|
أنا بقى تابع لمنطقة الشرقية قطاع ديرب نجم ،وجالى جواب أتوجه به إلى معهد اسمه الزهراء يا ريت يا جماعة لو حد يعرف المعهد ده فين يفيدنى مع العلم أن هناك من يقول إنه فى الزقازيق ولكم جزيل الشكر ، |
انا مش رايح اى مكان .رايح بتنا كالعادة.....الكارثة اتن مدرسى الابتدائى بيرحو يجبو جوابات من المنطقة واحنا بنقعد فى البيت
|
شكرا جزيلا مصراوى اصيل على هذه المعلومات
جزاك الله خيرا |
اية ياجماعة مفيش حد جاى معهد غزالة
|
انا رايح معهد فتيات بلقاس خامس
تقريبا دا فى دميانة حد عنده معلومات؟ |
نعم حبيبى استاذ هشام بلقاس خامس هى دميانة وممكن تركب من عندكم الى بلقاس ومن بلقاس تركب دميانة على طول
|
السلام عليكم
أنا من الدقهلية و رايح معهد فتيات ميت الخولى مؤمن وهى تقريباً تابعة لمركز منية النصر يريت اللى يعرف ازاى أوصل للمعهد يفدنى لأنى لا أعرف كيف أصل للمعهد. |
ياجماعه مافيش حد رايح معهد بنين المطرية
|
اللى رايح مراقبة فى معاهد مركز بلقاس والدقهلية
1 مرفق
مرحبا بكم فى مركز بلقاس فى اى معهد تابع لة واى معلومات او خدمات اطلب ونحن تحت امركم انا تابع لمعهد الشوامى ومعهد ابو دشيشة الاعدادى الثانوى
ولمزيد من معلومات فى المرفقات |
بسم الله الرحمن الرحيم
وفق الله الجميع الى ما فيه الخير والسعادة اما بعد$ انا هيثم غزال من السنبلاوين وان شاء الله رايح معهد بنى عبيد وربنا ييسر الحال للجميع ولكن نريد معرفة نظام المعهد وكيفية الوصول اليه اما عن لجان السنبلاوين فأى أحد من الأحبة يريد اى معلومه عن السنبلايون فانا فى الخدمة ولى اصدقاء كثيرون أتت جوباتهم الى معهد السنبلاوين فأى معلومه عنهم انا فى الخدمة |
كل الى أنا أعرفة أن ميت الخولى تبع محافظة دمياط وهىآخر المحافظة يعنى قريبة من
محافظة الدقهلية وهى على الطريق البلد اسمها ميت الخولى والمعهدعلى مسافة قريبة |
اقتباس:
|
اقتباس:
|
الاخ ابو محمود السكرة
انا من كوم النور ولكن لا اعمل بها واعلم ان لجنه معهد كوم النور الاعداديه والثانويه سوف تعقد فى معهد قريه اتميده التى تبعد عن كوم النور حوالى 15 هو 20 دقيقه والوصف الذى اعطاه الاخ مصراوى اصيل صحيح 100 فى 100 |
انا جالى جواب مراقبه الى معهد طنيخ
|
مستر هايثم 101 اشكرك على حسن اهتمامك ولكن جواب المراقبة مكتوب فيه معهد كوم النور
لو كانت لجنة الإمتحان نقلت الى معهد اتميده لكان الخطاب على معهد اتميده ويا ريت تتأكد لى من هذه المعلومه مع العلم ان معى 10 مراقبين من نفس المعهد الى نفس اللجنه وجزاك الله خيرا |
بالنسبة للأخ اللي من طناح ويريد الذهاب لكوم النور تنزل التأمين لسندوب وفي موقف سندوب تركب ميت غمر وتنزل دقادوس وتعدي الكوبري ومن البنزينة تركب لكوم النور
*بالنسبة للأيدريين بالمعهد فهم اعضاء بالجنة وأي منهم إذا قصر يتم طرده ( وبالتالي هم أحرص علي عدم التقصير)فلا يحتاج المراقب لأي خدمة منهم * بالنسبة لمن لم يحصل علي خطاب عليه كتابة طلب للمنطقة ومكتوب به بأنه لم يندب * بالنسبة للمدرسات المراقبات وجودهم ضرورة لوجود سماعات بلوتوث خلف الأذن مع الطالبات خلفالإيشاربات وكذلك للتعرف علي المنقبات لأن الإعتماد علي الإخصائيات بالمعهد ليس دقيق لأنها من بلدها * بالنسبة للثانوية حصول الطالب أو الطالبة بدرجة زيادة عن طريق الغش قد تجلعه يدخل كلية لا يستحقها ويفوت فرصة علي زميله هذا حرام تحاسب عليه يوم القيامه * عدم ارهاب الطلاب والكلام معهم فالمراقبة فن لا تحتاج لكلام كثير وتحتاج إلي لباقة تعامل وتهيئة الجو المناسب * المراقبة الداخلية في نفس المحافظة امان للجميع تجد الموجهين بجوارك لأي مشكلة ومنطقتك تحميك من أي مشاكل بعكس المراقبة الخارجية. |
الأخ الأستاذ / عوض
أنت رايح فتيات . ميت غمر أم التمد الحجر ولآ بد من تحديد معهد ك الأصلي .الخارج منه لوصف الطريق كذلك للأخ الذاهب لبقاس خامس لا بد تحد يد معهد الخروج فهناك ممكن تركب سيارة المنصورة جمصة وطبعا السعر سيكون غالي لأن سيارة بلقاس خامس بتغيب أحيانا حتي تكتمل بعكس سيارة جمصة |
رغم أن لا دخل لى بالموضوع
لكن اسمحوا لى أن أشكر روح التعاون الرائعة التى تطهر بينكم وفقكم الله جميعا وخالص تحياتى لكم جميعاً اخوتى الكرام |
انا جالى جواب مراقبه الى معهد الريان بالسويس
|
دا تبع مركز نبروه
هتركب نبروه وتنزل عند الكوبرى الصغير وجنبه هتلاقى عربات طنيخ مسافة 10دقائق من نبروه اقتباس:
|
atia130
شكرا لك لكن غالبا هناخد عربة مخصوص لاننا مجموعة كبيرة ومن عندنا على الطريق الدولى باذن الله مش هنكمل نصف ساعة للوصول |
الحمد لله انا رايح معهد بينى وبينه اربع مواصلات المواصلة الأولى كيلو متر واحد المواصلة الثانية 60 كيلو المواصلة الثالثة 2 كيلو المواصلة الرابعة 36 كيلو والله اعلم فى مواصلات تانى بعد كدة ولا لأ يعنى 100 كيلو رايح و 100 كيلو جاى مقيم فى كوم امبو والجواب فتيات السباعية !!! دلع من الآخر ياعم الحاج :d |
اقتباس:
|
الاخوة الأعزاء :
ماذا تفعل لو كـنـت لا تغشش و كـل من معك هـوايتهم الغش لأني من محافظة مـشهـورة بالـغـش الأزهـري ؟ |
يوجد موجه زائر ابلغه بالمضايقات وإذا لم يفعل توجه لمدير منطقتك ستجده وسيمد لك يد العون وسيتم الغاء رئيس اللجنة اذا ثبت تقصيره وسيحاسب كل مقصر مهما كان
|
هو مفيش حد جاى معهد غزالة بنين وبنات غزالة فى معهد كبير
|
أنا باحمل هم المراقبة
وأدعى ربنا إن لايأتينى جواب مراقبة والسنة اللى فاتت جالى جواب بنين الجمالية وكانت لجنة لبش والناس عايزه تدخل ولادها طب وهندسة وصيدلة بالغش بالقوة والناس متصورة إن المراقبين هيريلوا على مواصلة توصلهم من وإلى اللجنة أو على غدوة محترمة لكن فى مراقبين شرفاء ......وبصراحة شوفت العجب فى لجنة بنين الجمالية .......ولولا إن رئيس اللجنة راجل شريف ونزيه كانت اللجنة باظت والسنة دى جالى جواب وش عارف ألغية مش عارف ليه معقدينها ......ناس مجلهاش جوابات وبتجرى على المنطقة عايزة جواب ومش لاقية ......وناس عايزة تعتذر .........ليه مايحطوش ده مطرح ده وخلاص ......ليه كل التعقيد ......... |
هناك عدة أسئلة
* ماذا تفعل اذا فوجئت انك احتياطى طول الاسبوع لأنك تؤدى عملك وتمنع الغش ؟! * وماذا تفعل اذا لم يتجاوب معك رئيس اللجنة او بمعنى أصح وجدته محرض على الغش ؟! * وكيف تتصرف اذا وجدت نفسك منبوذاً بين زملائك فى اللجنة لأنك دقة قديمة ومحبكها ؟! * والسؤال الأهم هل تستطيع أن تبلغ مدير المنطقة بالتجاوزات التى تحدث أم أنك ستسكت ؟! الغش أصبح أمر واقع وحق مكتسب وشرعى ومن يرفضه فهو انسان جامد و متسلط طبعاً من وجهة نظر الفاشلين المخربين لا سامحهم الله |
اقتباس:
:) جزاك الله خيرا وأصبر وإحتسب وأكثر الله من أمثالك وهدانا الله وإياهم لما فيه خير :friendsxs3: |
شكرالك اخى |
شكرا -- مجهود واضح وجميل
........ |
اقتباس:
يعنى ايه احتياطى !!!!!!!!! لاتوجد وظيفة فى الامتحانات اسمها احتياطى بل يوجد مشرف دور وهذا احسن لك لانه يجعلك تمر على جميع اللجان لو وجد رئيس لجنه محرض على الغش تأكد انه بيخاف!!!! فى حاله عدم دخولك لجنه وذهبت اليه وسألته عن السبب وانك سوف تقوم بتبليغ الموجه ثق بانك سوف تدخل المراقبه لو جميع زملائك يقولون انك دقة قديمة واشك فى ذلك فليذهبوا جميعا للجحيم لابد ان تجد معك اكثر من زميل يتقوا الله فى عملهم اذا كان رئيس اللجنه والموجه والمراقبين ولجان التفتيش وماأكثرها جميعهم يحرضون على الغش فانتظر الساعه ( يوم القيامه ) بعد نهايه المراقبه اذهب فورا ولاتتردد الى مدير المنطقة وأبلغه بذلك وانا واثق انك لن تصل الى هذه المرحله ( الخير فى وفى امتى الى يوم القيامه ) شكرا اخى كوماندا ااااااااااااااه اسف اخى محمد فوزى |
اقتباس:
معهد فتيات بلبيس الاعدادى الثانوى اسمه معهد فتيات فاطمة الزهراء الإعدادى الثانوى ولو هو دى المعهد المقصود ممكن حضرتك تركب من الزقازيق إلى بلبيس ( البلد ) والمعهد جنب الموقف على طول وأنا تحت أمر حضرتك فى أى استفسار 0107744811 وأهلا بيك فى بلدك |
اقتباس:
كوماندا هههههههههه فكرتنى بأيام الخناقات والحملات وطيش الشباب هيييييييييه كانت أيام يا استاذ سعيد :d بس عندك حق ياكبير اى حد غشاش لازم يكون خواف لكن والله يا استاذ سعيد معظم الملاحظين دلوقت بيغششوا وبالاكراه كمان ومنهم اللى بيرسم نفسه ويحب يعيش فى دور حبيب الطلبة على حسابك ويطلعك انت وحش وضد مصلحتهم ومش بعيد ضد الإسلام كمان ودى حصلت معايا شخصياً مرة واقف فى لجنة فمر زميل فاستنكر هدوء اللجنة وانضباطها بينما اللجان المجاورة بتضرب تقلب ومحدش فى دماغه تخيل بيقولى ايه استاذ سعيد اللى بتعمله ده حرام لأن الأزهر مستهدف ودى خطة مرسومة العيال تسقط فالعدد يقل فيقفلوا المعاهد وبعد كدة يلغوا الأزهر واللى انت بتعمله ده د مصلحة الأزهر وضد الإسلام فالحل اننا نكيدهم وننجح اكبر عدد من الأزهريين عشان نحاربهم بالله عليك لو كنت مكانى كنت رديت وقلت ايه ؟ عن نفسى فى مثل هذه الحالات افضل السكوت عن الجدل العقيم وانا ساكت اصبحت عدواً للإسلام وبالبرهان والمنطق اما لو اتكلمت هيحصل فيا ايه ؟!!! :d اوعدك يا صديقى انى لن اغير مبدأى ما حييت لأن المراقبة دى أمانة ولو غششت ابقى خنت الأمانة |
الحمد الله كنت فاكر ان فى معهدى مفيش غش والى بيذاكر بينجح والى مش بيذاكر بيسقط لكن للاسف فيه بعض المدرسين منا ضعاف النفوس واحنا سبب الغش وسامحونى بعضنا خان الامانه وهو الى بيشجع الطالب على كده بتلاقى كل مدرس بيدى درس لطالب عاوز يروح اللجنه له ويغششه عشان يمشى حاله؟
حاجه تانيه اكتشفتها وجدت بعض المدرسين فى اول ربع ساعه بيبعتوا للطلبه رسايل وفيها الاجابه وطبعا كتير من الملاحظين مش بياخد باله من الرساله وتلاقى الطالب بيغش من الموبايل وانت قاعد مطمن مادام مش بيتكلم وتفاجا ان كل اللجنه كده وان الموبايل مليان رسايل فى كل ماده وعرفت من بعض الطلبه انهم شحنين كرت للاستاذ فلان عشان يبعتلهم الرسايل الى عاوزينها وحسبى الله ونعم الوكيل طبعا مش كل المدرسين لان الشرفاء كثيرون |
بصراحه مش عارفه احمله
ارجو ك مفيش رابط اخر وجزاك الله كل خير |
اما انا من اسنا ورايح معهد الرمادي
|
رابط آخر للتحميل
http://www.4shared.com/document/3wrvYefi/___.html |
كما قال الأستاذ / سعيد
الغشاش جبان واخطر الموجه وإذا قصر اخطر المنطقة ستجد كل العون * المدرس الغشاش غشاش ماذا تنتظر من مدرس غشاش سوي أنه يملي الطلاب الحل خطأ ( فالطالب الغشاش لو كان يعرف الحل ما غش وبالتالي لا يفرق بين الصح والخطأ ) لكي يجمع الورق بسرعة ويلحق الموصلات بدري وثق تما أن الطالب الممتاز لا يتأخر في القيام بالواجب حيث أولياء أمور الطالب الممتاز بيرسلوا الفكسات والشكاوي للمنطقة لأن الغش بيفقد تركيز الطالب الممتاز ويضيعه * بالنسبة للمحمول ممنوع مع المراقب وكذلك الطالب سواء في النقل أو الشهادات وهذه أحدث تعليمات |
سؤال للمراقبين فى الشهادة الثانوية ..
السلام عليكم
طبعا الكثير منكم سوف يذهب للمراقبة على طلاب الشهادة الاعدادية والثانوى ولكن لى بعض الاستفسارت كيف اكون مراقب جيد بحيث احمى نفسى؟ وماهى المشاكل اللى ممكن يتعرض لها المراقب؟ وما هى حقوقى وحقوق الطالب حتى لا اضع نفسى فى مشكله ارجوكم عاوزة استفيد من خبراتكم وما هى وسائل الغش المعهوده التى يقوم بها الطلاب وهل لى الحق فى تفتيش الطالب ارجوكم اريد منكم العون والافادة لانى اول مرة اذهب للمراقبه |
اشكر الأستاذ هشام العيسوى على وصفه الطريق إلى معهد طنيخ
|
حضرتك يجب أن تكونى مثل
حكم مباراة كرة القدم |
وسائل الغش كيرة جدا ..ومتطورة بشكل غريب .ممكن تكون مسطرة كتابة على الدرج- الجران السبورةاو على اى شى حتى الملابس.........اهم شى لاتسمحى حد ان يش او يغشش مهما كانت الاسباب لانكى ستجدين كم من المبررارات ....وكونى حريصة جدا من الاولاد الى جنب الشبابيك وانتبهى لورق الاسئلة جدااااااااا والى اى فرد يدخل اللجنة ولاتسمحى لاى فرد بالدخول...............وامتنعى عن الكلام او الشوشرة داخل اللجنة وكونى هادئة
وانتبهى لورق الاجابة جيدااااااااااااااااااااااااااااوتاكدىانى لايخاف على الانسان غير نفسة لاتامنى لاى فرد فى الامتحان..............وياريت لو كانت اللجنة متوترة لاتجعلى الطالب يمضى الا فى النهاية اقصد يمضى الحضور مع الانصراف.......................................... ........... |
لو كل واحد مننا اعطي معلومات ولو طفيفه عن مقر معهده لاخوانه الزملاء يكون افضل . يا ساده معاهدنا في قرية العزيزه التابع لمركز المنزله فيها تجميع بنين وتجميع فتيات تقع علي بعد 60 كيلو من المنصوره شمالا في اتجاه بحيرة المنزله وتقع المعاهد في اطراف البلد بعيد شويه عن الطريق الزراعي ولكن طالما التوك توك موجود فمفيش مشكله وربنا يوفق الجميع
|
اولا -- عند ذهابك صباحا وبعد اختيارك للجنه المراقبه خذى ورق الاجابة ثم اذهبى الى لجنتك مباشرة وتكسو وجهك علامات الجدية والصرامه ثم اطلبى من الطلاب بصوت صارم الجلوس فى خط مستقيم وذلك للسيطرة على اللجنه من اولها ثم قومى بتوزيع اوراق الاجابه والتنبيه على جميع الطلاب بكيفيه كتابة البيانات ثم يقوم كل طالب بالتوقيع حضور فقط وقومى بالتوقيع فى اخر الصفحة ثم مرورك لقراءة بيانات جميع الطلاب لانك سوف تجدى طالب نسى كتابة اى بيان اطلبى منه كتابة البيان وطالب كتب بيان خطأ اطلبى مشرف الدور واطلعيه على ذلك ليقوم بتغير الورقه او تصحيح الخطأ
ثانيا - بذلك 90% سوف تكون اللجنه تحت سيطرتك التامه عندئذ تبدأ ابتسامه خفيفة تعلوا وجهك ومحاولة خلق جو هادىء وكلام جيد للطلاب حلوا جيدا واعتبرى انك تتحدثى مع اولادك راجعوا اقرءوا الورقة جيدا .....الخ ثالثا - موضوع الغش محتاج خبرة لن يستطيع أحد ان يدلك عليه ولكن هناك مقدمات انظرى دائما فى اعين الطلاب والطالب الذى تجديه ينظر اليك دائما تجاهليه تماما واذهبى خلفه لكى تشاهدى ماذا يفعل فان كان يحاول الغش من زميل بجواره حذريه بصرامه وصوت عالى ثم يعلو وجهك غضب صارم ليكون تنبيه للجميع رابعا - يجب عليك التنبيه للوقت كل نصف ساعه وبعد مرور اكثر من نصف الوقت اذا انتهى طالب من الاجابه اطلبى منه المراجعه فاذا قال انه راجع يقوم بالامضاء انصراف بعد الانتهاء من تجميع جميه الاجابات ضعى كل ورقه فى ترتيبها الصحيح وعدها ومراجعه ارقام الجلوس مرة اخرى وتسليمها لمشرف الدور او المسئول عن تجميع الورق |
اقتباس:
اكثر واشكرك على الرد |
اقتباس:
جزاك الله كل خير والله انا فى قمه السعادة عرفت من حضرتك اشياء فعلا مهمه الله يبارك فيك ويجعله فى ميزان حساناتك |
ليكن شعارك
لا أسمع لا أرى لا أتكلم وإلا فسوف تدخلين فى مشاكل كبيرة مع الجميع |
اقتباس:
انا بشكرك جدا يا استاذ سعيد وجزاك الله كل خير وفعلا الانطباع الاول مهم للمراقب حتى يستطيع التحكم فى اللجنه |
| جميع الأوقات بتوقيت GMT +2. الساعة الآن 08:43 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.