|
لا حول ولا قوة الا بالله
هو كله هيمشي ويسيب المنتدي :( انا زعلت جدا لما عرفت ان الاستاذه شاهنده ،والاستاذ ممدوح ماشين علي الر غم اني لم اتعامل معهم بس بجد انا بحس ان المنتدي كله اسرة واحدة واكيد فراق اي عضو في الاسره بياثر بالسلب في الباقين فيا رب تفضلوا معانا دايما سواء اعضاء او اداريين المهم تكونوا موجودين و الاستاذ ممدوحباذن الله ربنا هيشفي حضرتك وترجعلنا احسن من الاول والاستاذة شاهندة بنات حضرتك ليهم حقوق علي حضرتك واحنا كمان لينا حق فيارب حضراتكوا ما تحرموناش من نوركوا |
اقتباس:
الأستاذة أم شاهندة أخلاق النبلاء ومجهود جبار جزاها الله خيرا |
اقتباس:
سعادة المكرم الأستاذ ممدوح مصطفى الأنصارى حضرتك مثل أعلى لنا جميعا فى كل شئ فى الحلم والحسم والعلم وفن الادارة الناجحة جزاك الله خيرا |
أكرمكم الله إخوتى وأبنائى الكرام
إن كان على رأى شاهندة يا أستاذ ضياء الصباح هى بصراحة فرحانة بالاستقالة جداً لأنها حاسة أنى غير متواجدة معها كما تعودنا قبل دخولى الإدارة وجدان نصيحة أخيرة أقولها لك لا تعلق حياتك ولا قلبك ولا عقلك بشخص فالأشخاص زائلون كما أن منهم من قد يخدع أو يكذب عليك وتعلقك بهم بهذه الصورة المرضية خطأ خلى قلبك وعقلك مع الله حب الناس ولكن دون مبالغة ثق بهم ولكن دون تفريط وربنا معاك صعب يا مستر على تجربة النظام حتى بدأ الدراسة وإن لم نستطع نترك المنتدى لإدارة الجديدة مع بداية العام الدراسى الجديد هذا توقيت صعب لذا رأينا أن يتم تشكيل الادارة الآن لتتمكن من وضع خططها التى تمكنها من العمل لتظهر نتائح ترضيكم إن شاء الله قريباً حاضر يا حبيبة حغير التوقيع وحلوة التوقيع اللى اقترحتيه هههههههههه (حرام عليكى) أستاذة الإيمان مشكلة مصر الحالية كانت بسبب عشق المنصب والتمسك بالكرسى ونحمد الله أن عافانا من هذا فليجلس على الكرسى من يستطيع أن يعطى بما يرضى الله خالص تحياتى لشخصك الكريم أستاذ خالد غباشى - أستاذ عزازى - مستر مدحت - أستاذ حاتم - مستر عوض على - أستاذ وليد أخوة كرام وأساتذة أجلاء جمعنا حب تقديم الخير للطلبة وللزملاء من المعلمين وأتمنى أن نجتمع على خير دائماً إن شاء الله أستاذى الفاضل أبو إسراء شهادة حضرتك تاج على رأسى جزاك الله كل خير وأتمنى أن نجتمع على خير فى الجنة إن شاء الله سامحونى كنز حياتى هما بناتى وأنا أفعل هذا من أجلهن ومؤكد سأتواجد بينكم كأخت وصديقة وأم كلما سنحت الظروف أشكر أستاذ ممدوح لثقته فى شخصى وترشيحه لى بداية من الآشراف حتى ألحقنى بالادارة فهو أخ أكبر وصديق عزيز وإن كانت لم تجمعنا لقاءات مباشرة إلا أنه جمعنا منتدى بوابة الثانوية العامة وحب العطاء |
اقتباس:
مع حضرتك كل الحق |
اقتباس:
يا أم شاهندة كلامك صحيح لكني تربيت على حسن النية وعلى أن أثق فيمن احب ع العلم أنسي تقريبا احب كل الناس إذن اثق بكل الناس وجل مصائبي من هذه التربية الخاطئة لكن هذا نصيبي لكن والله ثم والله ثم والله ما لرجائي لك بعدم تركنا علاقة بهذه التربية . . . فأنا فعلا محتاج لأخت تكبرني كأم شاهندة ليس لأني أرتاح لكل الناس والسلام ربنا يوفقنا جميعا لما يحب ويرضى ومش عارف أقول ايه والله |
اقتباس:
مش صعب ولا حاجة والله . انتوا بس اللي واخدين الموضوع من زاوية واحدة فقط . فيه حاجة اسمها اعادة هيكلة الادرة . أوضح أكتر قصدي ايه . عندنا مؤسس الموقع : مسئول عن المشاكل الفنية للمنتدي . مدير الموقع : يظل الأستاذ ممدوح كما هو طول فترة الأجازة . المدير التنفيذي : تظل الأستاذة أم شاهندة كما هي ( مع تقليص المهام المنوطة بها كما تحددها هي ) علي أن يتم تعيين عدد ( 2 ) مدير تنفيذي . ويتم توزيع باقي مهام المدير التنفيذي عليهما . نواب الادارة : العدد الأن ( 6 أفراد ) يتم تعيين ( 4-6 أفراد ) ( أقسام المنتدي كثيرة ومينفعش يحصل ظروف لواحد من نواب الادارة , تقوم الأقسام تعطل ) الاداريين : الأقسام العامة عددهم الأن ( 2 ) واللي مقدم استقالة اللي شغال ! ( ينفع الكلام دا ؟!! ) يتم تعيين 3 أو 4 اداريين في الأقسام العامة . مشرفي العموم : العدد ما شاء الله مقبول . الرؤية في الفترة القادمة خلال الاجازة : الأستاذ ممدوح والأستاذة أم شاهندة يتابعان مديري التنفيذ ويوجهاهما ويرشداهما إلي كيفية القيام بالمهام المنوطة بهما كما ينبغي . وكذلك كيفية التعامل مع المشكلات الكبيرة . الأستاذة نغم محمد تعاون الاداريين الجدد وتوضح لهم كيفية متابعة المهام المنوطة بهم . بعد انتهاء الاجازة : ان سار العمل في المنتدي بالصورة السلسة ولم يحدث اثقال علي أي فرد من أفراد الادارة , ولم يحدث جهد علي الأستاذ ممدوح أو انشغال الأستاذة أم شاهندة عن بيتها , يستمر الوضع ( ومحدش هيكون خسران حاجة أو واقع عليه أي ضرر سواء في المنتدي أو في حياته الخاصة ) وان بدا للأستاذ ممدوح أو الأستاذة أم شاهندة أو الأستاذة نغم محمد أن الوضع كما هو عليه الحال الأن , وأن ذلك لن يسمح لهم أو لأي منهم بالاستمرار في منصبه , ساعتها سيكون تم تأهيل من يستطيع أن يؤدي المهام المطلوبة في كل منصب . فيتم ترحيل أحد مديري التنفيذ إلي منصب مدير الموقع . ويتم ترحيل أحد أفراد الادارة لمنصب مدير تنفيذي ( بحيث ان حدثت ظروف لأحدهما , يكون الأخر متواجد . وحتي لا يكون الأمر هو استبدال أشخاص فقط , بل تخفيف في الأعباء والمهام ) سأتحدث بمنتهي الصراحة والوضوح التام : بالطبع من سيحل محل الأستاذ ممدوح والأستاذة أم شاهندة سيكون أحد أفراد نواب الادارة . كيف يكون هذا ونحن الأعضاء لا نراهم إلا نادراً ؟!! تواجدهم في المنتدي قليل للغاية ولا يوجد به فاعلية ولا نكاد نشعر بهم مطلقاً . أنا أحترمهم كأشخاص غاية الاحترام ولكني أتحدث عن طبيعة مناصبهم . فكيف نجد فجأة أحدهم في منصب المدير وأخر في منصب المدير التنفيذي ؟!! علي الأقل اجعلوا أمر انتقال السلطة ( حلوة انتقال السلطة دي :d:d ) يأتي في صورة سلسة وطبيعية . دعونا نشعر بوجودهم معنا وبيننا أولاً ونري مدي فاعليتهم في المنتدي . بلاش نردد كلام دبلوماسي مخالف ومغاير للواقع ونقول كلهم شايفين شغلهم كما ينبغي ومحدش فيهم مقصر خالص ( وكل الكلام دا غلط في غلط ) للمرة الرابعة : والله كلامي صح واقتراحي منطقي ومقبول ولن يعود علي أحد بأي ضرر , ووالله أضع في اعتباري ظروف كل منكم وأعيها جيداً ( لن يتم اجهادك يا أستاذ ممدوح , فقط المطلوب منك المتابعة لعمل المديرين التنفذيين خلال فتر الاجازة . وان اكتشفت بأن الوضع مازال فيه اجهاد عليك , ساعتها هيكون البديل جاهز والأعضاء هتتقبله بصدر رحب لأننا هنكون شفناه وشفنا شغله خلال الاجازة ) ونفس الأمر بالنسبة للأستاذة أم شاهندة , لقيتي المنتدي مازال يشغلك عن بيتك وزوجك ( المفروض تقولي زوجك قبل أولادك ;) ) ساعتها يكون البديل جاهز والأعضاء تعاملت معه . ونفس الأمر بالنسبة للأستاذة نغم محمد ( مع اني مش عارف سبب استقالتها ايه ؟ بس يظهر ان الاستقالات هيرتفع سعرها بعد كدا , وعلشان كدا عايزين يقدموها دلوقتي :blush::blush: ) لكن مينفعش نلاقي ناس مكناش بنشوفهم خالص وفجأة نلاقيهم مدير للموقع ومدير تنفيذي !! دا معناه ايه ؟؟؟ اللي مش بيشتغل يتم مكافأته وترقيته ؟! تفتكروا الأعضاء هتتقبلهم ببساطة كدا ؟!! خلونا نشوفهم الأول في ظل وجودكم ومتابعتكم وتوجيهاتكم لهم . بالطريقة دي المنتدي لا يحدث به أي خلل سواء كان الوضع مناسب لكم أو تمسكتم ( بعد انتهاء الاجازة ) بالاستقالة . مينفعش احلال وتجديد بالطريقة دي خالص !! كدا عمرنا ما هناخد الدوري السنة الجاية واحنا اتعودنا ناخد الدوري خلاص ( اوعوا تكونوا زملكاوية :o:o ) فجأة كدا نلاقي أبو تريكة وبركات وأحمد فتحي يسيبوا النادي ؟! بتكلم جد والله ( بس انا بحط دعابة علشان متنشنش :) ) فكروا في مصلحة المنتدي بما لن يؤثر علي حياتكم الخاصة . فكروا في الأمر من زاويتي أنا ( زي ما أنا فكرت في ظروفكم ) للمرة الثانية : علي الأقل دعوا أمر انتقال السلطة يأتي بالطريقة الصحيحة والسلسة والتي يتقبلها الأعضاء وستخدم من يخلفكم أيضاً . |
نعم ؟! ... ماما ام شاهندة عايزة تسيبنا ؟؟ .. ازاى يعنى ؟؟ .. طب مين اللى هيسال علينا فى الامتحانات ؟؟ .. مين اللى هيشجعنا دايمين و يقلق علينا ؟؟ .. طب بلاش كده .. مين اللى هيزعقلنا لما نغلط ؟؟ .. مين .. مين .. مين ؟؟؟ لو فضلت اكتب فضالها لوقع سيرفر شركات استضافة بالكامل ! ..
على فكرة بقى يا ماما ده ظلم ... احنا بردو مش ولادك ؟؟ .. طيب لما الام تنغل عن ابنائها بيضيعوا ..احنا مش طالبين منك كل وقتك احنا طالبين منك اللى تقدرى عليه .. هو رمسيس فضل يخدم مصر طول ال 7000 سنة دول ؟ لا طبعاً هو خدمها فترة .بس اتعمله تمثال لحد الان موجود .. اهو حضرتك كده يا ماما .. اقل واجب ليكى .. هو بقاؤك فى الادارة .. و بقاؤك وسطنا .. و بقاؤك امنا ... فلو كان المنتدى مبنى ... فأنت عمدانه كله ... مع باقى احترامى لطاقم الادارة .. دونك كان لا يمكن ان يسير المنتدى .. عفوا سيدتى .. ها القرار ليس بيدك ... حضرتك انتى هتمضى اقرار انك مش هتسيبى الادارة و إلا هبلغ جمعيات حقوق الاعضاء .. و اليونسكو و اليونسيف .. حتى يقنعوكى .. و كمان بخصوص المسلسل التركى . بسيطة خالص ^^ .. التليفزيون مش يتفتح فى الساعه بتاعته .. و بخصوص شاهندة .. لما الدراسة تيجى هيبقى الصبح مدرسة و حضرتك معانا فى المنتدى .. اما باقى اليوم .. فلكى حرية البقاء فى المنتدى او الانشغال بأعمال البيت و تربية الابناء ^^ ... مقنع انا مش كده ؟:p :p :p اما انت استاذى ممدوح .. شفاك الله و عافاك و إذا كان يجب وجود مدير متابع ع طول . فأنا اقترح ان يتم تعيينك نائب ادارة لخبرتك العظيمة و مساعدتك لنا .. فلا يجب الاستقالة تماماً عن اعمال الادارة نحن بحاجة ماسة الى اب و جهبز مثلك ^^ |
ليه كده ياماما ام شاهنده
انا بحبك اوى واى |
اقتباس:
سوى الدعاء لكم بأن يوفقكم الله أينما كنتم وماقصدت أن تختطف البوابة كل وقتكم على حساب حقوق مقدسة فهذا لايرضى أحد ولكن لاترفعوا أيديكم إلا بعداختيار البدلاء الأكفاء ومن اختياركم الذى نثق فيه دائما رعاكم الله وأعزكم بفضله وكرمه ونعمه وسلام الله عليكم ورحمته وبركاته |
هل بعد كل هذا ا الكلام عن حضرتك يا استاذة ام شاهندة والاستاذ ممدوح تريدون ترك هذا المنتدى العظيم |
السلام عليكم ورحمة الله وبركاته
بعد التحية أعتذر أولا عن تأخرى فى الرد عن هذا الموضوع المحزن بسبب سفرى فى اليومين الماضيين ، بداية الأمر لم أشعر بالخوف على المنتدى من قبل كما أحسسته عند سماعى خبر رغبة كل من الأستاذ الفاضل / ممدوح الإنصارى والأخت الفاضلة الأستاذة / أم شاهندة فى ترك إدارة المنتدى وذلك لأن كلاهما دعامتان أساسيتان فى بناء هذا الصرح الشامخ _ منتدى الثانوية العامة_ ولا أخفى عليكم أن خوفى الأكبر هو أن هذه الاستقالات قد تفتح الباب أمام الكثير من أعضاء الادارة والاشراف فى تقديم استقالاتهم ، وأنا أعلم أن للجميع أعذاره ومشاغلة الحقيقية ، ولكن منتدى الثانوية العامة يستحق منا الكثير والكثير ، إن الساعات التى نقضيها فى هذا المنتدى لمتابعة موضوع أو بالرد بمشاركة مفيدة أو بالاشراف والادارة هو والله بحق سيكون لنا فى ميزان حسناتنا .... فأرجو من الجميع عدم التفريط فى هذا الأجر العظيم سواء من الادارة أو المشرفين أو الأعضاء .. وأنا أقسم والله أن هذا المنتدى أثر فى وفى شخصيتى وتفكير أكثر من كل الكتب التى قرأتها فى حياتى . فنحن هنا نبنى عقول لجيل يتفتح فكره على صفحات المنتدى الرائد بين كل المنتديات . فى الختام أرجو أن يوفق الجميع على أداء متطلبات حياتهم الشخصية ولكن ذلك لا يمنعنا من حمل المسئولية العظيمة التى تقع فوق أعناقنا. |
لا حول و لا قوة الا بالله
انا اتفق معاك تماما يا مستر علي بجد و الله بدون نفاق ربنا يعلم غلاوتها و معزتها عندي و انى بقدرها و بحترما ازاي و أكيد كلكم كده زيي برضه ... ولا اتفق مع الاستاذة ام شاهندة انها ترحل .. لو كانت متضايقة من حاجة احنا هنا مع بعض علشان نحل مشاكل بعض و كلنا زي ما بنقول أسرة و اخوات .. ويارب ميكونش في اي مشاكل و ان شاء الله تبقى لحظة يق و تعدي ان شاء الله و ترجعلنا احسن من الاول كمان |
خليكى ياماما ام شاهنده
عشان احنا كلنا محتاجينك |
الاستاذه ام شاهنده الحقيقه انا لم اتعرف الي حضرتك ولم انول هذا الشرف لانني عضوه جديده بالبوابه
ولكن ما اراه هو حب الجميع لكي واعتقد ان هذا كافي لتعيدي التفكير في قرارك واتمني لكي كل الخير تقبلوا مروري تحـــــــــــــــياتي |
لآ وآلله بجد انا زعلت اوي اوي
لا بجد حضرتك من انشط الناس الي هنا وانا والله بحبك جدا جدا وكل الي في المنتدي بيحبوا حضرتك مش معقول هتسيبنا كلنا واحنا محتاجينك ياريت يا مس مش تسيبنا وتفضلي معانا عشان خاطرنا كلنا |
لا رحيل ايه ؟؟؟ طبعا غير موافقين ع رحيلك استاذة ام شاهنده
الكل يشهد لكى لاكفاءة والاحترام واانا تعاملت معكى من قبل ف غاية الذوق والاحترام |
اقتباس:
فعلا أنا أول مرة أسمع عن تفكير أ/ممدوح الأنصارى فى هذه الخطوة طيب بالنسبة لى هو من شجعنى وتبنى أى فكرة جديدة عرضتها عليه طيب هو والأستاذة أم شاهندا يعتقدون أن هذا الموضوع سهل دا هو اللى كان دائما لما أعرض مشكلة كان مجرد رده السريع واهتمامه بالموضوع يشعر الانسان بعظمة وأهمية هذا المنتدى خوف حضرتك ياأستاذ عبد الله فى محله لأننى أيضا لا مكان لى فى الاشراف بدونهم |
واضح ان مقترحات مستر على واستغاثتنا بيضرب بها عرض الحائط تحياتى لسعة صدر الادارة |
مش قدمتوا استقالتكم ومتمسكين بيها ؟!
مش كلامنا كله ملوش لازمة ولا أهمية خالص ؟! استقيلوا وسيبوا الادارة . سلموها لناس مش بنشوفها خالص . يعني هي جت علي دول ؟!!! خليها تكمل !! عايزة الحق والحقيقة يا أم شاهندة ؟ أنتي معاكي كل الحق انك تتمسكي بالاستقالة . حتي لو عينوا معاكي (10) مش اتنين بس , كبيرهم يشتغلوا أسبوع واحد فقط , وبعدها ترجع ريما لعادتها القديمة وهتشيلي الشيلة كلها . واللي حدث خلال العام الدراسي كله خير دليل علي ذلك !! وأجمل حاجة ان اللي شغالين هما اللي ماشيين . واللي هيحلوا محلهم اللي مش شغالين خالص . شفتوا الهنا اللي المنتدي فيه !!! |
اقتباس:
اه شوفت يا مستر المنتدى انقلب راسا على عقب اومال فى رمضان احواله هتبقى عامله ازاى ومين اللى هيمسك بدالهم ويكون على قد المسؤليه ويقدر يدير المنتدى صح هما فين دول كلهم انا حاسه اننا كلنا بنحلم ومفيش اى قرارات جديده عايزين نشوف جديد ومبنشوفش فما الحل فى رايكم لادارة المنتدى ادارة سليمة وصحيحة؟ |
اقتباس:
مسئولية ايه اللي بتتكلمي عنها ؟!!! هو لو حد فيهم عارف يعني ايه مسئولية وشايف مسئولياته كما ينبغي , كان يبقي تواجدهم في المنتدي في المناسبات فقط ؟!! ولما الواحد ييجي يتكلم , طبعاً كلامه ملوش أي لازمة خالص وكل اللي تشوفه الادارة يبقي هو الصح وأي كلام غير كدا لازم يكون غلط ( الادارة هي الوصية بالاجبار علي الأعضاء ) ومين في الادارة اللي بيشوف دلوقتي ؟؟؟ اللي مش بيدخلوا المنتدي الا في المواسم ولا فاعلية لتواجدهم مطلقاً . دول اللي بيقرروا شكل وحال المنتدي في الفترة القادمة !!!! |
يعنى نعمل ايه تانى ؟
داحنا بنتشحتف على حد يسمعنا ومش بنلاقى غير ام شاهندة والانصارى دلوقتى هانوافق على اعضاء مجلس ادارة مش بيبانو غير فى المناسبات ده كمان اذا حسينا بيهم اصلا مع احترامى للجميع اللى هايوافق على الاستقالة دى ياريت ينزلنا ال سى فى الشخصى بتاعة يمكن نكتشف فيه شئ يجعلنا نسكب دما على فراق ام شاهندة والانصارى |
http://www.bh-30.com/up1/uploads/ima...981070dc3e.gif http://www.bh-30.com/up1/uploads/ima...a6141d1fe4.gif http://pic.ksb7.com/images/2xr7tob1b17j7zihiao.gif كل الشكر والتقدير للأستاذة أم شاهندة . ونتمنى لك التوفيق والنجاح الباهر لبناتك . المنتدي . |
واضح إن إدارة المنتدى استجابت لطلبكم
رقض استاذ محمود الاستقالة وبعدما رأيت مشاركاتهم ومشاركات الزملاء بأقسام المعلمين أيضاً استخرت الله وقررت البقاء لفترة (للتجربة) لأرى هل سأتمكن من التوفيق بين المنتدى وبين متطلبات دراسة شاهندة عندما تبدأ وذلك بتحديد اختصاصات بعينها لى كما اقترح مستر على أكرمه الله ومحاولة زيادة عدد المشرفين والاداريين ليتمكن الحاضر منهم من القيام بواجبات الغائب لأى ظرف ونتمنى أن نتمكن من تلبية طلباتكم وبدور أستاذ ممدوح الأنصارى رائد العطاء واستشارته فيما نحتاجه لمحاولة ارضائكم وتلبية طلبات أعضاء البوابة من جميع التخصصات والإتجاهات إن شاء الله خالص تحياتى لكم جميعاً يعجز لسانى عن شكركم وعما ذكرتموه من قدرى عندكم جزاكم الله كل خير |
مبرررررروك استمرار حضرتك من اجل مصلحة المنتدى
وان شااء الله يكون الوضع افضل من الاول |
اخييييراً :022yb4: بجد احنا سعداء ببقاءك معانا لفترة كمان في المنتدى واتمنى فعلاً إنه ده ميأثرش على بيتك وابناءك (ربنا يخليهوملك) وفي اسوأ الاحوال نتمنى ان تظلي معنا ولو على فترات متقطعة |
ياسلام احلى خبر من مده طويله
|
الحمد لله
خبر جميل |
حلو اوى الخبر ده احلى خبر يا استاذه وربنا يخليكى لينا ومنتحرمش منك ابدا
|
اقتباس:
أسعدني جداً قرارك بالاستمرار في الادارة وأقلقني ذكرك لكلمة ( تجربة ) تمسكي بأداء ما أًوكل إليكي من اختصاصات فقط ولا تلتفتي لما هو دونها . ويجب علي من أُوكل إليهم باقي الاختصاصات , أن يؤدوها كما ينبغي وإلا فليرحلوا هم عن الادارة مشكورين غاية الشكر عما قدموه في السابق . وعلي ادارة المنتدي أن تحسن اختيار الاداريين والمشرفين الجدد ممن هم أهل لها وأحق بها وألا يكون الاختيار وفقاً لأشياء أخري لا داعي لذكرها حتي لا نجد أن الوضع مازال كما هو , ان لم يزداد سوء !! أهلاً ومرحباً باستمرارك في ادارة المنتدي يا أحق فرد في الادارة كلها . |
يغلق لانتهاء غرضه
|
من مشرفى وأعضاء المنتدى إلى الأســــــاتذة الكرام ممدوح مصطفى الانصارى الأستاذة أم شاهندة والاعتراف بما يجب أن يكون.. من اليوم.. ليس لنا حضور.. نهديكم القرنفل والزهور.. ونخبركم ما الفرق بين الكبرياء والغرور.. وما الذي يميز الأنهار عن البحور.. أليس لنا بعد الآن في ذهنكم عبور.. أليس لنا بأعماقكم شعور.. لا تغضبا.. كثيرا ما يكون الغضب .. وكثيرا ما نثور.. حين نلتقى على صفحات المنتدى.. تغمرنا الفرحة والسرور.. إنظرو لتعليقات المشرفين والأعضاء لماذا نبتعد بعد أن تلاقينـــــا بأفكارنا وعقولنا عن طريق أقلامنا وبدون أن نرى بعضنا إنه واجبنا نحو بعضنا أن نظل فى بوتقة واحدة ننصهرُ بداخلها من أجل أبنــــائنا الأحرف تنحى والكلمات تتطاير فلا أجدو جملة لأكتبهـــــا >>>>> |
| جميع الأوقات بتوقيت GMT +2. الساعة الآن 06:23 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.