|
هات فلوس الشعب المقهور واحنا هنقولك برضه ارحل
|
الفساد فى مصر فى عهد مبارك بصورة غير مسبوقة، و هذة بعض من ألوانة و صورة:
1- فساد نجلى رئيس الجمهورية يشارك كل من علاء و جمال مبارك على سبيل الرشوة و البلطجة بحصص مجانية تتراوح من 25 الى 50 بالمائة فى رأس مال كبرى الشركات التجارية و الصناعية بمصر و كان من نتيجة ذلك أن هذة الشركات أصبح يتهددها خطر الافلاس و الانهيار وقد تم طرد نسبة كبيرة من العاملين بها مما أسهم فى زيادة نسبة البطالة و ارتفاع معدلات الكساد. و من هذة الشركات: مارلبورو(منصور) ، سكودا (شفيق جبر) ، العز (أحمد عز) ، دريم ( أحمد بهجت) ، اية أر تى (صالح كامل) ، فرست (كامل والخولى) ، موفينبيك ( حسين سالم) ، مترو (منصور) ، التجارى (الملوانى) ، فودافون (نصير) ، سيراميكا (أبو العنين) ، النساجون (خميس) ، موبينيل (ساويرس) و غيرها. و كان الأخوين مبارك قد فتحا خزائن البنوك على مصرعيها لشركائهما يغترفون منها ما شاءوا دون أى ضمانات و دون أى مساءلة من النيابة مثل غيرهم من مقترضى أموال البنوك بالرغم أن مديونيات شركاء ولدى الريس تعدت خمسين مليار جنية. هذا و يشارك كل من علاء و جمال بحصص مجانية مختلفة فى أعمال غير مشروعة مثل غسيل الأموال مع الشبوكشى و الشربتلى و صالح كامل و تهريب المخدرات مع أخوان منصور و أبناء عصمت السادات و تهريب الأثار مع زاهى حواس و كمال الشاذلى و الاتجار فى السلاح مع الخولى و سالم و غيرها 2- فساد زوجة رئيس الجمهورية سوزان مبارك رئيسة للمئات من الجمعيات الخيرية منها الحقيقى و منها الوهمى الغرض منها غير خيرى بالمرة. فعلى سبيل المثال جمعيات سوزان لحماية الطفل لا تحمى أى طفل لان الطفل فى عهد زوجها يتم ******ة و تعذيبة جهارا نهارا فى أقسام الشرطة المتعين تغيير أسمها من أقسام الشرطة لتكون أفران الشرطة التى يعذب فيها المواطنين مثلما كان هتلر يعذب اليهود فى أفران أوشفيتس. ما هو اذن الغرض من كل هذة الجمعيات؟ تتلقى سوزان مبارك لانها زوجة رئيس الجمهورية تبرعات من كل دول العالم تبلغ فى المتوسط 5 ملايين دولار فى العام لكل جمعية ترأسها. فاذا عرفنا أن لسوزان أكثر من 50 جمعية رئيسية فان ذلك يعنى بأنها تتلقى تبرعات تبلغ 250 مليون دولار سنويا تذهب الى حساباتها السرية ببنوك سويسرا. و كانت سوزان وراء استصدار قرارا عسكريا فى عام 1992 يحظر على الجمعيات الأهلية تلقى أى تبرعات من الخارج و ذلك حتى تنفرد هى وولدها جمال بكل التبرعات الواردة من الخارج فجمال مثل أمة يهوى لعبة الجمعيات الوهمية و التبرعات و هو لدية عدد كبير من الجمعيات التى تتلقى الملايين كل عام منها جمعية المستقبل و جمعية أصدقاء المستقبل و غيرها 3- فساد رئيس الجمهورية منذ ******ة للسلطة فى عام 81 يستصدر حسنى مبارك من مجلس الشعب قرارا دوريا لة قوة القانون بتفويضة بالتعاقد على الأسلحة التى قد تحتاجها مصر دون الرجوع الى المجلس. و هذا الاجراء الذى لا يوجد لة أى مثيل فى أى دولة أخرى فى العالم هو قمة الفساد بعينة فمبارك ينصب من نفسة تاجرا وحيدا للسلاح فى مصر يقرر وحدة نوع و كمية السلاح الذى تحتاجة مصر و يقرر أيضا الجهات التى يتعاقد معها و الأسعار التى يتعاقد بها كل ذلك دون حسيب أو رقيب أو معقب و كأن مصر بلد أمة. الا يجعل ذلك رئيس و أعضاء مجلس الشعب القابعين تحت القبة قوادين و مخنثين و خونة؟ الا يقول لسان حال مبارك و العالم أجمع أننا شعب خانع و جبان و أشياء أخرى لاننا نشاهد دون اعتراض هذا العور و الفجور؟ 4- فساد الوزراء 5- فساد جهاز الشرطة جنية الشرطة جبس لا يفك. رجال الشرطة يشترون لوازمهم و احتياجاتهم دون دفع ثمنها كل سائح يدخل المحروسة يدفع 20 دولار أتاوة للبهوات ضباط شرطة الجوازات كل سيارة أجرة ميكروباص فى مصر يمتلك حصة مجانية فيها ضابط شرطة ضباط شرطة السياحة خربوا الفنادق التى من المفروض أنهم يحمونها، فهم و عائلاتهم و أصدقائهم يأكلون و يشربون مجانا بهذة الفنادق كما أن هناك ضباط يؤجرون لحسابهم غرف تلك الفنادق مجهزة بساقطات للسياح العرب لممارسة الأعمال المنافية للآداب ادفع لكى تكتب محضر فى قسم الشرطة ادفع لضابط أو أمين شرطة لكى يقلب حياة جارك أو خصمك جحيم فى الليمان ادفع 10000جنية فى الليلة لكى تبيت فى فيلا بها تليفزيون و ماء ساخن كل راقصة و فنانة و ساقطة يبتزها ضابط شرطة لكى يقيم معها علاقة و لكى تقوم بالصرف علية ضباط الشرطة يسرقون نصف الأحراز و المضبوطات حتى لو كانت حشيش و كل ممتلكات الغير المخلفة من الزلازل و السيول و انهيار المساكن كما يسرقون مواد الاغاثة التى تصرف لضحاياها القبول فى كلية الشرطة ب 25000 جنية ادفع 50000 جنية لضابط جوازات ليحضر لك جواز سفر علية صورتك لكن باسم واحد تانى علشان تهرب من البلد ضباط الشرطة بالأقسام يستولون على أموال و ساعات و التليفونات المحمولة الخاصة بالمحتجزين و منهم من يتلذذ بتعذيبهم و آخرين ب******هم و اذا شكلك لم يعجب البية المأمور فانة بعد ضربك و عمل اللازم يحضر بمن يعتدى عليك جنسيا ليلا فى الحمام الملحق بغرفة الحجز أو فى مكتبة و هو بيتفرج اذا صادفت أى واقعة تمس الأمن القومى و أديت واجبك نحو وطنك بالابلاغ عنها لمباحث أمن الدولة أو المخابرات العامة أو الحربية فان البهوات الضباط سيشكرونك على وطنيتك و يطلبون منك كتابة كل التفاصيل مهما كانت فى ورق فلوسكاب من الحجم الكبير يصرفونة لك و بعد أن تفرغ من كتابة البلاغ التفصيلى سيأخذة منك الضباط و يقولون لك بأنك متهم بارتكاب الجريمة التى ذهبت بمحض ارادتك للابلاغ عنها و بأن ما كتبتة فى الورق الفلوسكاب هى اعترافاتك التفصيلية و بأنك كنت تحت المراقبة منذ الوهلة الأولى و سيتم احالتك محبوسا الى المحاكمة التى غالبا ما ستكون عسكرية و قد يحكم عليك بالاعدام وزير الداخلية و مدير و ضباط مكافحة المخدرات تصرف لهم رواتب مجزية جدا من كبار تجار المخدرات مثل عائلة محمد منصور و عائلة عفت السادات و عائلة قوتة و غيرهم. النبوى اسماعيل على سبيل المثال عندما خرج من الوزارة كانت المبالغ المتجمعة التى أودعت باسمة بأحد البنوك السويسرية 55 مليون دولار 6- فساد متنوع اذا اردت أن تكسب أى دعوى قضائية فعليك أن تدفع للقاضى و لا يهم ان كنت ظالما أو مظلوما أعطى ابنك درسا خصوصيا بالجامعة لكى ينجح و لرئيس القسم لكى ينجح بتفوق الشئ لزوم الشئ: كتب الوزارة مكتوبة عمدا باسلوب لا تستطيع معة فهمها فما بالك بابنك حتى تضطر الى شراء كتب خارجية و اعطاء ابنك دروس خصوصى . قانون الجمارك معقد جدا لكى تضطر الى الاستعانة بمستخلص يستطيع التفاهم مع رجال الجمارك و دفع المعلوم لهم لتخفيض قيمة الجمارك المستحقة عليك أو لمجرد تجنب رفعها بصورة مبالغ فيها مأمور الضرائب سيهدر دفاترك مهما كانت سليمة و سيبالغ فى تقديرة الجزافى للضرائب الواجب عليك دفعها لكى يبتزك و يضطرك الى دفع المعلوم مقابل تخفيض مبلغ الضرائب المستحق عليك الترقية و النقل بالمصالح و الهيئات الحكومية بثمن الذى قد يكون فى شكل هدية ثمينة أو مبلغ من المال أو علاقة جنسية. مأمور ضرائب المطرية دفع الى رئيس مصلحة الضرائب 300000 جنية ثمنا لنقلة ليكون مأمور ضرائب مصر الجديدة. مذيعات ماسبيرو يدفعن رشاوى جنسية للترقى أو للنقل و من فقدت جمالها بفعل عامل الزمن أو التخمة مسموح لها بتقديم الصغيرة الممشوقة موظفى قناة السويس و الجمارك و ضباط المسطحات و العاملين بالهيئات المتصل عملها بقناة السويس يمرغون اسم و سمعة مصر فى الوحل اذ انهم يبتزون الأموال و السجائر و الخمور من كل باخرة تعبر قناة السويس و عبارة جيفيت باكشيش لم تأتى من فراغ موظفى الأحياء و الحكم المحلى الأكثر فسادا لا يؤدون واجباتهم الوظيفية الا بمعلوم و يؤدون أعمال غير قانونية بمعلوم أكبر. مخالفة الارتفاعات بدءا من 100000 جنية. ادخال مرافق و خدمات فى عقار مخالف 50000 جنية. عمل محاضر مخالفات كيدية لجيرانك من 5000 جنية. التغاضى عن البروز من 50000 جنية. يتم الاتفاق على خلاف ذلك من أعمال اسعار متنوعة: شهادة طبية حسب الطلب بدءا من 200 جنية. شهادة اعفاء من الخدمة العسكرية 10000جنية. شهادة زور بدءا من 200 جنية. شهادة دكتوراة 5000 جنية. رخصة قيادة بدون اختبار 200 جنية. فيش و تشبية حسب الطلب 1000 جنية. شهادة مخالصة من الضرائب 500 جنية. تغيير فى الوقائع و الأقوال فى محاضر الضبط و التحقيق بدءا من 1000 جنية |
الأهرام"... العادلي لمبارك : "خلي الجيش ينفعك"
الثلاثاء 15 فبراير - 04:08مساء عدد التعليقات : 0 ارسل لصديق طباعة حجم النص: http://www.el-wasat.com/portal/templ...g/txt_plus.gif | http://www.el-wasat.com/portal/templ.../txt_minus.gif http://www.el-wasat.com/portal/uploa...1297786082.jpg "الأهرام"... العادلي لمبارك : "خلي الجيش ينفعك" كشفت صحيفة "الأهرام" في عددها الصادر الاثنين تفاصيل تعامل نظام الرئيس مبارك مع الثورة منذ انطلاقها في 25 يناير حتى لحظه اعلان مبارك تنحيه عن منصبه الذي استمر فيه 30 عاما. وتقول الصحيفة القومية: "وصل إلى الرئيس حسني مبارك قبل الثلاثاء 25 يناير من اللواء حبيب العادلي وزير الداخلية السابق تقارير تقلل من قيمة المظاهرة وقدرتها وأنهم مجرد شوية عيال يمكن احتواؤهم.. الموقف تحت السيطرة.. ولن توجد ثمة مشكلة. وأشارت الصحيفة الى انه مساء الاثنين رفع أحد الوزراء سماعة تليفونه الخاص الواصل إلى رئاسة الجمهورية، واقترح أن يعلن الرئيس تعديلا وزاريا يشمل15 وزيرا على الأقل، وقال بالنص 15 واحد مننا يلبسوا الجلاليب ويقعدوا في البيت، ونحل المشكلة.. كان الرد: بعد ربع ساعة سنرد عليك.. جاء الرد: سيبوا الموضوع لحبيب العادلي. وتقول "الأهرام" حبيب العادلي الذي توحشت سلطاته بدرجة مذهلة، استطاع أن يجنب شخصية قوية جدا للغاية، ويهمش دورها فانحصر كله في ملفات خارجية، مستغلا أخطاء وخطايا وقع فيها هذا المسئول ورتبها في ملف خاص عرضه على الرئيس وسوزان وجمال، وهو ما لقي هوى وقبولا من الزوجة والابن الطامح في منصب الرئيس ويريد أن يزيح من أمامه أي منافسة محتملة. والواضح أن الأهرام تقصد هنا مدير المخابرات المصرية اللواء عمر سليمان الذي عينه مبارك نائبا لرئيس الجمهورية أثناء الأزمة، وتقول إنه جرى قصقصة ريشه على مدى سنوات بعدم التجديد لرجال ذوي ولاء وخبرات خرجوا على المعاش من مؤسسته بالتدريج. وأفردت يد حبيب العادلي في التعامل مع مظاهرات 25 يناير سياسيا وإعلاميا، فقد أرسل خطابا إلى اتحاد الإذاعة والتلفزيون فيه تعليمات صارمة وأوامر مباشرة بالكيفية التي تجري بها تغطية الأحداث، ولم يكن يجرؤ أحد على معارضته. وحدث ما حدث يوم 25 يناير، ونجحت المظاهرات، وبرر حبيب العادلي للرئيس مبارك المفاجأة بأن جماعة الإخوان حشدت شبابها بتعليمات من الخارج رصدت الداخلية بعضها على أجهزة الموبايل مثل اجعلوا الولادة متأخرة..لا تدعوا الأم واقفة في مكان واحد فالحركة لها مفيدة جدا. وتقول الصحيفة: "وهذا هو سر قطع الاتصالات المحمولة لمدة يومين والرسائل لمدة تسعة أيام. وهذا النجاح أغضب حبيب العادلي، فتعامل مع جمعة الغضب كما لو أن المظاهرات تحد شخصي له". و"لم يستوعب العادلي ما حدث.. فوقع العنف المفرط والقتل ضد شباب أعزل، وفي عصر يوم الجمعة الموفق 28 يناير وفي ظل العنف الذي تمارسه قواته ضد المتظاهرين أرسل حبيب العادلي بيانا إلى أسامة الشيخ رئيس اتحاد الإذاعة والتلفزيون لإذاعته فورا على الهواء، لكن المسئولين لم يقدروا على إذاعته فقد وجدوه مستفزا جدا للناس، فمرروا البيان إلى القصر الجمهوري". وكان البيان يتحدث عن دور الإخوان المسلمين، ويحملهم مسئولية العنف، وأن الشرطة سوف تتعامل بمنتهى القسوة مع المتظاهرين، وأنها مضطرة للدفاع عن نفسها ضد الاعتداءات المقصودة التي تتعرض لها لإسقاط هيبة الدولة وإشاعة الفوضى. واضافت الصحيفة أن بعد دقائق من وصول البيان إلى رئاسة الجمهورية، رن تليفون حبيب العادلي الخاص، كان على الطرف الآخر الرئيس مبارك الذي راح يعنفه ويوبخه ويسبه بألفاظ حادة ونابية. وأغلق المكالمة وهو يقول له: خلاص حنزل الجيش يساعدك وحيتفاهم مع الناس أكثر منك ". وما ان انتهت المكالمة الا وتمتم العادلي بكلمات قال فيها "خلاص خلي الجيش ينفعلك ، وكان بجوار العادلي عدد من ضباطه ومعاونيه الكبار، ثم أعطى أوامر بإخلاء الأماكن أمام قوات الجيش. الجيش نزل امشوا أنتم!. مع الإخلاء تحركت مجموعات اقتحام السجون السبعة.. مستعملة أسلوبا واحدا: نيران كثيفة، بلدوزرات لهدم الأسوار، طلقات الـ آر.بي.جي، وفتحت الزنازين بمرزبات قوية. وفي التفاصيل التي نشرتها الأهرام فقد انتقلت إدارة الأزمة مع الثورة الشعبية من الداخلية إلى رئاسة الجمهورية. بالتحديد مع أربعة أشخاص: الرئيس مبارك والسيد عمر سليمان والسيد زكريا عزمي والسيد جمال مبارك وتتابعها عن كثب وتشارك أحيانا السيدة سوزان مبارك، وكان السيد جمال مبارك الأعلى صوتا وكفة. وتشير الصحيفة إلى ان بيان الرئيس الأول خرج وهو يتصور أنه يطمئن الناس على الأحوال، وكان تقدير الموقف خاطئا للغاية، فقرر تعديل الوزارة وتعيين نائب للرئيس، لكن بعد أن تجاوزت حركة الثورة الشعبية، هذا النوع من القرارات الترميمية بمسافة واسعة، فلم تتوقف المظاهرات على عكس التوقعات، وكانت المظاهرة المليونية يوم الثلاثاء مفاجأة المفاجآت. وحسبها فقد كان اليبان الثاني هو الأقرب إلى وجدان الناس، بعد دغدغة الخطاب مشاعرهم، لأنه تحدث عن الموت على أرض الوطن، ولاح في الأفق قبول المصريين لفكرة بقاء الرئيس في السلطة. لكن على نفس الجانب من السلطة فكر أصحاب المصالح الذين استحلبوا مصر ونهبوها في استغلال الموقف الطارئ الجديد، وهم خليط من رجال أعمال ونواب في البرلمان المطعون في شرفه وشرعيته وأعضاء في الحزب الوطني، فكروا أن باستطاعتهم أن يقلبوا الموازين، ووقعت فضيحة معركة الجمل الشهيرة، التي لو جرى فيها تحقيق نزيه..لتكشفت حقائق كثيرة مفزعة. وتؤكد الصحيفة المصرية أن فضيحة معركة الجمل رفعت سقف مطالب الثورة، بعد أن نزعت التعاطف الذي أحدثه بيان الرئيس، وحدث ارتباك هائل في القصر الرئاسي، إلى درجة العجز سواء في الفهم أو التعامل. وتقول: "وصل القرار إلى التنحي.. وكان سيعلن مساء الخميس 10 فبراير/ شباط، لكن السيد جمال أقنع والده بمحاولة أخيرة، وهي الخروج على الناس بحزمة إجراءات إصلاحية جيدة، مع نقل الصلاحيات إلى نائب الرئيس عمر سليمان.. وبقي السؤال: ماذا يقول الرئيس في البيان؟ اقترح بعض المقربين من الرئيس أن يكون البيان ناعما وعاطفيا، لكن كان لجمال مبارك رأي آخر، أدخله على البيان، فخرج بالشكل الذي أشعل حريقا مرعبا من الغضب في الصدور والعقول، وفشلت المحاولة، وجاءت لحظة النهاية. قرار تكليف القوات المسلحة بعمل الرئيس". صفقات مشبوهة وفي اطار الكشف المستمر منذ سقوط النظام عن قصص الفساد التي تورط فيها عدد من الوزراء السابقين ورجال الأعمال وأصحاب النفوذ. قالت "الأهرام" "بدأت مارينا العلمين البوح بأسرار الصفقات المشبوهة التي حصل من خلالها الفاسدون علي قصور وفيلات وأراض بعضها بالمجان, والآخر بالتلاعب بالقوانين. وسجلات وملفات هيئة المجتمعات العمرانية, وبنك التعمير والإسكان تكشف عن استغلال الفاسدين نفوذهم في التربح وإهدار المال العام, واستباحة أموال الشعب. فقد حصل الدكتور زكريا عزمي، رئيس ديوان رئيس الجمهورية السابق، علي أربع فيلات بالتخصيص المباشر في المنطقة 22 بمارينا لسان الوزراء بعضها دون مقابل, بينما حصل حبيب العادلي، وزير الداخلية السابق ، علي ثلاث فيلات بالتخصيص المباشر بالمنطقة 22 أيضا, وأخري بالمنطقة السابعة, وقصر بمنتجع هايسيندا. أما زهير جرانة ، وزير السياحة السابق ، فحصل علي999 ألفا و600 متر مربع بسعر دولار واحد للمتر, وأنشأ عليها قرية ألماظة' التي باعها بمليارات الجنيهات, وتقع قبل مطروح بنحو 38 كيلومترا. ونجح الدكتور حاتم الجبلي ، وزير الصحة السابق ، في الحصول علي ستة آلاف متر مربع بالمنطقة14 في مارينا بسعر 400 جنيه للمتر, لم يسدد منها مليما واحدا. وحصل صفوت الشريف ، الأمين العام السابق للحزب الوطني ، علي قصرين بالأمر المباشر في مارينا بالمنطقتين 22 و24 أما محمد إبراهيم سليمان ، وزير الإسكان الأسبق ، فخصص لنفسه أربعة قصور دون مقابل, كما خصص فيلتين لشقيقه أحمد, وأخري لشقيق زوجته ضياء المنيري. وحصل الدكتور صبري الشبراوي ، رئيس لجنة التنمية البشرية بمجلس الشوري ، علي فيلا بمارينا, واستولي علي الحديقة العامة المجاورة ،مساحتها ألفا متر، وضمها للفيلا. وحصلت هايدي مجدي راسخ زوجة علاء مبارك نجل الرئيس السابق علي أكبر قصرين في مارينا, بالتخصيص بالأمر المباشر علي أنهما أرض فضاء بسعر زهيد, وهما في الحقيقة قصران كاملا التشطيب وقد باعتهما بملايين الجنيهات. |
ياريت الاخ بتاع الحزب اللى عايز يقول شكرا يكتب فى جوجل الفساد فى عهد مبارك ويقول رأيه على فكرة المشاركة بتاعت حبيب العدلى من الاهرام
|
|
الكلام ده للصحفية / نوارة نجم بنت الشاعر احمد فؤاد نجم مالقتش احسن منه رد على موضوع حضرتك سمعت عن موضوع جمعة العرفان دي عرفان وتوديع لمبارك، عشان يقولوا له شكرا انا كمان عايزة اشكر مبارك شكرا يا مبارك على انك خدمت البلد تلاتين سنة شكرا لأنك دمرت الصناعة المصرية وفككت القطاع العام وبعته للمستثمرين وخربت بيوت العمال شكرا انك حولت المواطن المصري من مزارع وصانع لسواق توك توك شكرا على تجريف الاراضي شكرا على ان السفارة المصري في اي حتة في العالم هي بالنسبة لاي مصري مهاجر او مقيم في الخارج بوابة جهنم لحد ما بقى كل الناس تستهين بينا وتسترخصنا شكرا على انك كسرت نفس الصعايدة وقعدت عشر سنين تطحن في كرامتهم لما خليتهم مش حاسين ان البلد بلدهم وبقوا حاسين ان اهالي بحري دول قوات احتلال شكرا على انك حاربت الارهاب.. امال، انا فاكرة كويس قوي حربك على الارهاب، لما كنت بتقتل شباب زي الورد في الشارع وياخدوا بصمات الجثث ويبتدوا التحقيق..... مع الجثث شكرا على انك عشان تحارب الارهاب خلقت تجار مخدرات وبلطجية في الصعيد كانوا بيكسروا نفس الناس وينيموهم من المغرب شكرا انك عشان تقسم الصعيد على نفسه خلقت فتنة طائفية وكرهت المسلمين والمسيحيين في بعض (في بداية الحرب على الارهاب في الصعيد، الجماعات الاسلامية كانوا بيروحوا يستخبوا في بيوت المسيحيين عشان بيتناصحوا يعني على الامن، والمسيحيين زي اي صعايدة، اللي يستغيث بيهم لازم ينجدوه، فلما عرف عمل كام حاجة تقوم المسيحيين على المسلمين وتخوفهم، ومن ضمنها مثلا ان المسئول عن مذبحة الكشح ما يتحاسبش، والله اعلم بقى مين اللي عملها، اكيد هم مدام هم اللي فجروا القديسين، ومدام اللي عملها ما اتمسكش، واجبر بعض المسيحيين انهم يشتغلوا مع الامن، وخلا الامن يسرب خبر ان مسيحيين بيشتغلوا مع الامن للمسلمين وشعللها وخلاهم مش طايقين بعض، مع انه كان داخل عليهم وهم سمنة على عسل حتى مع وجود الجماعات الاسلامية) شكرا انك بعد ما كسرت نفس الصعيد عشان تخلص على الجماعات الاسلامية قلت ان الايد البطالة نجسة ودرت على بقية مصر تكسر نفسها شكرا على انك قعدت قوات الامن في الصعيد كل السنين دي وما فكرتش ولا ثانية ان الصعايدة لابسين الجلاليب على اللحم وانهم بياكلوا طاقة واحدة في اليوم وان فيه ايام بتعدي عليهم من غير اكل.. ما كانش يهمك، كان يهمك تكسر نفسهم وتهينهم وتخليهم يا اما يشتغلوا مع الامن يا اما يبقوا تحت رحمة تجار المخدرات والبلطجية شكرا انك عممت التعذيب في كل قسم وفي كل مديرية امن لحد ما ظابط الشرطة المصري اقتنع تماما ان شغلته الاساسية انه يعذب الناس شكرا على سكان العشوائيات اللي بياكلوا من الزبالة وفضلت تكبر وتوسع فيهم واي حد يحاول يساعدهم تطفشه لانك محتاجهم في الانتخابات تشتري اصواتهم بوجبة وبطانية وشيرز شكرا على جوع الناس وانت عمال تكوم في سبعين مليار دولار شكرا على انك اشتغلت خدام للامريكا وقضيت تلاتين سنة تخدم المصالح الامريكية زي ما هيلاري بتقول وتذلنا احنا شكرا على انك فضحتنا وخليت اللي يسوى واللي ما يسواش يقول لنا يا عملاء امريكا يا عملاء اسرائيل شكرا على اننا بنشحت القمح شكرا على تقسيم السودان شكرا على فضيحتنا ايام حرب غزة وبقى العالم كله بيعمل مظاهرات قدام سفارتنا زي ما بيعملوا مظاهرات قدام سفارات اسرائيل وبقت راسنا احنا البلد اللي عمرها سبعتلاف سنة واتبنت على اكتاف الفلاحين والبنائين تتساوى براس ...... عمرها ستين سنة اللي اسسها مجموعة عصابات وخارجين عن القانون شكرا على اننا ذالين نفسنا ومصالحين اسرائيل وانت بتبعت عيالنا يموتوا في كل حتة، وتبعت عيالنا يموتوا في حرب العراق وايران وخناقة مالناش لا في تورها ولا طحينها وبعدين ترجع تبعتهم تاني يموتوا لما صدام احتل الكويت.. يوه، ينيلك يا راجل، مش انت اللي قعدت تدعم في صدام طول السنين دي؟ وتبعت العيال لافغانستان عشان تخلص منهم ولما يرجعوا تحكم عليهم بالاعدام، وتبعت بنفسك العيال للبوسنة ولما يرجعوا تعدمهم برضه، انت ما عندكش غيرنا تبعته يموت؟ واللي يرجع ما يموتش تموته بنفسك؟ ولما ما لقتش حتة تموتنا تاني فيها بقيت تبعتنا في عبارات .. اه، عبارة من اللي بيغرقوا دول شكرا على ان اول تصريح لك عن العبارة اتريقت عليها شكرا على انك سبت الف مصري يموتوا ما بعتش لهم توك توك وانت بتبعت طيارة انقاذ لحرائق اسرائيل وتركب ابنك علينا ويدلدل رجليه ويجيب صحابه يتسلوا علينا ويقلبونا في الفلوس وتعمل لنا فتنة طائفية وكل ما تحتاس تدبح لك جوز عتاقي مسيحيين وتلبس المسلمين والمسيحيين في بعض عشان تخلص منا كأن وجودنا في الحياة هو مشكلتك الوحيدة وتموت لنا الناس وهم خارجين في عيدهم وتدخل اللي قتلهم مجلس الشعب وتموت لنا الناس في ليلة راس السنة وتلبسها لبريء يموت من التعذيب وتدي امر بنفسك لقوات الامن انهم يفتحوا علينا الرصاص الحي شكرا شكرا شكرا ... مش عارفة اودي العرفان والوفاء فين ولا فين شكرا على فتح الرصاص الحي على عمال المحلة عشان عايزين عيش حاف يأكلوا بيه ولادهم وتعمل لنا علاوة الصبح وتضاعف سعر البنزين بعد الضهر شكرا على الشاب اللي مات جنبي على كوبري قصر النيل ومنظر الدم على جسمه ووشه مش عايز يفارق عينيا شكرا على انك تدي القوات المسلحة امر انهم يضربوا علينا رصاص حي ولولا انهم بني ادمين ومصريين كان زمانها بقت مدبحة وكان زمان البلد راحت في داهية ومش بعيد كان جالنا احتلال عشان انت ماسك في الكرسي ومش بعيد كان الجيش ضرب في بعضه... وانت يهمك ايه؟ ما نولع احنا وجيشنا وناسنا واهلنا وبلدنا المهم انت وفلوسنا اللي هربتها واللي طول فترة الثورة كنت بتعمل اتصالاتك عشان تأمنها شكرا على انك كنت بتسيبنا مذلولين مستنيين خطابك وانت قاعد على التليفون مع بن اليعازر تشكي له همك شكرا شكرا شكرا ايها الرئيس المخلوع محمد حسني مبارك |
يا جماعة مصر اكتر بلد فى العالم عندها بطاله شكرا لسيادة الرئيس محمد حسنى مبارك
|
على فكرة موضوع جوجل ده موضوع فكسان جدا لان جوجل بيترجم حرفى يعنى هبل مش لازم حتى نضيع وقتنا فيه
وبالنسبة لاسماء ووائل الاتنين وطنين جدا وبيحبوا مصر بس كل ده اشاعات علشان يشككوا الناس فى الانجاز اللى عملوه مع انى معترضه على تفكير وائل غنيم العاطفى وان ثقافته السياسية ضعيفة وبالنسبة بقى للرئيس فان للاسف المصريين طردوا الملك فاروق من مصر بس ماقدروش يطردوا فكرة الملكية من دماغهم |
أدعوكم للذهاب الى جمعة الوفاء ، وفاء لرئيس مصر السابق
بس قبل ماتروح جهز نفسك ، حاول تنسى حجم الاموال التى اتنهبت من مصر و قول لنفسك دى مش مسئوليته ، دول الحرامية اللى حواليه هم اللى عملوا كده حاول تنسى انه ماكانش ليه موقف واحد طول 30 سنة يخليك تحس بالفخر انه رئيسك و قول لنفسك كفاية الامن و الامان حاول تنسى وضع المصريين فى الخارج و ازاى اتهانوا فى عهده و قول لنفسك هم اللى عملوا فى نفسهم كدة حاول تنسى ان 40% من الشعب المصرى عايشين تحت خط الفقر و قول لنفسك كل العالم فيه فقراء حاول تنسى حال التعليم و قول لنفسك مانا اتعلمت كويس اهو حاول تنسى ضرب الناس فى الاقسام و تعذيبهم حتى الموت احيانا و قول لنفسك دول مجرمين و يستاهلوا حاول تنسى كم الامراض اللى بيعانى منها المصريين و قول لنفسك وهو ماله حاول تنسى عدم و جود عدالة فى... عهده و قول لنفسك مين اللى قال كدة حاول تنسى ان الناس ماكانتش لاقية عيش تاكله و قول لنفسك طب ماياكلوا اى حاجة تانية حاول تنسى تصدير الغاز لاسرائيل بأبخس الاثمان و المصريين مش لاقيين انبوبة بوتاجاز و قول نفسك مش مهم انا عندى غاز فى البيت حاول تنسى ان في مناطق كتير داخل العاصمة مش لاقيين مياه نظيفة يشربوها و قول لنفسك مايجيبوا مياه معدنية حاول تنسى الرشاوى اللى ياما كنت مجبر على دفعها عشان تخلص مصالحك و قول لنفسك دول غلابة و مرتباتهم صغيرة حاول تنسى الزبالة اللى فى كل حتة فى مصر و قول لنفسك الشعب اللى سلوكياته سيئة حاول تنسى ان مصر اصبحت فى عهده دولة غير زراعية و كمان غير صناعية و بنستورد كل حاجة و قول لنفسك بس فيه استثمارات كتير فى البلد حاول تنسى انه كان عايز يورثنا لابنه و كأن البلد بتاعته و قول لنفسك طب مانا مش شايف حد تانى ينفع حاول تنسى تزوير الانتخابات و قول لنفسك كدة احسن ما الاخوان يدخلوا مجلس الشعب حاول تنسى انه طفش معظم العلماء بره البلد و دول تلنية بتستفيد منهم و قول لنفسك محدش قالهم يسافروا حاول تنسى انحسار دور الازهر و الكنيسة في عهده و تبعيتهم وولائهم ليه و قول لنفسك ايه اللى دخل الدين فى السياسة حاول تنسى حال الاعلام المصرى فى عهده و قول مش احسن من الجزيره العميلة حاول تنسى حال الرياضة و عدم وجودنا على الخريطة فى كل الرياضات تقريبا و قول لنفسك امال 5 كاس امم دول ايه حاول تنسى علاقاتنا السيئة مع دول حوض النيل و ان مياه النيل حتضيع علي...نا و قول لنفسك ماهو فى مياه معدنية و أخيرا حاول تنسى دم الشهداء اللى ماتوا و هم مالهمش ذنب فى اى حاجة و مش عارف تقول لنفسك ايه حاول تنسى ان وفائك لواحد تسبب فى كل دة يعتبر خيانة على الاقل للشهداء من المواطنين و رجال الامن و قول لنفسك .... دى خيانة مشروعه |
اقتباس:
الرئيس مبارك قدم الكثيرين من ابناء مصر الشرفاء الاوفياء الى المحكمة العسكرية وانت تعرف كما يعرف الجميع ما هيا المحاكم العسكرية .... جميل ؟ احنا بقى بنحب الرئيس المخلوع ( من شعبه) وليس من قوة اخرى وعاوين نبيض وشه اقدامكل الدنيا يبى نعمل ايه ؟ نطالب بتقديمة لمحكمة مصرية محترمة عادية وليست عسكرية وهيا بق اللى تقول كلمتها اللى العالم كله يعرفها مسبقا وساعتها لو حصل المحكمة برأته ساعتها دا يون افضل تكريم للسيد الرئيس المخلوع ( بواسطة شعبه ) وليس الا شكرا احد شباب مصر المشاركين فى ثورة 25 يناير |
الشعب يريد محاكمة الفساد والفاسدين واولهم واكبرهم حبيبك انت بس لان معتقدش ان فى حد بيحبه غيرك وانصحك حاول تفتح ذهنك وتوسع ادراكك شويه اكيد هتعرف ان تفكيرك مش منطقى وشكرا على سعة صدرك وتقبلك للنقد
|
|
بحبك بحبك بحبك بحبك يامبارك رئيس جمهورية مصر العربية رغم أنف قناه الحظيرة
لابد من تكريم هذا الرمز ما يكتب عن ثروته ليس حقيقه أنا معاك فى هذه الفكره و التكريم البسيط |
كرامة مصر .......ههههههههههههههه كرامة مصر أصبحت دى بقت تراث ولم يعد لها وجود على يد القاتل مبارك قاتل المصريين فلتذهبوا أنت ومبارك إلى مزبلة التاريخ بطلوا نفاق بقي وبطلوا عمالة عهد مبارك انتهي وغار في ستين داهية
|
اقتباس:
|
الأساتذة/
منتصر-عبير-الشئ ال إسمها تامر إنتوا قريتوا الموضوع كويس إحنا بنقول من أجل مصر وكرامة مصر لأنها ثورة الشرفاء والكرامة والعزة لأن ديننا وأعرافنا وتقاليدنا تأمرنا بإكرام الكبير وعدم التشفي إننا ذاهبون يوم الجمعة18/2لنقول لرجل أمضى مع مصر خادماً لها بكل ما له من إيجابيات وسلبيات ويكفى أكثر من30 عاماً من الأمن والأمان( شكراً يا ريس) إخوانى ما قامت الثورة إلا لضمان حرية الرأى والتعبير وهذا رأينا ونرجو عدم الحجر عليه التوقيع أكثر من150ألف مشارك فى جروب (آسف يا ريس) سلام |
اقتباس:
كرامة ايه اللى بتتكلم عليها ده قتل 350 مصري بدم بارد وعايزننا نقوله سورى لا سورى انت بقي |
اقتباس:
اسمحلى المنطق بتاعك غرررررررررررررررريب ايه علاقة مصر وكرامتها باى اى اى شخص موجود على وجه الارض مصر كبيرة وكبيرة قوى وبالعكس كرامتها رجعتلها بعد ماكنا فقدناها الحمد لله وبعدين نبقى ندور على كرامته لما نرجع كرامة المدرس اللى باوامر من حضرته فضى خزينة التربية والتعليم وملا بها خزانه وزارة الداخليه لارهاب الناس وبقى المعلم فى عهده بلا اى قيمة انا عارفة ان الكلام مع حضرتكمالوش اهميه عندك لان حضرتك يمكن مانمتش فى الشارع مرة بعد ماصخرة الدويقة وقعت على بيتك او السيول فى اسوان وقعت بيتك ويمكن ماحدش من قرايبك اتشوى بالنار فى البحر الاحمر او اكلته الحيتان بعد مالعبارة غرقت بيه وماعرفتش تجيب حقه علشان صاحب العبارة ليه نفوذ فقدروا يهربوه او ان حضرتك ماقبلتش امين شرطة جرجرك من هدومك ولبسك قضية مخدرات اوسلاح او ضربك فى الشارع لحد مامت وهانروح بعيد ليه اكيد قلبك مش وجعك على ابن او اخ اضرب بالنار علشان بس طالع يقول انا عاوز بلدى تبقى احسن كفايه كدة علشان تعبت عموما ربنا يوفقك بس ياريت وانت طالع توصل لوالدك الرئيس السابق ان له عندنا امانة ولازم يرجعها لو بجد عايز الناس تتعاطف معاه |
يا جماعة المخطط انكشف قالوا الدخلية تم اعتقال وزير الداخلي قالوا الوزارة تم اقالة الوزارة قالوا الحزب الوطنى الحزب انحل قالوا مجلس الشعب ومجلس الشورى تم حل المجلسيين قالوا الدستور يتم تعديل االدستور............... عارفيين بيقولوا ايه دلوقت بيقولوا نخلى رئيس وزراء احنا نختاره عارفيين بيقولوا ايه دلوقت وائل عنيم و العمله اللى معاه بيشككوا فى نزاهة القوات المسلحة ........................ اللهم العنهم كما لعنت ابليس ...................... احنا مع الثورة مش مع وائل غنيم وامثاله ............. واحنا غيرنا النظام بس الرئيس مبارك لو كان طاغية زى ما البعض ما بيقول مكنش حد استحمله 30سنه احنا شعب مصر احنا احرار فى عهد مبارك أو فى عهد غيره احنا مكناش عبيد فى عهد مبارك واتحررنا دلوقت يا اساتذه مبارك كان انسان وانسان نقى قبل ان يكون رئيس وده رأينا فيه ولازم كل الناس تحترم رأينا لازم نكرم الرئيس .
|
يا جماعة الموضوع خاص هنفضل نعمل مظاهرة مرة علشان مبارك ومرة علشان الجو برد شوية ومرة ومرة ومرة........................ز
ارجوكم يا جماعة مصر بتنادينا ولنكمل ما بدأ حتى نحس بطم الثورة فى أفواهنا حفظ الله مصر من كل سوء |
علي المستوي الانساني اللهم اشفي الرئيس محمد حسني مبارك اللهم عافيه واعفوا عنه يارب العالمين
|
| جميع الأوقات بتوقيت GMT +2. الساعة الآن 01:00 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.