بصراحة انا مش فاهم قصدك ايه بالتشدد

يعني تروح بدري مثلا طب دا من مصلحتها وهو

دا الصح ، تلبس كويس ما دا المفروض اللى

مبيتعملش وياريت الكل يتشدد على بناته لو كان

هو دا التشدد

لا يا دكتور احمد معلش كلام حضرتك استفزني جدا البنات لبس اغلبهم محترم وكويس وتقريبا تلات ارباع بنات مصر محجبات
ده في الاماكن العادية الي بروحها وده الي بشوفه يا ريت حضرتك تقولي بتشوف فين اللبس الي مش محترم ده في المسلسلات او الاغاني؟؟؟؟ طب ده كلام تاني

حضرتك زى ماقالت اسيل ان احنا مش نقصد بالتشدد هو اننا نلنزم بالدين
دة شىء مفروغ منه نحن نقصد الاعتدال
عدم الترهيب
استخدام اسلوب الحوار

فعلا كلام حضرتك صح بس مش دايما يكون مرغوب

الموضوع حلو جدااااا وفعلا ممكن تلاقى فى بنات كتيرة محترمه ومحجبه ولكن اللبس يعنى المفروض يظبط شويه زى الجينس على الحجاب بس انا ضد التشدد وفعلا خير الامور الوسط وفكرة انا مع او ضد لو التشدد المقصود بيه الحرمان من كل شىء فانا اكون ضد وغير ان الممنوع مرغوب لان انا بعتقد فى الموضوع ده جامد فالحرمان يولد الكبت والامراض النفسيه ولكن اذا كان التشديد يقصدالاحترام فانا معه جداااااااااااا وتقبلوى مرورى

لا اصاحبهم واقرب منهم لانى بنت واى بنت ممكن تحتاج حد يكون قريب منها
خصوصا الام والام تنصح مرة واتنين لكن لو البنت غلطت نفس الغلط يبقى لازم
يتشدد عليها ولو عادته تبقى مختله عقليا
وميرسى على التوبيك التحفه ده

ازاي فين البنات دي في الجامعة الكل بناطيل جينز

وتسشيرت نص وتحتيه بدي ضيق جدا

او جيبة شانيل او .... ..... .....

انا نادر لما الاقى بنت محجبة بطريقة ديننا القويم

معظمهم كاسيات عاريات.........

علشان مش نظلم البنات كلهم في منهم يا

ماشاء الله حجاب ملتزم بل خمار ........

رايك جميل جدا
وانا اوافقكى فيه

ميرسى جدااااا يا كارمن على موفقتك على رايى بس انا هو ده اللى انا شيفاه بيحصل طيب والله انا اعرف ناس محترمه جدا بس فى اللبس واللى يشوفها يقول عليها انها متدينه جدااااااا ولكن فى الحقيقه بتكون لبسه البس ده تحت تشديد من الاب او الاخ كده يعنى فانا مع ان احنا لابد ان نهتم بالمظهر لانه كفايه انه بيبن المسلمه من غيرها ولكن لابد اولا ان نهتم بالروح المحركه للمظهر لان احنا لو اهتمينا بالدين والتربيه سيكون جيلا محترما فى كل شىء خُلقا وخِلقا وبالتالى هى هتكون لبسه محترم ومقتنعه بالبس وتكون مثل مشرف لاى فتاه مسلمه لان انا والله بشوف بنات فى الشارع ولبسين الحجاب ولكن اللبس لا يدل على اى اسلام لكنه من النوع اللى بيسىء للاسلام والله لما بشوف كده بقول يا رب اهديهم وكنت بتكلم مع واحده من الناس دول وكانت مقتنعه جدا ان هى صح وان دى الموضه وخلتنى وصلت معاه لطريق مسدود فقلتلها طيب ما تخلعى الحجاب احسن ما تسىء للاسلام ودى فى وجهه نظرى اقل خطرا على الاسلام من المحجبه المحترمه اللى بتعمل حاجات بجد ملهاش دعوه باى دين لانها بيتقال عليها متدينه من الدرجه الاولى وبعدين لما الناس تشوفها بتصرف غلط يقول شوفوا الاسلام والمسلمين والجماعه دول بيبقى لابسن الحجاب ياما غصب ياما تستر على حاجه غلط زى حمله سرقه الاطفال والكبار اللى كانت منتشرة من مده وكانوا بيقولوا ان اللى بيقوم بكده منقبات والله حرااااااااام يبوظوا سمعه المنقبات كده انا عارفه ان انا بعت عن الموضوع الاصلى بس انا شايفه ان اللتنين مرتطبين ببعض واسفه لو كنت طولت عليكم ويارب متقلوش على رغايه

بالعكس يا يارا انتى بجد نورتى الموضوع برايك العاقل

والله يا جماعه انا راى ان احنا نعرف الاول الحريه ونعرف التشدد
عشان نقدر نقول اذا كنا مع ولا ضدد
لان للاسف فى الزمن اللى احنا فيه فى تلاعب بالمصطلحات
يعنى على سبيل المثال لو فى واحد متدين نلاقى الناس بتقول عليه ده متشدد
ولو واحد مربى شعره وبيلبس لبس غريب وعامل تقاليع غريبه بنقول عليه متحرر
فانا شايف ان الاب والام فى البيت يبربوا اولادهم تربيه اسلاميه ويكونوا ملتزمين بلباس الدين واخلاق الاسلام
وممنوع طبعا منعا باتا الضرب والسب لازم نقوم سلوك اةلادنا باللين والحسنى لان ده من الاسلام
وشكرا

والله كل شئ لية مميزاتة وعيوبة انا برايي ان البنت تتاخد باللين والنصيحة وهى ان كانت على قد المسئولية هتسمع لوالديها ولكن ان كانت العكس لازم تتاخد بالشدة

طبعا انا ضد التشدد سواء مع البنت او مع الولد

لان فعلا الممنوع مرغوب

المفروض ان الاب والام يكونوا اصدقاء سواء للبنت او مع الولد

ويعلموهم انهم يكونوا صرحا معاهم من غير خوف ولا خجل ويتعاملوا مع عقولهم ويستخدموا اسلوب الاقناع مش فرض الراى

بس مش معنى كدا انهم يدلعوهم

يعنى لا يتساهلوا معاهم جدا ولا يشدوا عليهم جدا

لان التشدد للاسف بيجيب نتيجه عكسيه

كمان التشدد مع البنت هيخليها تبعد عن اسرتها

ويديها احساس انها مفتقده للاحساس بالحب والامان والاهتمام فتبتدى

تدور على دا بره البيت ومن هنا ممكن تحصل مشكلات كتير

واكتر مشكلات بتيجى من بنات اهاليهم بيشدوا عليهم

وبصراحه انا شايفه ان لو اى بنت عايزا تعمل اى حاجه مفيش اى حد يقدر يمنعها

مهما كان درجه الحصار اللى فرضينه اهلها عليها

غير ضميرها والقيم والمبادىء اللى كونتها

فالتشدد مع البنت هيعلمها صفات سيئه جدا

زى الكدب مثلا علشان الخوف من العقاب

ومش هيخليها تتقبل تتعلم اى شىء وهتبتدى تكون قيمها ومبادئها من خلال العالم الخارجى

الاكتر تساهل معاها وهتبتدى تبعد عن اسرتها

والله اعلم بقى مين هيكون الاشخاص اللى هتتعامل معاهم بره

وايه هى اخلاقياتهم وممكن تتعلم منهم ايه

وعلى فكره كلامى دا مش مجرد كلام وبس

دا كلام بناءا على مشكلات كتيره عرفتها وتصرفات كتير انا

شفتها من بنات اهاليهم بيستخدموا بس اسلوب الشده معاهم

فانا فعلا شايفه ان افضل اسلوب للتربيه

هو الاسلوب المبنى على الصراحه والاقناع وعدم الخوف

انا رايي نعلمهم ايه الصح والغلط والدين بيقول ايه وكمان يتعلموا يتقوا الله في المظهر والجوهر

طبعا دى حاجه لا نقاش فيها بس المطلوب اى اسلوب تستخدم علشان تعلم دا

وايه رايك فى استخدام اسلوبب التشدد مع البنات

دا السؤال اللى بيطرحه الموضوع

انا عجبنى جدا راى المهندسه هدى
بارك الله فيكى
وده ان نم على شىء ينم على انك انسانه مهذبه وعلى خلق ومتدينه

السلام عليكم

وانا بصراحه مبحبش اسلوب السخريه لما يبقى بنتكلم بجد
وانا بصراحه مع قانون عدم الاستهزاء بالاخر
وانا اؤيد ان حضرتك منور الموضوع :stickjo4:

اعتقد انه من القصور فى علاج القضية المتعلقة بالمرأة ان نقصر الحديث عن الملبس و فقط و نقيم البنات على هذا الاساس فقط
<ميعنا مقتنعون ان الزى له شروط فى الدين يجب ان نلتزم بها و نحاول فعل ذلك و لكن حتى ممن يلتزمن بهذه الشروط نجد انواعا من الاعتداء عليهن سواء باللفظ او النظر او غيره
انا لا ارحب بالتشدد فى التعامل لانه قد يصل الى مدى سىء جدا فى النهاية و سيجعل البنت تتربى عندها نفسية العبيد
يجب ان تكون هناك مراقبة و مصارحة و بحث و حوار بين الفتيات و اهلهن و يجب ان يكون الرفض لفعل شىء ما نابع من داخل الفرد قبل ان يكون مفروضا عليه

:abdoog8::abdoog8:انا طبعا ضد التشدد وربنا يوفقنا ويحمينا:abdoog8::abdoog8:

أنا رأيي

أن في نوعين من البنات

النوع الأول ده عبارة عن البنات الؤدبة المحترمة اللي عارفة ربنا
ده ما يتقلقش منه وطبعا لا يمكن معاقبته

أما النوع التاني ده عبارة عن نوع مستهتر وتافه
عيش حياته بسطحية ولا مبالاة
مالوش دعوة باللي بيحصل حواليه
نوع الفيس بوك والشيشة
نوع لا يستطيع أن يربي أولاده
نوع في نظري بسميه
نوع تيمو حبيبي

ده طبعا نوع لا بد من محاولة بترة بأي طريق

وشكرا
أخوكم أحمد

أنا ضد التشديد ومصادرة الحريات باى شكل وبأى نوع وبأى طريقة
بس برده لازم يكون فيه رقابة من الاسرة للبنت وللشاب برده مراقبة من غير مصادرة الحربات
وأهم حاجة لازم الاسرة تزرع فى بناتها الاحساس بالثقة لان التشديد ده هيفجر مصايب احنا فى غنى عنها

التثقيف الدينى أهم شىء

موضوع التشديد على البنات او على اى حد موضوع متخلف من اى احد حتى لو فعلتة انا.
الموضوع مش بيتاخد بالعقل بس" لو انا قفلت عليها مش هتعمل كذا "

لكن الموضوع بالتجربة كل ما تشدد يعمل حاجات افظع من اللى انت بتخاف منة...