|
انا انشاء الله معاكم فى تانيه تجاره محمود الجندى وكل سنه وانتو طيبين
|
انا ان شاء الله معاكو ف اولى تجاره
وربنا معانا ان شاء الله |
يا جماعه ان شاء الله دى ازمه وحتعدى متقلقوش ادعوا وقولوا يا رب يعديها على خير
|
انا شمس من المنصورة والاخص اجا يارب وفقنا في تجارة
|
اهلا بيكى يا شمس نورتينا
|
انا عملت يا جماعه جروب يضم شباب تجاره المنصوره اسمه Shabab EL Commerce عشان نعرف اخبار بعض وكده يعنى
|
تم افتتاح مجموعه خاصه بتجارة المنصوره
بواسطة العضو اسلام66 على اللينك ده http://http://www.thanwya.com/vb/group.php?groupid=284 |
لما يتبقى غير يوم فقط على النتيجه ربنا يوفقنا
|
اقتباس:
مينفعش تحط لينك لأن ده من ملفك الخاص |
اقتباس:
كلنا مقبولين انشاء الله |
ان شاء الله ادعو ربنا يكون معانا
|
اللى اتقبل يا جماعه يقول عشان نهنيه
|
لما حد يجيب النتيجه ياجماعه يبقى يقول
|
النتيجه تقريبا انهرده
ربنه يوفق كل اللى مقدم انجلش |
حسبى الله ونعم الوكيل فى بتوع الشئون عشان اخد المشوار ده كله على الفاضى والله انا كنت عارف انى حروح حيقولولى تعالى فى يوم تانى .. قالوا لى تعالى يوم الخميس الجاى انا قرفت من الكليه عشان بتوع الشئون اللى قاعديين فى الطراوه ولا حسيين بالمواصلات والقرف اللى احنا فيه ...............حسبى الله ونعم الوكيل .......
|
صلى على النبى بس يا اسلام بص هما بيستهبوا اه معاك
بيستعبطوا اه معاك لكن لازم نستحملهم لحد ما ناخد اللى احنا عاوزينه منهم المهم يعنى دا انتا رحمتنى انا كنت هاروح بكره بنها نخليها بقا الخميس واهو يبقا مشوار وخلاص وندفع الفلوس بعد العيد |
ده رقم الكليه عشان تتصلوا وتشوفوا النتيجه بدل ماتروحوا 2243974
|
بجد حسبى والله ونعم الوكيل فيهم حرااام عليهم اللى بيعملواا ده الدنيا حرررررر واحنا صايمين وهما عادى مش فارقه معااهم نسافر ونتبهدل عاادى
شكلها هاطلعوها بعد الدراسه ولا حاجه |
معلش يا جماعه هما برضوا الله يكون فى عونهم الاف الطلاب بيقدموا فى الكليه و هما كام موظف فالضغط عليهم كبير وهما برضوا صايمينهما كويسين لكن علشان فى ضغط عليهم ف الشغل ده انا يا جماعه كنت السنه اللى فاتت لما جيت اقدم ورقى كان كل ما اروح يقولولى كمان اسبوع و غير كده الكارنيهات هيدهالكم قبل الامتحانات و بالرغم ان باقى كليان الجامعه واخداهم من اولما الدراسه تبدتدا لكن و الله ناس طيبين و الله يكن ف عونهم وعونه
|
يا جماعه ما تنسوش تطمنونى عليكم
|
ربنا الكليه دي عاوزه يتولع فيها دي بقت حاجه ارف
هو شغل عيال كليه ملهاش كلمه اصلا |
اه والله حسبى الله ونعم الوكيل لانى روحت المشوار ع الفاضى ولقيتهم بيقولوا يوم الخميس دول بيستهبلوا
|
انا عاوز افهم انتو دماغكو متركبه شمال مش بيقولو اسال مجرب ومتسالش طبيب
والله ما هتظهر الا لما الدراسه تبدا باسبوع اعملكو اكتر من كده ايه انتو الى عاوزين تتعبو نفسكو وخلاص كمان يا جماعه بتوع شؤون الطلبه دول بردو ربنا يكون فى عنهمطول النهار فى وش الكمبيوتر وملفات ومسؤليه جامده جدا جدا انتو لسه فى اولى ومش فاهمين الدنيا فى الجامعه ماشيه ازاى السنه الى فاتت كنت زيكو كده بس الصبر جمييل :d |
اسمعو كلام الجينرال بقي واسالو بعد العيد وخلاص
بس بكلامك دا ياجينرال بتخليني اندم ع حاجه وحياه ربنا هموت نفسي يلا بقي الحمد لله بس بردو حسبي الله ونعم الوكيل في بتوع الشئون دول ومعلش بقي ياسلام ورنا وسمر يلا لازم نستحمل ربنا يوفقكو ان شاء الله |
انا معتش رايح انا حتصل عليهم وخلاص بدل اما اروح المشوار اللى يصدع الدماغ ده
|
مش ادامنا غير الصبر اصلاااااا
|
يا جماعه النتيجه مش حتبان الا بعد العيد وانا سألت لاقيت ان مفيش الا 400 مقدمين وبياخدوا حسب المجموع فى الانجليش الاول وبعديين بيشوفوا المجموع الاعتبارى وسمعت انهم ممكن يقبلوا كل المقدميين عشان هما عدد صغير ...
|
كل سنه وانتوا طيبين و عيد سعيد عليكوا يا رب
|
وانت طيب يااسلام وكل عام والكل بالف صحه وسلامه وبخير
|
عـيـــــــــــــــــــــد سعيـــــــــــــــــــــــــــــــــــــد ...........مفيش اخبار جديده عن الكليه
|
وانت بالصحه والسلامه يا اسلام.....وكل الناس هنا فى المنتدى
وان شاء الله يبقى عـــــــــــــيــــــــــد ســـــــعــــــيــــــــد علينا كلنا |
عيد سعيد عليكم
متادم 400 وشوف يا معلم كام واحد من دفعتنا قاعد معاكم :d :d الحمد لله ان الواحد عداا بس همه بيبقو محددين عدد وبياخدوه بالظبط لان الكليه هتنزل مرحله تانيه وتالته ورابعه لحد ما يدخلو العدد المطلوب |
:stickjo4: الصبر مفتاح الفرج مش قدامنا غير ان احنا نصبر بدل من فرقع :slap1qk6: عملتوا ايه فى العيد يا شباب اتمنى انه كان عيد سعيد عليكوا :) .......
|
كل سنه وانتو طيبين وان شاء الله تتقبلو في تجاره انجلش ويارب يعود عليكم بخير يارب
|
يا جماعة لو حد فيكو جاب جدول المحاضرات يقول لنا احسن انا مش عارف بينزل امتى ..........
|
لسه بدري يااسلام منتا هتجيبه اول يوم الدراسه وخلاص لو انت نزلت
صحيح ياجماعه اللي هينزل يبقي يقول هو عمل ايه عشان انا بفكر منزلش وقولولي هتنزلو يوم السبت الجاي عشان نتيجه الانجلش ولا لاء |
انا اتصلت على الكليه انهارده و واحد قالى ان النتيجه لسه مظهرتش بس قالى ان اخر ميعاد لها تظهر فيه يوم الاحد الجاى وسألته عن الدراسه قال انها 3/10 مش 26/9 ....... احنا صبرنا كتيييييييييييييييييييير اوى بس مبقاش الا القليل واتمنى انكم تكونوا بخيييييييييييير
|
مساااااااااااااااااااااااااااااااااااااااااااااء الخير
|
انا والله كرهت الكليه دي وانا اصلا مش طايقاها ربنا يعدي السنه اللي جايه ديه ع خير بقي
|
:oمعلشى يا neco استحملى لما انتى كرهتى الكليه من قبل ماتدخليها امال لما تدخليها حتعملى ايه من المواصلات كل يوم هما كلهم 4 سنين حيعدوا كأنهم 4 ايام عادى ربنا معانا ويسترها على عباده
اللهم انى لا اسألك رد القضاء ولكنى اسألك اللطف فيه يا رب عديها على خيييييييييييييير :):) |
يارب يااسلام يارب والنتيجه يوم التلات انا كنت هناك النهرده انا هجيبها اول يوم الدراسه يوم السبت بقي وخلاص
بس بيقولو لازم ندفع المصاريف كلها ع بعضها اول يوم لدراسه 3015 جنيه قولي والنبي هتعمل ايه هتنزل التلات ولا ايه |
شكلها يوم الثلاثاء يا neso بس انا افتكر انهم حيقبلوا كل المقديين احسن الكليه حالتها متعسره احسن عندها ولاده وربنا يعينها بالسلامه ونروح نبارك لها على المولود الجديد ههههههههههه ......... يعنى احنا لو روحنا ندفع المصاريف لازم ندفعها لوكشه واحده عشان مصاريف الولاده طيب بالنسبه لمصاريف الكتب ايه نظامها ...
|
انا هبه معاكم ياجماعه اولى تجاره انجلش المنصوره
وشكل النتيجه مش هتبان فعلا الا بعد اسبوع من الدراسه ربنا معانا ونقبل كلنا ان شاء الله محدش يعرف خادت انجلش من كام السنه اللى فاتت؟؟؟ |
اهلا بيكى يا هبه معانا انتى نورتينا والله النتيجه يا ستى سامع انها حتبان يوم الثلاثاء الجاى ومجلس الجامعه حيجتمع بكره عشان هما حيقبلوا كل اللى مقدميين انجليش بإذن الله
|
مساء العسل انا محمود عقل رايح تجارة المنصورة ان شاء الله وياريت اتعرف علي الشباب العسل ده
|
النتيجه بكره ادينا مستنين بس كل امبد بقى يقولى تعالوا بعد الدراسه عشان انا اتخنقت منهم لروح افجر لهم المكان على دماغهم كليه ايه دى اللى النتيجه بتاعتها بتظهر متأخر كده ليه كل ده بس
يا جماعه اللى جاب جدول المحاضرات يكتبه وميبخلش علينا |
اقتباس:
هههههههههههههههه تقريبا كدا يااسلام ربنا يعينها بااسلامه |
اهلا بيكي ياهبه وبيك يامحمود منورين الكليه
لو جبت النتيجه يااسلام قولي والنبي وقول انت عملت ايه |
النتيجه ظهرت يا neso والادبى اخد من 405.5 والعلمى من 417.5 اما بالنسبه لى محصلش نصيب بس بيقولوا ان المرحله التانيه حتنزل الاسبوع الجاى وان شاءالله اقبل
|
اقتباس:
لو لاقدر الله ما حصلش نصيب هبقى احجزلك جنبى:) ومبروكــ لكل اللى اتقبلو:av4056bb7jp3: |
| جميع الأوقات بتوقيت GMT +2. الساعة الآن 09:16 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.