|
اقتباس:
بجد شكرا ليك يا إسلام علي النصايح أنا فعلا ممكن أكون نزلت الموضوع قبل ما أدرسه كويس بس أنا كان قصدي خير و كنت حاسس إن ناس كتير هتبقي معايا في الموضوع ده مكونتش متوقع إن الفكرة فعلا صعبة للدرجة دي و إن هي بالأبعاد دي و المشكلة إن حلولها هتبقي صعبة شوية يعني مثلا لو عملنا أقسم مخصصة للأخوات و أقسام مخصصة للشباب دي أصعب ما يكون فممكن إحنا نصلح بأدينا و الإداريين معانا إن هما يوقفوا كل واحد عند حده لو تمادي و هتبقي بعد كده عاده و أصعب قانون ممكن نعمله إن مافيش شباب يردوا علي مواضيع فتيات ولا العكس فإن شاء الله هنحاول نوصل مع بعض لحل وسط لو الكل عنده إستعداد و بالنسبة للنقطة اللي إنت مش فاهمها إن الواحد يرد في الموضوع دون نقاشات داخليه يرد علي هدف الموضوع و إن شاء الله هستفسر عن كل حاجة و هسعي |
الله حلو الموضوع ده أوى مع إنى ماقرتهوش كله :bosyht9: بس الكلام ده كله مفيش منه فايدة ماينفعش أبداً خالص بتاتاً البتا :d |
اقتباس:
وديما بقول ان الكل بيسعى للمصلحة العامة ولكن الطرق بتختلف فى التنفيذ بس صدقنى الفكرة هنا اصعب ما يكون انت عارف الاسهل من كل ده انك هتدخل تقول النصيحة وتقول اللهم بلغت اللهم فشهد ساعاتها هتكون خلصت ذمة فى الموضوع والحرام بين والحلال بين وممكن اكون معجب بفكرتك ومش مقتنع بيها وممكن تكون فكرتك غلط وانا مقتنع ان فيها بعض الصح مش شرط على فكرة وهديك برضه مثال القومية العربية لو اتحققت هيكون العرب اقوى الشعوب هى الفكرة جميلة ونبيلة وكل حاجة بس فى عوامل كتير بتمنع تحقيقها مش شرط كل الافكار النبيلة تتحقق فى افكار اتولدت علشان تكون مجرد حلم لا أكثر اعتقد ان فكرتك واحده من الافكار دى الا لو ربك اراد غير كده شكرا ليك مرة تانية |
اقتباس:
ربنا يثبتنا والله يا إسلام و بعدين أنا أسف للأخوات لو حد منهم زعل من الموضوع والله والله أنا عامل الموضوع ده علشانكم مش لحد تاني غنتتوا المفروض تبقي درر للإسلام مش أي حد بسهولة يتعرضلوكوا و أقسم بالله أنا ببكي بالدموع علي حال البنات في الشارع و مدي تساهلهن و أقسم لكم بالله أني أخاف عليكن من الشباب و من أمثالي و أدعوه أن يحفظكن و بردو يا إسلام أنا معاك في كل كلمة و أنا بآمل إن فكرتي متكونش من النوع ده لأن في ناس مطبقاها لكن لو فعلا لقيت مافيش أمل مش هأقدر أكمل طبعا و أنا الحمد لله في فريق عمل منتدي الطريق إلي الله حاليا لعل الله ينفع بنا المسلمين و يغفر لنا ما تأخر من ذنوبنا و يتقبل صالح أعمالنا |
كام تعليق بس على القوانيناللى انت ذكرتها
اقتباس:
ليه هو الدعاء بقا حرام دلوقت؟!!!! اقتباس:
انما المؤمنون اخوة واللا دول مش مسلمين 3- الكلام بصيغة المفرد: (( جزاكى الله خيرا )) (( وجزاك الله خيرا )) اقتباس:
سبحان الله هو انا لما اقول جزاكى الله خيرا او جزاك الله خيرا يبقا بقرب واشمعنا جزاكم يعنى منا ممكن اقول جزاكم لفرض واحد للتعظيم اقتباس:
المشكلة فى كلمة حضرتك يعنى اقتباس:
هو احنا لقينا غيرها ومحطيناش انما الاعمال بالنيات لما احط صورة مكتوب عليها جزاك الله خيرا بتبقا تبع نية كل واحد مش لازم يبقا القصد انى اقول حاجة يعنى :::::::: انا قريت لحضرتك جملة بتقول ان محدش من البنات يرد على مواضيع الولاد والعكس هل نقدر نطبقه هنا طبعا لا لان بكل بساطة اول حاجة هتتقال انا حر انا ارد فى اى موضوع متقدرش ترغم حد انه ميردش على موضوع حد :::::::: عموما الموضوع للجميع وانت بلغت واللى اقتنع اقتنع واللى مقتنعش هو حر كل اللى اقدر اقوله احضرتك جزاك الله خير دمتم فى رعاية الله |
اقتباس:
لا حول ولا قوة إلا بالله يا باشمهندس هما بيعملوا كده عشان هما خايفين علي نفسهم مش عايزين تكون أي حاجة في وزرهم ناس بتعمل لأخرتها عارف إنت زي إيه يا محمود زي المذاكرة كل بيذاكر بس فيه ناس بتموت نفسها في المذاكرة دول ربنا يجزيهم نيجي للناس اللي بتيجي علي صحتها عشان المذاكرة دول إيه؟ دول مش بيطلعوا من الأوائل ياريت يا شباب نبص للأخرة قبل ما نفكر بالعقل نفكر بقلوبنا قبل عقولنا يعني الموضوع ده للخايفين من أخرتهم يعني لو لم أخرج من الموضوع بأخت أو شاب طبق هذا لنفسه فقط فكفي بها نعمه و إن شاء الله هحاول أغطي كل الإستفسارات هقابل الشيخ بإذنه تعالي في صلاة المغرب |
اقتباس:
|
الادارة ممكن تمنع تبادل الايميلات بين الاعضاء لان الاحتلاط بيكون فيها و بعدين المواضيع اللى فى المنتدى معظمها هادفة مش مواعيد غرام و لا ساحه لتبادل القبلات و النظرات الحرام مفيش اى اختلاط الا بالكلمة الطيبه و المحترمه فى المنتدى
|
تسجيل متابعة ...
هرد بعد شوية ان شاء الله |
اقتباس:
اصلاا الشباب بتدخل قسم/الفتاة المسلمة وبيردوا ف المواضيع عادى جدا وكمان بينزلوا مواضيع ازاى بقى بتفكر ان اقسام تتخصص للبنات واقسام تتخصص للشباب لما ف تخصيص بس محدش عاوز يلتزم بيه :excl: عارف ايه المشكلة ان اللى داخل النت فئات اصلا .. كل واحد(ة) داخلين لغرض ما ف نفس يعقوب يا اما شاتنج يا اما معلومة يا اما غلاسة .. تعارف ...... الخ بفرض ان الفكرة دى اتنفذت ع ربع المنتدى او تلته انت عندك كل يوم بيسجل ف المنتدى مش اقل م 40 عضوية وتابع كل ما تدخل هتلاحظ كدا يعنى اضرب 40 ف 30 يوم ... 1200 عضوية وكل عضوية ياعالم داخلة ليه والغالبية العظمى دلوقت م التسجيلات داخلة ترخم وتعاكس ف الرسايل هل هتقدر توقف دا وكمان تطبق فكرتك ع باقى المنتدى ؟ مقصدش تعجيزك والله .. بس قصدى ان الفكرة دى شبه استحالية جايز المنتديات التانية اللى انت شفت فيها كدا (مطبقة المبدا دا) م ساعة تاسيسها وكتبت كدا ف القوانين سواء قوانين التسجيل او قوانين المنتدى نفسه علشان كدا كلوا احترم نفسه والتزم اما هنا ف كل القوانين .. ممنوع وضع موضوع مسئ للدين .. ممنوع اهانة المشرفين ممنوع العصبية والحاجات دى كلها .. بالظبط قانون او اتنين اللى نزلوا للدين ممنوع التعصب الدينى والمواضيع المثيرة للتعصب يعنى لو الفكرة دى عاوز تكملها قوانين التسجيل ف المنتدى والقوانين العامة اللى فيه تتعاد صيغتها وينزل م جديد قوانين وم ضمنها قوانين تخص الفكرة دى ساعتها جايز تتحقق بس عقبال ما الادارة العثمانية تاخد قراراتها او تفكر ف كدا يكون الواحد مات وخلف اجيال بعده :) اقتباس:
هتلاقينى ملونة كلمة اجنبى تريقة ع اللغة العربية الفصحى يا اية افهموا قبل ما تكتبوا الاول :slap1qk6: |
السلام عليكم ورحمة الله وبركاته أنا فعلا إتضحلي إن صعب الفصل التام يحصل يبقي إحنا قدام تلات أقسام هي اللي ممكن يحصل فيها تمادي القسم العام إهدائات و مناسبات لقائات و مسابقات العام مش هنقدر نعمل فيه حاجة خالص يبقي ننبه الأعضاء في عدم التمادي في الردود مع العضوات نيجي للقسمين التانيين هما دول اللي بيحصل فيهم التسيب كله يبقي الفكرة كالأتي: نجزء القسمين دول إلي ركن للأخوات وركن للشباب يعني 1 -يبقي في إهدائات للأخوات و تعارف و يبقي في إهدائات للشباب و التعارف 2-والمسابقات مثله و الباقي المشرفين يتعبوا شوية لو شافوا أي عضو أو عضوة بيتمادو زي الناس الخفيفة اللي من ردين يقولها دمك زي العسل و دمك خفيف و روحك خفيفة والكلام الهلس ده وبالنسبة للمسألة بصفة عامة في الوقت الحالي سئلت الشيخ و قالي إن شاء الله هيعد معايا علي النت و نشوف الموضوع ده بالتفصيل و هحاول أوريله الموضوع ده وفي حاجة عارف إن إحنا صعب ننفذها بس فكرو 3-إن الرسايل الخاصة تتشال وتنزل رسايل الزوار ويبقي في مشرفين علي رسايل الزوار عشان يتابعوا أول بأول والأخت اللي هتبقي في رسالة مش عجباها تقدر تتحكم فيها ياريت يا شباب لو تقولوا رأيكم في التلت خطوات |
اقتباس:
اقتباس:
اقتباس:
انا كنت متأكد إنك حتسيب الحتة الاصلية وترد عالحتة التانية اللى بالاحمر بص انا حعيد الاقتباسات تاني وعايزك ترد عالحتة ده بس اقتباس:
اقتباس:
احنا تعاملنا في الواقع بحدود فما بالك بالنت وهو اصلاً في حدود رد عالحتة ده لو سمحت اديني بجيبلك من الآخر وبلاش شغل الشيوخ وتجنباً للفتنة والكلام حرام والكلام المنفر ده اللى جاي وعايز يكلم وبالصوت والصورة حيتكلم وغرف الشات لا نهائية ده بتطلعلي في الاعلانات بين المواقع من غير ما اطلبها اصلاً واللى جاي هنا عايز يتكلم بأدب واحترام حيتكلم فبلاش الكلام الجانبي الكتير ده ورد برده عالحتة الخضرا بس وسيبك من الحمرا :d |
اقتباس:
تقريباً لبرنامج كويتي وبتتصل بيه بنت كوييتية هو الفيديو اصلاً عن آراء الطلبة في الجامعات المنفصلة وكده بيسألها ايه رأيك في الجامعات الاحسن المنفصلة ولا المختلطة قالتله طبعاً المختلطة قالها اشكرك لصراحتك :d وعلى فكرة دول بيكونو اكثر بوظاناً من اللى في الجامعات المختلطة لأن دول في حاجة بتمنعهم بالاجبار فعايزين يردوها بشكل تاني المبدأ هو مبدأ تربية من الاصل احنا هنا شايفين الدنيا هادية والوضع مستتب على الاقل في كل يوم رسالة واتنين وتلاتة تعارف بيكونو عن طريق الرسايل الخصوصية المحترم بيشتكي وبيتوقف العضو واللى مستني او مستنية الشات بتقبل وبيتكلمو بره عمر ما في طريقة حتمنع حد بالاجبار لو مغيرتش المبدأ نفسه عند الواحد يبقى ملوش لازمة اللى حتعمله |
اقتباس:
كنت بدور علي المختصر المفيد والحمد لله لقيته شكرا لحضرتك |
اقتباس:
يا أخي الكريم لو بتتكلم علي حكم كلام الفتاة والشاب علي الإنترنت أنا علي إستعداد أن أحضر لك العديد من الفتوي بهذا الصدد و لكنني لا أعلم ماذا ترمي إليه لقد قلت أيسر الحلول و طلبت التصويت له وليس أكثر أما في كلامك فمش لازم إن كل الأعضاء في الواقع بتتعامل بحدود إلا الناس المحترمة في ناس مبتفرقش معاها زمان ولا مكان ولا وسيلة المحترم محترم و غير ذلك يعرف نفسه أما بالنسبة لحضرتك في وضع الحدود فهذه الحدود يتعدي عليها و يتمادي فيها و نحن نري ذلك و كان غرضي أن نشدد في تلك الأمور للأفضل مش أكتر و ياريت حضرتك تهدي أعصابك عشان فعلا الموضوع للنقاش مش لشد الأعصاب :):) و أنا بحيي حضرتك علي التوقع الرهيب إني هرد علي الأحمر بس عايز أقول لحضرتك مش في محله أنا عملت إقتباسات كتير و ممكن نسيت ده مش هنساه متعمد و مش شايف سبب إني أنساه في أمان الله :078111rg3: |
اقتباس:
اقتباس:
في نقطة اشتراك لكن اانا شايفة ان الامور دي ممكن تعالج مش في مشاكل منها يعني لو عملنا مجرد تنبيه للاعضاء جميعا والاحسن لو نركز علي الامور والمواضيع الاكثر اهمية او نركز في الاحداث الجارية يبقي افضل الموضوع ده ممكن يتعمل ومش شايفة انه يبقي فيه كل التركيز دي وجهة نظر مش اكتر واسفة لو كنت تدخلت في الكلام يعني |
اقتباس:
هو انا لونته احمر بعد ما اقتبسته المرة التانية انت منستهوش بس رديت رد بسيط جداً كنت عايزك تفصل فيه وعلى فكرة انا مش عشان بتجاهل الايموشنز يبقى متعصب :d بالعكس بس بحب الكلام يكون مرن مش يكون بصيغة التحريم للشيوخ بالنسبالي ممكن متفرق بس في ناس كتير بتنفر من كده مادام انت دخلت عالم النت متقوليش مش حقدر امنع الاختلاط وريتك المنتديات الموحدة بتكون مختلطة دون ان يدري احد على الاقل الامور لما تكون واضحة هنا قدامنا نعرف اللى بيعاكس من المحترم وانا مطلبتش حكم الكلام بين الشاب والفتاة عالنت احنا بنتكلم على مجرد النقاش في المنتدى في مواضيع نقاشية اقتباس:
ومن ناحية التشديد الادارة بتعمل ما في وسعها لمنع الكلام المباشر او الشات بين الطرفين وده بيحصل لكن التشديد بفصل الاقسام صدقني ما حيجيب نتيجته المرجوة انا والله مش بتكلم بعصبية ولا حاجة بس انت حط في اعتبارك إني هادي جداً وحتلاقي الكلام عادي خالص :d أما آخر حاجة زي ما قلتلك بعد ما المنتدى عمل اللى عليه الباقي قضية مبدأ انا لو داخل اكلم بنات والله الاعلانات بتتفتح قدامي كتير جداً لغرف شات مباشر لكن انا داخل هنا عشان عارف إنه المنتدى محترم ومعظم اعضائه محترمين والكلام حيكون في حدود الأدب وبالنسبة لأيا كان نوع الفتوى حتتكلم عنها هل اصبح الكلام على النت أخطر من الكلام بره عالطبيعي ؟؟ |
السلام عليكم ورحمة الله وبركاته وبصراحة معرفتش أقرأ الردود لانها كتيرة تلت صفحات ماشاء الله أنا بصراحة ياجماعة حاسس إني بفهم الدين غلط او فيه حاجة في دماغي يعني واحد زيي مثلاً لما بيسمع إن ( دخول المنتديات المُختلطة فتنة ) بقول " فتنة " وايه المشكلة ؟ يعني كلمة فتنة في حد ذاتها " هو احتمالية حدوث الغلط " وبالنظر في الواقع اللي حوالينا اللي كل حاجة فيه مُختلطة فالموضوع بيعتمد إعتماد كلي علي البني آدم يعني شاب زينا كدا لو كان شاف بنت ف الجاهلية البيشه نازله من علي وشها كان ممكن يحصله إثارة إنما دلوقتي عشان بقي فيه شخصيات رخيصة والمجتمع تقريباً 75 % منه رخيص فالموضوع بقي غير مؤثر لإن لو بصينا للموضوع بالأمر ده ولا هنعرف نتعامل ف شغل ولا هنعرف نتعامل في تعليم ولا هنعرف نتعامل في أي حاجة ثانياً لو بصينا لموضوعك حاسس بردو ان الموضوع وراه مواقف مُعينة ممكن تكون حصلت قدامك تقدر تبلغ بيها الإدارة وهتحبط أي حاجة فيها إسفاف ومرة ف مرة هيتم قفل باب الإسفاف او التقليل من تأثيره وده يبقي حل وسط ثالثاً: بالنسبالي شخصياً لا احبذ الموضوع تماماً لإني مش شايف أي ضرورة تستدعي ذلك البنت المحترمة هيا اللي تحترم نفسها وتحترم أهلها ومتعملش الغلط والولد المحترم هيحترم اللي ربوه ويحترم نفسه وميعملش الغلط ويبقي خلاص خلصت الحرام بيّن والحلال بيّن واللي شايف نفسه ضعيفة وخايف علي نفسه من الفتنة لا لوم عليه من الخروج والإلتحاق بمنتدي ديني اهم حاجة البني آدم يبقي مرتاح ويبقي حاسس إنه مبيغضبش ربه بالنسبالي ده رأيي اللي مُقتنع بيه واللي كنت مستعد أغيره لو شوفت وجهه نظر مُقنعه تملي عقلي جزاك الله خيراً اخ اوبريشن ربنا يهديك للخيرو يهدينا :) |
مش فاهم يعنى ايه 3/4 المجتمع رخيص بس يا ريت تخليك فى اجازة احسن
|
السلام عليكم ورحمة الله وبركاتة جميل اوى الموضوع والله وخاصة انكم بتناقشو عمل فى المنتدى كويس تسمحولى بقا اتكلم واقول وجهة نظرى بصو عموما الاختالاط هو وجود الرجل والمراة فى مكان واحد بحسديهما ودا امر وان كان مرفوضا شرعا الا اذا كان بطريقة منظمة علشان كدة وجدنا المملكة العربية السعودية انشات جامعة افتتحها الملك تكلفت مليا رات الدولارات وزودت باحدث الوسائل التعليمية الحديثة النظرية والعملية فى الجامعة دى اقرت المملكة فيها الاختلاط واعتقد ان ملك السعودية لم يفعل ذالك من نفسة اكيد عرض الامر على كثير من علماء المملكة ونحن نعرف ميولهم ومذاهبهم اما الاختالاط الفكرى فا انا شايف انة لا مانع منة بشرط ان يلزم كل منهما حدودة وان تعرف البنت ان لها كرامة تحافظ عليها ويعرف الولد ان لة رجولة لازم يلتزمها كل دة فى اطار الدين الاسلامى الحنيف والسمح اوانا شايف ان الحمد لله ان معظم بنات المنتدى ملتزمات ومحترمات والحمد لله والحرام بين والحالال بين وكمان اى ردود بتبقى مش تمام دى مسؤلية المشرف الى فى الركن ودا اهم ادوارة الحفاظ على عدم الاختلاط بالمنظر دة ولا انا غلضان يلى ربنا يهدينا ويهدى شباب المسلمين دى وجهة نظرى :d وكل عام وانتم بخير :friendsxs3::av4056bb7jp3: |
انا كنت عايز اسال سوال صغير بخصوص المنتدى هنا
هو انا ليه بدخل القسم الدينى والورع والتقوى مليين قلبى ؟ وليه بدخل القسم العام وبكون فيلسوف ومفكر طيب انا ليه بدخل قسم الاهداءات وبجامل وليه قسم المسابقات وبضحك وبهزر ليه مليش شخصية وحده يكون متدين بس يافيلسوف بس يامرح بس ألخ انا ليه بغير من اسلوبى مثلا فى كل قسم بدخله او طريقة كلامى بتتغير من مكان للتانى اللى عايز اقوله ان لما تقعد فى مسجد مش زى ما تقعد فى قاعة افراح يعنى المسجد ليه أدابه وقاعة الافراح ليها عاداتها هبسطهالك اكتر انت عندك 18 او 19 سنة بتاكل بأيدك اليمين استحالة اجى النهارده اقولك لا تاكل بالشمال المنتدى هنا من 2003 ماشى على نظام معين استحالة تيجى فى 2009 تغيير نظام بقاله 6 سنين المكان ده ماشى بيه التغيير فى أى مكان بيكون تدريجى وحده وحده انما التغيير بشكل سريع بيولد عند الانسان او الشخص عدم قبول ورفض للتغيير لانه اتعود على شكل معين ونمط ماشى عليه اتعود عليه وحبه ومعندوش استعداد انه يغيره عايز تغيير فعلا يبقى خطوة خطوة وتبدأ بالحاجة الصغيرة والسهلة لان زى ما انت شايف اغلبية الناس خايفة من الفكرة بنات وصبيان وكارأى شخصى لو تحب انا غير موافق |
أخيراً إسلام لمرة في حياته قال رأي مفيد :d
|
هو في ايه ها |
اقتباس:
ها :bosyht9:؟؟؟؟ |
ههههههههههههه
الضحكه دي ع اخر ردين :d الموضوع حلو اكيد مقرتش غير حاجات سريعه كده بس الحلال بين والحرام بين واللي شايف حاجة غلط ميعملهاش وانت ياباشمنهدس بلغت باللي شايفه صح ومش عليك اثم حد لو كان ده غلط وبعدين الموضوع مش حاسه ان مكانه صوت الاعضاء لانها مناقشه مفيده الى حد ما ربنا يهدينا كلنا |
مع احترامي للجميع
انا يوم ما اشتركت في المنتدي كان ليه هدف واحد هو اني استفاد من مواضيع المنتدي الهادفة و المحترمة و اني لو عندي معلومة هامة اكتبها وغيري يستفيد دون النظر الي ان اللي هيستفيد ولد او بنت |
اقتباس:
تمام يا إسلام(مبروك علي الأسم الجديد :d) ده فعلا اللي إكتشفته بعد لما إتناقشت معاك و مع شريف و مع محمد إن هي فعلا صعبة و أفتنعت بس في إدينا زي ما قلت في الرد اللي قبل ده إن إحنا نتحكم في الردود و إقترحت إقتراحين ياريت ندرسهم مع بعض: اقتباس:
اقتباس:
|
السلام عليكم
كتير نقشونى على الموضوع دا بس فى كلتا الحلات معرفتش ادى رد كويس و هنا برضه انا رديت علشان فى ناس فعلا طلبت منى انى ارد بص يا محمود انت كلامك صح وعلى فكرة ياريت تسلملى على الشيخ احمد جلال و تقوله الاخوانى الى انت كنت بتقوله يا سوسة بيسلم عليك الى كان قاعد معاك فى الجمعية الشرعية فى طلخا لما هو كان هناك بص يا محمود احنا هنا كلنا محترمين طبعا فى منا اسلوبة بيخونه و بتلاقى ردود غريبة بدور بين البنات و الولاد هنا يعنى انت بفكرتك دى برضه مش حتقدر انك تمسك المنتدى انت عملت موضوع كام واحد رد عليك خمسه سته و المنتدى زى ما زينب ما قالت المنتدى بيسجل كل يوم تلاتين اربعين يعنى مشفوش موضوعك و الى شافوه اغلبنا بيحافظ على نفسه و مش بيرد على بنات بهزار او بسخرية او بخلافهم كل المناقشات بتبقى هادفه او اجابية معلش ان كلامى مش منظم لانى مشغول شويتين انما الباقيين بنفس نظريتى حيبقى دا دور المشرفين و سؤال هما فين انا واحد من الناس لما كنت ادارى مكنتش بتحمل كمية المخالفات و بزهق و بمل من كترها حتيجى كمان و تزود عليا فلان كتب لفلانه اكتر من عشر جمل ولا فلانه كتبت لفلان مش عارف ايه صعب بجد اوافقك لفكرتك لو عندنا الى ينفذ بس انت مفيش حد ينفذ يبقى حنطبقها ازاى يارب فكرتى تكون وصلت |
السلام عليكم ورحمة الله وبركاته صراحةً،،أنصح حضرتك ان الموضوع ده مش هينفع فى هذا المكان اصلا لان هما أصلا بيدخلوا عشان يهزروا ونادرا اما يكون فيه رد مفيد أغلب الردود تافهة ولا ليها اى معنى وأصلا ناس زى دى مانصحش حضرتك تجادل معاهم لانهم مش بيفهموا ولا هيفهموا أصلا شايفين كل حاجة بسيطة والموضوع أبسط من اللى بتتكلم عنه بصراحة لو مكان حضرتك مضيعش وقتى معاهم خالص بس جزاكم الله كل خير فعلا على ان حضرتك بلغت عشان متكونش شفت المنكر بعينك ومحاولتش تصلحه أنصح حضراتكم تسمعوا درس للدكتور حازم شومان اسمه مجرد علاقة بريئة يمكن تتغير فكرتكم شوية واهو اللينك بتاعه http://www.way2allah.com/modules.php...ailes&khid=684 |
اعتقد ان معظم اقسام المنتدى مش فيها اختلاط
لكن القسم الى واضح جدا ان كله اختلاط وتهريج ومفيش منه معلومه هو المسابقات والى ماشاء الله تلاقى عدد الاعضاء فيه 10 واكثر وهو شبه جرس الفسحه بالظبط بس مفيهوش العاب العد فكره حضرتك كويسه وربنا يقدرك وتححققها جزاكم الله كل خير |
بغض النظر عن الكلام ال اتقال فى الموضوع الفكرة لو اتنفذت واحنا ايه ال يضمنا ال داخل يرد ولد او ال داخل يرد بنت هل دا هيمنع الولاد ال بيدخلوا بعوضيات بنات يسكتوا بالعكس دول هيزيدوا وهتزيد المشاكل مع الحكاية دى انا ضد فكرة الفصل مش عشان حاجة معينة بس انا شايفة ان كل واحد ملتزم بحدوده فى المنتدى وبرضه كل واحد عارف الحرام من الحلال ويقدر يفرق وكل واحد يقدر يحافظ على نفسه ويحترم اخلاقه ودينه والمكان ال هو فيه انا مش سجلت فى المنتدى من باب الهزار انا سجلت من باب المعرف والاستفادة |
انا مش فاهم حاجه يعنى كونى انى ارد على مثلا عاشقه الانمى وليكن يعنى او اقتبس ردها يبقا دى مخالطه
انا رافض الفكره ورافض المبدا اصلا سورى يا عاشقه الانمى وانا ايه يغرفنى انها بنت عشان تبقا مخالطه واتحاسب عليها ما يمكن تبقا ولد وعادى وبعدين ايه التعصب دا ازاى يعنى انى ارد على بنت فى موضوعها تبقا دى مخالطه لا طبعا هو انا سلمت عليها فى ايه دا رد بقول رايى ازاى يعنى مش فاهم اومال المدارس والجامعات وهاى وباى دى تبقا ايه لما الكلام اصلا مخالطه وحرام عمرو خالد فى برنامجه كان مستضيف سهير البابلى بعد تحجيبها انا برفض التعصب خالص الدين يسر وليس عسر يعنى كدا بقا السيدات اللى بتتصل على قناه الناس والرحمه مخالطه حنان ترك لما اعلنت توبتها على قناه الرحمه بقا كدا حرام على الشيخ اللى كان بيكلمها لما عمرو خالد يستضيف حنان ترك بعد تحجيبها ويسالها فى الدين يبقا حرام ازاى يعنى طبعا انا برفض الفكره دى خالص ما دام النيه سليمه فيها ايه يعنى لما ارد على بنت والا حتا اقتبس منها الرد بتاعها (الاعمال بالنيات ولكل امرىء ما نوى) |
اقتباس:
اهييييييييييييه ايه يا ولاد الحلاوة دي زي العسل لما نشوف رد الاخوة ولا بيمشوا ورايا انا بس :) |
:) اقتباس:
بيقول الرد يكون فى حدود الاحترام والأدب أغلب الردود فى أغلب المنتديات يكون نصها رأى الاخ صاحب الراى فى الموضوع والنص التانى الهزار وخلافه اقتباس:
هقول لحضرتك حاجة لو دخلت سجلت فى المنتدى ونزلت مشاركة لاول مرة حد هيكون عارفك؟ اكيد لأ انما بالتدريج بيتم التعرف على صاحب هذه العضوية بيبتدى التنازل ساعتها هزار بقى بالضبط كأن حضرتك قاعد مع أصحابك ولاد وبنات بالضبط النت مايفرقش حاجة عن الواقع ماينطبق هناك ينطبق هنا بالمثل ليها بمعنى اصح نفس الامور الشرعية :) اقتباس:
حضرتك مش عمرو خالد اللى تضرب بيه المثل هنا لان هو اصلا فى برامجه بيكون بنات واولاد قاعدين مع بعض وهو مش ضد الاختلاط اصلا ولاحول ولاقوة الا بالله عمر حضرتك شفت واحدة على قناة الرحمة؟ ده حتى لما قنوات غيرها طلعت منتقبات كلهم هاجموهم فيه حاجة كمان ياريت بجد حضرتك تسمع درس الشيخ حازم شومان وتحاول تطرد الافكار دى عن نفسك لانها من الشيطان اقتباس:
وهو ايه العسر فى كده؟ ممكن حضرتك توضح وجهة نظرك العسر فى اننا بنقول بلاش الاختلاط اللى بيجيب مصايب ولو مجبش _وده نادرا_الواحد بيخرج بذنوب جبال اقتباس:
قلت حنان ترك اتصلت بقناة الرحمة وبعدها حنان ترك استضافها عمرو خالد :) طب واذا النساء ما اتصلتش هتعرف اجابات الاسئلة منين ولو اى امراة خرجت عشان تجيب طلبات بيتها هتعمل اشارات للراجل عشان توصفله هى عايزة ايه؟ :d ماهى طبعا لازم هتتكلم بس الكلام وانه يسمع صوتها زى نظرته ليها ؟؟؟؟؟؟ على رأى دكتور حازم بيقول ان النبى عليه الصلاة والسلام حرم ان امراة توصف لزوجها شكل امراة تانية فاذا كان الوصف حرام يبقى النظرة نفسها مش حرام؟ |
اقتباس:
يعنى ايه حضرتك؟ |
اقتباس:
اومال الاخ قصده مين |
اقتباس:
|
اقتباس:
حضرتك تقصد بيه مين |
اقتباس:
احب اذكر حضراتكم بالاية (وماكان لمؤمن اذا قضى الله ورسوله أمرا ان يكون لهم الخيرة من امرهم) :):) |
اقتباس:
يعني حضرتك قصدك احنا لانه لما جه اتكلم متكلمش مظبوط مش ناخد بالنا من كلامنا ولا ايه النظام وحتي لو جادلو تقول عليهم مبيفهموش لما نشوف رد الاخوة |
اما الشروط التى يباح معها الاختلاط :
1- ان يكون مع الحجاب الكامل للمراه 2-الاتكون المراه المتطيبه او متزينه بزينه تعلم من وراء الحجاب 3-الايحصل فى الاختلاط ملامسه المراه الاجنيبه 4-الايحصل بين النساء والرجال حديث فيه تكسر او اثاره للشهوات 5الايقصد كلا من الرجال والنساء حين النظر لبعضهم البعض الشهوه او الاثاره 6-ان يحاول كلا من الرجال والنساء التقليل من ساعات الاختلاط الى الحد المحتاج اليه دون زياده 7-الاينتج عن هذا الاختلاط مفسده غالبه على مافيه من المصلحه اعتقد ان كل الشروط متوفره هنا مع شويه التزام بين الاخوه والاخوات والحد من الهزار وهتتحل المشكله دى وجهه نظرى وعلى فكره الكلام مش منه فايده فعلا لان فى صعوبه عاليه فى التنفيذ |
اقتباس:
انا اتكلمت عن حد بعينه؟ ياريت تاخد بال حضرتك من الكلام اللى مكتوب خلاص يا أخ بلاش مبيفهموش ممكن نخليها مش هيفهموا ولا هيقتنعوا وبعدين يعنى ايه لما نشوف رد الاخوة؟ ده تهديد يعنى ده:bosyht9: ماشى :d |
اقتباس:
اولا حضرتك كدا انت اللى مش بتفهم او مش عارف تتكلم انت عايز تقنع حد يبقا تتكلم معاه اولا باسلوب كويس مالها الناس دى يعنى هما فعلا لو مش بيفهمو كانو ردو عليك ياريت حضرتك تشوف انت بتتكلم ازاى راعى ان فى ناس كبيرة بتتكلم مش عيال مع حضرتك علشان تتكلم كدا بتعرف تتناقش اوكى اتكلم باحترام مبتعرفش يبقا متدخلش الموضوع وراعى مشاعر الناس دمت فى رعاية الله |
اقتباس:
الموضوع الاصلى وبتخلينا ندخل فى جدال جانبى ملوش لزمة المشكلة ان تعليق على رد ملوش معنى فى حد ذاته ممكن يدى لصاحب الرد قيمة هو ميستحقهاش :) خلينا فى الموضوع وغالبا صاحب الموضوع اقتنع بالنقاش والكلام اللى اتقال |
ربنا يبارك فيكم ياشباب ويهدينا ويهديكم اصحي ياحودا للردود اللي ملهاش لزمة هيا ناقصه وجع دماغ ياراجل احذف يابركه اي رد فارغ بس طبعاً بخلاف ردي ده ده فيه دعوة ده انا اوديكوا ف داهية :d |
اقتباس:
بس بعد الرد ده اقلعت عن الرد خصوصاً إنه صاحب المشاركة لسه جديد معانا وبيحكم على ناس ميعرفهاش إنه مجادلين خلاص يبقى نسيب صاحب الموضوع يرغي براحته واحنا منتكلم عشان محدش يقول علينا مجادلين علمونا الكلام يا فاهمين :d |
اقتباس:
جزاكم الله خيرا علي ردك يا أحمد أنا فعلا حسيت بصعوبة الأمر و فكرت في حل ممكن نقلل بيه الإختلاط ده نوعا ما و سبحان الله لما أجي أقول نوعا ما كل واحد يدخل و يقول ما هو هيبقي إختلاط بردوا و الكل يقول ما كله في حدود الإحترام يا أخي العزيز إحنا بنتكلم إن في مثلا بعض الأعضاء اللي هما قدام في المنتدي بيتعاملوا مع العضوات بطريعة عفوية نوعا ما كأنهن أخوتهن بالظبط و إنتي مش عارف إيه و مشوفش وشك هنا تاني و حاجات من دي انا نفسي كنت بعملها و لو مافيش إلا أنا اللي كنت بعملها يبقي كفاية إن في واحد في وسط مجموعة كان متسيب فده بيخلي كل عضو يدخل بعد ردين يحس إن هو الوصي علي الأخت و يعد يتكلم من غير ما ياخد باله إن هو بيكلم بنت زي ما أنا حضرت مشكلة حصلت عشان في لعبة أخت بتقول لأخ "رد يا زفت" طب ليه كل ده إحنا عايزين نرتقي بالمنتدي فعشان كده يا أحمد أنا قولت إقتراحاتي تاني و ياريت اللي يدخل الموضوع يعلق عليها هي بس و الإقتراحات في المشاركة دي الإقتراحات و أنا فعلا أبقي سعيد لو إتعرفت علي حضرتك و جزاكم الله خيرا |
ماشى ياجماعة عموما انا بعتذر عن الجملة دى لانها فعلا مش ذوقية واشكر برده الناس اللى ردت_GUIDE_ P h i l o n o i s t BaNZeR :078111rg3::078111rg3: وبالنسبة للموضوع انا قلت اللى عندى خلاص ومش هطول عشان هدف الموضوع الاصلى:) |
اقتباس:
السلام عليك أخي الكريم جزاكم الله خيرا علي ردك أولا سأرد علي قولك و إستشهادك بقول الرسول صلي الله عليه و سلم في حديث إنما الأعمال بالنيات حضرتك لم تقرأ إلي تفسير الحديث و لا قول العلماء حوله و بدليل أن قول إنما الأعمال بالنيات لا يدخل تحته أي عمل هناك قاعدة شرعية تقول "النية الصالحة لا تصلح العمل الفاسد" أضرب لحضرتك مثال أنا دلوقتي واحد شايف في ناس كتير في فقر و جوع في نفس الوقت في ناس مش لاقية تاكل لما أقرر إني هسرق من الناس الأغنية (العمل الفاسد) عشان أديها للفقراء (النية الصالحة) أكيد حضرتك دلوقتي تقولي لأ دي سرقة نفس الكلام لما أجي أرد علي أخت ليا بتمادي و أنا نيتي إن هي دي أختي و أنا مش نيتي وحشه لأ غلط و حضرتك ممكن لو تقرأ الموضوع للأخر تعرف إن إحنا وصلنا مع بعض إن الفصل التام صعب حدوثه لكن الحدود ممكن تتحط و لك مني جزيل الشكر أما للنقطة الثانية أنا الأخت حنان ترك تحدثت في الهاتف فهذا لضرورة أخي الكريم و أنظر إلي ما هو تأثير هذه المكالمة علي حال كثير من الفتيات كما أن معظم الإتصالات علي القنوات الفضائية إنما هي لتعلم الدين و طلب العلم لمن لم يوفقه الله إلي طلب العلم الشرعي علي أيدي العلماء و أما بالنسبة للأستاذ عمرو خالد فهو من الأصل لا يجد حرج في الإختلاط ودمتم في رعاية الله |
اقتباس:
جزاكم الله خيرا أخي الكريم و حضرتك فعلا جبت كلام كنت عايز أقوله ووضحت أشياء كثيرة وربنا يوفقك حضرتك و مش لازم حضرتك تشد أعصابك و تغلط في الشباب :):) هما فعلا فيهم خير كثير في رعاية الله |
| جميع الأوقات بتوقيت GMT +2. الساعة الآن 10:39 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.