|
اقتباس:
ya Rab akoon afadt:D;):)i[/QUOTE] مشكورة يا سارة وكلامك حلو اوي وبالنسبة لقيام الليل انا الحمد لله مواظب علية لأن انا بذاكر باللبل يعني الفجر بيأذن عليا و بقوم اصلي . و شكرا يا سارة على باقي النصايح و صدقيني انتي قبل ما تفيديني بالكلام دة انتي فيدتيني بانك مهتمية.....شكرا والحاجة التانية انا محتاج حل مادي يا سارة (عايز اتناقش مع ايي حد) |
ياااه ده كله يا أخ تامر بالنسبة لخنقتك من المذاكرة .. دي بتحصل كتير عند أي حد .. والشاطر بقى اللي يعدي منها.. يعني كل واحد بيكون ليه مثله الأعلى وطبعا بيكون حاجة كويسة جدا .. أنت قول ازاي هو وصل لكده و بقى حاجة كويسة
أكيد قابلته مشاكل وتغلب عليها.. وقول انا لازم أكون زيه.. وأعتقد انك أقوى من اي مشكلة وتقدر تتخلص منها.. أهم حاجة الثقة بالنفس.. حكاية انك بتداري كل حاجة .. دي بتحصلي كتير.. وبجد بلاش تكتم في نفسك .. لو ليك صديق أو أخ أو قريب بتثق فيه .. أتكلم معاه بجد هتسريح .. وصدقني انك مش هتكون ضعيف..أي حد ممكن يكون في أي وقت محتاج لغيره .. الضعف فعلاً انك تستسلم للمشكلة. وبالنسبة لمستقبلك .. خليك عندك ثقة بالله وتأكد انه هيعطيك أفضل شئ وحاول تكون أقرب لربنا وصلي بانتظام واقرأ قرآن هتستريح جدا واحنا بنتوقعلك مستقبل باهر.. حاول تخرج مع أصحابك.. وأقاربك .. واعتقد ان العيد افضل مناسبة .. كل سنة وانت طيب :rolleyes: |
اقتباس:
|
اقتباس:
والحاجة التانية انا محتاج حل مادي يا سارة (عايز اتناقش مع ايي حد)[/quote] وبالنسبة لقيام الليل انا الحمد لله مواظب علية oh great!! yaba5tak!! lol 7al madi...umm..enta 2olt en enta men el no3 elli msh by7awel ybayyen en howa za3lan, sa7? tayeb laow 3andak ai sa7eb (or sa7ba...la la la bas bahazzar:p) lol 7awel ta5do w ro7o etmasho 3ala al ba7r (ana msh 3arfa leih 2olt el ba7r bas yemken 3ashan ana bamoot feeh...lol:p) w e7kelo 3ala elli fe balak:)l w ana mla7tha enak btfakkar l2odam awi w da 7aga kowayesa bas...msh trakez kol tafkeerak 3aleh 3ashan da el mosta2bal and only Allah (swt) knows eih elli momken ye7sel..w kol 7aga momken tetghayyar fe a2al men thanya...so, i think enta el mafrood tehtam bal7ader aktar..ya3ni el 7agat elli enta bte3melha delwa2ty 3ashan howa da elli haywassalak le elli enta 3ayzo fe al mosta2bal:)l ya3ni..for example, laow zakert kowayes delwa2ty 3ashan te3raf ted5ol el koleya elli enta bt7ebaha 3ashan howa da elli enta hate3melo for ba2eyet 7ayatak, isa...another example, is that u said u want 2 find a "perfect girl" w msh ba3d tloo3 el 3ein:plol sa7...tayeb, NOW 7awel t7asen fe nafsak (3ashan mafeesh ensan %100 perfect) w t5ali nafsak sha5s kowayes 3ashan tla2i wa7da kowayesa:):):)l i really wish u a good luck and i'm gonna make du3aa that everyone's problems get solved inshaAllah |
اقتباس:
oh great!! yaba5tak!! lol 7al madi...umm..enta 2olt en enta men el no3 elli msh by7awel ybayyen en howa za3lan, sa7? tayeb laow 3andak ai sa7eb (or sa7ba...la la la bas bahazzar:p) lol 7awel ta5do w ro7o etmasho 3ala al ba7r (ana msh 3arfa leih 2olt el ba7r bas yemken 3ashan ana bamoot feeh...lol:p) w e7kelo 3ala elli fe balak:)l w ana mla7tha enak btfakkar l2odam awi w da 7aga kowayesa bas...msh trakez kol tafkeerak 3aleh 3ashan da el mosta2bal and only Allah (swt) knows eih elli momken ye7sel..w kol 7aga momken tetghayyar fe a2al men thanya...so, i think enta el mafrood tehtam bal7ader aktar..ya3ni el 7agat elli enta bte3melha delwa2ty 3ashan howa da elli haywassalak le elli enta 3ayzo fe al mosta2bal:)l ya3ni..for example, laow zakert kowayes delwa2ty 3ashan te3raf ted5ol el koleya elli enta bt7ebaha 3ashan howa da elli enta hate3melo for ba2eyet 7ayatak, isa...another example, is that u said u want 2 find a "perfect girl" w msh ba3d tloo3 el 3ein:plol sa7...tayeb, NOW 7awel t7asen fe nafsak (3ashan mafeesh ensan %100 perfect) w t5ali nafsak sha5s kowayes 3ashan tla2i wa7da kowayesa:):):)l i really wish u a good luck and i'm gonna make du3aa that everyone's problems get solved inshaAllah[/QUOTE] مشكورة يا سارة وان شاء الله تقدري تقومي الليل زيي. وانا بتكلم مع اصحابي القريبين أوي بس زي ماقولت انا وهما واحد يعني هما مش محتاجين ان انا اعرفهم اي حاجة لأن كل حاجة بيعرفوها على طول.وان شاء الله انا بحاول اذاكر على قد مقدر عشان اجيب مجموع وزي ماانتي قولتي ان دي حاجة بايد ربنا بس المشكلة ان احوال البلد الأيام دي بقت زفت والواحد مرعوب من الي جاي.و بالنسبة للPERFECT GIRLانا عارف ان كل واحد فية عيوب بس عيوب عن عيوب تفرق. وشكرا يا سارة وعايزين نشوف الدعاء..و حاجة تانية انا عندي حد ممكن اتكلم معاة أو بمعنى اصح هي واحدة (كيم)هي اكيد هاتسمعني بس انا عارف ان هي عندها مشاكل كفاية اوي |
اقتباس:
وانا بتكلم مع اصحابي القريبين أوي بس زي ماقولت انا وهما واحد يعني هما مش محتاجين ان انا اعرفهم اي حاجة لأن كل حاجة بيعرفوها على طول.وان شاء الله انا بحاول اذاكر على قد مقدر عشان اجيب مجموع وزي ماانتي قولتي ان دي حاجة بايد ربنا بس المشكلة ان احوال البلد الأيام دي بقت زفت والواحد مرعوب من الي جاي.و بالنسبة للPERFECT GIRLانا عارف ان كل واحد فية عيوب بس عيوب عن عيوب تفرق. وشكرا يا سارة وعايزين نشوف الدعاء..[/quote] yeah..i do make qiyam, but not everyday everyday ..lol:p..i wish!!...it was my goal for Ramadan and I am continuing alhamdulillah.....well, i hope u find a solution to ur problem:):):)l |
اقتباس:
الحمد لله وربنا يهدي كل شباب المسلمين ومشكورة يا سارة |
اقتباس:
آمين u r welcome :) |
اقتباس:
اقتباس:
اقتباس:
اقتباس:
تم النقل لان ده مكانه الطبيعى |
السلام عليكم و رحمه الله وبركاته ازيك ياتيمو؟ عامل ايه يا جميل ؟ يارب تكون بخير ----- بص يا سيدي بالنسبه لمشكلتك التانيه ( الأولي لسه في مجال المناقشه ) انا دلوقتي هطلع اجزاء مشكلتك عشان نبدا نحلها واحده واحده 1- حاسس انك متضايق و مخنوق من كل اللي حواليك ما عدا صحابك بصفه عامه 2 - عندك في طبيعتك انك مش عايز تظهر ضعيف في انك تبين اي نوع من المشاعر قدام الناس 3 - عايز تبعد عن كل حاجة في حياتك و تعيش فترة من الوحده 4 - مش عارف ايه السبب في انك تزعل و تتخنق 5 - بتفكر في المستقبل كتير 6 - بتشوف احوال البلد و بتحاول تطبق اللي انت شايفه في مستقبلك و شايف انه هيكون مش كويس 7 - مش عارف لو مت هتقابل ربنا ازاي 8 - مخنوق من البلد و اللي فيها تعالي بقه نفكر في حلول لمشكلتك يا تيمو اقتباس:
بص يا تيمو غالبا الانسان بيحب اللي يفهمه و ممكن يعيش طول عمره يدور علي حد يفهمه و يقدر احاسيسه و مشاعره .. الحكايه معاك كدا تمام انت مفتقد الناس اللي تفهمك في البيت .. بمعني اصح ان بينك و بين والديك و اهلك فجوه معينه في التفكير .. وعلي فكرة ده شئ طبيعي جدا لان الزمن غير الزمن مش سهل انهم يفهموا انت عايز ايه بالشكل الكامل و الطريقه اللي انت تتخيلها هيكون في قصور .. و ده مش عيب .. دي مجرد نتيجه منطقيه انت شايف في اصحابك اللي مش شايفه في اهلك بمعني انك شايف انهم بيفهموك لو عندك موهبه بيقدروك لو فيه احاسيس بيعشوها معاك ودي مش حاجة غير عاديه علي فكرة دي برده نتيجه منطقيه نظرا لتقارب المرحله السنيه اللي انتوا عايشين فيها وعلي فكرة مشكلتك دي حلها انك تصبر لان الفترة دي هتمر فيها بمشاعر كتير جدا و اضطراب و تشتيت ------ اقتباس:
لو انت بتداري حزنك عشان متحملش حد همك .. ده قمه النبل منك لكن لو بتداريه عشان بتكابر انك شخص رقيق و بتحس دي قمه الخطأ اوعي تفتكر انك لما تظهر مشاعرك تبقي انسان ضعيف او انك صغير و عقلك صغير بالعكس انت لازم تعيش حياتك زي ما انت عايز مش زي ما الناس تعوز مشاعرك اظهرها رقيق اظهرها الجنتله و الاحترام في الكلام عادي اظهرها زعلك و خنقتك عادي احكي مع اصحابك و خليهم يعيشوه معاك احكي مع ربنا .. قرب منه .. المهم انك متكتمش في نفسك واللي مش عاجبه طريقتك يا سيدي ميتعاملش معاك بمعني .. دور علي اللي يقبلك بصفاتك دي مقابلكش البشر مالين الدنيا ---------------- اقتباس:
لو انت شايف ان ده حل المشكلة فانت تبقي غلطان جدا ان تفكر لوحدك يبقي انت معملتش حاجة هتقولي بعتمد علي نفسي في التفكير هقولك يبقي مش هنتج اي حل لمشكلتك ومهما كان الحل اللي ممكن توصله من تفكيرك انت لوحدك مش هيكون زي الحل لما تفضفض و تقول اللي جواك و تسمع آراء الناس اقتباس:
زي ما قولتلك فترة المراهقه دي معظم الاحاسيس و المشاعر بتاعتها كدا غير مستقره ساعات تلاقي نفسك مبسوط اوي و طاير من الفرحة ومن غير سبب برده وساعات تلاقي نفسك عندك حاله من التضجر الحل انك تفهم مرحلتك دي ايه مظاهرها عشان لما يحصلك حاجة يبقي عندك الاجابه في نفسك وتقدر تريح فكرك من كتر التساؤل |
اقتباس:
اوعي تكون متخيل يا تامر لما انت تفكر في المستقبل كتير هيساعدك انك تحقق حلمك بطريقه منظمه ابدا .. ده ممكن يجيب معاك نتيجه عكسيه بمعني .. لازم ترتب اهداف لنفسك تكون الاهداف دي بسيطه و صغيره بحيث كل ما تنجز هدف يديك حافز انك تنجز اللي بعديه مش تقول " ياااه .. انا لما ابقي دكتور .. هسافر الخليج سنتين .. و اشتغل شوية هناك .. و اجي اقعد في وسط اهلي و اعمل عياده .. و يبقي اسم العياده .. عياده د / تامر خالد .. بس يا لهوي طيب افرض الراجل الموول بتاع الاجهزة جابها غاليه .. طيب خلاص هقعد في الخليج تلت سنين و ابقي اجي بحيث لو الاجهزة غليت ولا حاجة .. يا سلاااااام " غلط جدا يا تامر لاء انت تقول ايه ياااااااه لو اجيب السنادي 99 هقدر ابقي دكتور ويقف عندك التفكير هنا طيب ازاي هجيب 99 باني اذاكر اول بأول اراجع كتير اسهر اتعب عشان بعد كدا يبقي عندي مستقبل استريح فيه واسأل نفسك سؤال دايما اتعبسنتينو استريح بقيت حياتي ولا استريح السنتين و اتعب بقيت حياتي عايزك تردده كتير اقتباس:
مش عايز اكلمك بالدين غير في نقط بسيطه لانك طلبت حل مادي بس اعرف ان اللي بيحصل دلوقتي ان شاء الله مش هيبقي ده اللي في المستقبل متحاولش تتنبأ بالوحش اينعم الحاله في البلد دلوقتي كرب بس مين عارف يمكن ربك يهدينا و يهدي الناس و تبقي البلد دي من احسن الدول ف العالم عايز تبقي كويس بجد متفكرش في حال بلدك فكر في نفسك ممكن تبقي ايه عشان تتحدي احوال بلدك اقتباس:
جميل اوي انك تكون حاسس بكدا بس لو السؤال بتطرحه علي نفسك لمجرد انه سؤال هيبقي مش جميللازم تجاوب علي نفسك بمعني ان الاجابه هتكون كدا لو انا اديت ربنا حقه .. و اطاعته و نفذت اوامره و أوامر رسوله الكريم .. اكيد هقابله و انا كويس و فرحان لانه هيجازيني خير لو انا بقه انصاعت ورا شهوتي و طيشي و سبت طريق ربنا اكيد هينزل بيا اشد العذابوعلي عقلك بقه انه يختار واكيد هيختار الصح لانك بجد شخص كويس اقتباس:
ملكش دعوه بالبلد انت ظبط مستقبلك و ظبط حياتك وبعد كدا سيبها علي ربنا واكيد مش هيضيعك ما دام انت ماشي علي الطريق المستقيم ملحوظه : عايز تعرف حاجة يا تامر حياتنا عامله زي مقطوعه موسيقية .. نغمه فوق .. نغمه تحت .. نغمه في الوسط .. الصوت بيخف .. الصوت بيعلي في الاخر بتعمل نغمه النغمه دي هيا حياتنايعني متعتقدش ان حياتك بس هيا اللي كدا لاء دي طبيعة الحياة عشان تبقي حياة عليك انت بقه تعزف النغمه اللي تعجبك يا اما تعمل مقطوعه موسيقيه جميله جدا و الناس كلها تتكلم عنها يا اما تعزفها بطريقه غير منظمه و تبقي ولا حاجة بس انت هتبقي - ان شاء الله - كويس عشان انت شخص محترم ومراعي حق ربنا عليك و بتأدي واجبك عشان كدا ربنا عمره ما هيسيبك في ضيق وهيحققلك اللي انت عايزه ان شاء الله اتمني الإفادة |
شكرا ليك يا احمد على المجهود ده وجزاك الله كل خير وياريت تشوف حل لمشكلة جمال |
السلام عليكم و رحمه الله بركاته جمال باشا .. عامل ايه ؟ واحشني جدا والله -------- بص يا جمال اللي هقلهولك ده رأيي انا يعني مش لازم يكون حل لمشكلتك فيه واحد اسمه " ستيف تشاندلر " قال ايه قالك لا تقلق .. او لا يكن كل ما تفعله القلق . يعني حول القلق ده لعمل يعني لما تلاقي نفسك قلقان بشأن حاجة معينه اسأل نفسك سؤال " ايه اللي اقدر اعمله تجاه الشئ ده " مش تقول " ايه اللي اقدر احسه تجاه الشئ ده " وبعد كدا ابدأ اعمل اي حاجة حتي لو كانت صغيرة يعني انت بتقول انك اصبت بحاله من الزهق و الملل وحسيت ان مذاكرتك دي فيها رتابه وقلقان علي مستقبلك يبقي لازم تقول .. انا لازم اتصرف ده مستقبلي لو مجهودي ده ضاع يبقي كل شئ ضاع يعني مثلا غير مكان مذاكرتك حاول تنظم يومك حاول تحفز نفسك ذاكر مش عشان دي مذاكره بس ذاكر عشان دي مستقبلك عشان دي حياتك بعد كدا انا عارف ان وقت مذاكرتك في وقت الفجر كدا ده وقت جميل جدا بس حاول تغير مكان مذاكرتك حاول تسافر يوم واحد لاي حته عشان تغير جو لانك لو فضلت قلقان مش هتعرف تعمل حاجة لي عوده ان شاء الله عشان لسه هسألك ذوي الخبرة في الموضوع ده انا مجرد بديلك حل مبدأي اتمني الافاده |
مشكور يا شديد والله وانا فعلا كنت محتاج كلام زي دة يحسسني ان في حد زيي وان انا مش لوحدي وحاجة تانية يا شديد انا مش بداري عشان كبرياء ولا بداري عشان مشيلش الناس همي بس انا بداري عشان لو ماداريتش كل الناس مابتصدق تلاقي حد فية عيب عشان يشمتوا فية (طبعا فيما عدا أصحابي الي بجد)(وانتوا منهم يا شديد)وبالنسبة للصبر فصدقني انا خلاص صبري بقى عالاخر. بس انت ريحتني كتير يا شديد . مشكور
|
مين شديد دة ؟ ع العموم سارة واحمد جابولك الخلاصة
بس بالنسبة لخوفك من بكرة دة صدقني بكرة ان شاء الله هيكون احلى عارفة ان البقين دول حمضانين :d بس انا بجد والله حاسة بدة حاسة ان بكرة مش هيكون زي اي يوم تاني عارف ليه ؟ لان بكرة دة احنا اللي هنعمله وانا شايفة ان احنا مش وحشين عشان نعمل بكرة وحش انا كمان يمكن اوقات كتير بتجيلي حالات كدة بابقى مش طايقة الدنيا واللي فيها بابقى عايزة اروح مكان بعيد ف صحرا واقعد لوحدي اعيط لكن اللي بيروقني اني عارفة ان بكرة دة بتاعي انا مش بتاع حد تاني واكيد لما بيكون عندك حاجة بتحبها بتعمل اللي تقدر عليه عشان تفضل كويسة ودي دنيتنا اللي احنا عايشينها ، حياتنا مش مجرد اي حاجة اشتغل لبكرة بتاعك واما ييجي بكرة نشوف مين فينا اشتغل احسن عشان بكراه يبقى احسن |
مشكورة .شديد (أحمد رضا)
وشكرا على كلامك وعلى مشاركتك |
اقتباس:
اقتباس:
ده مكان مشكلتك وان شاء الله يكون ليها حل |
اقتباس:
السلام عليكم و رحمه الله وبركاته ازيك يا كيمو .. عامل ايه ؟ يارب تكون بخير --- بص يا كيمو في الموضوع ده انا ليا وجهه نظر شخصيه بس عايزين نتفق علي قانون الحل متعب .. تنفيذه علي المدى الطويل .. محتاج ناس عندها حماسه و عايزه تخدم البلد بجد بعد ما اتفقنا تعالي نفكر في اول سؤال ليك ازاي اخدم البلد .. اجابه سؤالك سؤال تاني عايز تخدم البلد ؟ يعني عايزها تتقدم مش كدا ؟ طيب اجابه سؤالي سؤال كمان مين اللي هيقدر يخدمها ؟ الاطفال و الشباب طيب احنا عندنا مجموعه من الشباب عايزة تفيد البلد صح اه طيب كويس اوي لحد هنا انا شايف العاتق علي جانبين في مجتمعنا المعلم / الأهل المعلم الطالب بيحتك بمعلمه اكتر ما بيحتك بأبوه و امه المعلم يقدر يزرع في افكار الطالب اللي هو عايزه من افكار زي حب الانتماء .. ازاي تخدم بلدك .. ازاي تخدم دينك يبدأ يعامل الطفل مش علي اساس انه طفل بصفه دائمه المشكلة ان اغلب المدرسين دلوقتي و بالاخص الابتدائي بيعامل التلميذ ( المؤقت ) ان صح التعبير انه تلميذ للأبد مش بيجي علي باله ان الولد ده هيكبر و هيبقي شاب و هيفتكر استاذه لو كان علمه حاجة صح انا شايف ان المفروض يكون فيه توعيه للمدرسين قبل ما تكون للطالب او التلميذ لان بجد انا شايف ان اصحاب الدور الاكبر في البلد هما المعلمين والله في ايديهم انهم يصلحوا حاجات كتير لو لاحظنا في كل الفترات التاريخيه .. هنلاقي ان مفيش امه تقدمت غير لما اهتمت بالعلم في عهد محمد علي كانت البلد كويسه جدا – من الشكل العام - في عهد عباس ضعفت ليه ؟ لو دورت هتلاقي السبب ان التعليم هبط و اتدهور في عهد اسماعيل بدأت تنشط البلد تنشط تاني ليه ؟ لو دورت برده هتلاقي انه بدأ يهتم بالتعليم من جديد إذن العلاقه طرديه بين التعليم و تقدم البلد فكلامي للمدرس انت في ايدك حاجات كتير انت في ايدك انك تقوم بدور الأب اللي قصر في تربيه ابنه في ايدك تزرع فيه افكار كويسه يقدر يفيد البلد فيما بعد في ايدك مستقبل كامل للبلد دى ---- بالنسبه للوالدين الاب و الأم أعظم قيمتين ممكن الانسان يتعلم منهم انا متهيألي انه مفروض يكون فيه وعي بالنسبه للأب و الأم حد يوعيهم هسمع واحد يقولي .. اسكت انت .. احنا نعرف مصلحه ولادنا كويس طبعا الكلام ده صح .. بس فيه جزء من الخطأ ايوه انا عارف انك عايز – و نركز علي عايز - مصلحه ابنك او بنتك بس مش عارف الطريق اللي يوصله لمصلحته دى دلوقتي .. مع ظروف مجتمعنا الطفل بيتعرض لتأثيرات كتير واجب علي الأب و الام انهم يقللوا من حده التأثيرات دي علي الطفل التربيه مش مجرد انك بتخرج الصبح تجيبلهم فطار و تأكلهم و توديهم المدرسه يجوا بالليل تغطيهم و تبوسهم و بس التربيه انك تبدأ تزرع في ابنك اللي هو عنده 7 او 8 سنين افكار تحفيزيه تزرع فيه افكارك يابني حب بلدك يابنتي حبي بلدك مصر دي ادتنا كتير قدم حاجة لدينك احكيله عن الرسول احكيله عن حب الدين خليه يفكر و هو صغير عشان لما يكبر متبقاش صعبه عليه عرفه انه مسئول - انا طبعا عارف ان ناس مش عاجبها كلامي بس دي وجهه نظري الشخصيه و اللي بإذن الله هربي عليها ولادي في المستقبل - ان شاء الله – اوعي تفتكر ان ابنك مش هيستوعب كلامك اينعم هو مش هيستوعبه دلوقتي لكن هيستوعبه بعدين هيبدا يعمل اللي انت زرعته فيه و تأكد انك لو ربيت ابنك او بنتك علي كدا مش هتلاقي ابنك لما يكبر كل اللي شاغله انه يسقط بنطلونه ولا هتلاقي بنتك بتعمل حاجة غلط ليه ؟ عشان انت زرعت فيهم المسئوليه و هما صغيرين عايزين نربي جيل مفكر و بجد يا جماعه لو ركزنا علي الحاجات دى هتتصلح حاجات كتير بس زي ما قولت علي المدى البعيد هو مش بعيد اوي بس منقدرش نحط حل فوري زمن المعجزات تلاشي احنا في زمن الاسباب و العمل و المنطق بس نفسي اعرف ليه كل الأهالي بقت تزرع في الولد انه لازم يا اما يكون طبيب يا اما يكون مهندس خلاص اسأل واحد في اعدادي قوله نفسك تبقي ايه ؟ هيقولك دكتور هيقولك مهندس تفتكر انه لو دخل حاجة هو مش حاببها عشان يرضي اهله هيفيد البلد في حاجة والله لو عملت ايه باللذي طيب ليه ميبقاش حلم الشاب اني ابقي مدرس مدخلش تربيه أوآداب اتفوق فيها ليه و ابقي معيد وهيجي قدامي طلبه ازرع فيهم افكاري وهيبقوا هما المدرسين و تبدا الافكار الكويسه تنتشر من المدرس للطالب و من الطالب فيما بعد لابنه او بنته انا متهيألي ان مفيش حد نفسه يبقي مدرس .. عشان شايف ان المدرسين انعدم دورهم او قل - مع احترامي للمدرسين - فزي ما قولت في الاول العاتق علينا كلنا بس الاكتر المدرس و الوالدين ده رأيي الشخصي ووجهه نظري في البلد دى بس عايز اقولك حاجة يا كركور ما دام انت عايز تفيد البلد انا متأكد 100 % انك هتفيدها ان شاء الله ابدا بنفسك ابدا ازرع في نفسك ازاي تفكر ازاي تبدأ تاخد حلول و تنفذها ازاي تقدر ترتب مستقبلك وبكدا تقدر تفيد البلد وان شاء الله في المستقبل هيكون ليك حاجة كويسه جدا وهاجي اقول ان كركور ده كان صاحبي و انتيمي في منتدي الثانويه العامه :) ملحوظه : كل ما العمل في تنفيذ الحل كان اسرع .. كل ما كان النتايج اسرع و قريبه اتمني الإفادة |
اقتباس:
وانا والله بحاول اعمل كدة وكمان بضغط على نفسى بس مش قادر انا سعات بحس بحجات غريبة والله مش عارف اوصفهالكم لا هى زهق ولا ارهاق بلاقينى مرة واحدة كدة رحت سايب كل حاجة وقاعد ساكت ببق عاوز ارجع ازاكر بس مش قادر لية معرفش ياريت يا احمد لو تعرف اى بنى ادم مر بحكاية زى دى قلى عمل اية عشان كل يوم بيعدى لية ثمن اغلى من الى قبلة |
اقتباس:
أخوك الي طالع عينه :تامر خالد |
اقتباس:
|
اقتباس:
|
اقتباس:
|
اقتباس:
ثانيا:ميدو(احمد رضا) قالي ان هو هايجيبلي حل بس هو مشغول الفترة دي وانا عايز حل يعني على ما هو يفكرلي في حل. بس يا ريت الحل يكون حاجة تانيةغير ان انا اقول له لأن دة مستحيل. |
فعلا هى مشكلة صعبة جدا وعلى فكرة انا مريت بالمشكلة دى مع واحد صاحبى كان بيتجوز وعرفت ان البنت اللى بيتجوزها على علاقة بواحد تانى انا قولت ليه بلاش الجوازه دى ونصحته بس ما قولتلوش على الاسباب بالتفصيل بس هو ما قتنعش بيها واتجوزوا وعاشوا مع بعض وخلفوا كمان ونجحت العلاقة بينهم فانا شكرة ربنا انى ما قولتش على الاسباب الحقيقية بس مشكلتك دى ان شاء الله هلاقى لحضرتك حل اليوم باذن الله واوعدك بده |
اقتباس:
ساعتها مش عارف هاعمل اية. والمشكلة الاكبر ان الولد الي هي علاقة بية انا عارفه كويس وساكن معايا في نفس الشارع يعني تقريبا يوميا بشوفه..بس هو مايعرفش ان انا صاحب اخو البنت دي و هي طابعا ماتعرفش ان انا اعرفه......مشكلة معقدة انا عارف.. |
اقتباس:
|
اقتباس:
|
هذا الموضوع من اكثر المواضيع حساسية وأهمية كبيرة جدا
لانه يخص الشرف والعرض أولا يجب استخدام العقل الهدوء التام فى هذا الموضوع وسرية تامة على الاطلاق ثانيا : البحث عن ثلاثة او اربعة رجال ذو عدل وحنكة وقوة شخصية لكى يتولوا الموضوع بمعنى اجبار هذا الولد على عقد القران الاول على هذه الفتاه ومن بعدها اعلام والد هذه الفتاه وكيفية اجراءات الفرح عادى جدا مثل قراءة الفاتحة والشبكة وخلافة والاسراع بموعد الزفاف وعدم المغالاة فى الطلبات يعنى بالعربى لم الموضوع لو استجاب استجاب لو مستجبشى هذا الولد عليهم الذهاب الى قسم الشرطة التابع لهم ومحادثة ضابط المناحث بصفة شخصية وليس محضر وانا على ثقة بان ضابط الشرطة سوف يتعاون معكم فى هذا الموضوع بسرية وبصفة شخصية فى يوم من الايام جاء رجل معرفه ومعه رجل من محافظة اخرى ومه فتاتان وبعد يوم او يومين ذهبت فتاه وبقيت فتاه ولما سئلته عن الفتاه قال انها زوجته ولكنى شكيت فى هذا الامر وبالتحدث معهم عرفت بانها زوجته فعلا ولاكن سنهم صغير وفى المحاورة والمحادثة عرفت انه تزوجها من وراء ابوها وهرب بها الى هنا قلت حاضر واهلا وسهلا وقدمنا الترحيب وعزمته الى بيتى وحضر هو وهى واغلقت الباب وقلت بالحرف الواحد لن تخرج من هنا الا بعد الموافقة على شروطى والا سوف ابلغ عنك انك حرامى وتهجمت على بتى بالقوة وهذا هو التليفون فرضخ لشروطى وهى اولا كتابة قائمة عفش ومنقولات الى هذه الفتاه واخذت عليه 2 وصل امانه لى شخصيا لكى احافظ على حقوق هذه الفتاه وبمرور يوم او يومين ربنا رزقنا بابن الحلال وذهب وبلغ ابيها واهلها بالمكان الذى تسكن بيه عند صديقى وجائو وفى النية قتل الفتاه وعملوا ترتيبهم على هذا بان تدخل ام الفتاه وخالتها والانفراد بها داخل الغرفة للمعاتبة والقيام بخنقها ولاكن بفضل من الله كنا عملين حساب هذا اليوم وتمكنا من منعهم وللعلم كنت اشركت ضابط المباحث للمركز الخاص بنا وتم القبض عليهم وتحويلهم الى النيابة وقمت باعطاء والد هذه الفتاه القائمة بالعفش ولم اعطية الوصولات الامانه وتم اخذ الضمان الازم عليهم بعدم التعرض لهم وبمرور الوقت رجعوا الى اهلم حتى اليوم لا اعلم اعنهم اى شيء خلاصة الموضوع العقل ثم العقل ثم العقل ولن ينتهى الموضوع فى رد واحد بل مستمر بمعرفة التطورات والتوجية وعلى العقلاء والجادين التدخل فى هذا الموضوع بعقلنية لانه موضوع هام جدا ولا اريد قلبه الى تهريج فارجوا من الجميع الالتزم فى هذا الموضوع بالذات |
اولا مشكور استاذي الكريم على رايك الرائع . لكن في مشكلة وهي ان كدة جزء واحد بس هو الي اتحل اذا افتترضنا ان احنا حلينا الموضوع والولد اتجوزها بس دلوقتي صاحبي هايكون مستقبله بردوا ضاع لأن ابوة بردوا هايحمله المشكلة كلها. اولا انا مش يهمني البنت خاااااالص لأن هي انسانة مش محترمة وليس عندها دين ولا اخلاق بس ان انا استر عورتها والم الموضوع واحله زي ما حضرتك ما قلت هايكون احسن بكتير ويكون احسن لأخوها بس انا كل دة خايف عليه مش اكتر . مشكور يا ريت تناقشني في الموضوع
|
بالنسبه للحل اللي قدمه استاذ عصام فده الحل الامثل علي الاطلاق
بالنسبه انك بتقول مستقبل الولد و كدا فاستاذ عصام كان حلهالك بس انت مأخدتش بالك الاربعه اصحاب الحكمه و الخبرة هيفهموا الاب و الاخ انت شكلك مأخدتش بالك من دي يا تيمو وياريت تبدا بالحل في هدوء و سريه تامه زي ما قالك استاذ عصام بالتوفيق |
مشكور يا استاذ عصام ومشكور يا احمد بس في سوء تفاهم انتم ماشوفتوش الاب دة عامل ازاي ومتعرفوش تفكيره ازاي.ب انا هاعمل كدة زي ما الاستاذ عصام قال وهاشوف وان شاء الله هاتابعكم....
ياريت يا جماعة تدعو لصاحبي ان الموضوع يتم على خير ومشكورين.... |
في الاول الحمد لله الموضوع اتحل خلاص...ودة بفضل الستاذ عصام بعد ربنا سبحانه وتعالى ...
دلوقتي لو الواحد مخنووووووووووووووق لدرجة انه مش عايز يتفاهم مع الناس ..وعايز يفضل يتكلم ومفيش حد يعترض...ولو الواحد حاسس ان هو خايف ومش عارف من اية.ولو في حد عزيز عليا وحاسس ان هو فيه حاجة غريبة ومتغير وانا مش فاهم ليه؟لو الواحد حاسس ان هو عايز يفضل طوووووووووووووووووووووووول اليوم عامل عبيط ومش عايز يا خد اي موضوع بجد مع انه مش بيحب كدة ...حد يجاوبني بس من غير تريقة من فضلكم |
تم فك التثبيت لانتهاء التفاعل فى الموضوع
|
تفاعل اية؟ طيب ماهو في مشكلة كانت موجودة وفضلت يجي شهر بنتناقش فيها لغاية مااتحلت..وانا لسة كاتب مشكلة النهاردة واما شوف اية اللي هايحصل؟؟عموما مش مهم التثبيت الموضوع موجود وخلاص ..شكرااا..بمناسبة الدخول اية رايك في مشكلتي الاخيرة..
|
علي فكرة يا اسطورة
الموضوع ده تثبيته كويس عشان فيه حلول مشاكل بتواجهه كتير مننا فهيبقي افاده لكتير من الجداد لما يدخل يقرا المشكلة و حلها ده رأيي |
ولا يهمك يا احمد انا هاتصرف..
دلوقتي لو الواحد مخنووووووووووووووق لدرجة انه مش عايز يتفاهم مع الناس ..وعايز يفضل يتكلم ومفيش حد يعترض...ولو الواحد حاسس ان هو خايف ومش عارف من اية.ولو في حد عزيز عليا وحاسس ان هو فيه حاجة غريبة ومتغير وانا مش فاهم ليه؟لو الواحد حاسس ان هو عايز يفضل طوووووووووووووووووووووووول اليوم عامل عبيط ومش عايز يا خد اي موضوع بجد مع انه مش بيحب كدة ...حد يجاوبني بس من غير تريقة من فضلكم . |
ياجدعان حد يقول اي مشكلة .... اصل الواحد معندهوش مشاكل خالص خالص ... والبلد زي الفل .. و الدنيا حلوة ... والالوان كلها بمبي ... فين المشاكل :d
|
تصدق يا احمد انت ابن حلال ...فكرتني بحاجة مهمة اوي وهي الموضوع دة .....انا دلوقتي عندي مشكلة مين هايسمعها ...ولا هاتطنشوها.....و لا هاتقولوا عليا كداب ومنافق..........
|
قول ياتيمو
مش بقولك البلد مفيهاش مشاكل عايز ازهق شوية هههههه قول يا جميل |
مشكور يا حبي:::::::::::::::::::::::::::::
انا مشكلتي اني كان نفسي اعمل حاجات كتير اوي في الدنيا وكان ليا احلام كتير اوي ...اول حلم فيهم راح مني في 3 اعدادي وهو بنت عمي ...تاني حلم ضاع مني برضوا وانا في 3 اعدادي وهو وضعي بين الناس لأنهم كانوا بيعملوني على اني مجنون وبرضوا بسبب بنت عمي .....تالت حلم ضاع مني وانا في 1 ثانوي لما والدي كان عايزين ماكونشي مدلع عشان انا ابنهم الوحيد فكان بيعاملني باسلوب سيء اوي و فقدت ثقتي فيه لأنه كان بيكلمني وحش اوي و بيعاملني على اني واحد غريب..رابع حلم ضاع مني وانا في تالتة ثانوي (السنادي يعني) و المشكلة ان الحلم دة فيكوا انتوا (مش كلكم بس الحلم دة في استاذ عصام لأني كان نفسي يكون بدل والدي بس هو كرهني ومش عارف الاستاذ حسام هايكون احساسه اية؟؟والمجاهد لأنه كان نفسي نكون اصحاب حلوين واكيد معاه خالد .... و كمان الاستاذ عثمان ......و استاذ ضياء الي عمل عشاني شعر واكيد اول لما يعرف هايكرهني .... ومش عارف اية نظام السادات معايا برضوا (السادات بالذات )....وكل الناس الباقية الي فقدوا الثقة فيا وكرهوني .....و الحلم الخامس الي ضاع مني هو المنتدى لأني كان نفسي اعوض فيه عن الي ناقصني ...فاضلي حلمين مش عارف هما كمان هايضيعوا ولا لأ الحلم الاول انهم يسامحوني و الحلم التاني اني اجيب مجموع السنادي كمان واخش هندسة.....الحلم الوحيد الي اتحقق هو ان الناس الي سامحوني سامحوني ..وكمان مش عارف كيم هاتسامحني ولا لأ..... |
والله يا تامر ربنا معاك
بس صلى وادعى ربنا هوا الى بيسامح وانا عن نفسى مسامح ربنا معاك فى حياتك الجاية باذن الله |
اقتباس:
|
اقتباس:
تعالي نفصص كوكتيل المشاكل ده يا تامر 1 - أول حلم ليك و ضاع وهو ( كيم ) بنت خالتك -> بص ياتامر .. الفراق صعب اوي اوي .. و طعمه بجد مر جدا .. بس المر بيخف مع الأيام مش هيفضل علي لسانك .. كيم ربنا اختارها .. وكانت صايمه .. و ملتزمه .. تفتكر كان هيعجبها حالك لو انت بقيت مش كويس .. اعتقد لاء .. لازم تبقي كويس مهما كان الأمر يا تامر .. وبعدين عجبا ً لأمر المسلم فكل امره خير .. متعرفش انت اللي حصل لكيم ده خير ولا لاء أصلا .. يمكن لو كانت عاشت كان جرالها حاجة و فضلت متعذبه طول عمرها .. احمد ربنا .. و ادعلها بالرحمه و المغفره .. 2 - الناس كانوا بيعاملوك كمجنون عادي خالص يا تامر .. والله يابني حتي انت مفكش عيب واحد .. وربي ما هيسبوك في حالك .. كبر دماغك ياعم تامر .. مهما عملت مش هتعجبهم .. انت مش عارف قصة جحا وابنه و الحمار الحكايه باختصار جحا ماشي و راكب علي الحمار و ابنه ماشي جمبه الناس قالوا اخييييه علي الرجال .. بقه سايب ابنه الضعيف و هو القوي راكب علي الحمار مستريح جحا نزل من علي الحمار و ركب ابنه ناس تانيه قالت اخييييه الولد الشاب راكب علي الحمار و ابوه الكبير يمشي جحا ركب هو و ابنه علي الحمار الناس قالوا اخييييه شوفوا الراجل و ابنه المفتريين .. راكبين علي الحمار الهزيل جحا قام نازل و شايل الحمار هوه و ابنه الناس قالوا يااه ع الحماقة والله انا بقول ان جحا يقتل الحمار شوفت ياعم تامر .. مش هتعجب الناس علي اي حال عيش حياتك .. ما دام مش بتعمل حاجة غلط .. وملكش دعوه بالناس 3 - معاملة والدك ليك .. خلاص انسي اللي فات يا تيمو .. وبعدين المرحله اللي كان بيعاملك فيها بالطريقه دي فعلا محتاجه كدا في حالتك دي .. مرحلة تكوين شخصية .. بابا بيحبك جدا .. وماما بتحبك اكتر و اكتر .. و انا عارف انك بتحبهم ومهما عملت مش هتقدر توفي جمايلهم .. 4 - الأحلام الباقية كلها مرتبطه ببعضها بص ياتامر الموضوع انتهي .. اينعم كان التأثير شديد علينا كلنا .. بس مننساش نبلك انك مرضتش تسيب الناس في الحالة دى .. واحد غيرك كان سكت و خلاص و مدخلش المنتدي تاني عادي خالص .. واينعم انا منكرش انك غلطان .. بس ربنا بيغفر والبني آدم اللي مبيغفرش ده معرفش ايه نظامه .. المهم ما دام اعترفت بغلطك .. خلاص انسي اللي فات بالنسبه بقه لموضوع المجموع .. اعرف قاعده مهمه اوي .. ورب العزه يابني طول ما انت مدي ربنا حقه .. و طول ما انت مجتهد في عملك ربنا لازم يديك حقك كامل وبالنسبة لكيم ... بحبك ليها ده لو انت بعد الشر مكانها كنت هتسامحها ولا لاء موقفك زي موقفها بالظبط كل اللي هيا محتجاه منك انك تدعيلها في صلاتك اتمني اكون ريحتك شوية |
احنا مش قولنا مرة تيتو مات وكل الكنافه
خلاص ريح وارتاح والاخ احمد رد عليك رد جميل خلاص بقى مانحولش نرجع الذى مضئ |
مشكور يا احمد ..الاول بس يا حبي هي بنت عمي مش بنت خالتي ..بس ولا يهمك ...
1- انا عارف ان هي اكيد ارتاحت من الدنيا ومن مشاكلها وارتاحت من كتر مشاكلي الي كنت داوشها بيها..بس اكيد الموضوع صعب عليا صدقني حاولت انسى دة انت شايف انا كنت في المنتدى طول اليوم وبذاكر باليل ومش عارف انا ليه اشمعنا السنادي الموضوع زاد معايا ...بس هاحاول وهاحول عشان خاطرها... 2- بالنسبة للناس هما كانوا بيعملوني شبه كويس بس بعد الي حصل مع كيم بدل ما يقفوا جنبي ويراعوا ظروفي عايروني على اني تعبت نفسيا وانت فاهم الباقي مش لازم اتكلم بس مش عارف ليه يعني طيب ماهو انا لما ي حد بيحصل معاه اي موقف والله لو هو حتى اية باقف جانبه لحد مايقف على رجليه وبعد دة ابقى اشوف اية نظامه بس هاحاول اطبق مثال جحا عليهم... 3-و بالنسبة لوالدي صدقني مش عارف ..... 4-طيب ماشي انا موافق بس بالنسبة للناس الي مش راضية تسامحني اعمل اية؟ 5-كيم .......مش هاتكلم عليها لأني بهدلتها معايا كتير حتى وي ميتة بهدلتها.... ....مشكور يا حبيبي .. |
اقتباس:
|
بص يا تامر
زي ما قولتلك اكن ده كان حلم وانت فوقت خلاص بقه انسي ياحبي يالا عيش حياتك بقه وربنا يوفقك يا جميل |
اقتباس:
بس وايه المشكلة جه يوم خليت الكل يقولى برافو لما بقيت ناجح بعد ماكنت مجنون واحمد فعلا قالك كل حاجة احنا عايزين نقولها والجنان انك تكون ضعيف |
اقتباس:
|
| جميع الأوقات بتوقيت GMT +2. الساعة الآن 03:48 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.