|
نتفق اوك
--------------------------------------------------------- الى كل اللى مش اتقبل فى التحويلات تقليل الاغتراب وهما خدة اللى ناقص درجة او درجتين بالكتير طيب فى حاجة احنا ممكن نعمل حاجاة كويسة هنستنى يومين كدة عن التحوبلات الورقية وبعد كدة لو مفيش حاجة والمواقع والجرائد متبنش هنعمل حاجة كويسة الاول انا سمعت ان الوزير قال ان االذة لا ينطبق عليهم شروط التحويل مكتوب كدة من اسبوع على اليوم السابع وقال بيان مكتب التنسيق حول تقليل الاغتراب، إن الوزارة لن تقبل أى تحويلات ورقية نهائياً، ولن يعتد بها، وأضاف البيان أن الوزارة ستخصص عبر الموقع الإلكترونى فقرة للطلاب الذين لا تنطبق عليهم شروط تقليل الاغتراب، مع كتابة المبرر لهذا التحويل، والأخذ فى الاعتبار أن ذلك لا يعتبر موافقة على التحويل. بصو بقا دة اللى كان مكتوب وانا مش فاهم حاجة احنا عاوزين نوزع نفسنا صح يعنى شوية يروحو جامعةو القاهرة وشوية حلوان وشوية عين شمس ونتواصل ونعرف هنعمل اية ؟؟ |
مش فاهم قصدك ممكن توضح اكتر ايه خطتك ؟
|
استاذ ميدو..........
اخدوا نص درجة او درجتين.......مع ان درجتين دى محصلتش بس ماشى كلامك. نستنى شوية........تقريبا محدش هيقدر يستنى و انا اولهم. نظام التحويلات الورقية اونه مرفوض تماما.......انا مسمتعش حاجة كده و محدش هيقبل بكلمة نهائيا دى. لو فى حاجة هتنزل على الموقع زى ما انت بتقول بيعملوا عنها اعلان زى ترقبوا كذا او سيبدا كذا. كتابة المبرر دا يعنى التماس. وحضرتك عايز تعمل اتفاق........مش كل مصر هنا و التحويل اتقفل خلاص و اللى اتقبل ولا متقبلش خلصت الحكاية والله فى عونهم ومحدش يفتكر انى بقول كده لانى كنت محولة واتقبل تحويلى بالعكس انا من اكتر الناس اللى هتتبهدل بعيد عن بلدها انا من اسكندرية و كليتى فى المنيا |
حد فاهمنى؟
|
هو انا يعني اكون خريج تجارة تعليم مفتوح ولا اكون خريج حقوق حكومة ........... الشهادة الحكومية افضل بكتير من الشهادة الخاصة بس الكفتة في مصر لسة موجودة واخوات الرئيس المخلوع اللي بينهبوا في البلد لسة موجودين وانا نفسي البلد دي تتعدل بقي حرام يا جماعو انا نفسي تطور شوي تكون زي الدول الاوربية كفاية سرقة بقي والله بفكر اعمل وقفة احتجاجية اسميها كفاية سرقة هههههd:
|
!!!!!!!!!!!!!!!!!
|
لا انا مش فاهمه كلامك يا نور وضحى لاحسن انا دماغى فوتت
|
يعنى اى حد مجالوش كلية زى ما حول ليها دا لاحد سبابين
الاول ان الككلية اكتفت و التانى ان الفرق بين المجموع للكليتين اكتر من درجة من الاخرر واللى جالوا بدرجتين دا حظه حلو او مش ناس كتير مقبلة على كليته و انا بقول مينفعش نستنى شوية عشان مفيش وقت لازم كله حالا حالا يشوف هيعمل ايه فى المدينة الجامعية و منصحش اى بنت نهائى انها تروح فى اى شقة لوحديها فى الظروف اللى زى الفل دى و انا بقول كلام ميمورى صح بالنسبة للتحويل بالفلوس و انه موجود الحمد لله وفى فرصة كبيرة ان شاء الله.....لان البلد دى بتاعة فلوس بس هى عايزة شوية طلبات غريبة شوية واستاذ مييدو بيتكلم ان احنا نوزع نفسنا على الكليات والله يا استاذ ميدو لو كنت قلت الكلام ده من الاول بس على الفيس كان هيلاقى قبوول جاااااااااااااامد جدا بس بس الوقت فات على الكلام ده للاسف و خلاص التحويل تم وربنا يكون معانا ولاول واخر مرة مفيش اى بنت تنزل فى شقة لوحديها....... على الرغم ان المدن الجامعية بردو مش اوى بس احسن من انها تكون فى شقة لوحديها محدش يستنى احجزوا فى المدن الجامعية حالا قبل ما تملى لان الناس بدات الحجز من اول ما بان التنسيق |
انا باذن الله رايحه بكره مكتب التنسيق و هقدم الطلب اليدوى ده قالولى هدفع فى حدود3000 جنيه بس اهو ارحم من المنيا و الهم ده بس يا رب يتقبل لان فنون بتقبل اعداد صغيره :(
|
بدأوا الحجز من أول التنسيق ما بان امال أنا عملت مية موضوع بسأل حد قدم في مدينة ومحدش عبرني؟
|
فهمت كلامك يا نور ربنا يقدم اللى فيه الخير يا رب و يسهل الامور لان انا اعصابى تعبت من كلامكو و الله العظيم
ده صحيح بتدفع فلوس كتيره شويه بس بتحول فى الاخر حسبنا الله و نعم الوكيل لا انزل اسال بنفسك فى المدينه سيبك من كلام الناس |
تحويل بكام ب5 الاف او ممكن اقل ليه ان شاء الله؟
حرراااااااااااااااام والله يعني بدل مانريح اهلينا ونقولهم مفيش مصاريف نتعبهم تاني وف الاخرر بوعد ده كله ناخد الشهادة ونعد ومفيش وظاااااااااااااااااائف ودفعنا فلوس عل الفاضي!!!!!!!!!!حسبي الله ونعم الوكييييييييل |
ايه ده والله حرام هي اهالينا قاعدة علي بنوك ولا ايه !!!!!!!!!!
طب يا جماعة معش سؤال هيا بعد اول سنة ممكن احول خارج توزيعي الجغرافي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
شروط التحويل دفع مبالغ مالية كبيرة
الفلوس دى قانونية ولا رشوة هو فيه رشوة بعد الثورة وهل من شروط التحويل الالكترونى انك تكون كاتب الرغبة اللى عايز تحول عليها فى ال48 رغبة اللى قدمت بيهم ولا مش لازم ونسبة 10 % من عدد الطلبة اللى قبلتهم الكلية ولا عدد المقدمين عالتحويل يعنى لو كلية فيها 400 طالب ممكن تستوعب 40 طالب تانى زيادة من طلبات التحويل وده على حسب فهمى |
لالالالالالا 5000 كتير اوى هو الفلوس الزياده عن تمن الورق الى انت بتسحبه بتبقى تبرع اجبارى يعنى بالكتير هيلطشوا منكم 1000 ولا حاجه كاجمالى انما 5000 يبقى تولع الكليه بالى فيها .
|
على فكره فى حقيقة ثابته عن مصر عشان متتعبوش نفسكم وتقلقوا على الفاضى "كله بيمشى" يعنى لا 10% ولا 20 مدام هتدفع زى ما غيرك دفع يبقى هتروح مفيش حاجه اسمها العدد خلص
|
برنامج تقليل الإغتراب
السلام عليكم
ابنتى حصلت على ترشيح طب طنطا ومجموعها 411 بالمستوى والاسرة مقيمة مؤقتاً بالمحلة لظروف عائلية وعملنا إلتماس تحويل لكلية مناظرة خارج المنطقة الجغرافية والرغبة كانت طب إسكندرية تم الرفض وترشيحها متثبت طب طنطا مرة ثانبة أنا ووالدتها بنشتغل فى الاسكندرية ومحل الاقامة الدائم بالاسكندرية وتم كتابة هذا الكلام فى مبرر التحويل ومع ذلك تم رفض التحويل ولكن تم مع الاتصال على التليفون 19468 أمس وتم تسجيل كل البيانات المطلوبة وأخذنا رقم شكوى وقاللى إتصل تانى بعد 48 ساعة لتعرف الرد على الشكوى |
يااااااااااااااااااااااسلااااااااااااااااااااااااا ااااام عليا ايوة كده يا شباب اسكندرية..........والله رجالة نزلوا احتجوا انهاردة على التحويل وفتحوا التحويل الورقى يلا ابسطوا بقى :)
|
اقتباس:
|
اقتباس:
لا يا سمر متخافيش ان شاء الله هتدخلى اصلا الفنون مش بيدخلها ولاد كتير فا نصيبك ان شاء الله فيها ومش هتلاقى ناس كتير هتقدم لما تروحى و هو التحويل اللى بفلوس ان شاء الله انت داخلاها داخلاها وملك بردو محدش يخاف ان شاء الله الاماكن لسه موجودة هناك بس لازم تتحركوا بسرعة |
طب انا كمان منفعش تحويلى من فنون الاقصر لفنون جميله اليكس
اقدم الطلب امتى؟؟؟؟؟؟؟؟ وانتى يا سمر نزله بكره مكتب التنسيق اللى ف سموحه ؟ ارجوكى خليكى معايا انا معرفش غيرك من اليكس عايز يحول فنون ارجوكى تابعى معايا انتى واى حد من اليكس عنده معلومات امال فين بقه ولاد البلد ههههههههههه |
http://www.thanwya.com/vb/showthread.php?t=357419
ادخلوووووووووووووووووووووووو هنااااااااااااااااااااااااااااااااااااااااااا |
انا زيك يا conan10 انا كنت محول معهد مصر العالى للهندسةومتقبلتش هتعمل اية؟؟؟؟؟؟؟؟؟؟؟
|
انا من اسكندرية وبابا نزل مكتب سموحة و مفيهوش حاجة انهاردة
راح جامعة اسكندرية و عررف من الناس اللى كانت معتصمة كل حاجة |
انا جبت كل حاجه يا جماعه دلوقتى فى حاجه اسمها التحويل الورقى وده لو الوزير وافق عليه نظرا للاعداد الكبيرة الى اترفضت من التحويل الالكترونى ممكن التحويل الورقى ده يبدأ من نهايه الاسبوع القادم وعايزين 1- وصل نور او ماء باسم الوالد او الوالده 2- 200 جنيه بس 3- صوره من شهادة النجاح بتاعت الثانوى 4 - صوره من الرغبه بتاعتكو .................... ادعو التحويل ده يتعمل علشان محدش بيترفض فيه ولو متعملش انا هروح اعمل اعتصام عند مكتب تنسيق القاهرة :) :) :)
|
ربنا يسهل و ييسر الحال من غير اعتصامات ان شاء الله
|
الى فى فنون جميله دى لازم تقضى سنه هناك لان الكليه مش مو جوده الة فى الربع مناطق بس حلوان و **** والمنيا والاقصر
|
أنا جالي طب القاهره وأنا من المنوفيه وي حولت لشبين الكوم وي اترفض التحويل بفرق 2.5درجه وي والدي عايزنى أحول ورقي
ياجماعه لو تسمحولي أقول رأيي في معظم الاراء اللي رافضه الوضع وي اللى بتشتم وي شايفة ان مصر متغيرتش بعد الثورة وما زالت دوله رشاوي وي دوله فاسده هو حضرتكوا عايزين كل حاجه تمشى على مزجنا يعنى فكروا معايا بس لو كل اللي حولوا اتقبلو مه بالطريقة دي هيكون في تكدس في كليه على حساب الاخرى فكل كلية بتقبل الكليه العدد اللي تستوعبوا واللا حضراتكم تقبلو إن العدد يبقى على حساب الستفادة لمجرد ان احنى عيزينهم يحققوا طلباتنا فمثلا طب شبين يستوعب 310دكتور وبعد التحويل هيكون العدد340دكتور وأنا مع>رة هقول حاجه ياريت متعلكوش أنا رافضة تماما أسلوب ان كل حاجه لو هم منف>وهاش هنقول هنعمل مظاهرة وي هم يخضعوا وي ينف>وا ده بالطريقة دي بقينا كلنا حكام ورؤساء وي ياريت ماننساش ان المركب اللي بريسين تغرق ياريت تتقبلوا كلامي بصدر رحب وشكرا لكم وع>را على الإطاله |
اقتباس:
انت عارفة ان التنسيق علمي السنة دي مرنفع جدا بسبب الغش و سهولة الامتحانات و قولنا ماشي الحمد لله كله بامر ربنا لكن يجي مثلا يقفل باب التحويل الورقي اللي بيفتح كل سنة يبقي ازاي علي الاقل يرحمنا شوية و احنا لم نقل يقبل كل الناس اخنا عاوزينه بس يفتح و يرحم الناس من الغربة و دخول كليات مش عاوزينها |
اان كلامى متفق مع دكتور نيجو بالظبط ^^
حضرتك فهمتى كلامنا غلط ^^" |
استاذة ريم
انا عايزة اقولك حاجة بس اولا انا مش عايزة اتكلم فى الساسية البلد دى كانت و مازالت و هتستمر على الرشاوى اللى حضرتك فاكراه اتغير بعد الثورة مفيش اى حاجة اتغيرت و لسه كل الحاجات المقرفة(سورى فى اللفظ) موجوده لحد انهاردة وحضرتك بتقول احنا عايزين كل حاجة تمشى على مزاجنا؟ امال تمشى على مزاج مين؟هو فى شعب تانى غيرنا؟ واحب افهم حضرتك حاجة ان فى سنة فراغ قبلينا يعنى الكليات كلها تقبل 3 اضعاف ما بتاخد ولو حضرتك بتقولى ان كل حاجة بتمشى بمظاهرات اسالى اللى فى اسكندرية ايه حصل امبارح واسفة لو كنت شديت فى كلامى شوية |
اقتباس:
ملحوظه/أنا مش أستا>ة أنا دكتوره |
اقتباس:
أنا متفقه مع حضرتك يا دكتور كليا وجزئيا كان في فعلا نسبه غش جامده جدا بس السؤال هل الغش العالي ده كان السنه اللى فاتت برده واللا إيه ؟؟؟!!!!!!!!!!!!!!!!!!!!!!!!!!!!!!!!! أظن وي حضرتك دكتور ان محدش يلحق كليه زي دي بالغش واللا إيه حضرتك ثانيا/حضرتك بتقول انهم قفلوا باب التحويلات الورقي مين قال كده ياريت مانمشيش وراء أي خبر قبل ما نتأكد حتى لو كان كلام جرايد وأظن حضرتك شفت هما عملوا فينا إيه في أيام التنسيق |
ياريت كلامي ميزعلشي حد وي عموما الاختلاف في الرأي لا يفسد للود قضيه
|
التحويل الورقى بدأ فى جامعة الأسكندرية
اقتباس:
|
التحويل الورقى
المطلوب : طلب تحويل تلاقيه بيباع امام البوابة وصورة من إستمارة النجاح ونموذج ترشيح الكلية المطبوع من النت وصورة بطاقة الرقم القومى للطالب والوالد أو ولى الامر ووصل كهرباء أو مياه وأخر حاجة 150 جنيه يتم مراجعة الاوراق وبعدين تأخد إيصال بالمبلغ وتابع مع إدارة الجامعة وربنا يوفق أبناءنا وبناتنا
|
التحويل الورقى
نسيت حاجة مهمة التحويل شغال ومفتوح حتى أخر رمضان ومفتوح كمان أيام الجمع يعنى التحويل شغال غداً - الكلام سمعته من الموظف فى الشباك
|
يا جدعان كده بقى حرام وهبل انا كنت النهارده فى مكتب التنسيق فى المنصوره ((اللى انا عايز احول لها))) قالولى تعالى يوم الخميس الجاى وكمان نش علشان احول دا بس علشان استفسر على الورق المطلوب سألت استاذه واقفه هناك قالتلى لسه مش عارفين اى حاجه ؟؟؟ّ؟؟ّ؟؟ يعنى هما كمان مش عارفيين اذا كان التحويل اليدوى اتلغى والا لأ؟؟؟ كله كلام كوسه
|
هو حضراتكم رحتوا فيه
ياريت تحددوا وقت تكونوا كلكم موجودين عشان نقدر نتفق على وجهة نظر واحده |
يا جماعة انا اعلى من مجموع علوم القاهرة بحوالي 10 درجات و انا في السن عين شمس ينفع تحويل ولا لأ ؟ |
اقتباس:
وهتفضل بلد رشاوى فترة كبيرة اوى ..التغير اللى حضرتك عايزاة مش احنا اللى هنححس بس اولادنا ان شاء الله هم اللى هيعشوا فيه و يشوفوه واكبر دليل كلام حضرتك و استاذ ننجو عن الغش كل بيقول يا جماعة متعملوش و متغشوش و مترموش زبالة بعد الثورة عشان شهدائنا و الكلام ده كله ولا حد اهتم و بردو اتسمح بالغش فى اللجان و خاصة فى الصعيد والمجاميع كانت عالية جدا........ والدليل التانى ان باباكى بيفكر فى التحويل الورقى......نظام البلد القديم ان كل حاجة بفلوس و واضح ان حضرتك بردو ضدد الاعتصامات...........وحضرتك كنت فاكرة ان البلد هتتغير من غير الثورة اللى واضح ان حضرتك ضضدها و عندك امل ان البلد كانت تمشى من غيرها؟؟ بلاش والنبى يا جماعة نقول حاجة وننتقد نفسنا فى نفس الوقت محدش بيحب البلد دى وعايزها احسن غيرنا........... واراهن لو اى حد جاله شغل برة البلد دى هيطير برة و مش هيرجع لها الا لما تتعدل تقبلوا مرورى............. |
اقتباس:
أنا حسه إنك حطيتى صوره معينه عنى وى بتتكلمي على أساسها أولا /أنامش ضد الثوره نهائى أنا فقط ضد اللى بيحصل دلوقتي إن احنا كل حاجه عيزينها نقوم بمظاهره وإعتصام لازم عجله البلد تمشي بقه وي لازم يكون في هناك أسلوب أرقى من كده في المرحله الثانيه واللا إيه حضرتك ثانيا/كانت أول من طرحت الموضوع ده قالت انه بسبب الاعتصامات اللي في اسكندريه سدوا طريق البحر كله وي من أتباع ذلك الناس لم تذهب لمصالحها وهذا هو مغزى كلامي أرجو إن حضرتك تكوني فهمتي وجهة نظري وشكرا جزيلا |
ما انا بقول لحضرتك لولا اللى حصل فى اسكندرية مكنش التحويل اتفتح
وخلاص زى ما حضرتك عايزة, شوفى بقى باقى المحافظات امتى تحويلها هيفتح (يعنى البلد تمشى) وعايزة اقول لحضرتك حاجة كمان لو تعرفيها ان وزير التربية والتعليم الجديد بيشجع الجامعات الخاصة وقالها بالحرف فى جريدة الجمهورية قال ان الحل الوحيد لمشكلة التعليم فى مصر هو الجامعات و المدارس الخاصة يعنى حرامى ورا حرامى وهى دى العجلة اللى هتمشى مش عجلة الانتاج ولا حاجة يعنى الحل الوحيد بردو هو المظاهرات لحد ما البلد دى تنظف خالص وعايزة اقول لحضرتك حاجة كمان يا دكتورة رغم الثورة مكنش حضرتك دخلتى الطب خالص عشان المجاميع المرتفعة دى يعنى الطب فى اسكندرية %98.5 و طب قنا 408.5 كانوا هيقولو احنا مالنا الجامعات بتقبل نسبة معينة بس من عند ربنا انهم خافوا من مظاهرات زودوا اعداد اطلبة فى الكليات و المجاميع قلت وربنا يكون فى عون اللى هيتغبوا بعيد عن اهلم و طبعا انتوا اوخدين بالكوا ان الامن فى كل حته وربنا يوفقك فى التحويل ان شاء الله تقبلى مرورى............... |
اقتباس:
أحب اوضح لحضرتك ان في 2 كمان في غش بس كانت حالات فردية و قليلة و مكنتش بهذه الصورةالقبيحة زي السنة دي و انا مش عارف لي حاطين في دماغمكم ان الطالب اللي جايب اعلي من 95% مثلا ده مش بيغش و الكام ده غلط انا عن نفسي كان معايا في اللجنة ناس كانوا جايبين 96% و 98% في 2 و كانوا بيغشوا هتقوليلي دو متفوقين عادي فتبقي هي دي المشكله الغش لان الغ بيبقي في التكات اللي في الامتحان فتبقي الحكاية بايظة و حضرتك اكيد عرفه النصف درجةبتعمل ايه عندك العبد لله مثلا منتظر التحويل الورقي علشان نصف درجة و الحمد لله طبعا لي كل شئ و انا قرات في اليوم السايع و دي جيدة مش صغيرة انهم مش هيقبلوا طلبات ورقية السنة دي طيب اجيب انا بقي مصدر تاني منين من بتوع التنسيق ؟!!!!!! و بخصوص حكاية المظاهرات انا ضدها لو كانت لاسباب واهية و استغلالية لكن احنا بنطلب حق معمول بيه من سنين و لو كان عاوز يلغيه كان من اول السنة علشان الواحد كان عمل حسابه و هو بيكتب الرغبات مش يسبنا علي عمانا و علي العموم انا سامع انهم هيفتحوه تاني بإذن الله و يارب نقبل لو كنا نستحق |
اقتباس:
حتـــــــــــــــــــــــــــــــــــــــى الثوره مكنتشي قامت كنت هلحق طب برده لأن الطبيعي ان الطب بياخد على أقل تقدير كل سنه من 98 أما اللي مش طبيعي اللي حصل بعد الثوره إنه ياخد من98.2 على فكره أنا جايبه 98.4 يعني كنت هلحقها إن شاء الله مرتاحه قوي وي ياريت تقارني حال البلد دلوقت وي حالها قبل الثوره |
اقتباس:
حضرتك قلت إنها حالات فرديه يعني منجيش دلوقت وي تتفضل بالقول إن الغش العالى السنادي هو اللي ظلمنا وي خلانا منحقشي وي هكذا يعنى يا دكتور حضرتك عندك الســــــــــــــــــتم والدواء وي نفس الوقت |
اقتباس:
يا دكتوره ريم انتى مش فاهمة الموضوع خالص من فضلك ردى عليا و شوفى هتقولى اية انا جايب مجموع اعلى من الكلية اللى عايز احول لها ب 3 درجات ونص والالتماس اترفض حد يقولى ليه و على فكرة كل الالتماسات اترفضت تماما من غير ما يبوصولها اصلا والتحويل الورقى اتفتح فى اسكندرية بس عشان المظاهرات يبقى ده اييه |
اقتباس:
وي حولت لتربيه{إقتصاد منزلى }في شبين الكوم {يعنى في المنوفيه}وي هي بتاخد من 328 وي فعلا تحويلها اتقبل أما بالنسبه للتحويل اللي اتفتح في اسكندريه بسبب المظاهرات طيب مه اتفتح عندنا احنا كمان في المنوفيه بدون لا مظاهرات ولا غيره وأظن إن الموضوع مش محتاج فقاهه عشان مأفهمهوش خالص وشكرا |
طب انا تحويلى متقبلش لية
|
انا جايب اكتر ب3.5 درجة والله
|
| جميع الأوقات بتوقيت GMT +2. الساعة الآن 01:57 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.