ولعلمك القانون مش هيتغير ولا اى حاجه احنا هنتعين على درجة معلم مساعد لحد ما نمتحن كادر وناخد درجة معلم واللى امتحن فعلا هيتعين على درجة معلم وياخد الكادر


انتي بكده وضحتي

يعني هيعينوكي معلم مساعد صح الكلام كده

نداء الى ام هيما ..........
اناليا واحد صحبى بيشتغل من 2006 بالحصة الى الان
هل الى شغال بالحصة لغاية دلوقتى هايتعين ولا لا ؟؟؟؟؟؟؟؟؟
كدة بقالة اكتر من 3 سنين ارجو الرد ولك جزيل الشكر يام هيما

لو سمحتوا انا اشتغلت بالحصة سنة2007وبعدين عقد لمعلم مساعد 2008-2010وجددت ل 2011 هل السنة اللى بالحصة دى هتتحسب علما بان السنة التى عملت بها بالحصة انتهت فى مايو 2008 واستلمت العقد يوليو 2008
ارجووووووووووووووووووووووو الرررررررررررررررررررررد

والله يا جماعه انا مش هفتى زى ما قلتلكم
بس هقول جمله سمعتها النهردة مرتين مرة من شئون العاملين بالمدرسة اللى لقت اسمى بين المعينين
ومرة من مسئول التعيينات بالإدارة
وهى ( اللى بقاله تلت سنين فأكثر بيشتغل فى التربية والتعليم هيتعين ) دا الكلام اللى سمعته
والصراحه كدة انا اول مرة اعرف انه فيه ناس شغاله بالحصة من 2006 لحد الآن إدارتنا مفيهاش غير العقود المميزة
ربنا يوفقكم يارب وتتعينوا قولوا يارب وتفاؤلوا خيرا



أبوة يا ابن الأكرمين صح كدة التعيين على درجة معلم مساعد حتى اجتياز الكادر ويتم التسكين على درجة معلم إن شاء الله

لو الكلام ده بجد يا ام هيما
هزعل برده علشان انا اشتغلت في 9 - 4 - 2009
الف مبروك يا جميل

انا اتمنى ميكنشى صح والله وكلنا نتعين

طب لية الكلام دة مكتوب على صفحة الاكاديميه (تتقدم وزارة التربية والتعليم وادارة الاكاديمية المهنية للمعلمين بالتهنئة للسادة المعلمين المساعدين وذلك بصدور القرار الوزارى رقم(53) بتاريخ 14/2/2011 للذين اجتازوا الاختبارات و استوفوا كافة متطلبات التعيين فى وظيفة " معلم".
وتهيب بالسادة المعلمين المساعدين الذي اجتازوا الاختبارات والحاصلين على شهادة قيادة الحاسب الالى icdl سرعة تسليمها الى فروع الأكاديمية التابعين لها حتى يمكن للوزارة إتخاذ اجراءات تعيينهم فى وظيفة " معلم".
ويمكن لكل معلم مساعد تحديد موقفــــه بتسجيل دخول على الصفحة الخاصة به.

طيب انا لسه دي السنه ال3 ليا يعني مكملتش 3 سنوات
وانا عقد بالمكأفاه
هبقي عقد مميز ولا هفضل كده ولا ايه
والف مبروووووووووووووك ياقمر

الف مبرووووووووووووووووووووووووووووووووووووووووووووووو وووووووووووووك للجميع0
وحولو اتفرحوا شوية اصل الواحد جالو اكتئاب من كتر الكلام!!!!!!!!!!!!!!!!!!!!!!!!!!!!!!!!!!!!!!!!!!!! !

هل اللى اشتغل سنة بالحصو وسنتين بالعقد يحتسب ليه السنة اللى بالحصة

طرمبيطا للخلف دور

على اليمين حذا كما كنت

اين عقلي؟

والف مليون مبروك ياأم هيما وعقبال هيما ويكون فى ظروف أحسن من كده0

على رأيك محدش واخد منها حاجه :028ja7:

ياااااااااااااارب إن شاء الله ومبرووووووووووك لينا كلنا

نفس الكلام دا حصل عندنا

ام هيما انا اول واحد هفرحلك بجد لو كان الخبر صحيح لكن انا دايما عقلانى حتى مع نفسى احنا قدام حقائق محدده
اولا قانون الكادر اشترط اجتياز اختبار الكادر والدبلوما (لغير خريجى التربية)
ثانيا قرار الوزير كان ل 43 الف هما اللى استوفوا الشروط
ثالثا يا ما سمعنا كلام من ناس فى ادارات حتى وكيل وزاره قبل كده قال كلام ضد المنطق والقانون وطلع كلامه غلط يعنى لا يصح الا الصحيح
رابعا كل اللى حضرتك ذكرتيه ده ممكن يكون الناس اللى يحق لها انها تسجل فى اختبارات الكادر لان طبعا مش اى حد يحق له دخول الاختبار
خامسا ركزى كده فى الكلام اللى على الموقع بتاع قرار التعيين اللى على موقع الوزارة
تتقدم وزارة التربية والتعليم وادارة الاكاديمية المهنية للمعلمين بالتهنئة للسادة المعلمين المساعدين وذلك بصدور القرار الوزارى رقم (53) بتاريخ 14/2/2011 للذين اجتازوا الاختبارات و استوفوا كافة متطلبات التعيين فى وظيفة " معلم".
اخيرا ايه رائيك بقى نصدق الادارة ولا الوزارة؟؟؟؟؟؟؟

هههههههههههههههههههههههه

والله من اغرب ما يكون
طيب تقولى ايه في اللى خلص أكاديمية + تربوي + اي سي د ل وماتعينش؟؟؟؟؟؟؟؟؟؟؟

كلامك مظبوط يا ام هيما
انا إدارة السنبلاوين ونفس الكلام دا تم معانا اليوم
كنت في الادارة الاسامي موجودة هناك كل اللي مر عليه 3 سنوات هيتثبت
اللي امتحن الاكاديمية هيثبت على درجة معلم
واللي ممتحنش هيثبت على درجة معلم مساعد ولما يمتحن يترقى
انا ممتحنتش الاكاديمية ووجدت اسمي واسامي معظم زمايلي اللي كانوا معايا في التربو ي
والف مبروك للجميع

ألف مبروك يا ام هيما .... من قلبى والله .

ام هيما قالت وحلفت و4 شافوا وبعدين راحت هيا وكمان كللمها منطقى وقالت كمان اللى مش عايز يصدق مايصدقش تعمل ايه تانى تحلف بالطلاق ايه يا جماعه عيب( العهده على الراوى ) ممكن تكون غلطانه بس ايه يعنى هيه بتتكلم عن نفسها .
عيييييييييييب كده احنا احسن من كدة وبعدين الكلام ده مظبوط ؛ التعين غير الكادر . الوزير خد قرار التعيين بس صرف الكادر متعلق باتمام شروط الاكاديميه
وياريت اللى عنده وجهة نظر تانيه يقول

ام هيما
انا بقول اكيد انتى صادقة وفرحانة ربنا يفرحك كمان بس انتى ادارة اية ؟
عشان انا ادارة غرب المنصورة هى الاسامى نزلت فى الدقهلية كلها ؟؟ ولا انتو بس ولا اية

اللى امتحنوا ونجحوا وخدو الرخصة الدولية وجاتهم الرسالة مش مطمنين وخايفين اسمهم مايكنش فى الكشف وده حالى

وانتم من غير امتحان ولا اى سى دى ال ولا حاجه اسمكم فى الكشف دى تبقى فله اوى طمنتونى الله يطمنكم ياريت يكون الكلام ده صح عشان انا عايز زمايلى كلهم يتعينوا ومايتمروش زيينا فى امتنحان وشهادات وكمبيوتر وانجليزى بس بينى وبينكم مش مصدق ولا مكدبكم بس احتمال يكون الكشف اللى شفتوه احصاء فقط والله اعلم بالتوفيق للجميع

الف مبروك ياام هيما ربنا يفرحك انتى وكل اصحابنا يارب .....
سيبك انتى احلى مافيكى شخصيتك القوية الكبير ..كبير

http://www.thanwya.com/vb/showthread.php?t=289950

أصدر اللواء نبيل العزبي محافظ أسيوط قراراً بتثبيت 2473 معلم مساعد بمديرية التربية والتعليم بالمحافظة الذين استوفوا كافة الشروط الوظيفية.

أوضح المحافظ أن هذا القرار جاء تنفيذاً للقرار الوزاري رقم 35 لسنة 2011م والذي ينص على اتخاذ إجراءات التعيين للمعلمين المساعدين الذين اجتازوا الاختبارات الخاصة لكادر المعلم وحصلوا على شهادة الصلاحية واستوفوا كافة الشروط المطلوبة في وظيفة معلم وفقاً للمادة 73 للقانون 150 لسنة 2007م والمعدل بالقانون رقم 190 لسنة 2008م.

كان المحافظ قد وفر 12 ألف عقد معلم مساعد منذ ثلاث سنوات بمختلف المراحل التعليمية لأبناء أسيوط لسد جزء كبير من العجز الذي تعاني منه مدارس المحافظة في التخصصات المختلفة وهو ما ترتب عليه حسن سير العملية التعليمية وتحسين جودتها.

طب ممكن تفيدونى
انا تخصص حاسب الى واشتغلت سنة 2007 بالحصة وبعدين استلمت العقد 1/1/2009
يبقى انا كدة مر عليا 3 سنوات ولا هيتحسبوا من تاريخ العقد (1/1/2009)
افيدونى افادكم الله

يا جماعة انا شايف كلكم صح........

1- اللى نجح فى الكادر حيتعين على وظيفة معلم.

2- اللى لسه ( عقد عادى - حصة ) حياخد عقد معلم مساعد ودى اول درجة فى الكادر

ملحوظة : درجات كادر المعلمين تبدا بوظيفة ( معلم مساعد ) .

وكده الكل يبقى تمام
ويارب التوفيق للجميع