|
انا اكتشفت انه فى حاجة تانية بضايقنى التدخين والسجاير
|
انا اللى بيضايقنى فعلا صوت الاطفال لما بتعيط
بحس انى عايزة اقوم اضربها فى الحيط كنتم مع اسيرة الدمع |
ايه حكاية كنتم مع اسيرة الدمع معاكى يا عسوله
|
فعلا صوتهم بحس بانه عايزة اموت نفسى منه ولو منفزتش طلبهم ببقى زعلانه زيهم
|
نا اكتر جاجة بكرها الكلام الكتير وبرود الاعصاب والغباء
والمزاكرة ههههههههههههههههههههههههه |
صح وحطى مليون خط تحت المذاااااااكرة
|
اقتباس:
انا على فكرة اقصد الستات الكبيرة اللى بيلعبوا فى الخمسين سنة يعنى فى الاكسترا تايم:) والT ده شئ بيستخدمه طالب هندسة مش اكتر عشان اسطر الكشكول واكتب التاريخ وكده يعنى:) |
عندك حق فعلا انا معاك انها قلة ادب
|
انا بتضايق اما حد يفهمنى على مزاجه مش زى ما انا عايز افهمه عنى ( حبيبك بيبلعلك الزلط وعدوك يتمنالك الغلط )
بس النوعيات دى الواحد يبعد عنها احسن |
احسن حاجة انك عارف السؤال والاجابة
|
انا برده اكتر حاجه بضايقنى ان صحبتى تتصل وتصحينى من النوم
بتصحى من الساعه تمانيه وتتصل بيا وانا نايمه تقولى قومى اصحى ذاكرى مش انا صحيت يبقى لازم تصحى انتى كمان ههههه ممله وطبعا ان اى حد يفهمنى غلط ويتعصب عليا |
ممكن دموع الاطفال
|
:D فى الواقع يا جميل اكيد فى حاجات بتكون فى اولويات قايمة الاشياء اللى بتضايقنا زى (زعل بابا او ماما او اخواتى او انتيمتى وحاجااااات كتيرة كدة مهمة) بس بما انك قولتى عايزة شئ مختلف فانا اقولك شئ مختلف وفعلا بيضايقنى وهو انى اكون قاعدة فى اى روم فى البيت او فى اى حتة فى البيت وحد ينادى عليا انا مش بضايق لما حد ينادى بس بضايق انه يفضل ينادى والمطلوب منى انى اجى بسرعة البرق طب حاضر جاية بس نادى مرة واحدة مرتين لكن مش تفضل تنادى :mad: راعى المسافات اللى فى البيت لا واضايق اكتر لو كان اللى بينادى عليا اخويا علشان يورينى حاجة فى التليفزيون بتجنن انا:mad: وحاجة كمان المصارعة بتضايق جدا لما بشوفها مبحبش العنف دة وخاصة ان اخواتى الاتنين اول لما بيتفرجوا عليا بيقوموا ينفذوها على طول ومش بيتخانقوا ولا حاجة هما يادوب كدة يضربوا بعض وبعدها تلاقيهم بيلعبوا مع بعض بس الحمد لله ماما منعتها ومنعت مشاهدتها ({بنا يخليكى يا ماما :)) ربنا يهديهم موضوعك جميل شهد |
الله يكرمك ياحبيبتى
ويخليلك بابا وماما |
انا اكتر حاجة بتدايقنى الشباب الى فىالشارع بحس انهم مش فهمين حاجة وبكرة الزحمة موت والصوت العالى وبكرة الناس الرغاين ةالحشرين
|
الغش والكدب والخيانة
وان حد يشوف حد بيضحك عليه ويقف ساكت ومش يساعده.......... والغرور ولطمع والبخل والرخامة وقلة الزوق وحطى تحت دية مليون خط وكمان عدم احترام المواعيد بتجننى مووووووووووت يعنى لو مدية لحد معاد ومجاش فى المعاد بالضبط ممكن امشى واسيبه بقى يجى وقت ما يحب |
انا اكتر حاجة بتضيقى البنت الى دمها تقيل اصلى كرهتم من الدروس الى بخدها معهم
فى حد يوفقنى الراى |
مش بتقول فى موضوعك انك مش بتاخد ولا درس؟؟؟؟؟؟؟؟؟؟؟؟؟؟؟؟؟؟؟؟؟
|
موضوع جامد جامد فعلا
بصي يا ستي اكيد في حاجات مش هفتكرها بس انا هقول اللي جاي على بالي دلوقتي:rolleyes: اكيد طبعا المزاكرة اولهم..الشباب التافهين او المعقدين او الصايعين .. قلة الذوق ...الرخامة وتقل الدم.. عدم التماس العذر للآخرين.. عد احترام المواعيد ..اني اتسبب في زعل او ديق حد خصوصا لو ماكنتش قاصدة .. اني اعمل حاجة متغصبة .. الحيرة .. الكدب والغرور .. لبس البنات اللي انتشر ده واللي بيغظني اكتر ان بنات تبقا لابسة محذق وملذق يعني مثلا بادي وبنطلون و ميكب كامل وتروح لابسة طرحة من فوق طب والنبي ايه لازمتها دي؟؟؟؟؟:confused: حاجة تجيب الضغط:mad: وطبعا في حاجات اساسية زي ان حد عزيز عليا يتعب او ان ماما وبابا يزعلوا بسببي .. او اني اعمل حاجة غلط تغضب ربنا ..أو ان حد يسئ لنبينا او اسلامنا.. الحاجات دي يعني بس انتي قولتي عاوزة حاجات مختلفة وطبعا في حاجات مش فكراها المهم ان موضوعك لذيذ اوي ميرسىىىىىىىىى جداااااااااا وشكرا جزيلا thank u je te remercies beaucoup |
جزاكى الله خيرا ياحبيبتى
|
يااااااااه مش هنخلص
- الصوت العالى من غير لزمه - الرغى اللى فى غير محله - المواصلات عامه - الزحمه - الشباب والبنات اللى من كوكب المريخ فى الكليه عندنا - المنقبات اللى بيغطوا وشهم بس مش هخلص لو اتفتحت كفايه عليكو كده :d |
بارك الله لكم
|
اكتر حاجة بضايق منها لما بكدب
وبالنسبة للناس الواحد اللى بيكبر موضوع ميستهلش |
أنا أكتر حاجة بتضايق منها الغلاسة .... لما واحد يدخل نفسه فى حاجة ملوش فيها اصلا
أنا أخر مرة كنت راجع فيها القاهرة من الزقازيق كنت راجع فى القطر بالليل وكان فى اتننين صعايدة تجار شنطة مسحيين وكان قاعد جنبهم شاب مسلم ومربى دقنه وكده ببص لقيته مطلع المصحف وبيقرأ بأعلى صوته ويفضل يلقب فى المصحف ويدور عن الايات اللى بتتكلم عن المسيحيين وكل ما تيجى أية عنهم يبصلهم جامد أوى كانه بيتكلم معاهم وفى بعض الايات كان بيدوس عليها جامد ويفضل يعيد فيها مية مرة ( لقد كفر الذين قالو ان الله ثالث ثلاثة .......) (يا أهل الكتاب لما تغلون فى دينكم غير الحق .....) وأيات من هذا القبيل وبجد أنا كنت هطق وانا فى الموقف ده والعربية كان كلها طلبة وقاعدين بيذاكرو وناس بتتكلم وده معلى صوته على الاخر وماحدش عارف يعمل أى حاجة فأخر ما زهقت بقوله لو سمحت عايزين نذاكر فقالى يعنى ايه أبطل قراءة .... قلتله لا ياعم بس اقرا بصوت أهدأ شوية وبعدين حرام عليك أصلا اللى انت بتعمله ده فقالى انت اللى هتعرفنى الحرام والحلال وبعدها دخلنا فى حوار مرضان وفى الاخر طلع طالب عندنا فى الجامعة فى كلية العلوم سنة رابعة |
لو جيت اقولكم اكتر حاجة بتضايقنى
يووووووووووووه متعدوش خدوا عندكم 1/صوت الاكياس البلاستيك 2/صوت الطباشير على السبورة 3/صوت الحمار 4/صوت.....واحد زميلى وهو بيتكلم |
لما بيجي الإعلان بتاع اللي إسمه مهند دا ولا دي مش عارف
لما بشوف جمال البنا لما بسمع مجلس الشعب أو أي خطاب حكومي لما بشوف وزير التربية والتعليم لما بخش فصول الأدبي |
اولا شكرا على الموضوع
انا اكتر حاجه بتضايقنى حاجات كتير بس اكتر حاجه انى اكون بتكلم مع حد وقاعد يكدب من الصبح واناعايزه اقوله انت كادب ومش عارفه وانا بردوا بضايق من نفسى لو كادبت فموقف معين بعيد عن الكدب لما اكون ماشيه فى الشارع وتكون الناس بتبص عليا كأنى عامله جريمه بس دلوقتى عادى علشان لقيت ناس كتير بيحصل معهم كده اخر حاجه صوت اى حاجه وانا بذاكر رغايه اوى صح |
بارك الله فيكم وجزاكم الله كل خير فعلا
حاجات بتضايق وخصوصا اللى استاز خالد قال عليها هههههههههههههههههههههه مجلس الشعب |
فيه كمان حاجه بضيقني البنات اللي قبل الخطوبه صوتهم واطي ومبيحبوش الصوت العالي وبعد الجواز تصحي علي صوتها مع العيال
|
هههههههههههههههههههههههه
بجد بجد فعلا انا مت من الضحك لما قريتها جزاك الله الف خير |
يااااااااااااااااااااه الحاجات اللى بتضايقنى كتير اوى
بس اقرب حاجه خليتنى متضايق جدا النهارده وانا نازل الصبح رحت المكتبه وبعد كده وانا رايح الشركه ومعايا تصاميم كنت شغال فيها تقريبا تلات ايام متواصلين بقمة البساطه وانا فى المترو واحد واقف جانبى وميشرب كنز والمترو فرمل مر ه واحده لقيت الكنز ده كله عندى فى الشنطه وطبعا كل التصاميم باظت وبكل بساطه الباشا قام باصص لى وقلى سورى طيب لو كنتو مكانى كنتم هتعملو ايه واللى يغيظنى اكتر انى مسكت نفسى وقلتله ولا يهمك ومعرفش واله انا سكت ساعتها ازاى مع انى ..... احم كفايه كفايه شكرا ليكى على الموضوع الجميل وبليز اى حد داخل الموضوع يغنى بحبك وحشتينى:d |
اكتر حاجه بتضايقنى
اشوف طفل بيبكى |
عليه العوض فى التصاميم ياكابو
معلش خيرها فى غيرها وربنا يكرمك وجزاك الله كل خير للرد وابن الريف بارك الله فيك |
اقتباس:
1- بجد انا اكتر حاجة بضايقنى صوت طرقعة اللبان ( والله بجد فعلا ) وفى حاجة تانية ....... 2- اللامبالاه عند بعض الناس 3- اشوف اشوف المكان اللى قاعد فيه غير منظم او غير مرتب ( يعنى احب اشوف كل حاجة فى مكانها ) |
اقتباس:
والله صعبان عليا موووووووت:( معلش معلش خيرها فى غيرها بس كله منك مانت لو كنت عملت التوقيع بتاعى مكنش حصل الى حصل:d ههههههههههههههه فرحانة فيك وبعدين الى خلاك تشتغل 3 ايام اشتغل غيرهم يا راجل:romarioxp6: كله علشان مصر ( مش عاارفة ليه حاسة انى بكلم احمد عرابى ):d ما علينا انا اكتر حاجة بضايقنى انا اشوف حد بيكدب قدامى او حد تانى يكون بارد ويكلمنى ببرود:( ( للعلم بالشئ انا باردة جداااا) :blush: بس اكيد البرود ليه وقته بس مش فى كل الاحوال وبضايق موت لما اشووف الى اسمه مهند دة :angry2: او اى بنت بتتكلم عنه لانى بصراحة بتخنق منه انا مش عارفة على ايه بيقطعوا بعض علشانه وهو الى فيه شكل وبس اه وكمان حاجة بضايق جداااااا لما حد بيشتم او بيتريق على كريستيانو رونالدو:( ميرسى يا قمراية على الموضوع الجميل دة:av4056bb7jp3: |
شكرا ياجماعة على مروركم
اللى بينور الموضوع فعلا بجد |
أكتر حاجه بتضايقنى
لما حد يقصد انه يستفزنى عن قصد أو لما اتكلم مع حد فى حاجه مهمه وألاقيه مكنش معايا أصلا ( بتنرفز جدا ) وحاجات كتير بقى حسب المواقف |
حاجات كتير جدا جدا جدا بتضايقني خدو عندكم
لما الاقى حد مشغل اغاني في المحاضرة لما الاقى حد بيشرب سجاير في رمضان لما نعد نشتم في امريكا واسرائيل ونقول مقاطعه ولو عديت على اي مطعم من بتوع كنتاكي او مكدونالدز تلاقى طوابير لما تلاقى طلاب المدارس مأنتمين مع بعض وال ايه الواد بيحب البت حب ايه لواحد لسا بياخد مصروف يجيب بيه مصاصة لما تلاقى واحده لابسه طرحة سبانش مع جينز لو ويست وبدي بيبين من جسمها اكتر من اللى بيغطيه ويتقال عليها محجبة لما تلاقى ان عدد اللى طلعو في مظاهرة علشان تامر حسني يطلع من السجن اكتر من اللى طلعو في مظاهرات غزة لما واحد مزور اوراق تخرجه وهربان من الجيش يتقال على حفلاته مشوار في حب مصر ويقولك لو كنا بنحبها لما نقول على الشاب اللى يكلم بنات بكره يعقل والبنت اللى تكلم شباب صايعه وعاوزة الحرق دول بقى حاجات بتعصبني مش بتضايقني بس اولا لما حد يقولى كلمة باي ساعتها ببقى عاوزة اديله سوبلكس مايقومش منه انا مشتركة في موقع تعارف وكاتبه في البروفايل بتاعي اني بتعرف على بنات بس كل شوية يجيلي رسالة من واحد كاتبلى فيها عارف انك مش هاتكلمي شباب بس بجد نفسي اتعرف عليكي وانا مختلف عن اي حد معرفش دا مختلف ازاي يكونش بيمشي بضهره دمتم بود |
شكرا ياقطوقتى ياجميلة انابتفق معاكى
فى حاجة السجاير فى رمضان |
فى حاجات كتير اوى
منها الناس اللى معظم كلامهم سخريه و اما يكون فى حد قاصد انه يستفزنى والناس اللى طول الوقت قاعدين يمثلوا على بعض |
بتخنق من الاغانى الشعبيه
|
بارك الله فيكم وشكرا للمرور
|
اقتباس:
تصدقى عارفة انا الموقع الى قصدك عليه وعلى فكرة بتحصل كتير الحركة دى مش عارفة ليه كل واحد فاكر نفسه مختلف عن التانيين عنده ايد زيادة ولا اييه مش فاهمة انا |
اقتباس:
بليز غيرى توقيعك ده بقه بلاش حزن بقه |
اقتباس:
يالحووووووووووووووى بقى كدة ماسى ماسى (ماشى ماشى سابقا) يا عاطف اخويا الكبير ولازم استحمله وبالعند فيك مش هاغيره دلوقتى مانت عرفت الى فيها بقى يبقى مش هيتغير دلوقتى شوية كدة النفسية تهدا ويتغير ان شاء الله |
ربنا يغير الحال يا رب وتكونى سعيده دايما
أفك انا بقى قبل ما شهد الجنه تمسكنى وانا قاعد ارد فى الموضوع اكتر من عشرتاشر مره كده ربنا يستر بقه ومقابلهاش وانا خارج من الموضوع واضرب ههههههههههه سلام عليكم |
لالالا شهد الجنة غلبانة اوى على فكرة
بس حظك برضه انك خرجت منها سليم ياكابو المرة الجاية هقفشك واسلمك بايدى للبوليس خلاص اتفقنا انا طبعا بهزر انا مبسوطة جدا بيكوا وبكوكى كمان |
انا اكتر حاجة بضيقنى من الناس الشخص المغرور المتكبر و الكذاب و المنافق و على فكرة اليعيش يامة يشوف دة الناس اشكال و الوان
|
اقتباس:
ياراجل حرام عليك يا كابو دى شهد حبيبتى طيوبة موووووووت ومش بتعمل حاجة خالص اقتباس:
شفت الطيبة مش هتضربك هتقفشك وتسلم للبوليس بس هيا دى الطيبة يا ناس اقتباس:
ربنا يكرمك يارب والله انا فرحانة اكتر انى برد على موضوع ليكى يا قمرى |
اكتر حاجه ممكن تضايق بجد
ان حد يبقى محتاج للمساعده وانت مش قادر تعمل اى حاجه تساعده بيها (الشعور بالعجز اكتر حاجه تضايق) |
| جميع الأوقات بتوقيت GMT +2. الساعة الآن 10:09 PM. |
Powered by vBulletin® Version 3.8.11
Copyright ©2000 - 2025, Jelsoft Enterprises Ltd.