شكرا والله على رد حضرتك عليا طيب انا عندى سؤال تانى ممكن ابعت ورقى من هناك يعنى لو عندى حد يبعت ورقى من هناك ينفع ولا لازم من هنا بالبريد
والامتحانات بيكون نظامها ايه هتكون فى السفارة الكويتية هنا امتى ان شاء الله

شكرا جزيلا

لازم بالبريد المسجل من مصر
بعد كده هيتصوا بحضرتك لتحديد موعد المقابلة وغالبا بتكون في فندق سفير بالدقي
الاسئلة في مادتك العلمية سهلة وبسيطة
اسئلة في مواقف تربوية عامة للكل
بالنسبة للانجلش اهم شئ النطق الصحيح النطق النطق النطق

اكتبها في السي في بتاعك

استفسار
 

السلام عليكم ياستاذ ابو رجب عندي 4 اسئلة :-
1- انا خريج تربية فرنسي جيد 2006 بس مش شغال في مدرسة منذ التخرج فهل لوانا طلعت شهاده خبره زي منت بتقول من اي مدرسة بياخدو بيها ولا بيعتروها مزوره زي ما واحد صاحبي قالي.
2- الواسطه !!!!!!!!!!!!!!!!!!
3 - بالنسبة للطلب اللي الاخت ساره رفعاه لازم يكون مع الورق .
4- ونظام الامتحان بالنسبة للغة الفرنسية زي الانجليزيه .

1 - شهادة الخبرة لازم تكون من مدرسة حكومية وطبعا بيفضلوا المتعين رسمي عن خبرة المتعاقد بس اهي محاولة وخلاص يمكن يستثنوا الخبرة السنة دي وخاصة انهم استلموا 20 مدرسة جديدة ستعمل العام القادم هنا في الكويت
2 - طبعا فيه واسطة بس لازم تكون واسطة جامده واكيد تكون الواسطة هنا يتابع ورقك في وزارة التربية - ادارة الموارد البشرية - لجنة الاختيار
3 - الطلب صحيح وتمام ولازم يكون الطلب ده موجود بصيغته او باي صيغة اخرى تتضمن البيانات المطلوبة لديهم كما ورد بالاعلان
4 - نظام الامتحان على حد علمي اسئلة في المادة العلمة - المواقف التربوية اما بالنسبة للفرنسي فاكيد برضه النطق الصحيح لان اول سؤال في الفرنسي والانجلش ( كلمنا عن نفسك بالفرنسي / الانجلس )

اولا بشكر جهدك معانا يا استاذ عبده والمعلومات القيمة اللى بتزودنا بيها بجد ميرسي جدا ثانيا انا مدرسة انجلش فهل اعمل شهادة الخبرة من المدرسة ولا الافضل اجيب افادة من الادارة انى مدرسة انا بسال كده لانى فى تعليم فنى ومش حابة الصراحة اقول ده فانت ايه رايك فى الافادة من الادارة افضل وكمان عندى سؤال هو ايه اهم الاسئلة اللى ممكن تكون موجودة بالنسبة للانجلش لو تكرمت وعندك اى معلومات بالنسبة للمقابلة

بالنسبة لشهادة الخبرة افضل انك تجيبيها من الادارة بصيغة تفيد انك مدرسة للغة الانجليزية والفترة التي عملتي بها وتختم بختم الادراة ولو قدرتي توثيقيها يبقى افضل
بالنسبة للمقابلة معلوماتي عنها انها بتكون في المادة العلمية والمواقف التربوية يعني ما تقلقش خالص بس اهم حاجة في الانجلش على حد علمي هنا النطق الصحيح واول سؤال لبتوع الانجلش كلمنا عن نفسك بالانجليزية طبعا بس خلي بالك من النطق لان فعلا انا لاحظت النطق هنا بالنسبة للانجلش مختلف تماما عن مصر
انا مدرس عربي ومش قادر افيدك ازاي النطق مختلف بس على سبيل المثال كلمة 3 ثري يقولوها تري حرف y مثلا يقولوه فاي بس

ميرسي جدا على ردك على سؤالى استاذ عبده واكيد اهم شئ فى اللغة النطق انا هابعت واتكل على الله وربنا يكتب التوفيق ليك ولينا جميعا وشكرا مرة تانية لمجهوداتك معانا وربنا يقربك من حلمك يارب ويوفق الجميع متقولو اميييييييين ههههه

انا يا جماعه خريجة 2008 تربية انجلش اساسى

وليا بعض اقاربى من السيدات يعملون بالكويت والعض منهم معلمون ويقولون ان الخبر ييعلنون عنها فى الاعلان ولكن غير مهمه بالدليل انهم بيقابلوا بنات هناك حديثى التخرج

وانا دلوقتى قرات كلامكم ومحتارة فعلا

خاصة ان العام الماضى ارسلت اوراقى بريد عادى غير مسجل

وبتمنى هذا العام ان اقبل
انا الحمد لله معايا بعض الدورات وشغاله دروس ومتمكنه من المناهج جداا

سواء لغان او مناهج عاديه

فمش عارافه اقدم واتوكل على الله واعمل اللى فى ايدى


ياريت يا سيدى الفاضل تقدم لنا بعض الارشادات

مع العلم انى معايا الاعلان حاليا وشغاله فى حضانه فهل ينفع انى اعمل شهادة خبرة من الحضان تفيد انى بدرس هناك انجلش

فهل ستفيدنى هذه الورقه عند التقديم ام ستضرنى

وياترى الامتحانات شفوى ولا تحريى

ولو كان فيه امتحانت من النوعين

فياترى الشفوى عبارة عن ايه والتحريرى عبارة عن ايه


نرجو الافاده

وجزاكم الله خيرا

اقتباس:

المشاركة الأصلية كتبت بواسطة abdouragab (المشاركة 2865931) طلب التقديم تكتبه بنفسك البيانات موضحينها عندك في الاعلان

سؤال هام هل المقصود بالتعليم الديني التعليم الأزهري بالنسبة لمعلمي اللغة العربية أ ي يكونوا تعلمهم أزهري ؟ أرجو التوضيح .

رداً على الاخوة :
1- المقابلة يا جماعة محدش يقلق منها على حد علمي اسئلة في مادتك العلمية - المواقف التربوية
2- انا معلم لغة عربية يعني مش هاقدر افتي في اي مادة تانية زي التربية البدنية مثلا ولكن هي اسئلة في قشور المادة العلمية
3- شهادة الخبرة ممكن يستثنوها فعلا بس لو جبتوا شهادة خبرة اكيد هيكون افضل - المقابلات بتكون شفوي وتحريري البا في نفس اليوم يعني الواحد يقدم وهو وحظه مش هيخسر يا جماعة غير 5 جنيه بتاعت البريد
4- التعليم الديني نعم يقصد به التعليم الازهري - ولكن مش شرط يكون المتقدم ازهري المهم يكون مستوفي الشروط بالنسبة لمادة اللغة العربية وفي المقابلة هيفضلو طبعا - حافظ القران من مدرسي اللغة العربية والملم بالاحاديث النبوية
5- عامة قدموا وربنا يسهل

معلش يااستاذ عبده انا تخصصي تربية لغة عربية ومعايا الاجازة في تجويد القران الكريم وخبرة 3 سنوات بس هما طالبين 4 واحفظ من القران 7 اجزاء هل المطلوب اكثر من ذلك وهل فيه ليا فرصة
وبالنسبة للورق انا بعته بالبريد وزوجي موجود في الكويت هل لو سأل هناك ممكن يعرف الورق وصل ولا لأ
اسفة للإطالة

طبعا فرصتك كبيرة باذن الله تعالى
وطبعا زوجك لو سأل هنا هيتأكد من وصول الورق

بارك الله فيك يا استاذ عبده وربنا يكرمك وتقبل ان شاء الله
ويكرمنا جميعا ان شاء الله

الف شكر ليك على مساعدتك لينا ونتمنالك التوفيق فى حياتك

السلام عليكم ياستاذ عبده رجب معلش بقي هتقل عليك شوية :
انا مشتغلتش في اي مدرسة منذ التخرج لاحكومية ولا خاص شغال في الدروس فقط
ولما اتكلمت مع واحد عشان يطلعلي شهادة خبرة (طبعا مضروبة ) سالني لوالشهادة راحة لوظيفة حكومي مش هينفع عشان هما هناك بيتابعو ها وطبعا في ضرر عليه ولوخاص عادي
انت ايه رايك في الموضوع دا هما هايتبعوها فعلا ولا لا ؟
طب لومنفعش ااقدم الورق وخلاص من غير شهادة خبره
افيدني لوسمحت سريعا عشان الحق اعمل حاجه !!!!!!

رداً عل الاخوة :
1 - لو ربنا اراد واتقلت هنا في التربية يبقى تمام هتتعين في شهر واحد وهتشتغل هنا في شهر تسعة يعني هيكون قامك 8 شهور بعد التعيين يعني تقدر تعمل حفظ وظيفة عادي
2- بالنسبة للشهادة المضروبة مش هتنفع لانهم بيستعلموا عنها هنا بعد اختيارك

انا ليسانس دارعلوم تقدير مقبول ودبلوم تربوى تقدير جيدومع icdl ومفيش تجويد اقدم وبلاش وكمان مفيش جواز

ربنا يكرمك على كل المعلومات اللى بتوضحها لنا وربنا معاك وان شاء الله تقبل فى التربيه السنه دى


اما بالنسبه للشهاده المضروبه فا مابنى على باطل فهو باطل

وربنا يعفينا جميعا:078111rg3:

جزاك الله خيرآ

عاى فكلرة
شهادة الخبرة لست ضرورية ولكن هم فى العام قبل الماضى كانوا يعطوا على كل خبرة 4 سنوات زيادة لا اذكرها فى الراتب
وبالنسبة لوصول الاوراق هم بيتصلوا على صاحبها
ومن عامين ارسلت زميلة اوراقها على الكويت ولم يتصلوا بها فذهبت شخصيا للجنة بالفندق وقدمت وامتحنت فى نفس اليوم

طمنتيني يافاطمة تسلمي
يعني ممكن اقدم ورقي من غيرشهادة خبره بس هيتكتب في الجواز طبعا حاصل ينفع برده ولا ايه؟

انا سعيدة ان حضرتك يااستاذ عبدو لغة عربية علشان تفيدنى مصلحة بقا ههههه
لا بجد ربنا يكرمك يارب ويحققلك امنيتك اللهم امين بجد حضرتك تستاهل كل خير

وياريت حضرتك تقولنا الاخبار بالتدريج خااااااااصة لما تمتحن عندك

وليا اسئلة كتيرة بس لما تكون حضرتك موجود اون لاين علشان افهم بالتفصيل
بس بعد ما بابايا ومامتي يوافقوا يارب
انا في محاولات
وربنا يسترها

انا تحت امركم جميعا اي شئ باستطاعتي انا اقدمه لكم

ميرسي وجزاكم الله كل الخير

وميرسي على الرد من الاقتباس اللى في موضوع سفارة الكويت وسوري
سلام عليكم

لا اله الا انت سبحانك انى كنت من الظالمين

لوسمحتم حد يقولي ليه باقي مواضيع اعلانات الكويت مغلقة

؟؟؟؟؟؟:078111rg3:؟؟؟؟؟؟؟؟؟؟؟؟؟؟؟؟؟؟؟

سبحان الله وبحمده....
سبحان الله وبحمده
سبحان الله وبحمده

على فكرة طبعا ما بنى على باطل فهو باطل وفعلا حكاية التزوير فى اى شهادة ممكن يتعرف فربنا يغنينا عن اى شئ حرام المهم ان فى ناس زورت شهادات للتقدم اللمسابقة بتاعت الكويت فى السنوات الماضية ومفيش اى شئ حصل لهم ده بالعكس فازو فى المسابقة وسافرو لانى عرفت ان اللى بينجح فى المقابلة بيمضى العقد علطول فى وقتها يعنى مش معقولة يمضو العقد فى يومها وبعدين الكوايتة يستعلمو عن اذا كان المتقدم حاصل على شهادات اصلية او مزورة بجد الكلام ده انا بقوله لانه حصل قدام عين واحدة زميلتى هى اتصلو بيها السنة اللى فاتت وراحت المقابلة ولكن للاسف منجحتش وشافت اللى نجحو مضو فى نفس اليوم عقودهم بجد والله ده كلام ثقة يعنى والله محدش عارف الدنيا ماشية ازاى بجد

فى ناس بتزور الشهادات وبتتقبل بجد السنة اللى فاتت واحدة زميلتى راحت المقابلة دى بعد ماتصلو بيها وقالت ان اللى نجحو فى المقابلة مضو العقد فى وقتها علطول فى نفس اليوم يعنى معتقدشى انهم حيسالو عن اى ورق اذا كان مزور او لا لان اهم شئ وجود مؤهلك معاك اصلى وسليم اى ورق تانى مش مهم انهم يتاكدو منه وبما انهم بيمضو العقد فى يومها يبقى اهم شئ نجاحك فى المقابلة يعنى تنجح فى المقابلة تمضى العقد علطول والله ده فعلا حصل قدام زميلتى بجد وبجد محدش عارف الدنيا ماشية ازاى يعنى اللى حيزور ورقه عشان يتصلو بيه ممكن فعلا يتصلو بيه ويورح المقابلة وينجح ويمضى العقد من غير اى تاكد من الممتحنين بجد ربنا معانا جميعا

طبعا كلامك صحيح بس ممكن تقوليلى لو احنا زورنا شهادات عشان نشتغل
او بمعنى اصح ضحكنا على الناس ونجحنا واشتغلنا

مكسبنا ده هيبقى حلال ولا حرام

ياريت كل واحد فينا يسال نفسه السؤال ده قبل الحصول على اى شهاده مزوره

مساء الخير
أنا بعت في الاعلان ده خلاص بس بعت جوابين واحد أخصائية تخاطب وواحد مدرسة لغة فرنسية
بس حد يقولي يا جماعة ممكن ياخدو التقدير المقبول وده العائق الوحيد في حد سافر قبل كدة وتقديره مقبول
انا معايا 3 دبلومات جيد جدا وشهادة icdl ودورات من جامعة القاهرة وعين شمس بامتياز ممكن حد يطمني لو حد يعرف يرد عليا

وانا كمان تقديري مقبول فى الليسانس بس نبعت وان شاء الله يتم اختيارنا لانى بجد زهقت وعارفة ان مفيش تعيين وربنا يكتبلنا الخير جميعا

ربنا يوفقك
وجزاك الله خيرا

توثيق الاوراق الافضل يكون قبل السفر عشان ترتاحوا لكن اذا قدمتوا بدون توثيق وتم القبول لازم الورق يتوثق
بخصوص الشهادات الجامعية لا بد وأن تختم بختم الجامعة ويوقع عليها رئيس الجامعة او ما ينوب عنه وبعدين تروح للماحفظة وتوقع وتختم وبعدين وزارة الخارجية وليها مكاتب توثيق في جميع المحافظات توثق وتختم
أما بالنسبة لشهادة الخبرة فهي تختم بالتدريج من ( المدرسة - الادارة - رئاسة مجلس المدينة - المحافظة - الخارجية )

اخي الفاضل وفقق الله
لكن افدني بالله عليك عملت في مدرسه حكوميه بنظام التعاقدولما طلبت شهادة خبره
اعطوني إفاده وبها ختم المدرسه فقط ولما روحت ادارة الحوامديه التابعه لها لم يؤكدوها بل قالو ان المتعاقدين ليس لهم اية خبره
افدني لو لديك شهاده خبره عن نظام المتعاقدين اطلعني عليها كي اطلعهم عليها وؤاكد لهم ان المتعاقدين لهم شهاده خبره
بالله عليك ماتنساش

يارب ارزق كل شخص على قد نيته وربنا يوفقكم