منور المنتدي يا دكتور عثمان
ان شاء الله هنرفع راسك ونجيب 10 باذن الله ف المستوي
هروح بقي اعمل الواجب بدل ما اتمد

بلاش تعقدوها ع نفسكو يا جماعه
ف الكليه هتتعقدو وتعرفوا كل حاجه انتو مستعجلين ع ايه
شوفوا حاجه تجبلكو درجات و ماتضيعيش وقت ف ماده زى دى احسن توفر الوقت ده لماده تانيه مهمه زى الاحياء الاساسيه و تقعد بقى تدور ع مدرس ووجع دماغ والله انتو ف غنى عنه

ولو ع المعلومات و الاستفاده ياعنى ابقى اشترى الكتاب بتاعها و لا خد ملازم م اى حد و ثقف نفسك بعيد عن الدراسه



الانجلش لو مستواك حلو اوى فيه خده ناس كتير جابت ف درجات
مقلق منه خد عربى و اهو مضمون ان شاء الله كام درس قراءة عبط وخلاص


نصيحه بلاش عربى خالص قليل اوى اللى جابو درجات
ده رأى ياعنى و ربنا معاكو وكل سنه وانتو طيبين

يعني هو خلاص امتحانات الإنجليزي سهلة
مش عارف
ده سبب تفكيري في الأحياء

ارجوووووووووو الرد

سبق الرد على هذا الموضوع وهذا هو رابط الموضوع

http://thanwya.com/vb/showthread.php?t=227956

الحمد لله
انا مرتاحة ليها
بس اي حاجة مش هفهمها ارجع لحضرتك فيها ؟

شكرا للاهتمام

بصراحه كل الاراء الى هنا جميله ومقنعه وفيها متشاااابه بس اكنرها متناقض ليييييييييه؟؟؟؟؟؟؟
انا واخده احياء بس لسه مش عارفه برده السبب الى خلانى ادخل احياء انه الوحيد الى درجه 10فيه مضمووونه
بالاضافه انى مش بحب العربى وع فكره انا كويسه فى الانجلش جدا ومع ذلك حذرونى منه جااامد
سووورى طولت عليكو
الاحسن منخدش مستوى خالص بقه ههههههههههههههههههه

أنا ان شاء الله رايح تالتة....و الكلام دا اخر الاستنتاجات اللى وصلتلها :wacko: :

أولا: بالنسبة للعربى :

- مادة خنيقة و مملة :frown::frown:
- عبارة عن حوالى 14 موضوع قراءة....بس مش أي موضوع:040vk0:..فاكرين الموضوع اللذيذ بتاع *^ أصالة القصة العربية^* ؟!!....
أهى المواضيع دي تقريبا حاجة عاملة زييو كدا...يعنى حاجة زي الفل :confused::confused::excl:....

- بيجى فى الامتحان بلاغة ونحو ..دا أكيد طبعا..يعنى ببساطة ممكن يجيلك قطعة بلاغة متفهمش فيها كلمة...على سبيل المثال :

عبث طوافى فى البلاد وعلة
فى علة منفاى لاستشفاء

ويقولك يا معلم : (ا) جمعت تجربة الشاعر مستويات "قومية وفكرية و وجدانية" عبر عن ذلك مع بيان الألفاظ التى عبرت عن صدق أحاسيس الشاعر ....
يا سلام... ودا بقلى على أساس انى فاهم فى البيت حاجة غير كلمة"البلاد + علة"... وأكيد دول اللى هثبت بيهم صدق أحاسيس الشاعر :confused::(...

- ونفس الحكاية مع النحو ممكن يجيلك قطعة نحو متعرفش فيها راسك من رجليك....

* يعنى من الاخر العربى ملوش حدود ومش مضموووون...

ثانيا : بالنسبة للانجليزى :

- نفس الحوار مع الانجليزى...هوا مش خنيق أوى زي العربى.. بس برضو مش مضمون ودا عشان :

- بيجى essaY و دي مقالة انتا بتكتبها تقريبا حوالى براجرافين أو حاجة زى كدا ...بس المشكلة مش فى كتابتها ( انتا هتكتبها يا معلم و هيبقى مزاجك فل ) بس المشكلة بقى فى الباشا اللى هيصححهالك..دا لئنو هيصححها بمزاجو و هيحطلك الدرجة اللى هوا عايزها...و ساعتها محدش هيقدر يكلموو :stickjo4:لئن دا تقدير المصحح...

وعلى فكرة أنا حصل معايا الحوار دا فى تانية... لما رحت كشفت عالورقة...لقيت الأخ المصحح مدينى 4.5 من 6 ...وكمان مش معلملى على أى حاجة فيه و مفيش فيه حرف .. ومنقصنى بمنتهى البروود...بس نعمل ايه بقى ..دا تقدير النجم اللى مصححلى!:049gc0:و كمان مش مراعى اننى عاجن فى بقيت الامتحان:(.... يعنى بمعنى أصح اتشفرت فى الانجليزى......

- بيجيلك فى الchoose حوالى جملتين من بررا المنهج -دا لو الامتحان كان ليه علاقة بالمنهج أصلا- يعنى برضوو مش مضمون...

- دا زائد القطع العجيبة و الافتكاسات اللى بتيجى دى ومبنفهمش فيها كلمة :eek: وبتتحل بالبركة ( ومتهيألى كلنا مجربين )..

*- يعنى من الاخر كفاية علينا الانجليزى الأساسى بتاعنا و افتكاساته..

- بس لو انتا واثق من نفسك يا معلم فى الانجليزى وال skills بتاعتك عالية ...دوووووووس يا معلم عالبركة :078111rg3::078111rg3::078111rg3:...احنا مش قدك...


أخيرااااا : بالنسبة للأحياء :

- مادة صعبة شوية وعايزة مذاكرة و مجهووود ..( مننكرش :078111rg3: )..

-بس فى الأول و الأخر ..انتا معاك كتاب من صفحة كذا ..لصفحة كذا .. وانتهى الحوار ... يعنى لا فى skills ولا essaY ولا صدق أحاسيس الشاعر ولا بدنجان...يعنى انتا مش حتحاول تفكس فى الامتحان أو تحل من دماغك... انتا معاك كتاب وعارف منهجك وعارف حدودك اللى الكتاب مش هيخرج عنها....

- صحيح منهجها كبير شوية و عايز مجهود.. بس دا أحسن من انك تقعد تذاكر فى حاجة وتروح تلاقى الامتحان ملوش علاقة بيها:bosyht9:....

* أنا شايف ان أنسب حاجة هي الأحياء... دا مش حبا فيها.. بس عشان احنا فى أحوج الحاجة لدرجات عشان السنة الهم دى...

انا بقى
كنت اخدت احياء فى 2
والمستوى فى 3 احياء
ومتردد جدا
لان انا مجموعى فى 2
96
ومحتاج المستوى جدا جدا عشان المجموع يزيد
ومحتار اوى اوى
عربى انجليزى احياااااااااااااااااااااء
اختاروا
؟؟؟
:(

انا بجد قلقان منها اوى
انا جبت 96 فى 2 وكنت اخدت احياء
السنه دى بقى معتمد على المستوى
وخايف جدا
ربنا يستر

انا بعتذر ليكم
انا هاخد مستوى عربى لانه مضمون عن الاحياء

انا زي حالاتك بس انا جبت 95 بس . والمجموع شكله مش مضمون السنة دي اوي
بس الصراحة انا كنت بحب الاحياء جدااااااااااااااااااااااااا السنة اللي فاتت وكنت بشوفها سهلة جدا بس مش متخيل شكل المستوى
وانا كمان لا بحب العربي ولا ضامن الانجليزي بس قلقان من الاحياء
مش عارف اكمل احياء ولا ؟
:confused:

يا جماعه مفيش حاجه اسمها صعيه و بعدين لو خت احياء مستوي فييه حاجات كتيير هتسهلك المنهج الاساسي لان مخك متسستم بطريقه معينه انا عن نفسي مفيش حاجه اسمها صعبه اسمها عايزه وقت بسسسسسسسسسسس و شكرا thanks

انا كمان المدرس بتاع الاحياء قالى من يومين حولى الاحياء ل عربى او انجليزى احسن

من فضلكم كل من لديه اسئلة مستوى رفيع احياء فليعطها لى من فضلكم كل من لديه اسئلة على
 

من فضلكم كل من لديه اسئلة على منهج المستوى الرفيع أحياء فليضع لى رابطها فى رد على الموضوع لانى واخد احياء مستوى رفيع و مش لاقى اى كتب خارجية

المستوى الرفيع احياء ارجو الافادة
 

النهاردة فى مدرستى جت نشرت المستوى الرفيع
بس لم يوجد بها الاحياء
ارجو الافادة ضرورى :(

الى المدرسين افيدونى

طلب ورجاء
 

انا شـــــــــــــــــــــــــــــكلى هاغير الاحياء

أظن ان هى فكرة جميلة بس فيها مخاطرة

في كتاب مستوى رفيع أحياء أنا جبته اسمه النفيس

ممكن تساعدونى
 

السلام عليكم
أنا فى تانية ثانوي وبفكر اخد المستوى أحياء
بس انا مش عارفه نظامها ايه او هى كام باب
فياريت تساعدونى وتقولولى رايكم ضرورى

أنا كمان واخده مستوى احياء وربنا يستر حاسه انى اخرى 50% السنه دى ربنا يستر ياريت تدعولى ملحوظه انا بشتغل من النفيس وبجد عاوزه كتاب الوزاره

نفيس ايه بس ده طلع تعيس مش نفيس
كتاب مليان اخطاء وبيخلينى اشك فى الحل بتاعه
ربنا يسامحك يا ذكى بدر الى عملت فينا كده والكتب منزلتش بسببك

اهو احنا بنصبر نفسنا لو عندك حل تانى ياريت تقوله لنا اصلى شكلى كده هانتحر السنه دى لو ماجبتش مجموع كويس

احنا شغالين من الدليل + امتحانات الثانوية العامة من 95 ل 10 + اى كتاب بقى فيه اختبارات شامله
انما كتب الندى ولرفيق والنفيس الجديد ده فظيع ومعقد و مليان أخطاء انا سبته ومكملتش من بعد فصل النقل
بالنسبة للسنه دى فرصة انك تجيبى مجموع كويس جدا كمان عموما ربنا معاكى

هو فيه دليل فى المستوى ؟

استفسار هام
 

لو سمحتم ممكن حد يقولي الرسومات المطلوبة مننا علشان أنا مش باخد درس فيها :av4056bb7jp3::av4056bb7jp3::av4056bb7jp3:
ولو أحد المدرسين يتكرم و يرفع هذه الرسومات وتكون واضحة يبقى جزاه الله كل خير:av4056bb7jp3::078111rg3::av4056bb7jp3:

بصي يا قمر
انتي لو بتحبي الأحياء خديها وبالذات أحياء 1 ثانوي علشان فيها كتير منها
وعلي العموم انتي ممكن تنزلي المنهج من على المنتدى أحسن و هو على فكرة 3 أبواب
ربنا يوفقنا و يوفقك يا جميل

طلب ضرورىىىىىىىىىىىى
 

;)ارجو وضع امتحانات الثانويه فى المستوىىىىىىىىىىىى:039uw8:

ايه اللى محذوف
 

والله اللى اعرفه ان الجزء بتاع الملوثاااات محذوف

لو حد يعرف حاجه تانيه محذوفه ياريت يقول

أكيد لأن مافيش حاجة رسمية تقول إن فى حاجة اتحذفت

ياريت اللى يعرف حاجة يقول


وجزاكى الله خيراااااااااااااااااااا

وانا جبته برده هو كتاب حلو وفى أسئلة شاملة المنهج

ياعيني عليناااااااااااااااا

المحذوف من ص 118 إلى ص 136 بكتاب المدرسة

المحذوف من ص 1180إلى ص 136 بكتاب المدرسة ---- مدرس أحياء

لو سمحت ممكن تقول هو الجزء الخاص بايه

لأنى معنديش كتاب مدرسة

يعنى هو الملوثات ولا لاء

اى كتاب المدرسه دا بيتجاب منين

بيتهيالى مفيش السنادى بس فى كتب قديمه من كذا سنه فاتت وعموما اللى اتلغى التلوث وبس بس اهم حاجه نجيب امتحان السودان بتاع السنادى لو حد عندوا يرفعوا او يقول جابو منين

ارجو الرد ضرورى
 

ياجدعان انا جبت النفيس دا بس هو اسئله بس وانا اساسا مافتحتش المنهج لو فى كتب شرح ولسه موجود ياريت حد يقولى عليه ويقولى موجود فين ويبقى عمل معايا احلى واجب

لكل اللي غلطوا غلطة عمرهم وخدوا مستوى رفيع أحياء زيي ....هنعمل أية؟
 

انا بجد مش عارفة أعمل اية في المستوى ده ياريت نفيد بعض ومدرس يفيدنا لأني شبه معرفش حاجة عن المنهج واللي يلاقي سؤال مهم يكتبه
ربنا يستر فيه بقي

لما تلاقي حد ابقي قليلي انا عقلي كان فيييييييييييييييييييييين لما اخدته ؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بضرب نفسي ستين بلغه

وانا كمان يا آية بس هنعمل دلوقتي ده أمر واقع ؟