|
احنا شعب زي القطط يأكل وينسي
يعني انتا يا اخ من كم يوم فاتوا كنت معلم مساعد وكنت بتتظاهر وبتعتصم وبتصرخ وتكتب وتتكلم علشان حد ينصفك ولما بقيت معلم خلاص بقي المعلم المساعد كوخه !!!!!!!!!! طيب ما هو معلم مساعد وزمايلي في المدرسة كلهم اتعينوا وانا عملت الدبلومة وعملت حجات كتير وان شاء الله هنتعين ولا حضرتك فاكر ان المعلم هو بس الي بيتعب والمعلم المساعد قاعد تحت التكييف وقبل ما تقول اي تعليق افتكر بس حاجه وحده بلاش تعمل مقارنة تاني مرة بين معلم ومعلم مساعد ولو في ابسط شيء |
اقتباس:
صح لسانك يا استاذ بجد موضوع مثير للاشمئزاز يحمد ربنا فى ناس لسى بالحصة وبتاخد 40 جنية فى الشهر وفى ناس غلابة مش لاقية شغل خالص ولسوف يعطيك ربك فترضى حب الخير للناس |
بص يا مجدى يا صاحب هذا الموضوع
علمونا زمان أنه إذا نطق السفيه فلا تجبه ...فخير من إجابته السكوت لكن نسوا يعلمونا إذا قابلنا سفيه ومهزأ فى نفس الوقت زى حضرتك ده يبقى وضعه ايه ؟ لكن أنا لولا على منتدى محترم كنت هزأتك وخليتك مش هقولك متدخلش المنتدى تانى كنت هخليك متدخلش على النت تانى أنت عارف يا نصة سبب التخلف اللى البلد عايشة فيه؟ أنت وأمثالك من مرضى القلوب اللى مبيحمدوش ربنا "قل موتوا بغيظكم" أنا خريج 2008 دبلومة2009 ، تعاقد مميز2009 ،تعيين 2011 إن شاء الله انا متبهدلتش ولا حاجة بس غيرى مش هقولك من زمايلى لأ ده من أساتذتى ولسة معلم مساعد ومتبهدل آخر بهدلة دبلومة وراح عمل وقعد يذاكر مع انه نسى حاجة اسمها مذاكرة كادر وراح امتحن وأولاده راحوا يشوفوا النتيجة icdl امتحن وأخدها وصرف كل من يسوى وميسواش زى حضرتك يقوله أنت معلم مساعد فكفاية اللى الناس فيه فلو أنت عندك شوية دم كنت خزيت من أول رد سمعته بس أنت تقريبا مبتخزاش |
نرجو من ادارة المنتدى تحذف هذا الموضوع العدائى اعوذ بالله من طمع الناس
|
اللهم مالك الملك تؤتى الملك لمن تشاء تعز من تشاء وتذل من تشاء بيدك الخير كلة
|
بجد مش لاقية رد اقولة ربنا يطهر قلوبنا من الغل والحقد والحسد
|
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟
|
ياشباب افهمو
انا من وجهة نظرى ان المعلم المساعد بيفرق عن المعلم لا المعلم متعين على الدرجة التالته ويعامل معاملتها انما المعلم المساعد لا يعامل معاملتها انا مش باعترض على انه هايتساوى فى الراتب انا باعترض على الفكرة احنا اصلا كلنا بنشتغل نفس العدد من الحصص وبنفس الطاقه الا ما رحم ربى فالمفروض يراعو ان فى معلم اتعين وبيدرس وفى زيه معلم مساعد بيطلعو عينه عشان يتعين دانا اصلا باعترض على مسمى معلم بالاجر (بالحصة) الناس دى تطالب بان ينزل قرار بتوحيد المسميات طالما بنشتغل بنفس عدد الحصص وبلاش نجرح فى بعض للعلم انا تعين 2011 على درجة التالته معلم ومش هازعل لو المعلم المساعد اخد نفس الراتب بتاعى بس ليه انا ماخدتهوش وانا معلم مساعد ؟ كان اولى يعدلو من البداية انا بارفض المسميات الوظيفية طالما بنشتغل نفس عدد الحصص اهدو ياشباب مجدى ماغلطش بس بلاش تجريح فى الاخرين داحنا اصحاب رسالة ومعلمين افتكر تسيب تعليق يليق بيك |
يعنى يا أستاذ لوجين كده احنا اتلخبطنا
حضرتك مؤيد هذا الطرح الباهت من الأول ولا ؟ |
ياريت الناس تتمني الخير لبعض
|
كانا فى مركب واحد من معلم مساعد الى كبير معلمين ياجماعة الظلم واقع على كل المعلمين بلا أستثناء ارجوكم بلاش كلام فاضى وابرر لك وتبررلى مش مستاهلة مطالبنا واحدة وتنفيذها واجب على الدولة ده السباك مع احترامى لكل المهن جالى النهاردة واخد 350 جنية يعنى اخد مرتبى شوفتوا المصيبة اللى المعلم فيها
|
انت من الواضح ان قضيه التعليم عندك انحصرت فى تساوى مرتب المعلم المساعد مع المعلم ونسيت انك كنت فى يوم معلم مساعد واول ما ربنا كرمك واتعينت(والف مبروك)تفترى وكل شويه ملكش سهرايه الا المعلم المساعد بياخد كام هو المعلم المساعد ده مش بيتعب واكتر منك ده الظروف المنيله اللى عملت فيه كده وممكن يكون اقدم منك ولا يمكن في فرق جوهرى عند الاخ ايهاب صاحب القضيه عيب ياهوبا
|
اقتباس:
مجدى ابتدى كلامه بان مش بيعمم على مستوى الجمهوريه وان خلافه على محافظتة وبالتحديد ادارته يعنى بيعرض مشكلة مدرسته ليه تاخدو الكلام على انه تعميم وكل واحد ياخد موقف عالفاضى وفعلا عنده حق لو كلامه طلع صح ازاى يتساوى معاه المعلم المساعد وهو طالعه عينه وصرف اللى وراه واللى قدامه عشان ياخد المرتب ده هاتقولى المعلم المساعد برضو هايصرف مالمشكله ان المرتب كان مختلف ايام مجدى وماكانش فيه زيادة زى دى مجدى انا زعلانه عليك :( |
يا لوجين ما هو اللى هينطبق على محافظته العكاكة زى ما قال ينطبق على أى محافظة
أنا معترض على المبدأ من الأول |
اقتباس:
اعتراضك مقبول ولكن اسمحلى اسجل اعتراضى انا كمان عالاسلوب هو انت عايزهم يتساوى فى الراتب ؟ طب ومعلمى الاجر وبيشتغلو زيك وزيي دول موقفك منهم ايه طالما بنشتغل نفس الحصص يبقى يوحدو الرواتب والا مايساووش حد بيا ويسيبو التانى كلنا فى مركب واحد المساواة على الكل ياما لا |
السلام عليكم ورحمه الله وبركاته انا بشكرك يااستاك كيمو وكذلك الاخت لوجين وكل الناس المحترمه بجد اللى علقت على الموضوع ده وبقولهم متزعلوش منى لانى ممكن اكون بدون قصد قولت كلام لم يعبر عما بداخلى من احترام وتقدير لكل زملائنا حديثى التخرج منهم وكذلك القدامى منهم كلنا اخوه فى الله متحابين انما هو انفعال منى لم يكن فى موضعه او محله لم اقصد باى شكل ان اقلل من اى انسان او اجرح اى معلم زميل ولكن انا بقدم اسفى اذا كان بدر منى اى اساءه لاى شخص انت لم تعرفنى يااستاذ كيمو ولا الاخت لوجين ولكن انت اهنتنى وانا لست غاضبا منك لانك اخى وكذلك الاخت لوجين وقفت معى فى بعض النقاط وانا اشكرها ارجو ان لايكون الاختلاف فى وجهات النظر او الاراء وسيله للتجريح فى الاخرين انا اقدم اعتذارى لكل الناس وهذا ليس ضعف بل شعرت ان الموضوع قد اخذ جانب عدائى واضح ضدى وانا لااريد ان اخسر اى اخ لى بسبب كلام هو فى الاخر راى ممكن ان يقبل او يرفض ارجوكم تقبلوااسفى عما بدر منى. وكل عام وانتم بخير ورمضان كريم |
مجدى انا يمكن شاركت متاخر فى الموضوع مع انى شوفته من فترة انما مافتكرتش ان الاسلوب هايكون حاد فى الرد حتى لو كلامك مش عاجبنى فاكيد التعليق دايقنى اكتر تحياتى على روحك الحلوة وكيمو من حقه يدافع عن وجهة نظره واحلى تحيه لصاحب احلى اعتذار |
اقتباس:
جزاكى الله كل خير يااخت لوجين فانت فعلا انسانه محترمه ونحن جميعا اخوه متحابين فى الله نكن كل تقدير واحترام فيما بيننا حتى وان اختلفنا فى وجهات النظر فانا احترمك واحترم اخى الصغير كيمو كلنا هنا فى هذا المنتدى اخوه بجد ويارب ميكنش فيه اى مسلم زعلان من اخوه المسلم فى هذا الشهر الكريم وكل عام والامه الاسلاميه بخير وسعاده وتقبلوا مرورى |
اقتباس:
ماتخافش يامجدى كيمو مش زعلان ده شخصيته حلوة بجد وكفايه اتعين على طول زيي :p |
وتحية ليك على اعتذارك
ونرجو ان نحب الخير لبعض وساعات ربنا بيبارك فى القليل عن الكتير |
" وخيرهما الذى يبدأ بالسلام " وطبعا الأستاذ مجدى هو الذى بدأ به فله الخيرية بموعود الصادق الذى لا ينطق عن الهوى ونظراً لأنى أكثر من قدمت ردود شديدة على الموضوع فأنا أتقدم فى هذه الكلمات البسيطة التى أسأل الله تعالى أن تكون من القلب إلى القلب أتقدم باعتذار على ما بدا منى من شدة اللهجة ولزوعة النقد ولكن ما صدر منى ذلك إلا لأن الشيطان تملك من نفسى وسبق لسانى عقلى وقلبى فذل وحاد وأخطأ وأشكرك أخ مجدى على هذا الاعتذار وهذه المشاعر الفياضة وهذه الكلنا الرقراقة التى تذيب أى غضب امامها وهذا الاعتذار كان واجب على فأنا الأصغر سنا ومقاما وأعتذر مرة أخرى والسلام عليكم ورحمة الله
|
أحيى الأستاذة لوجين على زكائها وحكمتها
فقد استوعبت الموضوع بشكل جميل استوعبت فيه جميع الأطراف وأشكرك على حسن ظنك بى وكل سنة وأنت طيبة |
السلام عليكم ورحمه الله وبركاته اشكر اخى الجديد كيمو واختى لوجين على تقبلهم اعتذارى وكل عام وانتم جميعا بخير كما اطلب من اداره المنتدى حذف الموضوع لعدم جديته ورمضان كريم |
انا لسة مقبضتش عايزة اعرف المعلم المساعد اخذ كام والمعلم اخذ كام
|
الأخوة المعلمين المساعدين اللى زعلانين من الأخ مجدى؛ للأسف بصين تحت رجليهم بس ، يا جماعة عندما يطالب واحد على درجة معلم بفارق عن الدرجة الأدنى فهذا فى مصلحتكم أيضا، وبكرة هتشوفوا
|
كل عام وانت بخير يااستاذ مجدي وانا بحبك في الله
|
يا استاذ مجدى سيبك من الردود العبيطة اللى زعلتك دول اكيد مش فاهمين قصدك
|
يا عزيزى كلنا شحاتون
|
اقتباس:
وانت بخير وسعاده احبك الذى احببتنى فيه وكل عام وانت بالف صحه |
اقتباس:
عفا الله عما سلف ورمضان كريم انا يهمنى انى مخسرش اى اخ ليا فى المنتدى حتى وان تعارض معى فى الفكر فكلنا اصدقاء واخوه وربنا يرزقنا جميعا |
اقتباس:
يااخ عصام كلنا مسلمون مؤمنون بان الله هو الرزاق ذو القوه المتين وان البركه من عند الله المهم البركه فى الرزق المهم البركه فى الرزق المهم البركه فى الرزق المهم البركه فى الرزق المهم البركه فى الرزق المهم البركه فى الرزق المهم البركه فى الرزق |
انا عايز اقوللك حاجه واحده بس ..... انا معلم مساعد ماشي يا سيدي :
1 - اتحداك ان تكون شايل عدد حصص اد اللي احنا بنشيلها. 2- اتحداك ان يكون مع سيادتك شهادات اكتر مني شخصيا ( حقيقه و ليس غرور ) . 3- اتحداك انك تكون تعبت اول تعيينك زي اقل واحد فينا . 4- اتحداك انك تكون بتخاف من بكره لانك لسه متسبتش زي ما احنا بنخاف . 5-اتحدى انك اساسا تعرف اي شئ عن المعلمين المساعدين . |
اقتباس:
جزاك الله كل الخير يااخى الكريم فانت افضل منى وليس غرور منك فانت فعلا احسن منى بمراحل هذا لا يعيبنى كثيرا ولا يقلل من شانى لان قولت انها ارزاق يوزعها الله على من يشاء وان البركه من عند الله وحده واشكرك على مشاركتك كما اتمنى لك دوام التوفيق وتكون افضل انسان فى الدنيا ليس منا من لايحب لاخيه كما يحب لنفسه هذا كلام المعصوم الذى لاينطق عن الهوى بس انا على قدى والله شايل 24 حصه وحاصل على مؤهلى المتواضع +تربوى +الرخصه الدوليه وكمان انا اشتغلت من 2003 وكنت بقبض 105ج لمده 5 سنوات وكنت متزوج وعندى بنت ومتقليش ازاى لان البركه من الله وانا والله اعرف شىء بسيط عن المعلم المساعد لانى عملت بهذه الوظيفه من 2008 حتى تاريخ تعينى وده كله ان دل فى الحقيقه على انى اقل ن ناس كتير لانى اعرف ناس اتبهدلوا كتير قوى وهم افضل منى بس انا قولت ارزاق وكل عام وانت بخير ورمضان كريم |
وده اثبات وتاكيد لكلامى على ان المعلم المساعد سوف يحصل على اكثر من المعلم المعين حديثا فى الشرقيه
http://www.thanwya.com/vb/showthread.php?t=361347 |
:022yb4:
صبرى العنانى المعلمون الشرفاء نطالب بحق المعلم فى 1200 جنية للمعلم المبتدئ كحد ادنى للأجور وتحديد الحد الأقصى للأجور لكافة الدولة . فأين نقابة المعلمين من هذة المهزلة؟؟؟؟؟؟!!!!!!! ولذلك تدعوكم حركة معلمون بلا نقابةللوقفة الأحتجاجية الكبرى يوم الأربعاء الموافق7\9 \ 2011 أمام مديريات التربية والتعليم بالمحافظات الساعة الواحدة ظهرا و أمام مجلس الوزراء السبت الموافق 10\9\2011 فى تمام الساعة الحادية عشرة صباحا |
ممكن اوضحك الكلام ده احسن
اقتباس:
انا من الشرقية مثلك هذا ما حدث عندنا بالضبط ولكن يبدو ان هناك تغيير لان المراقب المالى وقف الصرف قبل خروج الشيكات بدقائق بحجة ان هناك تعليمات جديدة فى المديرية |
|
اقتباس:
اقولك انا التعديل بقى وصل منشور باضافه 75 فى الميه للمعلم المساعد اخرى والمعلم 50 فى الميه اخرى والباقى 25 فى الميه اخرى وده للمعلمين فقط فقط فقط هذا ماوصلنى منذ ايام وربنا يرزق والله اعلى واعلم |
كل ماحدث فى الشرقية عك وسوف يتم تعجيلة لا تقلق انا من الشرقية مثلك هناك جديد بعدالعيد
|
اقتباس:
يعنى ياابوايمان تعتقد ان المديريه فطنت الى انه ازاى المعلم المساعد يقبض اكثر من المعلم ولا انت شايف ايه الجديد اللى ممكن يحصل ؟ |
الأستاذ كيمو ولو انى لااعرف ملابسات الموضوع لكن اسمحلى انا خريج 2007 وطالع الثالث على قسم الرياضيات وطلع عينى سنتين اجر وسنتين تعاقد مميز 2009 وبعدين ربنا اكرم علينا بالتعيين كل ده معاك وموضوع مدرس مساعد طيب احنا قعدنا سنتين مدرس مساعد يعنى مش شتيمه بس كل ما اريد تسجيله هو اعتراضى على اسلوب مربى فاضل زى حضرتك مع زميل له
(اذا نطق السفيه فلا تجبه ...فخير من إجابته السكوت لكن نسوا يعلمونا إذا قابلنا سفيه ومهزأ فى نفس الوقت زى حضرتك ده يبقى وضعه ايه)) ارى طالما مدرس وزميل وكمان على منتدانا الجميل فلا يوصف بهذا الوصف اعذرنى اخى الكريم هذا خطأ منك وكمان احنا فى ايام مفترجه ولا ايه ؟ |
اقتباس:
جزاك الله كل الخير يااستاذ ابراهيم على ردك الهادىء ده ولكل انسان ملك يرد غيبته واشكرك مره اخرى على ردك ونحن اخوه فى الله واخوه فى التعليم وايضا اخوه فى المنتدى وانا لم اقصد ابدا التجريح فى المعلم المساعد او غيره ولكن كلامى فهم خطألانى ببساطه مرت بهذه المرحله وشفت الويل وانا معلم مساعد ومن قبلها معلم بالمكافاه وكل عام وانت بخير وعيد سعيد عليك وعلى الامه الاسلاميه جميعا |
يا استاذ هى المشكلة ان المعلم ازاى يتساوى بالمعلم المساعد ولا المشكلة فى الذل اللى عايشين فيه وحرمانا من كل اللى بيحصل عليه موظفى الدولة اتمنى دى متكونش زريعة تانى للتفرقة بين المعلمين مطالبنا واحدة وياريت نتمسك بيها . وايه اللى يضرك لو انت زدت وغيرك زاد المهم ناخد حقنا ونقيل الوزير الفاشل عدونا الاول
|
يف يقوم محافظ الغربيه بعمل عقود مميزه للعاملين بالحصه بنفس المرتب الاساسي للمعلم ويعطيهم حافز 2007 /2008/2009 وهم لم يكونوا علي راس العمل لان عقودهم كانت تنتهي 30/6 وعند اضافه لهم الكادر وحافز 200% يكون المعلم المساعد اعلي من المعلم ب 25% وذه مخالفات ماليه جسيمه ونحن المعلمون يجب الا نسكت علي هذه الجريمه
|
حاجه فعلا تجيب احباط ان يكون المعلم وشايل 24 حص وتعبان طول اليوم الدراسي وياتي الاخصائيين بيشربو شاي وياكلو فالمدرسه ويقبضوا كمان اكتر من المعلم انا من محافظه الغربيه وحزين جدا للحصل ولازم نعمل كلنا حاجه
|
[hلأستاذ كيمو ولو انى لااعرف ملابسات الموضوع لكن اسمحلى انا خريج 2007 وطالع الثالث على قسم الرياضيات وطلع عينى سنتين اجر وسنتين تعاقد مميز 2009 وبعدين ربنا اكرم علينا بالتعيين كل ده معاك وموضوع مدرس مساعد طيب احنا قعدنا سنتين مدرس مساعد يعنى مش شتيمه بس كل ما اريد تسجيله هو اعتراضى على اسلوب مربى فاضل زى حضرتك مع زميل له
(اذا نطق السفيه فلا تجبه ...فخير من إجابته السكوت لكن نسوا يعلمونا إذا قابلنا سفيه ومهزأ فى نفس الوقت زى حضرتك ده يبقى وضعه ايه)) ارى طالما مدرس وزميل وكمان على منتدانا الجميل فلا يوصف بهذا الوصف اعذرنى اخى الكريم هذا خطأ منك وكمان احنا فى ايام مفترجه ولا ايه ؟ [/quote] الأستاذ الفاضل/ إبراهيم طالما حضرتك تفضلت بأنك لاتعرف ملابسات الموضوع فالأولى لحضرتك ألا تتكلم فى الموضوع لأنك إذا تكلنت وحكمت بغير علم ومن حكم على الناس بغير علم فقد خالف قول الله"ولا تقف ما ليس لك به علم " أنا أخطأت والأستاذ مجدى أخطأ حينما قال ( أجمل نكتة سمعتها من إنسان تافه أوى ) وانت لم تذكر ذلك وبذلك قد حكمت بغير عدل ومن حكم على الناس بغير عدل فقد خالف قول الله"ولا يجرمنكم شنئان قوم ألا تعدلوا" والأهم من ذلك أن الأستاذ مجدى اعتذر وأنا اعتذرت ويعتبر تصالحنا وتصافينا ولكن أبيت حضرتك إلا أن تشعل نار الفتنة مرة أخرى- من غير قصد منك- وتستثير غضب الأستاذ مجدى مرة أخرى فقال لك لكل إنسان ملك يرد غيبته فالأستاذ مجدى شعر بأن الموضوع عدوانى وطلب من إدارة المنتدى حذف الموضوع لشعوره بالخطأ واعتذر أكثر من مرة وهذا ليس لضعف منه بل أراها حقيقة شجاعة ولكن بعض التعليقات جاءت وكأنها حزنت لما رأت الموضوع قد انغلق وتراضى الجميع وأرادوا أن يثيرو الموضوع تانى ولا حول ولا قوة إلا بالله وعلى فكرة يا استاذ ابراهيم أنا أيضا مدرس رياضيات ومش عايزك تزعل من الكلام بتاعى وكل سنة وأنت طيب |
احلى تحية لاحلى شباب
هدو اللعب شوية كلنا فى مركب واحد |
اقتباس:
طالما حضرتك تفضلت بأنك لاتعرف ملابسات الموضوع فالأولى لحضرتك ألا تتكلم فى الموضوع لأنك إذا تكلنت وحكمت بغير علم ومن حكم على الناس بغير علم فقد خالف قول الله"ولا تقف ما ليس لك به علم " أنا أخطأت والأستاذ مجدى أخطأ حينما قال ( أجمل نكتة سمعتها من إنسان تافه أوى ) وانت لم تذكر ذلك وبذلك قد حكمت بغير عدل ومن حكم على الناس بغير عدل فقد خالف قول الله"ولا يجرمنكم شنئان قوم ألا تعدلوا" والأهم من ذلك أن الأستاذ مجدى اعتذر وأنا اعتذرت ويعتبر تصالحنا وتصافينا ولكن أبيت حضرتك إلا أن تشعل نار الفتنة مرة أخرى- من غير قصد منك- وتستثير غضب الأستاذ مجدى مرة أخرى فقال لك لكل إنسان ملك يرد غيبته فالأستاذ مجدى شعر بأن الموضوع عدوانى وطلب من إدارة المنتدى حذف الموضوع لشعوره بالخطأ واعتذر أكثر من مرة وهذا ليس لضعف منه بل أراها حقيقة شجاعة ولكن بعض التعليقات جاءت وكأنها حزنت لما رأت الموضوع قد انغلق وتراضى الجميع وأرادوا أن يثيرو الموضوع تانى ولا حول ولا قوة إلا بالله وعلى فكرة يا استاذ ابراهيم أنا أيضا مدرس رياضيات ومش عايزك تزعل من الكلام بتاعى وكل سنة وأنت طيب [/quote] فعلا كلنا اخوه واحبه وانا اشهد الله انى احب الاستاذ كيمو والاستاذ ابراهيم وكل اعضاء المنتدى فى الله وكل عام وانتم بخير وعيد سعيد |
يبقى انت اكيد اكيد اكيد في مصر |
قول الحمدلله
|
| جميع الأوقات بتوقيت GMT +2. الساعة الآن 01:11 AM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.