|
اولا شكرا لصاحب الموضوع دا بجد موضوع كويس
ثانيا هو احنا ليه فى مصر بالذات لما بنيجى نتناقش فى اى مشكلة بنقول العيوب واسباب المشكلة وبنعترف ان دا غلط طب ليه مش بنحاول نتعلم من الغلط دا ونحاول نصلحه نحاول نحل مشاكلنا ليه دا مش بيحصل !!! ليه احنا شاطرين فى الكلام بس !!! ليه مفيش تنفيذ !!! هل هنفضل طول عمرنا نكرر نفس الاخطاء !!! هل هنفضل طول عمرنا نتناقش فى نفس المشاكل !!! انا اسف لو كنت خرجت عن الموضوع بس بجد هو دا الواقع |
السلام عليكم يا أحلى جروب عاملين ايه بالنسبة للموضوع فهوا موضوع جميل جدا جدا ولكن لازم نفكر ليه احنا مش مشاركين فى كل المسابقات دى!! انا على فكرة السنة الى فاتت اشتركت فى مسابقة اسمها ( معرض العلوم والهندسة) وبصراحة كانت مسابقة جميلة قوى وانا استفدت منها كتير واتقبلت مع طلبة بسم الله ماشاء الله ومازال بينا كلام وبنتصل ببعض ودى عبارة عن انك بتقدم اختراع ولازم يكون فيه فكرة جديدة مش تروح تجيب حاجة معمولة من زمان او بتقدم بحث عن مشاكل البيئة!!! وانا السنة دى ان شاء الله هشترك فيها برده بس هقدم اختراع جباااار (( ادعووولى)) وان شاء الله انا السنة دى برده هشترك فى مسابقة اولمبياد الكيمياء ودا بقى بيبقى امتحان صعب قوووى ولسا بدرب عليها وعلى فكرة دى كلها مسابقات دولية بس ليه احنا مش بنشترك فى المسابقات الى ليها مستقبل !! الى تفيدنا بعد اما نطلع من الجامعة!! والسبب من مجتمعنا على العلم ان فيه طلبة مخها ذرى بسم الله ماشاء الله وارجو ابداء رأيكم فى كلامى |
اولا ربنا يوفق حضرتك وتشرف مصر
انا بصراحة مش عارفه فعلا ليه احنا مش بنشترك فى المسابقات دى بس يمكن لان الطلبة عندنا بيهتموا بس بدراستهم وبالمنهج يمكن لان احنا محدش شجعنا او عندنا فى مصر نظام التعليم لا يتيح لنا الفرصة علشان نشغل دمغنا |
اقتباس:
ثانياً انا رأيي الشخصي في الوزير ان اللي بيعمله صح و مية مية لكن احنا مش مقتنعين بكده لاننا رافضين اننا نكون صح الراجل شايف ان المدرسة اهم من اي شيء في التعليم و ان المدرسة لو ازداد الاهتمام بيها هتبقي احسن من الدروس ميت مرة و ده فعلاً صح و انا مقتنع بيه جداً لكن الموضوع مش هايجي من يوم و ليلة لسه شوية عقبال مانحس باللي عمله الوزير ثالثاً: احنا مش جيل فاشل احنا جيل متميز و لو سمعت عن الولد المصري اللي في اولي ثانوي اللي عمل اربعين اختراع يخليك تقول احنا افضل جيل عدي علي مصر لكن يمكن ظروف حياتك محسساك انك فاشل لو عايز تعرف انتا فاشل ولا لا قارن نفسك مع حد تاني واحد زميلي حكالي علي مدرس قريبه كان شغال في السعودية رجعوه مترحل علي مصر لانه طحن عيل هناك لانه مستحملش نوبة غباوة من عنده و كتير قالوا ان الذكي في فصل في دولة عربية بيكون في الغالب مصري يبقي لسه انتا فاشل؟؟ مستحيل تكون فاشل و نعرف ان بلدنا محورين شعب و حكومة لو الشعب عمل اللي عليه مية مية هنعيش افضل و لو الحكومة عملت اللي عليه مية مية هانعيش برضه افضل لكن لو واحد فيهم تقاعس بتكون الازمة دلوقت احنا دورنا اننا نعمل دورنا مية مية و هو انك تفكر و تشغل دماغك و تدور علي الفايدة لبلدك بإذن الله نكون احسن تفتكر في الـ3 سنين دول عملت ايه؟؟ تقريباً و الحمد لله اتعلمت حاجات كتير جداً جداً في الكمبيوتر و بإذن الله مشارك في 3 مسابقات من اللي قلت عليهم دول انتا في سنة واحدة ممكن تدخل مسابقة من دول يعني ممكن تعمل كتير اوي في سنة واحدة قراءة انا هحاول اني اقدملكم الافادة اللي اقدر عليها بس لما احس ان الجروب بتاعكوا ده علي استعداد انه يتقبل الافادة دي مش افضل اكلم نفسي بتقولوا نكت؟؟؟ انا مش فاكر امتي اخر مرة قلت نكتة اساساً دي بتقل من قيمة صاحبها و عمري ما افكر اعملها بإذن الله ارجو اني مكنش طولت عليك و تقبل ردي الطويل |
اقتباس:
احنا فعلاً في مصر لما نشوف حاجة غلط بنقول ده غلط من غير ما نقول المفروض ان الصح كذا لكن انا مقتنع ان المشكلة هنا مش سهلة لانها مشكلة نفسية اكتر من كونها حاجة تانية مشكلة ازمة ثقة انعدام طموح حاجة زي كده و دي ملهاش علاج غير الاقناع يعني ملهاش غير الكلام التشجيع الافكار و الحلول المبتكرة انا مش هاقدر اقول لواحد فكر و انا هديك فلوس او هنجحك في الثانوية لازم الدافع يكون من داخل الشخص ده علشان كده بحاول اوصل لحل بالطريقة دي و انا مقداميش غير الكلام طالما محدش في بلدي بيساعدني بغير كده نساعد بعض بقي و شكراً علي مرورك و التمس منك التعقيب |
اقتباس:
اسمحلي اني ابدي اعجابي بحضرتك مسابقة معرض العلوم و الهندسة دي سمعت عنها قبل كده و الاستاذ طلب مني اني اعملها مشروع لاني فعلاً كنت مجهز فكرة لابتكار طريقة جديدة لتوليد الكهرباء بطاقات مهولة لكن انا سعيد جداً اني لقيت حد تاني مشترك فيها ياريت يكون في بيننا تواصل و إنا بإذن الله مشارك في اوليمبياد الفيزياء السنة دي و بحاول استعد لها ياريت تبقي تديني فكرة عن ماهية اختراعك يمكن اقدر اساعدك في تنفيذه و ارجو انك متخيبش رجائي في حضرتك و شكراً علي مرورك الكريم علي الموضوع المتواضع ده و ربنا يوفقك في مشروعك |
اقتباس:
لكن لو انتظرنا التشجيع مش هانوصل لاي جديد لازم كل واحد يبدأ من نفسه مينتظرش التشجيع و طبعاً اللي ربنا بيوفقه بيحبب فيه خلقه و بإذن الله اللي بيتعب ربنا مش بيضيع اجره ابداً و دي غايتنا في الدنيا اننا نعمر الارض بعملنا و جهدنا و ربنا يوفقنا علي كده شكراً لمرورك الكريم علي الموضوع و جزاك الله كل خير |
اولا الموضوع اكثر من رائع..
بس انا مش هقول ان المشكله مشكله ثانوية عامه او مفيش وقت او غيره المشكلة هي لو بصيت حواليك : هتلاقي انك عايش في بلد بجد متخلفة اخلاقيا واجتماعيا وحضاريا ودينيا وثقافيا........الخ الناس خلاص دماغها وقفت ..محدش لا بيفكر في العلم ولا الدين ..كله بيفكر انه عاوز يعيش وخلاص لو سالت اي شاب او اي بنت عن هدفها؟ صدقني 90% هيقولك ادخل كليه كويسه واتخرج واشتغل واجيب فلووووس كتيييير واعيش غني واتجوز واعيش مبسوط وخلاص كل واحد مش بيبص غير لمصلحته الشخصيه فقط يبقي عمرنا ما هنتقدم تشوف الطلبه مع بعضهم :والله العظيم ما في حد بيحب الخير لغيره غير نادراااااا هنبقي ازاي كويسيين وازاي هنتقدم واحنا مبنحبش الخير لبعض بص حتي للاعلام ..وسائل الاعلام بقت في انحدار تام.. وطبعا وسائل الاعلام من اكبر الاشياء اللي بتأثر في الناس خلاص بيقنا في مجتمع عجيب..المتدين فيه منبوذ..المؤدب فيه الناس كلها كرهاه اما بقي الانسان المحبوب :هو انسان كل اللي بيعمله انه بيهزر ويقول نكت ويتكلم عن الافلام والمسلسلات...الخ لما ببقي قاعده وسط ناس مثا بيتكلموا في حاجه هايفه"كلهم مبسوطين ومندمجين"لو غيرت مسار الكلام مثلا حرام يا جماعه الغيبه دا الرسول قال... هتلاقي الناس كلها قرفت وقامت لما بلاقي كده بحس اه مجتمع ميؤوس منه لما اكلم اصحابي او قرايبي واقولهم مثلا في الاجازه :يا جماعه بلاش نضيع الاجازه ماتيجي نعمل برنامج ثقافي لينا في الاجازه تلاقي الناس كلها بتقول :ثقافة ايه ونيلة ايه احنا في الاجازه انا عارفة ان المفروض ان الواحد ميتأثرش باللي حواليه..بس لو معاك ناس تانيه بيفكروا زيك وبيشجعوك بيجتهدوا وبيساعدوك وتساعدهم هيبقي في فرق كبير "يد الله مع الجماعه" بجد ديننا وبلدنا محتاجينا .. بس احنا فين ..والناس فين كلوا نايم ومحدش بيفكر لا في الدين ولا في البلد كله بيفكر في نفسه وبس |
اقتباس:
|
علي فكره موضوع رائع المسابقات ديه اول مره اسمعها :o هي المسابقه اللي عرفتها معرض العلوم والهندسه وعرفت قبل معاد المسابقه بيومين بس احنا مدرستنا منفصله عن العالم كله في ناس مش بتشترك عشان هما مش عارفين المسابقات ديه او خايفين يدخلوها عشان كل واحد بيقول انا ازاي هنجح وسط المتسابقين دول انت بتقول انك خرجت من صندوق المنهج ماتقولنا ازاي عملت كده يا كودر :blush:اصل انا مش بعرف اظبط بين اني اقرا والمذاكره بتاعه المدرسه ومبعرفش كمان ااختار كتب حلوه اقراها بحس اني متلخبطه ديما |
انا مش حطول عليكو
لكن احب ان اقولك انك لسه صغير وانا اسف لكن دى الحقيقه انته موضوعك عن المسابقات دى سهله لكن انت متعرفش الى يحدث فى بعض المدارس من وسطه التى دمرت وتدمر لا اقول طلاب ولكن اطفال كانت وحط تحت كانت مائة خط بتحب التعلم ومتفوقه فى حسبى الله ونعم الوكيل :(:angry2::stickjo4: |
اقتباس:
|
اقتباس:
و ظاهر و باين في مجتمعنا كان واحد صاحبي يقولي دايماً انتا صفر علي الشمال!! يعني انا ماليش تأثير اجتماعياً لكن لو في عشر اصفار علي الشمال الرقم يتمسح و يتكتب من جديد و زي ما قلتي يد الله مع الجماعة مجتمعنا الي حد ما ميئوس منه لكن لو انا كنت الحتة السليمة اللي فيه يبقي لازم اعمل اقصي ما عندي و كلنا لازم نعمل كده و احنا بنحاول نعمل كده انا هسأل سؤال اللي يجاوبه يبقي عارفه دوره ايه في حياته انتا اتخلقت ليه؟؟انتا ايه فايدتك في الحياة؟؟ ساعتها اعرف احدد هدفي و امنيتي في الحياة شكراً علي مرورك و علي تنويه قريب في القسم ده هنبين ايه إن شاء الله اللي هانبدأ نعمله علشان نقدر نجمع قدر من اللي نفسهم يفيدوا و يتعلموا و نقدر كلنا نفيد بعض شكراً لمرورك الطيب |
اقتباس:
الولد بتاع العباسية له يمكن تلاقيله خمس ست اختراعات جامدين و فيهم فكرة اما الباقي ممكن يكون شوية لعب بالالكترونيات بس مش اكتر انا غاظني مرة علي القناة التالتة بيقولوا علي عيل عمل مكنة تجفيف و عمل تكييف مخترع صغير ايه الاختراع في كده!! هو انا اول ما العب كورة ابقي الخطيب؟!! مشكلة عامة شعبنا انه بينبهر بأي شيء بيلعب قدامه حتي و لو فكرته بسيطة عادة مش هاتتغير ربنا يشفينا منها اما موضوع الجروب ده انا نويت فعلاً اعمل جروب نسميه "علماء" و اعمله علي الفيس بوك و اعمله قناة علي اليوتيوب بحيث اني هانزل شروحات بالفيديو للمقالات اللي اكتبها و اتفقت مع واحد زميلي متخصص في كده لكن عندي ازمة في البيت بس تعدي و ادوس معاكوا بقي براحتي انا هانزل تنويه في الفسم ده علي موضوع الجروب و اول ما ينزل هانخليه في قسم محبي العلم و العلماء هايكون القسم الرسمي للجروب و بإذن الله نكتب فيه مقالات كتير و ياريت الاقي تفاعل كبير من الاعضاء علشان يبقي عندي حماس اني اكمل فيه و بعد اذن abdosalem هايكتب معانا في الجروب ده و يفيدنا بعلمه و خبرته كمخترع و كيميائي بإذن الله بس هو يوافق بس و ربنا يوفقنا كلنا |
اقتباس:
اللي يقدروا يعملوه انا اقدر اعمله انا عندي ايد و رجل زيهم و عندي عقل ممكن يكون احس منهم لا و كمان انا قدهم يبقي ايه المانع اني اكون زيهم؟؟ الظروف في حالتك صعبة شوية فحاولي انك تعرفي من علي الانترنت او معانا هنا مواعيد المسابقات و نزولها و شوفي مين في مدرستك المسئول عن الموهوبين و سجلي نفسك عنده و تابعي معاه احنا برضه جت عندنا متأخر لكن السنة دي بنستعدلها بدري حتي من غير ما نعرف هي عن ايه و لو ناوية تكوني جزء من الجروب اللي بإذن الله هانعمله هاتكون افادة كبيرة ليكي اما موضوع المنهج ده اللي خلاني اخرج عنه اني كنت بسأل كتير مش بفوت حاجة تحصل قدامي الا ما اسأل عن سببها و لقيت الانترنت ساعدني في اجابة الكتير من التساؤلات و لسه لغاية دلوقت بتسائل لكن بسعي وراء اني اعرف اجابة التساؤلات دي انا هاحاول اني اساعد كل اللي مش عارفين يخرجوا عن العلبة و بإذن الله نعمل دروس فيديو سهلة و مفيدة في المجالات العلمية و تفيد المتخصص و المبتديء زيي و زيكوا كده و ربنا يفتحها علينا كلنا و شكراً لمرورك العطر |
اقتباس:
|
اقتباس:
و مواليد 94 من بلاد برة اكبر مني؟؟ انا مش صغير انا كبير و كبير اوي كمان بلد زينا مش مهتمة بقدرات الشباب و بلاد تانية شبابها شايلنها علي كتفهم و ابقي لسه صغير؟؟ عيل في سني عمل 40 اختراع ؟؟ يبقي لسه صغير؟؟ عيل في سني حل لغز من الالغاز الرياضية اللي حيرت العلماء من 100 سنة يبقي لسه صغير؟؟ عيل من سني عدل معادلة من معادلات اينشتاين يبقي لسه صغير؟؟ انا عمري ما كنت صغير الواسطة دخلت في المدارس ملهاش دعوة ابدع ولا لا ولا اخترع ولا لا ولا المسابقات ولا غيره خلي ابو واسطة ده نشوف اخره يعمل ايه غير انه ياخدله منصب ولا حاجة لكن العالم ده مننا مش من بتوع الواسطة و اعرفي ان الله لا يضيع اجر من احسن عملاً و اللي بيحبوا العلم دول مش هايضيعوا هدر و مش لازم الجامعات هي المصدر الوحيد للعلم او الابتكار او غيره علماء كتير كانوا من كليات و ابدعوا في مجالات بعيدة تماماً عن كلياتهم الابداع نعمة من الله نصقلها بعلم مش شرط انه من جامعة ارجو اني اكون قدرت اوصل وجهة نظري و بلاش نظرة الاكتئاب دي لو كرهتي العلوم ممكن بإذن الله تحبيها معانا!! بس و شكراً لمرورك الطيب |
اقتباس:
و هابدأ بإذن الله في القريب العاجل اكتب و نشوف شغل الفيديوهات اللي ناويين نعمله ده زي مانتا عارف ان ناس كتير بتكسل تقرأ مقال طويل يكون جميل لو كان معمول بشكل فيديو قدامهم و يكون مفسر و موضح بشكل افضل يعني هايكون فيها خير لينا كلنا إن شاء الله بس لو تعرف تتفق مع abdosalem علشان يكتب معايا اكيد شخص زي ده هيفيد الجروب كتير و اولكوا انا ولا ايه؟؟ |
اقتباس:
اقتباس:
شكرا على كلامك يا كودر وانا ان شاء الله مشارك فى الموضوع ده وانا عندى تنويه : انا نسيت أقولكم على حاجة حصلت قدامى ليه الى بيخترع حاجة مش معقولة يعنى اختراع جبار يقولوا عليه مجنون وحصله حاجة انا الكلام ده حصل لخالى واتهموه بالجنون ........... ليه!!!!1 انا الوحيد الى بقعد معاه وعارف انه عقله ذررى ليه دولتنا وشعبنا بيعمل كدا..... هوا الى يحب يفكر وأما يموت يكون ليه اسم فى ناااس كتير تقعد عايشة أكتر من 90 سنة ولكن ولا حد يعرفه يا كودر خالى اخترع جهاااز جاااااااامد جداااا وانا ممكن أجيبلك فيديو ليه الى أقدر أقوله (علشان السرية) الجهاز ده بيطلع من الماااء نااار درجة حرارتها 7000 درجة مئوية عارفين يعنى ايه 7000 درجة فكر فيها يا كودر وانا موافق على الاشتراك فى الجروب ده |
اقتباس:
وبالنسبه لخالك بجد ده عبقريه حقيقيه اكيد من كلامك طب لما اقدمه ليه مش اتكتب باسمه كاخترع ايهه اللى حصل يعنى |
اقتباس:
و ممكن اوريك ازاي ممكن نوصل لفكرة عملها من غير ما نسأل خالك عنها بس فكرة جامدة جداً لو ممكن تدعو خالك انه يكون احد الكتبة معانا في الجروب؟ او علي الاقل يصلحلنا الاخطاء العلمية المتوقع وجودها في مقالاتنا اكيد هو علي علم اكبر مني و منك و باين عليكوا انكوا عيلة مخترعين و علماء فحاول يعني تطلب منه كده علشان نستفاد كلنا و ابقي وريني الفيديو بتاع كيفية عملها يمكن اعرفها بنفسي و شكراً علي قبولك الاشتراك يا عبد الرحمن بإذن الله نستفاد بيها كلنا |
اقتباس:
بس غالباً هتكون مجالات علمية زي الكيمياء او الفيزياء و بإذن الله نجمع ناس اكتر في مجالات اكتر شكراً لمرورك يا مصطفي و بإذن الله نبدأ في القريب العاجل |
اقتباس:
وانا كمان احب اكون معاكم وياريت بجد الفكرة دي تنجح بجد هتساعد ناس كتير وحتاثر فناس كتير بتمنالكم التوفيق من الله:) |
اقتباس:
والله رااااائع يا جماعة ..حمستوني والله ان شاء الله ابقي ادخل معاكو في الجروب وبالنسبة للاختراع فعلا رااائع..واظن ان خالك استغل ان الماء بيتكون من هيدروجين واكسجين الهيدروجين مادة مفرقعه والاكسجين بيساعد علي الاشتعال ..عشان يطلع نار درجة حرارتها 7000 وربنا يوفقكوا ان شاء الله^_^" |
اقتباس:
و دخولك الجروب يسعدني اكتر بصفتك واحدة من علماء المنتدي شكرا علي مرورك الجميل علي الموضوع و جزاك الله كل خير |
اقتباس:
وجودك يسعدنا بكل تأكيد اما موضوع اﻻختراع فأنا عندي افكار كتير عن فكرة عمل اﻻختراع ده بس برضه محتاج بيانات اكتر عنه علشان اعرف احدد مصدر طاقته لكن في نظري مكن تكون الرابطة بين اﻻكسجين و الهيدروجين نفيها هي مصدر الطاقة دي يحصل عليها عن طريق تحليلها والله اعلم يا جماعة انا عندي مشكلة كبيرة في البيت بخصوص الكمبيوتر و ادعولي اني اقر احلها بإذن الله و اكون معاكوا بجد انا من علي الموبايل اعذروني ﻻن الموضوع كبير و ممكن توصل ﻻني اسيب البيت |
اقتباس:
|
يا جماعة أما تخلصوا الموضوع ده ياريت تقولولى هتعملوا ايه؟؟
وانا مستنى رد كودر ويا كودر لو هيحصل مشاكل بلاش يا بنى |
يا عبد الرحمن الموضوع بإذن الله هايتم
و انا هاعمل موضوع في القسم ده فيه دعوة للجروب ده و هبدأ فيه اول ما اقعد علي الكمبيوتر تاني إن شاء الله و بإذن الله ميكونش في مشاكل و اقدر اخلص المشاكل اللي عندي دي بسرعة و الله الموفق |
اقتباس:
دي الشمس نفسها معظمعها من الهيدروجين وشوف بقي الطاقه الحراريه الهائله اللي بتنتج منها ودي خدتها السنه اللي فاتت في الكيمياء وزي ما انت قلت ..الله اعلم وان شاء الله تحل مشكلتك اللي بسبب الكمبيوتر لانها حصلت معايا السنه اللي فاتت*_* وانتهت بانهم خدوا مني الكمبيوتر ومقدرتش استخدمه غير وقت صغير جدا لا يتعدي نصف ساعه بس السنه دي فكوا الحصار شويه^_* ان شاء الله ميحصلش معاك كده والمشكله تتحل بالتوفيق |
| جميع الأوقات بتوقيت GMT +2. الساعة الآن 07:15 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.