يا جماعة لو حد موجود يا ريت يرد عليا انا عندى فكرة على الموضوع دة وممكن اقول لأى حد عايز يعرف بجد ولو حا عايز يعرف بجد

على فكرة يا اسير الدب انتى بتتكلمى كلام خيالى

اولا مفيش حد هيعمل اضراب معاكى لأن اساسا مفيش وقت للكلام دة دة خلاص فاضل اسبوعين

قصدى يعنى انى انا عندى معلومات عن الموضوع دة

وانا شايف انك ممكن تروحى مكتب التنسيق وانا اعرف حد هناك ممكن بقولك تعملى اية بس هوة هيقولك على حاجة ممكن تجيب نتيجة بجد مش الأضراب والكلام دة على فكرة انا مصرى وعارف اية اللى ممكن يبقى م}ثر بالنسبة للناس دول

مش كلام خيالي ولا حاجة ..

بس احنا إلي مش اتعودنا يكون لنا صوت
مش اتعودنا اننا ممكن نغير حاجة ..
وللاسف مش مقتنعين اننا تقدر تغير حاجة ..

يا ااخي على الاقل لو مش غيرنا ادينا بنحاول ...

بس مش عايزين نجي بعد كام سنة نقول ياريت كنا عملنا .. يا ريت بس حاولنا ..

صدقني مش هنخسر حاجة ..

لو مش كسبنا اكيد مفيش حاجة نخسرها .. احنا اصلا دلوقتي واقفين على ارض الخسارة ..

مين قال لك مفيش حد معاي ..
انا معاي كتير اوي ..

وفعلا بدأنا ..

انا مش بلم طلاب من المنتدى .. انا معاي ناس من برة كمان ومعاهم اهلهم واقفين معانا ..

انا بس حاولت نكتر عشان يكون موقفنا اقوى ..

وفي وقت .. اسبوعين مش شوية ..

وانا هدخل هندسة يعني هدخل هندسة ..

والله مش بيضيع حق حد

طيب لو تقدر تفيدني .. فيدني الله يخليك ..

وبليز مش تحبطني .. انا محبطة خلقة ...

واديني بتعلق في قشة

ليه بتحبطني يا تيمو ؟؟

طيب حتى لو مفيش فايدة من ده كله .. مش تكسرو مجاديفي باستمرار

بليز ..:(

مش حكايه احباط اصل ده تنسيق
ولو كده كان كل واحد مش عاجبه التنسيق كان عمل اضراب

اصل يا تيمو التنسيق وحش اوي السنة دي ..

يعني مينفعش اشوف اني جبت اعلى من ناس وهم دخلوا اكتر مني ..


بس التنسيق جه غير متوقع السنة دي

يا تيمو الاعداد قلت
الكلية الي فيها 1000 طالب المفروض تاخدما لا يقل عن 15 طالب زي كل سنة
الكليات دي مخدتش اكتر من 5 طلاب الي طالب واحد
كل دة علشان الجامعات الخاصة

يعني في ظلم فعلا في التنسيق .. صح ؟؟

قلت ليه ؟؟؟؟؟؟

كلام فارغ وظلم وحسبيا اللهونعم الوكيل على التوتروسدت النفس لما الواحد يفضل مموت نفسه فالمذاكره تلات سنين نظام جديد بتاع الكويت اللي جه من حظي واجي ادفع ومصاريف وشحططه ويكتبولي استنفذ الرغبات !!!!!!!!!!!!! ليه هو الكليات اتملت للدرجادي ولا حقد ولا قرف ولا فيه ايه
يعنى اقل حاجه منتظراها كانت هندسه يروح يقولي استفد الرغبات ليه
هما قاعدين يخترعوا ازاي يلموا منننا فلوس وخلاص
ده هما ما يعرفوش ظروف اللي بره فاكرين اانننا بنكبش من جبل فلوس ولا بنلاقيها فالشارع
ده غربهوحرقت دم ومعامله زي الزفت واللي جاي يادوب يكفي حتى بقوا هناك يخترعوا يمصوا دمنا
فالكويت تامين صحي وبلاوي ايجارات غاليه ولا عارفين نعيش فين
على الاقل اللي في مصر دول احسن مننا
عايشن مع اهلهم وعندهم مصدر رزقهم ومرتاحين وجامعتهم بتعاملهم غير الوافدين وكلواحد عنده بيته ومشروعه وباله مرتاح
انما احنا لا المفروض نعيش على الحدود ولاايه
لما هنا وهناك احنا اجانب ووافدين امال احنا منين
وتيجي اختى تعمل اذن غياب ولاايورقه فالكيله يقولوا مادام وافدين يبقى تدفعي خمسه جنيه على الطابع ابو نص جنيه
ويقطعوا الورقونفضل نعيدوندفع ومسخره
بلد مسخره
حسبيا اللهونعم الوكيل
انا بكرها وبكرها اكتر كل يوم
انا متضايقه اووووووووووووي حراااام عليكم

مش عارفة اقول لك ايه يا برنسة ...

انت قلتي كلام كتير انا مش كنت عارفة اقوله ازاي ..

طيب ياريت يمصو في دمنا زي ما هما عايزين بس الاخر يدونا حاجة عدلة ..

ده انا لما رحت جامعة القاهرة اسأل عن التحويلات .. قالوا لي انتي تدخلي تكتبي رغباتك تاني وتطبعي الورقة وتجبيها وتدفعي 1500 جنية ولو في مكان في واحدة من كليات الرغبات الجديدة هتروحي لو مش في يبقى خلاص ..

قلت طيب و الــ 1500 راح رفع كتفه بغباء وابتسم ابتسامة زي وشه

طيب فعلا نروح فين ؟؟

نعمل ايه ..

نروح كليات خاصة .. بــ 20 و30 الف جنية في السنة ؟؟

ولا نرجع من مكان ما جينا .؟؟

ده انا في قطر ادخل صيدلة وانا مرتاحة اووووووي

بس هي ظروفنا اننا رجعنا هنا ..

بس يا رب انت شايف الظلم إلي احنا فيه يا رب .. شايف مستقبلنا بيضيع ..

شايف انه تعبنا وسهرنا بيضيع بسهولة ..

ده مش كفاية المصاريف إلي اهلي صرفوها عشان الدروس الخصوصية .. 9 الاف في الترم ..

وهنا جايين بيكملو علينا ..

يا الله يا الله يا الله

ارجوكم يا جماعة نقف كلنا مع بعض .. ونوصل رأينا ده للجرايد ..

ارجوكم خلونا نا خد موقف قوي شوي ..

والله والله نقدر نغير حاجة .. سيبكم من كلام الناس إلي بتقول خلاص الوضع حسم ..

نقدر احنا واهالينا نقدم شكاوي .. ونقول كده مينفعش ..

انا هكتب ميل لجريدة الاهرام .. وهبعته وهحاول اعمل اي حاجة .. متأكدة اني مش هخسر لو حاولت ده ممكن اكسب .. وكمان متأكده اني هخسر لو مش عملت ..

ابعتوا على الميل ده بتاع جريدة الهرام ..
ahramdaily*ahram.org.egأ

(مكان النجمة دي في آت)

خلونا نعمل حاجة بقة مرة في حياتنا .. مش هنفضل نتفرج على مستقبلنا بيضيع .. مش هنخسر حاجة .. بس كم دقيقة نكتب ميل نقول اننا طلاب الشهادات المعادلة بنشتكي من ظلمنا في درجات التنسيق .. ونطلب منهم انهم كسلطة رابعة انهم يوصلو صوتنا لللمسؤولين .. وللوزير الجديد .. .. وخلونا نقول كل إلي حارق دمنا .. ونقول ونقول ونقول

بصي انا هاقولك حاجة
احنا ملناش لزمة في البلد دي من اساسه ولا لينا صوت ولا اي حاجة
يعني مهما عملتي وبعتي لكل البرامج والجرايد مش هيعبروكي
احنا عملنا الحركة دي لما اطبقت القدرات كلنا بعتنا للعاشرة مساءا و90 دقيقة وكل الجرايد اللي في مصر ولا حد عبرنا
هما بيعاملو هنا الوافدين اللي مش مصريين احسن مننا
ربنا يصبرنا على الظلم

بالنسبة لنقطة ان انتي مجموعك اعلى من واحد وهو جاب هندسة وانتي لأ
مينفعش تقارني بين تنسيق سنتين مختلفين حتى لو كنتم بتمتحنوا في نفس المناهج لأن ممكن يكون الاختلاف بين السنتين في عدد الطلبة المقبولين لأنها نزلت جامد السنة دي
انا مثلا جاي من السعودية وجايب 402.6 واسألي اي حد جاي من السعودية على المجموع ده وشوفي هيقول ايه (100% مدرسة + 94% قدرات )
يعني انا أعلى واحد ف اللي جايبين 94 قدرات ومفيش اعلى مني غير بتوع 95 & 96 ودول حسب كلام المستشار التعليمي بتاعنا ميجوش 15 واحد
هل 15 واحد دول كلهم عاوزين طب والمنصورة بالذات !!!!!
في ناس كانت متوقعة ان انا بمجموعي ده اجيب كل كليات الجمهورية حتى هندسة البترول ولكن راحت عليا بفرق 0.2% وطب المنصورة راحت بفرق 0.1%

الحمد لله على كل شيء
انا جالي طب عين شمس ومفيش تحويل للمنصورة لأنها أعلى ومفيش مدينة جامعية لأني جاي من بره ومليش قرايب هناك
ربنا يسترها معانا كلنا

انا فعلا عجبني كلام برنسة أوي وهو ده اللي كان نفسي أئولو بجد انا صحيح دلت اللي نفسي فية بس انا بجد متعاطفه معاكو جدا وحاولو بجد تعملوا حاجة غير الالضراب يعني تكلموا مسئول تكتبوا شكوى وتبعتوها للزير مثلا وتوقعوا عليها كلوكو وزي ما الت برنسة كده هو يا امى احنا مالناش بلد اصلا يا اما احنا مصريين درجة تانية فكرنا بنجيب الفلوس من الشارع ربنا يصبركوا وتحلوا مشكلتكوا ويوفقكوا كلوكو أميين.....

واضح انى فى عك و الناس بتتكلم و مش فهمه حاجه
السودانيه صعبه جدا جدا جدا و الرقم اللى مش عجبك 363 مفيش حد بيجيبه غير اتنين او تلاته بس على مستوى الشهادة الثانويه السودانيه كلها
و اللى بيجيب 320 بيخش هندسه
المدارس السودانيه موجوده فى السعوديه وقطر وليبيا والكويت
فى مدرستين فى ليبيا فى بنى غازى و طرابلس و فى السعوديه اربع مدارس فى جده و الرياض وهكذا
المدارس دية اغلبها مصريين و قلة سوريين و فلسطنين
و الجامعات المصرية بتقبل المصريين بس
و الاماكن المحددة للشهادة السودانية تمثل اقل من خمس الاماكن المحددة للشهادة السعودية
مدرستى اللى فى بنى غازى واحدة بس اللى دخلت طب عين شمس و كل كليه اغلبها واخده واحد او تنين بالكتير من المدرسه باقى المدارس معرفش بس اكيد نفس النظام
بلاش ظلم للسودانيه فى ناس جايبة97% فى سنه تانيه فى ثانوية مصر حدوا سنه تالته فى الثانوية السودانيه
جابوا 83 و82% و فى واحد كان جايب 94 فى سنه تانيه فى مصر جاب 65 % فى السودانيه
و الله العظيم و الله العظيم حصل و دخل تربية لو كمل فى مصر كان طال احسن من كده بكتير

على فكرة كل كلامكم دا ينم عن جهل و عدم معرفة أسباب تقليل عدد الأماكن في الجامعات انتوا مصرين على انكم مظلومين .. يا جماعة يا ريات نفهموا انكم زيكوا زي طلاب الثانوية العامة المصرية بالزبط ... المجلس الأعلى للجامعات قلل عدد مقاعد الطب في مصر كلها بمقدار 25% تم قبول 6 آلاف طالب في مصر كلها في كلية الطب بما فيهم الشهادات المعادلة ...

هندسة برضوا تم تقليل عدد المقاعد فيها لكل طلاب مصر الى 30% عن السنة اللي فاتت يبقى فين الظلم؟؟ ماهو القرار على الجميع انتوا و طلاب ثانوية مصرية بالزبط .. انتوا ليكم 5% من القبول يعني لو حسبناها .. 6000 مقعد طب نضربها في 5% .. ليكم 300 مكان طب موزعة على كل الشهادات المعادلة الأجنبية و العربية !!! يبقى فين الظلم ؟؟ ماهو الرقم قدامكم أهو العدد قل عن 500 مكان زي السنة اللي فاتت !!!

و ما تفضلوش تقولوا زي السنة اللي فاتت لأن كل سنة المجلس الأعلى للجامعات بيوصي التنسيق بالأعداد اللي لازم كل كلية تاخدها ... يا جماعة التنسيق مافيش حد قاعد مستقصد حد .. القبول و التنسيق جهة تنفيذ تعليمات و بتفذ بناءا على تعليمات المجلس الأعلى للجامعات ... اللي مش عاجبه يروح المجلس الأعلى للجامعات موجود داخل حرم جامعة القاهرة و يروح يتناقش مع أمين المجلس الأعلى للجامعات ...

أما بالنسبة لموضوع 1500 جنيه دا مرفوض تماما ولا يجوز الظلم الاجتماعي لأن المفروض الرسوم تبقى موحدة للمصريين على حد سواء ... و مش معنى مصري في الخارج يعني يكون مليونير !!!! تفكير عقيم للي وضع الرسوم دي .

و أما بالنسبة ليكم انا قلبي معاكم و مقدر ثورتكم بس يا جماعة الآية بتقول
و عسى أن تكرهوا شيئا هو خير لكم ..

رمضان كريم و عيد مبارك
المهندس أنس حجاج

انتو هتشتغلونا قاعدين تشتموا فى الدولة مش تحمدوا ربنا انها بتدخلكوا جامعتها اصلا وانتو واخدين الثانوية برة

انتو عايزين تستريحوا بره وتيجوا تاخدوا الثانوية من هنا وترجعوا تانى انتم مش مصريين اصلا المفروض الاماكن اللى بتاخدوها اولى بيها المصريين اللى عايشين هنا وخدوا الثانوية من هنا والدولة مع ذلك بتعمل اللى عليها وبتحاول تدخلكم جامعتها ومش عاجبكم


بعدين قاعدين تقولوا السنة اللى فاتت كان التنسيق وكان ما كل سنة وليها ظروفها حسب صعوبة او سهولة الامتحانات

م الاخر لو انتوا شايفين انكوا مظلومين وان المصريين اللى فى البلد منصوفين تعالوا خدوا الثانوية من هنا مش هنا الطلبة يتحرق دمهم فى الثانوية وانتوا تيجوا من بره مستريحين عشان تاخدوا الثانوية من هنا وترجعوا بره تانى

لو كان كان التعب وحرقة الدم اساسا تعليم مصر ده ولا حاجه هو اصلا عندكم حصص ودروس ولا كتب ده بره من اول ما بتدخل الابتدائي لغاية الثانوي بتدرس كانك واحد بتعمل ابحاث غير الانتظام في الدراسه وان ما حدش بينام في بيته زي المصريين اللي بتكلمي عنهم اللي اصلا ما بيدخلوش مدرسه ولا عندهم انتظام ولا مدرسين بتشرح اصلا
بره مدرسين وشغل كل يوم وواجبات وامتحنات وابحاث وبلاوي ومواد انتو متعرفوهاش
الاساسي عندك كم ماده
وعندنا الاساسي كم ماده بفروعها
ولاعندكم شفوي ولا تحريري ولا اي حاجه
بتروحوا الامتحانات وقبلها بيوم الامتحان بينزلكم النموذج بتاعه فالجريده وانتو نايمين في بيتكو
وزي ما بتقوللوا عندكم اللي ما يعرفش بيقول عدس
احنا دارسين وعارفين وشيفين انتو عاملين ازاي
بتخلصوا المدارس ودماغكو فاضيه مافيهاش اي شئ مفيد
بس عندكم حقد للي بره على اساس خلفيتكم انهم مرتاحين وخلاص كلام فارغ
هات اتنين مخلصين ثانويه من هنا وهناك وقارن ما بينهم وفي معلوماتهم وانتظامهم وكل حاجه مش عايزه اتكلم كتير
عموما بلاش نبرة الحقد اللي داخل بيها دي اساسا الموضوع ده مفتوح لفئه معينه انت مالكش تتكلم فيه ناس مظلومين ومحتاسين مش فاضين للتهريج بتاعك اللي قادر يدخل يقول حاجه مفيده يقدر يساعدنا بيها يبقى كتر خيره غير كده بلاش وجع قلب اكتر من اللي احنا فيه اصلا

لا مش عك يا سشتاذ .. وانا مش بتكلم كلام من الهوى ..

ومهما كانت الثانوية صعبة في اي مكان لازم في طلاب بيجيبوا 99 و 98 ودرجات عاليه جدا ..

يعني ينفع حد جايب في السبعين يدخل طب ؟؟

افهم من كلامك كمان انه إلي يجيب 70 في الميه ده هو المتفوق عندهم ؟؟

يعني ينفع احنا طلاب قطر خدوا الحد الادني لكلية طب هو 407.4 ؟؟

وعلى فكرة ده مجموع الاولى على قطر .. يعني خدوا اعلى نسبه وحطوها حد ادنى بحيث محدش يدخل طب بعدها ؟؟

وبليز لز حضرتك مش عجبك الكلام مش تقول عك .. في كلام تحسن من كده

طيب السنة إلي فاتت كان عدد الطلاب متقدمين من قطر 1300 والسنة دي 200 طالب .. يعني المفروض خظوظ السنة دي تبقى احسن مليون مرة

.......

وكل سنة وانت طيب

طيب مدام في كتير بيتشكوا من التنسيق كده ما تخلونا نتحرك بقة .. ده الوقت عمال بيقل ..

ابعتوا على الميل ده ..

ahramdaily*ahram.org.eg << مكان النجمة في علامة آت

ده بتاع جريدة الاهرام ..

ابعتوا بليز وقول انكم معترضين .. انا لو اعرفكم كنت عديت عليكم واحد واحد عشان اخد توقيعكم على ورقة وابعتها الوزراة ونقول ده اعتراضنا ..

بليز يا جماعة عايزين الايميلات تبقى كتير

والله ماحد هيعبرنا
متحاوليش
احنا اقلية يعني صوتها مش مسموع
يعني المعترضين مثلا على التنسيق ممكن يكونو 5000
ودول يعملو ايه ؟؟؟ ولا حاجة ولا ليهم أي تأثير
انما لو حصل غلط في تنسيق مصر
شوفي بقى 300000 ممكن يعملو ايه
طبعا التنسيق ده كله تخطيط عشان الجامعات الخاصة
لما طب المنصورة تأخد 11 طالب من السعودية اللي جاي منها 5 آلاف يبقى حرااااااااااام

عرفت منين انهم 11 يا احمد

انا ليا تعليق علي نقطتين

اولا انا شايف ان الشهادات المعادله عادي من حقهم انهم يدخلوا جامعات مصريه لانهم مصريين زينا زيهم

ثانيا انا شايف اللي عمر ما اي ثانويه عربيه هتكون اصعب من الثانويه المصريه واللي شايف غير كده يبقي مش فاهم حاجه واحب اسأله سؤال

ليه خدت الثانويه من بره؟؟؟

الاجابه : عشان شغل اهلنا بره


طب سؤال تاني

ليه جيت دلوقتي تدخل كليه هنا هو مفيش كليات بره والشغل خلص بعد ما خلصت ثانوي؟؟؟

فعلا مفيش كليات برة
الكليات بتقتصر على جنسية البلد بس
ولو كان فيه كنا دخلنا احسن من الجامعات المصرية
نفس النظام هنا بس الفرق ان هنا بيقبلو جنسيات من بلاد تانية علشان يدفعو
انما هنا هما مش محتاجين فلوس اساسا والجامعات بتدي راتب شهري لكل طالب

فعلا مفيش لينا كليات برة ولو في كنا دخلناها هو كليات مصر دي كليات اصلا
انت بتتكلم في ايه

بس ايه يا جماعة موضوع الاضراب ده

انا مش فاهمة الهجوم ده ليه يا تيمو ..

هو انت مش شايف واحا كاتبين بتعترض على الــ 500 بتاعت دليل الطالب .. والــ 1500 بتوع التحويل ؟؟

هو احنا قاعدين على بنوك عشان ندخل كليات هناك ؟؟

اكيد انت قلت الكلام ده عن جهل وانا عذارك ..
اصلك مش تعرف بيدفعوا قد ايه في السنة ..

ده احنا عايزين نعمل اضراب ونبعت للجرايد ونقول لهم اننا معترضين .. بس عايزين طلاب كتير يكونوا معانا ..

ابعتي على الميل ده .. ده بتاع جريدة الاهرام ..

ahramdaily*ahram.org.eg << مكان النجمة في علامة آت

وقولي لهم اننا معترضين وقولي اننا بجد انظلمنا

ليه هو التنسيق كان وحش اوي للدرجة دي

وحش جدا ..

خاصة لقطر والسعودية ..

هو انت جاية من برة ولا من طلبة مصر؟؟

شكرا لك حبيبة رسول الله ..

لا يا اسير الدرب دة الي المفروض يعرفوه ان احنا زينا زيهم واحسن منهم كمان
والي مش مصدق يروح يعيش هناك شهر واحد بس

من موقع الاستاذ "عمل خاصية مين معاك في كليتك"
اكتب رقم جلوس اي واحد من طب المنصورة واختار معاك في إدارتك"السعودية" هيطلعلك 11 واحد
5 بنات & 6 ولاد

انا على فكرة مستغربة من حاجة ان صيدلة طنطا لوحدها واخدة 19 واحد من السعودية بس مع ان المفروض يكون اقل من كدة

الواحد مقداموش اي حاجة غير انه بعد العيد نكلم البيت بيتك فقط علشان نفضحهم
وانا اول واحد حتصل ان شاء الله
يعني لما الكويت السنة الي فاتت يكون فيها 1000 واحد ويدخل 10 الطب
يبقى احنا ال 2500 يدخل 6 ازاي

لا حول ولا قوة الا بالله عارفين عيب الشعب المصري ايه؟؟؟؟
بيقول و يتكلم و يحكم و يفترض أرقام بناءا على اشاعات و عمره ما ييجي يقرأ و يشوف الأرقام الحقيقية

بعدين مافيش حد يقدر يمنع مصريين في الخارج انهم يدخلوا جامعات بلدهم ... بعدين الثانوية العامة المصرية مش صعبة ... و الدليل على ذلك ان الطلاب كلهم حتى الأوائل بيعتمدوا على الدروس الخصوصية بينما في الدول العربية معظمها الثانوية العامة مافيش حاجة اسمها دروس خصوصية الا ما ندر ...

دا انا مهندس و لما دخلت الجامعة اول مرة في حياتي أشوف جامعة فيها ورق و دروس خصوصية!!!!! امل التعليم الجامعي ليه موجود عشان تبحث و تتوصل للمعلومة بنفسك!!!! لكن الطلاب اتعودوا من وقت الثانوية العامة انهم ياخدوا دروس خصوصية !!!

بعدين الأخ اللي عمال يقول طب ليه ما خدوش الكلبة دول الثانوية العامة من مصر مدام هيا أسهل!!! بالذمة يا أخي دا سؤال؟؟ الشعب المصري لسا عايش دور الغرور و انه احسن واحد و عايش في كهف و مش قادر يقتنع انه مصر في جميع مجالتها بقت من الدول المتأخرة مش هقول في العالم .. لا خليها في منطقة الشرق الأوسط .. في كل حاجة بقت متأخرة و سبب التأخير دا هو فساد التعليم فبلاش النعرة الكدابة و الغرور اللي على الفاضي دا

طلاب الشهادات المعادلة مصريين هيدخلوا الجامعات زيهم زيك ... انت مش من حقك توقلهم ما يدخلوش عشان انت كلامك اصلا يدل على واحد مش متعلم .. او قاعد في جمعية ميكروباصات!!!!

مشكوور يا دكتور

:romarioxp6:

على فكرة انتم زودوها اووي
بعدين قسما بالله ان هناك التعليم متطور اضعاف مضاعفة عن هنا ومفيش حاجة اسمها دروس خصوصية نهائي
والله العظيم ان احنا هناك الكتاب بيتزاكر من اوله لاخرة واتحدى ان في واحد في مصر اتعلم بنفس المستوى الي احنااتعلمنا بيه
وهنا في نظرية معروفة عندكم ان الي هيحفظ هينجح ويطلع من الاوائل كمان لكن هناك والله ابدا ما في الكلام ده
معروف عمرك ما هتنجح غير وانت فاهم كل حرف في الكتاب حتى العربي كان بيتفهم
وفعلا ان معاكم ان زمان الخليج كان متخلف لكن خلاص الوضع اتغير نهائي لدرجة ان مصر ابتدت تاخد الافكار والاسالسب الي بيتبعوها في التعليم ولو مش مصدق روح اسال وزير التربية والتعليم قوله كنت بتعمل ايه في السعودية هيقولك كننا بندرس بعض الافكار عشان ان شاء الله هنطبقها هنا
وياريت يكون عندكم معلومات عن الموضوع الي انتم بتتكلمو فيه