المشاركة الأصلية كتبت بواسطة رانيا حسن (المشاركة 393367)

ليه الغلط ده

حكمت على المدرس بالفشل

بصراحه انت اخطأت التعبير

المشاركة الأصلية كتبت بواسطة ملكة زمانى (المشاركة 393378)

مش دة اللى بيحصل دايما
مثلا عندنا فى المدرسة المدرس يتاخر ربع ساعة عن الحصة وبعدين يدخل معاة كوباية الشاى ويبعت واحدة من الطالبات تشترى بسكوت لحضرتة لانة مفطرش فى البيت
شوية والموبايل يرن (ونغمات انا مرضاش انزلها على موبايلى) وهكذا وساعات مبيحضرش الحصة اساسا ولما تيجى متابعة كل المدرسين يدخلوا الفصل ويشرحوا يجى المتابع ما المرسين بيشرحوا وكل حاجة اهوة امال فى اية يا بنات بتغيبوا لية والمدرس يرد يقولة احنا بنعامل ربنا فيهم علشان رببنا يبارك فى اولادنا وما ان يخرج المتابع والاستاذ يبتسم ويقول كلة اونطة ويطلع الشاى اللى كان مخبية فى الديسك
اكيد علشان مظلمش حد مش كل المدرسين كدة وبرضوا مش كل البنات ملتزمين مش هتصدقونى لو قولت ان فى بنات بتنط من على السور عندنا
م الاخر مدرستنا دى مش مدرسة على راى واحد من المدرسين

المشاركة الأصلية كتبت بواسطة hema7575 (المشاركة 393386)

شكرا ليكى استاذة رانيا
بس هناك عديد من النواحى اولا البيت والداولة والتعليم وعدم وجود العمل بعد التخرج وثانيا المدرس ذاتة الدروس الخصوصية لان الطالب عارف انة لو مفهمش عادى ممكن الدرس لانة بيعتبر انة بيشترى المدرس ببع المال وهناك اشياء اخرى كثيرة

المشاركة الأصلية كتبت بواسطة رانيا حسن (المشاركة 385304)

بالامس الفريب كان الطلاب يتمنون ان يدخل المدرس ويشرح لهم فى الحصه
حيث كان الاحترام والود متبادل بين الطرفين

أما الان فالوضع اختلف تماما
فالمدرس فى المدرسه اليوم يترجى الطالب ويتوود اليه
ليستمع للشرح طبعا دا فى حاله اذا الطالب حضر الى المدرسه اساسا

مش عارفه ايه اللى حصل
علاوة على ذلك سوء معامله المدرس والتطاول عليه احيانا
قد تناسى الطلاب قول الشاعر
قم للمعلم وفه التبجيلا 0000 كاد المعلم أن يكون رسولا

يا ترى ايه السبب ؟؟؟؟؟؟؟؟ !!!!
منتظرة ردودكم وأرائكم

وكمان الحلول المقترحه يمكن يكون ده بدايه صحيحه ويقظه من سبات عميق
أطاح بالطلاب

المشاركة الأصلية كتبت بواسطة سبيدر مان (المشاركة 394203)

شكرا استاذه
رانيا
على الموضوع الجميل جداً
وبيناقش مشكلة
فعلاً منتشرة جدا

بارك الله فيكى

المشاركة الأصلية كتبت بواسطة Taleba Me7tasa (المشاركة 394561)

يا مس رانيا الدروس الدروس هي السبب الاول والاخير واللي ف النص كمان

لو مكانش فيه دروس كان المدرس هيوجه طاقته كلها للطلبة ف الفصل

لو مكانش فيه دروس كان هيبقى الطلبة ف اشد الحاجة لاي كلمة يقولها المدرس ف الفصل

لو مكانش فيه دروس مكناش هنضطر نغيب من المدرسة عشان نذاكر للدرس ونعمل واجبات الدرس

مش انا طالبة وف ثانوية عامة لكن اما بروح المدرسة ايه اللي بيحصل
مدرسين فاضيين كل همهم الكراسة والسبورة
تخيلي ان فيه مدرسين بيمسكولنا كراسة المكتب ويعملولنا امتحانات لحد دلوقتي

بروح اضيع وقتي واشوف صحابي واروح الدروس مصدعة ومش مذاكرة وعايزة انام

المشاركة الأصلية كتبت بواسطة Am.k.A (المشاركة 394594)

أنتم بلشكل ده ظالمينا قوى عندى كلام كتيييييييييييييييير قوى عاوزة اقوله لكن معنديش وقت عارفين ايه السبب
اكيد لأ كلمكوا معناه كده
السبب هو الدروس الخصوصية مهو لو احنا بناخد حصصنا فى المدرسة والأساتذة البهوات بيشرحوا عدل ولا كنا سيبنا المدرسة و لا خدنا دروس خصوصية لكن هيهات بنادى على مين على مدرس يدخل الحصة معاه كوب شاى يشربه و يقضى بقيت الحصة نوم علشان يروء دماغه للدروس
يا ريت تناقشوا المشكلة من جميع الجوانب و من جذورها

المشاركة الأصلية كتبت بواسطة basmala (المشاركة 398934)

مدرسه ...!! ...مدرسه ايه ؟؟؟

المدرسين دول اشخاص لاتبحث الا على الفلوس

هياخدوا كام اخر الحصه والمدرسين مابقوش بتوع مدارس ولا شرح

المدرسين بقول بتوع دروس خصوصيه ..وياريت كمان الواحد منهم بيشرح بضمير فى الدرس الخصوصى لا كروت الدرس واقلب واللى فهم فهم واللى مافهمش يدور على اكبر حيطه ويخبط دماغه فيها

هتلاقى من كل عشرين مدرس فى مصر مدرس واحد ممكن يكون عنده ضميره

من الاخر الموضوع ده ماينفعش نتكلم فيه ...سلام