|
نسيت اقول
انا بكرة اجازة.. متستنوش حاجة هههههههههههههههههه |
ههههههههههه
وانا اتزحلقت مع مى طبعا الفطار اهم من المحاضره يا جماعه معايا وللا ايه؟ :p عليه اللعنه الدكتور سعد الصغنن عقدنى فى عشتى فعلا هو صحيح يا جماعه ايه هى مكونات القلم الحبر؟ اصل الراجل مموت نفسه وفضل نص ساعه ماسك القلم (كان فاضى على فكره) وقعد يقول بيتكون من بلاستيك وحبر والوان ...يالهوى عليه جاب التايهه بجد المهم انا تقريبا كنت معرضه انى يجيلى حاجه من اتنين يا نقطه او ضغط فوق المعدل بس تجاوزت واكتفيت بالنفخ والصداع والدب والرزع على البنج:d ودى كانت المحاضره الاولى التانيه بقى دكتور زى العسل وهو العميد بتاعنا على فكره معجب اوى بالكليه بتاعته ... المهم المهم انا حاليا مكسره ومصدعه وعندى نقطه وجارى البحث عن اشياء اخرى ينفع اروح كى جى ون تانى؟؟:( |
والله لذيذة اليوميات دي بصراحة انا بقيت متفائل متفائل متفائل
امممم على كدة نبقى احنا (اللي ف ثانوي) ف نعمة ؟!! امال انا ليه مش حاسس بكدة |
لانه ببساطه محدش عاجبه حاله
|
احلى دلع دلع الجامعات والمحاضرات والتنفيض هو طريقك الوحيد للنجاح وكبر دماغك وانت تتفوق ظبط البنات هتعيش ملك :confused:
|
هههههههههههههههه
انا لو عملت برأيك يا عم جحيب ضعيف جدا وانا حاطط رجل ع رجل :d صبح صبح وركز احسن |
ملك المدبلرين
ههههههههههههههه |
ياسلام على اول يوم فى الكلية ده يوم جميل مولد وصحبه غايب عالم وبشر تايهين فى ملكوته انا كنت تايه مع اصحابى اول حاجة روحت اجيب الجدول والحمد لله طلع متفصل على مقاسى بالظبط بالنسبة للمصاريف فا طبعا قلبتها وقلت تتجمع من فلوس الكتب نزود شوية فى تمنها ونلم حق المصاريف مرة تانية :D قلة ادب بس عمتا كان يوم جميل واتعرفت على ناس كتير واهم حاجة انك تقعد فى اخر المدرج علشان اليوم يعدى بهدوء وتاخد رحتك فى النوم علشان تعرف تروح فايق بس بجد انا كنت مبسوط اوى حسيت كده انى كبرت :D على فكرة الاخ ده كدب:p |
ياااااااااه انا حاسه انى الوحيده اللى فى معانااااااااااه
تانى يوم بالنسبة ليا كان افظع من الاولانى مش انا كنت متضايقة عشان سابونا ومخدناش حاجه فى اول يوم تانى يوم طلعوا كل ده علينا تالت ومتلت ورزعونا 4 سكاشن ورا بعض المشكلة فى اننا متحركناش من مكانا كلهم ورا بعضهم وحرررررااااااااااااااام والله ازاى inorganic وراها organic وراهاphysical chemistry وهكذا واحنا كنا متضايقين من جداول المدرسه؟؟؟ والمفروض اننا نركز زنكتب كل حاجه ورا الدكاترة عشان نتفوق !! دا انا جيت فى الbotany وهنجت خالص مبقتش فاهمه ولا كلمه كنت بكتب بس خلاص حرام احنا صايمين ويا سلام على الكحاضرة الى المفروض تبدأ 8 ونص تيجى الدكتور الساعه 8 وتبتدى واخده راحتها اوى وبتنتقم انا لله وانا اليه لراجعون هو مفيش حد هنا فى صيدلة اسكندرية ةلا ايه؟؟ |
ماشا الله
المفروض انكم اهل الجامعه القدوه يعني ونعم الكلام بس ايه دا دي بدايه مبشره بالتفاؤل يارب عدي السنه دي علي خير والله نفسي اروح الكليه بجد لاني اتخنقت فوق ما تتصوروا للاسف منازل ونفسي اروح المدرسه باي شكل مع اني بيتهايالي معنتش هعرف البس يوني فورم تاني ولا الكلام دا انا بقالي اكتر من سنه مروحتش مدارس بس بجد كانت ايام حلوه كل فتره وليها الحلو بتاعها الابتدائي والاعدادي والثانوي وربنا بستر علي الجامعه انا دخل الجامعه من زمان مره مع خالي وحضرت محاضره كمان واعدت جنب الدكتور بئا وكانت حاجه حلوه خالص هههههههههههههههههههه ربنا معاكم ياشباب انتم السابقون ونحن الاحقون |
اممممممم ..
شكلي هاقضيلي في الثانوية العامة كام سنة كده :confused: :p يلا كملوا .. :eek::eek: |
يوميات طلبة الجامعة
السلام عليكم ورحمة الله وبركاته كل عام وأنتم بخير الموضوع ده عشان كل اللى فى الجامعة وخاصة بتوع اولى يكتبوا اللى بيشوفوه وايه الجديد وايه المختلف واللى يشارك يكتب اسم كليته واسم الجامعة وسيستمر الموضوع طوال العام واللى عنده مشكله يقول برضه . . . . بالتوفيق للجميع |
مبسوط من كليتنا كمعاملة ومكان .. مش كحاجة كان نفسى فيها ... ولو حسيت أنى بدأت اتكيف معاها شوية
بس ده فى الاول ... مش عارف بعد كده حيبقى ايه الدكتور بيقولنا .. أنا أب قبل ما أكون دكتور عليكو .. مش عارف ده كلام بخه فى الهوا ولا بجد ..... نتواصل فى الايام القادمة |
ازيكو يا بشر عاملين ايه؟؟
كيفك يا محتاسة..ليكي واحشة:) الاسبوع خلص الحمد لله يا جماعة...مبروووووووك لا بجد مش عارفة فرحانة كده ليه ان الاسبوع خلص ...زي ما اكون هتخرج خلاص:d و نستكمل فقرة الرغي الي مامنوش اي صداع :d اليوم الرابع محاضرتين فيزيا و صداااااااااع.....و الدكتور شكله مش سهل:( ربنا يوفقنا دخلت متأخرة و بعد اما دخلت قام الدكتور قال "في حاجة عايزكوا تعرفوها...انا اما اخش مبحبش حد يخش ورايا..محدش يخش بعديا" (و كل لبيب بالإشارة يفهم...طبعا اصدوا على الي قاعدين م الاول:d) و بعد شويةيقوم قايل.."و انا بتكلم محدش يتكلم" .."مفيش موبايل يرن" (معلش حقه برضه..ايدك على بؤك و الموبايل سايلنت) " الي هيتكلم هخليه عبرة للدفعة طول السنة" (قعدت في مكاني زي تمثال رمسيس بظبط كده..اول مرة ابقى صامتة) اليوم الخامس..محاضرتين رياضة ....و طبعا لازم اتـأخر...مبقاش أنا بس الدكتور معلقش يعني الحمد لله ..جت سليمة كفاية كده..عشان مااطولش عليكو يلا سلالام:cool: |
ههههههههههههههه
انا حضرت سكنش اناتومي طول السكشن عمال افكر ححول تجاره ولا حقوق :D عضمه سبعه سنتي ف اتنين بس بسم الله ما شاء الله ربنا مبارك فيها اوي كل ميللي فيها ليه اسم وفيه اماكن ليها اكتر من اسم ولا المدرج المليان ع اخره ومش عارف حتي اقف ولا كله كوم بقي وشويه العيال بتوع اللغات اللي مزهقني ف عيشتي :D انا شكلي ححول قريب حصيله اول اسبوع دراسه تلت محاضرات وسكشن اول وتالت محاضره اناتومي تاني محاضره مش فاكر كانت ف ايه اصلا وسكشن اناتومي بتاع العضمة :lol: |
النهارده كان اخر يوم فى الاسبوع
اخدنا zoology وphysics وعشنا الحياه فى plant anatomy دخل الدكتور المفروض ان المحاضرة ساعتين قعد يرغى عن انه الكل فى الكل واسمه مكتوب على الكتاب اختى بتقولى استعوضى ربنا فى البلانت اناتومى خالص... روحت استلم الكارنية الكليه .. ادانى كارنيه عليه اسمى كله صح بس بصورة واحده تانية !!!!!!!!!!!! قولتلو ا ايه ده مين دى . لحد ما طلع كارنية تانى بإسم تانى بس بصورتى وخدوا منى صورة كمان عشان يعملوا واحد تانى الف حمد وشكر صراحه مش عارفه اعمل ايه اكتر من كده فى نفسى فى ثانوى كان الاساته يتحايلوا علينا وفاضل شوية ويقولوا الامتحان ايه دلوقتى مش عارفه فى المحاضرة اكتب ولا افهم ولا اعمل ايه؟؟؟ الحمد لله |
الف مبروك يا جماعة نهنئكم بمرور اول اسبوع ف الدراسة يلا خدوا اجازة صيف جمعة وسبت انا لسة راجعة من امتحان احياء عليكو معقدة نفسيا وشكلي هحول رياضة اففففففف الاحياء دي مليانة لت وتفاصيل مملة بصراحة ، ايه دة انا بقول ايه كفاية كلياتكو عليكو ، ها نتابع اليوميات سويا
|
بعد مرور اسبوع في هذه الكلية الاكثر من رائعة بجد احب اقوللكم ان مدرس ثانوى ده نعمة لازم تحمدو ربنا عليها
و احب اقول ليت الشباب يعود يوما و كان الله مع الصابريين و ربنا معانا بقي و يا يهديهم يا ياخدنا |
هههههههههههههههههه
تستااااهلي .. انا لسه في ثانوي .. ( وش ملطع لسانه وبيغيظك ) هههههه ده كله في الكلية .. طب ماتيجو تبصوا للجانب المشرق ..زي التزويغ من المحاضرات بدل حضورها ههههه وزي انكوا تعرفوا رقم الدكتور .. وتعدوا ترنوا عليه في المحاضرة .. بس تكونوا عاملين الموبايل سايلنت .. احسن يطلع ناصح ويرن هو كمان .. وتروحوا في ابو نكلة .. يلا .. لسه قدامي اكتر من سنة عقبال اما اجي احكيلكوا .. يوميات بلبل في الكلية ههههه |
انا الحمد لله فى نهاية الاسبوع انتابنى شعور قوى بانى اساسا مش هالحق ادوس سند للرد... لسه ملحقتش اشم نفسى فى الكلية البومة دى وجاتلى انفلونزا ومحضرتش محاضرتين يوم الاربع بس الحمد لله الدرجز عملت اللى عليها وحضرت النهاردة وبالمناسبة بحب اشكر الفارماسيست على المجهود اللى بيعملوه وربنا يديم المعروف .. النهاردة جبت الكتب كتاب الفسيولوجى لوحده ب120 جنية ولا يستاهل اساسا 12 جنيه وحسيت ساعتها زى احساس التلموذ اللى سلموه الكتب ورايح يجرى يشترى التكت علشان يلذقها . الدكتور بتاع الاناتومى معرفش معلق مع حكاية سعاد نصر بيقولنا ان دكتور التخدير خد الجرعة بسرعة وسابها نايمة على بطنها راحت معرفتش تتنفس .....ونسأل الله الرحمة والمغفرة لموتى المسلمين والغريب ان المدرج بتاعنا كله شباب مفيهوش غير كام بنت ومع استراحة قصيرة ولنا عود واللهم لا اعتراض |
اقتباس:
يا سبحان الله .. احنا عندنا العكس تماما يا احمد احنا 3/4 المدرج والكليه بنات وفى حبة ولاد كده على جنب فى المدرج دخل الدكتور مسخر الولاد وقعد يقولهم (زمان كان البنات حبة صغيرين متكومين فى ركن كده فى المحاضرة دلوقتى الولاد هما اللى متكومين على جنب وحبة صغيرين فاضل شوية ويلبسوا طرح) وكل واحد مش عاجبة حاله ...... الحمد لله |
معنى كلامك إيه يا هبه !!
اظن ان اغلب الكليات دلوقتي بنات !! غير كدا مظنش بس برضو بقول انكم لسا اطفال مشاعركم دي مكنتش لحد فينا في اول دراسته هي يوم يومين وراحت بس ملاحظ منكم انكم غابت وياكم قوي قولنا جيل عضمه طري |
ههههههههه
ايه يا مى محسسانى اننا بندرس فى دار مسنين بجد الجماعه اللى فى ثانوى خدوا الموضوع ببساطه وبلاش تحلموا بالكليه هتتصدموا بالدكاتره وقرفهم والدفعه وهبلهم و المحاضرات ومللهم ربنا يوفق الجميييييع وكل سنه وانتو طيبين |
حلو اوي الموضوع ده :)
كان نفسى اشارك فيه واقولكم اي حاجة عن الدكاترة والمعيدين عندنا.. بس انا لا شوفت لا دكاترة ولا معيدين ولا محاضرات ولا سكاشن .. ده احنا اساسا معندناش مدرجات .. عندنا فصول زي بتاعت ابتدائي كده :d بالاضافة الي ذلك .. الكلية بتاعتنا مش ف الكلية بتاعتنا :d لأنهم نقلوا اعدادي كلها لفرع الكلية الجديد ف الشيخ زايد وف اليومين اللي روحتهم مفيش حاجة تتقال لأننا معملناش حاجة مفيدة ف اول يوم مثلا كل اللي حصل ان عميد الكلية عدي علي فصل فصل :d وقال (بعد الترحيب والذي منه) ان الاسبوع ده مش هناخد حاجة .. وكان ناقص يطردنا ويقولنا متجوش ف اليوم التاني بقي .. دخلت الكلية الساعة 8.30 خرجت منها الساعة 10 ملحوظة: الكلية المذكورة تبقي هندسة القاهرة |
اقتباس:
بس هوا طبعا في مقر الكلية الاساسي في الجيزة و فعلا حكالي انه قابل 2 من عندكو في اعدادي و قالوله ان محدش دخلهم لحد دلوؤتي حتى الحاجة الحلوة في تعليمنا بدأت تبوظ ربنا يستر علينا سلالام |
هاى على احلى شباب ازيكم عاملين ايه
لذيذ مووووووووت الموضوع ده لانه بجد كل بتوع اولى كلية محتاجين يفضفضوا احسن ما يجلهم كبت من الزفتى الكلية والله بجد الكلية دى عذاب من اول يوم محاضرات وسكاشن مفيش رحمة وكل يوم محاضرات لحد الساعة 2 و3 والدكتور يدخل يقول انا عارف انكم لسة اولى ومش بتعرفوا انجلش اوى فهكلمكم بالعربى واهو ان نطق كلمتين على بعض بالعربى كله لوكلوك لوك بالانجلش واحنا عاملين ننقل ومش فاهمين اى حاجة واللى يخنق ان المحاضرة ساعتين وتلاتة الواحد بيحس انه عايز ينتحر بعد المحاضرة فين حصة المدرسة ساعة الا ربع ولخص والللى خنقنى كمان انى مش ليا صحاب اوى فى الكلية محدش دخل معايا الكلية من صحابى غير بنت واحدة فمش بلاقى حد ارغى معاه واتريق على دكاترة معاه حاجة تخنق بس يلا الحمد لله الكلية دى زى الموت والموت علينا حق ارحمنا يارب امتى نتخرج بقى ؟؟؟؟؟؟؟؟؟؟؟؟؟؟؟؟؟؟؟؟؟؟؟ |
ازيكو يا جماعه
احلى سلام على طلبه الجامعات عامه و على صيدله خاصه و سمعنى سلام ان مكنتش انت تدلعنى مين هيدلعنى:d مالكو مكتئبين ليه ياجماعه انا محول من اولى حديث بنى سويف لاولى صيدله عين شمس عادى جدا يا هبه اوعى تفكرى فى تحويل انا كنت بفكر احول علاج طبيعى على فكره فى الاول:d بس صبرت و الحمد لله امتياز انا فضلت شهرين مش فاهم حرف يا جودعان مالكو مكبرين الموضوع كده ليييش:d و يانور انا فى بنى سويف كنت باخد نفس موادك عشان زى نظام القاهره اولى سهله جدا و لذيذه متقلقوش اما انا بقى رحت اول يوم خالص الحد اصطبحت بسكشنين زى الفل:s اليوم اللى بعده 3 محاضرات قعدت اكتب اكتب اكتب سمعت كل حاجه انى افهم كلمه!!! مفيش:d و الا الفسيولوجى ماده مصيبه:(( و يوم الخميس كان ورايا بتاع محاضرات من 8 ل 4:d بس مسيرى هفهم اكيد ولا بد:d صيدله حلوه يا جماعه و متخافوش لذيذه اوى:d و صعبه:(( بس شدو حيلكو بس:d |
هههههههههههههههههههههه
ههههههههههههههههه ههههههههههههه هههههههههههه ههههه ههه ه ه والله العظيم حالكم يضحك مووووووووووووووووت اول يوم كده اومال بعدين هتعملوا ايه ربنا يكون في عونكم بجد حالكم يصعب عل الكافر هههههههههه اولا حوار ان الدكتور ميجيش ده عااااااااااادي خالص خالص احنا مرة الدكتور مجاش سبع محاضرات ورا بعض وادانا المنهج في اربع قعدات زي الفل وحوار انكم تحضروا وتكتبوا وتفهموا ده يبقى هتفشلوا وش لأنك يا تكتب يا تفهم والله بجد انتو تجيبوا ورق من بره بتاع ناس قبلكم وتحضروا بيه عشا تفهموا مش تكتبوا اما حوار الطوابير دي انا مش عارف ايييييييييييه كأنكم واقفين في طوابير عيش ههههههههه طوابير اايه وبتاع ايه ههههههه اما queeno اللي ماشية تتلزق في الناس هههههههههههه والله مضحكة جدا كل شوية تتلزقي في حد هههههههههههه خالد شافك وتلاقيه عمال يضحك ههههههههه نيجي بقى لشباب صيدلة هبة ونور نمسك واحدة واحدة في اول يوم اقتباس:
اقتباس:
|
نسيت اقولك صح يا هبة
يا ريت لو تقوليلي المواد اللي عندك في اعدادي ايه وانتي نظامك ايه اعدادي اولى تانية تالتة رابعة ولا اولى تانية تالتة رابعة خامسة وهل انتي صيدلة عادي ولا كلينيكال فارماسي ونور نفس الكلام ههههههههه اقتباس:
|
انتم متأكدين انكم بتتكلموا عن كلية صيدلة
صيدلة اليكس وغيره بالنسبالنا صفر ع الشمال !! تعالوا شوفوا دفعة إعدادي اخدت قد إيه في أول إسبوع :d تقريباً اليكس والقاهرة عضمهم طري شويتين :d ويا جماعة قولتها مليون مرة مش هتستفادوا من كتر الكلام حاجا هتتكلموا وبعدين :d كلام ملوش لازمة انا لو قولت اللي اخدته في أول إسبوع هجيبلكم صعق وشلل كُلي ورعاش :d فبلاش انا عن نفسي عارف نظام كُليتي كل كُلية في مصر ليها لايحة خاصة بيها وليها دراستها المُستقلة كلية اداب كلية تربية مفيش كلية سهلة لازم الواحد يزاكر ويحضر ويفهم ويجي على نفسه في حاجات كتير عشان يوصل لمستقبل وردي ومُحترم هتقعدوا ترغوا وتتكلموا محدش هيوصل لحاجا |
اهلا بكم مرة اخرى مع يوميات طالب فاشل
النهاردة اول يوم ف الاسبوع التانى على التوازى و الحمد لله الواحد بدأ يفهم شوية و بصراحة اكتر دكتور فهمت منه بتاع الكومبيوتر و الmath برضه طشاش كده ههههههههه اما المحاضرة التالتة ف كالمعتاد انا وهند زحلقناها و بكل فخر واضح ان اليوم ابو تلات محاضرات ده دايما المحارة التالتة ملهاش نصيب معانا هو احنا فاضيين يا جدعان ورانا مشاغل و بيزنس ولا ايه يا هند ؟؟ ههههههههههههههههههه القاكم غدا في لقاء اخر ان شاء الله و اسمع الحلى سلام للدكتور طارق غلوش و تحيا مصر |
اقتباس:
انا جيت ادخل محاضره accounting معادها الساعة 12 لقيت الدكتور دخل 11.30 ورحتله 12 قالى روح :o:o بالنسبة لمحاضرة الكمبيوتر دى عيطة اساسا اول ما دخلت فكرت والله دى مش كليتى لأنى مكنتش اعرف انى عليا كمبيوتر وبالنسبة للماث خدنا 50 مسألة واجب من غير كتاب وكان بيدينا معادلات كده نحلها وهو يشوفها و O.P الدكتور اللى هو العميد مش راضى حتى يقول اسمه بالعربى وهو يشرح واحنا نضحك ويقول انا بقولوكو simple English ياالاه مع السلامو عليكو |
اقتباس:
يمكن بس اظن ان ده حال الجميع بعد اول اسبوع من الكليه وبعدين الناس هنا داخله تتكلم .. تفضفض شوية عن الحزن والاكتئاب ايه المشكلة بأه ؟؟ انا قصدى يعنى مش حنستفيد حاجه صحيح بس برده مش حنخسر حاجه واهو ترويح عن النفس |
يا هبه
محمد قصده باطفال ان انتو لسه معندكوش خبره لان انكو متفهموش فى الاول او كده ده احساس طبيعى جدا جدا جدا لو فهمتو يبقو انتو اللى مش طبيعيين:d و كمان قصده ان انتو بعد كده هتتضحكو على نفسكو اما تفتكرو ان اول يوم فى الكليه جالكو فيه اكتئاب لان لسه اللى جاى اسخن و اسخن:D بس اهم حاجه انكو متستهتروش او متيأسوش و العمليه ادام هتبقى حلوه انا بقولك فضلت شهرين على الحال ده مش فاهم حاجه و الحمد لله جبت امتياز و صيدله لذيذه بس عايزه شغل و مينفعش معاها استهتار بس كده سلام |
على فكرة انا الحمد لله بفهم الكلام اللى بيتقال
صحيح مش 100% بس بفهم كويس الحمد لله ان شاء اللع نفيش استهتار ده انا بقول استحاله اغيب من المحاضرات عشان مش عارفه حجيبها منين لو غبت بالنسبة لجمبو ... احنا عندنا اعدادى واولى وتانية وتالته ورابعه وبناخد physics chemistry متقسم لاجزاء طبعا botany zoology واخيرا لغه والبوتانى والزولوجى متقسمين طبعا لاجزاء دعواتكم يا شباب لا اله الا الله اه كنت حنسى مرسى يا اموو للتوضيح جزاك الله خيرا |
طيب تمام اوى يا هبه
كويس انك بتفهمى بدرى و تمام كده اهتمى بالمحاضرات و لو عرفتى تكتبى ورا الدكاتره يبقى حلو اوى ربنا معاكى يا رب ايانا و اياكى اه كمان خلى بالك من الزولوجى و البوتانى عشان رخمين:d |
u have 2 Choices Write Or understand What The Drs Said :D دا كلامي وفعلاً دا كلام ناس ياما يا تفهمي يا تكتبي التبييض ملوش لازمة بجد اصله تضييع وقت المهم الــ Key Words تقدري تطلعي من المحاضرة شوية Key Words تساعدك وانتي بتزاكري بعض الأجزاء الدكاترة بيقولوا عليها انها نوت N.B مش في الكتاب فكدا كدا بيمليكم انكم تكتبوها وبيقول انها مُهمة جداً بس مش كُل كلام الدكاترة بيتم ميجيش دكتور يقولكم النقطة دي very very very very important وتقولي خلاص خبط لزق في الأمتحان لزم انا بتكلم عن تجارب شخصية بحتة بالنسبة للمزاكرة انا قولت قدامكم تلات خيارات الأول : كتاب الدكتور ــ ومش بحبذ المذاكرة منه يسد النفس ــ التانية : ورق المُحاضرات اللي بيتكتب ـ تقدري تصوري من صحابك او فيه ناس بتودي الورق بتاع المحاضرات المكاتب يتصور ويتساب نسخ هناك زي عندنا في طنطا التالتة : ورق الكورسات ولو مادة صعبة ومجمعتيش من التلات مصادر دول فنصيحة اخوية تاخدي فيها كورس دُغري ومتقاوحيش وتقولي هزاكر لوحدي امممم فيه بأى حاجا اسمها الخرائط الذهنية دي قريتها في موقع كُليتي صراحةً طبعاً المصطلح بيقول ان اسمها Mind Maps ودي طريقة للمذاكرة نسبة النجاح فيها 98 في المية Perfect :) شرح الطريقة ــ منقولة من الجمعية العلمية الصيدلية لجامعة طنطا أكيد ــ وكانوا بيتكلموا عن مادة الفسيولوجي فانا هنقل الكلام بمحتواه كاملاً ـــ The Mind Map ـــــ الأول أدوات كتابة المادة اللي بنذاكر منها بيبقى حاجة من الآتي : 1-linear pattern بمعنى إن الكلام بيبقى مكتوب كامل في خطوط عرضية --> كتاب الفسيولوجي 2-Symbols بمعنى إستخدام الرموز وتقصير الجمل --> ورق الكورس http://img505.imageshack.us/img505/7880/stylezc2.jpg وستايل الكتابة بيبقى حاجة من الأتي : 1-Narrating Style اللي هو كلام مرصوص جنب بعضه -->كتاب الفسيولوجي 2-List Style اللي هو هنشيل الكلام اللي مش مهم أوي ونرتب الكلام في شكل سطور 3- Outline Numerical هو زي الList Styleبس زيادة عليه الترقيم والترتيب .=>ورق الكورس طيب بعد ماعرفنا كده ، نقول إن المخ البشري بيستخدم أدوات كتير في تخزين المعلومة وإحنا بطريقة مذاكرتنا التقليدية بنستغنى عن أدوات كتير زي 1-Visual Rhythm 2- Color لاحظو النقطة دي لو دخلتوا مثلاً موضوع في المنتدى طويل وبلون واحد ومرصوص جنب بعضه هتقفل الموضوع على طول لكن لو ملون ومنسق المخ بيتقبله بشكل أحسن 3-Image برضه في المنتدى موضوع بصورة غير موضوع بدون صورة .. بيبقى الموضوع اللي فيه الصورة أكثر تأثيراً على المخ 4-Visualizatoion 5-Dimension طبعاً شرح كل عنصر فيهم عاوز مادة علمية كبيرة وممكن أبقى أوفرها بس مش دلوقتي أكيد بس يهمني نعرف إن كل دي عناصر غايبة عن الصورة ! مش بس كده عيوبها كمان إنها 1-Obsecure Key words بمعنى إننا بنقرا كلام كتير ومش بنركز على الKeywords المهمة ، فممكن نفتكر كلمات أقل أهمية من الكلمة الرئيسية في الفكرة . 2-They Make it Difficult To Remember الطريقة الأحادية اللون في المذاكرة "مملة " للمخ .. وبتؤدي إلى صعوبة في التذكر عشان كده المخ بيرفضها ومش بيبقى عاوز يفتكرها بالإضافة إن الطريقة التقليدية في الورق اللي بنذاكر منه كلها بتبقى لستات لا نهائية من المعلومات فبيبقى كله شبه بعضه وبيبقى صعب جداً نفتكر بسهولة ومن غير إرهاق 3-They Waste Time الطريقة العادية في الورق بتضيعلنا الوقت .. ليه ؟ أقولك الKeywords زي ماقلنا بتوه في وسط الكلام ، وبنضطر نقرا الكلام أكتر من مرة وفيه كلام أقل أهمية بنركز عليه بدل الأفكار الرئيسية بنتوه وسط النقط وبنقف فجأة نسأل نفسينا .. هو إحنا فين أساساً ؟؟ 4-They fail to stimulate Brain Creativity المخ بتاعنا مش عاوز الملل ، بيحب الإبتكار .. فلما نجبره على قراءة الصفح بشكلها الممل بنقلل الإبداع فيه المخ بيحب يعمل إرتباطات وعلاقات .. وبيحب الطرق االإبتكارية .. كده عرفنا إنه إحنا بنستخدم إمكانيات قليلة جداً من المخ بتاعنا وكمان بنضايقه بطريقة مذاكرة مملة .. .. فالمطلوب طريقة للكتابة والمذاكرة تستخدم أكبر قدر ممكن من الأدوات المتاحة وبالتالي سهولة التذكر والطريقة دي هي الMind Map طيب إزاي بتتغلب الmind map على العيوب دي .. 1-Time Saved By noting Only Relevant words 50 : 90 % 2-Concentrating on REAL issues enhanced 3-Essential Keywords more EASILY يعني نقدر نلاحظ الكلمات الأساسية بسهولة في مخنا .. 4- Clear association made between keywords عملية ربط بين الكلمات . 5-The Brain Find it easier to accept and remember VISUALLY stimulating , multi colored , multi- dimensional Mind Maps, rather than Monotonus BORING linear notes http://upload.wikimedia.org/wikipedi...pGuidlines.JPG |
طب كويس يا جماعة انكو بتساعدو بعض حبيت الروح دي فيكم جدا وطبعا كلنا عارفين ان زمايلنا طلبة الجامعة بيبقو قاعدين ف المحاضرات فاهمين ومجمعين بس احنا هنا بنهجص شوية :p:D واهي ف الاخر فضفضة المهم انك تكون ف الاخر مستريح
والاخ بري بجد حلوة فعلا ال mind map ياريت تعمل بمشاركتك موضوع لوحده عشان ناس اكتر تقدر تستفيد بيه جزاكم الله كل خير بجد |
لأ نزلي انتي الموضوع يا طالبة
عشان بيحصل مشاكل ومواضيعي بتتشال :d فنزليه انتي وانا مديكي حق النشر ليه لاني اصلاً ناقله :) |
على الفيتو بتغير
انت امريكانى ياض يا برى ولا تبع تنظيم حلق حوش:d |
:d حلق حوش :d
مش هرد عليكـ اسمها الفيتو هو دا اسمها اقولها لأ ـــــ ثانيا ايه رأيك في الخرائط الذهنية وشكـ |
ايه يا عم بري الكلام الكبير ده
لما انا اللي في صيدلة في حاجات بسيطة سقطت مني ههههههههههههههههههه اما كان ليا تعليق على كلمة اتقالت من الأخت هبة هيه اقتباس:
ايمو (ايمن) ههههههه معلشي عادي بتحصل في احسن العائلات يا هبة:d:d |
مع اني مش فاهمة حاجة م الحوارات اللي فوق دي لكن ليه يا بري بيشيلو مواضيعك انت معادي للنظام ولا ايه ؟! انا برضه بلاقي ردود اتحذفتلي مش بابقى عارفة برضه ليه
منورين الموضوع يا جماعة نتابع اليوميات |
اصل الاداره بتعتبر البرى منبوذ:D:D:d:D:D:D
|
حاطينه في دماغهم:d:d:d:d:d:d:d:d:d:d:d
|
الجامعة عندنا واخدة أجازة
:d ما رحتش غير يومين بس إللي كان فيهم محاضرات الأسبوع إللي فات وفيه دكاترة مديها طناش من أولها والعيال فرحانين زي العبد لله وكان المفروض يكون فيه يوم السبت بس أجزوا برضه والله بجد بجد شكلها سنة ظريفة أوي :d |
:D حلاوتكـ يا بو صلاح
بالنسبة ليا يا محتاسة :D تعرفي هي تفرقة عُنصرية :D :lol: |
اليوم السبعين الف
ولا زلنا على الحالة نفسها من الملل ووجع الرجلين وشكلنا مش هناخد هندسة كيميائية السنة دى:d |
اقتباس:
انتم السابقون ونحن باذن الله لاحقون ساكنييييين فى عالم يعشق الخطر |
:d لأ يا رحمة براحة عليهم بأى :d
يتخضوا هبأى احكيلكم بس لما الأجازة تيجي :d |
| جميع الأوقات بتوقيت GMT +2. الساعة الآن 07:59 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.