طب ينفع اخد المادتين دول لوحدهم فى سنة؟
ولو ينفع اروح الملاحق وما احلش ولا ما ارحش خالص؟

الأبن الغالي إذا كان مجموعك صغير فلا أنصح بأعادة السنة على المادتين فقط بل حاول الإجتهاد والنجاح فيهما وسوف تحصل على 50% من الدرجة . أما إذا أردت الإستفادة من الدرجة الكلية للمادة فلا تدخل إمتحان الملحق وستكون نتيجتك " راسب وباق للإعادة " وستمتحن بمشيئة الله في المادتين فقط . تقبل تحياتي وأمنياتي لك بالتوفيق .

طيب اانا جديد هنا وبتمنى من المشرفين الرد انا جايب السنه فى تانيه ثانوى علمى رياضه 72 فى الميه وهكمل علمى رياضه وناوى على المعاهد اللى بتوازى فى الشهاده كليه الهندسه ممكن حد يقولى ايه هى المعاهد وبتقبل من مجموع كام وايه هى مصروفاتها بسرعه من فضلكم وقصدى المعاهد اللى بتوازى شهادتها شهادة كلية الهندسه بعدالتخرج

والمصيبة الكبيرة انى سمعت انه مفيش تحويل من علمى للادبى

والله لحد دلوقتى كل دة كلام بس متخديش فى بالك الوزير ممكن يعمل اى حاجة


واحنا الى نلوم نفسنا منجبهاش فى الوزير ولا فى اى حد

وبالنسبة ليا مش هاتفرق انا عايز اخد المادتين فى سنة لوحدهم عشان اكبر مجموعى واجيب كلية علوم

ربنا معانا

طب يا استاذى الفاضل ليا استفسار.انا خلاص هاعيد السنة على المادتين دول.
فهل لو انا رحت الامتحان ومجوبتش ولا سوال .(مجرد هاكتب اسمى واسطر الورقة واسيبها بس)
هاتفرق (هاتضرنى ؟ )

في هذه الحالة لن يكون هناك أي ضرر ولكن كما ذكرت من قبل في ردي السابق إذا كان مجموعك قليل فلا داعي للإعادة حاول الإجتهاد والنجاح في المادتين في الملحق . مع أطيب الأمنيات .

ممكن حد يرد عليا
من المدرسين

ولا اعادة للثانوية العامة
 

موضوع الاعادة غير قانوني :slap1qk6:
وهيعملوا كشف بالكومبيوتر :o
ولا اعادة للثانوية العامة :bosyht9:
مع احترامي للاساتذة صوت الحق وام شاهندة:078111rg3:

لا تزيد مرات التقدم للامتحان عن الثلاث مرات المقررة قانونا ،على أن تقتصر كل من المرتين الثانية والثالثة على الطالب الراسب فقط وأن يكون التقدم فى المرة الثالثة من الخارج ( منازل ) .


ماشى وان زاد ايه اللى هيحصل اصل انا كنت راسب فى مادة الانجليزى فى تانية على النظام القديم واخذتها معاى تالتة وحاسس انى هنزل فيها تالت مرة ايه اللى هيحصل لو نزلت
وعندى استفسار تانى هو انا لو عدت السنة همشى على اى نظام انا فى سنة تالتة على النظام القديم
افضل طريقة اعيد بيها السنة ايه هى يعنى مذاكر مادتين كويس والباقى وبما فيهم انجليزى تانية مش كويس خالص ممكن اعيد عليهم

اخر حاجه تفكر تعملها انك تعيد السنه بجد نصيحه من واحده مجربه يعني
انا مكملتش امتحانات 3 ثانوي دخلت مادتين بس ولما لقتني هنقص كتير مكملتش وقولت هشيل بقيت المواد فاعيدها
وطبعا دا كان غلط واتحسبلي المادتين اللي امتحنتهم وفي الاخر جيت الامتحانات اصعب من السنه اللي فاتت وحصلي ظروف كمان قبل الامتحانات وجبت مجموع مش حلو يعني لو كنت دخلت السنه اللي فاتت بقيت الامتحانات كنت هجيبه برضو
فارضي باللي ربنا كاتبهولك وخلاص ومتضيعش سنه من عمرك علي الفاضي