هو الكتاب اللى حضرتك بتقولى عليه اللي فيه أول كلمه chapter V:o

ايوه فعلا كتاب الجامعة اللى اقصده اول كلمة فيه chapter V واول صفحة فى الورق ده هى صفحة 34 واخر صفحة هى 65 لان فى بعض الناس مصورة الكتاب كله بس هو ده الجزء اللى الدكتورة قالت صوروه

هوه ده الورق بتاع الخبير ولا غيره

هى الخبير فيها ورق لغة؟ولو فعلافيها...... الورق ده بتاع ايه؟

مش عارف بس هما قالولي صور الورق اللي في الخبير هوا اللي ها نمتحن منه وانا قولتلكم امبارح في المنتدى انا جبته بس مش عارف فيه اي حاجه

طيب هو الورق ال حضرتك جبته من الخبير مضمونه ايه يعنى اسئلة ولا شرح ولا ايه بالظبط

معلش اني ما ردتش على حضرتك امبارح بس اصلي مشفتش ردك غير دلوقتي بعد الامتحان وهوه فعلا الورق اللي في الخبير هوا اللي امتحنا منه انهارده
انا النهارده امتحنت نبات انا وسكشن 3 وسكشن 4 والحمد لله الامتحان كان سهل جت التجارب بتاعه
dialysis & precipitation & affect of ph alkaline & osmotic tree & catalse
والحاجات دي جت لل 3 سكاشن زي بعض والحاجه اللي عايز اقولها للي لسه ما امتحنوش يركزوا على الdialysis catalse
لانهم جم كذا مره وجم لشكن 1 كمان
والحاجه اللي لغبطت بعض الناس النهارده ال precipitation كان جايب انبوبتين واحده فيها ماء نقي والتاني معكر بس الحمد لله عرفتها وبالنسبه الل ph كان جاي مكعب لونه اصفر في انبوبه بس كده باقي الامتحان ما فيهوش حاجه كله واضح

لأخلاص يا دكتور حصل خير ولا يهمك


امتحنا انهارده الوصفية كانت كويسة جدا الحمد لله جالىs2o3كان فى اول الاسكيم فخلصت فى ربع ساعة ودكتور عبد الله بصراحة كان متعاون جدا يعتبر صححلنا الامتحان قبل ما نمشى
بس احنا امتحنا حاجة واحده بس يعنى basicبس اوacidicبس علشان كنا سكشنين فكان عددنا كتير فده جه فى صالحنا
ادعولنا عندنا فيزياء يوم الاربعاء

يا بختك احنا لسه بكره واكيد ها تبقى مادتين
بالنسبه للفيزياء بكره اصعب تجربه تعتبر ممكن تجيليك البندول البسيط انتي ممكن تستغربي بس اصل التجربه دي مفيش حد اشتغلها في الامتحان وطلعت معاه دي كانت هاتجنني :blush:لازم تتفبرك لو جتلك يعني مثلا احفظي الارقام او الميل وباقي التجارب كلها بعد كده سهله وربنا يوفقكم ان شاء الله ويفقني انا كمان في الكيمياء ان شاء الله:028ja7:

هو بصراحة مش البندول بس ال انا خايفة من ارقامه
انا خايفة من الارقام بتاعت كل التجارب لانى مش هبقى متاكده من اى رقم هطلعه(هنودى التردد فين)
لكن اى حاجة تانية تخص التجربة سهلة هتتحفظ



ربنا معاك بس لو الدكتور عبد الله ال بيديك يبقى اطمن على الاخر هيضيع التوتر بتاع الامتحان وهيخليلكوا الامتحان زى السكشن العادى

لا للاسف مش بيديني بس انا كده كده مش قلقان من الكيمياء اهم حاجه يكون معايا اسكيم حلو وخلاص

يا سمايلى.....انتى مش هتبطلى الخوف اللى انتى فيه ده؟امتحان الكيمياء كنتى خايفة,.امتحان التشريح كنتى مرعوبة والفيزياء خايفة من الارقام انا النهاردة امتحنت فيزياء وجاتلى تجربة شمع البارافين وبسم الله ماشاء الله انا وesraa اخر اتنين طلعوا من السيكشن انا عملت18 قراءة للرسم البيانى esraa كانت بتحارب مع البندول اما عن افنان جالها هوك وطول ماهى ماشية بتدعى على الدكتورة........ولسة عندى بكرة امتحان نبات.... ادعيلى :022yb4:

بالنسبة للخوف فدى عاده فيا سواء مذاكرة او مش مذاكرة مبتفرقش... ما اظنش انى هبطلها المهم سيبك منى
انتوا ايه اخباركوا انا عارفة ان الدكتورة ال بتديكوا طبعا ممتازززززززززززززززة
طمنينى بعد كل التاخير ده النتيجة ايه
ومتقلقيش خالص من النبات كل السكاشن امتحانتها كانت تافهة جداااا بس ركزوا على الdialysis

طبعا يا بنتى الدكتورة بتاعتنا دى عبقرية الواحد لو كان اعتمد عليها كان شال الفيزياء 5 سنين جيين
البنات شافوا الدكتورة وهى بتصحح مش بتقرا اى حاجة بتشطب على الورقة بس ومعدل الدرجات من14 الى 20 ده المعدل العام لكن اكيد فى اقل من كدة.......احنا كان معانا ناس حافظين النتائج النهائية ونزلوها فى الورقة زى ماهى من غير اى شغل عملى خالص
عموما ...اشوفك بكرة بعد الامتحان :022yb4:

ازيكوا يا دكانرة
انا خايفة من امتحان بكرة وعايزة اعرف هو امتحان النبات مفهوش تجارب هنشتغلها
يعنى هنعمل كومنت بس ولا اى؟

الامتحان هايجي كله تجارب ثابته بس احنا بنكتب عليها كل حاجه مش الكومنت بس وبنكتب على الحاله اللي قدامنا بس وماتقلقيش ان شاء الله هايكون سهل

شكرا ليك يا دكتور عبدو


واخيرا خلصت امتحانات:022yb4:

بس النبات جلنا الاميليز not active
وانا عملته active
مش مهم ان لله وان اليه راجعون

اعتقد اننا كلنا خلصنا خلاص
عايزيين بقى شغلنا فى المنتدى يبقى منظم
ويا ريت لودكتور مصطفى ودكتور عبدو يعملولنا المنتدى

ازيك يا مونى وحشانى يا بنتى !!!!!!!!!!!!!

وانتى ياافنان ؟!!بس انا كنت معاكى من شوية
{ the rest was deleted for avnan

العفو يا دكتوره تحت امرك
:022yb4:
وان كمان الحمد لله
يلا مش مهم خيرها في غيرها
انا النهارده كان زمانكم بتقرولي الفاتحه حصلت عجائب في امتحان الوصفيه غاز النشادر طلع في وشي كان ها يموتني وفضلت اكح وماكنتش قادر اتنفس وسبت الامتحان حوالي تلت ساعه واقف بره وبعد ما دخلت الماده خلصت مني والدكتوره ادتني غيرها بالعافيه وبعد ده كله طلع عندي الBASIC غلط وكنت ها اعيط عادي

[
ان شاء الله بس ما اعتقدش ان ها تبقى في اي حاجه مهمه في المنتدى في الاجازه كله هايبقى حاجات FUNNY زي كده بس اوعدكم في الدراسه ها تلاقوا حاجات احسن من الترم الاول بس ادعولنا نخلص المنتدى

:oيااااا يا دكتور معلش
بس ان شاء الله خير :)

اوكى مش مهم بس نتكلم فى موضوع واحد واقترح(طب اسنان المنيا )عشان الواحد ميتهش فى المواضيع
وان شاء الله تخلصوا المنتدى

ههههه ما انتى هتوحشينى فى الاجازة
وانا زعلانة لانى مش قعد معاكوا انهرده وكمان مشيت من غير ما اسلم عليكوا
يالا نبقى نعوضها

احمدى ربنا انك مشيتى دى قلبت غم فى الاخر وكله مسك فى بعضه:stickjo4: بس الحمدلله حليناها
على فكرة اتفقنا ان الميعاد القادم هيكون يوم الاحد الساعة 4 او5 فى الحدود دى.... يلا بقى عشان تعوضيها

لى كدة ؟
ههههه ده ممكن يكون بسببى اصلى كنت عمالة اقول زمانكوا قاعدين دلوقتى مبسوطين ههههه
الاحد كدة علطول ماشى ربنا يسهل ان شاء الله

[مبروك يا جماعة غلى الاجازة نص الكم ديه والحمد لله ان الامتحانات عدت بحلوها ومرها وسلامتك يادكتور عبدو

[quote][زمانكوا قاعدين دلوقتى مبسوطين ههههه/quote]


يابتاع الحقد!!!ليه كدة ياافنان؟على فكرة لسة النفوس ماصفيتش وبنحاول نحلها انا عن نفسى خلاص مافيش مشاكل بس فى ناس لسة عندها مشاكل!!

ايوة الاحد بس لسة مش عارفين الاماكن واتفقنا نخليها بظروفها

ماشى يا دكتورة نبقى نتكلم بعدين

الله يبارك فيكي يارب تكون اجازه حلوه هيا اكيد مش قوي علشان الامتحان بس زي ما قالت دكتوره افنان نذاكر بعداسبوع كده ولا 2
وشكرا يا دكتوره
وعيز اقولكم ان ها تبقى في ماجئه بالنسبه لموضوع المنتدى ده ها تعرفوها في وقتها وانا كان عندي اقتراح ان اقبل ما نخلصه ان شاء الله ابقر اديكم الاسم وكل واحد يبقى يدخل يتفرج ويقول تعديلاته ورايه علشان يعجب كل الناس فس الخر
وانا اسف اني اتاخرت شويه في الرد بس والله الموضوع ده شاغلني والكمبيوتر بتاعي كان بايظ بصلحه

السلام عليكم ازيكم يا جماعة عاملين ايه ؟ وحشانى يا أفنان هو انتى بيتهيأ لك ان الاحد هو يوم الخميس ده انا قلت لماما واختى واصحابى على الميعاد استغربوا انه متأخر

اههههههههههههههههههههههه هو انتى السبب
مانا قولت بردوه الموضوع فيه ان
احنا كنا كويسين وبنضحك ومرة واحده قفشنا مع بعضينا وطبعا DR/esra2 ماكنتش طايقة نفسها وهى ال ولعت الدنيا
بس طبعا شوية وفكانا يعنى مروحناش زعلانين ............. يلا ولا يهمك اقعدى انتى احقدى على الناس

وحياتك يا اسراء ما فاهمة كلمة من اللى انتى كاتباه....
وفين بقى المشاركات وهادخل كل يوم والكلام الكتير ده؟
حملتى الافلام ولالأ؟حاسبتى الراجل بتاع التصوير عند لوتس؟
اى خدمة يا اسراء فكرتك بكل حاجة قولتيلى عليها
المفاجأة بقى ان احنا كلنا بلا استثناء نسينا ناخد ورق الدكتورة ايمان:bosyht9:

بالظبط كدة يا افنان انا عايذاكى تفضلى تحقدى....... بس لله يعنى بلاش يوم الاحد ما انتى هتبقى معانا وربنا يسترها ويعديها على خير:022yb4:

ايه ده .............ايه الكلام الغريب بتاعكوا ده؟؟؟؟
وبعدان ايه حكاية ورق الدكتورة ايمان ده؟؟؟؟

ازيك يا مونى
ايه الاخبار

انا الحمد لله تمام
بالنسبة للكلام الغريب انا مش فاهمة حاجة خالص من اسراء
يابنتى الورق اللى الدكتورة ايمان قالت عليه فيه اسئلة موجود فى مكتبة علوم ونسينا نجيبه!!!

هيا الدكتورة دي مش بدتينا مس شكلها طيبة جدا ..

انا كان بيراقب عليا الدكتور عامر باعتبارنا اول سكشن امتحن .. ولما ناديت عليها علشان اسألها ع حاجة ..

بصيت ف ورقتي وقالتلي كويس كويس ارقام كويسة كمل كمل .. حتى نستني انا كنت عايز اسالها ع اية ..

بس للعلم الامتحان من 15 واعلى حاجة 14 .. واقل 12 ..


قدر الله وما شاء فعل ..

انا الحمد لله كتبته inactive وباقي التجارب كانت بسيطة برده ,,

-----------
دعواتكم معانا بس ..

احنا اللى مأخرنا انه كل المنتديات المجانية زي ما قال عبده .. خدمات ومستوى .. مفيش

لكن الحمد لله الدكتور عبده ودكتور تاني ربنا يباركله جابوا واحد يعتبر احسن حاجة وظريف جدا ..

شغالين بنقسم فيه وهيخلص قريب ان شاء الله ..

----------------

قدر الله وما شاء فعل .. الحمد لله على كل حاجة .. بس صعبت عليا ف اليوم دا ..

بس ان شاء الله كلها درجة واحده بالكتير لانك اشتغلت نص السكيم صح ..

ربنا يستر ان شاء الله ..

-------

ياريت نص كم حتى دي حتى مش محصلة كت :av4056bb7jp3: .. اجازة بتذاكر فيها .. يا سلام .. حاجة اية .. الله ينور

وعليكم السلام ورحمة الله وبركاته
انت اكتر يا اسراء


هههه اه طبعا ده بالنسبة ليكى انا يمكن يكون ده اليوم الوحيد اللى هطلعه معاكم ان شاء الله

سيبك منهم يا اسراء انا فاهمة هههههه


ههههههه ماشى يا جماعة بس متفهمونيش غلط ده مش حقد ده (نق) بس هههه
ان شاء الله محدش يبقى زعلان فى الخروجة دى
اه يا مونى صح طيب هنعمل اى فى الورق
ممكن تخلوا الاء اخت اسراء تجبهولنا لورديت يعنى

اولا ازي حضرتك يا دكتور
دى الدكتورة بتاعتنا اللى عملت كدة ؟هههه
الحمد لله

ربنا معاكوا ان شاء الله

ان شاء الله يكون حلو وبعدين كفاية تعبكوا
لا ولا يهمك

لا حول ولا قوة الا بالله وده من امتى يا افنان؟؟:d

ههههه :pمن زمان يامونى بس انتى مش وخده بالك

لا انا واخد بالى من زمان بس مطنش:friendsxs3:
بصى بقى بالنسبة للورق انا مش عارف نعمل ايه شوفوا انتو وقولولى
ولو هاتروحوا الجامعة برضو قولولى

خلاص يوم الاحد نبقى نتفق
سلام يا مونى

الحمد لله

انا مش عارف .. عموما هيا دي اللى عملت كدة .. هوا اللى اعرفه انها بتخلص السكشن كله ف خمس دقايق وراجعت ع المنهج بتاع ستاشر مرة .. صح برده:bosyht9:

اهلابيكى ىابيرى هو ترحيب متاخر شويه بس معلش

اعتقد ان الكلام ده على دكتورة سعاد بس ما شاء الله عليها دكتورة عبقرية مابتشرحش كلمة فى السكشن بس انا على حد معرفتى ان الدكتورة مبتعذبش حد غير سيكشنا احنا سيكشن2:049gc0:

بالظبط يا مونى

يا افنان فى شوية تغيير فى الخطط يوم الاتنين اجازة مش هاينفع نروح الجامعة اتفقنا انا وesra2 انها تبقى يوم الثلاثاء
وهننبقى نقولكم على باقى التفاصيل

طيب بدل ما ننزل الجامعة ......فى حل تانى.......
ممكن نشوف اى حد هنا فى المنتدى يكون معاه الورق ونطلب منه ينزله
ومتهيألى لو معاهم مش هيتأخروا

يا جماعة حد جاب الورق بتاع الدكتورة ايمان من مكتبة كلية علوم

لا يا سمايلى نجيبوا احسن