احنا عاوزين عقد مميز زى اللى كان نواب الوطنى بيجيبوه لمعظم المدرسين اللى بالعقد احنا عاوزين نتساوى بيهم هما بياخدوا 650 جنيه واحنا بناخد 240 جنيه

هو فيه حاجة جدده فى الدقهلية بالنسبة لمدرسى الحصة يوم الاربعاء الى جاى 28_12_2011

اقصد هل من جديد؟حد يقول لنا

وانا من البحيره معااااااااااااااااااااااااااااااااااااااااااااااكم رغم لو فى خنصره من فلوسنا اكيد الوزير عارف ويبقى مشترك معاهم
واكيد شايف وبيسمع

ان شاء الله لو محصلشي حاجة اول يناير الوقفة هتبقي أول فبراير الكل يجهز نفسه بمشيئة الله

احنا تظلمات الشرقيه مضينا اول امبارح ترخيص عمل 110 جنيه و الوظيفه مكتوب معلم مساعد ...ليه معرفش و ايه الفرق بينه و بين كلمة معلم اللي كانت بتتكتب في خانة الوظيفه زمان؟؟
لان في متعاقدين تبع الخدمات مكتوب لهم عقد مؤقت مش ترخيص و الوظيفه معلم بس..
و المكافاه بند 2/3 اجور موسمين
و اللي عايزه استفسر من حضراتكم عنه ان الاجازات تخضع لقانون الجهاز المركزي للتنظيم و الاداره رقم 15 لسنة 2009 ...ايه بقه الاجازات المتاحه ؟؟
علي فكره احنا مش ساكتين و فيه ناس راحوا لوكيل الوزاره اعتراضا علي ال 110 قالهم هرد عليكوا منتصف يناير
و ادارة شرق الزقازيق اخدوا راتب 340 جنيه ..
وفيه اعتصام يوم 8/1/2012 للمطالبه بالتثبيت
و علي فكره فيه همس في الاداره ان كل العقود هتتثبت في يناير و معني كده انهم عاوزين شوية ضغط مننا للحصول علي حقوقنا ... يا ريت كل التظلمات في كل المحافظات تنادي بالتثبيييييت لا غني عنه لاعقود مميزه ولا غيره يعني نتثبت و نمتحن كادر بعدين زي معلمين الحصه اللي اتثبتوا قبل الثوره
ربنا معانا...

سمعت ان فى وقفه أمام مديريه التربية والتعليم بالدقهليه الاربعاء 28-12-2011

تم انشاء صفحة على الفيس لتواصل معلمو الحصه بالدقهلية تحت عنوان معلمو الحصه بالدقهلية
واجد صعوبه فى وضع الرابط بسبب عدد المشاركات
facebook.com/
groups/
325372734139398/

يجب التواصل بجميع الادارات

ياريت يا جماعه حد يقولنا اخر الاخبار فى الدقهليه

مدرسى الحصه فى الدقهليه ايه خر اخبارهم يوم 28-12-2011

كان فيه وقفة النهارده الاربعاء28-12-2011 لمدرسى الحصه بالدقهليه امام المديريه عاوز اعرف الوقفه دى وصلة لايه.............. هل فيه عقد ولا تثبيت من فضلكم د يقولى اخر الاخبار ضرورى

يعنى هم عملوا ايه فى المديريه

طبعاً اعطوا لهم حقن مسكنه وخلاص وقالولهم فوت علينا بكره يا سيد

هم عندهم الورق فى المديرية فى المنصورة وعارفين الى بيشتغل والادرات بعتلهم بكدة يطلعوا ورق الناس المزورة من الورق وكمان يطلعوا ورق الدبلومات ويعلملوا عقود مييزه اوتثبييت للناس الى معاهم موهلات عليا..............................ليه لازم التثثبيت اوالعقد لان الناس الى شغالين معانا فى شهر مارس وابريل بعد الثورة اتعملوهم عقود مميزه فى المحافظات الاخرى فمن باب العدل
نتساوى بهم وهم عملوا عقود لما يقرب من 132مائة واثنان وثلاثين الفا........................وبعدين حد يقولى احنا هنروح المحافظة فى الدقهلية نمل ايه بالضبط حد يقولى وهنروح وناخد حاجه معنا من الاوراق ولا لاأ

وفى قنا اتفقنا كلنا اصحاب العقود الؤقتة اتفقنا يوم الاحد القادم على مظاهرة للمساوااة
 

وفى قنا اتفقنا كلنا اصحاب العقود الؤقتة اتفقنا يوم الاحد القادم على مظاهرة للمساوااة باصحاب العقود المميزة وكذلك ممن هم بالحصة والمكافاة الشاملة

الله المستعان

فين المشرفين يا جماعه و اصحاب الخبره
من فضلكوا حد يرد علي اسالتي

ايه أخر أخبار الشرقيه ؟؟ ؟؟؟؟

كان فيه وقفه امام محافظة الدقهليه لمدرسى الحصة يوم الاحد الى فات1 - 1 -2012 ياريت الى يعرف هما وصلوا لايه يقول لنا ضرورى علشان يكون فيه تواصل

احنا فى قنا مدير الادارة قدم لنا طلب وبرضو رئيس مجلس المدينة قدم لنا طلب وهيتم عرضهم على المحافظ لكى يتم معاملتنا ماليا زى العقود المميزة وكذلك ادارة نجع حمادى وابوتشت وفرشوط ومستنيين باقى الناس تتحرك فى بقية الادارات

بيان هام من اداره جروب معلمين التعاقد فى محافظه الشرقيه
نظرا لعدم الاعتراف بنا نحن المعلمون المتعاقدون فى محافظه الشرقيه واهمال مطالبنا وحقوقنا فقد قررنا الاعتصام وعمل وقفة احتجاجية يوم 2012/1/22 امام مديرية التربية والتعليم بالزقازيق وامام مبنى محافظة الشرقية بالزقازيق ولن يتم فض اعتصامنا حتى ننال مطالبنا المشروعة فنرجوا المساندة حتى ننال مطالبنا

اولا:- لم نتسلم اى راتب شهرى منذ 2011/10/1 حتى الان
ثانيا:- تغيير الراتب الذى لا يكفى لكى نأكل عيش فقط وهو 110 جنية فقط لا غير
ثالثا :_ التثبيت

السلام عليكم
 

ربنا معاكوا ويقويكم يارب وانشالله يبقى فية خير مافيش حق بيضيع طول ماوراة حد بيطالب بية

ياجماعة العقد المميز اتلغى بق تثبيت ع طول بعد 3 سنين شغل
والعقد العادى معتش ب 150ج
اترفع ل 400 ج

احنا اتثبتا كمان قبل منكمل 3 سنين وفى ناس اشتغلت سنتين وشهر واتثبتوا معانا بردو
اصبروا بس وكل حاجة هتتعمل ان شاء الله واهم حاجة المحافظ هو الى بيعمل كل حاجة
ممكن يطلع قرار بتثبيت كل الى ع راس العمل هو الى ف ايده كل حاجة

اشتغلنا 6 سنين قبل الانقطاع و سنه بعد الانقطاع علي امل التثبيت و مانقطعناش بمزاجنا علشان الاخوه الحشريين اللي بيقولوا كنتوا بتسيبوا الشغل ليه ...؟
لازم ناخد حقنا و يرفعوا الظلم عننا
و لن يضيع حق ورائه مطالب....مينفعش السكوت
و لا لازم ثوره تانيه علشان ناخد حقنا و نتثبت ..مش عايزين نشوف كلمة عقود تاني عقدتنا في عشيتنا الكلمه دي تخيلوا سبع سنين بنسمعها .... ربنا يحرمنا منها و نتثبت

لالا متقلقوش خلاص معتش ف حاجة اسمها عقود
ان شاء الله تثبيت ع طول
احنا بردو فضلنا حاطين امل ع اننا ناخد عقد مميز بس ربنا سهل واتثبتنا عطول
ان شاء الله انتو كمان هتبقوا كدا

ااااامييييين يا ايمي و ربنا يبشرك دايما بالخير

الله المستعان يارب وفقنا ووفق الجميع

ايوة التثبيت ع معلم مساعد ملوش دعوة بالتربوى ولا ال اى سى دى ال
امتحان الكادر هو الى يحتاج تربوى بس ومعتش كمان الى سى دى ال شرط لدخول امتحان الكادر

بارك الله فيك علي هذه المعلومه وشكراً جزيلاً لك

ادارة جروب المعلمين المنقطعين بالشرقيه
رسالة لكل معلم متعاقد 110 جنيه وعائد من التظلمات
شارك في الإعتصام والوقفة الإحتجاجية يوم الأحد 22 يناير 2012 م الساعة 9 صباحا أمام مديرية التربية والتعليم بالزقازيق
لماذا ستشارك ولن تكون سلبيا وتنتظر في المنزل أن يأتي إليك التثبيت أو العقد المميز ؟
أنا سأشارك للأسباب الآتية :
> أستاذي الفاضل يقولون عنك في المديرية والإدارة بأنك عائد من التظلمات فهل رفعوا الظلم
عنك حتى الآن
> أستاذي الفاضل كنت تعمل منذ عشر سنوات أو أكثر أو أقل بمرتب 110 جنيه فهل تقبل أن
تعمل به الآن؟
>أستاذي الفاضل الدولة تستطيع وبكل سهولة تدبير موارد لتحويل العقد إلى مميز أو تثبيت؟
> أستاذي الفاضل الدولة والحكومة والوزير والمجلس العسكري لا يعلمون عنا شيئا حتى الآن ؟
> أستاذي الفاضل المحافظ ووكيل الوزارة قالوها لنا صريحة ليس لكم تثبيت أو مرتب أكثر
من 110 جنيه واحمدوا ربنا إنكم رجعتم الشغل
> أستاذي الفاضل لقد تركت عملك وعدت لتأخذ حقك كاملا وأنت الآن ليس لك مصدر دخل آخر
فهل ستصبر ثلاث سنوات حتى تثبت أو يتحول عقدك إلى مميز ؟
> أستاذي الفاضل المحافظ قام بزيادة حوافز الإداريين إلى 250% ورفض زيادة راتب
العقد 110 جنيه بحجة عدم وجود موارد
أنا سأشارك لأني أريد الحصول على حقي كاملا لقد ظلمت قبل ذلك ولن أقبل بأقل من حقي كاملا

شارك معنا يوم الأحد 22 يناير 2012 ولا تكن سلبيا ولا تجلس في المنزل وتقول من سيذهب يكفي لن يسمع صوتنا ولن يصل للمسؤولين إلا بإتحادنا جميعا

وطيب وايه هيا اخر اخبار مدرسى الحصة بالدقهليه

أنا من الدقهلية وأعمل بالحصة ومعى 20 حصة ولم اقبض حتى الان حتى 150 واوراق المرتب رجعت مرتين وعملوا 3 أشهر مع بعض والمجموع الكلى فى ال3 اشهر 387 بعد الخصم يعنى الشهر مش مكمل 150 علشان احنا اللى عايشين الواقع وعلى فكرة دة فى إدارةالسنبلاوين بمحافظة الدقهلية

انا من المحافظة المذكورة إدارة السنبلاوين ومعى 20 حصة ولم نقبض حتى الان حتى ال150 وللعلم عملت ورق ال3 اشهر مع بعض 387 بعد الخصم يعنى الشهر مش مكمل 150 مش عارفين إيه الكلام اللى بتقولوه ده .

وايه اخبار التعاقد او التثبيت بالنسبة لمدرسى الحصة بالدقهليه

> أستاذي الفاضل الدولة والحكومة والوزير والمجلس العسكري لا يعلمون عنا شيئا حتى الآن ؟