بالنيابه عن كل متعاقد اعرفه معكم ان شاء الله لنيل حقوقنا يوم الاربعاء امام المشيخه

يوم الحشد الاكبر (الاربعاء7/6)
 

الى الامام االاعتصام اما الموت او التثبيت

بسم الله الرحمن الرحيم
اليكم عينه من الازهريون
اتصل بي زميل قبل الاعتصام بيومين وقالي في اعتصام ولازم نبقى رجااله قولتله ماشي
جمعت عربيه كامله من قريتي والقرى المجاوره
وتوجهنا الى القاهره وعندما تجمعنا سألت زمايلنا الاخرين قالو لي ده ضحك علينا وما جاش
ناس قولت لهم تعالو قلو لي عندنا ري قطن
وناس قالو مش فاضيين
وناس قالو بابا حالف عليه لا اذهب
وناس قالو اي كلام
لغاية دلوقتي صوتي مبحوح لاني اضطريت اضغط على نفس واحاول اعوض الفرق في قلة العدد
يا ترى حد يستاهل اروح اطال بحقه تاني وهو نايم في بيتهم؟
لا حول ولا قوة إلا بالله العلي العظيم
على فكره انا من كفرالشيخ ونصف الي كان عند المشيخة من كفرالشيخ والغربية
الحمد لله رب العالمين

بسم الله الاخ الذى ذكر الموضوع الا يعرف ان من ذهب الى المشيخه كان اكثر من 100 شخص من كفرالشيخ لم لما يتم اسم المنطقه وفى الاخر الطالب واحد وارجو من الجميع ان ينزل يوم الاربعاء معنا مستر محمد رشدى كفرالشيخ

تمام الاتفاق على يوم الاربعاء انشاء الله جبهه معلمى الازهر

الحمد لله على الوقفة الاولى انها كانت مجرد تسنيع الصوت فقط وان شاء الله الوقفة الثانية سوف تكون للحصول على الحق خلاص مفيش خوف

رغم خيبة املي فى زملائى الذي تم الاتفاق معهم ليشاركوا معنا يوم 28 /6
إلا انهم لم يأتوا ولا حول ولا قوة الا بالله على الرغم التأكيد عليهم
الا اننى عندما ذهبت الى منطقة طنطا ومن ثم الى المشيخة
وجدت رجالا يدافعون عن حقهم وحق من لا يستحق الا ان يكون (متعاقد مدى الحياة )
ورغم انني قد قررت اني لن اشارك مرة اخرى بسسبب من خزلونا
الا انني لم اجد رد لدعوة 6/7 الا الموافقة والمشاركة بأذن الله

معاكم تاني وثالث .........................................

الحمد لله على تمام الإتفاق والتوافق على يوم واحد
ونرجوا من كل المتواجدين فى المنتدى رجاء واحدا لا ثانى له
وهو

ان كل واحد ياريت يضحى بجنيه أو 2 جنيه ويتصل بزملائه ويبلغهم بميعاد ومكان الوقفة
لأن فيه ناس كتير معندهمش نت وبالتالى مش عارفين احنا بنتفق على ايه

إسلام وهدانى
منطقة الشرقية
0111010620

فين مركز الحسينية وفاقوس وباقى مراكز الشرقية
ارجو المشاركة والتنسيق

المنتديات غيركافية
 

الدعوة للتظاهر امام المشيخة من خلال الفيس بوك وهذا المنتدى فقط لن تستطيع تجميع عدد كبير للتظاهر وانما يجب ان يتبرع بعض المدرسين بالمرور على المعاهد فى محافظة القاهرة والاسكندرية والمحافظات القريبة من القاهرة ليخبر المتعاقدين فيها بموعد ومكان التظاهر امام المشيخة وان يخبرهم بضيق الوقت وخطورة الموقف الحالى/وفى البداية والنهاية التوفيق من عند الله والنفع بيده وحده

باذن الرحمن معاكم أمام المشيخة يوم الاربعاء

معكم ان شاء الله يوم الأربعاء
ولن نتراجع

معكم يوم الاربعاء 6/7

دلوقتى بقينا تبع التنظيم والادارة والا اية ياشيخ
اتامرون الناس بالبر وتنسون انفسكم
كلكم راع وكلكم مسئول عن رعيتة
ربنا يسامحك ياطيب
ذنب كل المتعاقدين دول واسرهم فى رقبتك

لن نأخذ حقوقنا فى الثبيت الا بعد أن يتخلى كل متعاقد عن سلبيته وخوفه وتخاذله وكسله ولا مبالاته
والله لم أترك متعاقدا أعرفه ومعى رقم هاتفه الا واتصلت به وكلهم وعد بالحضور وماذا كانت النتيجة
؟
نصفهم لم يحضر الى منطقة طنطا كما اتفقنا
ونصف من حضر الى طنطا تقاعس عن الذهاب معنا الى المشيخةفى القاهرة
فهل هؤلاء من سينتزعون حقوقهم ؟؟؟
ولكن أحب أن أسجل هنا على صفحات المنتدى أن رغم هؤلاء المختخاذلين فوالله كان هناك رجال بمعنى الكلمة أسعدنى تواجدهم ولو كان مثلهم الف فقط لاختلف الامر وعدنا بقرار التعيين من المشيخة

طب يجماعه ده هيكون اول يوم امتحانات الدور الثاني هنسيب الامتحانات؟؟؟؟؟؟

انا عن نفسي مش رايح امتحانات دور الثاني ولا الثالث
ده مستقبلنا وحياتنا .... هو أهم من مستقبل الازهر وعياله ؟؟
استقرارنا واخذ حقوقنا يخلينا نعطيهم اعيننا
لكن ما يفعلوه بنا الان
تجعلنا نترك كل شئ خلفنا الا مصلحتنا
ومحدش يقول ايه ذنب العيال في المعاهد
خللي السبب وراء ذلك هم اللي يروحوا يدخلوا لجان بدلنا عشان يعرفوا احنا مين وايه مقدرانا

معكم ان شاء الله في المشيخة يوم 6/7

بسم الله الرحمن الرحيم
أولا لو سمحت مينفعش نشكر احد لأن احنا كنا امام المشيخه 700 فقط مدرس وكلهم من الغربيه وطالعين ادامنا واحنا معاهم من أمام منطقة طنطا الأزهرية
ثانيا كنتوا فين انتوا يابتوع الشرقيه بتعملو ايه امام المنطقه
ثالثا نظام الأعتصام هيبئا سلمى نقعد بعيد عن البوابات ومنعطلشى العمل مش راحين احنا نتخانق مع الجيش فيه ناس منسقه هتتكلم عليكوا بس انتو الحضور والألتزام ياريت تعملو منسق لكل مركز لو تعرفوا تعملو ا ذى الغربيه وكل منسق مركز يعمل لحنه وينسق مع مندوبى المعاهد وكده

بعيد عن البوابات

ياجماعة الحقوا المصيبة وزارة التربية والتعليم ثبتت المتعاقدين اللى امتحنوا كادر يوم 1/4 يعنى مقضوش الا سنتين او اقل
هههههههههههههههههههههههههههههه

تحية لشيخ الازهر (((( شوفت حتى المسئولين مستقلين بيك وبيقولولك مثبتناش بتوع التربية والتعليم ))))) استقيل ياراجل طالما مش مالى مكانك ......... هما بيقولولك يامولانا لان طول عمر الازهر ذليل ليهم وملوش قيمة .. للاسف فشلت فى اعادة قيمة الازهر فرحيلك افضل

الرجاء الاتفاق على يوم موحد وعدم التفرق والاختلاف
مدرسين المرحلة الابتدائية يذهبون بعد اللجان امام الاشيخة
يوم 6/7/2011 الرجاء الاتحاد سوف تضيع حقوقنا

اللهم وفقنا لما فية الخير

لا بديل عن الاعتصام
موعدنا 6/7

والله حرااااام
اللى بيحصل الحصة تتعين واحنا لسه
انا نفسى اعرف ايه وجه الاستفاده من الذل اللى احنا بنشوفه


حسبى الله ونعم الوكيل

ايه استاذ حماده مش ناقصه تريقه علينا وسيبنا فى الى احنا فيه

بدأت الفرقة بين الاخوة المعلمين......
الدعوة بدأت بتحديد يوم الاربعاء 6/7 ونشره خلال اليومين الماضيين.....وخاصة بالنسبة لمن لا يتواصل او يتابع من خلال النت
ثم اليوم بدأت الدعوة للاعتصام يوم الاثنين القادم بدلا من الاربعاء القادم بدعوى ان شيخ الازهر سيكون موجودا يوم الاثنين ولا يتواجد يوم الاربعاء....مش عارف جبتم الكلام ده منين
وبحجة ان يوم الاربعاء سيكون بداية امتحانات الدور الثانى للنقل للمرحلة الابتدائية......مش عارف ايه المشكلة يعنى هى جت على يوم عارضة...ده طبعا لو متمضاش ليك زى المعتاد....
على العموم ارجو الاستقرار على رأى.....وقبلها بكام يوم علشان نبلغ الكل
والله الموفق

استاذ المنذر انت رايك ايه؟ انا بحاول اجمع الاراء كلها واشوف الناس عاوزه ايه يعنى الاغلبيه

فى وجهه نظر بتقول فى ناس بتقول يوم الاتنين ايه راىك فى الكلام دا؟؟؟؟؟؟؟؟؟؟؟ ياريت نتفق على راى واحد عشان عاوزين اكبر تجمع وبيقولواان يوم الاربعاء دا بعيد وكمان كتير من المتعاقدين فى الابتدائى وان امتحانات الدور الثانى للابتدائى هتكون يوم الاربعاء المقبل وان شيخ الازهر بيعقد لقاء جماهيرى كل يوم اتنين وبيحضره الاعلام ياريت نتفق على يوم محدد؟ وكل واحد يقول رايه عشان نقدر نستقر وننسق مع زملائنا

انا بحاول اجمع اكبر عدد من سوهاج وسوف نأتى الى القاهره موعدنا الاربعاء

الله معنا ان شاء الله

توافق الكثير من معلمى الازهر وجبهه معلمى الازهر المتعاقدين على الاعتصام امام المشيخه الاثنين المقبل 4-7 بدلا من الاربعاء وذلك لعقد الامام الاكبر لقاء جماهيرى يحضره الاعلام كما ان كثيرا ممن شاركونا الاعتصام امام المناطق او المشيخه كانو من العاملين فى المعاهد الابتدائيه ولديهم امتحانات يوم الاربعاء المقبل -كما ان يوم الاثنين سيكون هناك امتحان للعلمى لان الادبى انهى امتحانه وستكون هناك فرصه للحضور لمن يراقب فى الشهاده



طبعا دا كلام ناس كتير بعد ما اتصلنا بيهم واستطلعنا الامر وسالنا الناس الى شاركت عن رايها واهم حاجه يجماعه التوافق والتوحد يكون لنا راى واحد

توافق الكثير من معلمى الازهر وجبهه معلمى الازهر المتعاقدين على الاعتصام امام المشيخه الاثنين المقبل 4-7 بدلا من الاربعاء وذلك لعقد الامام الاكبر لقاء جماهيرى يحضره الاعلام كما ان كثيرا ممن شاركونا الاعتصام امام المناطق او المشيخه كانو من العاملين فى المعاهد الابتدائيه ولديهم امتحانات يوم الاربعاء المقبل -كما ان يوم الاثنين سيكون هناك امتحان للعلمى لان الادبى انهى امتحانه وستكون هناك فرصه للحضور لمن يراقب فى الشهاده


خلوووووووووووووونا متفقين يجماعه ولا تنازعوا فتفشلو وتذهب ريحكم الناس اختارت الاتنين عشان اسباب منطقيه

بيان جبهة معلمى الأزهر المتعاقدين 30-6-2011
 

اذا كان الاثنين هو رأى المعظم.....فأنا مع رأى الجماعة
واتمنى بذل الجهد فى التنسيق ليظهر الاعتصام بمظهر مشرف

أحمد سلطان

موعدنا الاثنين امام المشيخه

إن شاء الله الاثنين