|
علشان تريحوا اعصابكوا يا جماعه
قوموا نامو مفيش حجاه هتظهر الناهرده خالص عملوا معانا كده ف المرحله الاولى ومفيش حاجه ظهرت ا الصبح |
يارب كل واحد يجيله اللى هو عايزه
ادعو ياشباب دى فتره استجابه الدعاء وادعولى معاكو عشان خاطرى ان ربنا يدخلنى ويدخلكوا اللى احنا عاوزينه |
يا جماعه احنا مرحله اولى وقبلكم وعارفين يا جماعه فى الحبه ساعات دول الاشاعات هتكتر وكل واحد يعمل موضوع ويقولك النتيجه ظهرت والاعصاب تبوظ ويطلع كداب اهدوا شويه احنا مش طالبين منكم تناموا احنا طالبين تهدوا وتستغفروا ربنا كده وتدعوا وخليكوا قاعدين متابعين ان شاء الله تمسكوا جرايد بكره من على النت تقراوها اوك والله انا مرحله اولى وصاحى عشان فى واحد صاحبى مرحلعه تانيه ونفسى يدخل معايا نفس الجامعه وهو نام والله وانا هافضل صاحى لحد ما اطمن
|
هو فى حد يعرف ينام وعارف ان مستقبله هيتحدد بعد ساعات معدوده
|
والله انا كنت قاعده ولا فى دماغى اى حاجه
من ساعة مادخلت التوبيك دماغى وجعتنى وقلبى انقبض يارب كل واحد يدخل اللى هو عايزه انا هصلى الفجر وادعى للجميع |
ماشى عشان خاطرى ادعيلى مع اللى هتدعيلهم وانا هدعيلك انتى كمان طول مأنا قاعده
ماشى اتفقنا |
يا جماعة هى تنيجة التنسيق دى نهاية العالم يعنى ؟؟
الحياة مش هتقف على النتيجة دى وعايز للناس بتوع رياضة 2 فى معاهد للهندسة بمصاريف اقلها باين 6000 جنيه اطمنوا يا جماعة قل لن يصيبنا الا ما كتب الله لنا صدق الله العظيم |
ربنا يحققلكوا اللى نفسكوا فيه
|
ربنا يوفقكوا جميعا و يطمنكوا
|
يارب يعدى التنسيق ده على خير ونتفوق فى الكليات اللى هندخلها مهما كانت
ونحاول نثبت نفسنا فيها |
ربنا يطمنكو ان شاء الله خير متسمعوش لحد من بتوع النتيجة الان والجو ده عملو كده في المرحلة اولي وطلعت 10 الصبح عالوزارة
|
ياجماعه انتو رحتوا فين
انتو نمتوا ولا ايه وسبتونى لوحدى انا خايفه جدا ياجماعه حاسه ان انا مش هلحق حاجه خاااااااااااااااالص |
ليه انتي جايبه كام
|
اقتباس:
والله ولي التوفيق.....:blush: |
انا جايبه 89 بس وربنا انا مظلومه
ربنا يسامحهم بقى علمى رياضه |
انا مش عارفه انا ممكن الحق ايه
|
يا سبرنج انا معاكى
|
انا ضفتك على اميلى
|
ممكن تفتحى الاميل ابراهيم السيد 68.5 نفسى حقوق انشالله حتى انتساب اسكندرية
|
يا جماعه انا لفيت على المواقع كلها وكلهم بيقولوا نفس الكلام هتظهر الساعه 10 انشاء الله
|
انا جايب 77 ادبى ونفسى الحق تجاره انتساب موجه طنطا يا ريت تدعولى
|
انتو فين يا جماعه
|
انا قلقان يا ناس والقلق بيزيد كل شويه
|
انا زيك بالظبط يا مودى قول يا رب
|
احنا موجودين
انا برضه مش عارفه هيجيلى ايه ان شاء الله 89 علمى رياضه |
انشاء الله كل واحد يدخل اللى نفسه فيه
|
يا جماعة إن شاء الله خير والي ربنا كاتبهولنا قو الي حيكون
على فكرة انا مرحلة اولى وجبت هندسة طنطا وانا سهران معاكم عشان اطمن عليكم واتمنى للجميع التوفيق وإن شاء الله كل واحد يدخل الكلية الي نفسه فيها |
مفيش اى خبر جديد
|
بالتوفيق ياجماعة
|
الف شكر يامحمد ربنا يبارك فيك
|
مبروك يا محمد وادعيلنا كدا
|
طيب يا محمد هيا نتيجه المرحله الاولى ظهرت امتى
|
المسألة مش محتاجة القلق دا كله
ربنا يوفق كل واحد لكليته اللى يتمناها ان شاء الله احنا ايامنا مش كان كدا خالص بس مش من زمان اوى يعنى فربنا يكرمكم ان شاء الله |
ازاى منقلقش وساعات وهيبان فيها مستقبلنا
|
انا برضة قلقانة اوى و مش عارفة انام يا جماعة انا ف حرقة دم و اعصاب ربنا يحفظكم منها
|
قريت دلوقت فى الاخبار ان التجارة الحد الادنى ليها 302
انشاء الله ندخلوا اللى احنا عاوزينه |
اكيد من حقكم تقلقوا على مستقبلكم
بي اللى اقصده ان خلاص دى النتيجه مش الامتحان والقلق مش هيغير حاجه اللى ربنا كاتبه ان شاء الله يكون خير ليكوا كلكم انا عموما مش منتظر التنسيق لكن منتظر معاكم ويارب يكون في الخير ان شاء الله |
لا والله مش انتى لو حدك كلنا كدا وربنا معنا
|
اقتباس:
وبالتويق ليكي إن شاء الله:078111rg3::078111rg3: |
بجد يا حازم والله انت جايبها من على اى موقع اخبار
|
يعنى تجارة 73.6 %
بالتوفيق ان شاء الله |
قريتها فى جريدة الاخبار دلوقت
|
انا خايفة اوى بجد مدمرة مش عارفة لية بيعملو كدة ما يطلعوها بقى يعنى هى فرقت ناو من بعدين
|
يعنى انا جايب 77 هلحق تجاره انتساب طنطا
|
ان شاء الله تلحق تجارة انتظام كمان
ربنا يوفق |
هو مفيش حد عايز يدخل تربية ولا ايه
|
ان شاء الله يا نجم وانا ادخل تجارة واحول واجيلك السنة الجاية ان شاء الله
|
يارب استر ما حدش عرف الحد الدنى لكلية العلوم
|
تربية رياضيات نزلت مرحله تانيه ؟؟؟؟؟؟
|
على فكره انا مش طالب ياحازم
دى الكلليه اللى اتخرجت منها من 3 سنين بس عشان كدا بسأل |
| جميع الأوقات بتوقيت GMT +2. الساعة الآن 09:22 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.