تثبيييييت_هناك فرق !!!!! رابعا :أنا حضرت تدريب إعداد المعلم المساعد, و المحاضرين قالولنا إن فى خطه من لجنه السياسات_بقياده جمال مبارك_أن ينتهى نظام العمل بالتثبيت, ويبقى أنظمه العمل بالتعيين _سواء تعيين بأجر,بالعقد,......_ وأهو أسمه تعيين. خامسا: سيتم التدرج فى إنتشار هذا النظام من أول عامل المدرسه وحتى مدير الإداره التعليميه. سادسا: سمعت_والله أعلم_أن بعد ما هنمتحن و نأخد الرخصه و خلافه هيجددوا عقدنا بـ"عقد مفتوح" ممكن ينهوه فى أى وقت, ولو أنت ماشى معاهم كويس ومحتاجينك هيفسخوا العقد قبل ما تطلع معاش بفتره علشان تروح عليك التأمينات اللى بتتخصم منك كل شهر و وتبقى من غير معاش....و اللى يحجز رصيف يشحت عليه يلحق بسرعه!!!!! سؤال أرجو الإجابه عليه: هل كل الزملاء اللى متعاقدين لعمل غير متوافق مع مؤهلاتهم وخبراتهم , هيمتحنوا فى الأكاديميه على أساس عملهم أم مؤهلاتهم_يعنى لو أنت تخصصك أو مرحله التعليم اللى المفروض تعمل فيها حاجه , وعملك الفعلى اللى متعاقد عليه حاجه تانيه تمتحن على أى أساس؟؟؟؟؟؟ أنا مااااااا زلت متفائل_ "ما" نافيه ناهيه ماحيه . والسلام عليكم ورحمه الله وبركاته |
زملائى الاعزاء
احب ن اشارككم فى هذا الموضوع المهمالا وهو التعاقد وذلك لسببين الاول اننى حاصل على ليسانس اداب قسم اللغة الانجليزية تقريبا قريب منكم بحكم المؤهل لو كنت اشتغلت مدرس يعنى. الثانى ان عندنا فى مصر للطيران حيث اعمل عملوا نوع جديد من العقود لمدة من ثلاث الى خمس سنوات وبعد البحث المضنى لمدة اربعة سنوات فى مصر للطيران والمؤسسات الاخرى مثل وزارة التنمية الادارية والجهاز المركزى للتنظيم والادارة اكتشفت التالى: اولا:يوجد هناك مشروع قانون مقدم من قبل وزارة التنمية الادارية بخصوص الوظائف يسمى بقانون الوظيفة العامة الجديد وهذا مازال قيد البحث والدراسة بين الوزارة ومجلس الوزاراء ومجلس الدولة ثم مجلس الشعب ويقول هذا القانون ان الاصل فى التعيين هو التثبيت وهذا الكلام موجود على موقع وزارة الدولة للتنمية الادارية. ثانيا:ان التعيين بنظام التعاقد ينقسم الى عدة انواع منها المكافأة الشاملة بند اجور 2/2 وهذا يجوز له التثبيت والنوع الثانى عقد لصالح مشروع وهذا يبقى ببقاء المشروع ويفنى عقده بفناء مشروعه ويسمى هذ التعاقد بالباب السادس. وهناك نوع اخر من التعاقدات وده موجود بكثرة فى المطارات المصرية المختلفة يسمى بالمكافأة المقطوعة وهو نوع من التعاقد مع موظفين من ذوى الخبرة او التخصصات النادرة وسنهم اكر من الثلاثين بكتير ويكون مرتبه خالى من الاستقطاعات او الضرائب. واقصد بهذا السرد ان تعرفوا اى نوع من التعاقد انتم هل مكافاة شاملة ام عقد لصالح مشروع او مكافاة مقطوعة اما اسوأ من ذلك وهو عقد عمل نظير اجر وهو اقل انواع العقود حيث لا تامينات ولا معاشات ولا رعاية صحية او اى نوع من الرعاية ومن هذا المنطلق يمكنكم ان تتفهموا جيدا الوضع القانونى الخاص بكم وعلى اثر ذلك تعرفون ان هناك تثبيت من عدمه لان الثبيت يتأتى عن طريق العوامل التالية: 1-كون المتعاقد مكافأة شاملة بند2/2 2-طلب السلطة المختصة وهى وزارة التربية والتعليم كما فى شأنكم بتثبيت المتعاقدين بعد فترة معينة ويجوز لتلك السلطة ان تترك التعاقد كما هو بدون تثبيت كما ينرأى للسلطة المختصة. 3-مرور اكثر من ثلاث سنوات على تاريخ التعاقد بالاضافة الى وجود تقارير جيدة من الرئيس المباشر وما هو اعلى منه. اتعشم الا اكون صدعتكم وان اكون نقلت لكم وبامانة خلاصة تجربتى مع كلا من (مصر للطيران - القابضة لمصر للطيران - وزارة الطيران المدنى - وزارة الدولة للتنمية الادارية - الجهاز المركزى للتنظيم والادارة) اود ان اذكركم ان هناك اناس فى مصر للطيران يعملون بنظام المكافاة الشاملة منذ اكثر من 15 سنة |
اقتباس:
وشكراً على مجهودك الوافر فى البحث عن أصل هذه الموضوع وللأسف فهناك كثير من المتعاقدين لا يعرفون هم على أى باب يعملون وأنا اولهم لذلك أرجو ممن يعلم شئ عن نوعية تعاقد المدرسين أن يتفضل بالإفادة وجزاكم الله خير الجزاء |
مساء الخير
يا باشا ولا يهمك لا شكر على واجب
هو انا كنت عملت ايه يعنى كلنا فى الهوا سوا سواء كان مدرس مثلكم او وظيفة اخرى زى حالاتى شكرا على الرد |
احنا يا جماعه مكافاه شامله فى الازهر ودا شىء صريح فى مسابقات الازهر
ثانيا انا متاكد ان شاء الله ان التعيين هو التثبيت لان لا يستقيم العمل بنظام العقود والدوله هتلاقى نفسها فى خلال خمش سنوات متعاقده مع نصف العماله الموجود يعنى حوالى 3 مليون متعاقد وطبعا مينفعشىلا يصح ان يكون المعلم متعاقد والمعلم الاول ولوكيل والمدير معقول كل دول هيبقوا تعاقد..حقل التعليم له خصوصيه لن يستقيم العمل به من خلال التعاقدات .كما ان الملاحظ فى الازهر مثلا ان كتير من الساده الموجهين هيخرجوا على المعاش فى خلال سنتين لان نظام ال 65 اتلغى وكل بيخرج معاش على 60 يعنى الساده الوكلا والمدرسين هيطلعوا توجيه واماكنهم فاضيه يعنى ميقدروش يستغنوا عنا ان شاء الله وهيثبتونا غصب عنهم بس الموضوع عاوز صبر. وياريت يا جماعه الى مش معاه كليه تربيه يقدم وياخد دبلومه والكل يحاول ياخدicdl وموضوع الاختبارات مش مقصود بيه التويفل اكيد هيعملو اختبارات فى الاكاديميه وربنا يعديها على خير اخوكم محمود ابراهيم مدرس لغه انجليزيه |
لا احنا فى الازهر على نظام المكافاة الشاملة باب 2 اجور الذى يجوز له التثبيت بعد ثلاث سنوات
واعتقد انه نفس الشئ بالنسبة للتربية والتعليم بس انا كنت بسمع ان التربية والتعليم بتفصلهم ايام فى نهاية كل عام حتى لايحق لهم التثبيت فهل هذا صحيح؟ |
انا حصلت على icdl منذ اكثر من عام من synergy center هذا المركز موجود فى مدينه طلخا خلف المحكمه مع العلم ان الشهاده معتمده من اليونسكوا ومختومه بختم المنظمه
icdl&ecdl international computer driving licence European computer driving licence الرخصه الدوليه والاوربيه المهم يا جماعه فيه المنحه بتاع وزاره الاتصالات مجانا والتقديم موجود حاليا فى المركز بتدفع فلوس التامين وتسترده بعد الحصول على الشهاده وكل الامتحانات اونلاين ودا رقم التليفون050/2540917 |
اقتباس:
بس دة لو الواحد مش مستعجل لأنه ممكن يستنى لأكتر من سنة أما لو ناوى بجد فأحسن له ياخدها من برة على حسابه خاصة أفضل والتكاليف حوالى 500 جنيه مصرى |
مش هى هى ولا ايه؟
مادام لك رقم سكيل يبقى خلاص هتاخدها تانى ليه؟ |
اطلب الرأى والمشورة منكم ياجماعة انهاردة اتصلت بيا مدارس سعودية بتحدد مقابلة فى أحد المكاتب فى القاهرة للعمل مدرساً معهم لأنى حطيت السى فى بتاعى عالنت وعجبهم أنا محتار وفى نفس الوقت مخنوق ومتضايق أروح اعمل المقابلة واسافر واسيب التعاقد دة الى الأبد ولا أقعد هنا مربوط قصاد أسيادى انتظاراً للعطف المنتظر بالتثبيت ؟! انا خلاص اتخنقت وحسيت بالعنصرية الرهيبة اللى احنا فيها يعنى لا قادرين نعيش فى بلدنا محترمين ولا قادرين نسافر عشان خاطر نظام التعاقد الملعون دة حسبى الله ونعم الوكيل حسبى الله ونعم الوكيل |
السلام عليكم
جزاك الله كل خير استاذ مصرى على المعلومات فعلا كلنا المفلاررض نعرف موقفنا ايه قانونا عشان نقدر نتكلم ونطالب بحقوقنا ونظام التعاقد الى الدولة عايزه تقلد به دول زى فرنسا اذكركم انهم دافعوا عن حقهم فى ان الدولة مسئولة عن تعينهم وعملوا اعتصامات لحد ما القانون اتغير واحنا اكيد مش اقل منهم ونقدر نتكلم ونطالب بحقوقنا كاملة بس المهم نعرفها وجزاك الله كل خير |
حسبى الله ونعم الوكيل .................. فى وزير التربية والتعليم
حسبى الله ونعم الوكيل ...................فى محافظ اسيوط الواحد مش كفاية طلعت عينه فى التعليم 15 سنة وطلع بتقدير عام جيد جدا ومن العشرة الاوائل فى كلية تربية 2006 شعبة رياضيات وبع دة كله مش عاوزيين يثبتونا قال اية امحى امية 5 افراد حد فاضى من لقمة العيش كل الشباب الغير متعلمين ................ مسافرين معظم كبار السن ............................ مش فاضين يتعلموا بيجروا على رزق عيالهم معظم الناس مش معها بطاقات رقم قومى ماذا افعل فى هذة المشكلة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ احمد ابوضيف مدرس رياضيات بالتعاقد الغنايم /اسيوط ****************************** حسبى الله ونعم الوكيل............ |
السلام عليكم
يااستاذ احمد انت فى عقد مكتوب الشرط ده اكيد لا خلاص ميقدرش يعمل حاجه قلنا دى محليات متقدرش تعمل حاجه فى العقد والعقد بينك وبين وكيل الوزارة ثبت اسامى واوراق وخلاص فى مجلس المدينه |
اقتباس:
وفى الآخر الحكومة نفذت مطالبهم ولغت نظام التعاقد احتراماً لرغبة الشباب ولمبدأ الديمقراطية وفاكر كمان انى نشرت تعليق فى احد ابواب القراء فى جريدة الجمهورية عن الموضوع دة وقلت فيه : ليه عندنا لما لغوا التعيين بالتعاقد محدش اتكلم فى مجلس الشعب أو الإعلام أما فى فرنسا فالدنيا بتقوم ومبتقعدش ؟! وكان رد محرر الصفحة الساخر : لأن الدنيا عندنا بتقعد ومبتقومش !!!!!! |
السلام عليكم
1 مرفق
لقد جئت اليكم ببعض من نصوص قانون الوظيفة العامة والموجود على موقع وزارة الدولة للتنمية الادارية والذى تحدثت المادة العاشرة منه على ان يكون الاصل فى شغل الوظائف المدنية عن طريق (التعيين) وبقصد بها التثبيت ومن الممكن ان يثار رأى مضاد حول ان نظام التعاقد هو احد طرق التعيين واذا سمحتم لى الرد فانا اقول ان الوزارة تقصد به التثبيت وذلك لسببين:
اولا- لانه فى نفس المادة العاشرة التى تحدثت عن التعيين كاصل قانونى حين نتحدث عن شغل الوظائف العامة وافردت فى اخر المادة جزء يتحدث عن اعادة تنظيم التعاقد لشغل الوظائف وهذا يعنى ان كان يقصد بالتعيين نظام التعاقد فلماذا تحدث فى نفس ذات المادة عن اعادة تنظيم التعاقد. ثانيا- حينما تم وضع التصور الاساسى لمواد هذا القانون تم التحدث عن ان التعاقد هو النظام الاصيل لشغل الوظائف وتم رفض هذا من قبل ادارة الفتوى والتشريع بمجلس الدولة ابان مراجعة القانون بل وطلب مجلس الدولة من وزارة الدولة للتنمية الادارية ان يكون التعيين بالتثبيت هو الاصل فى التعيين. ارجون الا اكون قد اطالت عليكم تجدون مرفق طيه نص قانون الوظيفة العامة الجديد وبه نص المادة التى تحدثت عنها والذى لازال النقاش قائم بشأنه ونحن كلنا نأمل بتطبيقه قريبا كما هى مادته العاشرة بلا تغيير |
اقتباس:
|
اقتباس:
|
سؤال وارجوكم الاجابة عليه بدقة ان كان لدى احدكم معلومات دقيقة
هل للمتعاقد الحق في الانتداب من مكان لمكان يعني في البداية هل له حق الانتداب عموما وان كان له هل يجوز الانتداب من مرحلة لمرحلة وان كان من لدية سلطة الموافقة على الانتداب هل الموجه في المكان المتجه اليه او في الموجه في المكان الخارج منه على اساس انه بهذا الانتداب سينتقل من ادارة لأدارة ومن مرحلة لمرحلة |
سيدى الفاضل
كقاعدة عامة يكون الانتداب بناءا على قرار من السلطة المختصة وذلك حسب حاجة ومقتضيات العمل وذلك عموما ويمكن للسلطة المختصة ان تعيدك الى مكانك الاصلى مهما مر عليك من وقت الا اذا قاموا بتسكينك على الوظيفة المنتدب اليها...........هذا عموما اما بالنسبة اليك قيمكنك ان تسأل فى المديرية التابع اليها ادارة شؤون العاملين حيث ان لكل وزارة لائحة داخلية تسير على نهجها..............ارجو ان اكون قد انرت لك الطريق.... |
نعم له الحق فى الانتداب ولكن بعد موافقه الموجه العام ومدير الاداره
انا سالت موجه عام وقالى كده |
بجد انا سعيد ان الموضوع ده اتثبت
اعرفكم بنفسى شريف الصعيدى مدرس مساعد حاسب الى فى ادارة دسوق التعليمية التابعة لمحافظة كفرالشيخ انا كنت معاكم من زمان بس مكنتش بدخل كتير الايام اللى فاتت عندى اقتراح ياريت اى حد يعمل ورق حديد يبلعنا يعنى انا مثلا اخر حاجه عملتها استمارة موظف مليتها وختمتها من الادارة ووديتها على مركز الاحصاء ولسه امبارح مودى ورقة للادارة بيياناتى الاسم والمؤهل تاريخ التعاقد تربوى ولا غير تقرير السيد الموجه تقرير المدير العام طبعا الموجه فى مدينة تانية غير اللى انا شغال فيها كلمتها فى التليفون وقالتلى امضيلى انت والله انا الحمد الله بجد مرتاح خالص فى الشغل والمدير عشره على عشره يارب تكونوا انتو كمان كده انا متعاقد عقد مميز فى عشره 2008 عندى سؤال صغير انا دلوقتى بمتحن تمهيدى ماجستير فى كلية تجارة شبين هل ممكن لما انجح تفيدنى بحاجه فى الشغل ده انا الحمد الله خلصت icdl والشهر الجاى هاقدم تربوى |
السلام عليكم
اكيد كل شهدادة تنفع يااستاذ شريف بس ياريت تعمل التربوى هيكون دى اهم وبعد كده المؤهلا فى التثبيت ان شاء الله بتنفع قوى |
السلام عليكم
طب ما فيش اخبار عن تعاقدات جديده ولا حاجه واللي عنده اي خبر يا ريت يقوله |
اضم صوتي معاك يااستاذ احمد ابوضيف وحقا حسبي الله ونعم الوكيل في محافظ اسيوط واللي ابتدع مشروع الخرافة محو الاميه انا ايضا في نفس المعاناة ونفسي اشوف حل
|
ربنا يسهل للجميع
|
السلام عليكم انا اسمى احمد خريج تربية عام رياضيات بتقدير جيد جدا وبشتغل مدرس رياضيات فى الأزهر طبعا بالعقد فوجئت بتوزيعى على معهد ابتدائى مع انى تربية عام ولما كلمت الموجه العام قالى انا ما عنديش مكان فاضى فى الاعدادى استلمت وتوكلت على الله ولكن فوجئت بان زاميلى خريجين تربية اساسى اشتغلو فى معاهد اعدادى وثانوى لدرجة ان واحد فيهم بيدى رياضة 2 ( 3 ثانوى ) رحت للموجه تانى قالى انا ماشى بتسلسل هو فين التسلسل دا بس طردنى من المكتب دخلت لوكيل الوزارة ( منطقة سوهاج الأزهرية ) وكتبتله تظلم كتبلى عليه ( يحول للموجه العام للرياضيات لاتخاذ الازم ) شاف القصة دى واحد من الموظفين صعبت عليه قالى شوفله واسطة كل الناس اللى راحت اعدادى وثانوى راحت واسطة . اعمل ايه واسطتى ربنا . ( حسبى الله ونعم الوكيل ) وادينى مستنى باقالى 3 سنين . حد عنده حل للمشكلة دى ؟؟؟؟؟؟؟؟؟؟؟؟؟ |
ونعم بالله اخى
لا يضيع حق وراءه مطالب لازم تسعى على حقك |
اقتباس:
|
انا سمعت في الادارة اليومين الليفاتوا ان الدنيا مشغولة هناك علشان بيثبتوا المتعاقدين ..... يارب يكون الكلام بجد
|
كلما نقول فرجت وهنهيص ونزقطط
يطلع لينا الجمل فى نص الأغنية ويقول فطريقك مسدود مسدود مسدود يا ولدى :slap1qk6: ربنا يهديك علينا يا CAMEL !!! |
السلام عليكم.....
فعلا الكلام صحيح المديريه طلبت من الاداره بيانات المتعاقدين كامله وتاريخ التعاقد.... وتقرير الموجه ومدير المدرسه .... مرضى ام غير مرضى ...... علشان تبعت للمتعاقدين علشان التدريب للتثبيت ... ويا رب بالتوفيق للجميع....... |
اقتباس:
مدينه نصر الحى السابع بجوار التامين الصحى واسرد قصتك بالكامل وان شاء الله لا يضيع حقك وان كان معك مستندات يبقى افضل |
ان شاء الله الوزير الهمام هيكون موجود غدا الاثنين على البيت بيتك ياريت كل واحد يحاول يتصل بالبرنامج ونشوف مشاكلنا لانه اكيد هيتجاهل المتعاقدين لان حضرته مشغول بالثانويه العامه
مع ان الثانويه الازهريه اصعب جدا والازهر مبيعملش هيصه زى سياده الوزير saad.mashakel*********** ارقام التليفون الخاصة بالبرنامج (5788541-5788587 فاكس البيت بيتك : 0020227923512 |
ياحودة اكيد كل الكلام عن الثانوية العامة معتقدش انه سيتطرق للمعلمين
دى سبوبة ياعمونا بيدخلهم ملايين من نتيجة الثانوية العامة وحسبنا الله ونعم الوكيل |
أكد ياسين الشيخ رئيس الإدارة المركزية للشئون الإدارية والأفراد بمشيخة الأزهر أن المتعاقدين الجدد سوف يتسلمون العمل بالمعاهد الدينية بالقاهرة والأقاليم أول سبتمبر المقبل وعددهم حوالي 5 آلاف و500 سيتم اختيارهم من المتقدمين للعمل ضمن المسابقة الأخيرة. وفقا لمعايير محددة هي: الأعلي تقديراً ومؤهلاً والأقدم تخرجاً و الأكبر سناً.
قال -في تصريحات خاصة ل"المساء الديني"- إنه تمت مراجعة أوراق المتقدمين لمسابقة التعاقدات في عشر مناطق أزهرية بالتنسيق مع الإدارة المركزية لشئون العاملين لقطع الطريق علي كل من تسول له نفسه مجاملة أي المرشحين علي حساب الآخر عند المفاضلة بين الخريجين. وذلك وفقا لتعليمات الإمام الأكبر محمد سيد طنطاوي شيخ الأزهر. أضاف أن المتعاقدين يتمتعون بنفس امتيازات المعينين المادية والأدبية.. موضحاً أن 20 ألفاً من بين 70 ألفاً من المتعاقدين تقدموا إلي لجنة شئون العاملين يطلبون نقلهم من المعاهد التي يعملون بها إلي خارج المناطق وقد تم إرجاء البت في هذه الطلبات إلي ما بعد الامتحانات وستتم مراعاة لم شمل الأسرة بالنسبة للسيدات من المتقدمات عند بحث هذه الحالات بما لايخل بمصلحة العملية التعليمية. نقلا من جريد المساء |
للمجندين فقط:العامل المؤقت يعود للوظيفة..بعد التجنيد
تقدمها: ثناء حامد اصدر الجهاز المركزي للتنظيم والادارة مبدأ وظيفيا هاما للمجندين فقط.. صرح د.صفوت النحاس رئيس الجهاز بأن الموظف المعين بصفة مؤقتة إذا ما تم تجنيده يحتفظ له بوظيفته المؤقتة حتي انتهاء مدة العقد أو مدة التجنيد أيهما أقرب.. بحيث إذا انتهت مدة التجنيد أثناء مدة العقد يعود لاستلام عمله المؤقت وبذات الصفة.. أما إذا انتهت مدة العقد قبل انتهاء التجنيذ فلا يجوز الاحتفاظ له بعد انتهاء عقده بوظيفته كما لا يجوز التجديد للعقد. أضاف انه لا يجوز سحب القرار الصادر بالتعيين واعتباره كأن لم يكن طالما ثبت ان العامل مجند ويتعين علي الجهة الادارية الاحتفاظ للمعين بالوظيفة خلال فترة تجنيده تنفيذا لأحكام المادة 43 من القانون رقم 127 لسنة 1980 بشأن الخدمة العسكرية والوطنية بشأن اعادته إلي الوظيفة المحتفظ بها إذا طلب ذلك خلال المدة المحددة قانونا. واضاف.. يعاد الموظف إلي الوظيفة المحتفظ له بها إذا طلب ذلك خلال ثلاثين يوما من تاريخ تسريحه من الخدمة العسكرية ويجب اعادته إلي العمل خلال ستين يوما من تاريخ تقديم الطلب ويعتبر تقديم الطلب هو تاريخ عودته للعمل.. وإذا لم يقدم الموظف طلبه في الميعاد أو لم يتسلم عمله خلال ثلاثين يوما من تاريخ أمر العودة للعمل جاز رفض الطلب ما لم يكن التأخير لعذر مقبول. |
الدكتور احمد نظيف :-
بيتكلم على البيت بيتك بيقول ان المدرس بمجرد ميتخرج من الجامعة بيتعين مدرس مساعد وبعد سنتين المفروض يتحول لمرحلة تانية هى المعلم والكادر مش فلوس بس ياجماعة دى حاجة اسمها تغير مفاهيم بمعنى :- ان كل 5 سنين هيبقا فى امتحان جديد لجميع المدرسين للترقية طيب المتعاقدين فين من كدة لابعد سنتين بقينا معلمين و كمان مخدناش غير نصف الكادر فقط .... بكرة هيكون وزير التربية والتعليم(يســـــــرى الجمل) على الهواء مباشرة فى البيت بيتك برضة ارقام التليفون الخاصة بالبرنامج (5788541-5788587 فاكس البيت بيتك : 0020227923512 ياريت نتصل ونتكلم ياجماعة |
| جميع الأوقات بتوقيت GMT +2. الساعة الآن 07:45 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.