|
اصل حضرتك انا مش عارفه اختار مين ولامين ولامين
سياسيه احنا بايظين تعليم منفضين اقتصاد ضايعين لو في واحد قدر يصلح التلاته وغير الباقي طبعا هو ده من يستحق رئيس الجمهوريه في رعاية الله |
no comment at all ty
|
[quote=BlakBlak66;2140079]الله عليك يا أستاذ عبد الله (خير الكلام ماقل ودل )والجوهرى وعائلة الجوهرى مش هيعدوها لك بعد طردهم من الملعب
ولو تجمع الاخوان حسام وابراهيم عمر الزمالك ماهينصلح حاله ويكفينا شر المهندسين وتوابعها-- وتحيا شبرا والسيده والصعيد الجوانى والبرانى وأنفاق الدلتا- وترعهاوبحورها-- لكن تقول لمين -- ومحمد حسام مجهز لنا كل الكروت الحمره بس مش ملاحظ إن الأنديه الجماهيرية فى طريقها للإنقراض................................... _ الأنديه الجماهيرية فى طريقها للإنقراض لانها بتفرط فى لاعبيها لنادى الشركات ...وصدقنى الخوف مش فى مين يمسك المنتخب المصرى..لكن الخوف كل الخوف فى ظل الحرية:stickjo4:والديمقراطية:slap1qk6:اللى احنا عيشنها ان المطش يتباع ...ومفيش مصرى يقبل بوجود حكم اجنبى فى المطش ده لاننا لانقبل بوصاية خارجية وقديما قالوا(اللى تلاقيه راكب على العصا قل له مبروك عليك الحصان)..والحدق يفهم..:excl: |
اقتباس:
اولا مليون شكر على كلام حضرتك ثانيا / تعرف ان كلامك فيه حكمه كبيره قوى انته لخصت كل حاجه فى 3سطور تقريبا فلك منى جزيل الشكر وانا ولاول مره بقولها انا برشح حسام حسن معاك على فكره انا زملكاوى هههههههههههههههههههههههه |
اقتباس:
فعلا عند حضرتك حق بس مع كل ده لازم يكون عندنا شويه اراده حتى لو كانوا قليليين علشان نحاول نصلح كل الفساد اللى حضرتك اشرتى اليه وشكراااااااا لمرور حضرتك اسعدنى تواجدك معنا فى رعايه الله |
اقتباس:
حتى لو ماكنتش قولت مين بس احترم طبعا وجهه نظرك |
اقتباس:
|
حتى لو الرئيس زملكاوى فالدورى برده للاهلى.........
|
بسم الله الر حمن الرحيم أخي الفاضل بالنسبة لمسألة اختيار رئيس الجمهورية وترشيحي لمن أراه أهل لهذه المهمة الصعبة فإني أريد أن أعرف قبل ذلك... هل لي الحق في ترشيح أحد؟ ستقول نعم!!! وأرد عليك بأني أملك بطاقة انتخابية, ومدون عليها بأني إن تخلفت عن الإدلاء بصوتي علي دفع غرامة 100 جنيه. ومع ذلك في الانتخابات الماضية لاختيار أعضاء مجلس الشعب- وليس رئيس الجمهورية - ذقت الأمرين بالبلدي كده طلعوا عيني وعين اللى خلفوني علشان أوصل للجنة الانتخابية اللي فيها اسمي وذلك على الرغم من تأكدي من مقر اللجنة, ولكن سيادة الأفندي صاحب العظمة عسكري الشرطة اللي واقف على الباب لم يسمح لي بالدخول بحجة تغيير مقار اللجان ودلني على مقار أخرى وكل مقر أذهب إليه لا أجد فيه اسمي. فإن كان يحدث هذا لاختيار أعضاء مجلس الشعب فما بالك برئيس الجمهورية ؟!!! هل تظنهم سيسمحون لأحد بالإدلاء بصوته؟ ولو حدث.. فإني أبشرك بأن صوتك سيلقى في القمامة -عذرا صوتي- لا تسيء فهمي وتظن بأني معقد ومتشائم وراجل عايز ضرب النار ولكن هذا هو الواقع ما تريده القلة الحاكمة لأمور الدولة هو ما يكون وغير ذلك يفتح له جناح خاص في غيابات السجون وما اكثر الأدلة على ذلك, فانظر إلى الأسعار والتعليم والأحوال الاقتصادية والاجتماعية والتي كلها إلى انهيار إن لم تكن انهارت بالفعل. وعموما أنا لا أرى خير من رجل أعلم علم يقن انه لن يفعلها وهو ما يثير الحزن في قلبي وقبل أن أقول لك من هو أريد أن أبين لك سبب رفضي لهؤلاء البرادعي / لأنه لا يعرف شي عن مصر فقد عاش ما عاش في بلاد أوروبا,وما يعرفه عنا من خلال التلفاز والأخبار شأنه في ذلك شأن الرئيس الحاليلا يعرف عنا سوى من التقارير المزورة, ولكن الاخير يعرف بعض الامور, وإذا تدخل بحق فإنه يغير الكثير -إذا تدخل-أما الأول فلا يعرف شيء وإذا أراد أن يحل معضلة فسيصنع ألف أخرى. جمال / لأنه ومن غير لف ولا دوران ابن أبوه ومستحيل أي حد يوصل للي هو فيه دلوقتي إلا لأنه ابن ابوه ولو مكنش ابن أبوه مكنش أبدا وصل للي هو فيه يبقى مش ممكن أسيب اللى قارفني ومطلع عيني وأروح لابنه على شان يجي يكمل عليا وعلى عيالي من بعدي ده إن جم يعني وساعتها هيدعوا عليا مش عليه , طبعا لأني هكون جبتهم علشان يذوقوا اللي أنا ذقته قبل منهم ده غير أنه هيسيب اللي حولين أبوه علشان يساعدوه في الحكم, طبعا مش هم اللى جابوه للى هو هايبقى فيه يبقى شلت صورة وحطيت صورة ولسه محلتش الفزورة رؤساء الأحزاب الحالية / لإنهم ببساطه مشغولين في الكرسي ومين هو رئيس الحزب ومين مش رئيس الحزب, وكلهم بيقولوا مبارك مبارك مبارك طب لما انتم كلكم شايفين إن مينفعش لحكم مصر غير مبارك منضمتوش للحزب بتاعه ليه وريحتونا وسبتوا الأحزاب التانية للي شايفين نفسهم يستهالوا يكونوا في يوم من الأيام هم نفسم مكان مبارك في القصر الجمهوري معادلة صاعبة بتوع الأحزاب دول يقولوا مبارك, وفي نفس الوقت يقولوا انتخابات ودستور,وبرده متمسكين بكراسيهم في أحزابهم بطريقة ...... وللا بلاش خلينا احنا محترمين. طب أقولك بقى مين هو اللى أنا شايف انه ينفع ومع الأسف هو مش ناوي, علشان أنا حاسس كده إنك زهقت مني على الآخر رغم إني شايف إنه لو عملها أكيد أكيد البلد كلها هتجري وراه وساعتها هيبقى هو المنافس الوحيد لجمال وأبو جمال وهيبقى فيه أمل في نفوس الناس لحاجه اسمها التغيير الراجل ده ياسيدي هو عمرو موسى وأظن الجميع يعلم من هو عمرو موسى ولماذا تم إبعاده عن الخارجية إلى منصب بعيد كل البعد عن الناس ولا يمكن أن يحقق للرجل أي إنجاز يزيد حب الناس له وذلك لأن الجامعة العربية معروف إنها شكل ورقى لا غير. |
اقتباس:
ههههههههههههههههههههههههههه شكراااااااا على المشاركه |
اقتباس:
اهي الكورة دي اللى فرقتنا ووديتنا في داهية |
ثانكس علي الموووضــوع الرائـع
انا كنت منتظرة اجابة واحده بس بس مع الاسف ملقتهاش اولا البرادعي مينفعش فانا واحده مصريه مقبلش ان رئيس بلدي يبقي معاه جنسيه امريكيه وعايز يشيل الماده التانيه من الدستوور ولانه راجل علم وموش عايش في مصر ميعرفش اي حاجه عن البلد انا لا اؤيده لانه هيدخل الامريكان واليهوود علينا ثانيا جمال مبارك دا بقي لو علقووني منتخبهووش ابدا اذا كان كدا وسارقنا دا اي مشرروع كبير في مصر واخد نصه وهو ماشي علي القانون دا فيها لا اخفيها دا حرامي موش ابن رئيس ثالثا الراس الكبيره مبارك كل اللي عمله واحنا بجد لازم نحيه حرب اكتوبر كان عامل خطه جباره هي دي النقطـه البيضه اللي في حياته والراجل لم كل اللي في مصر وكفايه عليه كدا دا راجل صاحب مرض عشان الناس تدعيله يسيب البلد وميزوورش ف الانتخابات انتوا موش ملاحظين ان اي حد بينزل الانتخابات ضد الراس الكبيره ( اللي هو مبارك) بعد الانتخابات بيختفي بيروووح فين ؟؟؟؟؟؟؟ موش موضوعنا المهم انا برشــح طلعــت الســادات وقايلة كدا في الفيس البووك الراجل دا انا بحبه وبحترمه جدا جدا جدا بس فعلا الراجل موش ناقص اذا كان وهو كدا رفعوا الحصانه عنه في يوم جمعه بس هو دا انسب وواحد يمسك البلد اكيد عنده خطط عشان يتقدم بينا وبالبلد وياريت تقولو رأيكم في طلعت السادات ؟ تقبلو مروري |
اقتباس:
ثانيا/قد اتفق وقد اختلف معكى فى بعض الاراء ولكن دعينى من ذلك على فكره انا والله بحب طلعت السادات انا كمان انا اتفق معكى تماما فى كل كلامك اما بس ليا تعليق صغير على موضوع البرادعى اود ان لا نهجم عليه الهجوم الشرس عليه ولا نؤيده بجنون فلابد ان يكون هناك حياديه واسف على تأخير ردى عليكى ونورتى الموضوع تقبلى مرورى واختلاف الرأى لا يفسد للود قضيه |
اقتباس:
اولا /شكرااا على مرور حضرتك على الموضوع وكلامك الجميل فعلا انته عندك حق فى كل اللى قولته بس حتى بعد كل ده لابد ان لا نيأس ونحاول وانا على فكره ما اتخنقتش من كلام حضرتك على الاطلاق بل بالعكس كنت سعيد بيه جدااااا لانه عبر عن كل غلط بتحصل فى وشرح الاوضاع بشكل مبسط ولك منى شكراااااا عميقا على كلامك |
على فكره بقى طلعت السادات من اسوأ الشخصيات اللى تترشح للرئاسة ولو عايزين انتخابات صح لازم الاسماء دى تكون موجوده(1_عمر موسى2_كمال الجنزورى3_عمر سليمان4_محمد حسين هيكل5_(مصطفى الفقى)6_ايمن نور)
|
وليه ياأستاذ عبد الله مايكونشى واحد زينا مننا ومن وسطنا هو لازم يكون من الحرس القديم حتى لوكان احتياطى
أنا نفسى اللى بيحب البلدى يستبعد كل الحرس القديم والجديد وفريق الخصم كمان--- لأانه ساعد فى ضياع المباراة ---وكمان كل أعضاء المجالس النيابية اللى موجودة واللى عدد منهم كانوا أبطال أخبار الفساد فى البلد بأعمال لم تحدث من قبل ولو مش مصدقنى عد الكوارث اللى حصلت فى الخمس سنوات اللى فاتت وشوف مين أصحابها أومين المسئولين عنها أنا نفسى فى الاختبار الأول اللى جاى ده (مجلس الشورى ) بعيد عن الأحزاب والمؤيدوالمعارض وماليش دخل بالمسميات دى -أشوف ناس جديده ومفيش فيهم واحد دخل المجلس ده قبل كدا --- هنقدر؟ ياريت نقدر علشان نتعود على الاختيار الصح والتغيير-- وشكرا |
يا أستاذ عمر إنا بعزك واحترمك لمو ضوعاتك القيمة وردودك المهذبة والقيمة
بس لي رد على كلام الأخ العز يز السيد صابر وهو إذا كنا نرغب فى التغيير فلا نبدأ بالتشكيك ونقل حوادث الماضى لتملأ فراغ الحاضر وبعدين لو هذا الشرطى الذى تتحدث عنه بهذا الاستخفاف أخذ منك أى مبلغ من المال كنت هتسيبه ومش هتقاضيه وده بيحاول ياخد منك صوتك - يعنى هيسيبك أخرس -- وهترجعنى لكلام قلته قبل كدا -- لو نزلت الشوارع هتلاقى رجال الحزب الوطنى بيجروا هنا وهنا ك وبيربطوا ويوعدوا ويقدموا خدمات هنا وهناك --- فين بقى أحزاب المعارضه ؟ فى دوامة ؟وشكرا |
انا ارشح نفسىى
|
[quote=blakblak66;2141973]يا أستاذ عمر إنا بعزك واحترمك لمو ضوعاتك القيمة وردودك المهذبة والقيمة
بس لي رد على كلام الأخ العز يز السيد صابر وهو إذا كنا نرغب فى التغيير فلا نبدأ بالتشكيك ونقل حوادث الماضى لتملأ فراغ الحاضر وبعدين لو هذا الشرطى الذى تتحدث عنه بهذا الاستخفاف أخذ منك أى مبلغ من المال كنت هتسيبه ومش هتقاضيه وده بيحاول ياخد منك صوتك - يعنى هيسيبك أخرس -- وهترجعنى لكلام قلته قبل كدا -- لو نزلت الشوارع هتلاقى رجال الحزب الوطنى بيجروا هنا وهنا ك وبيربطوا ويوعدوا ويقدموا خدمات هنا وهناك --- فين بقى أحزاب المعارضه ؟ فى دوامة ؟وشكرا[/quote] أولا شكرا للأستاذ عمر على رده على المشاركة وربنا يحفظنا من اليأس ثانيا بالنسبة لبلاك بلاك كلام جميل بس المشكلة ان ده هو الواقع مفيش من البهوات المطورح أسمائهم للرئاسه واحد ينفع وبالنسبة للشرطي لو اتنطط وعمل فيها قرد بزلومه عمره ما هيشوف مني قرش ساغ من اللى انقرض وبالنسبة لمسألة خدمات بتوع الوطني فهي خدمات لا ترد ولا تصد بدليل أكبر خدمة بيقدموها للشعب المصري بالكامل هي..... موافقة عارف الكلمة دي؟!! لو مش عارفها أعرفهالك دي ياسيدي بتاعت مجلسي الشعب والشوري أي قرار أو قانون عايزاه الحكومة هم بيقولوها فيه وناخد مثال بيسط ياريت تسألهم عن حجم الضرائب اللي مطلوب من الشعب أنه يدفعها جت منين القوانين دي من موافقة اتفاقية تصدير الغاز لإسرائيل من موافقة وغيره وغيره وغيره..... حبيب قلبي خدمات الوطني للكبار فقط ومشكور على رأيك ومتنساش الحكاية كلها وجهة نظر |
لاحول ولاقوة إلا بالله ------- إيه يا أستاذالسيد إنت حولتنى لخصم ليك ليه ؟
طيب راجع بس كلامى للأستاذ عبد الله ولك هتعرف اننى معاك على طول الخط وبعدين اللى يقول إن مفيش خدمات بتتقدم وقت الانتخابات - معلهش يبقى مش من هنا وكمان هو أنا كنت واقف لهم وراء الستارةفى المجلس إياه وبقولهم قولوا موافقة وواضح إنك معارضة ومع كل الإحترام (رأى ) المعارضه والمؤيديين شركاء فى الفساد اللى ودى البلد فى ستين داهيه---وبعدين شرطى مين اللى هيطلب منك فلوس --- أنا أقصد إننا بنتنازل عن كل حقوقنا ماعدا الماديات --- والدليل اللى بيقعد فى بيته يوم الانتخابات ويشكك فى نزاهة الانتخابات ويقلل من قيمة صوته وبعدين الواقع فى كشوف المنتخبين بيقول إن أكثر من 70% حزب وطنى ودول بيتحركوا كلهم بإشارة يعنى ضامن النجاح والتزوير لرفع المستوى والتقدير ويبقى باكتساح--أرجوكم حلوا مشاكل المنصوره وبعدين تعالوا قابلوا الأهلى --- وزى الأهلى ماكان يكفيه التعادل لكنه كان مصر ع الفوز بالإكتساح -- رغم خيبتة القوية فى الخارج بعد المجد العظيم اللى كان ويارب يرجع بالأهلى بالزمالك بالمحله -- المهم يرجع - وعلى رأى عبد الله باشا الحدق يفهم----وعلى فكره أنا بشجع منتخب مصر وبس----- وشكرا |
اقتباس:
بس على فكره دى وجهات نظر مش اكتر من كده فلابد علينا ان نحترم وجهات النظر هذه ولا نهاجمها بشده لان هدفنا ياجماعه فى الموضوع اننا نعرف وجهات النظر ولا نهاجم بعض فاهمنى حضرتك |
اقتباس:
انتخابات الشورى اللى جايا هتبين انتخابات الرئاسه هتكون اذاى شكراااااااا على المشاركه وياجماعه دى اراء مش اكتر من كده |
[quote=السيد صابر;2142774]
اقتباس:
اولا شكرااااااااااااااااا على مشاركتكم جميعا بس ياجماعه احنا مش عايزيين نحول الموضوع الى هجوم على بعضنا البعض احنا بطرح وجهه النظر فقط ودا الهدف من الموضوع وليس مناقشه الاعضاء فى اختيارتهم فلابد علينا ان نحترم وجهات النظر كلها حتى لو كانت خاطئه وانا شايف حاجه غريبه قوى تخيلوا نسبه المشاهده تكون كام 750 وخليكوا معايا بقى عدد الردود كام كام 70 ههههههههههه والله حرام يعنى كنت اتمنى تكون عدد الردود نفس عدد المشاهدات لان مش معقول هنبنى افكارنا على 40عضو دخل علق على الموضوع وقال رايه وانا اشكر كل من علق على الموضوع وايضا ادعو من يدخل على الموضوع ان يقول رايه مش هيأخد الرد منه دقيقتيين وشكرااااااااااااااااااا |
يا أستاذعمر لاتقلق مفيش هجوم ولاحاجه ولكن دى مجرد دعابات أوزغزه بسيطه مننا علشا ن ننطلق جميعا لعرض الأراء بحرية
مش هو ده المطلوب ولا إيه؟وبعدين لو راجعت مشاركاتنا هتلاقى فيها الاحترام المتبادل وبعدين الأستاذالسيد لو شعر بأن كلامى فيه أى إساءة فأنا بعتذر له وللجميع --- أما بالنسبة لزيادة عدد المشاهدة عن الردود فهو دا الحال فى كل مكان --- يعنى هو دا الطبيعى- وربك يعدلها وشكرا |
اقتباس:
اقتباس:
لأ لأ لأ كده بقى أنا أزعل لإني كده يبدو إن كلامي زعل الناس مني وعموما أنا آسف بشدة على رأيي والله أنا لم أقصد الأخ بلاك بحاجه غير إني حبيت أقول رأيي في الحال اللي فيه البلد وبس ورغم كده صدقوني أنا لا معارضه ولا حكومة أنا في السياسة عشر أصفار وياريت على الشمال دول ملهومش مكان أساسا لكني أقول ما أشعر به وإن رأى أخي بلاك في كلامي هجوم عليه أرجو العفو ولا ينسى قول الله تعالى (وليعفوا وليصفحوا.....) لكن اعذرني ميصحش نعتبر الخدمات اللي بتتقدم في موسم الانتخابات خدمات وده ينطبق على جميع أعضاء المجلسين مش وطني وبس دي دعاية لأأكثر ولا أقل والدليل انها بتختفي مع انتهاء الموسم علشان كده مش لاقي لحد خدمات مستمرة مع أبناء دائرته أرجو ا المعذرة ولا ننسى أنها مجرد وجهات نظر اتفقت أو اختلفت |
[quote=عمر المختار الغرابلى;2143588]
اقتباس:
بإذن الله لا هجوم ولا دفاع احنا بنعرض أفكارنا فقط لا غير والكل كما أظن يحترم أخاه احتراما يليق بكل مسلم ثم لا تغضب من قلة الردود مع كثرة المساهدات فالتجرية العلمية المعملية الواقعية في منتدانا أثبتت أن عدد الردود الطبيعي على أي موضوع يكاد لا يصل إلى عشرة في المية من المشاهدات وده طبعا كلام على موضوعاتي فما بالك بموضوعات تصل المشاهدات وتحميل ما فيها إلى آلاف مؤلفه وتجد أن الردود لا تساوي واحد وللا اتنين في المية من هذا الكم الهائل احمد ربنا بقى انت قربت من العشرة في المية أهو هههههههههههههههه نصيحة لأخ مسلم من أخيه لا تقل حرام إلا فيما حرم الله ولا حلال إلا فيما أحل الله حتى لا تقع في خطأ وذنب أنت في غنى عنه عفاك الله وغفر لنا ولك ولأهلنا ومن نحب آمين |
[quote=السيد صابر;2144637]
اقتباس:
انا معك تماما ان الكل هنا يحترم بعضه وانا لم اقصد الهجوم على الشخص بعينه ولكن على اراؤه فكانت عضوه تؤيد طلعت السادات فجاء عضو اخر وهاجم رأيها بشده فأنا لا اقصد حضرتك انت والبلاك بلاك 66 تماما اما بالنسبه لكلمه حرام اولا اشكرك على هذه النصيحه الغاليه فأنا لم اقصد هنا حرمانيه الشى الذى اقوله وانما يكاد يكون لفظ تعود عليه احيانا وانما الاعمال بالنيات ولكل امرء ما نوى جزاك الله خيراااااااااااااااااا |
انا لم اكن اقصد الهجوم على العضوة الفاضلة ...انما كنت ابدى راى فى المدعو (طلعت السادات) وانا لازلت على رأى هذا..وحرية ابداء الرأى هى حرية مكفولة بكفالة الدستور والقانون .. ومن انا حتى احجر على رأى عضو من اعضاء منتدانا العزيز... ولكم منى جميعا جزيل الشكر والاحترام والتقدير
|
إحترامي .. للحرامي ii!! صاحب المجد العصامي .. صبر مع حنكة وحيطة .. وابتدا بسرقة بسيطة .. وبعدها سرقة بسيطة ii.. وبعدها تَعدى محيطه .. وصار في الصف الأمامي .. ! احترامي .. للحرامي .. ii!! احترامي .. للحرامي .. صاحب المجد العصامي .. صاحب النفس العفيفة ii.. صاحب اليد النظيفة .. جاب هالثروة المخيفة ii.. من معاشه في الوظيفة ii.. وصار في الصف الأمامي .. احترامي .. للحرامي .. ii!! احترامي .. للحرامي .. صاحب المجد العصامي.. يولي تطبيق النظام .. أولوية واهتمام .. ما يقرب للحرام ii.. إلا في جنح الظلام .. صار في الصف الأمامي..!!! احترامي .. للحرامي .. ii!! احترامي .. للحرامي .. صاحب المجد العصامي .. يسرق بهمة دؤوبة .. يكدح ويملي جيوبه ii.. يعرق ويرجي المثوبة .. ما يخاف من العقوبة ii.. صار في الصف الأمامي ii.. احترامي .. للحرامي .. ii!! احترامي .. للحرامي .. صاحب المجد العصامي .. صار يحكي في الفضا ii.. عن نزاهة ما مضى .. وكيف آمن بالقضا .. وغير حقه ما ارتضى .. صار في الصف الأمامي ii.. احترامي .. للحرامي .. احترامي للنكوص .. عن قوانين ونصوص ii.. احترامي للفساد ii.. وأكل أموال العباد ii.. والجشع والازدياد ii.. والتحول في البلاد .. من عمومي للخصوص .. احترامي للصوص .. ii!! :d:d:d:d:d :d:d:d:d:d:d:d:d (والحدق يفهم) |
الله عليك --- تسلم إيديك
شعر واقعى وفى الزاويه البعيده |
أ،ا مأظنش إن فى إنتخابات أيا كان نوعها هتجيب حد يعدل مصر صح ... المرة الوحيدة اللى كنا فيها صح كانت بإنقلاب و للأسف مقعدتش فترة كافية ...
|
يولد الناس جميعاً أبرياء.
فإذا ما دخلوا مختبر الدنيا رماهم وفق مرماهم بأرحام النساء في اتجاهين: فأما أن يكونوا مستقيمين.. وأما أن يكونوا رؤساء! |
يا أستاذ عبد الله مش كله----
|
والله أنا لا ارى أى حد يصلح للرئاسة لأن المشكلة هتكون إزاى نختار حد لا نعرفه لأن تعليمنا لم يجعلنا نعرف كيف نختار ولكن كل ما أتمناه أن يكون الرئيس القادم حد يحب البلد دى لأن كلنا بنصرخ مما يحدث فى بلدنا نفسنا حد يوقف المهزلة دى علشان كدا أى حد صادق هنتخبه على طول
|
أنا لم أقرأ كل الردود بس الشعر دا جامد جدا يا أستاذ عبدالله
|
كل المطلوب ان التغيير يكون للافضل
وأتمنى يكون فى حد يهتم بالمصلحة العامة قبل الخاصة مش معقول 80 مليون مافيش فيهم غير البرادعى والوطنى |
اقتباس:
شكرااااااااا على مرور حضرتك معك حق تماما ولكن لا تكون بهذه القسوه! تقبل مرورى |
اقتباس:
على اى حال فهى جميله وممتعه بارك الله فيك |
الرئيس محمد حسنى مبارك
يا جماعة بجد على فكرة البلد ببتحسن واحنا مش واخدين بالنا هى صحيح ببطى نوعا ما بس بتتحسن ده غير ان اللى نعرفه احسن من اللى مانعرفوش مابنفعش واحد يكون عايش عمره بره وبيكلم عربى مكسر الى حد ما ومش عارفين بيفكر فى ايه وهيودينا لفين جه ممكن يودينا فى كوارث ده حتى من وجهة نظرى مبارك مأمنا ولو مشى يعالم ايه اللى ممكن يحصل |
هو احنا لو هنغير المفروض نغير الوزراء ورئيس الوزراء
يعنى بمعنى اصح ( السلطة التنفيذية) |
يسقط حسني مبارك
|
عمرو موسى هو رئيس الجمهورية الجديد ن شاء الله
|
اقتباس:
وفعلا كلامك منطقى جداااااااااااااا |
اقتباس:
على ايه حال اشكر حضرتك على رأيك ولكن يعنى مفيش واحد بس فى80 مليون يصلح طيب نعمل ايه بقى نجيبرؤساء مستورديين ودول بيأخذوا باليوروووووووووو ههههههههههههههه |
اولا : انا مش ههزر
ثانياً :والله نفسي ارشح نفسي انا عارف ان في ناس هتقول اني بهزر والله هعمل حاجات كتير تغير البلد |
اقتباس:
شكراااااااااااااا على مشاركة حضرتك واتفق مع كلامك تماما بس ان شاء الله يكون فى واحد يصلح |
اقتباس:
اولا شكرااااااااااا على مشاركتك بس ليه شويه تعليقات على كلامك هو انتا مش عايش فى البلد دى ولا ايه ياباشا مبارك مين بس دا انا عمرى ما شوفت حد يتفق معاه بس دى وجهة نظرك ولازم نحترمها بس نفسى اعرف البلد بتتحسن اذاى لو تعرف بجد قولى |
اقتباس:
هومين اللى بيختار رئيس الوزراء والوزراء مش مبارك باين ولا انته مش واخد بالك ولا ايه |
اقتباس:
بس الأول انته سنك يسمح لو يسمح وهتعمل حاجه بجد والله ما أتأخر عن ترشيحك لحظه |
اقتباس:
شكراااااااااااا على مشاركتك نتمنى الاصلح ان يتولى |
| جميع الأوقات بتوقيت GMT +2. الساعة الآن 11:24 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.