|
اقتباس:
لا فى ناس فاكرة ان ده على سبيل المساعدة او الاضطرار او اننا بنتسرق كل يوم فيها ايه لو سرقنا وكدة . بس ده قلة دين معلش يعنى الواحد ممكن يرتشى علشان يسقط عنه فريضة الحج !! ده مش منطقى خاالص طبعا انا كلامى مش موجه لحضرتك كلامى موجة للحالة اللى حضرتك ذكرتها . مش فى كلا الحالات الغاية تبرر الوسيلة اقتباس:
انا فعلا قولت ده لكن انا قولت الامثلة دى على سبيل ذكر المشكلة وحلها لاحظ حضرتك انا ما هولتش منها او كبرتها لكن اذا عرف الداء بطل الدواء وبالنسبة للبلوك انا اللى هعملة يا باشمهندس بالنيابة عن حضرتك ^_^ اقتباس:
مش فاهمه معلش انا اخطأت فى حاجة لو قولت حاجةغلط ياريت حضرتك تنبهنى وانا مستعدة افهم واسمع كمان . وانا ما قولتش اسمع بقى يا سيدى انا قولت حصل موقف على سبيل ذكر بردو المشكلة واسبابها وطرق حلها ولو كنت مش لبقة فى اختيار الفاظى انا اعتذر جداا اقتباس:
اقتباس:
معلش دقيقة هو حضرتك المطلوب من كل واحد داخل يشارك انه يضع حل وانا حبيت اشارك بالحل ده علشان نقلل وبعدين نحل المشكلة نهائيا لو حضرتك قرات اول صفحة هتلاقى انى قولت بالحرف ان المشكلةعمرها ما هتتحل نهائيا لا هى هتقل وبعدين هتزل بأذن الله ارجو فهم الكلام المكتوب حرفا جزاك الله كل خير اقتباس:
اقتباس:
حضرتك بتقيس حاجات مختلفة جدااعلىبعض انا لو والدتى علمتنى الطهى فى الاخرهيبقى فى اختبار يعنى امتحان وبعدين يتم تقييم اللى هى النتيجة وبعدين يتم تأهيلى للمرحلة الجديدة وهى التنسيق ارجو ان الفكرة تكون وصلت اقتباس:
الموضوع معمول اساسا علشان التعليم ـــــــــــــــــــــــــــــــــــوحضرتك بردو لو لاحظت انى اتكلمت عن مرحلة ما قبل الابتدائى وجريت الكلام لناحية تانية خااالص ردا على عضو تحدث عن التنسيق وكان من الافضل وضع حلول علشان نوفر علينا عناء الجدال بارك الله فيك يا جماعة انا اعتذر لو كان كلامى دايق حد من حضراتكم وممكن انسحب خاالص من الموضوع لو مدايقاكو ومش بقول كدة والله كنوع من الاشفاق عليا او كدة لا والله خاااااالص جزاكم الله كل خير |
يا جمـــــــــــــــاعه
اسمعوووووووووووونى ايـــــه رايكــــم اعمل الموضوع ده فى قسم المناقشات والارائات؟؟؟؟؟؟؟؟؟؟؟؟؟؟؟؟؟؟ |
باشمهندسه هاجر
لا مينفعش تنسحبى بالذات لانك بجد اللى نشطى الموضوع من الاول بجد بليز متنسحبيش وخليكى معانا وادينا بنناقش الناس ونشوف ونرد على اراء كل الناس |
اقتباس:
وزى ماقلت كدا مش هنعرف نتكلم وكل واحد بيتكلم فى موضوع لوحده يا ريت يا ريت يا ريت نتكلم كلنا فى موضوع واحد |
اقتباس:
انا مش هرد على حد تانى و لا هعمل QUOTE تانى لحد الحلول اللى ممكن اقدمها دلوقتى اكيد هتكون حلول وهمية لو خدتها وانا قاعد كده نيجى مثلا لحل مشكلة الدروس دى فى التعليم و ان التعليم فعلا مبقاش مجانى اهيقولك عايزين نلغى الدروس مع احترامى ليه هيبقى حمار فى فكره لان لو عندك عمارة و شايف جارك عنده عمارة اطول و اكبرمن اللى عندك متفكرش انك تهد عمارته عشان تحصله فكر دايما انك تبنى اعلى منه .. لان كل تقدم مفيد معروف خصوصا فى التعليم الثانوى ان مفيش حد بيروح مدارس فيها ايه لو قلبنا نظام الحصص دى دروس بشرط يكون الدرس مفيش اكتر فيه من 15 واحد بالكتير او اقل كمان زى اى درس و محدش يقولى مانت كده بتقول ع المجموعة .. المجموعة بتاخد يمكن اكتر من عدد الفصل نفسه و مثلا لوالدرس فى المادة الفلانية الحصة بـ12 جـ مثلا " الاسعار هتتحدد لجغرافية المنطقة و الاسعار السائدة فيها "فى المنطقة دى المدرسة تحط الدرس فى المنطقة دى بـ 10جـ أو 8 جـ و يكون جر رجل زى ما بيقولو و يكون نفس نظام الدروس و المدرسة هتستفيد و الاستاذ هيستفيد .. طبعا هتلاقى فى مدرسين جشعين هيقولك لا انا باخد فى الدرس اكتر و فى مدرسين بيراعو ربنا و دول ما اكثرهم هيشتغلوا و مش هيهمهم 100 جنيه زيادةو لا حاجة و بكده هتنتهى حكاية الجشع دى .. و برضه نسمح للمدرسين انهم يدوا دروس فى مدارس تانية .. طبعا هيطلعلى واحد حالا اومال فين بقى مجانية التعليم و طبعا مش هرد عليه احتراما لصيامى .. و بكده نكون بنقلل شوية من على الاسرة و بنستفيد فى نفس الوقت بدل ما ياخد كل الفلوس مدرس او مركز و الاتنين مبيدفعوش ضرايب :blush: اما بقى لحكاية تنظيم المناهج دى انا شايف مثلا ان فى حاجات كتير لازم تتحذف من ماهج التعليم كتير جدا لانها ممكن تكون حاجات ملهاش لازمة او مكررة بندرسها فى سسنوات تانية و لو حذفناها اكيد لازم نحدف سنة دراسية على الاقل و قصدى طبعا على 6 ابتدائى اللعنة دى و شايف برضه ان اولى ثانوى دى سنة هبلة ولا استفدت منها اى حاجة و لا عملت فيها حاجة و لازم اللى بناخده فى تانية و تالتة لازم يتقسم على 3 سنين عشان فعلا نعرف نفهمه قبل ما نحفظه و طبعا ناس هتقولى مانت كده مش هتعرف تحدد نفسك علمى ولا ادبى .. ده بقى هيرجع للى بتدرسه فى تالتة اعدادى و ممكن بكل سهولة نخلى نظام اعدادى هو اللى يخلينا نحدد احنا مفروض نخش ايه بالظبط و برضه مننساش اننا نعدد مزايا التعليم الصناعى و التجارى لاما نرفع الحد الادنى لدخول الثانوية العامة عشان احنا بكده بكنون بنظلم ناس و اهالى كتير بخولهم ث/ع وطبعا هتقولى انت كده بتزود حمل الاهالى فى حكاية الدروس .. هرد هقول اولا مفيش حد فى اولى مبياخدش دروس و متنسوش حكاية اعمال السنة و ثانيا كل اللى مش هامه اعمال السنة يولك انا عايزاتأسس !!!! و لاحظوا انى جايب الفكرة دى بعد الفكرة الاولى و طبعا دى حلول بسيطة جدا اللى جات فى دماغى دلوقتى و اعتقد انه مش مطلوب منى انى اقدم غير حلول بسيطة لانى غير كده بكون بتفذلك لانى مش متخصص فى الحكاية دى و كمان مش عايز اوجع دماغى بموضوع التعليم ده لانه ملف كبييييييييييييييييير و كبييييييييييير جدا كمان و المهم انى اتعلمت و عرفت استفيد منه مش مهم اتعلمت قد ايه المهم انه زودنى و منقصنيش و يا ريت كل الناس تفكر كده و تفيد و تنصح غيرها فى اول فرصة متاحة للنصيحة و برجو ميكونش فى حد زعل او اتضايق من كلامى |
اقتباس:
وياريت حضرتك تكملي معانا باقي الحلول للمشكله ده |
اقتباس:
مواااااافقه |
اقتباس:
|
اقتباس:
اعتقد يا دكتور شامى ان الموضوع ده اكتر فاعلية فى القسم هناا يعنى تنسيق 2011 يعتبر تقريبا من انشط الاقسام ان لم يكن انشطها . اقتباس:
اللى اقصده من مدايق ان اول خطوة فى الموضوع اننا نبدأ بالكى جى نلاقى رد على موضوع التنسيق ورد تانى بيرد على موضوع التنسيق ورد تالت بيعلم الناس طريقة الحوار ! كلها خطوات مش مرفوضة حتى توجيه شخص لغيره لطريقةالكلام اللبقة بجد انا بقبلها لكن القصد من ده كله هو توحيد جهة النقاش زى ما حضرتك قولت وجزاك الله كل خير اقتباس:
اقتباس:
حضرتك بتتحسس ما وراء الكلام ! هل انا ذكرت ان الثورة ما عملتش حاجة ! وكمان حضرتك عامل كوبى للبوست بتاعى ومافيهوش كلمة من اللى حضرتك بتحاول توصلنى انى قولتها . والحمد لله وجودى فى الموضوع ده اكبر دليل ان الواحد عايز يكمل ثورة ممكن تكون على قدنا كطلبة لكن ان شاء الله هتكون ثورة كبيرة لما نبقى ماسكين وظايف وكدة على العموم انا مش هعلق على كلام حضرتك انا مجهودى كله متجه ناحية كيفية اعداد الاطفال . الرجاااااااااااااء " وانا اول الناس اللى هتبع الطلب ده " توحيد اتجاه الموضوع احنا عايزين المرحلة ما قبل الابتدائى يا جماعة بعد اذنكم المرحلة الثانوية والاعداديه هيكون لها يوم ياباش مهندس احمد . |
اقتباس:
|
اقتباس:
والله يا باش مهندس احمد انا اولما حضرتك وضعت البوست انا شكيت انى غلط وعلشان كدة اقترحت انى انسحب علشان ما اسببش اى ازعاج لحد ودى عادتى فى حياتى كلها " انى اعيش بهدوء بدون اى ازعاج لغيرى ولو على حساب نفسى " ــــــــــــــــــــــــــــــــــــــــانا كنت فاكرة حضرتك بتتكلم بجد فعلا . ومن ناحسية الهزار انا اعترف ان من جديته واحترامه حسيت انه بجد !!!! ما فيش مشكلة وانا ان شاء الله بعدين هحاول اتحرى الالفاظ فى كلامى جزاك الله كل خير واسفة مرة اخرى نرجع للموضوع تانى الباش مهندس محمد والباش مهندس محمد احمد بردو قالوا اقتراحات ممتازة والله ويا دكتور شامى يا ريت تناقشنا كمان ده حضرتك صاحب الموضوع حتى ! وبالنسبة لنقل الموضوع الظاهر ان لسه فى فساد سياسى زى الاستاذ محمد احمد كلمة مواااااافقة دى بتعملى ارتيكاريا . :d:d:d:d:d:d " بهزر " يا جماعة انا موافقة على اىمكان تضعوا فيه الموضوع بس لو هتنقلوه خلوه مؤقتا فى القسم ده لحد ما نضمن ان فى ناس هتشارك معانا ونبقى ننقل بعدين ده اقتراحى |
اقتباس:
|
اقتباس:
انا قولتها لان الدكتور بتاعى رد بنفس الكلمة" فساد سياسى "لما علقت بنفس لفظ حضرتك "مواااااافقة " :) ـــــــــــــــــــــ نرجع للموضوع هو خلاص الطلبة كدة اجمعوا على النقط دى ولا فى زيادة منتظرين الجديد فين الباش مهندس محمد والباش مهندس احمد ,, والدكتور شامى بردو ؟ علشان ننهى المناقشة بتاعه النهاردة لو كل واحد كدة جاب كل الحلول اللى يعرفها . |
ميهمش نقل الموضوع يا شباب المهم الحلول اللى هنقدمها
|
احب ازود بس حاجه
ان الطفل بيقلد اى حاجه بيعملها الاكبر منه ومن خلال النقطه دى نقدر نوجه الطفل لحاجات كتير اوى وكمان نحاول على اد ما نقدر اننا ماننفعلش قدام الطفل او نعمل اى تصرف سئ لانه هيعتبر دا حاجه ايجابيه ويقلدها |
وبمناسبة بقي ان احنا بنتكلم عن الأطفال في مراحل ما قبل الابتدائيه
كنت جبت قبل كده عدد لمجلة ناشيونال جيوغرافيك وكان معاها اسطوانه dvd كان فيها أفلام وثائقيه وتجارب علي الأطفال بجد حاجه روعه بتبين الي أي مدى الطفل ده ذكي . يمكن في نقطه كنت عايز اذكرها وأنا آسف لو بخرج عن الموضوع جابوا كذا طفل كده عندهم حوالي 3 شهورأو أقل مش متذكر بالضبط تصوروا بيدعوهم بكل اللغات وبيتجاوبوا معاهم سواء انجليزيه أو صينيه أو أي لغه لكن القدره ده بتختفي عند الطفل بعد كده ومش بيقدر يميز غير اللغه اللي متعود يسمعها اللي هي لغة الأسره والله بجد مش اقدر أقول غير سبحان الله. والطفل ده بيقدر يميز أدق أدق الأ شياء وبالتالي لازم نعامله وهو في السن ده علي أساس ان هو بيفهم وبيعي أي شئ لأن كل شئ بيتسجل عنده فيما بعد وأنا آسف مره تانيه. |
اقتباس:
طيب يا جماعة لو حبينا نحصر الحلول هتبقى الالية ازاى ؟ يعنى مثلا الباش مهندس محمد c هيقوم بفرز الحلول اللى فى مشاركاته واى عضو تانى انا اسفة نسيت اسمه ياريت يعمل كدة بردو . الاستاذ محمد احمد هيشوف الحلول اللى فى مشاركاته بالنسبة للباش مهندس احمد كانو كان بيتكلم عن موضوع الثانوية وكدة ودة للاسف ماكانش موضوع الناقش انهاردة . هنستفيد منه ان شاء الله فى الموضوع الخاص بيها. طيب بعد الحلول وتكون ياجماعة بعد اذنكم مرقمة يعنى 1- ... 2- ... وهكذا علشان الموضوع يبقى منظم جدااا وفى الاخر يتم ارسال الحلول على الصفحة هنا وان شاء الله الدكتور شامى هيرفعها على الفيس بوك وبعدين فى خطوات تانيةعلشان ممكن نستعين بطالب يظبط لنا موضوع تنظيم الورقة دى . بس دى الخطوات مؤقتا اننا نحصر الخطوات وتكون ياريت قصيرة علشان ما تقلبش مقال او مشاركة فعلية . جزاكم الله كل خير يا احسن طلبة . |
بالنسبة لاعداد الأطفال أنا شايف انها ثقافة أهالى فى الاول و فى الآخر
و المنتشر من الكى جيهات هو الخاص اللى بتكون فلوسها مش فى مقدور معظم الناس فى الاحياء و المناطق الشعبية اللى بيفضلوا يدخلوا اولادهم حضانات أهلية و طبعا الحضانات شايف انها كانت بتلعب دور رئيسى فى المجتمع بتاعنا لكن للأسف كالعادة محدش اهتم بيها و تعالى نشوف معظم الحضانات اليومين دول الهدف الرئيسى منها الربح فقط لا غير و مش مهم الطفل بقى يتعلم هو المهم انه يريح اهله من الصداع اللى بعملهلهم و يقعد يلعب هنا شايف ان الحل فى كده ان الحكومة توفر كى جيهات حكومية تكون فى مقدور الاهالى و ده هيخيلنا نحل مشكلة تانية من غير ما نعرف و هى اعداد المدرس او المدرسة لانن غصب عننا هنأهل المعلم اللى هيتعامل مع الطلبة فى مثل هذه المرحلة السنية و لازم يزود التليفزيون من البرامج اللى بتعد االاهالى كيفية التعامل مع الطفل المشكلة دى مش هتلاقيها فى المناطق الراقية فى مصر لكن بتظهر فى المناطق الشعبية و الحل بيكمن هنا فى تغيير ثقافة الاهالى دول من خلال حملات التوعية سواء فى الشارع او التليفزيون لانه لو هتلاحظوا معظم الاطفال فى المناطق دى بتخش على ابتدائى ع طول و دلوقتى اللى زود المشكلة ان ابتدائى بقى صعب جدا جدا جدا محتاج طفل عارق يقرا و يكتب ع الاقل مش لسه هيتعلم يقرا و يكتب |
اقتباس:
فكرة جميله اوى ***************************** كفاية كدا بقى لحد دلوقتى حان الان موعد أذان المغرب نكمل بعد الفطاااار |
اقتباس:
فعلا يا باش مهندس موضوع التقليد ده مهم جدااا يعنى ممكن نستفيد منه ان الطالب مثلا ازاى يقوم بالوضوء مثلا او ان الطالب نستعين بيه فى المسرح بتاع المدرسة وان يكون له دور حقيقى فعلا مش مجرد ادوار مش عارفه قطط وحيوانات وكدة لا ممكن مثلا يعيش دور واحد واصحابه والمشاكل اللى بتواجهه والطفل يكون مثلا احد الناس اللى بيشاركوا فى النقطة دى . طبعا موضوع المسرح ده هيبقى ايجابى مش مجرد دور سلبى زى الفن اهابط بتاع دلوقتى يعنى دور مؤقت . اقتباس:
بجد انا كمان شوفت اطفال على قناة صينينة بتعرف ازاى تحسب ارقام كتيرة اوى من غير ورقة وقلم وده عن طريق خرائط المخ !! يعنى تدريب مش اكتر !. ودهبيخلى مخ الانسان نشيط جدااا اقتباس:
بالعكس دى تجربة اكبر دليل على الكلام اللى بنقوله ده وهى مهارة تعويد الطفل على حاجات ممكن بعدين يبقى بارع فيها او انها تنطوى لو ماحدش اهتم بيها . وموضوع ان الطفل بيهم ادق الاشياء ده فعلا وانا شايفاه قدامى يعنى بصراحة الواحد مثلا بيشوف اطفال بيحفظوا قرآن وكمان بيعبروا وهم بيسمعوا الايات وفاهمنها وده بيدل على حفظ وفهم فى نفس الوقت . بجد جزاك الله كل خير طبعا كله راح يفطر دلوقتى طيب يا جماعة كل واحد يعمل الواجب بتاعه بحيث بكرة الصبح ندخل نلاقى كل واحد جمع الحلول فى نقط وكمان ندخل فى المرحلة اللى بعديها علطول بكرة ان شاء الله الساعة 9 صباحا . ياريت كلواحد يجمع الحلول بتاعته علشان بكرةالصبح تكون البداية من غير ما نضيع وقت بجد كلامكم ومقتراحتكم مفيدة جدا وممتعة وانا اعتذر عن اى شئ بدر منى جزاكم الله كل خير ــــــــــــــــــــــــــــــــــ صوما مقبولا وافطارا شهيا . |
اضم صوتى لصوتك لكن مننساش ان كل سنة صعوبة و سهولة امتحاناتها تختلف من سنة لاخرى
|
اقتباس:
فعلا كلام مظبوط جدا مستوى ثقافة الناس هى اللى بتحدد ازاى كان الطفل دهفعلا مؤهل انه يتعلم و هى مجرد شهادة وبس . موضوع الحضانات الحكومية انا خايفه ان الموضوع يبقى روتينى اوى زى الحكومات العادية لكن طبعا بعد التغيير اللى ناويين نوصله ان شاء الله تبقى مشروع ممتاااااااااااااز جداا والله . فعلا ممكن نعمل حضانات مقاربة للحضانات الخاصة وبمصاريف مناسبة تبقى مدعمة من الحكومة بعنى وتبقى فيها خصخصة ادارية زى ما درسنا فى الاقتصاد " يعنى اتباع كااامل لاسلوب القطاع الخاص فى الادراة زى الثواب والعقاب المكافآت وغيره " وكمان الموضوع ده يكون فى ايد الخريجين الجداد من تربية لان دول بيبقى عندهم صبر جداا ويقدروا يتعلموا حاجات كتير فى الوقت ده . الى جانب لازم يكون فى حصة للكمبيوتر يتعلموا فيها ازاى يشغلوا الكمبيوتر وبعدين تطبيقات الكمبيوتر زى مثلا برنامج الرسام وغيرها وهم يشغلوه ويكون ليهم مشروع اخر السنة زى بتوع هندسة بالظبط ويكون ليهم تقدير . علشان لما يدخلوا ابتدائى يبدأو يفكروا فى مثلا برامج اكبر زى فوتوشوب وما حدش يستغرب يا جماعة العقل وقتها بيبقى مستوعب حاجات كتير جداا وبالتدريج بيقدروا يفهموا كل حاجة . كمان لازم يكون فى اهتمام بالرياضة انا ما اقصدش التعصب الرياضى لا يكون فى مثلا حصتين رياضة اسبوعيا نقدر نوفر لهم فيها لعب كرة السلة والعاب تانية والعاب خاصة بالبنات بردو علشان ما يبقاش فى اتجاه لتنشيط الرياضة عند الولاد والبنات لا . ـــــــــــ ان شاء الله اخر موعد لاستلام الاقتراحات قبل بدء المناقشة بكرة بساعة يعنى على الساعة 8 يكون كل الناس وضعت ورقمت حلولها علشان يبقى الموضوع ميسر للجميع . جزاكم الله كل خير |
اقتباس:
please wait to prepare your request |
طب بصوا يا جماعه هناخد رايى البشمهندسه هاجر
1. هنعمل موضوع فى نفس القسم نسميه بأسم مقترحات التعليم بايظ 2. كل عضو هيقول اقتراح واحد فقط دة مبدأيا وازاى نحله ( يعنى المشكله وحلها ) ليس المشكله فقط 3.وانا هحط اقتراح كل واحد بالاسم بتاعه على الجروب على الفيس بردو عشان زياده فى الاشهار بالاقتراح وحله والحمد لله الجروب وصل ل 61 وفى الزياده انا شاء الله وهنا بردو 4. الموضوع ده الاساسى بتاعنا 5. ياريت منتعبش ونمل ونسكت ونفضل مع بعض ونحط ايدنا فى ايد بعض ونقدم الاقتراحات والحلول لابعد الحدود لحد ما يتقدم التعليم بجد فى مصر لو موافقين قوليلى اوك عشان احط الموضوع ولو حد عنده اقتراح تانى او تعديل فى 5 بنود دول يقولى وانا هعدله |
اقتباس:
|
اقتباس:
ربنا معاك يا باش مهندس محمد ويكثر من امثالك . اقتباس:
مع حضرتك يا دكتور شامى فعلا اقتراح موفق من حضرتك ومن الطلبة اللى شاركوا معانا . جزاكم الله كل خير يا خيرة شباب مصر . |
يا جماعه صحيح اية رايكوا فى البرامج التعليميه اللى بتيجى فى التليفزيون هههههههههههههه
|
السلام عليكم ورحمة الله وبركاته ..... نستكمل بحول الله نقاش اليوم عن التعليم الابتدائى بالنسبة للتعليم الابتدائى احنا على ما اتذكر كنا بناخد بعض تكوينات الكلمات وترتيبها فى الجملة وكمان كنا بناخد زى كدة اناشيد تعبانة جداا زى مش عارفه قطتى صغيرة والكلام ده ده اللى فاكراه بالنسبة للعربى وطبعا لو حد عنده طفل اصغر منه هيقد يفيدنا كتر من كدة كمان كنت فاكرة اننا كنا فى الحساب بناخد الجمع والطرح وكمان جدول الضرب وحاجات من دى بالنسبة للمواد التانية زى الانجليزى تقريبا كان على وقتنا تم تدريسة فى سنة تالتة ابتدائى وكمان ما كانش فى اى مادة عن الكمبيوتر ولا عن الانشطة فعليا زى الرسم والالقاء الشعرى وغيره بالاضافة الى ان الاساتذة فى الوقت ده اهتمامهم بالاطفال تقريبا شبه منعدم الحل بقى ممكن يكون مثلا دراسة للاطفال عن ازاى يقدر يحفظ ويفهم جدول الضرب يعنى انا والله فاكرة ان فى استاذ كان بيدينى فى ابتدائى قالنا ان كان عندى فاهم جدول الضرب عن طريق الكتابة وبعدين بقى سهل عليه يحفظه جداا . ودى كانت اول مرة اعرف المعلومة دى . الحكاية بكل بساطة ان طفل كان عارف جدول الضرب من اول رقم يعنى 1X2 =2 يعدين 2x2=4 وهكذا هو بيعرف اول عملية رياضية وبعدين بيزود مع كل رقم 2 ! ذهلت لما عرفت طالب فى ابتدائى يطلع لنفسه قاعدة . يعنى بمعنى اصح لازم يكون المدرسين فاهمين جدا علم نفس وتربية بالنسبة للطفل علشان يبقى فيه تعليم صح برا بيعرف الخرائط الذهنية للطفل ومنها بيقدروا يخلوه يفهم اى معلومة . كمان جزئية تانية وهى ان الواحد ما يستخدمش ابدا العصاية او الضرب بأنواعه مع الاطفال لان الطفل بسبب كدة والله بيتعقد نفسيا جدااا وده مش بيظهر على المدى القريب لكن على المدى البعيد بتبقى توابع على بعضها طيب وسائل العقاب تبقى ايه ! 1-استدعاء ولى الامر زى ما قلنا قبل كدة 2-اعفاءه من الانشطة 3-تقليل النقط اللى بياخدها على سير سلوكه وتكون المهمة دى مش مهمة الاستاذ لكن المحللة النفسية لان فى مدرسين ربنا يهديهم بياخدوا ده وسيلة تهديد للطفل . جزئية تالتة وهى الاهتمام بالعلوم والقراءة من الصغر يعنى فيها ايه لو الطفل اتعلم مثلا عن النبات وتكوينه بطريقة مبسطة جداا ونقوله يعمل بحث ونناقشه فيه علشان نعلمه طريقة النقاش العلمى ممكن يبقى ده مشروع اخر السنة يبقى من ضمن درجات الطالب وتكون الفكرة دى فى 3 ابتدائى . الاهتمام باللغااااااااااااات مش بالمواد يعنى مش معقولة يكون الطالب بيعرف قواعد نحوية وفى المرحلة الثانوية ومش عارف يتكلم جملة صح !! يعنى مش معقول اهتمامنا منصب على جرامر وما فيش اهتمام باللغات فيها ايه لو اتعلموا لغة مبسطة من صغرهم ! طيب ما مدارس اللغات بيتعلموا من صغرهم ! ــــــــــ ده اللى موجود فى دماغى دلوقتى وان شاء الله يكون فى افكار تانية فى اذهان المشاركين يالا يا باش مهندس محمد c وكمان باش مهندس احمد كانو وباش مهندس محمد احمد وطبعا الدكتور شامى وكل المشاركين ياريت نحل المشكلة مع الاهتمام بموضوع المناقشة انهارده |
اقتباس:
أنا كنت حضرت ندوه للدكتور سعد المصري استاذ علم الرفلكسولوجي هو كان بيشرح العلاج عن طريق الأطراف (القدمين واليدين)وكان تقريبا بيعالج كل الأمراض عن طريقها . فكان راسم خريطة الجسم علي القدمين واليدين وعن طريقه الخريطه ده بيقدر يعالج العضو اللي فيه مشكله ففي حد سأله وهو بيهزر وبيقوله علي كده بقي لو حد ضربني علي يدي او قدمي يبقي هيأثر علي باقي الأعضاء قاله فعلا وكلام حضرتك مضبوط وبالذات بالنسبه للأطفال لأن الطفل ممكن يصاب بصدمه اذا أصيب مركز عصب المخ مثلا فعشان كده كنا بنشوف حوادث في المدارس يقولك طفل توفي نتيجة الضرب ده فياريت يا جماعه تخلو بالكم من النقطه ده وتنبهوا الناس ليها . |
عآيز آقول بآلنوسبة ( حلوه بآلنوسبة دي ) آلمهم , يشوفوآ صرفة في علمي ريآضة , , , آزآي آلفرق بين آعلى كلية في علمي ريآضة و آلكلية آلي بعدهآ يبقا 5 في آلمية آقل حآجة يعني 20 درجة يعني آلي مآ يلحقش بترول على نص درجة يدخل هندسة مع آلي جآيب آقل منو بـ 20 درجة |
يا جماعه يعنى اية مستشار يحط امتحان هو يعرف قدرات الطلاب ويعرف مستواهم وهو اصلا مبيكنش على درايه كامله بالمنهج ولا اختلاط بالطلاب ولا اى حاجه وزى ما حصل فى امتحان الانجلش جه جزئيات من الملغى وبره المنهج
يا جماعه المفروض المدرسين هما اللى يحطوا الامتحانات بس المدرسين اللى ليهم ضمير بجد مش المدرسين اللى يبيعوا الامتحانات لطلابهم |
, , , مستشار آلمآدة مآ يعرفش , , , دآ بيكون مدرس و بعدين مدرس آول و بعدين موجه و بعدين مستشآر كول دآ و مش عآجبك ,
|
اقتباس:
ولكن تطبق فى التعليم بطريقة خطا مثلا المدرس يطلب من الطلاب بحث عن النبات مثلا يدخل الطالب على النت وينزل البحث بدون ما يعرف عن البحث ولا كلمه غير ان عنوانه النبات والمدرس يعطى الطالب الدرجة بدون ما يناقشوه فى البحث غر ان البحث شكله كبير و يستحق الدرج و السلام فى الحقيقة مشكلة التعليم تتطلب تطويرفعلا للمدرس و للمدرسة من حيث المعامل اللى احنا مش بنسخدمها غير فى امتحان العملى اخر السنه وغيرها من مشكلات تانيه |
اقتباس:
نقطة جميلة جدااا يا باش مهندس محمد احمد بجد والله حضرتك يوم عن يوم بتستشهد بحاجات بتأكد ملاحظات الشباب اللى فى التوبيك جزاك الله كل خير . وفعلا موضوع العلاج باللمس ده موجود فى مصر لكن لسه ما فيش للاسف اعلام ينشر عنه . وكمان عايزين نفهم كل الاساتذة ان فى قاعدة قالها الرسول - صلى الله عليه وسلم - وهى " ما كان الرفق فى شئ الا زانه وما نزع الرفق من شئ الا شانه " يعنى الرفق فى اى شئ بيخليه متزن بينما نزعه من اى شئ بيكون مختل ومعيب . اذكر قصة اخرى ذكرت فى كتاب لا تحزن للدكتور عائض القرنى ان هناك جسر من الجسور فى تركيا هذا الجسر بنى من الاف السنين وهو جسر غير خرسانى ممكن من الخشب او ما الى ذلك كان مكتوب فى اول الجسر " تمهل " لان الذى يخوض فيه سرعه على دراجته سوف يسقط ! وبالفعل لم يتمهل احد المارة واسرع بدرجاته النارية على الجسر ووقع منه !!! عفوا جايز اكون خرجت من الموضوع لكن موضوع الضرب ده بجد بيخلى الواحد يحزن على منظومة بيحس انها ممكن تكون امن دولة بس على صغير ! يعنى فى مدرسين بيعذبوا بمعنى الكلمة الطلبة عن طريق العصا او رفع الشنط او منعهم من دخول الحمام - اعزكم الله -واحيانا ضربهم بالشمع المستخدم فى مسدس الشمع !! سعيدة جداا بمشاركة حضرتك يا استاذ محمد وياريت تبلغ الباش مهندس محمد c انه يحضرنا فى المرحلة دى علشان اقتراحاته مهمة جداا وكذلك الباش مهندس احمد كانو ياريت تبلغه بردو هو اكيد هيعرفنا على حاجات مش عارفينها . جزاكم الله كل خير ــــــــــــــــــــــــ ليا عودة باذن الله ياريت الباش مهندس احمد " اسحاق نيوتن " يساعدنا فى مشكلة المرحلة الابتدائية لان التنسيق وكمان المرحلة الثانوية هيكون له مناقشة لان كلامك مظبوط جداا بس وقته مش مناسب . بارك الله فيك |
اقتباس:
شكرا جدا لمشاركة حضرتك وفعلا الابحاث اذا كانت موجودة لكن اليه عملها فاشلة جدااا! ازاى ؟ يعنى مثلا حضرتك ذكرت مثال وهى ان الطالب بيجيب المعلومة من النت لكن اللى الطلبة بتتكلم عليه فى التوبيك ان ماله يجيب المعلومة من النت بس يناقش الاستاذ فيها بطريقة مبسطة منها يقدر يعرف اذا كان الطالب ده فاهم وحافظ ولا مجرد كاتب كلام ومش مهتم بيه ! ؟ ومن ناحية الادراج لازم يكون فى واحد متخصص فى العلوم مش لازم الشغل كله يبقى على استاذ المادة لا فيها ايه لو تم توزيع الادوار ؟ ؟ ؟ مثلا يكون هناك استاذ يشرح المنهج ومسئول عن النظرى . استاذ متخصص فى العملى والابحاث ويتم التوفيق بين الاثنين من حيث تنظيم توزيع الادوار وبكدة 1-نكون استخدمنا شباب ممكن مش لاقيين شغل . 2-الطالب هيتعامل مع متخصصين يفهموه . 3-هيكون انتاجية التعليم اكبر وازيد . المشروع مش مجرد بحث ورقى لا احنا عايزين تطبيق مثلا افتكر ان كان عندنا ازاى نزرع الفول ؟ وطبقناه وكان عاجبنا اوى المشروع ده بالرغم اننا مش فاهمين حاجات كتير فى الزراعة ! كمان ممكن يكون مثلا المشروع عن النباتات وانواعها وكذلك تكوينها وطرق حصولها على الغذاء ممكن يكون عن تكوين جسر الانسان والتشابة بين الانسان وبعض المخلوقات مثل الحيوانات الراقية وغيرها . وده هيكون مشوق جداا للاطفال وهيحبوه جداا . اقتباس:
+1 وكمان والله احنا عايزين نحل المشكلة دى مشكلة المعامل ودخولها وانها مجرد منظر فى المدرسة مشكلة الاستاذ مع الاطفال والطلبة وعدم تفهمه لمشكلاتهم وغيره . لكن فى المرحلة الجااية ان شاء الله بعد ما البلد تبقى افضل ماديا هنلاقى افضل معامل وكمان الطلبة يستخدموها _________________ شكرا جداا لكلام حضرتك المنطقى وياريت حضرتك تكمل معانا . |
التعليم ف مصر فيستك برانى
|
اقتباس:
|
اقتباس:
انا شوفت اللى كان حاطط امتحان الاحياء عججججججججوز مووووووووووووووووت واكيد هيحصل اخطاء هو بيحط على سبيل اللى يعرفه والمنهج اللى هو درس فيه كتير من ايام زمان . والمفروض تعليم انهارده مش هو تعليم بكره |
اسف جداا يا جماعه على عدم المشاركه
بس كنت مشغول اوى والله بين التحويل ونظام كل جامعه ايه وفطرت امبارح برا البيت ورجعت متأخر جداااااااا اسف مرة تانيه على عدم المشاركه متواصل معاكوا ان شاء الله |
ولا يهمك ومستنينك
|
انا هتكلم الاول فى نقطه عن التعليم الابتدائى وبعد كدا هقول نقطه على التعليم ككل
اولا بالنسبه للرياضيات بشوف اساتذه كتير اوى بتخلى الطفل يتعلم على الأله من صغرة ودا غلط جدا وللاسف اخويا واحد منهم وانا بقى كنت فى ثانويه ومكنتش بركز معاه اوى ودا طبعا بيخلى الطفل غير قادر على استيعاب اى معلومه او فهمها ياخد اى مسأله يحطها على الأله يطلع الحل وشكرااا وهو فاكر نفسه كدا شاطر يبقى الحل اننا نمنع استخدام الأله الحاسبه تمامااا فى التدريس والسماح باستخدامها فقط فى حالة المسأل المعقده تمامااا او مسأل الجيب وجيب التمام زى ماحنا عارفين وبكدا طبعا تزيد قدرة الطالب على التفكير والابداع وسرعة البديهه اما النقطه التانيه اللى كنت عايز اتكلم فيها على التعليم ككل ان يتم قياس نسب ذكاء الطلبه ومن خلال هذه النسب يتم وضع الطلاب فى الفصول بحيث يكون النسب المتقاربه فى فصل واحد وبكدا انا بسهل المهمه على المدرس بدل ما اخلى المدرس يتعامل مع نسب مختلفه فى نفس الوقت يبقى بيتعامل مع نسبه واحده فقط وطبعا برضه لازم نقيس قدرات المدرس علشان كل مدرس يبقى فى الفصل المناسب مستنى رأيكم |
التعليم الابتدائى (الكُتاب الحديث) تحول التعليم الابتدائى فى مصر الى كُتاب حديث يعنى دور مدرس اللغة العربية بيقوم على قارية الدرس والبتحطوا ليهب وبيخلى الطلبة يستخدموا اله وهما صغيرين فى دعوة الى (الغى مخك واستخدم التك ) ويجى كمان الى مدرس العلوم اللى بيخلى الطلبة يحفظوا مكونات النبات وعملية البناء الضوئى من غير مايقوموا بأى تجربة عملية ولا ينزلوا المعمل (انا لما كنت فى تانية ثانوى مانزلتش المعمل ولا مرة غير لما يكون فى حد بيزور المدرس ) المهم اصبحت العملية حفظ فى حفظ [COLOR="Dark ونيجى بقى للمناهج اللى اصبحت زى الماية الراكدة مافهوش اى حاجة علشان تحبها من اناشيد رخمة للمواضيع مستفزة..... الخ الخ الخ وكمان بقى اللغات يعنى ايه اعد احفظ كلمات وجرامر من غير مايعرفوا ينطقوا الكلمات اللى بيحفظوها ولحد ما يخلص تالتة ثانوى ويخرج مابيعرفش ينطق كويس ومخارج الحروف ضايعة بجد عيب اللى بيحصل فى حاجة متضايقانى ( اللغة الدينية والتربية الوطنية ) بصراحة مافيش اى اهتمام بالمواد دى وبقت مهمشة بدرجة رهيبة وكمان المادة اللى تزود حبك لبلدك وانتماءك بقت مهمشة !!!! لازم المواد دى ترجع تانى ونحبب اولادنا فيها اه افتكرت حاجة تانية (الانشطة) كمان بقت مهمشة ومدرسن المواد تانية بياخدوها علشان يلحقوا يخلصوا المنهج مادام المنهج كبييير بتحطوااا ليه وكمان المواد دى مهمة مش زى ماناس فاكرة يعنى دى بتزود قدرة الطالب على الفهم والاستعاب وبتنمى فيه قدرتوا على الابداع والابتكار زى الرسم وكمان المكتبة اللى الطالبة مابقوش بيدخلوها غير مرة فى السنة!!!!!! لازم نرجع نستفيد من الانشطة دى ونرجع نهتم بمادة الكمبيوتر لانها هى المستقبل ولازم المدرس يبقى فاهم اللى بيدرسوا لان معظمهم مش بيبقوا فاهمين :blush: انا رأيى اننا نبدأ نحط مناهج جديدةللى داخلين سنة اولى ابتدائى لان ده جزر التعليم لو صلح صلح التعليم كلوا ونستعين بخبراء فى التعليم وعلى دراية بنظم التعليم الاجنبية وناخد منها اللى يناسبنا ونعرف نطبقوا صح مش معقول اللى بيحط الخريطة التعليمية فى كندا مصرييين واحنا هنا لا تعليق نستعين بحد زى دكتور احمد زويل او فاروق الباز وفى زيهم كتير فى مصر ولما نحط للى داخلين اولى ابتدائى نظام جديدوبعد 12 سنة يدخلوا الجامعات يبقوا فاهمين وبرؤية وتعليم جديد ونرجع نهتم بالانشطة والكمبيوتر بالتربية الدينية والوطنية وكمان وسائل العقاب لازم تتغير ( حاكلكوا على مدرس رياضة كان بيدينى فى ابتدائى ) المدرس ده كان معاه خرطوم برتقالى كبيييير اوى وكان بيضربنا بافترى وساعات بيسيب الخرطوم ويدرب بالبوانى لحد ماخالا واحدة فمهها ينزل دم كلنا كنا بنكرهوا وبنكره حصتوا وبنكره الرياضة وكنا بنخام نروح المدرسة منوا على الرغم من اننا كنا فى مدرسة خاصة على الرغم من انوا كرهنا فى الرياضة فى ابتدائى الا انى حبيتها على ايد مدرس تاانى فى اعدادى ودخلت علمى رياضة وهندسة ) المهم لازم الموضوع بتااع الضرب ده يتغير ممكن نستدعى اولياء الامور لازم يبقى فى اخصائى نفسى بجد فى المدارس يطرح وسائل العقاب والتاهيل النفسى ممكن زى المهندسة هاجر ماقالت حرمان من الانشطة بس ده لما تتطبق الانشطة الاول ده اللى فى دماغى دلوقتى اخيرا لازم المسئولين يفوئوا للمصيبة اللى فيها التعليم لازم يلغوا الدروس الخصوصية لانها مصيبة من مصائب الزمن ويعدلوا مرتب المدرس ويأهلوا الى انو يدرس ماهوا مش اى حد بتبقى عندوا موهبة توصيل المعلومة ويرتقوا بمستوى المعلم:(:o:o:( وشكرا:):) |
فعلا تقريبا بقيت افكارنا بقيت متقاربه ( 1. المناهج لازم تتغير فعلا زى ما ياسمين قالت ) .
والحفظ فعلا بقى كل حاجه وعدم استخدام الموخ زى ما كابو قال بالظبط واعتماد على السهوله والبساطه وارمى مع ان مرحله الابتدائى دى اهم مرحله |
فعلاااا كلام حضراتكم مضبوط لازم المناهج تتعدل وتناسب عقل الطفل القادر علي الفهم والابداع يعني انا مثلا عايز منهج يشدنى يخليني أحبه ويكون في عنصر التشويق ومش لازم يكون فيه كل حاجه لا لازم يكون فيه عنصر البحث يعني مش ألاقي المعلومه كامله أنا أحسن أشوف جزء من المعلومه أو شئ يقودني اليها وبعدين أنا أتعب أعتقد هيكون أحسن بكتير وأحس ان أنا طالب فعلا.
|
حاجه تانيه عايز اضيفها
يا ريت لو يكون فى كل مدرسه مجموعة مندوبين دور المندوبين دا يتلخص فى انهم بيتابعوا الطلاب من سن صغير ويشوفوا كل طفل هوايته ايه مثلا يكون فى مندوب عن الرسم مندوب عن الموسيقى مندوب عن الرياضه كورة وسله وطايرة مندوب عن اى هوايه لان بجد فيه مواهب كتييييير اوى وعدم النظر ليها بيدفنها لو قدرنا اننا نستخدم المواهب دى بجد هيطلع الطفل دا يخترع حاجه فى مجال هوايته .......... متابع |
DR/freaky deaky
اهو الشكلة انو حكاية الامتحانات بتحتاج واحد خبرة , العجوز في بلاد برا ( سيبك من بتاع هنا ) كل ما بيكبر كل ما بيزود خبراتو آلخ فا المفروض تبقا نفس الوضع في مصر العجوز بتاع هنا يعني خبرات اكتر , بس يظهر انه بيبقا مدرس اول بيبدأ ينسى نفسو |
والله يا جماعه الافكار والاقتراحات الجامده دى لو حصلت هنبقى احسن دوله فى مصر والله بجد يا جماعه
بس يا رب تتحقق بس يااااااااارب issac فعلا عندك حق بس اللى بره مش فى مصر هههههههههههه |
اقتباس:
فعلا يا باش مهندس محمد احمد والله مشكلة المعامل دى ليها اسباب كتير اوى :- 1- ماديا الدولة مثلا مش قادرة توفر عينات من المواد الفيزيائية والكيميائية زىمثلا الزئبق لانه غالى جداا وده بسبب ان بلدنا فقيرة بمعنى الكلمة لاننا نكتفى بس نبص على سائل الزئبق من خلف الاستار" هو داخل الزجاج " .2- كسل من بعض الاساتذة انهم يتعبوا نفسهم ويوضحوا للطلبة عمليا التجربة 3- بعض الطلبة بيكرهوا الاساتذة فى المعامل نتجة اتسخدامهم السئ للمواد :- 1# لان كل خطوة من خطوات التجربة بيكون ساعات ليها تعليق مش لطيف من الطلبة وده بينرفز الاساتذة . 2# ساعات الطلبة بيستخدموا المواد بكم مختلف وممكن يؤدى لمشاكل كبيرة جدا فى المدرسة يعنى ساعات الطلبة بيستخدموا حمض الكبريتيك بكميات اكتر من المطلوب وبالتالى ساعات تبوظ التجربة ده على اقل تقدير اذا ما حصلتش مشاكل اكبر . والله يا باش مهندس محمد حضرتك اللى بتقوله ده واقع فعلا بيننا كطلبة موضوع اننا مجرد نتفرج على المعامل وخلاص انا افتكر ان المعامل فى مدرستنا عاملة زى الفصول مع اختلاف بسيط وهو وجود دولاب للمواد لا يستخدم قط ووجود بعض اجهزة الكمبيوتر القديمة الازل . ــــــ جزئية انى اشوف الحاجة وتثبت فى دماغى عند حضرتك حق 100% لان الواحد بيستخدم فيها كل حواسه تقريبا وبالتالى مراكز الحواس دى فى المخ بيكون ليها جزء من الذاكرة فى التجربة وبتبقى من الحاجات اللى من الصعب الواحد ينساها ... جزاك الله كل خير يا باش مهندس محمد احمد بجد والله حضرتك اجملت كل شئ فى مشاركتك . |
اقتباس:
عودة حميدة يا باش مهندس محمد c معلش انا عندى رأى مختلف شوية عن حضرتك اتمنى ان يكون صدر حضرتك رحب لاستقباله ..... مثلا حضرتك اقترحت ان يتم منع استخدام الالة فى المدارس وان الطالب يعتمد على مخه فى العمليات الحسابية فى حين لو احنا فكرنا ان الابداع فى العمليات الحسابية نسبته تكاد تكون صفر ! مثلا يا باش مهندس احنا كعلمى رياضة ايه الابداع عندنا فى مسائل كرامر ؟؟؟؟ وكنا بنتأكد عن طريق الالة ..!! كذلك لا يوجد ابداع بنسبة كبيرة فى عمليات الطرح والضرب .. العمليات الحسابية عموما لكن الالة بتوفر وقت كبير جداا لان هى مش اله ابداع هى اله حسابية مش اكتر .. فى دول العالم المتقدم بيستخدموها عادى جدااا ومع ذلك مبدعين فى اجهزتهم وكل حاجة فى حياتهم ...... هى وظيفتها انها توفر علينا عناء الجمع والطرح واننا نهتم بالخطوات اللى فيها تفكير فعليا يعنى هل ياترى الالة كانت تفدر تعمل لينا كطلبة علمى رياضة حل لمسائل الهندسة الفراغية ؟؟!! لا طبعا لان دى لها اكتر من اسلوب لحلها .. كمان عند حضرتك حق اننا نسمح بأستخدامها فى حل مسائل الجيب وغيره انا اتفق مع حضرتك اننا نعلمهم اول كام سنة ازاى يستخدموا وينشطوا دماغهم من غير الة بس صعب اننا نقول ان الالة بتوقف قدرتهم على الابداع او كدة .. اقتباس:
على فكرة يا باش مهندس انا عندى تجربة شخصية عن موضوع تقارب نسبة الفهم والذكاء عند الطلبة .. وهى ان انا فى سنة 2 اعدادى كان عندى استاذة بتقسم الشاطرين فى الفصل الى مجموعات وهم يتولوا الطلبة اللى مستواهم اقل او متوسط وكان تجربة ناجحة جدااا والله لكن لو عزلنا الطلبة اللى مش شاطرين فى فصل والشاطرين فى فصل تخيل مثلا المدرس اول كلمة هيقولها فى الفصل اللى مش شاطرين يا ..... ويا ..... فى حين ان الطلبة اللى فى الفصل ده مش هيبقى بينهم تنافس نهائيا لانهم مستوى واحد . .احنا كبشر فى حياتنا العادية ربنا خلق فى كل واحد فينا قلب مختلف عن التانى نسبة الطيبة فى كل واحد فينا مختلفة علشان نحتوى بعض كذلك بردو الطلبة هيبقى فى نوع من التواصل بين الطلبة اللى مستوى عقلهم عالى وغيرهم . هنخلق بينهم جو المشاركة ومودة جميل جداا والله ... انا متأسفة جداا لانى اختلفت مع حضرتك لكنى احترم وجهة نظرك جداا جزاك الله كل خير |
اقتباس:
فعلا عندك حق والله فى موضوع اللغات وان الطالب مش بيعرف ينطق كويس لما يبقى فى اولى جامعة نفسنا فى حجرات لتعليم اللغات زى الكورسات بالظبط ! مثلا فيها ايه لو معمل الكمبيوتر كان فيه اجهزة مخصصة بها برامج لتعليم النظق وكمان المحادثة ! مش صعبة د متهيألى والا ايه لازمة الاجهزة اللى شبة الكمبيوتر فى المدرسة !!!!!!!!!!!!!! بالنسبة فعلا لموضوع اللغات بجد اللغات بتدرس لاصحاب اللغة اسهل بألف مرة من الناس اللى بتتعلمها يعنى مثلا الباش مهندس محمود عطية مرة قاللى انه بياخد كورسات وكمان ان الكورسات دى مش بيلتزموا فيها خالص بقواعد نحوية " جرامر " خااالص وان الانجلش اللى بيتدرس فى الكورسات رغم انه مكثف الا انه ابسط بكتيـــر ! اقتباس:
انا افتكر ان الواحد كان بيحفظ الاية ويسأل اصحابة هاا حفظتوها ؟؟؟ يقولوا احنا اصلا مش بنحفظها !! كمان للاسف جدول التربية الدينية سئ جدااا دايما بيخلوا وقت امتحان مع مادة عليها درجات وللاسف الواحد مش بيقدر يوفق ياترى يذاكر المادة اللى عليها درجات ولا مادة النجاح والسقوط !! يبقى احنا عرفنا المشكلة ان المواد دى لا تضاف للمجموع يبقى من الافضل ان لم يكن واجب ان يتم اضافة درجات المواد دى للمجموع . جزئية بقى مهمة جداااا انا بشوف ان اساتذة التربية الدينية نسبة كبيرة منهم والله فهمهم للدين تعبان جدااا مث انا افتكر ان الاستاذة اللى كانت بتدينى الدين ماكانتش بتقرأ قرآن صح وكانت بتخلى البنات اللى بيعرفوا يقرأو يقوموا بالمهمة دى ! يعنى لسف فى نسبة عدم علم بالدين بين اساتذة نفسهم يعنى ساعات تقى استاذ الزراعة فى ابتدائى هو اللى بيدرس الدين !! كمان مناهج الدين للاسف عجيبة جداا مثلا مافيش اهتمام بسيرة الصحابة الكرام وكمان بسيرة امهات المؤمنين وتلاحظوا مثلا ان آية الحجاب كانت مكتوبة فى المناهج ولكن حذفت من تقريبا 5 سنين او اكتر بسبب اتجاهات الدولة اننا مانبقاش ملتزمين بديننا . كمان جزئية تالتة وهى يكون فى حصص للدين عن المناقشات عامة وفيها يسأل الطلبة او الاطفال عن اللى بيدور فى ذهنهم علشان مثلا كلنا دار فى دماغنا السؤال اللى هو " هو ربنا فين !! " وما لاقيناش جواب لان ما فيش مناقشات وعرفنا الاجابة وهى ان ربنا على العرش استوى ولكن لما كبرنا ! بالنسبة للتربية الوطنية بحس انها مادة من لا مادة يعنى بيدرسول فيها تاريخ المصريين والمعارك والحروب اللى خاضوها واحنا اصلا كشعب غالبيته بيكره التايخ فمابالكم بمادة ليل نهار بتقول المصريين انتصروا فى معركة كذا او حرب كذا ! اعتقد المادة دى محتاجة اعادة نظر فيها وان يكون محتواها مختلف شوية بصراحة انا ماعنديش فكرة خاالص عن محتواها يكون ايه لكن اللى اعرفه ان الوضع اللى هى فيه دلوقتى ده سئ جداا . اقتباس:
يعنى مث انا افتكر ان الواحد لما تتلغى حصة الالعاب يفضل طول اليوم قرفان ومش قادر يركز فى باقى المواد ! يعنى الواحد بيحرم الطفل من شئ بيمتعه جداا وكمان ممكن يكون ليه سبب اساسى انهيخليه يركز فى باقى المواد لازم يكون فى ملاعب كويسة للاطفال وكلمة نغيرهيئة الفريق يعنى مثلا المدرب بتاعه وكمان اللاعبين علشان نزرع فيهم موضوع عدم التعصب وان يكون فى تعاون بين الطلبة مهما اختلفوا . المكتبة دى تقريبا غرفة مملؤة بالكتب مالذ منها وطاب ولكن ما فيش حد بيستغلها خاااالص ! مثلا مشفين المكتبة تلاقيهم مش طايقين الطلبة ما حدش يحط ايديه على الارفف ماحدش يلمس كتاب ومش عارفه هو الواحد هيقرا ازاى بالاحساس مثلا ! موضوع مادة الكمبيوتر ده والله حضرتك اتكلمنا فيه كتير جدااا فى المناقشة اللى فاتت علشان نكون مقتنعين بجملة حضرتك ان ده هو المستقبل . بالنبة للاساتذة فلازم زى ما حضرتك قولتى يكون عندهم علم باللى يقولوه مثلا انا لما كنت بسأل الاستاذة عن برنامج الفيجوال بيزيك كانت بتقول انا مش عارفة احفظوها كدة ! يتبع بأذن الله |
| جميع الأوقات بتوقيت GMT +2. الساعة الآن 08:28 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.