السلام عليكم انا ممكن اشارك مع حضرتكم بمسألتين.........
1)
جلفانومتر مقاومته 20 اوم.وصل علي التوالي في دائره مقاومتها الكليه 80 اوم . فاذا استخدم مجزئ مع الجلفانومتر مقاومته 5 اوم فعين النسبه بين شده التيار المار في الجلفانومتر قبل وبعد استخدام المجزئ..؟؟؟؟؟؟؟


لما دي تتحل ممكن اقول التانيه........................................... ........................
سلام الله عليكم............................................. .....................................

حضرتك المساله دى بالظبط انا سالاها فالتوبيك التانى وزميلنا احمد جاوب عليها

معلش انا هحاول احنا مخدناش مسائل فالدرس الا تعويض مباشر سيبنها للاخر

بص النسبه بين شده التيار قبل وبعد يعنى الحساسيه
اللى هيا بتساوى

rs
_______________________________


rs + rg




5\20+5

=

1|5

بتهيالى غلط لان الحل مش هيبقى بالسهوله دى

الناتج النهائى معايا

Ig/I=1/5

كويس يعنى حلى صح
طب حط مساله

انا اللي محيرني ان مش عارف استخدم المقاومة الكلية دى

ام هند

فيه مسأله اهى

شحنـــــــــة كهربية مقدارها 0.1 كولوم تتحرك بسرعه 440 متر/ث في مسار نصف قطرة 70 سم احسب كثافة الفيض عند مركز الشحنة

اه وبعدين عندنا مقاومه مستخدمنهاش فحاجه
انا هفكر فالمساله
بس سؤال فضولى
مين ام هند دى؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هههههههههههههههههههههه
حلوه الموضه دى

ام هند;)
انا مش عارفه احل المساله دى خالص ممكن تقربها
انا حتى حاوله افك السرعه لمسافه على زمن

ايوه امال ايه الواحد لزام يساير عصره

اوك

لو تخيلت ان الشحنه دي مسافتها ايه

هتعرفي انها بتتحرك بالظبط ف حيز محيط الدائرة

يعني المسافه هي محيط الدائره

لما يكون عندك مسافه وسرعه

ياتري هنجيب ايه

اكيد حاجه :D
طيب والحاجه دي هنجيب منها شدة التيار ازاى

طبعا زي الناس :D

توضيح زي الفل اهو :D

محدش يقول عليا نيوتن التاني ياجماعه انا عارف نفسى :p

رد
 

بتهيالى غلط لان الحل مش هيبقى بالسهوله دى

للاسف الاجابه فعلا خاطئه حاول فيها مره تانيه...........

انا ممكن اجاوب علي السؤال ده ....
كثافه الفيض = معامل النفاذيه .عدد اللفات . شده التيار علي 2r
بس (I) تساوي Q علي الزمن وهو هنا زمن دوري
V=(2.22\7.r) \T
ببساطه السرعه هتساوي محيط الدائره علي الزمن (x\t)
يبقي ال( B )هتساوي
( معامل النفاذيه .السرعه.الشحنه)علي(2باي نق .2نق)
من الاخر (B )
هتساوي
8.979X10-6 يعني تقريبا 9x10 -6
معلشي طولت عليك.....................

[quote=هاوى إبداع;2996976]انا اللي محيرني ان مش عارف استخدم المقاومة الكلية دى

علي فكره يا جماعه انا اللي حطط المسأله بتاعت الجلفانومتر وبقلوكم.أن 1\5

اجابه مش صحيحه وطبعا المقاومه الكليه ليها استخدام مش محطوطه كده وخلاص............
وحولوا فيها مره تانيه ..
وانا ان شاء الله هبقي اقول الناتج ...................

[quote=نصر غزه;2998750]إحم إحم...

المره دى انا استخدمت المقاومه

وحلتها بطرقتين

وطلعت معايا ناتج واحد هو

21/5

وبصراحه

انا زهقت فيها :d

لو غلط ياريت تكتب الحل ع طول بقى :d

واجابتك ياباشا صحيحه ان شاء الله

ولو اي حد عايز اي توضيح في مسئلة الشحنه دى يقول بس :d

[quote=هاوى إبداع;3000023]فعلا الاجابه هي 21\5http://www.thanwya.com/vb/life/icons/present.gif

وأنتظر منيُ مسأله تانيه هتزهأك برده .. http://www.thanwya.com/vb/life/icons/icon16.gif http://www.thanwya.com/vb/life/icons/icon114.gif

مسألتي التانيه بتقول.....................

سلك معزول قطره 0.2 سم لف حول ساق حديد نفاذيتها 2x10-3 , وبر\امبير.متر بحيث تكون اللفات متماسه علي طول الساق

معا فاذا مر به تيار شدته 5 أمبير .. احسب كثافه الفيض المغناطيسي.؟؟؟؟؟؟؟؟؟؟؟؟؟

انت متاكد ان كله موجود جميع المعطيات يعنى

ايوه جميع المعطيات موجوده
ولكن من خلال نص المسأله ممكن نجيب اللي ناقص.ودي صعوبتها...............
اعتقد ان انا كده سهلتها شويه؟؟؟؟؟؟؟؟؟

مممكن سؤال باستخدام العلاقة i=v\r اشرح صريقتين مختلفتين لزياة شدة التيار

هههام ارجو الرد بسرعة باستخدام العلاقة i=v\r اشرح طريقتين مختلفتين لزيادة شدة التيار

صراحه مش عارفه احلها ممكن تحلها انت

سؤل لعيونكم من منتديات العلم نور
 

سؤل لعيونكم من منتديات العلم نور

السؤال :-

دائره كهربيه بها مقاومه ثابته 6 اوم يمر بها تيار( 2. )امبير وصل فولتميتر مقاومته 30 اوم بطرفى المقاومه فانحرف مؤشره لنهاية التدريج واذا وصلت مقاومه 144 اوم على التوالى مع الفولتميتر فما قراءة مؤشره ؟؟ وما اقصى قيمه لفرق الجهد يمكن قياسها؟


http://www.el3lmnour.com/vb/showthre...=4054#post4054

دى الرابط

أنت مش حددت عاوز كثافة الفيض فين بس على اى حال لو كنت تقصد أنك عاوز كثافة الفيض عند محور الساق فهى هتساوى 5 تسلا ان شاء الله

ايوم اكيد المطلوب كثافه الفيض عند المحور.....
فعلا الاجابه 5 تسلا...

ربنا معاكم شدوا حيلكم

بالتوفيق للجميع باذن الله

السلام عليكم الزباين ابتدت تهل
ياله يا مستر عايزين نعرف الاجابة صح ولا غلط

ياريت نعرف صح والا غلط

دى المساله فى ملخص الامتحان صح ؟ معلش فى المساله دى بتهيالى انا مش مقتنعه بحلها 5
حتى احنا حليناها مع مدرسنا واتناقشنا فيها
وطلعنا ناتجها 5 باى
احنا كنا ضربنا طول القطر فى عدد اللفات مش
المحيط فى عدد اللفات
طب اتخيلوها كده

لا دى اول مره اشوفها

بس هى الفكرة بسيطة جدا

كثافة الفيض = معامل النفاذية * عدد اللفات فى وحدة الأطوال * شدة التيار

و قطر اللفة الوحدة 0.002 متر

يبقى عدد اللفات فى وحدة الأطوال ( المتر الواحد ) = 1 / 0.002 = 500 لفة

كثافة الفيض = 0.002 * 500 * 5 = 5 تسلا

بالتوفيق ^__^

بص انا ماخدتش بالى من الفرق المساله دى موجوده فى كتاب الامتحان بس النفاديه ب 2باى فى 10 اس سالب هنا ب 2 فى 10 اس سالب 3
كتاب الامتحان مطلع الناتج 5 زيكم انا حليتها بنفس طريقتكم هنا طلعته 5 باى

مش عارفه انت فاهم قصدى ولا لا بس بص على كتاب الامتحان المساله رقم 28 وياريت حد يهتم بيها لان دلوقتى مدرسى حلها بطريقتى
ومدرس تانى زمايلى بياخدوا عنده حلها بطريقه تانيه
انه ضرب عدد اللفات فى المحيط مش فى طول القطر
والناتج اللى طلعه هو نفس ناتج الاجابات

انتى غالبا بتتكلمى على مسألة تانيه

لأن : عدد اللفات فى المحيط ( لو كنتى تقصدى محيط السلك ) فده هيديكى صول السلك مضروب فى باى !!!

لو سمحتى هاتى نص المسأله لأن الكتاب اللى معايا بتاع سنة 2009 لأنى جيبته و أنا فى سنة تانيه

و نحلـــهــــا ان شــــــاء الله

فى رعاية الله

بطارية قوتها الدافعه 14 فولت ومقاومتها الداخليه مهمله وصلت مع ملف دائري
عدد لفاته 50 لفه ونصف قطره 10 سم فاذا كانت المقاومة النوعيه لمادة سلك
الملف (7في10 أس سالب 7) اوم متر ونصف قطر السلك 1 مللي متر
احسب عزم الازدواج الذي يؤثر على الملف عند وضعه في مجال مغناطيسي
موازيا له وكثافة فيضه 5, تسلا
السلام عليكم
ارجو مساعدتى فى الحل وشكرااااااااااااااااااا

أنا فعلا فيه أستاذ حلها معانا بطريقة وطلعت 5T وده لما كانت طريقة الحل:
L=
2باى فىr فىN
B=MN(I\L)
هتطلع فى الآخر ب5 تسلا

ولما رحت مراجعه عند أستاذ تانى قال:إن طول السلك بالنسبه للدائرى=
2باى.r.N
أما بالنسبه للحلزونى=
N2r
وبناء على ده فالمسأله هتتطلع معاكى ب باى5 تسلا

ياريت أكون قدرت أفيدك

طب انا دلوقتى دى لو جت فالامتحان احلها بانهى طريقه

فيه سؤال فالمرشد
امتحان عوزه بس اتاكد منه
لما ازود تردد ملف الدينامو للضعف
هيحص ايه للقوه الدافعه
هتزيد للضعف ؟

أيوه هتزيد للضعف

طب انتوا نسيتوا ان عندنا
سيتا
ممكن تتفك
وتبقى
2 باى t f
بس برضه لاحظوا ان قبل سيتا فيه ساين يعنى لو اتغيرت مش هتبقى بنفس الكميه

أعتقد أن فصده هنا max

لكن على اى حال لو أفترضنا انها لحظية زى ما انتى كاتبه هنا فبرضه مفيش مشكله

لأننا بنحول السيتا للعلاقة اللى انتى كاتباها دى لما يكون بدينا زمن مش زاوية و لما أعوض بالتردد بعد ما يزيد ده مش هيأثر على الزاوية اللى انا عاوزها

ركزى بس معايا علشان تفهمى الكلام الهندى اللى انا كاتبه فوق ده :

--------------------------------------------------------------------------

بخطوات بسيطة

- لنفترض انا الـ emf اللحظية مطلوبة عند اللحظة S اللى الملف بيكون عامل فيها زاوية X

- فى الو قت ده
emf1 = emf(max) X sin(360 X V X S ) - - - ( تذكرى ان S هى الزمن المطلوب عنده الـ emf )

- عند زيادة التردد للضعف سيحدث الاتى :
1- يزداد ال max للضعف ( و ده مش موضوعنا ) - - - العظمى الجديده = 2emf(max)
2- سيقل الزمن الدورى للضعف ( لأن الزمن الدورى يتناسب عكسيا مع التردد )
3- بالتالى سيقل الزمن S اللازم لوصول الملف للزاوية X للنصف ( لأن سرعة الملف اصبحت مضاعفة و بالتالى سيصل الى اى زاوية فى زمن اقل من سرعة الدوران الأولى للنصف )
أذن t=s/2

نرجع و نعوض فى العلاقى اللى فوق تانى علشان نجيب ال emf اللحظية الجديدة بعد زيادة التردد
أذن emf2 = 2 emf(max) X Sin (360 X 2V X S/2 ) = 2 emf2

------------------------------------------------------------------------------------------

الخلاصه يعنى انك لما تزودى التردد بقيمة ما هتقل t بنفس القيمة و تظل سيتا ثابته فى ثبوت العوامل الأخرى

فسواء كان قاصد أنها لحظية و لا عظمى فهى هتتضاعف فى جميع الأحوال

معلش أنا متعود اشرح للناس بورقة و قلم و كلام و مش عارف اذا كتنى هتفهمى شرحى كده و لا لا

فى رعاية الله