|
يعني احنا اللي واخدين حقنا أوي
|
ليه بتقول انك غلطت لما كتبت الموضوع ده
بالعكس كلامك كله واقعى جدا هوا طبعا البنت دلوقتى مش زى زمان سواء فى المعامله او التفكير....... بس دايما بحس انى علشان بنت يبقى لازم اخد بالى اوى من تصرفاتى ومن سلوكى قدام الناس مينفعش اخرج براحتى ..مينفعش اعلى صوتى... مينفعش مينفعش كل حاجة مينفعش بس ادينا عايشين وبنعمل اللى نفسنا فيه فى اطار من الادب حتى لا نفقد احساسنا بأنوثتنا وفى النهايه احب اقول ان اى بنت بينها وبين اهلها مصداقيه وثقة مش بيواجهها اى ضغط او كبت لانها صريحة مع نفسها ومع من حولها مشكور جدا على موضوعك |
ممكن يكون البنات مظلومين في مجتمعنا بس اذا اعتمدنا بعض المعايير الساميه ذي اللي جت في الاسلام اولا هنرد علي الكلام نقطه نقطه بالنسبه للمجتمع اللي انا عايش فيه طبعا انتم عارفين ان انا عايش في الريف عندنا الراجل مبيسبش المراه تخرج لوحدها وتروح اي حته بمفردها ومتخرجش من منزلها الا بصحبه ابنها او زوجها وممكن تخرج لوحدها لو المسافه قريبه ومفيش بنت بتتاخر للساعه 11 بليل ابدا ولا بنت تكلم ولد في الشارع ولا حتي يكون لها زمايل صبيان النقطه الثانيه سن الزواج عند البنت احنا عندنا البنت ممكن تخطب وهي لسه في الاعداديه وممكن تكمل ثانوي او دبلوم وبعدها تتجوز وان زادت عن 20 سنه بتقل فرص الزواج منها للربع طبعا بالنسبه ده احنا كمان عندنا عاده غريبه وسيئه اوي لو في بنت بشرتها سمره ممكن متجوزش مش عارف ليه لغيط دلوقتي كمان محدش بيتجوز من المدينه الا قليل جدا يا اما بنت عمه او بنت خاله او خالته او من جيرانهم كمان في لو البنت ابوها مات ملهاش ورث في الارض لكن ممكن تاخد حقها نقود واخوتها مسئولين يجوزوها ويعيشوها احسن عيشه اما بالنسبه لنقطه الحب ده احساس داخلي ومحدش يعرفه ولا اي بنت تقدر نظهره علشان لو حصل منها كده بتكون حديث المدينه والناس بيفكروها مستهتره وملهاش كبير كمان ده ممكن تكون السلبيات والايجابيات التي تتعرض لها الفتاه المصريه بس في ناس تعتبر السبيات دي ايجابيات |
اولا انا بحترمك جدا على وقوفك بجانب البنات واحب اقلك انك راجل بجد لان هي ده الرجولة في نظري ثانيا انا مقدرتش اقرا كل التعليقات بس التعليقات اللي قرتها يعني لقيت في ناس شايفة الموضوع عادي وفي ناس اتعودت اصلا على اللي بيحصل فمبقتش شايفاه حاجة غريبة لكن هوة فعلا زي مانت وصغته انا ببقى ماشية في الشارع خايفة لما ببقى لوحدي بحاول امشي ورا الناس ولما واحدة تطلب مني اني اساعدها في حاجة بفكر مليون مرة بس بروح وبتوكل على الله المشكلة في موضوع خوف البنت محتاج يكون في امن منتشر بشدة في كل مكان وثانيا موضوع الجواز فعلا بياثر في البنت جامد والبنت بتخبي ده وده مننا احنا على فكرة مش عادات وتقاليد من ان كل بنت عاوزة شاب كامل من مجاميعه انا بنت وعارفة اغلبية البنات بتفكر ازاي واذا هي مفكرتش اهلها تفكرهم هوة اللي بقى كدة انا عايز اعيش بنتي في المستوى اللي هي عايشة فيه وموضوع الجرح في الحب ده اكيد صح يمكن مش هقدر اوصف شعور البنت لاني معرفوش بس على حسب مبشوف ان البنت بتتعذب اكتر من الولد لو حبت بجد لان البنت بطبيعتها رقيقة وضعيفة اتجاه المشاعر ده بس هي علشان تتجنب الموضوع ده متصحبش ولاد وتبقى مع ربنا وان شاء الله يبقى معاها اما خفها ملغاية متتجوز موجود وده طبيعي جدا وبيبقى من الام اما جوازها من اي حد ده بسبب الحاجات اللي قلتها فوق عن العريس فممكن تحب واحد ويترفض علشان الاسباب ده وشكرااااا ليك مرة تانية وشكرا لكل ولد مع البنت
|
اقتباس:
و لما تتخطب بتبقى بتحب خطيبها و لا لازم تتخطبله و خلاص ؟؟ |
اقتباس:
|
بص يا أحمد البنات آه بيتظلموا بس فى حاجة واحدة - دة بالنسبة لوجهة نظرى - إية هيا ؟ إن لما واحد بيتقدم مثلا وهيا تكون رافضة واهلها يعملوا الواجب ! ودة كمان فى حالات خاصة يعنى مش كل البيئات كدة طيب بالنسبة للبنت لما بتكون ماشية فـ الشارع بتكون خايفة وكدة والله من حقهم يا أحمد الذئاب كتروا أوى بس على فكرة لو البنت مش متبرجة ومحترمة وتجبر اللى قدمها إنة يحترمها مفيش مخلوق يقدر يقربلها - فى وبيحصل بس نادر جداً ياريت اكون واضح - لكن بقى الغريب والعجيب تلاقى واحدة ماشية وآخر شياكة ووسط ساقط وبادى ولما حد بيعاكسها تلاقيها صوتها قد كدة ! طب سؤال رفيع يعنى أنت ِ بتلبسى كدة لية ! |
هو مش غلط ان انت كتبت الموضوع على الاقل نعرف ان انت فاهم المشكله وفى اكيد ناس تانيه زيك هى مشكله كبيره وطالما انت ركزت على حاجات غلط اذا لا انت ولا كل الولاد اللى دخلواعلى التوبيك بييعملوها
بس غريب ان ولد هو اللى عامل الموضوع والحمد لله ان الناس عقلهم بدا يتغير ويفهموا ان الغلط مينفعش يتحاسب عليه طرف واحد بس يعنى مثلا لو حد سرق ربنا مش بيفرق فى عقابه بين بنت وولد او رجل وست العقاب واحد ونفسى الامهات والابهات ميقولوش بعد كده الولد ولد يعمل اللى هو عايزه ان شا الله يبات بره والبنت اخرها بره الساعه9 ليه ميكنش اخرهم هما الاتنين الساعه 9 يعنى هما شايفين ان واقفت الولاد فى الشارع او السيبارات والكافيهات للصبح ده اللى حلو هو الغلط غلط للاتنين |
سبحان الله فى ولد فى الزمن دة بيحس
كويس ان لسه فى اولاد بيفكرو بالمنطق مرسى على التوبيك جزاك الله خيرا |
اقتباس:
لسه الخير موجود مهما قل وبتظل النبتة الصالحة صالحة ولو تلف فيها فرع او فرعين |
:bosyht9::bosyht9:تصدق راى انت فاضى لو انشغلت بزوجة واولاد وموضوع مهم ىاخد تفكيرك زى مساعدة اايتام تشترك فى جمعية زىرسالة شوفت الناس الشقيانة اللى مش لاقية تاكل ولاتسكن ولاتتجوز ولاتعيش حتى لكن هتقولى بنات ما ويبقو محترمين محدش هيجرحهم
|
اقتباس:
:angry2::angry2::angry2::angry2::angry2::angry2::a ngry2: ;););););););) :blush::blush::blush::blush::blush::blush::blush: مفيش ايموشنز تانية توحى بالاستغراب انت بتتكلم بجد ولا بتهزر!!!!!!!!!!!!!!!!!!!!!!!!!!!!!!!! الحمد لله ان اكبر معروف عملوا فيا والجى انه اتنقل القاهرة اغثنى يا الهى تحياتى او مش مهم مشكور صاحب التوبيك |
علي قد منتا يمكن وأشدد علي كلمة يمكن تكون نيتك سليمة اللا إن موضوع زي ده ملكش تتكلم فيه إفتكر حاجة مهمة إن الجواز قسمه ونصيب وسواء كنت ولد ولا بنت تأكد إنك مش حتتجوز غير اللي ربنا كاتبهالك يبقي أي كلام بعد كده ملوش لزمة
|
اولا انا بنت
ثانيا انا طول عمرى بقول ان الرجل الذى بهتم بحقوق المرأة ومشكلها وبينصفها دائما ومهتم بقضياها هو الرجل المصرى الرجل المصرى هو اول رجل طالب بتعليم البنات وهو الذى ساعد المرأة على اخذ حقوقها وبصراحة المجتمع عطانا حقوق كتيرة جدا وبرضه انا شايفة ان البنت مش مظلومة من المجتمع بس هى اللى ظالمة نفسها يعنى يوم ميديها المجتمع حقوقها هى بنفسها بتتنازل عنها الحاجة الوحيدة اللى بضيقنى بس من اللى بيحصل من الرجل المصرى فى مصر هو موضوع التحرشات والمعاكسات فعلا عدم الاحساس بالامان واحنا ماشين فى الشارع والمعاكسات المهينة دى الحاجة اللى مزعلنى ونفسى اعرف ليه بيحصل كده والمشكلة محدش بيدافع عن البنت اللى بتتعرض للموضوع ده وبيقولو العيب من لبس البنت مع ان زمان البنت كانت بتلبس قصير ومع ذلك كان الشاب المصرى كان بيدافع عنها وبيحترمها.. عمر المظهر ماكان يعبر عن الجوهر بس عموما دى تصرفات الشباب اللى دماغهم فاضية فى مصر انما الرجال المصريين بجد المثقفين فهم محترمين المرأة فى المجتمع المصرى وعلى فكرة انا مبسوطة منك انك مهتم بمشاكل البنات بس مش مستغربة لان مش غريبة عن الرجل المصرى انه يهتم بالمرأة ومشاكلها لان الرجل المصرى هو اول من احترم المرأة ووضعها فى مكانه عالية فى المجتمع منذ زمن المصريين القدماء واتمنى يفضل الرجل المصرى بالشخصية دى اينعم هى تغيرت كتير جدا لكن لو رجعنا لاصلنا وشخصيتنا المصرية الاصيلة و كل رجال مصر بقى تفكرهم زيك كده عمر البنت المصرية مهيكون عندها مشاكل وعلى فكرة البنات اللى عايشين فى البلاد العربية والخليجية هما البنات اللى مظلومين بجد ومقهورين جدا الحمد لله احنا فى مصر برضه فيه شوية مساواة وحقوق وبلدنا مش بخيلة علينا ولو طلبنا حقوق اكتر هتكون مستجابة كمان بس ارجع افكرك ان العيب فى البنت هى اللى ساكتة و هى اللى بتتنازل عن حقوقها وحريتها ومش بتتكلم عن مشاكلها حتى لو بصيت فى الموضوع هتلاقى اكتر الناس اللى اعترضو على موضوعك هما البنات |
اقتباس:
بالنسبه لسوال يعنى ايه البنت ماشيه في الشارع وتبقي خايفه؟ وانا بسالك يعنى ايه ولد ماشي في الشارع مش عارف يمشي بسبب لبس البنات المستفز ............................ هتقولي يعنى ايه تغطصب من عالم زباله؟ انا معاك في النقطة دى بس فيه بنات لبسهم مستفز ويستاهلوا فيه بنات لابسه حجاب ومستفزة هتقولي طيب واللي بيتحرشوا بللي لابسيين النقاب اقولك مش كل للي لابسيين نقاب محترميين يعنى فيه بنات لو رحت قعدت ع كافيهات وقهاوى للي بتقعد فيهم بنات وصبيان هتلاقي منقبات عادى وممكن تلاقي بنت منقبه ومصاحبه تلاته عادى بردو وممكن تلاقي منقبه ومتجوزة عرفي المشكله بقيت في للي بيستخبي ورا النقاب يعنى كنت في اسكندريه قريب وكان فيه كازنو ع البحر وكان فيه رقصات وكدة وكان 40% من البنات للي حاضريين منقبات و50% محجبات وحوالي 10% مش محجبين المشكله ان دول بيسئوا للاسلام النقاب هو اعف حاجة للبنت ممكن تلبسها والبنت اللي لابساه لازم تكون فاهمه انها لو لبسته هتكون ملزمة بحجات كتير وولاسف الامثله السيئه دى للي خلت وزير الصحة يمنع المنقبات من العمل في الستشفيات وفيه قرار بردو من وزير التعليم بيناقشوا عشان كدة ونرجع نلوم نفسنا تانى ..................... بالنسبه يعنى ايه البنت لما تعدى عليها 20 سنه ولو ماتخطبتش تقوم القيامه؟؟ اولا الجواز دة قسمه ونصيب لكن عندهم حق لان مصر فيها 9 مليوووووووووووووووووون عانس بالاضافة ان عندك بطاله و ارتفاع اسعار والمغالاه في المهور دة كله بياخر سن الجواز وبعدين لو شاب عنده مثلا 30 سنه وعايز يتجوز هل هيبص لواحدة عندها 25 او 28 او 29 او 30 اكيد هبص للي 20 سنه د طبعا لو كانت كل ظروفهم واحدة يعنى كلهم متديين وكلهم جمال الخ فاكيد اكيد هيبص للي 20 فبالتالي من الطبيعي يحصل كدة لان لو كبرت عن كدة فرصتها في الجواز هتقل لغايه لما تنعدم خالص هتقولي وفيها لما ماتتجوزى خالص هقولك لاء طبعا انت عندك الاب والام عايزيين يسترو ع بناتهم قبل مايموتو ويطمنوا عليهم ......................................... وبالنسبه لسؤال لسؤال ليه البنت تبقي حياتها كلها قلق وتوتر من ايه انت قلت في رد سابق من للي بتشوفه بومين للي قال ان كل البنات بتشوف كدة فيه مش بتشوف كدة وبتعيش حياتها ومستمتعه بيها وفيه بنات بتعمل لكل خطوة حسابتها لما تتكلم تتكلم بحساب لان دينها بيقلها كدة وفيه بردو اخت قبل كدة ردت قالت انى بتكلم بحساب وعايشه تمام ودة مثل لكدة وع فكرة البنت لو معملتش كدة هتفقد انوثتها لان اهم حاجة تميز البنت الخجل وانها تحط حد لكل حد بيتكلم معاها ...................... بالنسبه لسؤال يعنى لما البنت تنجرح من حب ماتبقاش عايشه وهى تحب ليه اصلا هل الحب حلال ولا حرام اكيد الكل عارف وبالرغم من كدة الكل سواء شباب او بنات وانا واحد منهم بنحب ونتحب بس للي يدخل في خطوة زى دى يتحمل عقبتها لانه هوللي دخل فيها من الاول ...................... بالنسبه لسؤال ليه البنت تتجوز اي واحد وخلاص ومين قال كدة في الاسلام مش كدة لازم رائ البنت مش معنى كدة انها بتكون بتحبه والكلام دة واكيد الكل فاهم |
انت كلامك صح الشارع في مصر معدش امن ان البنت تمشي فيه براحتها
لازم اي ولد هيضيقها وهي ماشية حتي لو محترمة وحتى لو محجبة |
اقتباس:
وفيه منقبات مش محترمين ودول بيسيئوا للمحجبات والمنقبات بشكل عام |
بجد انا فخور بيكم قوى
ياجماعة انا بحترم البنت وفى شباب مش بتحترمها احنا بنتناقش ومفيش داعى للردود المستفزة بجد شكرا جدا على كل وجهات النظر الرائعة......... |
بيتهيألي ان ما فيش حد ظلم حواء
بالعكس دي عندها كل حاجه يعني هي اللي بتظلم نفسها |
اقتباس:
بعدين بالنسبة لموضوع اللبس ده حريه شخصية يعنى لو واحدة لابسه بادى و بنطلون جينز مش من حق اى حد انه يغتصبها و انها تستهل كدة ده مش منطق خالص اما بالنسبة للمنقبين فده انت تعرف منين انها مش محترمة تروح تعاكسها بعد كدة تستنى رد فعلها و تقول ان فى كتير مش محترمين طب مالولاد اكثريتهم مش محترمين طب و الولاد اللى بيبقوا ركبين عربيات و يجوا للبنت اللى ماشية محترمة و يقولها اللى انتوا عارفينوا دول كمان تم استفززهم ؟؟؟ بالنسبة لموضوع الحب فده مش حرام طالما متعداش الادب و الاحترام و اخيراً يعنى ايه بالنسبه لسؤال ليه البنت تتجوز اي واحد وخلاص ومين قال كدة في الاسلام مش كدة لازم رائ البنت مش معنى كدة انها بتكون بتحبه والكلام دة يعنى لو بتحبه يبقى مرفوض ؟؟؟ |
ردى بقا اختصره فى بيت شعر (نعيب زماننا والعيب فينا وما لزماننا عيب سوانا)
|
أولاً أحب أشكرك انك فتحت الموضوع ده وأقولك انو انتا مغلتطش علشان دي أهم فضايح المجتمع وخاصة مجتمعنا الشرقي وأنا هأكتبلك رأيي في كل فكره لواحدها:
بالنسبه للإغتصاب فده زمان كنا بنقول انو البنت السبب يعني لبسها طريقة مشيها وصوتها وكده يعني لكن دلوقتي مبقتش بتفرق للاسف. وبالنسبه لموضوع الجواز : احنا البنات بنقول قسمه ونصيب لكن أهالينا شايفه ان البنت لازم تدور على العريس من ساعة ماتتولد يعني انا كبنت شايفه اني أنا مش محتاجه الراجل في حاجه لكن علشان المجتمع لازم أتجوز علشان أقطع لسان الناس لكن مش من 20 سنه لأه ده كان زمان دلوقتي عاديي أوي لو طولت شويه. وموضوع الجرح بعد الحب فأنا احب اقولك انو مش كل البنات بتتجرح اوي يعني البنت اللي بتتجرح أوي هي اللي بتحب أوي . وشكرا على طرح الموضوع . |
اقتباس:
بصى انا ممكن اكون متفق معاكى سنة بسيطة فى اول نقطتين مع انى برضه مصر ان الكلام ده ملوش علاقة بالثقة بس فى النقطة التالته انا مش قصدى ان البنت بتموت بعد الحب لكن البنت اللى بتحب حد بجد بيأثر عليها نفسيا بعد كده لما يفركشوا وبالنسبة للنقطة الرابعة انا افضت فيها كتير فى الردود السابقة شكرا على مرورك اقتباس:
تقريبا ده خير رد بالنسبة ليه على الرد اللى قبليه نورت يا معلم اقتباس:
فعلا مين يفهم ومين يقدر اقتباس:
فى انتظارك ان شاء الله |
اقتباس:
على فكرة انا معظم حياتى عشتها فى الريف برضه [quote=pureheart;1526928]انا ممكن اكون اسأت التعبير فى أخر سؤال او حاجة بس مش معنى كده ان البنت بالمطلق مش مظلومة فى مجتمعنا اقتباس:
مش عارف بس برضه موضوع البرفان ده مش وسيله اطلاقا يعنى كل بنت هتمشى فى ايداها برفان طيب افرضى 3 عيال قبلوها لا بيتهيألى موضوع الجواز ده لسه موجود ان البنات يكونوا عايزين عرسان بدليل العنوسة ناو كبيرة بطريقة رهيبة اقتباس:
وجهة نظر برضه اقتباس:
ربنا يخليكى ثانكس جدا ع المرور الرائع اقتباس:
شكرا على المرور ويارب يكون الموضوع عجبك اقتباس:
لازم المجتمع يتغير او الناس اللى فى ثقافتهم تتغير شكرا على مرورك الطيب |
اقتباس:
وعليكم السلام ورحمة الله وبركاته وجزاكم الله خيرا كثير عن الاهتمام بقضية البنت وحريتها وما قد تتعرض له لو أسأت استخدامها بس لي عند حضرتك طلب ممكن حضرتك تناقش الشباب الى علقنا على تصرفاتهم الخطأ يعني في مواضيع ودية فيما بينكم :- لم يعاكسون البنت ويفعلون كدا وكدا .....؟؟ لم يتسلون بالبنات ولا يحبونهم حبا صادقا ؟؟ لم لا يتزوجون من يميل لها قلوبهم ؟؟ لم بعد الزواج يخنون ؟؟ وغيرها من الاسئلة التى تعلمها اكثر منى من يدري لعل الله يهدي بك وبأمثالك الشباب ويرحم البنات من كل المشاكل التى ضايقتك لك منا جزيل الشكر وعزرا للاطالة والسلام ختام |
انا عن نفسى معاك فى كل كلمه قولتها انا فعلا بقيت بخاف امشى فى الشارع من كتر اللى بيحصل بقيت بكره نفسى من اللى بيتعمل فى الشوارع لا والموضه اليومين دول ان اللى بيعاكس البنات مش ولاد وبس لا وبنات كمان
بجد احنا فعلا مظلومين من مجتمع زباله وحكومه ازبل واعلان ازبل وازبل خلى كل حاجه بقت مباحه وعادى ومفيش اى مشاكل صدقنى لو اتكلمنا فى الموضوع ده هنفتح كلام كتير اوى وهنعدى الخطوط الحمره بمراحل خلينا احسن ساكتين وكعاده الشعب المصرى الصم______________________________ت هنقول ايه معانا ربنا |
اقتباس:
الله عليك اقتباس:
يكفى اننا شباااااااااااب اقتباس:
معاكى والله فى كلامك بس عامة انا بتكلم بصفة عامة بس انا معاكى طبعا فى ان للبنت حدود مينفعش تتعداها مشكووور على مرورك اقتباس:
ياااااااااااااه شكرا جزيلا على مرورك |
اقتباس:
أنا معاكى طبعا يس لما تكون واحدة منقية وحد يتحرش بيها يبقى ايه الوضع؟ مش ده نقص برضه عندنا؟؟ اقتباس:
لا هو البنت اخرها الساعة 9 علشان الشباب الزبالة اللى بيسهر لأخر الليل على النواصى واللى بيشموا على الرصيف بس كده يعنى اقتباس:
لا عادى فى شباب كتير بتحس ويتكلموا احسن منى بكتير فى الموضوع ده اقتباس:
أنا بقول كده يرضه اقتباس:
no comment |
بجد يا احمد الموضوع هايل بيجسد حياة البنت بجد بس عايز ةقول حاجة ياريت اللى البنات فية على قد اللى انتا قولتة وبس ومش معنا انى وحدةمش لبسة على الشرع والدين بالضبط يبقى ربنا مابيحبهاش وواقف معاها
ربنا كريم وغفور وبيقف معكل الناس http://www.thanwya.com/vb/life/icons/icon114.gif |
البنات عالم تانى عجيب وغريب اه هما ناقصات عقل ودين كيدنا يهد جبال وكيدهم يهد رجال مشهرون بالكدب وكمان مهما زاد معلوماتها فى الدين بردوه ناقصات عقل ودين اما الاجابه عن اسئلتك فهيا واضحه اولا لبس البنت المخالف للدين والتقليد الاعمى للغرب فى كل شئ والمساواه بين الولد والبنت فى كل شئ حتى فى فرص العمل والدراسة كان زمان الراجل هوه كل شئ لانه هوه الى بيشغل اما دلوقى البنات بتعمل كل حاجه بيعملها الراجل ده بالعكس بتنافسه فى كل حاجه حتى اللبس والموضه اما تعرضهم للتحرش فا ده راجع لقلة فرص عمل الولاد الى اخذتها البنات وبالتالى عدم الحصول على دخل ورائس مال لتكوين الاسرة فتقل فرص الزواج ودلع البنات فى المدرسه تلاقى البنات اكتر من الولاد فى الثانويه اغلب المجاميع ورفع درجات الكليات من البنات فى العمل الحر شغل بنت لانها حاترضى بالقليل بدل فاعدتها فى البيت فى الوظيفه الاماكن القريبه ليهم طبعا الى فيها توفير فى المواصلات والرجاله ياعينى تصرف اغلب مرتباتها فى المواصلات ومن هنا ممكن تتخيل الباقى |
| جميع الأوقات بتوقيت GMT +2. الساعة الآن 02:46 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.