بوابة الثانوية العامة المصرية

انا ما شفتش الحلقة
فحعتمد على كلامكم عنها

انا ضد ان المدرسة أو المعهد تفرض الحجاب على البنات الصغيرين اللي لسه مابلغوش
بس ممكن يشجعهم يعنى مثلا في مدرستي
من أول 3 ابتدائي كانوا بيخلونا نصلي الظهر في المدرسة فكان الكل بيجيب معاه طرحة عشان تصلي
وكان في بنات تلبس الطرحة يوم طول النهار ويوم تقلعها ومكنش المدرسات بيقولولهم حاجة لغاية ما اتعودنا على لبس الحجاب عشان كده كان كل البنات اللي في مدرستي تقريبا أتحجبوا في الفترة بتاعة اعدادي :)
وكمان كانت اللي بيتحجبوا يخدوا اسمأهم ويعمللهم حفلة ويدلهم هدايا :blush:(مدرستي دي كانت جميلة وانا مكنتش حاسة)
أما لو فرضوا عليهم انهم يلبسوا الحجاب من وهمه صغيرين أكيد اللي تيجي من غير حجاب حيعقبوها :stickjo4:فتكون النتيجة عكسية

وحتى لما البنت توصل لسن انها المفروض تلبس الحجاب
ممكن لو هيه رفضت الأهل يخدوها بالتدريج يعني يخلوها تلبس حاجات واسعة وبعدين يخلوها تلبس حاجات طويلة ساعتها حيبقى سهل عليه أنها تلبس الحجاب
مايحسسوهاش انهم بيجبروها لأ يحسسوها أنهم حيبقوا ما مبسوطين بيها وهيه محجبة وأيه المانع كمان لما يجبولها هدية بمناسبة أنها اتحجبت:bosyht9:
أما لو استخدموا الشدة والإجبار ممكن تجيب نتيجة عكسية خاصة أن سن فرض الحجاب بيبقى في فترة المراهقة اللي بتبقى في الغالب فترة تمرد

كان في واحدة كانت لابسة حجاب عادي أهلها ما كنش عاجبهم كانوا عايزنها تلبس خمار فلبسوها الخمار بالإجبار فكانت النتيجة أنها خلعته بعد فترة من لبسه وسعتها ما قدروش يجبروها أنها تلبسه تاني

ليا واحدة قريبتي كان أهلها برضه عايزنها تلبس خمار بس ما أجبروهاش أخدوها بالتدريج يعنى تطول الترحة شوية كده يعنى لغاية ما هيه جت من نفسها قالتلهم أنا عايزة ألبس الخمار

وبعدين أهم من كل الكلام اللي ممكن تقعد تقولوا للبنات عن الحجاب أنها تكون شايفة أمها محجبة دي حاجة حتأثر فيها أكتر من أي كلام